ჯეს პლუსი 3/0.02/0.451მგ#28ტ

ჩანართი ფურცელი ‒ ინფორმაცია პაციენტებისთვის

ჯესი^® პლიუსი, 3,000 мг + 0,020 მგ + 0,451 მგ და 0,451 მგ, ტაბლეტების ნაკრები, აპკიანი გარსით დაფარული ტაბლეტები

მოქმედი ნივთიერება: დროსპირენონი, ეთინილესტრადიოლი, კალციუმის ლევომეფოლატი

პრეპარატის გამოყენებამდე მთლიანად წაიკითხეთ ჩანართი ფურცელი, ვინაიდან მასში მოყვანილია თქვენთვის მნიშვნელოვანი მონაცემები.

- შეინახეთ ეს ჩანართი ფურცელი. შესაძლოა, დაგჭირდეთ მისი ხელახლა გადაკითხვა.

- თუ გაგიჩნდათ დამატებითი კითხვები, მიმართეთ მკურნალ ექიმს.

- პრეპარატი დაგენიშნათ თქვენ. ნუ გადასცემთ მას სხვა ადამიანებს. მან შეიძლება ზიანი მიაყენოს სხვებს, თუნდაც მათი დაავადების სიმპტომები თქვენსას ემთხვეოდეს.

- თუ გაგიჩნდათ რაიმე არასასურველი რეაქციები, მიმართეთ მკურნალ ექიმს. ეს რეკომენდაცია ვრცელდება ნებისმიერ შესაძლო არასასურველ რეაქციაზე, მათ შორის ისეთზე, რომელიც არ არის ჩამოთვლილი ჩანართი ფურცლის მე-4 კარში.

ჩანართი ფურცლის შინაარსი

1. რას წარმოადგენს პრეპარატი ჯესი^® პლიუსი და რისთვის გამოიყენება

2. რა უნდა იცოდეთ პრეპარატი ჯესი^® პლიუსის გამოყენებამდე

3. პრეპარატი ჯესი^® პლიუსის გამოყენება

4. შესაძლო არასასურველი რეაქციები

5. პრეპარატი ჯესი^® პლიუსის შენახვა

6. შეფუთვის შიგთავსი და სხვა მონაცემები

1. რას წარმოადგენს პრეპარატი ჯესი^® პლიუსი და რისთვისაც ის გამოიყენება

გამოყენების ჩვენებები

პრეპარატი ჯესი® პლიუსი გამოიყენება კონტრაცეფციის მიზნით (არასასურველიორსულობისპროფილაქტიკა) ქალებში მენარქეს (პირველიმენსტრუაციის) დაწყების შემდეგ ორგანიზმში ჰორმონდამოკიდებული სითხის შეკავების სიმპტომებით.

პრეპარატი ჯესი® პლიუსი გამოიყენება კონტრაცეფციის და საშუალო სიმძიმის აკნეს სამკურნალოდ ქალებში მენარქეს დაწყების შემდეგ.

პრეპარატი ჯესი® პლიუსი გამოიყენება კონტრაცეფციის მიზნით ქალებში ფოლიუმის დეფიციტით (ფოლიუმის მჟავა) მენარქეს დაწყების შემდეგ.

პრეპარატი ჯესი® პლიუსი გამოიყენება კონტრაცეფციის მიზნით და მძიმე ფორმის პრემენსტრუალური სინდრომის სამკურნალოდ ქალებში მენარქეს დაწყების შემდეგ.

პრეპარატი ჯესი® პლიუსის მოქმედების მეთოდი

პრეპარატი ჯესი® პლიუსის კონტრაცეპტიული ეფექტი ხორციელდება ურთიერთშემავსებელი მექანიზმების მეშვეობით, რომელთაგან ყველაზე მნიშვნელოვანია ოვულაციის დათრგუნვა (ფოლიკულიდან კვერცხუჯრედის გამოსვლა), საშვილოსნოს ყელის სეკრეციის სიბლანტის მომატება, რაც შეუძლებელს ხდის სპერმატოზოიდის გავლას და კვერცხუჯრედის შემდგომ განაყოფიერებას, და ენდომეტრიუმში (საშვილოსნოს შიდა შრე) ისეთი ცვლილებები, რომლებიც ხელს უშლის განაყოფიერებული კვერცხუჯრედის იმპლანტაციას.

ქალებში, რომლებიც იღებენ პრეპარატ ჯესი® პლიუსს, მცირდება ტკივილის შეგრძნება და მენსტრუაციის მსგავსი სისხლდენის ინტენსივობა, რაც ამცირებს რკინადეფიციტური ანემიის რისკს.

დროსპირენონი დადებითად მოქმედებს პრემენსტრუალურ სინდრომზე, განაპირობებს ჰორმონდამოკიდებული სითხის შეკავების თავიდან აცილებას და ხელს უწყობს აკნეს შემცირებას (ფერიჭამიები).

ჯესი® პლიუსში შემავალი ფოლატები რეკომენდირებულია ქალებისთვის ორსულობამდე, ორსულობის ადრეულ ეტაპზე ფოლატების მოთხოვნილების დასაკმაყოფილებლად.

ვინაიდან პრეპარატი ჯესი® პლიუსის შემადგენლობაში შედის ორი სხვდასხვა ჰორმონი, იგი მიეკუთვნება ეგრედ წოდებულ „კომბინირებულ პერორალურ კონტრაცეპტივებს“.

თუ არ არის გაუმჯობესება ან თავს უარესად გრძნობთ, უნდა მიმართოთ ექიმს.

2. რა უნდა იცოდეთ პრეპარატი ჯესი® პლიუსის გამოყენებამდე

უკუჩვენებები

არ მიიღოთ პრეპარატი ჯესი ^® პლიუსი, თუ:

გაქვთ ქვემოთ ჩამოთვლილი ნებისმიერი დაავადება ან მდგომარეობა. თუ გაგაჩნიათ რომელიმე ჩამოთვლილი დაავადება, აცნობეთ ამის შესახებ თქვენს ექიმს პრეპარატი ჯესი® პლიუსის მიღების დაწყებამდე.

• · გაქვთ ალერგია (ჰიპერმგრძნობელობა) დროსპირენონის, ეთინილესტრადიოლის, კალციუმის ლევომეფოლატის, ან პრეპარატი ჯესი® პლიუსის ნებისმიერი სხვა კომპონენტის მიმართ (ჩამოთვლილია ჩანართი ფურცელის მე-6 კარში);
• · გაქვთ (ან ოდესმე გქონიათ) ვენური ან არტერიულითრომბოზი (ვენაში ან არტერიაში თრომბისწარმოქმნა) ან თრომბოემბოლია (მოწყვეტილი თრომბითსისხლძარღვისდაცობა), მათ შორის ღრმა ვენების თრომბოზი, ფილტვის არტერიის თრომბოემბოლია (მოწყვეტილი თრომბითფილტვისარტერიისდაცობა), მიოკარდიუმის ინფარქტი, ინსულტი, ცერებროვასკულური დარღვევები (ინტრაკრანიალური სისხლმიმოქცევის დარღვევა);
• · გაქვთ (ან ოდესმე გქონიათ) თრომბოზის წინარე მდგომარეობები (მათ შორის გარდამავალი იშემიური შეტევები, სტენოკარდია (ძლიერი ტკივილი გულ-მკერდის არეში);
• · გაქვთ სისხლის შედედების სისტემის მემკვიდრეობითი ან შეძენილი დარღვევები (მაგალითად, რეზისტენტობა აქტივირებული C პროტეინის მიმართ, ჰიპერჰომოცისტეინემია, ანტითრომბინ III-ის დეფიციტი, C პროტეინის დეფიციტი, S პროტეინის დეფიციტი, ანტიფოსფოლიპიდური ანტისხეულები – ანტიკარდიოლიპინის ანტისხეულები, მგლურას ანტიკოაგულანტი), რამაც შეიძლება გამოიწვიოს ვენური ან არტერიული თრომბოზი. (იხ. ქვეთავი "გულ-სისხლძარღვთა დარღვევები");
• · გაქვთ ვენური ან არტერიული თრომბოემბოლიის გაჩენის მაღალი რისკი მრავალი რისკ-ფაქტორის არსებობის გამო (იხ. ქვემოთ ქვთავი „გულ-სისხლძარღვთა დარღვევები“);
• · გაქვთ (ან ოდესმე გქონიათ) შაკიკი (ე.წ. კეროვანი ნევროლოგიური სიმპტომატიკით, როგორიცაა მხედველობის, მეტყველების დარღვევა, სისუსტე ან სხეულის ნებისმიერი ნაწილის გაშეშება);
• · გაქვთ (ან ოდესმე გქონიათ) პანკრეატიტი სისხლში ცხიმის მკვეთრად მომატებული შემცველობით;
• · გაქვთ შაქრიანი დიაბეტი სისხლძარღვთა გართულებებით;
• · გაწუხებთ ღვიძლის მძიმე დაავადება ან ოდესმე გქონიათ ასეთი დაავადება, და ღვიძლის პრობლემები (ღვიძლის უკმარისობა) შენარჩუნდა;
• · ამ მომენტისთვის ღებულობთ ანტივირუსულ პრეპარატებს , რომლებიც შეიცავს ომბიტასვირს, პარიტაპრევირს, დასაბუვირს ან ამ ნივთიერებების კომბინაცის (იხ. ქვეგანყოფილება „სხვა პრეპარატები და პრეპარატი ჯესი® პლიუსი“);
• · გაქვთ თირკმლის უკმარისების მძიმე ან მწვავე ფორმა;
• · გაქვთ (ან ოდესმე გქონიათ) ღვიძლის კეთილთვისებიანი ან ავთვისებიანი სიმსივნე ;
• · გაქვთ (ან ოდესმე გქონიათ) ჰორმონდამოკიდებული სიმსივნე (მათ შორის სასქესო ორგანოების ან სარძევე ჯირკვლის კიბო) ან მასზე ეჭვი;
• · გაქვთ გაურკვეველი წარმოშობის სისხლდენა საშოდან ;
• · ორსულად ხართ ან ეჭვობთ ამის შესაძლებლობაზე;
• · ძუძუთი კვებავთ;

თუ ზემოთ ჩამოთვლი სიმპტომებიდან რომელიმე პირველად გაგივითარდათ პრეპარატის მიღებისას, შეწყვიტეთ მისი მიღება და გაიარეთ კონსულტაცია თქვენს მკურნალ ექიმთან .

განსაკუთრებული მითითებები და სიფრთხილის ზომები

პრეპარატი ჯესი® პლიუსის მიღებამდე გაიარეთ კონსულტაცია მკურნალ ექიმთან.

ზოგიერთ შემთხვევაში საჭიროა განსაკუთრებული სიფრთხილის გათვალისწინება პრეპარატი ჯესი® პლიუსის მიღებისას და ექიმთან რეგულარული შემოწმება. პრეპარატი ჯესი® პლიუსის მიღების დაწყებამდე გაიარეთ კონსულტაცია თქვენს ექიმთან , თუ ქვემოთ ჩამოთვლილიდან ერთი რომელიმე შემთხვევა მაინც გეხებათ თქვენ ან თუ რომელიმე ეს მდგომარეობა წარმოიქმნა ან გაუარესდა პრეპარატი ჯესი® პლიუსის მიღების დროს:

- ხართ მწეველი;

- გაქვთ ჭარბი წონა;

- თუ გაქვთ დისლიპოპროტეინემია (სისხლშილიპიდების (ცხიმების) თანაფარდობისდარღვევა);

- თუ გაქვთ მაღალი არტერიული წნევა;

- თუ გაწუხებთ შაკიკი კეროვანი ნევროლოგიური სიმპტომების გარეშე, როგორიცაა მხედველობის დაქვეითება, მეტყველების დაქვეითება, სისუსტე ან დაბუჟება სხეულის რომელიმე ნაწილში;

- თუ გაქვთ გულის სარქვლის დაავადება ან გულის რითმის დარღვევა;

- თუ თქვენს რომელიმე ახლო ნათესავს 50 წლამდე ჰქონია თრომბოზი (ღრმა ვენის თრომბოზი, ფილტვის ემბოლია (ფილტვის არტერიის ბლოკირება სისხლის შედედებით) ან სხვა ტიპის თრომბოზი), მიოკარდიუმის ინფარქტი ან ცერებროვასკულური დარღვევები;

- გაქვთ შაქრიანი დიაბეტი;

- გაწუხებთ სისტემური წითელი მგლურა (იმუნურისისტემისდაავადება);

- გაქვთ ჰემოლიზურ-ურემიული სინდრომი (სისხლისშედედებისდარღვევა, რომელიციწვევსთირკმლისდაავადებას);

- გაქვთ კრონის დაავადება ან წყლულოვანი კოლიტი (ნაწლავისანთებითიდაავადება);

- გაწუხებთ ნამგლისებრუჯრედოვანი ანემია;

- გაქვთ ზედაპირული ვენების ფლებიტი (ანთება);

- გაქვთ თანდაყოლილი ანგიონევროზული შეშუპება (კვინკესშეშუპება);

- ოდესმე თუ გქონიათ სისხლში ქოლესტერინის ან ტრიგლიცერიდების (სისხლისცხიმები) მომატებული შემცველობა;

- გაწუხებთ ღვიძლის დაავადება;

- ადრე, ორსულობის ან პირველად სასქესო ჰორმონების მიღების დროს წარმოიქმნებოდა ან უარესდებოდა ისეთი მდგომარეობები, როგორიცაა ქოლესტაზი (ნაღვლის შეგუბება, რაც გამოიხატება კანის სიყვითლესა დაყავისფერლაქებში, ქავილში), ქოლელითიაზი (კენჭებინაღვლისბუშტში), სმენის დაქვეითება, პორფირია (პიგმენტურიმეტაბოლიზმისმემკვიდრეობითიდარღვევა), ჰერპესი ორსულობის დროს ან სიდენჰემის ქორეა (ნევროლოგიურიდაავადება);

- ცოტა ხნის წინ იმშობიარეთ.

თუ რომელიმე ზემოაღნიშნული მდგომარეობა პირველად დაგემართათ ან გაუარესდა ტაბლეტების მიღების ფონზე, გაიარეთ კონსილტაცია ექიმთან.

გულ-სისხლძარღვთა სისტემის დარღვევები

ზოგჯერ სისხლძარღვებში წარმოიქმნება შედედებული სისხლის კოლტები (თრომბები), რომლებსაც შეუძლიათ სისხლძარღვების დაცობა (გამოიწვიოს თრომბოზი).

თრომბოზი ზოგჯერ წარმოიქმნება ქვედა კიდურების ღრმა ვენებში (ღრმავენებისთრომბოზი). სისხლძარღვის კედლიდან მოწყვეტილი თრომბები სისხლის ნაკადით გადაიტანება მთელ ორგანიზმში და «იჭედება» უფრო წვრილ სისხლძარღვებში მათში სისხლის დინების დაბლოკვით – ამას ეწოდება ვენური თრომბოემბოლია. ისეთ შემთხვევაში, როდესაც თრომბი ახშობს სისხლძარღვებს ფილტვებში, ხდება, ეგრეთ წოდებული, «ფილტვის არტერიის თრომბოემბოლია». ძალიან იშვიათად თრომბები ხვდება გულის სისხლძარღვებში და ამის შედეგად ვითარდება მიოკარდიუმის ინფარქტი (გულისშეტევა). თავის ტვინის სისხლძარღვების თრომბოემბოლია იწვევს ინსულტს.

თრომბოზი და ვენური თრომბოემბოლია აუცილებლად არ წარმოიქმნება კონტრაცეპტიული პრეპარატის გამოყენების გამო. მაგალითად, ამ დაავადებების რისკი ასევე იზრდება ორსულობის დროს ან მშობიარობის შემდეგ.

ეპიდემიოლოგიურ კვლევებში ნაჩვენებია კავშირი კომბინირებული ორალური კონტრაცეპტივების გამოყენებასა და თრომბოზისა და ვენური თრომბოემბოლიის გაზრდის სიხშირეს შორის. თუმცა, ეს დაავადებები იშვიათად გვხვდება.

ვენური თრომბოემბოლიის რისკი ყველაზე მაღალია კომბინირებული პერორალური კონტრაცეპტივების მიღების პირველ წელს. რისკი იზრდება მათში, ვინც პირველად იწყებს კომბინირებული პერორალური კონტრაცეპტივების გამოყენებას ან ვინც განაახლა ამ პრეპარატების მიღება შესვენების შემდეგ (4 კვირა და მეტი). მაშტაბურმა კვლევის მონაცემებმა აჩვენა, რომ რისკი ძირითადად გაიზარდა პირველი 3 თვის განმავლობაში.

საერთო ჯამში, ვენური თრომბოემბოლიის რისკი ქალებში, რომლებიც იღებენ დაბალი დოზით ესტროგენის შემცველ პრეპარატებს, როგორიცაა ჯესი® პლიუსი, ორჯერ ან სამჯერ მეტია, ვიდრე ქალებში, რომლებიც არ იღებენ პერორალურ კონტრაცეპტივებს და არ არიან ორსული. ამის მიუხედავად, ეს რისკი უფრო დაბალია ვიდრე ორსულობის დროს ან მშობიარობის შემდეგ. ვენური თრომბოემბოლია (1-2% შემთხვევაში) და არტერიული თრომბოემბოლია შეიძლება იყოს სიცოცხლისათვის საშიში და დადგეს ლეტალური შედეგი.

უკიდურესად იშვიათ შემთხვევებში, თრომბი შეიძლება წარმოიქმნას ორგანიზმის სხვა სისხლძარღვებში, მათ შორის ღვიძლის, ნაწლავების, თირკმელების, ტვინის ან თვალის ჩათვლით.

უნდა შეწყვიტოთ ტაბლეტების მიღება და დაუყოვნებლივ გაიაროთ ექიმთან კონსულტაცია, თუშეამჩნევთთრომბოზის, თრომბოემბოლიის, ინსულტის, სისხლძარღვთა გამავლობის დარღვევის ანმიოკარდიუმისინფარქტისსავარაუდონიშნებს, მაგალითად:

ვენებში ან არტერიებში თრომბების წარმოქმნის, ვენური თრომბოემბოლიის ან ინსულტის გაჩენის რისკი იზრდება :

- ასაკთან ერთად;

- თუ ეწევით (სიგარეტის რაოდენობის ზრდასთან ან თქვენი ასაკის მატებასთან ერთად, რისკი მატულობს, განსაკუთრებით 35 წელზე უფროსი ასაკის ქალებში);

- თუ გაქვთ ჭარბი წონა;

- თუ თქვენმა ერთ-ერთმა უახლოესმა ნათესავმა 50 წლამდე ასაკში გადაიტანა თრომბოზი (ღრმა ვენების თრომბოზი, ფილტვის არტერიის თრომბოემბოლია (ფილტვის არტერიის დაცობა თრომბით), ან სხვა ტიპის თრომბოზი). თრომბოზისადმი მემკვიდრეობითი ან შეძენილი მიდრეკილების შემთხვევაში უნდა გაიაროთ ექიმთან კონსულტაცია პრეპარატი ჯესი® პლიუსის მიღების შესაძლებლობის საკითხთან დაკვშირებით;

- ვრცელი ოპერაციის, ხანგრძლივი უმოძრაობის ან სერიოზული ტრავმის შედეგად (მაგალითად, თუ თქვენი ფეხი ან ფეხები თაბაშირში ჩასვეს ან არტაშანი დაადეს). ასეთ შემთხვევებში უნდა შეწყვიტოთ პრეპარატი ჯესი® პლიუსის მიღება (თუ იგეგმება ოპერაცია, რეკომენდებულია მისი მიღების შეწყვეტა ოპერაციამდე მინიმუმ ოთხი კვირით ადრე) და არ განაახლოთ მისი მიღება ორი კვირის განმავლობაში, სანამ სრულად არ დადგებით ფეხზე. დროებითი უმოძრაობა (მაგალითად, საჰაერო მოგზაურობა ხანგრძლივობით 4 საათზე მეტი) ასევე შეიძლება იყოს ვენური თრომბოემბოლიის განვითარების რისკ-ფაქტორი, განსაკუთრებით სხვა ადრე აღწერილი რისკ-ფაქტორების არსებობისას.

- თუ გაქვთ დისლიპოპროტეინემია (სისხლშილიპიდების (ცხიმების) თანაფარდობისდარღვევა);

- თუ გაქვთ მაღალი არტერიული წნევა;

- თუ გაწუხებთ შაკიკი;

- თუ გაქვთ გულის სარქველების დაავადება ან გულის რითმის დარღვევა.

ქალებში, რომლებსაც თანხვედრაში გააჩნიათ რამდენიმე რისკ-ფაქტორი ან მკვეთრად გამოხატულია ერთ-ერთი მათგანი, გასათვალისწინებელია მათი ურთიერთგაძლიერების შესაძლებლობა. მსგავს შემთხვევებში, თრომბის წარმოქმნის რისკის მატების ხარისხი შეიძლება იყოს უფრო მაღალი. ასეთ შემთხვევაში თქვენი ექიმი პრეპარატ ჯესი^® პლიუსს არ დაგინიშნავთ.

უშუალოდ მშობიარობის შემდეგ ქალები იმყოფებიან თრომბის წარმოქმნის მომატებული რისკის ზონაში. თუ ცოტა ხნის წინ იმშობიარეთ, უნდა გაიაროთ კონსულტაცია ექიმთან, თუ რამდენად მალე მშობიარობის შემდეგ შეგიძლიათ დაიწყოთ პრეპარატი ჯესი® პლიუსის მიღება.

თუ პრეპარატი ჯესი® პლიუსის მიღების დროს შაკიკის შეტევები ხშირდება და მძიმდება, თქვენ უნდა შეწყვიტოთ პრეპარატი ჯესი® პლიუსის მიღება და მიმართით ექიმს.

სიმსივნეები

საშვილოსნოს ყელის კიბოს ყველაზე მნიშვნელოვანი რისკფაქტორია ადამიანის პაპილომავირუსის ქრონიკული ინფექცია. კვლევები აჩვენებს, რომ პერორალური კონტრაცეპტივების ხანგრძლივი გამოყენება ზრდის საშვილოსნოს ყელის კიბოს რისკს.

სარძევე ჯირკვლის კიბო უფრო ხშირად დიაგნოსტირდება ქალებში, რომლებიც იღებენ პერორალურ კომბინირებულ კონტრაცეპტივებს, ვიდრე ქალებში, რომლებიც არ იღებენ მათ, მაგრამ უცნობია დაკავშირებულია თუ არა ეს პრეპარატის მიღებასთან. მაგალითად, შესაძლებელია, რომ სიმსივნე უფრო ხშირად გამოვლინდეს ქალებში, რომლებიც იღებენ კომბინირებულ კონტრაცეპტივებს, რადგან ისინი უფრო ხშირად გადიან გამოკვლევას. სარძევე ჯირკვლის კიბოს წარმოქმნის სიხშირე თანდათანობით მცირდება ჰორმონალური კონტრაცეპტივების მიღების შეწყვეტის შემდეგ. მნიშვნელოვანია მკერდის რეგულარულად შემოწმება და თუ რაიმე სიმკვრივეს შეიგრძნობთ, დაუყოვნებლივ უნდა მიმართოთ ექიმს .

იშვიათ შემთხვევებში პერორალური კონტრაცეპტივების მიღების ფონზე აღინიშნებოდა ღვიძლის კეთილთვისებიანი სიმსივნეები, უფრო იშვიათად კი - ავთვისებიანი. ცალკეულ შემთხვევებში, ეს სიმსივნეები იწვევდა სიცოცხლისათვის საშიშ შიდა სისხლდენებს. დაუყონებლივ მიმართეთ ექიმს , თუ გაწუხებთ უჩვეულოდ ძლიერი მუცლის ტკივილი .

სხვამდგომარეობები

თუ რომელიმე ქვემოთ ჩამოთვლილი მდგომარეობა პირველად ვლინდება, მეორდება ან უარესდება პრეპარატი ჯესი® პლიუსის დანიშვნამდე ან მისი მიღების დროს, უნდა აცნობოთ ამის შესახებ ექიმს.

აუცილებლად აცნობეთ მკურნალ ექიმს , თუ :

- გაქვთ თირკმლის უკმარისობა, ვინაიდან როდესაც კალიუმის კონცენტრაცია სისხლის პლაზმაში არის ნორმის ზედა ზღვარზე, არსებობს ჰიპერკალიემიის განვითარების მომატებული რისკი დროსპირენონის შემცველი პრეპარატების მიღებისას, რომლებსაც მიეკუთვნება ჯესი^® (იხ. ქვეკარი «სხვა პრეპარატები და პრეპარატი ჯესი^® პლიუსი»);

- გაქვთ (ან თქვენი ოჯახის რომელიმე წევრს ჰქონდა) ჰიპერტრიგლიცერიდემია (სისხლშიცხიმებისმომატებული შემცველობა), რადგან ამან შეიძლება გამოიწვიოს პანკრეატიტის განვითარების რისკის მატება პერორალური კონტრაცეპტივების მიღებისას;

- პრეპარატი ჯესი® პლიუსის მიღების ფონზე აღინიშნება არტერიული წნევის მდგრადი მატება. ამ შემთხვევაში, თქვენ უნდა შეწყვიტოთ პრეპარატი ჯესი® პლიუსის მიღება და მიმართოთ ექიმს , რომ მან დაგინიშნოთ ჰიპერტენზიის მკურნალობა. თქვენ შეძლებთ გააგრძელოთ პრეპარატის მიღება, როდესაც მკურნალობის შედეგად მიღწეული იქნება არტერიული წნევის ნორმალიზება;

- ადრე, ორსულობის დროს ან სასქესო ჰორმონების წინა გამოყენებისას, ვითარდებოდა შემდეგი მდგომარეობები: სიყვითლე და/ან ქავილი, რომელიც დაკავშირებულია ქოლესტაზთან (ნაღვლისნაკადისბლოკირება); ნაღვლის ბუშტში კენჭების წარმოქმნა; პორფირია (პიგმენტურიცვლისმემკვიდრეობითიდარღვევა); სისტემური წითელი მგლურა (ქრონიკულიაუტოიმუნურიდაავადება); ჰემოლიზურ-ურემიული სინდრომი (სისხლისშედედებისდარღვევა); სიდენჰამის ქორეა (ნევროლოგიურიდაავადება), ჰერპესი ორსულობის დროს; სმენის დაკარგვა, რომელიც დაკავშირებულია ოტოსკლეროზთან;

- პრეპარატი ჯესი® პლიუსის მიღების ფონზე აღინიშნება ენდოგენური დეპრესიის მიმდინარეობის გაუარესება (ფსიქიკური აშლილობა, რომელიც ასოცირდება თავის ტვინში მეტაბოლურ დარღვევებთან), ეპილეფსია, კრონის დაავადება და წყლულოვანი კოლიტი (ნაწლავის ანთებითი დაავადება);

- მემკვიდრეობითი და შეძენილი ანგიონევროზული შეშუპება (მაგალითად, ქუთუთოების, პირის, ყელისდაა.შ. უეცარიშეშუპება), ვინაიდან ესტროგენებმა შეიძლება გამოიწვიოს ან გააუარესოს ანგიონევროზული შეშუპების სიმპტომები;

- გაქვთ ღვიძლის ფუნქციის მწვავე ან ქრონიკული დარღვევები, ასეთ შემთხვევაში ექიმმა შეიძლება შეგიწყვიტოს პრეპარატი ჯესი® პლიუსის მიღება ღვიძლის ფუნქციური მაჩვენებლების ნორმალიზებამდე;

- ქოლესტაზური სიყვითლის რეციდივი, რომელიც პირველად განვითარდა წინა ორსულობის ან სასქესო ჰორმონების წინა მიღების დროს. ასეთ შემთხვევაში დაუყოვნებლივ უნდა შეწყვიტოთ პრეპარატი ჯესი® პლიუსის მიღება და მიმართოთ ექიმს ;

- შაქრიანი დიაბეტი. ასეთ შემთხვევაში, თქვენ მოგიწევთ ზედმიწევნითი მეთვალყურეობის ქვეშ ყოფნა პრეპარატი ჯესი® პლიუსის მიღების დროს. იშვიათ შემთხვევებში, კომბინირებულ პერორალურ კონტრაცეპტივებს შეიძლება ჰქონდეთ გავლენა ინსულინრეზისტენტობაზე და გლუკოზის მიმართ ტოლერანტობაზე, თუმცა, როგორც წესი, საჭირო არ არის ჰიპოგლიკემიური პრეპარატების დოზის კორექტირება შაქრიანი დიაბეტის მქონე პაციენტებში, რომლებიც იღებენ დაბალდოზირებულ კომბინირებულ პერორალურ კონტრაცეპტივებს (ეთინილესტრადიოლის <0.05 მგ);

- პრეპარატი ჯესი® პლიუსის მიღების ფონზე შეიმჩნევა გუნება-განწყობის ცვლილება. დეპრესიული სიმპტომები ან უარესდება დეპრესიის მიმდინარეობა (ფსიქიკური აშლილობა, დაკავშირებული თავის ტვინში ცვლის პროცესების დარღვევასთან), მათ შორის ჩამოთვლილი მდგომარეობების წარმოქმნისას პრეპარატის მიღების დაწყებისთანავე;

- გაქვთ ან ოდესმე გქონიათ ქლოაზმა (კანისჰიპერპიგმენტაცია), განსაკუთრებით წინა ორსულობის დროს, თქვენ უნდა მოერიდოთ მზეზე დიდხან ყოფნას ან ულტრაიისფერ გამოსხივებას პრეპარატი ჯესი® პლიუსის მიღების დროს.

გასათვალისწინებელია ისიც, რომ ფოლატებმა (ჯესი® პლიუსი შეიცავს კალციუმის ლევომეფოლატს) შეიძლება შენიღბონ B12 ვიტამინის ნაკლებობა.

ლაბორატორიულიტესტები

პრეპარატი ჯესი® პლუსის მიღებამ შეიძლება გავლენა მოახდინოს ზოგიერთი ლაბორატორიული ტესტის შედეგებზე, მათ შორის, ღვიძლის, თირკმელების, ფარისებრი ჯირკვლის, თირკმელზედა ჯირკვლების მაჩვენებლებზე, სატრანსპორტო ცილების კონცენტრაციაზე სისხლის პლაზმაში, ნახშირწყლოვანი ცვლის მაჩვენებლებზე, სისხლის შედედების და ფიბრინოლიზის პარამეტრებზე. ცვლილებები ჩვეულებრივ არ სცილდება ნორმალური მნიშვნელობების საზღვრებს. დროსპირენონი ზრდის პლაზმის რენინის (თირკმლის ფერმენტი) აქტივობას და ალდოსტერონის (თირკმელზედა ჯირკვლის ჰორმონი) კონცენტრაციას, რაც დაკავშირებულია მის ანტიმინერალოკორტიკოიდულ ეფექტთან (ორგანიზმში ნატრიუმის და სითხის შეკავების პრევენცია).

 

ეფექტურობის შემცირება

პრეპარატი ჯესი® პლიუსის ეფექტურობა შეიძლება შემცირდეს: ვარდისფერი ტაბლეტების გამოტოვებისას, ვარდისფერი ტაბლეტების მიღების დროს კუჭ-ნაწლავის დარღვევების შემთხვევაში ან სამკურნალო საშუალებებთან ურთიერთქმედების შედეგად.

მენსტრუაციის მსგავსი სისხლდენების სიხშირე და გამოვლენა

პრეპარატი ჯესი® პლუსის მიღების ფონზე პირველი რამდენიმე თვის განმავლობაში შეიძლება აღინიშნოს არარეგულარული (აციკლური) სისხლდენები საშოდან («ლაქოვანი» სისხლნარევი გამონადენები ან/და «გარღვევის» ვაგინალური სისხლდენები). გამოყენებული უნდა იქნას ჰოგიენის საშუალებები და ჩვეულებისამებრ გაგრძელდეს ტაბლეტების მიღება. არარეგულარული სისხლდენა ჩვეულებრივ წყდება მას შემდეგ, რაც თქვენი ორგანიზმი შეეგუება პრეპარატს (ჩვეულებრივ ტაბლეტების მიღებიდან 3 თვის შემდეგ).

თუ არარეგულარული სისხლდენები მეორდება ან ვითარდება წინამავალი რეგულარული ციკლების შემდეგ, საჭიროა გაიაროთ კონსულტაცია თქვენს მკურნალ ექიმთან და ჩატარდეს საფუძვლიანი გამოკვლევა ავთვისებიანი წარმონაქმნების ან ორსულობის გამორიცხვის მიზნით.

რეგულარულიმენსტრუაციის მსგავსი სისხლდენის არარსებობა

თუ ყველა ტაბლეტს იღებდით სწორად, არ გქონდათ ღებინება ან დიარეა და არანაირ სხვა სამკურნალო საშუალებებს არ იღებდით, ნაკლებად სავარაუდოა, რომ ორსულად იყოთ. გააგრძელეთ ჯესი® პლიუსის მიღება ჩვეულებრივ რეჟიმში. ამის მიუხედავად, პრეპარატი ჯესი® პლიუსის მიღების რეჟიმის დაუცველობის ან ზედიზედ ორი „მოხსნის“ სისხლდენის არარსებობისას (მენსტრუაციის მსგავსი სისხლდენაჰორმონისშემცველიტაბლეტებისმიღებისდასრულების ფონზე შეფუთვისბოლოსანშემდეგისდასაწყისში), უნდა მიმართოთ ექიმს. არ დაიწყოთ პრეპარატის მიღება შემდეგი შეფუთვიდან, სანამ არ დარწმუნდებით, რომ არ ხართ ორსულად.

სამედიცინოშემოწმებება

პრეპარატი ჯესი® პლიუსის მიღების დაწყებამდე (ან განახლებამდე) ექიმს უნდა მიაწოდოთ ინფორმაცია არსებული და გადატანილი დაავადებების შესახებ, ასევე ოჯახის წევრებში დაავადებების არსებობის შესახებ, გაიაროთ საფუძვლიანი ზოგადი სამედიცინო და გინეკოლოგიური გამოკვლევა და ასევე დარწმუნდეთ, რომ არ ხართ ორსულად.

საკონტროლო შემოწმება აუცილებელია ექიმის რეკომენდაციის შესაბამისად, მაგრამ არანაკლებ 6 თვეში ერთხელ.

უნდაგაითვალისწინოთ, რომპრეპარატი ჯესი^® პლიუსი არიცავსაივინფექციისგან (შიდსი) დასქესობრივიგზითგადამდებისხვადაავადებებისგან!

თუ გამოგივლინდათ რომელიმე ქვემოთ ჩამოთვლილი მდგომარეობა, დაუყოვნებლივ მიმართეთ ექიმს:

• · ჯანმრთელობის მდგომარეობის რაიმე სახის ცვლილებები, განსაკუთრებით ისეთი მდგომარეობების, რომლებიც ჩამოთვლილია ქვეგანყოფილებაში „უკუჩვენებები“ და „განსაკუთრებული მითითებები და სიფრთხილის ზომები“;
• · ლოკალური გამკვრივებები სარძევე ჯირკვალში;
• · სხვა სამკურნალო პრეპარატებთან ერთად ერთდროული მიღება (იხილეთ აგრეთვე ქვეთავი „სხვა მედიკამენტები და ჯესი® პლუსი“);
• · თუ მოსალოდნელია ხანგრძლივი უმოძრაობა (მაგალითად, ქვედა კიდურზე დადებულია თაბაშირი), იგეგმება ჰოსპიტალიზაცია ან ოპერაცია (მოსალოდნელ ოპერაციამდე სულ მცირე, 4 კვირით ადრე);
• · უჩვეულოდ ძლიერი სისხლდენა საშოდან;
• · გამოტოვებულია ტაბლეტი შეფუთვის მიღების პირველ კვირაში და ადგილი ჰქონდა სქესობრივი კავშირის დამყარებას გამოტოვებამდე 7 ან ნაკლები დღით ადრე (იხილეთ ასევე ქვეგანყოფილება „თუ დაგავიწყდათ ჯესი® პლიუსის მიღება“);
• · მორიგი მენსტრუაციის მსგავსი სისხლდენის უქონლობა ზედიზედ ორჯერ ან ეჭვი ორსულობაზე (არ უნდა დაიწყოთ ტაბლეტების მიღება მომდევნო შეფუთვიდან მკურნალ ექიმთან კონსულტაციის გავლამდე).

უნდა შეწყვიტოთ ტაბლეტების მიღება და დაუყოვნებლივ მიმართოთ ექიმს, თუ არსებობს თრომბოზის, მიოკარდიუმის ინფარქტის ან ინსულტის შესაძლო ნიშნები (იხ. ქვეგანყოფილება "გულ-სისხლძარღვთა დარღვევები").

ბავშვები და მოზარდები

პრეპარატი ჯესი^® არ არის განკუთვნილი გამოყენებისთვის ბავშვებში მენარქეს (პირველი მენსტრუაციის) დაწყებამდე.

სხვა პრეპარატები და პრეპარატი ჯესი ^®

აცნობეთ მკურნალ ექიმს, თუ იღებთ, ცოტა ხნის წინ იღებდით ან შეიძლება დაიწყოთ რაიმე სხვა პრეპარატების მიღება. არსებობს რამდენიმე სამედიცინო პრეპარატი, რომელთა მიღება ჯესი^® პლიუსთან ერთად იკრძალება - იხ. ქვეკარი «უკუჩვენებები». ასევე პრეპარატი ჯესი® პლიუსის მიღების თაობაზე თქვენ უნდა აცნობოთ ნებისმიერ სხვა ექიმს, რომელიც რაიმე სამკურნალო საშუალებებს გინიშნავთ (ან ფარმაცევთს, რომელიც გასცემს პრეპარატს). მათ შეუძლიათ გაცნობონ კონტრაცეფციის დამატებითი ზომების გამოყენების საჭიროების შესახებ (როგორიცაა პრეზერვატივი) და თუ ამის საჭიროება არსებობს, თუ რა დროის განმალობაში უნდა გამოიყენოთ იგი, ან უნდა გაუქმდეს თუ არა თქვენთვის საჭირო სხვა სამკურნალო პრეპარატის მიღება.

ზოგიერთმედიკამენტსშეუძლია შეამციროს ჯესი® პლიუსის ეფექტურობა არასასურველიორსულობისთავიდანაცილებაში დაგამოიწვიოსმოულოდნელისისხლდენა.

მათ მიეკუთვნება:

• · სამკურნალო საშუალებები, რომლებიც გამოიყენება შემდეგი მდგომარეობის სამკურნალოდ:

- ეპილეფსიის (მაგალითად, პრიმიდონი, ფენიტოინი, ბარბიტურატები, კარბამაზეპინი, ოქსკარბაზეპინი, ტოპირამატი, ფელბამატი);

- ტუბერკულოზის (მაგალითად, რიფამპიცინი);

- აივ და C ჰეპატიტის ვირუსის (ე.წ. პროტეაზას ინჰიბიტორები და უკუტრანსკრიპტაზის არანუკლეოზიდური ინჰიბიტორები);

- სოკოვანი ინფექციების (გრიზეოფულვინი, აზოლის ანტიმიკოტიკები (მაგ., იტრაკონაზოლი, ვორიკონაზოლი, ფლუკონაზოლი));

- ბაქტერიული ინფექციების (მაკროლიდური ანტიბიოტიკები, მაგალითად, კლარითრომიცინი, ერითრომიცინი);

- გულის ზოგიერთი დაავადების, მაღალი არტერიული წნევის (კალციუმის არხების ბლოკატორები, მაგ. ვერაპამილი, დილთიაზემი);

- ართრიტის, ართროზის (მაგალითად, ეტორიკოქსიბი)

• · კრაზანას შემცველი პრეპარატები
• · გრეიპფრუტის წვენი.

ჯესი® პლიუსში კალციუმის ლევომეფოლატის ეფექტურობა შეიძლება შემცირდეს

• · მედიკამენტები, რომლებიც შეიცავს მეთოტრექსატს ან პირიმეთამინს, ტრიმეტოპრიმს, სულფასალაზინს, ტრიამეთრინს, ქოლესტირამინს ან ეპილეფსიის საწინააღმდეგო საშუალებებს, როგორიცაა კარბამაზეპინი, ფენიტოინი, ფენობარბიტალი, პრიმიდონი ან ვალპროის მჟავა.

ჯესი^® პლიუსს შეუძლიაგავლენამოახდინოსსხვასამკურნალო საშუალებების მოქმედებაზე, მაგალითად:

• · ციკლოსპორინის, ლამოტრიჯინის, ომეპრაზოლის, სიმვასტატინის, მელატონინის, მიდაზოლამის, თეოფილინის და ტიზანიდინის.

აღინიშნებოდა, რომ ეთინილესტრადიოლის შემცველი სამკურნალო საშუალებების, როგორიცაა ჯესი^®პლიუსი, და ანტივირუსული საშუალებების ერთდროული გამოყენება, რომელთა შემადგენლობაში შედის ომბიტასვირი, პარიტაპრევირი ან დასაბუვირი ან მათი კომბინაცია, დაკავშირებულია ალანინამინოტრანსფერაზას (ღვიძლისფერმენტი) კონცენტრაციის >20-ჯერ გაზრდასთან ნორმის ზედა ზღვართან შედარებით ჯანმრთელ ქალებში და С ჰეპატიტის ვირუსით ინფიცირებულ ქალებში (იხ. ქვეკარი «უკუჩვენებები»).

თეორიულად, სისხლში კალიუმის შემცველობა შეიძლება გაიზარდოს, თუ იღებთ ჯესი^® პლიუსს სხვა პრეპარატებთან ერთად, რომლებიც ასევე ზრდის კალიუმის კონცენტრაციას სისხლში. ასეთ სამკურნალო საშუალებებს მიეკუთვნება გარკვეული პრეპარატები ნორმალური არტერიული წნევის შენარჩუნებისთვის ან ზოგიერთი შარდმდენი პრეპარატი. თუმცა, ზოგიერთი კვლევის თანახმად, არანაირი არსებითი სხვაობა სისხლში კალიუმის შემცველობაში არ აღინიშნებოდა. ამის მიუხედავად, საჭიროა სისხლში კალიუმის კონცენტრაციის გაკონტროლება მიღების პირველი ციკლის განმავლობაში.

პრეპარატი ჯეს ^® -ი საკვებთან და სასმელთან ერთად მიღება

თქვენ შეგიძლიათ მიიღოთ პრეპარატი ჯესი^® პლიუსი საკვების მიღებისგან დამოუკიდებლად, საჭიროების შემთხვევაში შეგიძლიათ მიაყოლოთ მცირე რაოდენობით წყალი. არ მიიღოთ პრეპარატი ჯესი^® პლიუსი გრეიპფრუტის წვენთან ერთად.

ორსულობა და ძუძუთი კვება

თუ ხართ ორსულად ან ძუძუთი კვებავთ და ფიქრობთ, რომ დაორსულდით ან ორსულობას გეგმავთ, პრეპარატის მიღების დაწყებამდე გაიარეთ კონსულტაცია მკურნალ ექიმთან. ორსულობისა და ძუძუთი კვების პერიოდში პრეპარატი ჯესი® პლიუსის მიღება უკუნაჩვენებია .

ორსულობა

თუ ორსულობა გამოვლინდა პრეპარატი ჯესი® პლიუსის მიღების დროს, დაუყოვნებლივ უნდა შეწყვიტოთ პრეპარატის მიღება და მიმართოთ თქვენს ექიმს. თუ ორსულობას გეგმავთ, შეგიძლიათ შეწყვიტოთ პრეპარატი ჯესი® პლიუსის მიღება ნებისმიერ დროს (იხ. აგრეთვე მე-3 კარში ქვეკარი «თუ გსურთ შეწყვიტოთ პრეპარატი ჯესი® პლიუსის მიღება»). მრავალრიცხოვანმა კვლევებმა არ გამოავლინა განვითარების დეფექტების რისკის მატება იმ ქალების მიერ გაჩენილ ბავშვებში, რომლებიც იღებდნენ სასქესო ჰორმონებს ორსულობამდე ან როდესაც იღებდნენ სასქესო ჰორმონებს გაუფრთხილებლობით ორსულობის ადრეულ ვადებზე.

ძუძუთიკვება

პრეპარატი ჯესი® პლიუსისმიღება უკუნაჩვენებია ძუძუთი კვების შეწყვეტამდე. გაიარეთ ექიმთან კონსულტაცია, თუ როდის შეძლებთ პრეპარატის მიღების დაწყებას.

სატრანსპორტო საშუალებების მართვა და მექანიზმებთან მუშაობა

პრეპარატი ჯესი® პლიუსის არასასურველი გავლენის შემთხვევები ფსიქომოტორული რეაქციების სიჩქარეზე არ დაფიქსირებულა. კვლევები სატრანსპორტო საშუალებების მართვისა და მექანიზმებთან მუშაობის უნარზე პრეპარატის ზემოქმედების შესასწავლად არ ჩატარებულა.

პრეპარატი ჯესი ^® შეიცავს ლაქტოზის მონოჰიდრატს

თუ გაქვთ აუტანლობა გარკვეული შაქრების მიმართ, ამ სამკურნალო პრეპარატის გამოყენებამდე უნდა აცნობოთ ამის შესახებ თქვენს მკურნალ ექიმს.

3. პრეპარატი ჯესი® პლიუსის მიღება

ყოველთვის მიიღეთ პრეპარატი ჯესი^® პლიუსი თქვენი მკურნალი ექიმის რეკომენდაციის შესაბამისად. ეჭვის გაჩენის შემთხვევაში რჩევა ჰკითხეთ მკურნალ ექიმს.

რეკომენდებული დოზა : თითო ტაბლეტი დღეში თანმიმდევრულად 28 დღის განმავლობაში.

ხანდაზმული ასაკის პაციენტები

პრეპარატი ჯესი® პლიუსი არ უნდა მიიღოთ მენოპაუზის დადგომის შემდეგ (ბოლო მენსტრუაცია სიცოცხლეში).

პაციენტები ღვიძლის ფუნქციის დარღვევით

პრეპარატი ჯესი® პლიუსი უკუნაჩვენებია ღვიძლის მძიმე დაავადების შემთხვევაში (იხ. კარი 2, ქვეკარი «უკუჩვენებები»).

პაციენტები თირკმლის ფუნქციის დარღვევით

პრეპარატი ჯესი® პლიუსი უკუნაჩვენებია თირკმლის მძიმე დაავადების შემთხვევაში (იხ. კარი 2, ქვეკარი «უკუჩვენებები»).

გამოყენება ბავშვები და მოზარდებში

პრეპარატი ჯესი® პლიუსის გამოყენება უკუნაჩვენებია პაციენტებში მენარქეს დადგომამდე.

მიღების წესი და ( ან ) მეთოდი

მიიღეთ ტაბლეტები პერორალურად შეფუთვაზე მითითებული თანმიმდევრობით, ყოველდღე ერთსა და იმავე დროს, საჭიროების შემთხვევაში მცირე რაოდენობით წყალთან ერთად.

ყოველი მომდევნო შეფუთვიდან ტაბლეტების მიღება დაიწყეთ წინა შეფუთვიდან ბოლო ტაბლეტის მიღებიდან მეორე დღეს.

«მოხსნის» სისხლდენა ჩვეულებრივ იწყება 2-3 დღის შემდეგ იმ ტაბლეტების მიღების დაწყებიდან, რომლებიც არ შეიცავს ჰორმონებს და შეიძლება არ შეწყდეს მომდევნო შეფუთვიდან ტაბლეტების მიღების დაწყებამდე.

ტაბლეტების მიღება პრეპარატი ჯესი® პლიუსის პირველი შეფუთვიდან

• · თუ წინა თვის განმავლობაში არ იღებდით სხვა რაიმე ჰორმონალური ჩასახვის საწინააღმდეგო საშუალებებს

პრეპარატი ჯესი® პლიუსის მიღება უნდა დაიწყოთ ქალის ბუნებრივი მენსტრუალური ციკლის პირველ დღეს, ანუ მენსტრუალური სისხლდენის პირველ დღეს. ამ დღეს უნდა მიიღოთ ერთი ვარდისფერი (ჰორმონისშემცველი) ტაბლეტი, რომელიც მარკირებულია კვირის შესაბამისი დღით. შემდეგ უნდა მიიღოთ ტაბლეტები თანმიმდევრობით. დასაშვებია პრეპარატის მიღება დაიწყოთ მენსტრუალური ციკლის მე-2-5 დღეს, მაგრამ ასეთ შემთხვევაში ვარდისფერი ტაბლეტების მიღების პირველი 7 დღის განმავლობაში აუცილებელია დამატებით გამოიყენოთ ბარიერული კონტრაცეფციის სხვა მეთოდიც (მაგალითად, პრეზერვატივი).

• · სხვა კომბინირებული კონტრაცეფტივებიდან (კომბინირებული პერორალური კონტრაცეფტივებიდან (კოკ), კონტრაცეფტული ვაგინალური რგოლიდან ან კონტრაცეფტული სალბუნიდან (პლასტირიდან) გადასვლის შემთხვევაში

პრეპარატი ჯესი® პლიუსის მიღების დაწყება უმჯობესია კომბინირებული პერორალური კონტრაცეფტივების წინა შეფუთვიდან ბოლო ჰორმონის შემცველი ტაბლეტის მიღების მომდევნო დღიდან, მაგრამ არავითარ შემთხვევაში არაუგვიანეს მომდევნო დღისა ჩვეული 7-დღიანი შესვენების შემდეგ (პრეპარატებისთვის, რომლებიც შეიცავენ 21 ტაბლეტს) ან ბოლო ჰორმონის არშემცველი ტაბლეტის მიღების შემდეგ (პრეპარატებისთვის, რომლებიც შეიცავენ 28 ტაბლეტს შეფუთვაში). პრეპარატი ჯესი® პლიუსის მიღება უნდა დაიწყოთ აქტიური ტაბლეტების მიღების ჩვეული შესვენების შემდეგ, პროლონგირებული გამოყენების რეჟიმის მქონე კონტრაცეფტული პრეპარატებიდან გადასვლისას. პრეპარატი ჯესი® პლიუსის მიღება უნდა დაიწყოთ ვაგინალური რგოლის მოხსნის ან ტრანსდერმალური სალბუნის შეცვლის დღეს, მაგრამ არაუგვიანეს ახალი ვაგინალური რგოლის შეყვანის ან ახალი სალბუნის მიწებების დღისა.

• · მხოლოდ გესტაგენის შემცველი კონტრაცეფტივებიდან („მინი-პილი“, საინექციო ფორმები, იმპლანტი) ან გესტაგენის გამომთავისუფლებელი საშვილოსნოსშიდა თერაპიული სისტემიდან გადასვლის შემთხვევაში

"მინი-პილიდან" პრეპარატ ჯესი® პლიუსზე გადასვლა შეიძლება ნებისმიერ დღეს (შესვენების გარეშე), იმპლანტიდან ან გესტაგენის შემცველი საშვილოსნოსშიდა კონტრაცეფტივიდან - მისი ამოღების დღეს, კონტრაცეფციის საინექციო ფორმიდან - იმ დღიდან, როდესაც უნდა გაკეთდეს შემდეგი ინექცია. მაგრამ ყველა ამ შემთხვევაში, პრეპარატი ჯესი® პლიუსის მიღების პირველი 7 დღის განმავლობაში საჭიროა დამატებით კონტრაცეფციის ბარიერული მეთოდის (მაგალითად, პრეზერვატივის) გამოყენება.

• · აბორტის (მათ შორის თვითნებური აბორტის) შემდეგ ორსულობის პირველ ტრიმესტრში

პრეპარატის მიღება შეიძლება დაუყოვნებლივ. ამ პირობის დაცვის შემთხვევაში, კონტრაცეფციის დამატებითი ზომების მიღება არ არის საჭირო.

• · მშობიარობის შემდეგ (ძუძუთი კვების არარსებობისას) ან ორსულობის შეწყვეტის შემდეგ მეორე ტრიმესტრში

პრეპარატის მიღების დაწყება რეკომენდებულია 21-28-ე დღეს მშობიარობის ან აბორტის (მათ შორის თვითნებური აბორტის) შემდეგ ორსულობის მეორე ტრიმესტრში. თუ პრეპარატის მიღება უფრო გვიან იწყება, აუცილებელია კონტრაცეფციის დამატებითი ბარიერული მეთოდის გამოყენება ტაბლეტების მიღების პირველი 7 დღის განმავლობაში. მაგრამ, თუ ადგილი ჰქონდა სქესობრივ კონტაქტს, პრეპარატი ჯესი® პლიუსის მიღების დაწყებამდე აუცილებელია ორსულობის გამორიცხვა.

თუ არ ხართ დარწმუნებული, როდის უნდა დაიწყოთ ამ პრეპარატის მიღება, მიმართეთ ექიმს.

როგორ უნდა გამოიყენოთ პრეპარატი ჯესი® პლიუსის შეფუთვა

ჯესი® პლიუსის გასაშლელ შეფუთვაში ჩაწებებულია ბლისტერი, რომელიც შეიცავს 24 ჰორმონის შემცველ ვარდისფერ ტაბლეტს და 4 დამხმარე (ღია ნარინჯისფერ) ტაბლეტს, რომლებიც არ შეიცავს ჰორმონებს (ქვედა მწკრივი). შეფუთვაში ასევე არის თვითწებვადი მიღების კალენდარი, რომელიც შედგება 7 თვითწებვადი ზოლისგან, მათზე კვირის დღეების დასახელების აღნიშვნით. აირჩიეთ ზოლი, რომელიც იწყება ტაბლეტების მიღების დაწყების დღით. მაგალითად, თუ ტაბლეტების მიღებას იწყებთ ოთხშაბათს, უნდა გამოიყენოთ ზოლი, რომელიც იწყება აღნიშვნით «ოთხშ.». დააწებეთ ზოლი შეფუთვის ზედა ნაწილზე, ისე, რომ პირველი დღის აღნიშვნა იყოს იმ ტაბლეტის ზევით, რომლისკენაც მიმართულია ისარი წარწერით «სტარტი». ასე თქვენ ხედავთ, თუ კვირის რომელ დღეს უნდა მიიღოთ ყოველი ტაბლეტი (ტაბლეტების ყოველ სვეტზე აისახება კვირის შესაბამისი დღე).

თუ მიიღეთ პრეპარატი ჯესი® პლიუსის ტაბლეტები საჭიროზე მეტი ოდენობით

პრეპარატი ჯესი® პლიუსისდოზის გადაჭარბების შესახებ ცნობილი არ არის.

სიმპტომები, რომლებიც შეიძლება აღინიშნოს დოზის გადაჭარბების შემთხვევაში: გულისრევა, ღებინება და „მოხსნის“ სისხლდენა.

ეს უკანასკნელი შეიძლება მოხდეს გოგონებში, რომლებმაც არ მიაღწიეს მენარქეს პრეპარატის შემთხვევით მიღებისას.

თუ თქვენ მიიღეთ პრეპარატი ჯეს^® პლიუსი საჭიროზე მეტი ოდენობით, დაუყოვნებლივ მიმართეთ მკურნალ ექიმს.

თუ დაგავიწყდათ პრეპარატი ჯესი® პლიუსის მიღება

დამხმარე, ღია ნარინჯისფერი ტაბლეტების გამოტოვებას შეიძლება არ მივაქციოთ ყურადღება. თუმცა, გამოტოვებული ტაბლეტები უნდა გადააგდოთ, დამხმარე ტაბლეტების მიღების პერიოდის შემთხვევით გახანგრძლივების თავიდან ასაცილებლად. შემდეგი რეკომენდაციები ეხება მხოლოდ ჰორმონის შემცველი ვარდისფერი ტაბლეტების გამოტოვებას (შეფუთვაში1-24 ტაბლეტები):

თუ ვარდისფერი ტაბლეტების მიღებაში დაგვიანება შეადგენს 24 საათზე ნაკლებს , კონტრაცეფციული დაცვა არ მცირდება. ქალმა აუცილებლად უნდა მიიღოს გამოტოვებული ტაბლეტი რაც შეიძლება სწრაფად, შემდეგი ტაბლეტები კი მიიღოს ჩვეულებრივ დროს.

თუ ვარდისფერი ტაბლეტების მიღებაში დაგვიანება შეადგენს 24 საათზე მეტს , კონტრაცეფციული დაცვა შეიძლება შესუსტდეს. რაც უფრო მეტი ტაბლეტი არის გამოტოვებული და რაც უფრო ახლოს დგას მათი გამოტოვება ღია ნარინჯისფერი (დამხმარე) ტაბლეტების მიღების ფაზასთან, მით უფრო მაღალია ორსულობის ალბათობა.

ამასთან, საჭიროა გახსოვდეთ:

• · პრეპარატის მიღება არასდროს არ უნდა შეწყდეს 7 დღეზე მეტი ხნით (მიაქციეთ ყურადღება იმას, რომ ღია ნარინჯისფერი ტაბლეტების (დამხმარე) მიღების რეკომენდებული ინტერვალი შეადგენს 4 დღეს).
• · ჰიპოთალამო-ჰიპოფიზურ-საკვერცხეების სისტემის ადექვატური დათრგუნვის მისაღწევად საჭიროა ტაბლეტების განუწყვეტელი მიღება 7 დღის განმავლობაში.

შესაბამისად, თუ ვარდისფერი ტაბლეტების მიღებაში დაგვიანებამ შეადგინა 24 საათზე მეტი, საჭიროა შემდეგი რეკომენდაციების გათვალიწინება:

• · 1-დან მე-7 დღის ჩათვლით:

ბოლო გამოტოვებული ტაბლეტი უნდა მიიღოთ გახსენებისთანავე, თუნდაც ეს ნიშნავდეს ორი ტაბლეტის ერთად მიღებას. შემდეგი ტაბლეტები უნდა მიიღოთ ჩვეულ დროს. გარდა ამისა, მომდევნო 7 დღის განმავლობაში აუცილებელია დამატებით კონტრაცეფციის ბარიერული მეთოდის გამოყენება (მაგალითად, პრეზერვატივი). თუ სქესობრივ კონტაქტს ადგილი ჰქონდა ტაბლეტის გამოტოვებამდე 7 დღის განმავლობაში, გასათვალისწინებელია ორსულობის დადგომის შესაძლებლობა.

• · მე-8-დან მე-14 დღის ჩათვლით:

ბოლო გამოტოვებული ტაბლეტი უნდა მიიღოთ გახსენებისთანავე, თუნდაც ეს ნიშნავდეს ორი ტაბლეტის ერთად მიღებას. შემდეგი ტაბლეტები უნდა მიიღოთ ჩვეულ დროს. იმ პირობით, თუ ტაბლეტებს სწორად იღებდით 7 დღის განმავლობაში, რომლებიც წინ უსწრებდა პირველ გამოტოვებულ ტაბლეტს, კონტრაცეფციის რაიმე დამატებითი ზომების მიღება საჭირო არ არის. წინააღმდეგ შემთხვევაში, ასევე ორი და მეტი ტაბლეტის გამოტოვების შემთხვევაში, საჭიროა დამატებით კონტრაცეფციის ბარიერული მეთოდების გამოყენება (მაგალითად, პრეზერვატივი) 7 დღის განმავლობაში.

• · მე-15-დან 24-ე დღის ჩათვლით:

საიმედოობის რისკის შემცირება გარდაუვალია იმ პერიოდის მოახლოების გამო, როდესაც იღებთ ღია ნარინჯისფერ (დამხმარე) ტაბლეტებს. ამ შემთხვევაში აუცილებელია შემდეგი ალგორითმების დაცვა:

- თუ პირველ გამოტოვებულ ტაბლეტამდე წინა 7 დღის განმავლობაში ყველა ტაბლეტი მიიღებოდა სწორად, საჭირო არ არის დამატებითი კონტრაცეფციული მეთოდების გამოყენება. გამოტოვებული აბების მიღებისას იხემძღვანელეთ პუნქტებით 1 ან 2.

- თუ პირველ გამოტოვებულ ტაბლეტამდე წინა 7 დღის განმავლობაში ტაბლეტის მიიღება არასწორად ხდებოდა, მაშინ, საჭიროა დამატებითი კონტრაცეფციული მეთოდების (მაგალითად, პრეზერვატივი) გამოყენება მომდევნო 7 დღის განმავლობაში და, გამოტოვებული აბების მიღებისას პუნქტი 1 ხელმძღვანელობა.

1. ბოლო გამოტოვებული ტაბლეტი უნდა მიიღოთ რაც შეიძლება მალე, როგორც კი გაგახსენდებათ (თუნდაც ეს ნიშნავდეს ორი ტაბლეტის ერთად მიღებას). შემდეგი ტაბლეტები მიიღეთ ჩვეულ დროს, სანამ შეფუთვაში არ დამთავრდება ვარდისფერი ტაბლეტები. 4 ღია ნარინჯისფერი (დამხმარე) ტაბლეტი გადააგდეთ და დაუყოვნებლივ დაიწყეთ ტაბლეტების მიღება შემდეგი შეფუთვიდან. «მოხსნის» სისხლდენა ნაკლებსავარაუდოა, სანამ არ დამთავრდება ვარდისფერი ტაბლეტები მეორე შეფუთვიდან, თუმცა შესაძლებელია აღინიშნოს ლაქოვანი გამონადენი და/ან «გარღვევის» სისხლდენა ტაბლეტების მიღების დროს.

2. შეწყვიტეთ ვარდისფერი ტაბლეტების მიღება მიმდინარე შეფუთვიდან. ამის შემდეგ შეისვენეთ არაუმეტეს 4 დღის განმავლობაში ( ტაბლეტების გამოტოვების დღეების ჩათვლით ) და შემდეგ დაიწყეთ პრეპარატის მღება ახალი შეფუთვიდან.

თუ გამოტოვეთ ვარდისფერი ტაბლეტების მიღება და ღია ნარინჯისგერი (დამხმარე) ტაბლეტების მიღების პერიოდში «მოხსნის» სისხლდენა არ დაიწყო, უნდა გამოირიცხოს ორსულობა.

მოხერხებულობისთვის ინფორმაცია წარმოდგენილია შემდეგი სქემის სახით:

გამოტოვებული ტაბლეტების მიღება

დაუშვებელია დღეში 2 -ზე მეტი ტაბლეტის მიღება.

რა უნდა გააკეთოთ, თუ გაქვთ ღებინება ან კუჭის ძლიერი აშლილობა

მძიმე გასტროინტესტინალური დარღვევების დროს პრეპარატის აბსორბცია შეიძლება სრულად არ მოხდეს, ამიტომ, აუცილებელია დამატებითი კონტრაცეფციული ზომების მიღება.

თუ ვარდისფერი ტაბლეტის მიღებიდან 3 – 4 საათის განმავლობაში ღებინება ან დიარეა დაიწყება, აუცილებელია ტაბლეტების გამოტოვების დროს შესასრულებელი რეკომენდაციების დაცვა. თუ არ გსურთ პრეპარატის მიღების ჩვეული სქემის შეცვლა და მენსტრუაციის დაწყების გადატანა კვირის სხვა დღეზე, დამატებითი ვარდისფერი ტაბლეტი უნდა მიიღოთ სხვა შეფუთვიდან.

თუ გსურთ პრეპარატი ჯესი® პლიუსის მიღების შეწყვეტა

თქვენ შეგიძლიათ შეწყვიტოთ პრეპარატი ჯესი® პლიუსის მიღება ნებისმიერ დროს. თუ არ გეგმავთ ორსულობას, საჭიროა სხვა საიმედო კონტრაცეფციის მეთოდების გამოყენება. თუ გეგმავთ ორსულობას, უბრალოდ უნდა შეწყვიტოთ პრეპარატი ჯესი® პლიუსის მიღება, დაელოდოთ ბუნებრივ მენსტრუალურ სისხლდენას და მხოლოდ ამის შემდეგ სცადოთ დაორსულება. ეს დაგეხმარებათ უფრო ზუსტად გამოთვალოთ ორსულობის ვადა და მშობიარობის დრო.

როგორ გადაავადოთ « მოხსნის » სისხლდენის დაწყება

„მოხსნის“ სისხლდენის დაწყების გადავადების მიზნით, უნდა გამოტოვოთ 4 ღია ნარინჯისფერი (დამხმარე) ტაბლეტის მიღება მიმდინარე შეფუთვიდან და დაიწყოთ ვარდისფერი ტაბლეტების მიღება პრეპარატი ჯესი® პლიუსის შემდეგი შეფუთვიდან. თუ თქვენ მიიღეთ 24-ვე ვარდისფერი ტაბლეტი მეორე შეფუთვიდან, ამ შემთხვევაში უნდა მიიღოთ აგრეთვე 4 ღია ნარინჯისფერი ტაბლეტი. მხოლოდ ამის შემდეგ შეგიძლიათ დაიწყოთ ტაბლეტების მიღება ახალი შეფუთვიდან. ამგვარად, ციკლის გაგრძელება შესაძლებელია, სურვილისამებრ, ნებისმიერი ვადით, ვიდრე მეორე შეფუთვის ყველა ვარდისფერი ტაბლეტი არ დამთავრდება. თუ გსურთ, რომ მენსტრუაციის მსგავსი სისხლდენა დაიწყოს უფრო ადრე, შეწყვიტეთ ვარდისფერი ტაბლეტების მიღება მეორე შეფუთვიდან, გადაყარეთ ისინი და ყველა ტაბლეტის მიღებაში გააკეთეთ შესვენება არაუმეტეს 4 დღის ხანგრძლივობით, ხოლო შემდეგ დაიწყეთ ტაბლეტების მიღება ახალი შეფუთვიდან. ამ შემთხვევაში, მენსტრუაციის მსგავსი სისხლდენა დაიწყება მეორე შეფუთვის ბოლო ვარდისფერი ტაბლეტის მიღებიდან დაახლოებით 2-3 დღის შემდეგ. პრეპარატი ჯესი® პლიუსის მეორე შეფუთვიდან მიღების დროს შეიძლება აღინიშნოს მცირედი სისხლნარევი გამონადენი ან/და წყვეტილი („გარღვევითი“) სისხლდენები ტაბლეტების მიღების დღეებში.

როგორ შეცვალოთ « მოხსნის » სისხლდენის დაწყების დღე

თუ პრეპარატი ჯესი® პლიუსის ტაბლეტების მიღება მიმდინარეობს რეკომენდაციების შესაბამისად, მენსტრუაციის მსგავსი სისხლდენები განვითარდება დაახლოებით ერთსა და იმავე დღეს ყოველ 4 კვირაში. თუ გსურთ შეცვალოთ მენსტრუაციის მსგავსი სისხლდენის დაწყების დღე, შეამცირეთ ღია ნარინჯისფერი ტაბლეტების მიღების პერიოდი იმდენი დღით, რამდენი დღითაც გსურთ შეცვალოთ მენსტრუაციის მსგავსი სისხლდენის დაწყება. მაგალითად, თუ თქვენი ციკლი ჩვეულებრივ იწყება პარასკევს, ხოლო მომავალში გსურთ, რომ იგი სამშაბათს (3 დღით ადრე) დაიწყოს, ტაბლეტების მიღება ახალი შეფუთვიდან უნდა დაიწყოთ ჩვეულებრივზე 3 დღით ადრე, ე.ი. არ გამოიყენოთ ბოლო 3 ღია ნარინჯისფერი ტაბლეტი მიმდინარე შეფუთვიდან და დაიწყოთ ვარდისფერი ტაბლეტების მიღება მომდევნო შეფუთვიდან. რაც უფრო ნაკლებ ღია ნარინჯისფერ ტაბლეტს მიიღებთ, მით უფრო მეტია იმის ალბათობა, რომ მენსტრუაციის მსგავსი სისხლდენა არ დაიწყება. პრეპარატი ჯესი® პლიუსის მომდევნო შეფუთვიდან მიღების დროს შეიძლება აღინიშნოს მცირედი სისხლნარევი გამონადენი ან/და წყვეტილი („გარღვევითი“) სისხლდენები.

4. შესაძლო არასასურველი რეაქციები

ყველა სამკურნალო საშუალების მსგავსად, პრეპარატ ჯესი^® პლიუს-საც შეუძლია არასასურველი რეაქციების გამოწვევა, თუმცა ისინი ყველას არ უჩნდება.

პრეპარატის მიღებისას არასასურველიორსულობისთავიდანაცილების და საშუალო სიმძიმის აკნესმკურნალობის მიზნით ქალებში, რომლებსაცსურთ პერორალურიკონტრაცეპტივებისგამოყენება, ყველაზე ხშირ არასასურველ რეაქციებს მიეკუთვნება: გულისრევა, ტკივილი სარძევე ჯირკვალში, საშვილოსნოდან არარეგულარული სისხლდენა, გაურკვეველი წარმოშობის სისხლდენა სასქესო გზებიდან.

პრეპარატის მიღებისას პრემენსტრუალურისინდრომისმძიმეფორმებისსიმპტომებისმკურნალობის მიზნით ქალებში, რომელთაცსურთ პერორალურიკონტრაცეპტივებისგამოყენება, ყველაზე ხშირ არასასურველ რეაქციებს მიეკუთვნება: გულისრევა, ტკივილი სარძევე ჯირკვალში, საშვილოსნოდან არარეგულარული სისხლდენა.

იშვიათი, მაგრამ სერიოზული არასასურველი რეაქციებია არტერიული და ვენური თრომბოემბოლია და კიბო (იხ. აგრეთვე მე-2 კარის ქვეკარი „გულ-სისხლძარღვთა დარღვევები“ და „სიმსივნეები“). თრომბოზის ან კიბოს შესაძლო ნიშნების გაჩენის შემთხევაში დაუყოვნებლივ უნდა მიმართოთ თქვენს მკურნალ ექიმს. შეიძლება დაგჭირდეთ დაუყოვნებლივი სამედიცინო დახმარება!

ქვემოთ მოცემულია შესაძლო არასასურველი რეაქციები მათი წარმოქმნის სიხშირის მიხედვით:

ხშირად

(შეიძლებაგანუვითარდეს10-დან არაუმეტეს 1 ადამიანს)

- ემოციური ლაბილობა (განწყობის ცვალებადობა)

- თავის ტკივილი

- გულისრევა

- ტკივილი და მგრძნობელობა სარძევე ჯირკვალში

- არარეგულარული მენსტრუაციის მსგავსი გამონადენი/სისხლდენა საშოდან, დაუდგენელი გენეზის სისხლდენები სასქესო ორგანოებიდან;

- მენსტრუაციის მსგავსი სისხლდენის არარსებობა

არახშირად

(შეიძლება განუვითარდეს 100-დან არაუმეტეს 1 ადამიანს)

- წონის მომატება

- ლიბიდოს დაქვეითება ან დაკარგვა (სექსუალური სურვილის დაქვეითება)

- ძილიანობა

- დეპრესია/დაქვეითებული განწყობა

- თავბრუსხვევა, პარესთეზია (დაქვეითებული მგრძნობელობა)

- შაკიკი

- არტერიული წნევის მატება

- მუცლის ტკივილი, ღებინება, გასტრიტი

- დიარეა, მეტეორიზმი, დისპეფსია (კუჭის დისფუნქცია)

- აკნე, გამონაყარი, ქავილი

- ზურგის ტკივილი, ტკივილი კიდურებში, კუნთების კრუნჩხვები

- ტკივილი მენჯის არეში

- "ალები"

- ფიბროკისტოზური მასტოპათია (კეთილთვისებიანი ცვლილებები სარძევე ჯირკვლებში)

- კანდიდოზური ვულვოვაგინიტი (რძიანა საშოში), ვაგინალური გამონადენი

- უხვი მენსტრუაციის მსგავსი სისხლდენა, მწირი მენსტრუაციის მსგავსი სისხლიანი გამონადენი, იშვიათი მენსტრუაციის მსგავსი სისხლდენა, მტკივნეული მენსტრუაციის მსგავსი სისხლდენა, საშოს ლორწოვანი გარსის სიმშრალე

- პათოლოგიური შედეგები პაპანიკოლაუს ტესტის მიხედვით

- ასთენია (მომატებული დაღლილობა)

- გაძლიერებული ოფლიანობა, გენერალიზებული ან პერიფერიული შეშუპება

იშვიათად

(შეიძლება განუვითარდეს 1000-დან არაუმეტეს 1 ადამიანს)

- კანდიდოზი (სოკოვანი ინფექცია)

- ანემია (ჰემოგლობინისდაერითროციტების რაოდენობისშემცირება)

- თრომბოციტემია (თრომბოციტებისრაოდენობისგაზრდა)

- ალერგიული რეაქცია

- წონაში კლება, მადის მატება, ანორექსია (კვებითი ქცევის შეცვლა)

- ჰიპერკალიემია, ჰიპონატრიემია

- უძილობა

- ანორგაზმია (ორგაზმის არარსებობა)

- კონიუნქტივიტი, თვალების ლორწოვანი გარსის სიმშრალე, მხედველობის დარღვევა

- ტაქიკარდია (გულისცემის სიხშირის მატება დროის ერთეულში)

- გაბრუება

- ცხვირიდან სისხლდენა

- ვენური ან არტერიული თრომბოემბოლია

- შებერილობა, ყაბზობა, პირის სიმშრალე

- ტკივილი მარჯვენა ჰიპოქონდრიუმში

- ალოპეცია (თმის ცვენა), ჰიპერტრიქოზი (თმის გადაჭარბებული ზრდა)

- ეგზემა, კანის სიმშრალე, კონტაქტური დერმატიტი, აკნეიფორმული დერმატოზი

- სარძევე ჯირკვლების ჰიპერპლაზია

- საშვილოსნოს ყელის პოლიპი, საკვერცხის კისტა, ენდომეტრიუმის ატროფია

- სისუსტე

სიხშირე უცნობია

(არსებული მონაცემებიდან გამომდინარე სიხშირის განსაზღვრა შეუძლებელია)

- ჰიპერმგრძნობელობა

- მრავალფორმული ერითემა (კანისგაწითლება)

ცალკეული არასასურველი რეაქციების აღწერა

ქვემოთ ჩამოთვლილია არასასურველი რეაქციები წარმოქმნის ძალიან იშვიათი სიხშირით ან მოგვიანებითი სიმპტომებით, რომლებიც, როგორც ვარაუდობენ, შეიძლება დაკავშირებული იყოს პერორალური კომბინირებული კონტრაცეპტივების მიღებასთან (იხ. აგრეთვე მე-2 კარში ქვეკარები «განსაკუთრებული მითითებები და სიფრთხილის ზომები»):

სიმსივნეები

• · ქალებში, რომლებიც კომბინირებულ პერორალურ კონტრაცეპტივებს იყენებენ, უმნიშვნელოდ არის მომატებული სარძევე ჯირკვლის კიბოს გამოვლენის სიხშირე. იმის გამო, რომ სარძევე ჯირკვლის კიბო იშვიათად ხვდება 40 წლამდე ასაკის ქალებში, მისი წარმოქმნის შემთხვევების გაზრდილი რიცხვი უმნიშვნელოა მთლიანად სარძევე ჯირკვლის კიბოს წარმოქმნის რისკთან შედარებით. კომბინირებული პერორალური კონტრაცეპტივების მიღებასთან მიზეზ-შედეგობრივი კავშირი დამტკიცებული არ არის.
• · ღვიძლის სიმსივნეები (კეთილთვისებიანი და ავთვისებიანი)

სხვა მდგომარეობები

• · კვანძოვანი ერითემა (კანის დაავადება, დამახასიათებელი მტკივნეული წითელი კვანძებით);
• · ტრიგლიცერიდების (სისხლის ცხიმების) მომატებული დონე, რაც ზრდის პანკრეატიტის განვითარების რისკს.
• · არტერიული წნევის მატება
• · მდგომარეობები, რომლებიც ვითარდება ან უარესდება კომბინირებული კონტრაცეპტივების მიღებისას, მაგრამ მათი კავშირი არ არის დადასტურებული: სიყვითლე და/ან ქავილი, დაკავშირებული ქოლესტაზთან, რომელიც გამოიხატება კანზე მოყვითალო და ყავისფერი ლაქებით; ნაღვლის ბუშტში კენჭების წარმოქმნა; ეპილეპსია; პორფირია (პიგმენტურიცვლისმემკვიდრეობითი დარღვევა); სისტემური წითელი მგლურა (ქრონიკულიაუტოიმუნურიდაავადება); ჰემოლიზურ-ურემიული სინდრომი (სისხლისშედედებისდარღვევა); სიდენჰამის ქორეა (ნევროლოგიურიდაავადება); ჰერპესი ორსულობის დროს; სმენის დაკარგვა, რომელიც დაკავშირებულია ოტოსკლეროზთან.
• · ქალებში მემკვიდრეობითი ანგიონევროზული შეშუპებით (უეცარი შეშუპება, როგორიცაა ქუთუთოების, პირის ღრუს, ყელის და ა.შ.), ესტროგენების მიღებამ შეიძლება გამოიწვიოს ან გააუარესოს მისი სიმპტომები;
• · ღვიძლის ფუნქციის დარღვევა;
• · გლუკოზის მიმართ ტოლერანტობის ცვლილებები (გლუკოზისსათანადომეტაბოლიზმისუნარისდაქვეითება) ან ზემოქმედება პერიფერიულ ინსულინის რეზისტენტობაზე (ინსულინისზემოქმედებაზებიოლოგიურიპასუხისდაქვეითება)
• · კრონის დაავადება, წყლულოვნია კოლიტი (ნაწლავისანთებითიდაავადება);
• · ქლოაზმა (ოქროსფერ-ყავისფერილაქებიკანზე, განსაკუთრებითსახეზე)
• · ჰიპერმგრძნობელობა (ისეთი სიმპტომების ჩათვლით, როგორიცაა გამონაყარი, ჭინჭრის ციება).

ურთიერთქმედებები

პრეპარატი ჯესი® პლიუსის სხვა სამკურნალო პრეპარატებთან (ფერმენტების ინდუქტორებთან) ურთიერთქმედებამ შეუძლება გამოიწვიოს მოულოდნელი «გარღვევის» სისხლდენები და/ან კონტრაცეპტიული ეფექტის დაქვეითება (იხ. მე-2 კარში ქვეკარი «სხვა პრეპარატები და პრეპარატი ჯესი^® პლიუსი»).

არასასურველი რეაქციების შესახებ შეტყობინება

თუ თქვენ გაგიჩნდებათ რაიმე არასასურველი რეაქცია, გაიარეთ კონსულტაცია მკურნალ ექიმთან. წინამდებარე რეკომენდაცია ვრცელდება ნებისმიერ შესაძლო არასასურველ რეაქციაზე, მათ შორის ისეთზე, რომელიც ჩამოთვლილი არ არის ჩანართ ფურცელში. თქვენ ასევე შეგიძლიათ პირდაპირ გააგზავნოთ შეატყობინება არასასურველი რეაქციების შესახებ (იხ. ქვემოთ). არასასურველი რეაქციების შესახებ შეტყობინებით, თქვენ ეხმარებით სამკურნალო პრეპარატის უსაფრთხოების შესახებ მეტი მონაცემების მიღებაში.

რუსეთისფედერაცია

ჯანდაცვის სფეროში ზედამხედველობის ფედერალური სამსახური (როსზდრავნადზორ)

მისამართი: 109012, მოსკოვი, სლავიანსკაიას მოედანი, 4, კორპუსი 1

ცხელი ხაზის ტელეფონი: +7 800 550 99 03

ელექტრონული ფოსტა: [email protected]

https://roszdravnadzor.gov.ru

ყაზახეთისრესპუბლიკა

ყაზახეთის რესპუბლიკის ჯანდაცვის სამინისტროს სამედიცინო და ფარმაცევტული კონტროლის კომიტეტის «სამკურნალო საშუალებების და სამედიცინო ნაწარმის ექსპერტიზის ეროვნული ცენტრი»

მისამართი: 010000, ასტანა, ბაიკონირის რაიონი, ა.იმანოვის ქუჩა, 13 (ბც «ნურსაულეტ 2»)

ტელეფონი: + 7 7172 23 51 35

ელექტრონული ფოსტა: [email protected]

http://www.ndda.kz

ბელარუსისრესპუბლიკა

რესპუბლიკური უნიტარული საწარმო «ჯანდაცვის ექსპერტიზის და კვლევის ცენტრი»

მისამართი: 220037, მინსკი, ტოვარიშჩესკის შესახვევი, 2ა

ტელეფონი: +375-17-242-00-29

ფაქსი: +375 (17) 252 53 58

ელექტრონული ფოსტა: [email protected]

http://www.rceth.by

სომხეთის რესპუბლიკა

მისამართი: 0051, ქ. ერევანი, კომიტასის გამზირი, 49/5

დტსს «აკადემიკოს ე. გაბრიელიანის სახელობის მედიკამენტებისა და სამედიცინო ტექნოლოგიების ექსპერტიზის სამეცნიერო ცენტრი»

ტელეფონი: (+374 10) 23 16 82; ცხელი ხაზი: (+374 10) 20 05 05

ელექტრონული ფოსტა: [email protected]

ვებ-გვერდი: http://pharm.am

5. პრეპარატი ჯესი® პლიუსის შენახვა

შეინახეთ პრეპარატი ბავშვებისათვის მიუწვდომელ ადგილას ისე, რომ ბავშვმა ვერ დაინახოს იგი.

არ მიიღოთ პრეპარატი შეფუთვაზე მითითებული ვარგისიანობის ვადის (შენახვის ვადის) გასვლის შემდეგ. ვარგისიანობის ვადის გასვლის თარიღად მიჩნეულია თვის ბოლო დღე.

შეინახეთ არაუმეტეს 25°С ტემპერატურაზე.

არ გადააგდოთ პრეპარატი კანალიზაციაში (წყალსადენში). დააზუსტეთ აფთიაქის მუშაკთან, თუ როგორ უნდა მოხდეს იმ პრეპარატის უტილიზაცია (განადგურება), რომელიც უკვე აღარ გჭირდებათ. ეს ზომები გარემოს დაცვის საშუალებას იძლევა.

6. შეფუთვის შიგთავსი და სხვა მონაცემები

პრეპარატი ჯესი ^® პლიუსი შეიცავს

მოქმედი ნივთიერებები: დროსპირენონი, ეთინილესტრადიოლი და კალციუმის ლევომეფოლატი.

ყოველი ვარდისფერი გარსით დაფარული ტაბლეტი (აქტიური ინგრედიენტების კომბინაციით) შეიცავს დროსპირენონს (მიკრონიზებული) - 3.000 მგ, ეთინილესტრადიოლ ბეტადექს კლატრატს (მიკრონიზებული) ეთინილესტრადიოლზე გადათვლით - 0.020 მგ და კალციუმის ლევომეფოლატს [მეტაფოლინი^®] (მიკრონიზებული) – 0,451 მგ.

სხვა ინგრედიენტები (დამხმარე ნივთიერებები):

ტაბლეტის ბირთვი: ლაქტოზას მონოჰიდრატი (იხ. კარი 2, ქვეპუნქტი „პრეპარატი ჯესი® პლიუსი შეიცავს ლაქტოზას მონოჰიდრატს“), მიკროკრისტალური ცელულოზა, ნატრიუმის კროსკარმელოზა, ჰიპროლოზა (5 cP), მაგნიუმის სტეარატი.

აპკიანი გარსი: ვარდისფერი ლაქი ან (ალტერნატიული): ჰიპრომელოზა (5 cP), მაკროგოლი-6000, ტალკი, ტიტანის დიოქსიდი E 171, რკინის ოქსიდის წითელი საღებავი E 172.

თითოეული ღია ნარინჯისფერი გარსით დაფარული ტაბლეტი (დამხმარე ვიტამინური ტაბლეტი) შეიცავს კალციუმის ლევომეფოლატს [მეტაფოლინი®] (მიკრონიზებული) – 0,451 მგ.

სხვა ინგრედიენტები (დამხმარე ნივთიერებები):

ტაბლეტის ბირთვი: ლაქტოზას მონოჰიდრატი (იხ. კარი 2, ქვეპუნქტი „პრეპარატი ჯესი® პლიუსი შეიცავს ლაქტოზას მონოჰიდრატს“), მიკროკრისტალური ცელულოზა, ნატრიუმის კროსკარმელოზა, ჰიპროლოზა (5 cP), მაგნიუმის სტეარატი.

აპკიანი გარსი: ღია ნარინჯისფერი ლაქი ან (ალტერნატიული): ჰიპრომელოზა (5cP), მაკროგოლი-6000, ტალკი, ტიტანის დიოქსიდი E 171, რკინის ოქსიდი ყვითელი E 172, რკინის ოქსიდი წითელი E 172.

პრეპარატი ჯესი® პლიუსის აღწერილობა და შეფუთვის შიგთავსი

ჯესი^® პლიუსი, ვარდისფერი, აპკიანი გარსით დაფარული ტაბლეტები:

ვარდისფერი, მრგვალი ფორმის, ორმხრივამოზნექილი, აპკიანი გარსით დაფარული ტაბლეტები, ტაბლეტის ერთ მხარეს წესიერ ექვსკუთხედში ამოტვიფრულია "Z+".

ჯესი^® პლიუსი, ღია ნარინჯისფერი, აპკიანი გარსით დაფარული ტაბლეტები:

ღია ნარინჯისფერი, მრგვალი ფორმის, ორმხრივამოზნექილი, აპკიანი გარსით დაფარული ტაბლეტები, ტაბლეტის ერთ მხარეს წესიერ ექვსკუთხედში ამოტვიფრულია "M+".

პრეპარატი ჯესი® პლიუსი იწარმოება:

24 ტაბლეტი აქტიური ინგრედიენტების კომბინაციით და 4 დამხმარე ვიტამინის შემცველი ტაბლეტი მოთავსებულია ბლისტერულ შეფუთვაში (ბლისტერზე), რომელიც დამზადებულია მრავალშრიანი მასალისგან - PVC-PE-EVOH-PE-PCTFE და დალუქულია ალუმინის ფოლგით. ერთი ბლისტერი (კომპლექტი) ჩაწეპებულია მუყაოს დასაკეც წიგნაკში. 1 ან 3 დასაკეცი წიგნაკი, მიღებისთვის განკუთვნილი თვითწებვადი კალენდარული სტიკერების ბლოკით და ჩანართ ფურცელთან ერთად ჩაბეჭდილია გამჭვირვალე აპკით. აპკზე დატანილია შესაფუთი სტიკერი.

სარეგისტრაციო მოწმობის მფლობელი

ბაიერ აგ, კაიზერ-ვილჰელმ-ალეე 1, 51373 ლევერკუზენი, გერმანია

Bayer AG, Kaiser-Wilhelm-Allee, 1, 51373 Leverkusen, Germany

მწარმოებელი

ბაიერ ვეიმარ აგ გმბჰ და კო. კგ, დებერაინერშტრასე, 20, 99427 ვეიმარი, გერმანია

Bayer Weimar GmbH und Co. KG, Dobereinerstrasse 20, 99427 Weimar, Germany

პრეპარატის შესახებ ნებისმიერი ინფორმაციისთვის, ასევე პრეტენზიების წარმოქმნის შემთხვევაში უნდა მიმართოთ სარეგისტრაციო მოწმობის მფლობელის ადგილობრივ წარმომადგენელს:

რუსეთისფედერაცია

სს «ბაიერი»

107113 მოსკოვი, მე-3 რიბინსკაიას ქუჩა, სახლი 18, შენობა 2, რუსეთი

ტელ.: +7 495 231 12 00

www.bayer.ru

ყაზახეთისრესპუბლიკა

შპა «ბაიერ კაზ»

050057 ალმათი, ტიმირიაზევის ქუჩა, 42, პავილიონი 15, ოფისი 301, ყაზახეთი

ტელ.: +7 727 258 80 40

ფაქსი: +7 727 258 80 39

ელექტრონული ფოსტა: [email protected]

www.bayer.ru

ბელარუსისრესპუბლიკა

220089 ქ. მინსკი, ძერჟინსკის გამზირი 57, ოთახი 54, ბელარუსი

ტელ.: +375 17 239 54 20

www.bayer.ru

სომხეთის რესპუბლიკა

შპს “MGF Group”, Bayer AG აგენტი

0002 ერევანი, ქ. თუმანიანის 23, ოფისი 10, სომხეთი

ტელ.: +374 11 20 15 50

www.bayer.ru

ჩანართი ფურცელი გადამოწმებულია

ინფორმაციის სხვა წყაროები

დაწვრილებითი ცნობები ამ პრეპარატის შესახებ მოცემულია ევრაზიის ეკონომიკური კავშირის ვებ-გვერდზე https://eec.eaeunion.org. ჩანართი ფურცელი ხელმისაწვდომია კავშირის ქვეყნების ყველა ენაზე კავშირის ვებგვერდძე.

გაცემის წესი:

ფარმაცევტული პროდუქტის ჯგუფი II, გაიცემა ფორმა №3 რეცეპტით