დოქსიტუსი 100მგ/5მლ100მლ სიროფ

დოქსიტუსი

პრეპარატის მიღების დაწყებამდე ყურადღებით წაიკითხეთ ფურცელი-დანართი.
- არ გადააგდოთ მოცემული ფურცელი-დანართი, შეიძლება ისევ დაგჭირდეთ მისი გადაკითხვა;
- თუ გაგაჩნიათ დამატებითი კითხვები, მიმართეთ თქვენს მკურნალ ექიმს ან ფარმაცევტს;
- მოცემული სამკურნალო საშუალება დაგენიშნათ თქვენ. არ ურჩიოთ ის სხვებს, თუნდაც სიმპტომები ერთნაირი იყოს. პრეპარატმა შეიძლება ავნოს სხვა ადამიანს;
- გვერდითი მოქმედებების გაუარესების/გამწვავების შემთხვევაში, ან თუ შენიშნავთ სხვა გვერდითი მოქმედებების განვითარებას, რომელიც აღნიშნული არ არის მოცემულ ფურცელ-დანართში, მიმართეთ თქვენს მკურნალ ექიმს ან ფარმაცევტს.
პრეპარატის სავაჭრო დასახელება: დოქსიტუსი
საერთაშორისო არაპატენტირებული დასახელება: დოქსოფილინი
ქიმიური დასახელება: 7-(1,3-დიოქსოლანი-2-ილმეთილი)-3,7-დიჰიდრო-1,3 დიმეთილ-1H-პურინი-2,6-დიონი.
წამლის ფორმა: შიგნით მისაღები სიროფი.
აღწერა: გამჭვირვალე, ღია-ყვითელი ფერის სითხე პიტნის სუნით, ოდნავ მომწარო პიტნის-ძირტკბილას გემოთი.
შემადგენლობა: 5 მლ შიგნით მისაღები სიროფი შეიცავს: აქტიურ ნივთიერებას დოქსოფილინს 100 მგ.
დამხმარე ნივთიერებები: საქაროზა, ნატრიუმის საქარინი, ამონიუმის გლიცირიზინატი, ნატრიუმის მეთილ-პ-ჰიდროქსიბენზოატი, ნატრიუმის პროპილ- პ-ჰიდროქსიბენზოატი, არომატიზატორები (კარამელი, მენთოლი), გასუფთავებული წყალი.
ფარმაკოთერაპევტული ჯგუფი: სხვა პრეპარატები სასუნთქი გზების ობსტრუქციული დაავადებების სამკურნალოდ. ქსანტინის წარმოებულები.
ათქ კოდი: R02DA11

ფარმაკოლოგიური თვისებები:
ფარმაკოკინეტიკა
შიგნით მიღებიდან მაქსიმალური კონცენტრაცია სისხლის პლაზმაში მიიღწევა 1 საათის შემდეგ. პრეპარატის ბიოშეღწევა შეადგენს დაახლოებით 62.6%. სისხლის პლაზმის ცილებთან დაკავშირება დაახლოებით 48%.
დოქსოფილინი თითქმის სრულად მეტაბოლიზირებს ღვიძლში (90%), ჟანგვისა და დემითილირების გზით მიკროსომალური ჟანგვის ფერმენტებისა (ციტოქრომებით P-450) და ქსანტინოქსიდაზის მონაწილეობით.
ერთჯერადი გამოყენებისას დოქსოფილინის ნახევრადგამოყოფის პერიოდი 7 საათზე მეტია, ხანგრძლივი გამოყენებისას კი უდრის 8-10 საათს. დოქსოფილინი განმეორებითი მიღების შემდეგ წონასწორობის კონცენტრაციას აღწევს დაახლოებით 4 დღის განმავლობაში.
გამოიყოფა უმთავრესად ღვიძლის მიერ ნაღველით (90%) არააქტიური ფორმით, და ნაკლებად 4% უცვლელად შარდთან.
ფარმაკოდინამიკა
დოქსიტუსი წარმოადგენს ბრონქოდილატატორს, ქსანტინის წარმოებულს.
დოქსიტუსი იწვევს ფოსფოდიესტერაზის – ცამფ გამანადგურებელი ფერმენტის დახშობას. ცამფ-ის დაგროვების შედეგად მცირდება თავისუფალი კალციუმის კონცენტრაცია ბრონქების მიოციტებში (ხდება ბრონქული მუსკულატურის მოშვება) პოხიერ უჯრედებშიც, რაც იწვევს მათგან ჰისტამინისა და სეროტონინის და სხვა ნივთიერებების გათავისუფლების შემცირებას, რომლებიც იწვევენ ბრონქის სპაზმს და მისი ლორწოვანი გარსის შეშუპებას. აგრეთვე, ის ბლოკავს ადენოზურ 1 (პურინულ 1)-რეცეპტორებს ბრონქების გლუვკუნთებიან უჯრედებზე მათი შესუსტების გამოწვევით, და სიმპატიკურ პრესიმპატიკურ დაბოლოებებზე, ნორადრენალინის გამოყოფის შეფერხებით.
ჩვენებები გამოყენებაზე:
- ბრონქული ასთმა;
- ფილტვების ქრონიკული ობსტრუქციული დაავადებები (ფქოდ).
უკუჩვენებები:
- ალერგიული რეაქციების არსებობა პრეპარატ დოქსიტუსის სიროფის აქტიურ კომპონენტზე ან მის ერთ-ერთ დამხმარე კომპონენტზე;
- ძუძუთი კვების პერიოდში;
- 3 წლამდე ასაკის ბავშვებში.
გამოყენების წესი და დოზები:
ბავშვები:
დოქსოფილინის დღე-ღამის რეკომენდებული დოზა ბავშვებისთვის შეადგენს 12 მგ/კგ, დაყოფილი ორ მიღებად. მკურნალობაზე დამაკმაყოფილებელი რეაქციის არარსებობის შემთხვევაში, დოზა შეიძლება გაიზარდოს 18 მგ/კგ-მდე დღე-ღამეში სამედიცინო კონტროლის ქვეშ. მკურნალი ექიმი თვითონ განსაზღვრავს დოზირებას თქვენი ბავშვისთვის, სხეულის მასაზე დამოკიდებულებით.
დიდები:
20 მლ (400 მგ) 2-ჯერ დღეში. მკურნალი ექიმის მითითებით დოზა შეიძლება გაიზარდოს 20 მლ-მდე (400 მგ) 3-ჯერ დღეში.
ხანდაზმული ადამიანები: 10 მლ (200 მგ) 2-ჯერ დღეში.
დოზის გადაჭარბება:
მიმართეთ ექიმს ან ფარმაცევტს და მიყევით მათ მითითებებს.
კრუნჩხვები – ეს პირველი სიმპტომია პრეპარატის დოზის გადაჭარბების.
თუ დაგავიწყდათ დოქსიტუსის სიროფის მიღება
არ მიიღოთ ორმაგი დოზა გამოტოვებული დოზის აღსადგენად.
თუ დაგავიწყდათ დოზის მიღება, და უკვე ახლოვდება შემდეგი დოზის მიღების დრო, მიიღეთ მხოლოდ ერთი დოზა, და განაგრძეთ მკურნალობის კურსი, როგორც ეს მითითებულია შეფუთვაზე.
თუ ზედიზედ რამდენიმე დოზა გამოტოვეთ, აცნობეთ ამის შესახებ თქვენს ექიმს ან ფარმაცევტს. შესაძლებელია დაგჭირდეთ პრეპარატ დოქსიტუსის სიროფის შემდეგი კურსის დაწყება.
არ არის რეკომენდებული პრეპარატით მკურნალობის შეწყვეტა საკუთარი შეხედულებისამებრ.
პრეპარატის მიღების თაობაზე დამატებითი კითხვების არსებობისას, მიმართეთ თქვენს მკურნალ ექიმს ან ფარმაცევტს.
გვერდითი მოქმედება:
შესაძლებელია ისეთი მოვლენები, როგორიცაა გულისრევა, ღებინება, ტკივილი ეპიგასტრალურ არეში, თავის ტკივილი, გაღიზიანება, უძილობა, ტახიკარდია, ექსტრასისტოლა, ტახიპნოე, ზოგჯერ ჰიპერგლიკემია და პროტეინურია.
გვერდითი მოქმედებების გაუარესების/გამწვავების შემთხვევაში, ან თუ შენიშნეთ სხვა გვერდითი მოქმედებების განვითარება, რომლებიც აღწერილი არ არის მოცემულ ფურცელ-დანართში, მიმართეთ თქვენს მკურნალ ექიმს ან ფარმაცევტს.
გვერდითი მოქმედებების გამოვლენისას უნდა შეწყვიტოთ მკურნალობა; პრეპარატის განმეორებითი მიღების დაბალი დოზების დაწყება შესაძლებელია მხოლოდ მკურნალ ექიმთან კონსულტაციის შემდეგ.
ურთიერთქმედება სხვა სამკურნალო საშუალებებთან:
სხვა სამკურნალო პრეპარატების, როგორიცაა ერითრომიცინი, ტროლენდომიცინი, ლინკომიცინი ან იმავე ჯგუფის სხვა ანტიბიოტიკების, ალოპურინოლის, ციმეტიდინის, პროპანოლოლისა და გრიპის საწინააღმდეგო ვაქცინის გამოყენებისას, შესაძლებელია დოზების შემცირების აუცილებლობა მკურნალი ექიმის მითითებით.
ფენიტოინისა და კრუნჩხვის საწინააღმდეგო სხვა საშუალებების გამოყენებისას, აგრეთვე მოწევის დროს, შესაძლებელია დოზების შემცირების აუცილებლობა მკურნალი ექიმის მითითებით.
დოქსოფილინი არ უნდა მიიღოთ ერთდროულად ქსანტინის სხვა წარმოებულებთან.
ურთიერთქმედება საკვებთან და სასმელებთან
სპეციალური მითითებები აღწერილი არ არის.
ორსულობა და ძუძუთი კვება
სთხოვეთ რჩევა თქვენს მკურნალ ექიმს ან ფარმაცევტს რომელიმე სამკურნალო პრეპარატის მიღების დაწყებამდე.
დოქსიტუსის სიროფი არ უნდა მიიღოთ ძუძუთი კვების პერიოდში.
ავტომობილის მართვა და მექანიზმებთან მუშაობა
დოქსოფილინი არ მოქმედებს ავტომობილის მართვისა და სხვა მოქმედებების შესრულების უნარზე, რომლებიც დაკავშირებულია რომელიმე მექანიზმის მართვასთან.
სიფრთხილის ზომები და გაფრთხილებები:
დოქსიტუსი გამოიყენება განსაკუთრებული სიფრთხილით პაციენტებში ჰიპერტონიით, სისხლში ჟანგბადის უკმარისობით (ჰიპოქსემია), ფარისებრი ჯირკვლის ჰიპერფუნქციით (ჰიპერთირეოზი), მარჯვენა პარკუჭის ქრონიკული უკმარისობით, გულის შეგუბებითი უკმარისობით, ღვიძლის, თირკმელების დაავადებებით, ანამნეზში პეპტიური წყლულით, აგრეთვე ხანდაზმულ პაციენტებში ღვიძლის ფუნქციის დარღვევებით.
- აუცილებლად მოუყევით თქვენს მკურნალ ექიმს ან ფარმაცევტს, თუ რომელ სამკურნალო პრეპარატებს ღებულობდით ბოლო პერიოდში, იმ პრეპარატების ჩათვლით, რომლებსაც ღებულობდით ექიმის დანიშნულების გარეშე;
- შაქრის აუტანლობის შემთხვევაში, პრეპარატის მიღების დაწყებამდე საჭიროა ექიმთან კონსულტაცია.
გამოშვების ფორმა:
100 მლ მინის ფლაკონში საზომი კოვზით და სამედიცინო გამოყენების ინსტრუქციით მუყაოს კოლოფში.
ვარგისიანობის ვადა: 2 წელი.
არ გამოიყენოთ პრეპარატი ბოთლის ეტიკეტსა და მუყაოს კოლოფზე მითითებული ვარგისიანობის ვადის გასვლის შემდეგ.
ვარგისიანობის ვადა გადის აღნიშნული თვის ბოლო დღეს.
სამკურნალო პრეპარატი არ უნდა ჩარეცხოთ კანალიზაციაში ან არ გადაყაროთ ნაგავში. თუ დაგრჩათ ზედმეტი პრეპარატი, რომელიც აღარ დაგჭირდებათ, უტილიზირების საკითხზე რჩევა სთოვეთ თქვენს მკურნალ ექიმს ან ფარმაცევტს. ასეთმა ზომებმა შეიძლება აგვაცილონ გარემოს დაბინძურება.
შენახვის პირობები:
შეინახეთ ტემპერატურაზე არაუმეტეს 25 C. შეინახეთ ბავშვებისათვის მიუწვდომელ ადგილას.
აფთიაქიდან გაცემის პირობები:
ექიმის რეცეპტით.
მწარმოებელი:
შპს “მედიქალ ჰორიზონ” („Medical Horizon“)
არარატის პროვინციალ, ქ. მასისი, სადგური მასისი, ჰორცარანაინის 22, სომხეთის რესპუბლიკა.
სარეგისტრაციო სერთიფიკატის მფლობელი:
შპს “მედიქალ ჰორიზონ” („„Medical Horizon“)
არარატის პროვინციალ, ქ. მასისი, სადგური მასისი, ჰორცარანაინის 22, სომხეთის რესპუბლიკა.