კანავიტი 10მგ/მლ 1მლ #5ა

კანავიტი

საერთაშორისო დასახელება (აქტიური ნივთიერება): ფიტომენადიონი

კლინიკურ-ფარმაკოლოგიური ჯგუფი: ანტიჰემორაგიული და ჰემოსტაზური საშუალებები,  K ვიტამინის პრეპარატები

მწარმოებელი კომპანია: HBM PHARMA

მწარმოებელ იქვეყანა: სლოვაკეთი

გამოშვების ფორმა: 10მგ/მლ 1მლ ი.მ., კანქვეშ და ნელი ი.ვ. შეყვანისთვის საინექციო ემულსია ქარვისფერი მინის ამპულა N5

გაცემის რეჟიმი: II ჯგუფი (გაიცემა ფორმა N3 რეცეპტით)

1. რას წარმოადგენს კანავიტი და რისთვის გამოიყენება იგი

კანავიტი შეიცავს ფიტომენადიონს (ვიტამინი K1). ვიტამინი K1 მნიშვნელოვან როლს თამაშობს  სისხლის შედედების აგენტის ჩამოყალიბებაში (კოაგულაციის ფაქტორი) და სასარგებლო გავლენა აქვს ანტიბიოტიკების და ქიმიოთერაპუიული აგენტების მიღების შედეგად ნაწლავის მიკროფლორის დარღვევისას K 1 ვიტამინის დეფიციტის დროს.

კანავიტი გამოიყენება სისხლის შედედების პრევენციის და დარღვევების მკურნალობისთვის, რომელიც გამოწვეულია  K ვიტამინის დეფიციტით, სისხლის შედედების პრეპარატებით (მაგ: ვარფარინი) გამოწვეული სისხლდენის გართულებების დროს, ნაღვლის ბუშტის გახანგრძლივებული ობსტრუქცის შემდეგ სისხლის შედედების შემცირებისას, საკვების შემცირებულ შეწოვასთან დაკავშირებული ნაწლავის დაავადებები (მალაბსორბცია), ანტიბიოტიკებით, სულფანილამიდებით და სალიცილატებით ხანგრძლივი მკურნალობისას, ღვიძლის ციროზის ადრეულ ეტაპზე სისხლის კოაგულაციის შემცირებისას. მშობიარობამდე მიიღება პრევენციის მიზნით, რათა თვიდან იქნას აცილებული სისხლდენა ბავშვებსა და ახალშობილებში. გამოიყენება ახალშობილთა სისხლდენის სამკურნალოდ, ქირურგიაში, ნაღვლის გახანგრძლივებული დრენაჟის დროს ღვიძლიდან ნაწლავებში (სანაღვლე სადინარის დრენაჟი) და სისხლის შედედების შემცირების მქონე პაციენტების წინა საოპერაციო მომზადების მიზნით

2. რა უნდა იცოდეთ კანავიტის გამოყენებამდე

არ მიიღოთ კანავიტი:

 თუ ხართ ალერგიული ფიტომენადიონის ან ამ მედიკამენტის რომელიმე ინგრედიენტის მიმართ (მოცემულია პარაგრაფ 6-ში).

გაფრთხილება და სიფრთხილის ზომები

კანავიტის გამოყენებამდე მიმართეთ ექიმს ან ექთანს თუ:

– გაქვთ ღვიძლის მძიმე დაავადება;

– გაქვთ გლუკოზა-6-ფოსფატი დეჰიდროგენაზას ფერმენტის დეფიციტი (ვიტამინი K1-მ შეიძლება გამოიწვიოს ერითროციტების დაშლა);

– ბიოქიმიური კვლევის წინ (ფიტომენადიონი ზრდის ბილირუბინის დონეს სისხლის შრატში)

– თუ სხვა მიზეზების გამო აღგენიშნებათ სისხლდენის მდგომარეობები (მაგ: გინეკოლოგიური სისხლდენა).

სხვა მედიკამენტები და კანავიტი

აცნობეთ თქვენს ექიმს თუ  ღებულობთ, ბოლო დროს იღებდით ან შესაძლოა მიიღოთ სხვა მედიკამენტები.

კანავიტის და სხვა მედიკამენტების ერთდროულად მიღებამ შეიძლება შეაფერხოს ერთმანეთის მოქმედება. აცნობეთ ექიმს ან ფარმაცევტს თუ ღებულობთ შემდეგ მედიკამენტებს:

ფენაცეტინის, სულფანილამიდების, ქინინის – კანავიტთან ერთდოულად მიღებამ შეიძლება გაზარდოს ერითროციტების დაშლის რისკი.

კანავიტის სულფანილამიდებთან ერთდოულად მიღებისას შეიძლება გაიზარდოს ბილირუბინის დეპონირების რისკი ტვინის სტრუქტურებში (ე.წ. ბირთვული სიყვითლე).

ქოლესტირამინი - ამცირებს  ვიტამინი K1-ს შეწოვას ნაწლავებიდან.

ორსულობა, ძუძუთიკვება და ფერტილობა

თუ ხართ ორსული ან მეძუძური, ფიქრობთ რომ შესაძლოა იყოთ ორსულად, ან გეგმავთ ორსულობას, მედიკამენტის მიღებამდე კონსულტაციისთვის მიმართეთ თქვენს ექიმს ან ფარმაცევტს.

ორსულობა

ორსულობის დროს ფიტომენადიონის მიღების შესახებ მონაცემები არ არის. კანავიტის მიღება შეიძლება ორსულობის პერიოდში მხოლოდ მაშინ, თუ მკურნალობის სარგებელი აღემატება ნაყოფისათვის მოსალოდნელ შესაძლო რისკს.

ძუძუთიკვება

ფიტომენადიონი მცირე რაოდენობით გამოიყოფა დედის რძეში. მეძუძურ დედებს კანავიტის მიღება შეუძლიათ მხოლოდ მაშინ, თუ  მკურნალობის სარგებელი აღემატება ნაყოფისათვის მოსალოდნელ პოტენციურ რისკს.

ავტომანქანის მართვა და მექანიზმების გამოყენება

მედიკამენტს მნიშვნელოვან გავლენას არ ახდენს ავტომანქანის მართვის და მექანიზმის გამოყენების უნარზე.

3.  როგორ გამოიყენება კანავიტი

მედიკამენტი ყოველთვის გამოიყენეთ ექიმის ან ფარმაცევტის დანიშნულების მიხედვით. თუ არ ხართ დარწმუნებული, კონსულტაციისთვის მიმართეთ თქვენს ექიმს ან ფარმაცევტს.

დოზა

ზრდასრული დახ ანდაზმული პაციენტები

სისხლდენა რომელიც განპირობებულია სისხლის შედედების საწინააღმდეგო მედიკამენტებით (მაგ: ვარფარინი):

მძიმე შემთხვევებში, 10-დან 20-მგმდე (1-2 ამპულა) კანავიტი იხსნება 5მლ-დან 10 მლ-მდე საინექციო წყალში ან 5% გლუკოზას ხსნარში და კეთდება ნელი ინტრავენური შეყვანით (ინექცია ვენაში).

სანაღვლე სადინარებში და ღვიძლის დაავადებისას სისხლდენის პრევენცია და მკურნალობა:

სისხლის შედედების ზომიერად შემცირების  (სისხლის შედედების აგენტები) შემთხვევაში, ინტრამუსკულარულად (ინექცია კუნთში) კეთდება 5მგ-დან 10 მგ-მდე  კვირაში 3-ჯერ. სისხლის შედედების მკვეთრად შემცირების  და აშკარა სისხლდენის შემთხვევაში კეთდება 1-2 ამპულა დღეში 1-2-ჯერ კუნთში (ინტრამუსკულარულად).

ქირურგიულ პროცედურებამდე სისხლდენის პრევენცია იმ პაციენტებში, რომლებსაც შემცირებული აქვთ კოაგულაციის ფაქტორი: სასწრაფო ოპერაციის წინ ინტრავენურად (კეთდება ვენაში) კეთდება ორი ამპულის ნახევარი; ნაკლებად გადაუდებელ შემთხვევებში ინტრამუსკულარულად კეთდება დღეღამეში 10-დან 20 მგ-მდე.

სისხლდენის სხვა შემთხვევებში:

შემცირებული კოაგულაციის ფაქტორი II, VII და X, სხვადასხვა ეტიოლოგიის სისხლდენის შემთხვევაში, კეთდება 1-2 ამპულა ინტრამუსკულარულად (ინექცია კუნთში), სანამ არ გამოსწორდება კოაგულაცია და არ შეჩერდება სისხლდენა.

მაქსიმალური ერთჯერადი დოზა არის 20მგ, მაქსიმალური სადღეღამისო დოზა შეადგენს 40 მგ კანავიტს ორივე გზით მიღებისას.

გამოყენება ბავშვებში

ბავშვებში კანავიტის გამოყენება შეიძლება ინტრავენურად და ინტრამუსკულარულად. K ვიტამინის დეფიციტით განპირობებული სისხლდენის პრევენციის მიზნით. დროულად დაბადებულ ჯანმრთელ ბავშვებში ან მშობიარობამდე ახლო პეიოდში: ერთჯერადი ინექცია (1მგ) დაბადებისთანავე ან მალევე.

ნაადრევად დაბადებულ ბავშვებში, > 2.5 კგ სხეულის წონით და განსაკუთრებით მაღალი რისკის ახალშობილებში: კეთდება ერთი მილიგრამი ინტრამუსკულარულად (კეთდება კუნთში) ან ინტრავენურად (კეთდება ვენაში) დაბადებისთანავე ან მალევე.

ნაადრევად დაბადებულ ბავშვებში, < 2.5 კგ სხეულის წონით, კეთდება 0.4 მგ/კგ (შეესაბამება 0.04 მლ/კგ) ინტრამუსკულარულად (კეთდება კუნთში) ან ინტრავენურად (კეთდება ვენაში) დაბადებისთანავე ან მალევე.

მიღების წესი

ზრდასრულები და ხანდაზმული პაციენტები: ინტრამუსკულარულად (კეთდება კუნთში) ან ინტრავენურად (კეთდება ვენაში)

ბავშვები და თინეიჯერები:

ინტრამუსკულარულად (კეთდება კუნთში) ან ინტრავენურად (კეთდება ვენაში)

თუ თქვენ იღებთ უფრო მეტ კანავიტს ვიდრე უნდა ღებულობდეთ:

თუ მიიღეთ იმაზე მეტი რაოდენობით, ვიდრე უნდა მიგეღოთ, სერიოზული სიმპტომები მოსალოდნელი არ არის. კანავიტის ინტრავენური გზით მიღებამ შეიძლება გამოიწვიოს მწვავე ალერგიული რეაქციები, როგორიცაა წამოხურება, ოფლიანობა, გულმკერდის ტკივილი, ჰაერის უკმარისობა, კანისა და ლორწოვანი გარსის მოლურჯო-იისფერი შეფერილობა (ციანოზი), ბრონქების შევიწროება (ბრონქოკონსტრიქცია) და გულის უკმარისობა.

ახალშობილებში, განსაკუთრებით ნაადრევად დაბადებულ ჩვილებში, კანავიტის დიდი დოზით მიღებამ შეიძლება გამოიწვიოს ერითროციტების დაშლით განპირობებული ანემია (ჰემოლიზური ანემია). ასევე არსებობს ტვინის სტრუქტურებში ბილირუბინის დაგროვების რისკი (ბირთვული სიყვითლე).

კანავიტის ჭარბი დოზის მიღება არ საჭიროებს მკურნალობას, რადგან ფიტომენადიონი სწრაფად გამოიყოფა ორგანიზმიდან.

თუ შეწყვიტეთ კანავიტის გამოყენება

მედიკამენტის გამოყენებასთან დაკავშირებით დამატებითი კითხვების შემთხვევაში მიმართეთ ექიმს ან ფარმაცევტს.

4. შესაძლო გვერდითი მოვლენები:

ყველა მედიკამენტის მსგავსად, კანავიტმაც შეიძლება გამოიწვიოს გვერდითი მოვლენები, თუმცა ყველასთან არ ვითარდება. გვერდითი მოვლენები შეიძლება განვითარდეს ფიტომენადიონით მკურნალობის პერიოდში, შემთხვევის სიხშირის მიხედვით:

იშვიათი -  (შესაძლოა გავლენა იქონიოს 100-დან 1 პაციენტზე): გამონაყარი, რეაქცია ინექციის ადგილზე, ანთება ინექციის ადგილზე, ინექციის ადგილის ტკივილი.

უცნობი - (არსებული მონაცემებით ვერ ხერხდება შეფასება): სისხლის მიმოქცევის დარღვევა, მომატებული ოფლიანობა (ჰიპერჰიდროზი), კანისა და ლორწოვანი გარსის მოლურჯო-იისფერი შეფერილობა  (ციანოზი), ბრონქების შევიწროება (ბრონქოკონსტრიქცია), ერითროციტების დაშლით განპირობებული ანემია (ჰემოლიზური ანემია), ახალშობილთა სიყვითლე.

გვერდითი მოვლენების მოხსენება

თუ გამოვლინდა რაიმე სახის არასასურველი მოვლენა, მათ შორის ის მოვლენები რომელიც ამ ჩანართში არ არის მოცემული, მიმართეთ ექიმს ან ფარმაცევტს.

გვერდითი მოვლენების შესახებ ასევე შეგიძლიათ პირდაპირ მიმართოთ შემდეგ მისამართზე: Statni ustav pro kontrolu leciv Srobarova 48  100 41 Praha 10; www.sulk.cz/nahlastin-nezadouci-ucinek.

გვერდითი მოვლენების დაფიქსირებით თქვენ უზრუნველყობთ მედიკამენტის უსაფრთხოების შესახებ უფრო მეტ ინფორმაციას.

5. როგორ შევინახოთ კანავიტი

მედიკამენტი შეინახეთ ბავშვებისთვის მიუწვდომელ ადგილას, არაუმეტეს 25⁰C ტემპერატურაზე. შეინახეთ ორიგინალ შეფუთვაში რათა მოარიდოთ სინათლეს.

არ გამოიყენოთ მედიკამენტი ვარგისობის ვადის გასვლის შემდეგ, რომელიც მითითებულია შეფუთვაზე. ვადის ამოწურვა გულისხმობს  თვის ბოლო დღეს. გახსნის შემდეგ გამოიყენეთ დაუყოვნებლივ.

არ შეიძლება მედიკამენტის გადაგდება ჩამდინარე წყალში ან საყოფაცხოვრებო ნარჩენებში. თუ წამალი აღარ გჭირდებათ მიმართეთ ექიმს რჩევისთვის თუ როგორ განკარგოთ იგი. ამ ზომების მიღებით დაიცავთ გარემოს.

6. შეფუთვის შიგთავსიდა სხვა ინფორმაცია

რას შეიცავს კანავიტი:

ერთი მილიგრამი საინექციო ემულსია შეიცავს 10მგ ფიტომენადიონს (ვიტამინი K1).

დამხმარე ნივთიერებები:

პოლისორბატი 80,  ნატრიუმის აცეტატი,  დინატრიუმის ედეტატი დეჰიდრატი,  საინექციო წყალი, მარილმჟავა.

კანავიტის აღწერა და შეფუთვის ფორმა

კანავიტი არის მომწვანო მოყვითალო, ოდნავ გაუმჭვირვალე მღვრიე ემულსია, ფაზის გამყოფი მითითების გარეშე.

შეფუთვაში მოცემულია 1 მლ 5 შუშის ამპულა.

გაცემის წესი: ფარმაცევტული პროდუქტის ჯგუფი II, გაიცემა ფორმა N3 რეცეპტით.