კლოტრიმაზოლი ხსნარი 1% 25მლ ფლ
3.81 ლარი
ფარმაკოლოგიური ჯგუფი:
სოკოს საწინააღმდეგო და მასთან ერთად სხვა ეფექტების მქონე პრეპ., მონოკომპონენტური პრეპარატები
ქვეყანა: უკრაინა
მწარმოებელი: ბორშაგოვკა ქფქ
ჯენერიკი - შეადარეთ ანალოგები:
კლოტრიმაზოლი
გაცემის ფორმა: III ჯგუფი ურეცეპტო
კოდი: 8860
გააზიარე:
სამკურნალო საშუალების სამედიცინო გამოყენების
ინსტრუქცია
კლოტრიმაზოლი
(CLOTRIMAZOLE)
შემადგენლობა: მოქმედი ნივთიერება: კლოტრიმაზოლი;
პრეპარატის 1 მლ შეიცავს ( 100% მშრალ ნივთიერებაზე გადათვლით)- 10 მგ;
დამხმარე ნივთიერებები: პროპილენგლიკოლი, პოლიეთილენგლიკოლი 400, ეთანოლი 96%.
სამკურნალო ფორმა: ხსნარი გარეგანი გამოყენებისათვის.
ძირითადი ფიზიკურ-ქიმიური თვისებები: გამჭვირვალე, უფერო ან თითქმის უფერო ოდნავ მოყვითალო ელფერის მქონე სითხე.
ფარმაკოთერაპიული ჯგუფი. სოკოს საწინააღმდეგო ადგილობრივი გამოყენების პრეპარატები. იმიდაზოლისა და ტრიაზოლის წარმოებულები. ათქ კოდი D01 A C01.
ფარმაკოლოგიური თვისებები.
ფარმაკოდინამიკა კლოტრიმაზოლი არის იმიდაზოლის წარმოებული, მოქმედების ფართო სპექტრის მქონე სოკოს საწინააღმდეგო საშუალება. მისი მოქმედების მექანიზმია სოკოების უჯრედული მემბრანის ასაშენაბლად საჭირო ერგოსტეროლის სინთეზის დამუხრუჭება, რაც იწვევს მისი გამტარიანობის დარღვევასა და შემდგომ უჯრედის რღვევას. გარდა ამისა, კლოტრიმაზოლი თრგუნავს პეროქსიდაზების აქტივობას, რაც დამატებით ამსუბუქებს სოკოს უჯრედში წყალბადის ზეჟანგის დაგროვებას. წყალბადის ზეჟანგის კონცენტრაცია მატულობს ტოქსიკურ დონემდე, რაც იწვევს შემდგომში უჯრედის რღვევას.
კლოტრიმაზოლს გააჩნია მოქმედების ფართო სპექტრი: ის ეფექტურია დერმატოფიტების, საფუარის სოკოს მიმართ; ახდენს ანტიბაქტერიულ ეფექტს ერიტრაზმის გამომწვევებზე, სტაფილოკოკებზე (Staphylococcus spp.) და სტრეპტოკოკებზე (Streptococcus spp.).
ფარმაკოკინეტიკა. კანზე წასმისას აღწევს კანის რქოვან გარსში და იქ გროვდება. გარეგანი გამოყენების დროს კანიდან იწოვება პრეპარატის უმნიშვნელო რაოდენობა. სისხლის სისტემურ მიმოქცევაში პრაქტიკულად არ აბსორბირდება.
კლინიკური მახასიათებლები.
ჩვენებები
- კანისა და ლორწოვანი გარსის სოკოვანი დაავადებები, რომლებიც გამოწვეულია დერმატოფიტებით, საფუარის, ობის სოკოებით და სხვა გამომწვევებით, რომლებიც მგრძნობიარენი არიან კლოტრიმაზოლის მიმართ; პირის ღრუს კანდიდოზები (კანდიდოზური სტომატიტი).
- ფერადი ლიქენი, ერითრაზმა.
უკუჩვენებები მომატებული მგრძნობელობა კლოტრიმაზოლისა და/ან პრეპარატის სხვა კომპონენტების მიმართ. ურთიერთქმედება სხვა სამკურნალო საშუალებებთან და ურთიერთქმედების სხვა სახეობები. კლოტრიმაზოლი თრგუნავს სხვა გარეგანი გამოყენების სოკოს საწინააღმდეგო პრეპარატების მოქმედებას, კერძოდ ამფოტერიცინის, ნისტატინისა და ნატამიცინის. კლოტრიმაზოლის ანტიმიკრობული მოქმედება ძლიერდება ჰიდროქსიბენზოის მჟავის პროპილის ეთერის მაღალი კონცენტრაციების დროს.
დექსამეტაზონი მაღალ დოზები აფერხებს კლოტრიმაზოლის სოკოს საწინააღმდეგო მოქმედებას.
გამოყენების თავისებურებები.
კლოტრიმაზოლი სიფრთხილით უნდა იქნას გამოყენებული, თუ ადრე ადგილი გქონდა ალერგიულ რეაქციებს სხვა სოკოს საწინააღმდეგო საშუალებებებზე. გაღიზიანების ან ჰიპერმგრძნობელობის სხვა მოვლნების წარმოქმნის შემთხვევაში პრეპარატის გამოყენება უნდა შეწყდეს. პრეპარატი არ გამოიყენება ოფთალმოლოგიურ პრაქტიკაში. პრეპარატის თვალებთან კონტაქტის თავიდან უნდა იქნას აცილებული. თუკი ეს მოხდა, საჭიროა თვალების დიდი რაოდენობის წყლით ჩამობანა.
არ გადაყლაპოთ პრეპარატი!
მკურნალობის პერიოდში არ არის რეკომენდებული ისეთი ტანსაცმლისა და ფეხსაცმლის ტარება, რომელიც არ ატარებს ჰაერსა და ტენს. პრეპარატის წასმის შემდეგ არ არის საჭირო დამუშავებული ზედაპირის დაფარვა ან ოკლუზიური (ჰაერგაუმტარი) სახვევის გაკეთება. ეფექტის არარსებობის შემთხვევაში უნდა იქნას ჩატარებული მიკრობიოლოგიური გამოკვლევა დიაგნოზის დადასტურებისა და დაავადებისსხვა მიზეზის გამორიცხვისათვის. აუცილებელია პრეპარატის გამოყენება მკურნალოვის კურსის მთელი ვადის მანძილზე, მაშინაც კი, როდესაც დაავადების სიმპტომები უკვე გამქრალია. ამ რეკომენდაციების დაცვა დაგვეხმარება თავიდან ავიცილოთ რეინფექციის (დაავადების ხელმეორედ წარმოქმნის) განვითარება. პრეპარატი შეიცავს პროპილენგლიკოლს, რამაც, შესაძლოა, გამოიწვიოს კანის გაღიზიანება (კონტაქტური დერმატიტი).
გამოყენება ორსულობისა და ძუძუთი კვების პერიოდში.
კლინიკური კვლევები კლოტრიმაზოლის ქალებში ფერტილობაზე გავლენის შესახებ არ ჩატარებულა, თუმცა ცხოველებზე ჩატარებულმა კვლევამ არ გამოავლინა კლოტრიმაზოლის გავლენა ფერტილობაზე.
კვლევების რაოდენობა ორსულობის პერიოდში კლოტრიმაზოლის გამოყენების საკითხზე შეზღუდულია, თუმცა ცხოველებზე ჩატარებულმა კვლევებმა არ გამოავლინა პირდაპირი ან ირიბი მავნე მოქმედება რეპროდუქციული ტოქსიურობის თვალსაზრისით. პრევენციული ზომის სახით სასურველია კლოტრიმაზოლის გამოყენების თავიდან აცილება ორსულობის პირველ ტრიმესტრში. რეაქციის სიჩქარეზე გავლენა ავტოტრანსპორტის ან სხვა მექანიზმების მართვის დროს.
არ ახდენს გავლენას.
გამოყენების წესი და დოზები.
პრეპარატის აპლიკაციის წინ კანი უნდა იქნას დაბანილი თბილი საპნიანი წყლით,განსაკუთრებით თითებს შუა უბნები, და გულდასმით გამშრალებული. კლოტრიმაზოლი უნდა დაიტანოს დაზიანებულ უბნებზე 2-3 ჯერ დღე-ღამეში და მსუბუქად შეიზილოს. კლოტრიმაზოლის რაოდენობა უნდა იქნას საკმარისი იმისათვის, რომ მთელ დაზიანებულ ზედაპირზე ერთნაირი სისქით წაისვას. დერმატომიკოზის შემთხვევაში რეკომენდებულია პრეპარატის გამოყენება ყოველი დაბანის შემდეგ.
პირის ღრუს სოკოვანი დაზიანებების მკურნალობის დროს სხნარის 10-20 წვეთი (0,5-1 მლ) დაატანეთ ლორწოვანი გარსის დაზიანებულ უბნებზე ბამბის ტამპონის ან ჩხირის მეშვეობით დღე-ღამეში 3-4 ჯერ. პრეპარატის წასმის შემდეგ არ არის რეკომენდებული საკვებისა და სასმელების მიება 1 საათის განმავლობაში.
მკურნალობის ხანგრძლივობა შეადგენს:
დერმატომიკოზებო - 3-4 კვირა;
ერითრაზმა - 2-4 კვირა;
ქატოსებრი სირსველი - 1-3 კვირა.
ბავშვები. ვინაიდან ბავშვებში პრეპარატის გამოყენების გამოცდილება არ არსებობს, ამ კაატეგორიის პაციენტებისათვის პრეპარატის გამოყენება არ არის რეკომენდებული.
დოზის გადაჭარბება.
ინსტრუქციის მიხედვით პრეპარატის გამოყენებისას დოზის გადაჭარბება ნააკლებად სავარაუდოა. სიმპტომები: არ არსებობს მწვავე ინტოქსიკაციის რაიმე რისკი, ვინაიდან ნაკლებად სავარაუდოა, რომ დოზის გადაჭარბება შესაძლებელია კანზე ერთჯერადი დატანებისას (კანის დიდ ფართობზე გამოყენებისას პირობებში, რომლებიც ხელს უწყობენ მომატებულ შეწოვას), და აგრეთვე შემთხვევითი პერორალური გამოყენების შემდეგ.
პრეპარატის დიდი რაოდენობის შიგნით მოხვედრის შემთხვევაში შეიძლება წარმოიქმნას კუჭის ამორეცხვის აუცილებლობა, თუ სიცოცხლისთვის საშიშროების შემქმნელი დოზა გამოყენებული იქნა წინა ერთი საათის განმავლობაში ან გვაქვს დოზის გადაჭარბების ხილული სიმპტომები: გულისრევა, ღებინება, ტკივილი მუცლის ღრუში, ღვიძლის ფუნქციის დარღვევა. მკურნალობა: სპეციფიური ანტიდოტი არ არსებობს. უნდა შეწყდეს პრეპარატის გამოყენება, კუჭის ამორეცხვა უნდა ჩატარდეს მხოლოდ იმ შემთხვევაში, როდესაც არის სასუნთქი გზების სათანადო დაცვა. სიმპტომატური თერაპია.
გვერდითი რეაქციები.
იმუნური სისტემა.
ალერგიული რეაქციები, ანაფილაქსიური/ანაფილაქტოიდური რეაქციების (ანაფილაქსიური შოკი, ანგიონევროზული შეშუპებები, არტერიული ჰიპოტენზია, გულის წასვლა, ქოშონი, ჭინჭრის ციება) ჩათვლით.
კანი და კანქვეშა უჯრედისი
სიწითლე, ბებერების წარმოქმნა, აქერცვლა, წვის/სიცხის, ჩხვლეტის შეგრძნება, ლოკალური შეშუპება, ქავილი, გამონაყარი, ზოგადი გაღიზიანება, ტკივილი/დისკომფორტი, სიმშრალის შეგრძნება, ალერგიული, კონტაქტური დერმატიტი.
მოცემული ნიშნების განვითარება მოითხოვს პრეპარატით მკურნალობის შეწყვეტას. ვარგისობის ვადა. 3 წელი.
შენახვის პირობები. სინათლისაგან დაცულ ადგილზე არაუმეტეს 25˚ C ტემპერატურაზე. შეინახეთ ბავშვებისაგან მიუწვდომელ ადგილზე.
შეფუთვა. 25 მლ ფლაკონში.
გაცემის წესი:
ფარმაცევტული პროდუქტის ჯგუფი III, გაიცემა რეცეპტის გარეშე
მწარმოებელი. საჯარო სააქციო საზოგადოება „სამეცნიერო-საწარმოო ცენტრი „ბორშჩაგოვის ქიმიკო-ფარმაცევტული ქარხანა“.
მწარმოებლის ადგილმდებარეობა და მისი საქმიანობის განხორციელების მისამართი. უკრაინა, 03134, ქ. კიევი, მირის ქუჩა, 17.
ბოლო გადახედვის თარიღი. 22.02.2019
