თრეველფაგი 180მგ #20კაფს

თრეველფაგი^TM

TRAVELPHAGE ^TM

სავაჭრო დასახელება

TRAVELPHAGE ^TM

აღწერილობა

მყარი ჟელატინის კაფსულა ლურჯი ფერის კორპუსით და თავსახურით

შემადგენლობა:

1 კაფსულა შეიცავს

აქტიური ნივთიერებებს:

ბაქტერიების: Shigella, Salmonella, E.Coli, Proteus, Staphylococcus, Pseudomonas, Enterococcus,

სტერილური ფაგოლიზატების ლიოფილურად გამშრალ კონცენტრატს.

რაოდენობრივი შემადგენლობა:

Bacteriophagum Shigella;

Bacteriophagum Salmonella;

Bacteriophagum E.coli;

Bacteriophagum Proteus;

Bacteriophagum Staphylococcus;

Bacteriophagum Pseudomonas;

Bacteriophagum Enterococcus

თითოეულს რაოდენობით არანაკლებ - 10⁵;

ფარმაცევტული ფორმა

პერორალურად მისაღები კაფსულა

ფარმაკოთერაპიული ჯგუფი

სპეციფიკური ანტიბაქტერიული საშუალება

ათქ კოდი: J01XX

ფარმაკოლოგიური მოქმედება

ბაქტერიოფაგი ბაქტერიის სპეციფიკური ვირუსია, რომელიც ადსორბირდება ჰომოლოგიური ბაქტერიის უჯრედის მემბრანაზე, არღვევს მის მთლიანობას, აღწევს უჯრედის შიგნით, მრავლდება და იწვევს მის ლიზისს.

თრეველფაგის შემადგენლობაში არის ბაქტერიების (Shigella, Salmonella, E.Coli, Proteus, Staphylococcus, Pseudomonas, Enterococcus) სელექცირებული, მხოლოდ ვირულენტური ფაგები, რაც განაპირობებს პრეპარატის მაღალ აქტივობასა და ეფექტურობას.

მიღების შემდეგ, პრეპარატი კუჭ-ნაწლავის ტრაქტის საშუალებით, სწრაფად გადადის სისხლსა და ლიმფაში და ადვილად აღწევს დაავადების კერამდე.

ორგანიზმიდან გამოიყოფა: ძირითადი ნაწილი თირკმელების საშუალებით, დანარჩენი – კუჭ-ნაწლავის ტრაქტის საშუალებით.

თერაპიული ჩვენებები

თრეველფაგი გამოიყენება ბაქტერიებით (Shigella, Salmonella, E.Coli, Proteus, Staphylococcus, Pseudomonas, Enterococcus) ან მათი ერთობლიობით გამოწვეული დაავადებების: შიგელოზი, სალმონელოზი, მუცლის ტიფი, პარატიფი, გაღიზიანებული ნაწლავის სინდრომი (დისბაქტერიოზი), ენტეროკოლიტი, მწვავე და ქრონიკული  კოლიტი, დისპეფსია კომპლექსურ თერაპიაში, საკვებისმიერი ინფექცია და სხვა ბაქტერიული დიარეის (ფაღარათი) მკურნალობისა და პრევენციისთვის. პრევენციის მიზნით, აგრეთვე გამოიყენება ეპიდემიოლოგიური უსაფრთხოებისათვის მაღალი რისკის ჯგუფებში.

უკუჩვენებები

პრეპარატის რომელიმე კომპონენტის მიმართ მომატებული მგრძნობელობა.

განსაკუთრებული გაფრთხილებები

სიფრთხილის განსაკუთრებული ზომები პრეპარატის გამოყენებისას მოწოდებული არ არის. პრეპარატი ინახება, ორიგინალ შეფუთვაში, სინათლისგან დაცულ ადგილას.

ურთიერთქმედება სხვა სამკურნალო საშუალებებთან

პრეპარატის შეუთავსებლობა სხვა სამკურნალო საშუალებებთან დადგენილი არ არის. მისი გამოყენება შესაძლებელია სხვა სამკურნალო საშუალებებთან ერთად კომპლექსურ მკურნალობაში, მათ შორის ანტიბაქტერიულ პრეპარატებთან ერთად (ანტიბიოტიკები).

ორსულობა და ლაქტაცია

ორსულობისა და ლაქტაციის დროს პრეპარატის გამოყენება შესაძლებელია.

ზემოქმედება ავტომობილების მართვისა და მანქანა-დანადგარებით სარგებლობის უნარზე

პრეპარატის მიღება არ ახდენს გავლენას ავტომობილების მართვისა და მანქანა-დანადგარებით სარგებლობის უნარზე.

დოზირება, გამოყენების წესი და მიღების მეთოდი

ფაგოთერაპიის ეფექტურობის ერთ-ერთი მნიშვნელოვანი წინაპირობაა დაავადების გამომწვევი მიკროორგანიზმის ფაგისადმი (პრეპარატის შემადგენლობაში არსებული ფაგებისადმი) მგრძნობელობის განსაზღვრა. პრეპარატი განსაკუთრებით ეფექტურია მისი გამოყენებისას დაავადების ადრეულ ეტაპზე.

თრეველფაგი მიიღება პერორალურად, დაავადების პირველივე დღეს, პირველი სიმპტომების გამოვლენისთანავე, საკვების მიღებამდე 1 სთ-ით ადრე.

მკურნალობის ხანგრძლივობა შეადგენს 1-2 კვირას. საჭიროების შემთხვევაში შესაძლებელია მკურნალობის კურსის განმეორება.    

ნაწლავური ინფექციების სამკურნალოდ მოწოდებული სარეკომენდაციო დოზირების სქემა:

ნაწლავური ინფექციების პრევენცია

პრევენციის  მიზნით პრეპარატი ინიშნება კვირაში 3-4 ჯერ მოწოდებული სარეკომენდაციო სქემის მიხედვით:

ბატერიებით: Shigella; Salmonella; E.coli; Proteus; Staphylococcus; Pseudomonas; Enterococcus გამოწვეული დაავადებების მაღალი რისკის გარემოებაში და ასევე ეპიდსაშიში სიტუაციის დროს პრეპარატი მიიღება ყოველდღიურად - დღეში ერთი კაფსულა. აღნიშნულ შემთხვევებში შეიძლება პრეპარატის მიღების ხანგრძლივობის და დოზის გაზრდაც.

ჭარბი დოზირება

მონაცემები პრეპარატის დოზის გადაჭარბების შესახებ ცნობილი არ არის.

გვერდითი ეფექტები:

პრეპარატი არატოქსიურია, მონაცემები მისი გამოყენების შემდგომ განვითარებული გვერდითი მოვლენების ან ადამიანის ორგანიზმზე მავნე გავლენის შესახებ გამოვლენილი არ არის.

გამოშვების ფორმა და შეფუთვა

პრეპარატის №10 კაფსულა მოთავსებულია PVC/Aluminum ბლისტერზე. 2 ბლისტერი გამოყენების ინსტრუქციასთან ერთად მოთავსებლია მუყაოს კოლოფში.

შენახვისა და ტრანსპორტირების პირობები

ინახება მშრალ სინათლისგან დაცულ ბავშვებისთვის მიუწვდომელ ადგილას არა უმეტეს 25˚C ტემპერატურაზე.

ტრანსპორტირება შესაძლებელია ყველა სახის დახურული ტრანსპორტით, რომელიც უზრუნველყოფს სტაბილურ ტემპერატურულ რეჟიმის შენარჩუნებას ტრანსპორტირების პერიოდში.

ვარგისობის ვადა:

სათანადო პირობების დაცვით პრეპარატი ვარგისია 2 წლის განმავლობაში. დაუშვებელია პრეპარატის გამოყენება ვარგისობის ვადის გასვლის შემდეგ.

გაფრთხილება:

ვიზუალური დათვალიერების შედეგად აღმოჩენილი დეფექტის შემთხვევაში პრეპარატის მიღება დაუშვებელია.

გაცემის რეჟიმი: გაიცემა ურეცეპტოდ.

მწარმოებელი: სს ”ბიოქიმფარმი”,

მისამართი: გოთუას ქ. 3, თბილისი 0160, საქართველო

ტელ: +995 32 2 244777; ფაქსი: +995 32 2 380895

ვებ-გვერდი:  www.biochimpharm.ge/www.biochimpharm.com

ელ-ფოსტა: [email protected]