ალდოდერმი 30გ მალამო

ალდოდერმი 30გ მალამო

35.00 ლარი
ქვეყანა: ესპანეთი
მწარმოებელი: ედეფარმ
ჯენერიკი - შეადარეთ ანალოგები: ფრამიცეტინი+ტრიამცინოლონი
გაცემის ფორმა: II ჯგუფი რეცეპტული
კოდი: 86024
გააზიარე:

ალდოდერმი 1 მგ/3.5 მგ/გ  მალამო

 

  1. 1.            ალდოდერმი 1 მგ/3.5მგ/გ მალამო და მისი გამოყენება

ალდოდერმი შეიცავს ძლიერ ტოპიკურ კორტიკოსტეროიდს ტრიამცინოლონის აცეტონიდს, რომელიცკომბინირებულია ფართო სპექტრის ანტიბიოტიკთან ფრამიცეტინთან. დამტკიცებულია, რომ ტრიამცინოლონის აცეტონიდი ჰიდროკორტიზონსა და სხვა კორტიკოსტეროიდებზე ბევრად უფრო ძლიერმოქმედი  ნივთიერებაა. ფრამიცეტინი გამოიყენება მხოლოდ და მხოლოდ გარეგანი მოხმარებისათვის და თავისი თვისებებით იგი  იდეალურია კანის დაავადებათა სამკურნალოდ, ვინაიდან იშვიათად იწვევს მის გაღიზიანებას.

ალდოდერმი არ ტოვებს ლაქებს და ადვილად შეიწოვება.

პრეპარატი ინიშნება კანისა და სწორი ნაწლავის ანთებითი პროცესების სამკურნალოდ, როგორიცაა პიოდერმატოზი, ალერგიული დერმატოზი, კონტაქტური ეგზემა, იმპეტიგინიზებული ეგზემა, საფენისმიერი დერმატიტი, ქრონიკული ინფექციური დერმატიტი, სებორიული დერმატიტი, დერმატოზი, ქრონიკული მარტივი ლიქენი,  ექსფოლიაციური დერმატიტი, ნეიროდერმატიტი,  სებორიული დერმატიტი ახალშობილებში, ჭრილობები, მსუბუქი დამწვრობები, ფსორიაზი, აკნე, სასქესო ორგანოების ქავილი, ანალური ნახეთქები, ჰემოროი, ვარიკოზული წყლულები, მზისგან მიღებული დამწვრობები, მწერების ნაკბენი, გარეგანი ოტიტი.

 

  1. 2.    ალდოდერმი 1 მგ/3.5მგ/გ მალამოს გამოყენებამდე გასათვალისწინებელი ინფორმაცია

არ გამოიყენოთ ალდოდერმი

-      თუ ხართ ალერგიული (ჰიპერმგრძნობიარე) მასში შემავალი კომპონენტების მიმართ.

-      თუ გაქვთ კანის ტუბერკულოზი, მარტივი ჰერპესი ან ჩუტყვავილა.

 

განსაკუთრებული სიფრთხილე ალდოდერმი 1 მგ/3.5მგ/გ მალამოს მოხმარებისას

ტოპიკური კორტიკოსტეროიდების ხანგრძლივმა გამოყენებამ შესაძლოა გამოიწვიოს კანის, ლორწოვანი გარსისა და კანქვეშა ქსოვილის  ატროფია. ასევე მისმა დიდი დოზით ხანგრძლივმა გამოყენებამ შესაძლოა გამოიწვიოს სისტემური ეფექტების გამოვლენა.

 

სხვა მედიკამენტების გამოყენება

ყოველთვის აცნობეთ ექიმს თუ იღებთ ან ახლო წარსულში მიიღეთ რაიმე მედიკამენტი, მათ შორის ისეთი, რომლის შეძენაც რეცეპტის გარეშეა შესაძლებელი.

 

პრეპარატის გამოყენება ბავშვებში

ბავშვებში ტოპიკური კორტიკოსტეროიდების გამოყენება მკაცრად უნდა იქნას გამოყენებული დროის მოკლე პერიოდებში პროდუქტის მინიმალური ოდენობის მიღებით.

 

ორსულობა და ძუძუთი კვება

თუ ხართ ორსულად ან ლაქტაციის პერიოდში, ფიქრობთ, რომ შესაძლოა ორსულად იყოთ ან აპირებთ დაორსულებას, მედიკამენტის გამოყენებამდე მიმართეთ თქვენს ექიმს ან ფარმაცევტს.

 

ავტომობილის მართვა და მანქანა-დანადგარებთან მუშაობა

ნაკლებად შესაძლებელია ალდოდერმმა გამოიწვიოს რაიმე ხელისშემშლელი ეფექტი ავტომობილის მართვისას ან მანქანა-დანადგარებთან მუშაობისას.

 

მნიშვნელოვანი ინფორმაცია ალდოდერმი 1 მგ/3.5მგ/გ მალამოს შემადგენლობაში არსებული ზოგიერთი კომპონენტის შესახებ

ამ პრეპარატმა შესაძლოა გამოიწვიოს კანზე ადგილობრივი რეაქციები (როგორიცაა კონტაქტური დერმატიტი), რადგანაც შეიცავს სტერილურ სპირტს. ასევე შესასძლებელია ალერგიული რეაქციების (შენელებული რეაქციები) გამოწვევა, მეთილის პარაჰიდროქსიბენზოატის შემცველობის (E-218) გამო.

 

3. ალდოდერმი 1 მგ/3.5მგ/გ მალამოს გამოყენების წესი

ზუსტად დაიცავით ექიმის მიერ მითითებული ალდოდერმის გამოყენების ინსტრუქცია. რაიმე ეჭვის გაჩენის შემთხვევაში, მიმართეთ თქვენს ექიმს ან ფარმაცევტს.

ტუბს აქვს პლომბი, რომელიც უნდა გაიხსნას ინსტრუქციის შესაბამისად

-   დაატრიალეთ  საცობი (თავსახური);

-   გადაადგილეთ ისე, რომ დაემთხვეს კუთხვილს და ნაზად მოუჭირეთ გახვრეტამდე

-   ყურადღებით იყავით და არ მოუჭიროთ ტუბს მაგრად, რათა თავიდან იქნას აცილებული მალამოს ამაო კარგვა.

ალდოდერმი გამოიყენება კანზე წასასმელად.

კანზე წაისვით მცირე ოდენობით ალდოდერმი დღეში 3-4-ჯერ. მის გამოყენებამდე ნაზი საპნით დაიბანეთ დაზიანებული ადგილი. წაისვით მალამო და მსუბუქი მასაჟით დაიმუშავეთ კანის ზედაპირი მის სრულად შეწოვამდე.

პრობლემის გაქრობის შემდეგ  მკურნალობა უნდა გაგრძელდეს რამდენიმე დღის განმავლობაში.

ფსორიაზისა და სხვა ანთებითი სახის ინფექციების შემთხვევაში, შესაძლებელია გამოყენებულ იქნას ოკლუზიური სახვევით დაფარვის ტექნიკა.

 

ალდოდერმი 1 მგ/3.5მგ/გ მალამოს ჭარბი ოდენობით გამოყენების შემთხვევაში

კანის მეშვეობით პრეპარატის შეწოვით გამოწვეული ინტოქსიკაცია ძალიან იშვიათია და მისი გამოვლენის შემთხვევაში, საჭიროა პრეპარატის გამოყენების შეწყვეტა. ნორმალური მკურნალობის პირობებში, ინტოქსიკაციის ფაქტი პრაქტიკულად არ ფიქსირდება.

გადაჭარბებული დოზის მიღების ან ორგანიზმში პრეპარატის მოხვედრის შემთხვევაში, მიმართეთ თქვენს ექიმს ან ფარმაცევტს, ან დაუკავშირდით ტოქსიკოლოგიური ინფორმაციის სამსახურს ტელეფონის ნომერზე: 915620420, ამასთან აცნობეთ მოხმარებული პრეპარატისა და დოზის შესახებ.

 

იმ შემთხვევაში თუ დაგავიწყდათ ალდოდერმი 1 მგ/3.5მგ/გ მალამოს გამოყენება

არ გამოიყენოთ ორმაგი დოზა გამოტოვებული დოზის ანაზღაურების მიზნით.

 

პრეპარატის მოხმარებასთან დაკავშირებული რაიმე ეჭვის გაჩენის შემთხვევაში, მიმართეთ თქვენს ექიმს ან ფარმაცევტს.

 

4.  შესაძლო გვერდითი ეფექტები

ყველა სხვა მედიკამენტის მსგავსად, ალდოდერმმაც შესაძლოა გამოიწვიოს  გვერდითი ეფექტები, თუმცა ეს არ ხდება ყველა მომხმარებლის შემთხვევაში.

ფრამიცეტინის მიმართ რაიმე სახის მცირედი ალერგიული რეაქციის ან ჰიპერმგრძნობელობის გარდა, თითქმის არ ფიქსირდება გვერდითი მოვლენები.

ოკლუზიური სახვევით დაფარვის ტექნიკის გამოყენების შემთხვევაში, შესაძლოა უკეთ მოხდეს ტრიამცინოლონის შეწოვა კანის მეშვეობით.

თუ მიიჩნევთ, რომ რომელიმე გამოვლენილი გვერდითი ეფექტი სერიოზულია ან  გამოვლინდა ისეთი გვერდითი მოვლენები, რომლებიც არ არის აღწერილი აღნიშნულ ანოტაციაში, აცნობეთ ამის შესახებ თქვენს ექიმს ან ფარმაცევტს.

 

5. ალდოდერმი 1 მგ/3.5მგ/გ მალამოს შენახვის წესი

შეინახეთ ბავშვებისათვის ხელმიუწვდომელ ადგილას.

არ შეინახოთ 30°C -ზე მაღალ ტემპერატურაზე.

 

ვარგისობა

 არ გამოიყენოთ ალდოდერმი  ტუბზე  მითითებული ვარგისობის ვადის ამოწურვის შემდეგ. მოქმედების ვადა განისაზღვრება იმ თვის ბოლო დღით, რომელიც აღნიშნულია.

არ შეიძლება მედიკამენტებისა და მათი შეფუთვების ნაგავში გადაგდება. ჰკითხეთ თქვენს ფარმაცევტს, თუ როგორ გაანადგუროთ არასაჭირო მედიკამენტები და მათი შეფუთვები. ამით თავიდან ავიცილებთ გარემოს დაბინძურებას.

 

6.  დამატებითი ინფორმაცია.

ალდოდერმი 1 მგ/3.5მგ/გ მალამოს შემადგენლობა

-         ძირითად აქტიურ ნივთიერებებია: ტრიამცინოლონის აცეტონიდი და ფრამიცეტინის სულფატი. ყოველი 100 გ შეიცავს 0.1 გ ტრიამცინოლონის აცეტონიდს და ფრამიცეტინის სულფატს 0.35გ ფრამიცეტინის შემცველობით.

-         სხვა კომპონენტებია: pH მჟავას ინერტული გამხსნელი, რომლის შემადგენლობაშია: ცეტილის სპირტი, სტერილური სპირტი, თეთრი ვაზელინი, თხევადი ვაზელინი, ცეტომაკროგოლი 1000, გლიცერინი, ლიმონმჟავა, ნატრიუმის ციტრატი, მეთილის პარაჰიდროქსიბენზოატი (E218) და არაიონიზებული წყალი.  

 

პროდუქტის გარეგნული სახე და შეფუთვა

ალდოდერმი თეთრი ფერის მალამო, რომელიც წარმოდგენილია 30 გ-იანი ტუბით, დაპლომბილი საცობით.

 

კომერციალიზაციის ნებართვის მფლობელი და წარმოებაზე პასუხისმგებელი

შპს „ლაბორატორია ალდო-უნიონი“

ესპანეთი, 08950 ესპლუგეს დე ლიობრეგატი (ბარსელონა), ბარონესა დე მალდას 73.