აზითროსენსი 500მგ #3ტ

13.80 ლარი

ფარმაკოლოგიური ჯგუფი: მაკროლიდების ჯგუფი

ქვეყანა: პოლონეთი

მწარმოებელი: ადამეტ

ჯენერიკი - შეადარეთ ანალოგები: აზითრომიცინი

გაცემის ფორმა: II ჯგუფი რეცეპტული

კოდი: 86939

გააზიარე:

შეუკვეთე

ანოტაცია
სად შევიძინო

აზითროსენსი 500მგ N3ტ

შემადგენლობა

აპკით შემოგარსული თითოეული ტაბლეტი შეიცავს აზითრომიცინს (დიჰიდრატის სახით) 500 მგ.

ფარმაკოკინეტიკა

აზითრომიცინი პერორალურად მიღების შემდეგ სწრაფად შეიწოვება და მისი ბიოშეღწევადობა დაახლოებით 40%-ს შეადგენს. საკვების მიღება ანელებს კაფსულების და არა ტაბლეტების ან სუსპენზიის შეწოვას. დოზის პერორალურად მიღების შემდეგ პლაზმაში კონცენტრაციის პიკი მიიღწევა 2-3 საათში და ინტრავენური შეყვანის შემდეგ - 1-2 საათში. თუმცა, აზითრომიცინი ფართოდ ნაწილდება ქსოვილებში და შესაბამისად კონცენტრაცია ქსოვილში რჩება უფრო მაღალი, ვიდრე სისხლში. სხვა ანტიბაქტერიულ საშულებებთან შედარებით, პლაზმური კონცენტრაცია მცირეა. მაღალი კონცენტრაცია მიიღწევა ლეიკოციტებში. მცირედით ვრცელდება თავზურგტვინის სითხეში, როდესაც ტვინის რბილი გარსი ანთებითი არ არის. ცხოველებში ჩატარებული კვლევები აჩვენებს, რომ აზითრომიცინი კვეთს პლაცენტას.

აზითრომიცინი მცირე რაოდენობით დემეთილიზდება ღვიძლში და ძირითადად გამოიყოფა ნაღველის საშუალებით უცვლელი ფორმით, ასევე გამოვლინდა რამდენიმე არააქტიური მეტაბოლიტი. პერორალური დოზის დაახლოებით 6% (სისტემურ ცირკულაციაში წარმოდგენილია რაოდენობის დაახლოებით 20%) გამოიყოფა შარდში. ტერმინალური ნახევარგამოყოფის პერიოდი შეადგენს დაახლოებით 68 საათს.

ჩვენება

აზითრომიცინის ჩვენებაა

- ფილტვების ქრონიკული ობსტრუქციული დაავადების მწვავე ბაქტერიული გამწვავება,

- მწვავე ბაქტერიული სინუსიტი,

- ქლამიდიით განპირობებული პნევმონია,

- არაჰოსპიტალური პნევმონია,

- ჰემოფილური ინფლუენზა,

- მიკოპლაზმური პნევმონია ან სტრეპტოკოკური პნევმონია,

- პაციენტებში, რომლებიც იმყოფებიან შესაბამის პერორალურ მკურნალობაზე.

- იგი ასევე ნაჩვენებია შემდეგი დაავადებების დროს: ფარინგიტი, ტონზილიტი, კანის და კანის სტრუქტურების გაურთულებელი ინფექციები, ურეთრიტი და ცერვიციტი, ასევე გენიტალიური წყლული.

დოზადამიღებისწესი

ჩვენებები	რეკომენდებულიდოზა/მკურნალობისხანგრძლივობა
არაჰოსპიტალური პნევმონია (მსუბუქი ფორმის), ფარინგიტი/ტონზილიტის მკურნალობა, კანის და კანის სტრუქტურების ინფექციები (გაურთულებელი)	500 მგ ერთჯერადად პირველ დღეს, შემდეგ 250 მგ ერთჯერ დღეში 2-5 დღე.
ფილტვების ქრონიკული ობსტრუქციული დაავადების მწვავე ბაქტერიული გამწვავება (მსუბუქიდან საშუალომდე სიმძიმის)	500 მგ ერთჯერ დღეში 3 დღე ან 500 მგ ერთჯერადად პირველ დღეს, შემდეგ 250 მგ ერთჯერ დღეში 2-5 დღე.
მწვავე ბაქტერიული სინუსიტი	500 მგ ერთჯერ დღეში 3 დღე
გენიტალიური წყლულოვანი დაავადება (რბილი შანკრი)	1 გ დოზა ერთჯერადად
არაგონოკოკური ურეთრიტი და ცერვიციტი	1 გ დოზა ერთჯერადად
გონოკოკური ურეთრიტი და ცერვიციტი	1 გ დოზა ერთჯერადად

გვერდითიმოვლენები

აზითრომიცინი კარგად გადაიტანება და აღინიშნება მცირე გვერდითი მოვლენები. გვერდითი მოვლენებიდან აღსანიშნავია: გულისრევა, ღებინება, დისკომფორტი მუცელში (ტკივილი/სპაზმი), დიარეა, თავის ტკივილი, თავბრუსხვევა და გამონაყარი კანზე.

უკუჩვენებები

აზითრომიცინი უკუნაჩვენებია პაციენტებში, რომლებსაც აღენიშნებათ ჰიპერმგრძნობელობა ამ პროდუქტის ან მაკროლიდების ჯგუფის ანტიბიოტიკების მიმართ.

სიფრთხილისზომები

საჭიროა სიფრთხილის გამოჩენა, როდესაც აზითრომიცინი მიიღება ღვიძლის ფუნქციის დარღევის მქონე პაციენტებში, რადგან აზითრომიცინი ძირითადად გამოიყოფა ღვიძლით. თირკმლის უკმარისობის მქონე პაციენტებში აზითრომიცინის გამოყენების შესახებ არ არსებობს მონაცემები. ამგვარად, საჭიროა სიფრთხილის გამოჩენა, როდესაც აზითრომიცინი ინიშნება ამგვარ პაციენტებში. არ შეიძლება აზითრომიცინის და ჭვავის რქის წამოებულების ერთად მიღება.

წამალთშორისიურთიერთქმედება

ანტაციდი

ალუმინის და მაგნიუმის შემცველი ანტაციდები ამცირებენ პლაზმაში კონცენტრაციის პიკს, მაგრამ არა აბსორბციის საერთო მოცულობას კუჭში. ამიტომ, აზითრომიცინი მიიღება ანტაციდების მიღებამდე 1 საათით ადრე ან 2 საათის შემდეგ.

ჭვავის რქისწამოებულები

ჭვავის რქის წარმოებულების და აზითრომიცინის ერთად მიღება არ შეიძლება ერგოტიზმის თეორიული შესაძლებლობის გამო. საჭიროა პაციენტებზე სიფრთხილით დაკვირვება, როდესაც აზითრომიცინი და პრეპარატები (როგორიც არის დიგოქსინი, დიჰიდროერგოტამინის ერგოტამინი, ტერფენადინი, ციკლოსპორინი, ჰექსობარბიტალი, ფენიტოინი) მიიღება ერთად.

ორსულობადალაქტაცია

არსებული კლინიკური კვლევებით, რეკომენდებულია აზითრომიცინის გამოყენება ორსულობაში ქლამიდიური ცერვიციტის საწყისი მკურნალობისთვის. სხვა ინფექციების შემთხვევაში აზითრომიცინი მიიღება მხოლოდ აუცილებელი საჭიროებისას. არ არის ცნობილი გადადის თუ არა აზითრომიცინი დედის რძეში. მეძუძურ დედებში გამოყენებისას საჭიროა სიფრთხილის გამოჩენა.

შენახვა

შეინახეთ გრილ, მშრალ ადგილას, არაუმეტეს 30°C ტემპერატურაზე. მოარიდეთ სინათლეს და ნესტს. პრეპარატები შეინახეთ ბავშვებისაგან მიუწვდომელ ადგილას.

შენახვისვადა: 36 თვე.

წამლისფორმადაშეფუთვა

500 მგ აპკით შემოგარსული ტაბლეტი, 3 ტაბლეტი თითოეულ ბლისტერზე გამოყენების ინსტრუქციასთან ერთად მოთავსებულია მუყაოს კოლოფში.

გაცემისწესი

ფარმაცევტული პროდუქტის ჯგუფი II, გაიცემა ფორმა N3 რეცეპტით.

საიტზე მითითებული მარაგების შესახებ ინფორმაცია ცვალებადია, რეკომენდებულია ისარგებლოთ ონლაინ აფთიაქით