ჰელმიქსი #30კაფს

ჰელმიქსი / Helmix

• საერთაშორისო დასახელება (აქტიური ნივთიერება): comb. drug
• კლინიკურ-ფარმაკოლოგიური ჯგუფი: პარაზიტების საწინააღმდეგო საშუალებები → ჰელმინთების საწინააღმდეგო საშუალებები
• მწარმოებელი კომპანია: ჰერბალ პრეპარატი
• მწარმოებელი ქვეყანა: საქართველო
• გამოშვების ფორმა: 600 მგ კაფსულა N30
• გაცემის რეჟიმი: III ჯგუფი (ურეცეპტოდ)

ანტიჰელმინთური საშუალება  ანტიპარაზიტული, დეტოქსიკაციური, ანტიოქსიდანტური და იმუნომოდულატორული მოქმედებით

შემადგენლობა:  Pau D’arco 10:1 10მგ,  გოგრის თესლი 10:1 60მგ,  ნივრის ექსტრაქტი 5 მგ, წითელი მოცვის ექსტრაქტი10მგ, შავი მოცვის ფოთლის ექსტრაქტი10 მგ, ვაშლის პექტინი 5მგ, შავი კაკლის ფხვნილი 10:1 200 მგ, სტაფილოს ფხვნილი10:1 10 მგ, პაპაიას ნაყოფის ფხვნილი 10:1 10მგ.

ჰელმიქსი წარმოადგენს ფართო სპექტრის ანტიჰელმინთურ საშუალებას. ჰელმიქსი მოქმედებს ჰელმინთების ენერგეტიკულ ცვლაზე, აბლოკირებს გლუკოზის შეწოვის პროცესს და იწვევს ჰელმინთების სიკვდილს ატფ-ის უკმარისობის გამო.

გოგრის თესლი მდიდარია ალკალოიდებით, გლიკოზიდებით, ცვილებით, ეთერზეთებით, E და B ვიტამინებით. მას იყენებენ - ჭიის კვერცხების, ჰელმინთების (სოლიტერი, ლენტისებრი ჭიები) წინააღმდეგ. ჰელმინთების საწინააღმდეგო მოქმედება ახასიათებს თესლში შემავალ ძალზე იშვიათ ამინომჟავას. 

ნივრის ექსტრაქტს გააჩნია ანტიბაქტერიული, ანტივირუსული, ანტიპარაზიტული, ანტიოქსიდანტური და იმუნომასტიმულირებელი მოქმედება. არეგულირებს მადას, კუჭის მოქმედებას, უზრუნველყოფს ნაწლავის ნორმალური ფლორის ჩამოყალიბებას. ნივრის ექსტრაქტი ანტიოქსიდანტური მოქმედების წყალობით იცავს უჯრედებს თავისუფალი რადიკალების მავნე ზემოქმედებისგან, აუმჯობესებს მიკროცირკულაციას.

კაკლის ფხვნილი  მდიდარია C, B1, B2, B3 ვიტამინებით, ბეტა კაროტინით, იოდით, რკინით, საკვები ბოჭკოთი, ტანინებით, იუგლონითა და იუგლონის მჟავით, რომელთაც გააჩნია ანთებისსაწინააღმდეგო, ანტიპარაზიტული, ანტიფუნგალური, იმუნომასტიმულირებელი, დამცველობითი მოქმედება; არეგულირებენ ლორწოს სეკრეციას; ნაღვლის გამოყოფას. 

ჩვენება:
- ენტერობიოზი
- ჰელმინთოზი, გამოწვეული მრგვალი (ასკარიდოზი, ანკილოსტომოზი, ტრიქოცეფალოზი) და ბრტყელი ჰელმინთებით (ტენიარინქოზი, დიფილობოტრიოზი)
- პროტოზოებით ინვაზია (ლამბლიოზი და ამებიაზი)
- ტოქსოპლაზმოზი, ქლამიდიოზი, მიკოპლაზმოზი, ურეაპლაზმოზი, გარდნერელოზი
- დემოდეკოზი
- ინტოქსიკაცია გამოწვეული პარაზიტებით, დისპეფსია, მეტეორიზმი, ქოლეცისტიტი, გაღიზიანებული ნაწლავის სინდრომი, ქრონიკული კოლიტი, დაქვეითებული იმუნიტეტი

მიღების წესი:
3-4 წელი 1 კაფსულა 2-ჯერ დღეში, 6-12 წელი 1 კაფსულა 3-ჯერ დღეში, 12 წლის ზემოთ 1-2 კაფსულა 3-ჯერ უმჯობესია ჭამის დროს. მკურნალობის კურსი შეადგენს 10 დღეს. საჭიროების შემთხვევაში  მკურნალობის კურსი შეიძლება განმეორდეს 2-3 კვირის შემდეგ.  

უკუჩვენება:
ორსულობა და ლაქტაციის პერიოდი.

რეკომენდაცია:
ჰელმიქსის მიღებისას უნდა შეიზღუდოს ცხიმოვანი საკვების მიღება 

გამოშვების ფორმა:
ჰელმიქსი  600 მგ კაფსულა N30