ბიოდორნაზა 15000/1250სე#6რ/სუპ

ბიოდორნაზა 15000/1250სე#6რ/სუპ

56.82 ლარი 51.14 ლარი
მაქსიმალურ ფასდაკლებას მიიღებთ მხოლოდ მტრედი ბარათის გამოყენებით
ქვეყანა: პოლონეთი
მწარმოებელი: ფარმინა სპ.ზ.ო.ო.
ჯენერიკი - შეადარეთ ანალოგები: სტრეპტოდორნაზა+სტრეპტოკინაზა
გაცემის ფორმა: II ჯგუფი რეცეპტული
კოდი: 75206
გააზიარე:

ფურცელი-ჩანართი: ინფორმაცია პაციენტისათვის

ბიოდორნაზა

სტრეპტოკინაზა + სტრეპტოდორნაზა

(15000 სე + 1250 სე)

პრეპარატის გამოყენებამდე ყურადღებით გაეცანით აღნიშნულ ფურცელ-ჩანართს, რადგან მასში მოცემულია თქვენთვის მნიშვნელოვანი ინფორმაცია.

  • შეინახეთ ფურცელ-ჩანართი, შესაძლოა კვლავ დაგჭირდეთ.

  • დამატებითი შეკითხვების შემთხვევაში მიმართეთ ექიმს ან ფარმაცევტს.

  • პრეპარატი ინიშნება ინდივიდუალურად. არ გადასცეთ სხვებს, რადგან მიუხედავად დაავადების მსგავსი სიმპტომებისა, შესაძლოა ავნოს მათ.

  • მიმართეთ ექიმს ან ფარმაცევტს ნებისმიერი გვერდითი ეფექტის, მათ შორის ისეთი შესაძლო გვერდითი ეფექტების გამოვლენისას, რომელიც არ არის მოცემული აღნიშნულ ფურცელ-ჩანართში. იხილეთ ნაწილი 4.

ფურცელ-ჩანართში იხილავთ

  1. რა არის ბიოდორნაზა სუპოზიტორიები და რისთვის გამოიყენება

  2. რა ინფორმაციას უნდა ფლობდეთ ბიოდორნაზას გამოყენებამდე

  3. ბიოდორნაზას გამოყენების წესი

  4. მოსალოდნელი გვერდითი ეფექტები

  5. ბიოდორნაზის შენახვის პირობები

  6. რას შეიცავს შეფუთვა და სხვა ინფორმაცია

1. რა არის ბიოდორნაზა სუპოზიტორიები და რისთვის გამოიყენება

ბიოდორნაზა გამოიყენება შემდეგ შემთხვევებში:

  1. ქრონიკული ადნექსიტი.

  2. ინფილტრაციული დაზიანებები, პოსტოპერაციული.

  3. ენდომეტრიტი.

  4. ვენების ჰემოროიდული ვარიკოზული გაგანიერება, მწვავე და ქრონიკული ანთებითი მდგომარეობით.

  5. პერირექტალური აბსცესები და ფისტულები ექსტენსიური ანთებითი ინფილტრაციით.

  6. ჩირქოვანი კისტები კუდუსუნის არეში.

2. რა უნდა იცოდეთ ბიოდორნაზას გამოყენებამდე

არ გამოიყენოთ ბიოდორნაზა:

  • თუ ალერგიული ხართ სტრეპტოკინაზას, სტრეპტოდორნაზას ან პრეპარატის რომელიმე სხვა ინგრედიენტის მიმართ;

  • ახალი ჭრილობების, ახლად წარმოქმნილი ფუფხით დაფარული ჭრილობების, ქირურგიული ნაკერების და დაახლოებით 10 დღის განმავლობაში სისხლდენის შემთხვევაში (თუ მანამდე მიიღებოდა პრეპარატი, შესაძლოა აღინიშნოს სისხლდენის განმეორება);

  • ანტიკოაგულანტებთან ერთად, რადგან შესაძლოა გამოიწვიოს ლოკალური სისხლდენა;

  • პაციენტებში, რომელთაც დაქვეითებული აქვთ სისხლის შედედების უნარი;

  • კალციუმის მარილების შემცველ სხვა პრეპარატებთან ერთად.

გაფრთხილებები და სიფრთხილის ზომები

ბიოდორნაზას მიღებამდე გაესაუბრეთ ექიმს ან ფარმაცევტს.

პროდუქცია გამოიყენება მხოლოდ იმ შემთხვევაში, როდესაც საჭიროა ჩირქოვანი ან ჰემორაგიული გამონადენის ან ადგილობრივი კოლტების მოშორება.

სხვა პრეპარატები და ბიოდორნაზას სუპოზიტორიები

აცნობეთ ექიმს, თუ ღებულობთ, ბოლო პერიოდში ღებულობდით ნებისმიერ სხვა პრეპარატს ან გეგმავთ მკურნალობას.

პრეპარატი არ გამოიყენება ანტიკოაგულანტებთან ერთად, რადგან შესაძლოა გამოიწვიოს ადგილობრივი სისხლდენა.

ორსულობა და ლაქტაცია

ორსულობის ან ლაქტაციის პერიოდში, ასევე თუ ეჭვობთ ორსულობაზე ან გეგმავთ ორსულობას, ნებისმიერი პრეპარატის მიღებამდე კონსულტაციისათვის მიმართეთ ექიმს ან ფარმაცევტს.

ტრანსპორტის მართვა და მექანიზმების გამოყენება

პრეპარატი ზეგავლენას არ ახდენს ტრანსპორტის მართვის და მექანიზმების გამოყენების უნარზე.

3. ბიოდორნაზას გამოყენების წესი

პრეპარატი ყოველთვის გამოიყენეთ ექიმის დანიშნულების მიხედვით. თუ რაიმეში ეჭვი გეპარებათ, გადაამოწმეთ ექიმთან ან ფარმაცევტთან.

მიღების წესი: რექტალურად.

სუპოზიტორია ღრმად უნდა მოთავსდეს სწორ ნაწლავში. სუპოზიტორია უნდა გამოიყენოთ დეფეკაციის შემდეგ.

რეკომენდებული დოზები:

მოზრდილები და ბავშვები:

2-9 დღიანი მკურნალობის პერიოდში პაციენტმა უნდა გამოიყენოს 4-18 სუპოზიტორია. დოზის კორექცია ხდება ექიმის მიერ დაავადების სიმწვავის მიხედვით.

მწვავე და ქრონიკულ შემთხვევებში სუპოზიტორიები გამოიყენება შემდეგი რაოდენობით:

1 სუპოზიტორია დღეში 3-ჯერ, 3 დღე.

1 სუპოზიტორია დღეში 2-ჯერ, 3 დღე.

1 სუპოზიტორია დღეში, 3 დღე.

9 დღიანი მკურნალობისას გამოიყენება მაქსიმუმ 18 სუპოზიტორია.

ნაკლებად სერიოზულ შემთხვევებში სუპოზიტორიები მიიღება შემდეგი რაოდენობით:

1 სუპოზიტორია დღეში 2-ჯერ, 3 დღე.

1 სუპოზიტორია დღეში, 4 დღე.

7 დღიანი მკურნალობისას გამოიყენება მაქსიმუმ 10 სუპოზიტორია.

უმნიშვნელოდ სერიოზულ შემთხვევებში სუპოზიტორიები მიიღება შემდეგი რაოდენობით:

1 სუპოზიტორია დღეში 2-ჯერ, 2 დღე.

2 დღიანი მკურნალობისას გამოიყენება მაქსიმუმ 4 სუპოზიტორია.

ეფექტის არარსებობისას ან რეციდივის შემთხვევაში ექიმი განსაზღვრავს მკურნალობის განმეორების საკითხს.

თუ გამოიყენეთ ბიოდორნაზას სუპოზიტორიების ჭარბი რაოდენობა

ბიოდორნაზას ჭარბი რაოდენობით გამოყენებისას დაუყოვნებლივ მიმართეთ ექიმს ან ფარმაცევტს.

თუ დაგავიწყდათ ბიოდორნაზას სუპოზიტორიების გამოყენება

დაუშვებელია დოზის გაორმაგება გამოტოვებული დოზის ანაზღაურების მიზნით.

თუ შეწყვეტთ ბიოდორნაზას სუპოზიტორიების გამოყენებას

პრეპარატის გამოყენებასთან დაკავშირებული დამატებითი შეკითხვების შემთხვევაში მიმართეთ ექიმს ან ფარმაცევტს.

4. მოსალოდნელი გვერდითი ეფექტები

სხვა პრეპარატების მსგავსად აღნიშნულმა პრეპარატმაც შესაძლოა გამოიწვიოს გვერდითი ეფექტები, თუმცა არა ყველა პაციენტში.

იშვიათი (≥1/10000 - <1/1000):
ზოგადი დარღვევები და მდგომარეობა პრეპარატის გამოყენების ადგილას:
- ადგილობრივი ტკივილი,
- ადგილობრივი შეშუპება,
- მაღალი ტემპერატურა,
- სისხდენა შეყვანის ადგილას,
- ალერგია შეყვანის ადგილას.
გვერდითი ეფექტების შესახებ ინფორმაციის დაფიქსირება
ნებისმიერი გვერდითი ეფექტის გამოვლენისას მიმართეთ ექიმს ან ფარმაცევტს. ეს ვრცელდება ისეთ შესაძლო გვერდით ეფექტებზეც, რომლებიც არ არის მოცემული აღნიშნულ ფურცელ-ჩანართში.
5. ბიოდორნაზას შენახვის პირობები
შეინახეთ მაცივარში 20ჩ-80ჩ ტემპერატურაზე.
არ გაყინოთ.
სინათლისაგან დაცვის მიზნით შეინახეთ ორიგინალ შეფუთვაში.
შეინახეთ ბავშვებისათვის მიუწვდომელ ადგილას.
პრეპარატი არ გამოიყენება კოლოფზე მითითებული ვარგისობის ვადის გასვლის შემდეგ.
6. შეფუთვის შემადგენლობა და სხვა ინფორმაცია
რას შეიცავს ბიოდორნაზას სუპოზიტორიები
აქტიური ნივთიერებები: სტრეპტოკინაზა 15 000სე და სტრეპტოდორნაზი არანაკლებ 1 250სე.
სხვა ინგრედიენტები: თხევადი პარაფინი და მყარი ცხიმი.
ერთი სუპოზიტორიის წონა არის 1,4გ.
როგორია ბიოდორნაზა ვიზუალურად და რა შედის შეფუთვაში
6, 12 ან 18 სუპოზიტორია ფარმაცევტული ფოლგის სტრიპში, მოთავსებულია მუყაოს კოლოფში.
გაცემის წესი:
ფარმაცევტული პროდუქტის ჯგუფი - II , გაიცემა ფორმა №3 რეცეპტით

მწარმოებელი
ფარმინა სპ.ზ.ო.ო. (Farmina sp.z.o.o.)
ლიპსკას ქ. 44
30-721 კრაკოვი, პოლონეთი
ტელ: +48 12 290 90 00
ფაქსი: +48 12 290 90 50
ელ-ფოსტა: [email protected]
სარეგისტრაციო მოწმობის მფლობელი
ფარმინა სპ.ზ.ო.ო. (Farmina sp.z.o.o.)

ლიპსკას ქ. 44
30-721 კრაკოვი, პოლონეთი
ტელ: +48 12 290 90 00
ფაქსი: +48 12 290 90 50
ელ-ფოსტა: 

[email protected]

სავაჭრო ნიშნის და რეგისტრაციის უფლების მქონე სუბიექტი ss gefa
ბელიაშვილის ქ. 142, 0159 თბილისი, საქართველო
ტელ: +(995 32) 911 900
ფაქსი: +(995 32) 940 740
ელ-ფოსტა: [email protected] 
www.gepha.com
პრეპარატთან დაკავშირებული ნებისმიერი ინფორმაციისათვის მიმართეთ სს გეფას .ადგილობრივ წარმომადგენლობას.