დორნიზოლი 500მგ #10ტ

დორნიზოლი®

ორნიდაზოლის ტაბლეტები 500 მგ

შემადგენლობა:

თითო გარსით დაფარული ტაბლეტი შეიცავს: 

ორნიდაზოლი...................................................................500 მგ

დამხმარე ნივთიერებები  (შემავსებლები)…………….q.s (საკმარისი რაოდენობა)

საღებავი: ტიტანის დიოქსიდი BP (შავი ფოსფორი)

ჩვენებები:  

ორნიდაზოლი არის 5-ნიტროიმიდაზოლის წარმოებული, ანტიპროტოზოული და ანაერობული ბაქტერიების საწინააღმდეგო ეფექტური საშუალებები. იგი რედუციული გარდაქმნით მოქმედებს უჯრედის დნმ-ზე, იწვევს მისი სპირალისებური სტრუქტურის რღვევას და ბოჭკოების  დაშლას, აფერხებს მათ მიერ ნუკლეინის მჟავების სინთეზსა და ამით მგრძნობიარე ორგანიზმის (ბაქტერიის) უჯრედები მიჰყავს დაღუპვამდე.

ფარმაკოლოგიური თვისებები

ფარმაკოკინეტიკა:

აბსორბცია (შეწოვა)

პერორალურად მიღების შედეგად ორნიდაზოლი სწრაფად შეიწოვება. საშუალო შეწოვა არის 90%. მაქსიმალური კონცენტრაცია სისხლის პლაზმაში მიიღწევა 3 საათის განმავლობაში.

განაწილება

სტაციონალური მდგომარეობის მოზრდილ პაციენტებში  განაწილების მოცულობა შეადგენს 0.55-1.1 ლ/კგ-ს. ორნიდაზოლის კავშირი პლაზმის ცილებთან შეადგენს დაახლოებით 13%-ს. ორნიდაზოლის აქტიური ნივთიერება ეფექტურად აღწევს თავ-ზურგ-ტვინის სითხეში, ორგანიზმის სხვა სითხეებსა და ქსოვილებში. კონცენტრაცია სისხლის პლაზმაში მერყეობს 6-36 მგ/ლ დიაპაზონში, რომელიც ითვლება სხვადასხვა ჩვენების დროს ოპტიმალურ დონედ. ჯანმრთელი მოხალისეების მიერ 500 მგ ან 1000 მგ დოზის განმეორებითი გამოყენებისას ყოველ 12 საათში ერთხელ, კუმულაციის კოეფიციენტმა შეადგინა 1.5-2.5.

მეტაბოლიზმი

ორნიდაზოლი მეტაბოლიზდება ღვიძლში ძირითადად 2-ჰიდროქსიმეთილ და ა-ჰიდროქსიმეთილ მეტაბოლიტების წარმოქმნით. ორივე მეტაბოლიტი ნაკლებად აქტიურია ტრიქომონა ვაგინალისის და ანაერობული ბაქტერიების მიმართ, ვიდრე შეუცვლელი ორნიდაზოლი.

გამოყოფა

ნახევარგამოყოფის პერიოდი შეადგენს დაახლოებით 13 საათს. ერთჯერადი დოზის მიღების შემდეგ დოზის 85% გამოიყოფა პირველი 5 დღის განმავლობაში, რომლის უმეტესი ნაწილი არის მეტაბოლიზირებული. მიღებული დოზის 4% გამოიყოფა შარდთან ერთად უცვლელი ნივთიერების სახით.

ჩვენებები: გამოიყენება პარაზიტული ინფექციების სამკურნალოდ, მათ შორის ამებიაზი, ლამბლიოზი და  ტრიქომონა ვაგინალისი; ინფექციების სამკურნალოდ, რომელიც გამოწვეულია ანაერობული ბაქტერიის მგრძნობიარე შტამებით.

დოზირება:

სტანდარტული დოზირება

პრეპარატი მიიღება ჭამის შემდეგ.

ტრიქომონიაზი

გამოიყენება  2  შესაძლო თერაპიული კურსი:  ერთჯერადი დოზირება (მწვავე ტრიქომონიაზის დროს); ხუთ-დღიანი მკურნალობის კურსი (ტრიქომონიაზის ქრონიკული ფორმების სამკურნალოდ). ტაბლეტების მიღება უნდა მოხდეს ჭამის შემდეგ.

(ა) ერთჯერადი დოზირება

(ბ) ხუთ-დღიანი მკურნალობის კურსი

მკურნალობის ტიპი	დღიური დოზა
(ა) ერთჯერადი დოზირება	3 ტაბლეტი საღამოს
(ბ) ხუთ-დღიანი მკურნალობის კურსი	2 ტაბლეტი (1 ტაბლეტი დილით, 1-საღამოს)

ყველა შემთხვევაში, ხელახალი დაინფიცირების თავიდან აცილების მიზნით, სქესობრივმა პარტნიორებმა უნდა გაიარონ მკურნალობის ერთიდაიგივე კურსი.

ბავშვებში სადღეღამისო დოზა შეადგენს 25 მგ/კგ სხეულის წონის თითო კგ-ზე და ინიშნება ერთჯერადი დოზის სახით.

ამებიაზი:

(ა) სამ- დღიანი მკურნალობის კურსი ამებური დიზენტერის  სამკურნალოდ,

ბ) 5-10 დღიანი მკურნალობის კურსი ამებიაზის ყველა ფორმის სამკურნალოდ.

მკურნალობის ხანგრძლივობა	დღიური დოზა
	მოზრდილები და ბავშვები 35კგ-ზე მეტი სხეულის წონით	ბავშვები 35 კგ-მდე სხეულის წონით
ა) სამ-დღიანი	3 ტაბლეტი - ერთხელ საღამოს, 4 ტაბლეტი - 60კგ-ზე მეტი სხეული წონის მქონე პაციენტებში (2 ტაბლეტი დილით, 2 ტაბლეტი საღამოს)	125 მგ (1/4 ტაბლეტი) სხეულის წონის 3 კგ-ზე  - ერთჯერადი დოზა (40მგ/კგ-ის ექვივალენტი)
ბ) 5-10 დღიანი	2 ტაბლეტი (ტაბლეტი დილით, 1 ტაბლეტი საღამოს)	125 მგ (1/4 ტაბლეტი) სხეულის წონის 5 კგ-ზე  - ერთჯერადი დოზა (25 მგ/კგ-ის ექვივალენტი)

უკუჩვენებები:

ორნიდაზოლს ახასიათებს უკუჩვენება პაციენტებში, რომელთაც აქვთ მომატებული მგრძნობელობა პრეპარატის ან ნიტროიმიდაზოლის სხვა წარმოებულების მიმართ.

განსაკუთრებული სიფრთხილის ზომები:

სიფრთხილის გამოჩენაა საჭირო ცნს-ის დაავადებების  მქონე პაციენტებში, მაგალითად ეპილეფსიით და გაფანტული სკლეროზით დაავადებულ პაციენტებში. სხვა პრეპარატების ეფექტურობა შესაძლებელია შემცირდეს ან გაიზარდოს.

ურთიერთქმედება სხვა სამკურნალო საშუალებებთან:

ნიტროიმიდაზოლის სხვა წარმოებულებისგან განსხვავებით, ორნიდაზოლი არ აფერხებს ალდეჰიდის დეჰიდროგენაზას და ამიტომ არ არის შეუთავსებელი ალკოჰოლთან. თუმცა, ორნიდაზოლი აძლიერებს კუმარინის რიგის პერორალური ანტიკოაგულანტების მოქმედებას. შესაბამისად, საჭიროა ანტიკოაგულანტების დოზების შესაბამის კორექცია. ორნიდაზოლი ახანგრძლივებს ვეკურონის ბრომიდის მიორელაქსაციურ მოქმედებას.

ორსულობა და ლაქტაცია:

სხვადასხვა სახის ფართო კვლევებმა არ გამოავლინა ორნიდაზოლის რაიმე სახის ტერატოგენური ან ფეტოტოქსიური მოქმედება. თუმცა, ორსულ ქალებში არ ჩატარებულა კონტროლირებადი კვლევები. ზოგადად, ორნიდაზოლის დანიშნვა არ არის რეკომენდირებული  ორსულობის ადრეულ სტადიაზე ან ლაქტაციის პერიოდში, გარდა იმ შემთხვევისა, როდესაც აუცილებლობით არის განპირობებული მისი დანიშვნა.

გვერდითი მოვლენები:

მსუბუქი გვერდითი მოვლენებია: ძილიანობა,  თავის ტკივილი, კუჭ-ნაწლავის მოქმედების დარღვევა,  როგორიც არის გულისრევა და ღებინება. ცნს-ს დარღვევები, როგორიცაა: თავბრუსხვევა, კანკალი, გახევება (რიგიდულობა), დარღვეული კოორდინაცია, კრუნჩხვები, დაღლილობა და თავბრუსხვევა, ცნობიერების დროებითი დაკარგვა, ან ერთეულ შემთხვევებში, შეიძლება ადგილი ჰქონდეს სენსორული ან შერეული პერიფერიული ნეიროპათიის ნიშნებს. ასევე, ვლინდება გემოვნების დარღვევა,  ღვიძლის ფუნქციის დარღვევა და კანისმიერი რეაქციები.

შენახვა: ინახება არაუმეტეს 30°C ტემერატურაზე.

შეინახეთ ბავშვებისათვის მიუწვდომელ ადგილას.

გამოშვების ფორმა: 1X10 ტაბლეტი ალუ/ალუ ბლისტერზე

მწარმოებელი:

რატნამანი ჰელსქეარ პვტ. შპს

შემოწმების ნომერი: 750/1

აჰმედაბად-მეჰსანას გზატკეცილი

სოფ.: ინდრადი-382, 720, ქ.: კადი

რაიონი: მაჰსანა, გუჯარათი (ინდოეთი)

მწამოებულია:

მედეორისთვის

გურგაონი, ინდოეთი - 122 018

/ხელმოწერილია, ბეჭედდასმულია/

M/AZ/E/Pl-19/A