თიოტრიაზოლინი 200მგ #90ტ

თიოტრიაზოლინი

(THIOTRIAZOLIN)

შემადგენლობა:

აქტიური ნივთიერება: თიოზიტის მჟავა;

1 ტაბლეტი შეიცავს მორფოლინის მარილის თიოზიტის მჟავას 100% ნივთიერებაზე გადაანგარიშებით - 200 მგ, რაც 133 მგ თიოზიტის მჟავას ექვივალენტურია.

დამხმარე ნივთიერებები: კარტოფილის სახამებელი, პოვიდონი, შაქარი-პუდრა, მიკროკრისტალური ცელულოზა, კალციუმის სტეარატი. 

წამლის ფორმა: ტაბლეტები

ძირითადი ფიზიკო-ქიმიური თვისებები: თეთრი ან თითქმის თეთრი ფერის ტაბლეტები, მრგვალი ფორმის ბრტყელი ზედაპირით, ნაჭდევით და გამყოფი ხაზით.

ფარმაკოთერაპიული ჯგუფი.

კარდიოლოგიური პრეპარატები. სხვა კარდიოლოგიური პრეპარატები. თიოზიტის ჯავა.

ათქ კოდი: C01EB23  

ფარმაკოლოგიური თვისებები.

ფარმაკოდინამიკა.

თიოზიტის მჟავას ფარმაკოლოგიური ეფექტი განპირობებულია ანტიიშემიური, მემბრანის მასტაბილიზებელი, ანტიოქსიდაციური და იმუნომოდულირებული მოქმედებით.

პრეპარატის გავლენა ხორციელდება ანაერობული გლიკოლიზის კომპენსატორული აქტივაციის და კრებსის ციკლში დაჟანგვის პროცესების აქტივაციის გაძლიერების ხარჯზე ატფ-ის უჯრედშიდა ფონდის შენარჩუნებით. თიოზიტის მჯავას მოლეკულის სტრუქტურაში გოგირდის თიოლის, რომლისთვისაც დამახასიათებელია ჟანგვა-აღდგენითი თვისებები, და მესამეული აზოტის არსებობს, რომელიც აკავშირებს წყალბადის იონების სიჭარბეს, განაპირობებს ანტიოქსიდაციური სისტემის აქტივაციას. თიოლის ჯგუფის ძლიერი აღდგენითი თვისებები იწვევენ რეაქციას ჟანგბადის აქტიურ ფორმებთან და ლიპიდურ რადიკალებთან. ანტირადიკალური ფერმენტების - სუპეროქსიდდისმუტზას, კატალაზას და გლუტათიონპეროქსიდაზას რეაქტივაცია ხელს უწლიშ ჟანგბადის აქტიური ფორმების ინიციაციას.

თიაზოტის მჟავას ზემოქმედება იწვევს მიოკარდიუმის იშემიურ უბნებში ლიპიდების დაჟანგვის პროცესების დათრგუნვას, კატექოლამინების მიმართ მიოკარდიუმის მგრძნობელობის შემცირებას, გულის კუმშვითი ფუნქციის პროგრესული დათგრუნვის პრევენციას, შესაბამისად მიოკარდიუმის ნეკროზისა და იშემიის ზონის სტაბილიზაციას და შემცირებას. სისხლის რეოლოგიური თვისებების გაუმჯობესება ხორციელდება ფიბრინოლიზური სისტემის აქტივაციის ხარჯზე. მიოკარდიუმის მეტაბოლიზმის პროცესების გაუმჯობესება, მისი კუმშვითი უნარის მომატება, გულის რითმის ნორმალიზაციის ხელშეწყობა გვაძლევს თაიზოტის მჟავას რეკომენდაციის უფლებას გულის იშემიური დაავადებების სხვადასხვა ფორმების მქონე პაციენტების სამკურნალოდ. 

კარდიოლოგიაში პრეპარატის გამოყენების პარალელურად, თიაზოტის მჟავა გამოიყენება ღვიძლის და სხვადასხვა შინაგანი ორგანოების მკურნალობისას, მისი მაღალი ჰეპატოპროტექტორული თვისებების გათვალისწინებით. პრეპარატი ხელს უშლის ჰეპატოცირების დარღვევას, ამცირებს ცხიმოვანი ინფილტრაციის ხარისხს და ღვიძლის ცენტროლობულარულის ნეკროზების გავრცელებას, ხელს უწყობს ჰეპატოციტების რეპარაციული რეგენერაციის პროცესებს, აწესრიგებს მათში ცილოვან, ნახშირწყლოვან, ლიპიდურ და პიგმენტურ ცვლას. ზრდის სინთეზის სიჩქარეს და ნაღვლის გამოყოფას, აწესრიგებს მის ქიმიურ შემადგენლობას.

ფარმაკოკინეტიკა.

პერორალური მიღების შემდეგ პრეპარატი სწრაფად შეიწოვება, მისი აბსოლუტური ბიოამთვისებლობა შეადგენს 53%-ს. სისხლის პლაზმაში მაქსიმალური კონცენტრაცია მიიღწევა 200 მგ ერთჯერადი დოზის მიღებიდან 1,6 საათის შემდეგ. ნახევრად გამოყოფის პერიოდი - თითქმის 8 საათი.

კლინიკური მახასიათებლები.

ჩვენებები.

• გულის იშემიური დაავადების კომპლექსური მკურნალობის დროს: სტენოკარდია, მიოკარდიუმის ინფარქტი, პოსტ-ინფარქტული კარდიოსკლეროზი;
• გულის არითმიები.
• სხვადასხვა ეტიოლოგიის ქრონიკული ჰეპატიტის კომპლექსურ თერაპიაში, ალკოჰოლური ჰეპატიტის ჩათვლით;
• ღვიძლის ციროზი.

უკუჩვენებები.

• მომატებული მგრძნობელობა თიაზოტის მჟავას და პრეპარატის სხვა კომპონენტების მიმართ;
• თირკმლის მწვავე უკმარისობა.

ურთიერთქმედებები სხვა სამკურნალო საშუალებებთან და სხვა სახის ურთიერთქმედებები.

კარდიოპროტექტორული პრეპარატის სახით თიოტრიაზოლინის გამოყენება შეიძლება გულის იშემიური დაავადების თერაპიის ბაზისურ საშუალებებთან კომბინაციაში.

ჰეპატოპროტექტორული საშუალებების სახით, შეიძლება კომბინირება ჰეპატიტის მკურნალობის ტრადიციულ მეტოდებთან.

გამოყენების თავისებურებანი. არ არსებობს.

გამოყენება ორსულობისა და ძუძუთი კვების დროს.

ორსულობისა და ძუძუთი კვების დროს პრეპარატის გამოყენების ეფექტურობა და უსაფრთხოება არ არის შესწავლილი.

ავტოტრანსპოპრტის მართვისა და სხვა მექანიზმებთან მუშაობის დროს რეაქციის სისწრაფეზე გავლენის უნარი

დღეისათვის ინფორმაცია არ არსებობს, თუმცა გასათვალისწინებელია თავბრუს განვითარების შესაძლებლობა.

მიღების წესი და დოზები.

სტაბილური დაძაბვის სტენოკარდიის დროს თიოტრიაზოლინი ინიშნება 200 მგ დოზით პერორალურად 3-ჯერ დღეში. მკურნალობის კურსი - 8 კვირა.

მოსვენების სტენოკარდიის, მიოკარდიუმის ინფარქტის, პოსტინფარქტული კარდიოსკლეროზის დროს თიოტრიაზოლინი ინიშნება 200 მგ დოზით დღეში სამჯერ 20-30 დღის განმავლობაში.

გულის რითმის დარღვევის დროს თიოტრიაზოლინი ინიშნება დოზით 200 მგ პერორალურად ან ენის ქვეშ დღეში სამჯერ.

ღვიძლის დაავადებების დროს, თიოტრიაზოლინი ინიშნება 200 მგ დოზით დღეში სამჯერ 20-30 დღის განმავლობაში.

მკურნალობის კურსი დგინდება ექიმის მიერ ინდივიდუალურად დაავადების სიმძმისა და მიმდინარეობის მიხედვით. 

ბავშვები. პრეპარატის გამოყენების გამოცდილება ბავშვებში არ არის საკმარისი.

ჭარბი დოზირება.

ჭარბი დოზირების დროს შარდში იზრდება ნატრიუმისა და კალიუმის კონცენტრაცია.

ასეთ შემთხვევებში პრეპარატი უნდა მოიხსნას.

მკურნალობა სიმპტომური.

გვერდითი მოვლენები.

პრეპარატი, როგორც წესი ხასიათდება კარგი ტოლერანტობით.

პაციენტებში მომატებული ინდივიდუალური მგრძნობელობით შეიძლება განვითარდეს:

კანისა და კანქვეშა უჯრედისის მხრივ: ქავილი, კანის ჰიპერემია, გამონაყარი, ჭინჭრის ციება, ანგიონევროზული შეშუპება.

კომპლექსურ თერაპიაში გამოყენებისას, უპირატესად ხანდაზმული ასაკის პაციენტებში, შეიძლება განვითარდეს:

იმუნური სისტემის მხრივ: ანაფილაქსიური შოკი;

ცენტრალური და პერიფერიული ნერვული სისტემის მხრივ: თავბრი, ხმაური ყურებში;

კუჭ-ნაწლავის ტრაქტის მხრივ: დისპეფსიური მოვლენები, პირის სიმშრალის, გულისრევის, ღებინების ჩათვლით; მუცლის შებერილობა;

სასუნთქი სისტემის, გულმკერდისა და შუასაყრის ორგანოების მხრივ: ქოშინი, მოხრჩობა;

ზოგადი დარღვევები: ცხელება, ზოგადი სისუსტე;

პოსტრეგისტრაციილი დაკვირვების დროს აღინიშნებოდა რეაქციები, რომელთა კავშირი პრეპარატ თიოტრიაზოლინის მიღებასთან არ არის დადასტურებული:

გულ-სისხლძარღვთა სისტემის მხრივ: არტერიული ჰიპერტენზია, ტაქიკარდია. 

ვარგისობა. 2 წელი.

შენახვის პირობები. ინახება ორიგინალურ შეფუთვაში, არა უმეტეს 25⁰C ტემპერატურის პირობებში. ინახება ბავშვებისათვის მიუწვდომელ ადგილას.

შეფუთვა. ტაბლეტები 200 მგ,  15 ტაბლეტი ბლისტერში, 6 ბლისტერი კოლოფში.

აფთიაქიდან გაცემა.

ფარმაცევტული პროდუქტის ჯგუფი II, გაიცემა ფორმა №3 რეცეპტით

მწარმოებელი. სს „კიევმედპრეპარატი“.

მწარმოებლის ადგილმდებარეობა და მისი საქმიანობის განხორციელების ადგილი.

უკრაინა, 01032, კიევი, საკსაგანსკის ქ. 139.