ლორსეპტი პიტნ/გემ#30ტ

სამკურნალო საშუალების სამედიცინო გამოყენების ინსტრუქცია

ლორსეპტი

ინფორმაცია სპეციალისტებისათვის

სამკურნალო საშუალების დასახელება:
სავაჭრო დასახელება: ლორსეპტი
საერთაშორისო არაპატენტირებული დასახელება: ჩეტყლპყრიდინიუმ
ქიმიური დასახელება: 1-ჰექსადეცილპირიდინის ქლორიდი
აღწერა: მრგვალი, ორმხრივამოზნექილი, თეთრი ან თეთრი მოყვითალო ელფერით ტაბლეტები ანანასის ან ფორთოხლის, ან თაფლის ან პიტნის გემოთი.
ერთი ტაბლეტის შემადგენლობა:
ანანასის გემოს მქონე საწუწნი ტაბლეტების შემადგენლობა:
აქტიური ნივთიერება: ცეტილპირიდინის ქლორიდი 1,5მგ;
დამხმარე ნივთიერებები: პოვიდონ K30, არომატული დანამატი "ანანასი" (მალტოდექსტრინი, არაბული გუმფისი (Е414), არომატული კომპოზიცია), მენთოლი, კალციუმის სტეარატი, ტალკი, სორბიტოლი.
ფორთოხლის გემოს მქონე საწუწნი ტაბლეტების შემადგენლობა:
აქტიური ნივთიერება: ცეტილპირიდინის ქლორიდი 1,5მგ;
დამხმარე ნივთიერებები: პოვიდონ K30, არომატული დანამატი "ფორთოხალი" (მალტოდექსტრინი, ფორთოხლის ზეთი, არაბული გუმფისი (Е414), არომატული კომპოზიცია), მენთოლი, კალციუმის სტეარატი, ტალკი, სორბიტოლი.
თაფლის გემოს მქონე საწუწნი ტაბლეტების შემადგენლობა:
აქტიური ნივთიერება: ცეტილპირიდინის ქლორიდი 1,5მგ;
დამხმარე ნივთიერებები: პოვიდონ K30, არომატული დანამატი "თაფლი" (მალტოდექსტრინი, ნატრიუმის სახამებლის ოქტენილსუქცინატი (E1450), პროპილენგლიკოლი (E1520), არომატული კომპოზიცია), მენთოლი, კალციუმის სტეარატი, ტალკი, სორბიტოლი.
პიტნის გემოს მქონე საწუწნი ტაბლეტების შემადგენლობა:
აქტიური ნივთიერება: ცეტილპირიდინის ქლორიდი 1,5მგ;
დამხმარე ნივთიერებები: ბაღის პიტნის ზეთი, პოვიდონ K30, კალციუმის სტეარატი, ტალკი, სორბიტოლი.
წამლის ფორმა: საწუწნი ტაბლეტები.
ფარმაკოთერაპიული ჯგუფი:
ხორხისა და ყელის დაავადებების სამკურნალო საშუალებები. ანტისეპტიკური საშუალებები.
ათქ კოდი: ღ02AA06
ფარმაკოლოგიური თვისებები:
ფარმაკოდინამიკა
პრეპარატი ამჟღავნებს მსუბუქ ადგილობრივ ანტისეპტიკურ მოქმედებას. ამჟღავნებს ბაქტერიოციდულ მოქმედებას გრამდადებითი, გრამუარყოფითი ბაქტერიებისა და სოკოების მიმართ (ჩანდიდა ალბიცანს), არ მოქმედებს მიკობაქტერიებზე. ცეტილპირიდინიუმის ქლორიდი, ისევე როგორც სხვა კატიონური სურფაქტანტები, აფერხებს ბაქტერიების მეტაბოლიზმს, ბლოკავს მნიშვნელოვან ფერმენტულ სისტემებს, მოქმედებს ბაქტერიების ციტოადჰეზიურ მექანიზმებზე, ზრდის მიკროორგანიზმების ციტოპლაზმური მემბრანის გამტარობას და ანადგურებს მას. სუსტ ტუტე გარემოში ცეტილპირიდინიუმის ქლორიდი არის იონიზირებული ფორმით, რომელიც განსაზღვრავს პრეპარატის ეფექტურობას; 3–ზე დაბალ პH– ზე, პრეპარატი მთლიანად კარგავს თავის აქტივობას.
ფარმაკოკინეტიკა
ცეტილპირიდინის ქლორიდს აქვს ადგილობრივი მოქმედება და ძალიან ცუდად შეიწოვება კუჭ-ნაწლავის ტრაქტიდან, მაქსიმუმ 15% -ით. კუჭის მჟავე არეში, ასევე ანიონური ნივთიერებებისა და ლიპიდების ზემოქმედებით, ის სწრაფად ინაქტივირდება. რეკომენდებული დოზებით შიგნით მიღებისას არ იწვევს სისტემურ მოქმედებას. ორგანიზმიდან გამოიყოფა უცვლელი სახით.
გამოყენების ჩვენებები:
პირის ღრუს და ყელის ინფექციურ-ანთებითი დაავადებების ადგილობრივი დამხმარე მკურნალობა.
გამოყენების მეთოდი და დოზირება:
ზრდასრულები და მოზარდები: ნელა უნდა გაიწუწნოს ერთი ტაბლეტი ყოველ 2 საათში ერთხელ. სადღეღამისო დოზამ არ უნდა გადააჭარბოს 8 ტაბლეტს.
6 წელზე უფროსი ასაკის ბავშვები: ნელა უნდა გაიწუწნოს ერთი ტაბლეტი ყოველ 4 საათში ერთხელ. სადღეღამისო დოზამ არ უნდა გადააჭარბოს 4 ტაბლეტს.
პაციენტთა განსაკუთრებული კატეგორიები:
პაციენტები ღვიძლის ფუნქციის დარღვევით – სიფრთხილით (იხ.თავი "სიფრთხილის ზომები").
პაციენტები თირკმელების ფუნქციის დარღვევით – არ არსებობს ინფორმაცია დოზის კორექციის აუცილებლობაზე.
ხანდაზმული პაციენტები - არ არსებობს ინფორმაცია დოზის კორექციის აუცილებლობაზე.
გვერდითი მოქმედება:
იმუნური სისტემის მხრივ: ჰიპერმგრძნობელობის რეაქციები.
კუჭ-ნაწლავის ტრაქტის მხრივ: პირის ღრუს ლორწოვანის დაწყლულება, ენისა და კბილების გარდამავალი გაყავისფრება, წვის შეგრძნება, გულისრევა, ღებინება.
ზემოთჩამოთვლილი გვერდითი რეაქციების სიხშირე უცნობია.
შესაძლებელია ჭრილობების შეხორცების შეფერხება და ლორწოვანი გარსის დაზიანება.
შესაძლებელია ცეტილპირიდინის მიმართ სენსიბილიზაციის განვითარება.
უკუჩვენება:
მომატებული მგრძნობელობა ცეტილპირიდინის, მენთოლის ან პრეპარატის სხვა დამხმარე კომპონენტების მიმართ.
ჰიპერმგრძნობელობა სასუნთქი გზების კუთხით, ბრონქოსპაზმური რეაქციები, ბრონქიალური ასთმა.
ბავშვთა ანამნეზში კრუნჩხვების (მათ შორის ფებრილური) დროს.
არ გამოიყენება ჭრილობის მიდამოებში ან დაზიანებული ლორწოვანი გასის შემთხვევაში.
6 წლამდე ბავშვთა ასაკი.
დოზის გადაჭარბება:
ცეტილპირიდინის დოზის გადაჭარბების შემთხვევები არ არის აღწერილი.
კათიონური ზედაპირულად აქტიური ნივთიერებების, ისეთი როგორიცაა ცეტილპირიდინის ქლორიდი, მაღალმა პერირალურმა დოზებმა შეიძლება გამოიწვიოს გულისრევა, ღებინება, კრუნჩხვები, სისხლის მიმოქცევის დარღვევა და კომა. დოზის გადაჭარბების შემთხვევაში არ არის გამორიცხული ჰემოლიზის განვითარება.
ზომები უნდა იქნას მიღებული პრეპარატის შეწოვის შესამცირებლად. საჭიროების შემთხვევაში, კუჭის ამორეცხვა. ინიშნება სიმპტომური თერაპია.
უსაფრთხოების ზომები:
ბაქტერიული ინფექციის განვითარების ეჭვის შემთხვევაში აუცილებელია სისტემური ანტიბიოტიკოთერაპიის დანიშვნა.
პირის ღრუს ლორწოვანი გარსის ვირუსული დაზიანების შემთხვევაში, კრიტიკულად უნდა იქნას განხილული ცეტილპირილიდინით მონოთერაპია.
ჭრილობების შეხორცების პოტენციური პრობლემის გამო, ცეტილპირილიდინის ქლორიდის გამოყენება არ შეიძლება ლორწოვანი გარსების დაზიანებისას.
კონტაქტური ალერგიის მქონე პაციენტებმა არ უნდა გამოიყენონ ცეტილპირილიდინი.
პაციენტებმა, იშვიათი მემკვიდრული პრობლემით – ფრუქტოზას აუტანლობა, არ უნდა გამოიყენონ აღნიშნული სამკურნალო საშუალება.
სამკურნალო საშუალების შემადგენლობაში პიტნის ზეთის არსებობის გამო, მისი გამოყენება სიფრთხილით უნდა მოხდეს პაციენტების მიერ კუჭ-ნაწლავის ტრაქტის, ღვიძლის და სანაღვლე გზების ანთებითი დაავადებებით, ჰიატალური თიაქრით.
პედიატრიულ თერაპიაში პიტნის ზეთის გამოყენების შესახებ ინფორმაციის არ არსებობის გამო, სამკურნალო საშუალების გამოყენება ბავშვებში რეკომენდირებულია ექიმის მეთვალყურეობის ქვეშ.
გამოყენება ორსულობისას და ლაქტაციის პერიოდში:L
საკმარისი მონაცემების არ არსებობის გამო, არ არის რეკომენდირებული გამოყენება ორსულობისა და ლაქტაციის პერიოდში.
ურთიერთქმედება სხვა სამკურნალო საშუალებებთან და ურთიერთქმედების სხვა ფორმები:
მეოთხეული ამონიუმის მარილები ინაქტივირდება სისხლის შრატის ცილებით, ჩირქოვანი ექსუდატით, ასევე ფოსფოლიპიდებით და სხვა ლიპიდების შემცველი ნივთიერებებით.
ანტიმიკრობული მოქმედების შემცირების შესაძლებლობის გამო, არ არის რეკომენდირებული საწუწნ ტაბლეტებზე რძის მიყოლება.
ანიონური ზედაპირული აქტივობის მქონე (მაგ.კბილის პასტა) ნივთიერებები აქვეითებს ცეტილპირილიდინის ქლორიდის ეფექტს.
გავლენა ავტომობილის მართვასა და მექანიზმებთან მუშაობის უნარზე:
არ მოქმედებს.
შენახვის პირობები: ინახება არაუმეტეს 25°С ტემპერატურაზე, ნესტისა და სინათლისაგან დაცულ, ბავშვებისთვის მიუწვდომელ ადგილას.
ვარგისობის ვადა: 3 წელი. არ გამოიყენება ვარგისობის ვადის გასვლის შემდეგ.
გაცემის პირობები: ექიმის რეცეპტის გარეშე.
კითხვების შემთხვევაში მიმართეთ ექიმს.
შეფუთვა:
10 ტაბლეტი პოლიმერული პვქ აპკის და ალუმინის ფოლგის კონტურულ-უჯრედოვან შეფუთვაში. ორი, სამი ან ხუთი კონტურულ-უჯრედოვანი შეფუთვა გამოყენების ინსტრუქციასთან ერთად მოთავსებულია მუყაოს კოლოფში.

გაცემის რეჟიმი:
ფარმაცევტული პროდუქტის ჯგუფი - III, გაიცემა რეცეპტის გარეშე

მწარმოებელი:
შპს "რუბიკონი", ბრ, 210002, ქ. ვიტებსკი, მ.გორკის ქუჩა 62 ბ. ტელ: +375(212) 36-47-77 ტელ/ფაქსი:+375(212) 36-37-06, წწწ.რუბიკონ.ბყ, ე-მაილ: სეცრეტარ@რუბიკონ.ბყ