ნატრიუმის ქლორ0.9% 5მლ#50ა(ჯურ
6.50 ლარი
ფარმაკოლოგიური ჯგუფი:
პარენტერალური გამოყ. დეზინტოქსიკაციური და რეჰიდრატაციული საშუალებები, პარენტერალური საშუალებები რეჰიდრატაცისა და დეზინტოქსიკაციისათვის, დეზინტოქსიკაციისა და რეჰიდრატაციული საშუალებები, ოფთალმოლოგიური ადგილობრივი მოქმედების სხვადასხვა ხსნარები, ელექტროლიტური და მჟავა-ტუტოვანი ბალანსის საკორექციო საშუალებები
ქვეყანა: უზბეკეთი
მწარმოებელი: ჯურაბეკ ლაბორატორიეს ლტდ
ჯენერიკი - შეადარეთ ანალოგები:
ნატრიუმის ქლორიდი
გაცემის ფორმა: III ჯგუფი ურეცეპტო
კოდი: 83978
გააზიარე:
გამოყენების ინსტრუქცია
ნატრიუმის ქლორიდი
NATRI CHLORIDI
პრეპარატის სავაჭრო დასახელება: ნატრიუმის ქლორიდი
მოქმედი ნივთიერება: ნატრიუმის ქლორიდი
წამლის ფორმა: საინექციო ხსნარი
შემადგენლობა:
აქტიური შემადგენლობა: ნატრიუმის ქლორიდი – 9,0გ.
დამხმარე ნივთიერება: საინექციო წყალი – 1000მლ-მდე.
აღწერილობა: უფერო გამჭვირვალე სითხე, უსუნო, მომლაშო გემოთი.
ფარმაკოთერაპიული ჯგუფი: მარილიანი ხსნარები
ათქ კოდი: B05ჩB01
ფარმაკოლოგიური თვისებები:
ფარმაკოდინამიკა
ნატრიუმისა და ქლორის იონები წარმოადგენს უჯრედგარეთა სითხის უმნიშვნელოვანეს არაორგანულ კომპონენტებს, რომლებიც ინარჩუნებენ შესაბამის ოსმოსურ წნევას სისხლის პლაზმაში და უჯრედგარეთა სითხეში. იზოტონურია ადამიანის სისხლის პლაზმის მიმართ.
ფარმაკოკინეტიკა
ნატრიუმის ქლორიდის ხსნარი ინტრავენურად, ინტრამუსკულურად და კანქვეშ შეყვანისას სწრაფად გამოიყოფა სისხლძარღვოვანი კალაპოტიდან, გადადის ინტერსტიციურ სექტორში. ნახევარ-გამოყოფის პერიოდი დაახლოებით 1 საათია. ნატრიუმისა და ქლორის იონები და ასევე წყალიც გამოიყოფა თირკმელებით. გამოყოფილი ნატრიუმის რაოდენობა რეგულირდება მისი უკუშეწოვის (რეაბსორბცია) ეფექტურობით თირკმელების მილაკებში. ნატრიუმის უმნიშვნელო რაოდენობა გამოიყოფა ოფლით და ფეკალიებით.
გამოყენების ჩვენებები
სამკურნალო საშუალებების გახსნა და განზავება. ჭრილობების, თვალების, ცხვირის ლორწოვანი გარსების გამოსარეცხად.
გამოყენების მეთოდი და დოზები
სამკურნალო საშუალებების გახსნის შემდეგ შეიყვანება ინტრავენურად, ინტრამუსკულურად და კანქვეშ. ინტრავენურად შეიყვანება 5-10 მლ მოცულობით. ინტრამუსკულურად და კანქვეშ შეყვანისას ნატრიუმის ქლორიდის მოცულობა ვარირებს გახსნილი სამკურნალო საშუალებისა და შეყვანის მეთოდის შესაბამისად (1-5 მლ). გამოყენების წინ რეკომენდებულია ნატრიუმის ქლორიდის ხსნარის გათბობა 360ჩ- 380ჩ ტემპერატურამდე.
გამოიყენება აგრეთვე გარეგანად და ადგილობრივად.
ჭრილობების, თვალების, ცხვირის ლორწოვანი გარსების გამოსარეცხად პრეპარატს უსვამენ უშუალოდ გამოსარეცხ ზედაპირს ან იყენებენ პრეპარატით დასველებულ სტერილურ საფენებს.
გვერდითი მოვლენები
ნატრიუმის ქლორიდის იზოტონური ხსნარის სამკურნალო საშუალებების გამხსნელად ან განმაზავებლად გამოყენებისას გვერდითი მოვლენები იშვიათია.
სამკურნალო საშუალების დიდი რაოდენობით გამოყენებისას შესაძლებელია ქლორიდული აციდოზის, ჰიპერჰიდრატაციის, ჰიპოკალიემიის განვითარება.
ნატრიუმის ქლორიდის ხსნარის არაგონივრულმა ინტრავენურმა შეყვანამ (მაგალითად, პოსტ-ოპერაციულ პაციენტებში და გულისა და თირკმელების ფუნქციის დარღვევის მქონე პაციენტებში) შეიძლება გამოიწვიოს ჰიპერნატრიემია, რაც თავის მხრივ იწვევს უჯრედშიდა მოცულობის შემცირებას, და შედეგად - შინაგანი ორგანოების, განსაკუთრებით კი თავის ტვინის გაუწყლოებას, რამაც შეიძლება გამოიწვიოს თრომბოზი და სისხლდენები. ორგანიზმში ნატრიუმის ქლორიდის სიჭარბის ზოგადი გვერდითი მოვლენებია: გულისრევა, ღებინება, დიარეა, მუცლის ტკივილი, წყურვილი, ნერწყვისა და ცრემლის სითხის სეკრეციის დაქვეითება, ოფლიანობა, ცხელება, არტერიული ჰიპოტენზია, ტაქიკარდია, თირკმელების ფუნქციის დარღვევა, პერიფერიული შეშუპება და ფილტვების შეშუპება, სუნთქვის გაჩერება, თავის ტკივილი, თავბრუსხვევა, მოუსვენრობა, გაღიზიანება, სისუსტე, კუნთების კრთომა და რიგიდობა, კრუნჩხვა, კომა და სიკვდილი.
ქლორიდების დონის მომატებამ შეიძლება გამოიწვიოს ბიკარბონატების კარგვა აციდოზის ეფექტით.
კანქვეშა შეყვანა: იზოტონურ ხსნარზე ნებისმიერმა დანამატმა შეიძლება გახადოს ის ჰიპერტონული, რაც შეიძლება გახდეს ინექციის ადგილზე მტკივნეულობის მიზეზი. ადგილობრივი გამოყენებისას გვერდითი რეაქციები ამ დროითვის არ დადგენილა.
უკუჩვენება
ძირითადი სამკურნალო საშუალებისა და ნატრიუმის ქლორიდის იზოტონიური ხსნარის 9მგ/მლ შეუთავსებლობა, ჰიპერნატრიემია, აციდოზი, ჰიპერქლორემია, ჰიპოკალიემია, ჰიპერჰიდრატაციის მდგომარეობა, ფილტვების, თავის ტვინის შეშუპების საფრთხე, ცირკულატორული დარღვევები, მარცხენა პარკუჭის მწვავე უკმარისობა, გკს თანმხლების დანიშვნა დიდი დოზებით.
ჭარბი დოზირება
ნატრიუმის ქლორიდის ხსნარის რეკომენდებული დოზების შეყვანისას ჭარბი დოზირება ნაკლებად სავარაუდოა. დიდი რაოდენობით შესაძლებელია გამოწვეულ იქნეს ქლორიდული აციდოზი, ჰიპოკალიემია, ჰიპერჰიდრატაცია.
ურთიერთქმედება სხვა სამკურნალო საშუალებებზე
გამოიყენება ძირითადი სამკურნალო საშუალების სამედიცინო გამოყენების ინსტრუქციის შესაბამისად. სხვა სამკურნალო საშუალებებთან შერევისას საჭიროა ვიზუალურად გაკონტროლდეს თავსებადობა (ამასთან, შესაძლებელია უხილავი და თერაპიული შეუთავსებლობა).
განსაკუთრებული მითითებები
სიფრთხილით გამოიყენება პრეპარატის დიდი მოცულობები პაციენტებში თირკმლის გამოყოფის ფუნქციის დარღვევით, გულის ქრონიკული უკმარისობით, ჰიპოკალიემიისას. ხანგრძლივი გამოყენებისას აუცილებელია პლაზმაში ელექტროლიტების კონცენტრაციისა და სადღეღამისო დიურეზის კონტროლი.
არ გამოიყენოთ ხსნარები, რომლებიც იცვლის ფიზიკურ თვისებებს გახსნისას.
პრეპარატი არ გამოიყენება ვარგისობის ვადის ამოწურვის შემდეგ და შეინახეთ ბავშვებისათვის ხელმიუწვდომელ ადგილას.
გამოყენება ორსულობისას და ლაქტაციის დროს
შესაძლებელია გამოყენება ორსულობისას და ლაქტაციის დროს ჩვენებების მიხედვით.
ზეგავლენა ტრანსპორტის მართვაზე
არ მოქმედებს
გამოშვების ფორმა
0,9% პრეპარატის ხსნარი, 5მლ-ან შუშის ამპულებში, ან სამედიცინო პოლიპროპილენის ან პოლიეთილენის ამპულებში. 5 ან 10 ამპულა კონტურულ-უჯრედულ შეფუთვაში. 1 ან 2 კონტურულ-უჯრედული შეფუთვა კოლოფში გამოყენების ინსტრუქციასთან ერთად, ან 10, 20, 40 ან 50 ამპულა მთლიანი ბლოკების სახით გამოყენების ინსტრუქციასთან ერთად ათავსებენ მუყაოს კოლოფში.
შენახვის პირობები
მშრალ, სინათლისაგან დაცულ ადგილას, ტემპერატურაზე არაუმეტეს 25ჩ0.
ვარგისობის ვადა:
3 წელი
აფთიაქიდან გაცემის პირობა:
ფარმაცევტული პროდუქტის ჯგუფი III, გაიცემა რეცეპტის გარეშე.
მწარმოებელი
მწარმოებელი-ქარხნის მისამართი: ერთობლივი საწარმო შპს „ჟურაბეკ Lაბორატორიეს“, უზბეკეთის რესპუბლიკა, ტაშკენტის ოლქი, ქ. ალმალიკი, უ. ნოსიროვას ქ. 3,
იურიდიული მისამართი: ერთობლივი საწარმო შპს „ჟურაბეკ Lაბორატორიეს“, უზბეკეთის რესპუბლიკა, 100003, ქალაქი ტაშკენტი, ალმაზარის ქ., 165.
ტელ/ფაქსი: (99871) 150-03-03.
წებ: www.jurabek.uz
