ნიოტიტი-DF 10მლ ყურის წვ.

ნიოტიტი-DF®

Niotit- DF®

სავაჭრო დასახელება

ნიოტიტი-DF®

საერთაშორისო არაპატენტირებული დასახელება

არ არის

წამლის ფორმა

ყურის წვეთები 10მლ

შემადგენლობა

10 მლ პრეპარატი შეიცავს

აქტიური ნივთიერება: ქლორამფენიკოლი 0,1 გ,

ლიდოკაინის ჰიდროქლორიდი 0,1 გ

დამხმარე ნივთიერებები: ბორის მჟავა 0,1 გ, ეთილის სპირტი 70%

აღწერა
გამჭვირვალე , უფერო ან ოდნავ მოყვითალო ფერის სითხე.

ფარმაკოთერაპიული ჯგუფი

პრეპარატები ოტოლოგიური დაავადებების სამკურნალოდ. პრეპარატები ოტოლოგიური დაავადებების სამკურნალოდ. სხვა ტკივილგამაყუჩებლები და საანესთეზიო საშუალებები. კომბინირებული პრეპარატები.

ათქ კოდი S02DA30

ფარმაკოლოგიური თვისებები

ფარმაკოკინეტიკა

ადგილობრივი გამოყენებისას ყურის წვეთების სახით სისტემური აბსორბცია დაბალია.

ფარმაკოდინამიკა

ნიოტიტ-DF® - კომბინირებული პრეპარატი ადგილობრივი გამოყენებისთვის. აქვს ანტიბაქტერიული და ადიგლობრივი საანესთეზიო მოქმედება. ქლორამფენიკოლი - ფართო მოქმედების ბაქტერიოსტატული ანტიბიოტიკი. არღვევს მიკრობულ უჯრედში ცილის სინთეზის პროცესს (აქვს კარგი ლიპოფილობა, აღწევს ბაქტერიის უჯრედულ მემბრანაში და ახდენს 50S ბაქტერიული რიბოსომებთან უკუკავშირი, რომელშიც ჩერდება ამინომჟავების გადაადგილება მზარდი პეპტიდური ჯაჭვებისკენ და იწვევს ცილის სინეთეზის დარღვევას). აქტიურია უმეტესობა გრამდადებითი ბაქტერიების შტამების მიმართ: Staphylococcus spp., Streptococcus spp., გრამუარყოფითი ბაქტერიების: Neisseria gonorrhoeae, Neisseria meningitidis, Escherichi coli, Haemophilus influenzae, Salmonella spp., Shigella spp., Klebsiella spp., Yersinia spp., Proteus spp., Rickettsia spp., აქტიურია ასევე Spirochaetaceae-ს , ზოგიერთი მსხვილი ვირუსების მიმართ. ეფექტურია ბაქტერიების შტამების მიმართ რომლებიც რეზისტენტულია პენიცილინის, ტეტრაციკლინების, სულფანიალმიდების მიმართ. არ მოქმედებს Pseudomonas aeruginosa, Serratia marcescens-ის მიმართ.

ლიდოკაინის ჰიდროქლორიდი, რომელსაც გააჩნია ადგილობრივი ტკივილგამაყუჩებელი მოქმედება, ხსნის ტკივილის შეგრძნებას. რაც თან ახლავს ყურის უმეტესობა დაავადებას.  ანტიბაქტერიული და ადგილობივი ტკივილგამაყუჩებლის სპირტიან ხსნარში კომბინაცია აძლიერებს პრეპარატის თერაპიულ ეფექტს.

გამოყენების ჩვენებები

- გარე ოტიტი ბარაბნის პერფორაციის გარეშე

- არაჩირქოვანი შუა ოტიტი

გამოყენების წესი და დოზები

ნიოტიტ-DF-ის გამოყენებამდე აუცილებელია ფლაკონის სახურავის შეცვლა არახრახნიან პლასტმასის თავსახურად, რომელიც აერთიანებს შუშის საწვეთურს და რეზინის თავს. ასევე უნდა ჩატარდეს გარე აუდიტორული არხის გასუფთავება.

პრეპარატის ჩაწვეთება ხდება ყურის არხის უკანა ზედა კედელზე, პაციენტის თავის გადახრით საწინააღმდგო მხარეს.  ჩაწვეთების შემდეგ რამოდენიმეჯერ ხდება ბაბმის ტამპონით დაწოლა მასაჟის სახით. პრეპარატი უნდა გაჩერდეს ყურში 10-15 წთ, შემდეგ თავის მეორე მხარეს გადახრით ხდება მისი გადმოღვრა. გარე აუდიტორული არხი უნდა გამოშრეს სტერილური ბამბის ტამპონით.

წვეთები უნდა იყოს თბილი, სხეულის ტემპერატურის (ისე რომ არ გამოიწვიოს ლაბირინთის გაღიზიანება). ამისათვის ჩაწვეთების წინ პრეპარატიანი ფლაკონი უნდა დაიდგას თბილ წყალში რამოდენიმე ხნით ( 35-36°C), ან ფლაკონის მუჭში მოქცევით.

გარე აუდიტორულ არხში უნდა მოხდეს 2-3 -ჯერ ჩაწვეთება:

- 3 წელზე მეტი ასაკის ბავშვებში 2-3 წვეთი

- მოზრდილებში და 14 წელზე მეტი ასაკის ბავშვებში 3-4 წვეთი

მკურნალობის კურსი: ბავშვებში - 2-5 დღე; მოზრდილებში - 5-7 დღე.

გვერდითი რეაქციები

იშვიათად

- კანის და ლორწოვანი გარსის გაღიზიანება

- ადგილობრივი ალერგიული რეაქციები გამონაყარის, ქავილის, ქსოვილების გაწითლების და შეშუპების სახით

უკუჩვენებები

- ბარაბნის მემბრანის ინფექციური ან ტრავმული სახის პერფორაცია

- მომატებული ინდივიდუალური მგრძნობელობა ნებისმიერი კომპონენტის მიმართ

- ორსულობის და ლაქტაციის პერიოდი

- 3 წლამდე ასაკის ბავშვები

- ყურის ვირუსული ან სოკოვანი დაავადებები

- გარე აუდიტორული არხის ეგზემა

- ძვლის ტვინის სისხლის წარმოქმნის დათრგუნვა

- მწვავე ინტერმიტირებადი პორფირია

- გლუკოზო-6-ფოსფატდეჰიდროგენაზას დეფიციტი

ურთიერთქმედება სხვა პრეპარატებთან

ადგილობრივი გამოყენებისას არ არის რეკომენდებული გამოყენება სხვა სამკურნალო პრეპარატებთან ერთად.

ერითრომიცინთან, კლინდამიცინთან, ლინკომიცინთან ერთად გამოყენებისას შეინიშნება სუსტი მოქმედება ვინაიდან ქლორამფენიკოლს შეუძლია გამოაძევოის ეს პრეპარატები კავშირიდან ან ხელი შეუშალოს მათ კავშირს 50S ბაქტერიული რიბოსომის ქვეერთეულთან.

ამცირებს ამინოგლიკოზიდების, პენიცილინების, პოლიმიქსინი B, ტეტრაციკლინების, ცეფალოსპორინების, ერითრომიცინის ანტიბაქტერიულ ეფექტს.

ასევე შეუთავსებელია ასკორბინის მჟავასთან, ჰიდროკორტიზონთან , B ჯგუფის ვიტამინებთან.

განსაკუთრებული მითითებები

მკურნალობის დანიშვნამდე ექიმმა უნდა შეამოწმოს ბარაბნის მემბრანის მთლიანობა.

დაუშვებელია დანიშვნა პროფილაქტიკის მიზნით.

დაუშვებელია დადგენილი მკურნალობის კურსის და დოზების გადაჭარბება. პრეპარატის მიღების სიხშირის ან ხანგრძლივობის მომატებისას შესაძლებელია აქტიური ნივთიერებების სისტემური მოქმედება. ლიდოკაინმა შეიძლება გამოიწვიოს ნეირო- და კარდიოტოქსიური რეაქციები - პარესთეზია, თავბრუსხვევა, ძილიანობა, აგზნება, ფასციკულაცია, კანკალი; ტაქიკარდია და ჰიპერტონია. უფრო სერიოზული ტოქსიკური რეაქციებში შეიძლება განვითარდეს კუნთების კუმშვადობა და კრუნჩხვები; კუჭის ექსტრასისტოლია. ქლორამფენიკოლს შეუძლია გამოიწვიოს ჰემატო- და ნეიროტოქსიკური რეაქციები - რეტიკულოპათიები, თრომბოციტოპენია, ანემია, ლეიკოპენია; ცნობიერების დარღვევა, თავის ტკივილი, პერიფერული პოლინეიროპათიები; უფრო ხანგრძლივი გამოყენებისას შეიძლება განვითარდეს მხედველობის ნერვის ნევრიტი.

მკურნალობის პროცესში აუცილებელია პერიფერული სისხლის სურათის კონტროლი.

სიფრთხილით ინიშნება პაციენტებში, რომლენიც მანამდე იღებდნენ ციტოსტატურ პრეპარატებს ან სხივურ თერაპიას.

გამოყენება პედიატრიაში

ბავშვებში გამოიყენება მხოლოდ ექიმის დანიშნულების მიხედვით.

სამკურნალო საშუალების ზემოქმედების თავისებურებები ავტოტრანსპორტის ან პოტენციურად საშიში მექანიზმების მართვის უნარზე

არ ზემოქმედებს.

ჭარბი დოზირება

ადგილობრივი გამოყენებისას ჭარბი დოზირება არ შეინიშნებოდა.

შემთხვევით შიგნით მიღებისას სიმპტომები: გულისრევა, ღებინება, დიარეა, თავის ტკივილი, კანზე გამონაყარი, ცნობიერების დარღვევა, სხეულის ტემპერატურის დაწევა.

მკურნალობა: სიმპტომური, უცილებელია ორგანიზმში საკმარისი რაოდენობის სითხის მიწოდება.

გამოშვების ფორმა და შეფუთვა

10მლ პრეპარატი შუშის ფლაკონებში, დახუფული ხრახნიანი პლასტმასის სახურავით, კომპლექტში ხრახნიან პლასტმასის სახურავთან, რომელიც აერთიანებს შუშის საწვეთურს და რეზინის თავს. ერთი ფლაკონი ხრახნიან პლასტმასის სახურავთან ერთად, რომელიც აერთიანებს შუშის საწვეთურს და რეზინის თავს, ასევე სამედიცინო გამოყენების ინსტრუქცია სახელმწიფო და რუსულ ენებზე მოთავსებულია მუყაოს კოლოფში.

შენახვის პირობები

ინახება სინათლისგან დაცულ ადგილას არაუმტეს 20°С-ზე.

შეინახეთ ბავშვებისთვის მიუწვდომელ ადგილას!

ვარგისობის ვადა

3 წელი.

ფლაკონის გახნსის შემდეგ გამოყენების პერიოდი - 28 დღე.

არ გამოიყენოთ ვარგისობის ვადის გასვლის შემდეგ.

აფთიაქიდან გაცემის პირობები

ფარმაცევტულიპროდუქტისჯგუფი III, გაიცემა რეცეპტის გარეშე.

მწარმოებელი

შპს “დოსფარმი”, ყაზახეთი, 050034, ალმაატა, ჩაპლიგინის 3, ტელ.: (727) 253 - 03- 88

რეგისტრაციის მოწმობის მფლობელი

შპს “დოსფარმა”, ყაზახეთი, 050034, ალმაატა, ჩაპლიგინის 3.

ყაზახეთის რესპუბლიკის ტერიტორიაზე პროდუქციის ხარისხთან დაკავშირებული მომხმარებლის პრეტენზიების მიმღები ორგანიზაციის მისამართი:

შპს “დოსფარმი”., ყაზახეთი, ალმაატა, ჩაპლიგინის 3, ტელ./ფაქსი: (727) 253 - 03- 88,

ელ.ფოსტა: [email protected]