
თიმოლოლ-დარნიცა 5მგ/მლ 5მლ ფლ
გააზიარე:
თიმოლოლ-დარნიცა
(TIMOLOL-DARNITSA)
შედგენილობა
მოქმედი ნივთიერება: timolol.
პრეპარატის 1 მლ შეიცავს 2,5 მგ და 5 მგ თიმოლოლის მალეატს, თიმოლოლზე გადაანგარიშებით.
დამხმარე ნივთიერებები: ბენზალკონიუმის ქლორიდი, ნატრიუმის ქლორიდი, ნატრიუმის დიჰიდროფოსფატის დიჰიდრატი, ნატრიუმის ჰიდროფოსფატის დოდეკაჰიდრატი; დინატრიუმის ედეტატი, საინექციო წყალი.
წამლის ფორმა: თვალის წვეთები, ხსნარი.
ძირითადი ფიზიკური და ქიმიური თვისებები: გამჭვირვალე უფერო სითხე.
ფარმაკოთერაპიული ჯგუფი
ოფთალმოლოგიაში გამოყენებული საშუალებები. გლაუკომის საწინააღმდეგო პრეპარატები და მიოზური საშუალებები. ბეტა-ადრენორეცეპტორების ბლოკატორები. ათქ კოდი: S01E D01.
ფარმაკოლოგიური თვისებები
ფარმაკოდინამკიკა
თიმოლოლი წარმოადგენს β1- და β2- ადრენორეცეპტორების ბლოკატორს. თვალში მოხვედრისას ამცირებს თვალშიდა წნევას, ძირითადად, თვალშიდა სითხის წარმოქმნის შემცირების ხარჯზე. ეფექტი დაკავშირებულია ცილიარული ქსოვილის ადენილატციკლაზური სისტემის ინჰიბირებასთან, რომელსაც აქტიურად გადააქვს ნატრიუმი სისხლიდან თვალშიდა სითხეში, რაც იწვევს დატენიანების პროცესის ინტენსივობის შემცირებას. არ მოქმედებს გუგის აკომოდაციაზე, რეფრაქციასა და ზომაზე. თვალში ჩაწვეთებისას ამცირებს როგორც მომატებულ, ასევე ნორმალურ თვალშიდა წნევას. წნევის შემცირება მიმდინარეობს აკომოდაციაზე არსობრივი გავლენის გარეშე, რაც წარმოადგენს უპირატესობას მიოტური მოქმედების გლაუკომის საწინააღმდეგო პრეპარატებთან შედარებით.
ფარმაკოკინეტიკა
პრეპარატის ეფექტი ჩაწვეთებიდან 20 წუთის შემდეგ ვლინდება. მაქსიმალური ეფექტი 1-2 საათის შემდეგ მიიღწევა და 8-დან 24 საათამდე გრძელდება. რეკომენდებული დოზების ადგილობრივი გამოყენების შემდეგ სამკურნალო საშუალება სისხლის პლაზმაში პრაქტიკულად არ ვლინება (2 ნგ/მლ-ზე ნაკლები).
თიმოლოლის მალეატი და მისი მეტაბოლიტები გამოიყოფა ძირითადად, თირკმელებით.
კლინიკური მახასიათებლები
ჩვენებები
სამკურნალო საშუალება გამოიყენება თვალის ჰიპერტენზიის, ქრონიკული ღიაკუთხოვანი გლაუკომის და მეორადი გლაუკომის ზოგიერთ შემთხვევაში.
უკუჩვენებები
მომატებული მგრძნობელობა პრეპარატის კომპონენტების მიმართ.
გულის დეკომპენსირებული ან მწვავე უკმარისობა, ზოგიერთი ტიპის გულის არითმიები (სინუსური ბრადიკარდია, სინუსური კვანძის სისუსტის სინდრომი, II ან III ხარისხის სინოატრიალური (AV) ბლოკადა, რომელიც კარდიოსტიმულატორით არ კონტროლდება), კარდიოგენური შოკი.
რეაქტიული რესპირატორული დაავადებები, მათ შორის ბრონქული ასთმა, ფილტვის ქრონიკული ობსტრუქციული დაავადებები.
ურთიერთქმედება სხვა სამკურნალო საშუალებებთან და ურთიერთქმედების სხვა სახეები
თვალის წვეთების სახით წარმოდგენილი ბეტა-ბლოკატორების და კალციუმის არხების პერორალური ბლოკატორების, ბეტა-ბლოკატორების, ანტიარითმიული სამკურნალო საშუალებების (მათ შორის ამიოდარონის), საგულე გლიკოზიდების, რაუვოლფიას ალკალოიდების, პარასიმპათომიმეტიკების, გუანეთიდინის ერთდროული მიღებისას ვლინდება ადიტიური ეფექტი ჰიპოტენზიის ან/და ბრადიკარდიის სახით.
პილოკარპინისა და ადრენალინის შემცველი თვალის წვეთებისა და თიმოლოლ-დარნიცას ერთდროულად გამოყენება თვალშიდა წნევის შემცირებას აძლიერებს.
თვალშიდა წნევის შემცირების მეტად გამოხატული და ხანგრძლივი ეფექტის მიღწევის მიზნით შესაძლებელია თიმოლოლ-დარნიცას კომბინირება ქოლინომიმეტიკებთან (პილოკარპინი), ადრენომიმეტიკებთან (ეპინეფრინი), კარბოანჰიდრაზას ინჰიბიტორებთან, ტაუფონთან.
ბეტა-ბლოკატორების შემცველი თვალის წვეთებითიმოლოლ-დარნიცასთან ერთად არ უნდა დაინიშნოს.
ეპინეფრინის და თიმოლოლის ერთდროულმა გამოყენებამ შეიძლება გამოიწვიოს მიდრიაზის განვითარება.
საგულე გლიკოზიდები იწვევენ ატრიოვენტრიკულური გამტარობის დროის გახანგრძლივებას, ბრადიკარდიას, AV-ბლოკადას.
ინსულინი, პერორალური ანტიდიაბეტური საშუალებები ხელს უწყობს ჰიპოგლიკემიას.
კალციუმის ანტაგონისტები, რეზერპინი და ბეტა-ბლოკატორები. მოიპოვება ცნობები ბეტა-ბლოკატორების ეფექტის (გულის შეკუმშვის სიხშირის დაქვეითება, დეპრესია) პოტენცირების შესახებ მათი CYP2D6 ინჰიბიტორებთან (ქინიდინი, ფლუოქსეტინი, პაროქსეტინი) კომბინაციაში გამოყენებისას.
პერორალურმა ბეტა-ბლოკატორებმა შეიძლება გააძლიეროს კლონიდინის მოხსნით გამოწვეული ჰიპერტენზია.
სათანადო მეთვალყურეობას საჭიროებენ პაციენტები, რომლებსაც ბეტა-ბლოკატორებთან ერთად ენიშნებათ მედიკამენტები, რომლებიც ხელს უწყობენ კატექოლამინების (მაგალითად, რეზერპინის) გამოთავისუფლებას, ჰიპოტენზიის ან/და გამოხატული ბრადიკარდიის სახით გამოვლენილი ეფექტების შესაძლო გაძლიერების გამო, რაც გამოიხატება თავბრუსხვევით, გულის წასვლით ან პოსტურალური ჰიპოტენზიით.
კალციუმის ანტაგონისტებისა და ბეტა-ბლოკატორების კომბინირებული პერორალური მიღება დასაშვებია, თუ გულის ფუნქცია დამაკმაყოფილებელია, მაგრამ ასეთი კომბინაცია თავიდან უნდა იქნას არიდებული გულის დაქვეითებული ფუნქცის მქონე პაციენტებში.
ჰიპოტონიის, AV-გამტარობის დარღვევებისა და მარცხენა პარკუჭის უკმარისობის განვითარება შესაძლებელია კალციუმის არხის ბლოკატორების ჩართვის შემთხვევაში იმ პაციენტების მკურნალობის სქემაში, რომლებიც იღებენ ბეტა-ბლოკატორებს. გულთან დაკავშირებული გვერდითი ეფექტების ბუნება კალციუმის არხის ბლოკატორების ტიპზეა დამოკიდებული.
მიორელაქსანტების მოქმედება ძლიერდება, ამიტომ სამკურნალო საშუალების მიღება უნდა შეწყდეს ზოგადი ნარკოზის გამოყენებით დაგეგმილი ქირურგიული ჩარევის დაწყებამდე 48 საათით ადრე. ტუბოკურარინით გამოწვეული ნეიროკუნთოვანი ბლოკადა შეიძლება გაძლიერდეს ბეტა-ბლოკატორებით.
β2- სიმპათომიმეტიკების ეფექტი შეიძლება შემცირდეს, არსებობს ბრონქოსპაზმის განვითარების რისკი.
ქინიდინი აძლიერებს სამკურნალო საშუალების ბეტა-ბლოკატორულ ეფექტს თიმოლოლის მეტაბოლიზმზე პასუხისმგებელი P450, CYP2D6 ფერმენტების აქტივობის შემცირების ხარჯზე.
კლონიდები. ერთდროული გამოყენების შემთხვევაში კლონიდინის მიღების შეწყვეტა უნდა მოხდეს თანდათან და თიმოლოლ-დარნიცას მიღების შეწყვეტიდან მხოლოდ რამდენიმე დღის შემდეგ. სამკურნალო საშუალების განმეორებითი დანიშვნა შესაძლებელია კლონიდინის მოქმედების შეწყვეტიდან მხოლოდ რამდენიმე დღის შემდეგ.
ნიკარდიპინი, დილტიაზემი. ნიკარდიპინისა და დილტიაზემის ერთდროული პერორალური მიღებისას თიმოლოლ-დარნიცას ინსტილაციებით, ამ უკანასკნელის ეფექტების ზრდა არ გამოვლინდა.
ციმეტიდინმა შეიძლება გამოიწვიოს თიმოლოლ-დარნიცას მოქმედების გაძლიერება.
გამოყენების თავისებურებანი
თიმოლოლი არ იწვევს და გავლენას არ ახდენს მიდრიაზზე მონოთერაპიის სახით გამოყენების შემთხვევაში.
აუცილებელია თვალშიდა წნევის რეგულარულად გაზომვა და რქოვანას გამოკვლევების ჩატარება.
პაციენტების თიმოლოლით მკურნალობაზე გადაყვანისას შესაძლოა საჭირო გახდეს რეფრაქციის კორექცია მას შემდეგ, რაც მანამდე მიღებული მიოტური საშუალებების ეფექტი გაქრება.
ცრემლდენა და რქოვანას გარსის მდგომარეობა უნდა გაკონტროლდეს ყოველ 6 თვეში.
ადგილობრივად გამოყენებული ბეტა-ბლოკატორები შეიძლება სისტემურად აბსორბირდეს, რის შედეგადაც შესაძლებელია ნეგატიური ეფექტების განვითარება რესპირატორული, გულ-სისხლძარღვთა და სხვა სისტემების მხრივ. ამრიგად, სამკურნალო საშუალების ადგილობრივი (ოფთალმოლოგიური) გამოყენებისას შეიძლება გამოვლინდეს ისეთივე გვერდითი რეაქციები, როგორიც ბეტა-ბლოკატორების სისტემურ გამოყენებას ახლავს, მაგრამ მათი სიხშირე მნიშვნელოვნად დაბალია.
კარდიალური დარღვევები. დაფიქსირდა სერიოზული გვერდითი რეაქციები გულ-სისხლძარღვთა სისტემის მხრივ, მათ შორის ფატალური შემთხვევები, დაკავშირებული თიმოლოლის მალეატის გამოყენების შემდეგ განვითარებულ გულის უკმარისობასთან.
კრიტიკულად უნდა შეფასდეს ბეტა-ბლოკატორების თანმხლები ჰიპოტენზიური თერაპიის მიზანშეწონილობა გულ-სისხლძარღვთა პათოლოგიის მქონე პაციენტებისთვის (მაგალითად, გულის იშემიური დაავადება, პრინცმეტალის სტენოკარდია, გულის უკმარისობა) და განხილული იქნას სხვა მედიკამენტების გამოყენების შესაძლებლობა. გულ-სისხლძარღვთა პათოლოგიის მქონე პაციენტებმა სამკურნალო საშუალების გამოყენებისას ყურადღება უნდა მიაქციონ მგომარეობის გაუარესების ან გვერდითი რეაქციების ნიშნებს.
იმპულსის გატარებაზე უარყოფითი ეფექტის გამო ბეტა-ბლოკატორები სიფრთხილით უნდა დაინიშნოს I ხარისხის AV-ბლოკადის მქონე პაციენტებში.
ასეთ პაციენტებში თიმოლოლის გამოყენებისას აუცილებელია გულის უკმარისობის ადეკვატური კონტროლი. გულის მძიმე დაავადების მქონე პაციენტები ექიმის მეთვალყურეობის ქვეშ უნდა იმყოფებოდნენ, განსაკუთრებით გულის უკმარისობის პროგრესირებასთან მიმართებით, ასევე აუცილებელია პულსის კონტროლი.
სისხლძარღვოვანი დარღვევები. პერიფერიული სისხლძარღვების მძიმე დარღვევების/დაავადებების მქონე პაციენტებმა (მაგალითად, რეინოს სინდრომი ან რეინოს დაავადება) სამკურნალო საშუალება სიფრთხილით უნდა გამოიყენონ.
არტერიული წნევასა და პულსზე ბეტა-ბლოკატორების შესაძლო ეფექტის გამო ეს სამკურნალო საშუალებები სიფრთხილით უნდა იქნას გამოყენებული თავის ტვინში სისხლის მიმოქცევის უკმარისობის მქონე პაციენტებში. თუ თიმოლოლით თერაპიის დაწყების შემდეგ თავის ტვინში სისხლის მიმოქცევის დაქვეითების სიმპტომი გამოვლინდა, გამოყენებული უნდა იქნას ალტერნატიული თერაპია.
რესპირატორული დარღვევები. არსებობს ფაქტები რესპირატორული რეაქციების შესახებ, მათ შორის ლეტალურის, რომელიც დაკავშირებულია ბრონქოსპაზმთან ასთმის მქონე პაციენტებში გარკვეული ბეტა-ბლოკატორების ოფთალმოლოგიური გამოყენების შემდეგ. თიმოლოლ-დარნიცა შეიძლება დაინიშნოს (სიფრთხილით) მსუბუქი და ზომიერი სიმძიმის ფილტვის ქრონიკული ობსტრუქციული დაავადების მქონე პაციენტებში (COPD), თუ გამოყენების სარგებლობა აღემატება პოტენციურ რისკს.
რქოვანას დაავადებები. ბეტა ბლოკატორებმა შეიძლება თვალის სიმშრალე გამოიწვიოს. რქოვანას დაავადებების მქონე პაციენტებისთვის აღნიშნული სამკურნალო საშუალება ინიშნება სიფრთხილით.
კუნთების სისუსტე.
არსებობს ინფორმაცია, რომ ბეტა-ბლოკატორები კუნთების სისუსტეს იწვევენ. ეს დაკავშირებულია მიასთენიის გარკვეულ სიმპტომებთან (მაგ., დიპლოპია, პტოზი და ზოგადი სისუსტე); თიმოლოლი იწვევს კუნთების სისუსტეს მიასთენია gravis ან მიასთენიის სიმპტომების მქონე ზოგიერთ პაციენტში.
ფარისებრი ჯირკვლის დაავადებები. ბეტა-ბლოკატორებს შეუძლიათ ჰიპერთირეოიდიზმის სიმპტომების შენიღბვა.
პრეპარატის მიღების შეწყვეტა უნდა მოხდეს სიფრთხილით, თუ არსებობს ფარისებრი ჯირკვლის მუშაობის დარღვევაზე ეჭვი (მაგალითად, ჰიპერთირეოზი, თირეოტოქსიკოზი), რათა შემცირდეს ასეთი დარღვევების გამოვლენის გაძლიერების რისკი.
ჰიპოგლიკემია/დიაბეტი. ბეტა-ბლოკატორები სიფრთხილით ინიშნება სპონტანური ჰიპოგლიკემიის ან ლაბილური დიაბეტის მქონე პაციენტებში, რადგან მათ შეუძლიათ მწვავე ჰიპოგლიკემიის სიმპტომების შენიღბვა. აუცილებელია სისხლში გლუკოზის დონის კონტროლი (განსაკუთრებით შაქრიანი დიაბეტის დროს).
მიასთენიაგრავის. მიასთენია გრავის მქონე ზოგიერთ პაციენტში გამოვლინდა საერთო მდგომარეობის გაუარესება თიმოლოლის გამოყენებისას თვალის წვეთების სახით.
დახურულკუთხოვანი გლაუკომის მკურნალობა.
დახურულკუთხოვანი გლაუკომის მქონე პაციენტების მკურნალობის მთავარი პრობლემა კუთხის გახსნის აუცილებლობაა. ამისათვის გუგა უნდა დავიწროვდეს მიოტინური საშუალებებით. თიმოლოლი თითქმის არ ახდენს გავლენას გუგაზე. თუ თიმოლოლი გამოიყენება მომატებული თვალშიდა წნევის შესამცირებლად დახურულკუთხოვანი გლაუკომის დროს, იგი უნდა დაინიშნოს მიოტიკთან ერთად. როგორც გლაუკომის საწინააღმდეგო სხვა პრეპარატების გამოყენებისას, ზოგიერთ პაციენტს აღენიშნებოდა პრეპარატის მიმართ მგრძნობელობის დაქვეითება ხანგრძლივი თერაპიის შემდეგ. თუმცა, თვალშიდა წნევის საშუალო მაჩვენებლებს შორის რაიმე არსებითი განსხვავება თავდაპირველი სტაბილიზაციის შემდეგ არ გამოვლენილა.
ზოგადი ანესთეზია. ოფთალმოლოგიური გამოყენების ბეტა-ბლოკატორებმა შეიძლება შეამცირონ გულის უნარი, უპასუხოს ბეტა-ადრენორეცეპტორულ სტიმულაციას და დაბლოკოს სისტემური ბეტა-აგონისტების ეფექტი, მაგალითად, როგორიცაა ადრენალინი, ამიტომ ზოგადი ანესთეზიის დაწყებამდე ბეტა-ბლოკატორების გამოყენება თანდათანობით უნდა შეწყდეს.
ანესთეზიოლოგს უნდა ეცნობოს, რომ პაციენტი იღებს თიმოლოლის მალეატს.
ქირურგიული ჩარევის შემთხვევაში ზოგადი ანესთეზიის გამოყენებით აუცილებელია პრეპარატის მიღების შეწყვეტა არანაკლებ 48 საათით ადრე.
ანაფილაქსიური რეაქციები.
ანაფილაქსიური რეაქციების განვითარების რისკი: ანამნეზში ატოპიის ან მრავალრიცხოვან ალერგენებზე მძიმე პათოლოგიური რეაქციების მქონე პაციენტები შესაძლოა უფრო მწვავედ რეაგირებდნენ ამ ალერგენების განმეორებით შემთხვევით, დიაგნოსტიკურ ან თერაპიულ დოზებზე შემთხვევებში, თუ ისინი ბეტა-ბლოკატორებს იღებდნენ. ასეთ პაციენტებს შეიძლება რეაქცია არ ჰქონდეთ ადრენალინის ჩვეულებრივ დოზაზე, რომელიც ინიშნება ანაფილაქსიური რეაქციების შემთხვევაში.
თვალის ბადურის აშრევება.
გლაუკომის ქირურგიული მკურნალობის შემდეგ და იმ პრეპარატების გამოყენებისას, რომლებიც თვალშიდა ტენიანობის სეკრეციას ამცირებენ (ტრაბეკულოტომიის შემდეგ), დაფიქსირდა თვალის სისხლძარღვოვანი გარსის აშრევების შემთხვევები. ასეთი შემთხვევები აღწერილია თიმოლოლისა და აცეტაზოლამიდის გამოყენებასთან დაკავშირებით.
სხვა ბეტა-ბლოკატორების გამოყენება.
ბეტა-ბლოკატორების პერორალური გამოყენებისას შესაძლებელია თვალშიდა წნევის შემცირება. ამ შემთხვევაში უნდა შეფასდეს, რამდენად საჭიროა თიმოლოლის თვალის წვეთების ადგილობრივი გამოყენება. თუ ბეტა-ბლოკატორები უკვე გამოიყენებოდა სისტემურად, ადგილობრივი გამოყენების სამკურნალო საშუალების დამატებითი ეფექტი, როგორც წესი, დაბალია. პაციენტები, რომლებიც დამატებით იღებენ ბეტა-ბლოკატორებს ან რომელთათვისაც ნაჩვენებია ბეტა-ბლოკატორების შეზღუდული გამოყენება, კონტროლქვეშ უნდა იმყოფებოდნენ.
ბენზალკონიუმის ქლორიდი.
ორი ადგილობრივი ოფთალმოლოგიური ბეტა-ბლოკატორი ერთდროულად არ უნდა იქნას გამოყენებული.
თიმოლოლი არ უნდა იქნას გამოყენებული კონტაქტური ლინზების ტარებისას, რადგან კონსერვანტი ბენზალკონიუმის ქლორიდი შეიძლება აბსორბირდეს რბილი კონტაქტური ლინზების მიერ, გააუფერულოს ისინი ან გამოიწვიოს თვალის გაღიზიანება. პაციენტები გააფრთხილებული უნდა იყვნენ, რომ სამკურნალო საშუალების ჩაწვეთებამდე აუცილებელია კონტაქტური ლინზების მოხსნა და მათი გაკეთება მხოლო 15 წუთის შემდეგ.
თუ დამატებით გამოიყენება თვალის სხვა საშუალებები, აუცილებელია 15 წუთიანი ინტერვალის დაცვა ჩაწვეთებებს შორის.
პაციენტებში თვალის მნიშვნელოვნად პიგმენტირებული ფერადი გარსით წნევის შემცირება შეიძლება გამოვლინდეს დაგვიანებით და უფრო დაბალი ხარისხით.
მკურნალობის შეწყვეტის შემდეგ პრეპარატის ეფექტი შეიძლება გაგრძელდეს რამდენიმე დღის განმავლობაში. თუ თიმოლოლით მკურნალობა შეწყდა მისი ხანგრძლივი გამოყენების შემდეგ, მისი გავლენა თვალშიდა წნევის შემცირებაზე შეიძლება გაგრძელდეს 2-4 კვირა.
მხოლოდ ერთ თვალში ჩაწვეთების შემთხვევაში ბეტა-ბლოკატორებს შეუძლიათ გავლენა იქონიონ თვალშიდა წნევის შემცირებაზე მეორე თვალშიც.
პრეპარატის გამოყენებისას შესაძლებელია დადებითი შედეგი გამოვლინდეს დოპინგ კონტროლზე.
აღსანიშნავია, რომ თვალშიდა წნევის სტაბილიზაციის დროს წნევა თავდაპირველად შეიძლება 50%-მდე შემცირდეს, რის შემდეგაც სამკურნალო საშუალების ეფექტურობა შესაძლოა შემცირდეს (ტაქიფილაქსია). მე-3-დან მე-12 თვემდე პერიოდში წნევის კლება სტაბილურდება. აქედან გამომდინარე, მნიშვნელოვანია წნევის რეგულარული მონიტორინგი თიმოლოლის თვალის წვეთების გამოყენების პირველი 5 დღის განმავლობაში.
გამოყენება ორსულობის ან ძუძუთი კვების პერიოდში
ორსულობა.
გამოყენების საკმარისი გამოცდილების არარსებობის გამო, პრეპარატი შეიძლება დაინიშნოს მხოლოდ იმ შემთხვევაში, თუ დედისთვის მოსალოდნელი თერაპიული ეფექტი მნიშვნელოვნად აღემატება პოტენციურ რისკს ნაყოფისთვის/ბავშვისთვის.
ეპიდემიოლოგიურმა კვლევებმა ტერატოგენული მოქმედება არ გამოავლინა, მაგრამ აჩვენა ნაყოფის საშვილოსნოსშიდა განვითარების შეფერხება ბეტა-ბლოკატორების გამოყენებისას. ბეტა-ბლოკატორების ეფექტი (ბრადიკარდია, ჰიპოტონია, სუნთქვის უკმარისობა და ჰიპოგლიკემია) გამოვლინდა ასევე ახალშობილებში, რომელთა დედები მშობიარობამდე ბეტა-ბლოკატორებს იღებდნენ. ახალშობილები, რომელთა დედები იღებდნენ თიმოლოლს მშობიარობამდე, უნდა იმყოფებოდნენ მკაცრი მეთვალყურეობის ქვეშ სიცოცხლის პირველი დღეების განმავლობაში.
ძუძუთი კვება.
ბეტა-ბლოკატორები დედის რძეში აღწევს და შეიძლება სერიოზული გვერდითი მოვლენები გამოიწვიოს ძუძუთი კვებაზე მყოფ ახალშობილში.
სარგებელი/რისკის თანაფარდობის საფუძვლიანი შეფასების შემდეგ უნდა შეწყდეს ძუძუთი კვება ან პრეპარატის გამოყენება, ბავშვისთვის ძუძუთი კვების სარგებლის და ქალისთვის თერაპიის სარგებლის გათვალისწინებით.
რეაქცის სიჩქარეზე გავლენის უნარი ავტოტრანსპორტის ან სხვა მექანიზმების მართვისას
მხედველობის დროებითმა დაბინდვამ ან მხედველობის სხვა დარღვევებმა, მათ შორის რეფრაქციულმა ცვლილებებმა, დიპლოპიამ, პტოზმა, მხედველობის სიმკვეთრის დროებითმა მსუბუქმა დაქვეითებამ და, იშვიათად, თავბრუსხვევამ ან დაღლილობის შეგრძნების მატებამ მკურნალების პერიოდში შესაძლოა გავლენა იქონიოს ავტომანქანის მართვის ან სხვა მექანიზმებთან მუშაობის უნარზე. პაციენტი უნდა დაელოდოს მხედველობის სიმკვეთრის დაბრუნებას ვიდრე შეუდგება ავტომანქანის ან სხვა მექანიზმების მართვას.
დოზირება და მიღების წესი
ფლაკონი გახსნისგან დაცულია. პირველი გამოყენებისას საჭიროა დამცავი რგოლის მოხსნა და თავსახურის მოტრიალება.
ფლაკონს გააჩნია სპეციალური კონფიგურაცია, შედეგად მის ძირზე ხელის დაჭერისას ხსნარი დოზირებულად გამოიდევნება პრინციპით - „ერთი დაჭერა - ერთი წვეთი“. ფლაკონის მყარი კედლები მნიშვნელოვნად ამცირებს სამკურნალო საშუალების ნაკადის სახით გამოდევნას - რაც წარმოადგენს თვალის წვეთების ზედოზირების ყველაზე ხშირ მიზეზს.
თიმოლოლ-დარნიცას ჩაწვეთება ხდება დაზიანებული თვალის კონიუნქტივიურ ღრუში ფლაკონის ძირზე ხელის მსუბუქი დაჭერით. ჩაწვეთებისთანავე თვალები უნდა დახუჭოთ და მსუბუქად მიაჭიროთ თითი თვალის შიდა კუთხეს (ცხვირის გვერდით) 1-2 წუთის განმავლობაში, რათა ხსნარი ცრემლსადენ არხებში არ მოხვდეს და შემცირდეს სამკურნალო საშუალების შესაძლო სისტემური გვერდითი ეფექტი.
თერაპიის დასაწყისში ინიშნება 1 წვეთი 0,25% ხსნარი 2 - ჯერ დღეში, არასაკმარისი ეფექტურობის შემთხვევაში -1 წვეთი 0,5% ხსნარი 2-ჯერ დღეში. თვალშიდა წნევის ნორმალიზების შემდეგ შემანარჩუნებელი დოზა შეადგენს 0,25% ხსნარის 1 წვეთს ერთხელ დღეში.
მკურნალობის კურსის ხანგრძლივობა ექიმის მიერ განისაზღვრება ინდივიდუალურად.
თუ თვალშიდა წნევა არ არის ადეკვატურად კონტროლირებადი, შეიძლება თანმხლები თერაპიის დაწყება მიოტური საშუალებებით, ეპინეფრინის, კარბოანჰიდრაზის სისტემური ინჰიბიტორების გამოყენებით.
ყურადღება! კონტაქტური ლინზების გამოყენებისას აუცილებელია მათი მოხსნათიმოლოლ-დარნიცას გამოყენებამდე. გაკეთება შესაძლებელია მინიმუმ 15 წუთის შემდეგ.
ბავშვები.
ბავშვებისთვის სამკურნალო საშუალების ეფექტურობა და უსაფრთხოება დადგენილი არ არის.
დოზის გადაჭარბება
ფლაკონის სპეციალური კონფიგურაციის გამო სამკურნალო საშუალების დოზის შემთხვევითი გადაჭარბება ნაკლებად სავარაუდოა. დოზის გადაჭარბება შესაძლებელია ინსტრუქციებში მითითებული ერთჯერადი დოზებისა და გამოყენების სიხშირის შეუსრულებლობის შემთხვევაში.
მოიპოვება ინფორმაცია თიმოლოლის დოზის შემთხვევით გადაჭარბების შესახებ, რის შედეგადაც გამოვლინდა ბეტა-ბლოკატორების სისტემური გამოყენების მსგავსი ეფექტები.
სიმპტომები: თავბრუსხვევა, თავის ტკივილი, არითმია, არტერიული წნევის დაქვეითება, გულის უკმარისობის განვითარება, კარდიოგენური შოკი, ბრადიკარდია, გულის გაჩერება, ბრონქოსპაზმი, გულისრევა, ღებინება, გონების დაბინდვა და კრუნჩხვები; სამკურნალო საშუალების შემთხვევითი შინაგანი გამოყენების დროს (მიღებული რაოდენობის მიხედვით) – გულის რიტმის დარღვევა, ქოშინი, ფრჩხილების ციანოზი, თავბრუსხვევა, სისუსტე, გულისრევა, ღებინება, დიარეა.
მკურნალობა: თვალის დაუყოვნებლივ გამორეცხვა წყლით ან ფიზიოლოგიური ხსნარით.
დოზის გადაჭარბების გამოხატული სიმპტომების შემთხვევაში გამოყენებული უნდა იქნას ანტიდოტები: ატროპინი 0,5-2 მგ ინტრავენურად; გლუკაგონი თავდაპირველად 1-10 მგ ინტრავენურად, შემდეგ 2-2,5 მგ/სთ ინფუზიის სახით.
შემთხვევითი პერორალური მიღების შემთხვევაში, თუ მიღებიდან გასულია არა უმეტეს 1 საათისა, აუცილებელია კუჭის ამორეცხვა ან აქტივირებული ნახშირის მიღება (50 გ მოზრდილისთვის და 1 გ/კგ ბავშვებისთვის).
ბრადიკარდიის შემთხვევაში გამოიყენება 0,25-2 მგ ატროპინი ინტრავენურად. თუ ბრადიკარდია გრძელდება - იზოპრენალინი. თუ ეფექტი არ დადგა - საჭიროა კარდიოსტიმულატორის გამოყენება.
ჰიპოტონიის შემთხვევაში ინიშნება დოფამინის, დობუტამინის ან ნორადრენალინის შეყვანა. თუ ეფექტი არ დადგა - შეყავთ გლუკაგონი.
ბრონქოსპაზმის განვითარების შემთხვევაში: იზოპრენალინი, დამატებითი თერაპია ამინოფილინით.
გულის მწვავე უკმარისობა: იმოქმედეთ გადაუდებელი დახმარების ალგორითმის მიხედვით (ჟანგბადი, დიურეტიკები, გულის გლიკოზიდები). არაეფექტურობის შემთხვევაში-ამინოფილინის, გლუკაგონის ინტრავენური შეყვანა.
გულის ბლოკადა: იზოპრენალინი, რიტმის წარმმართველის დაყენება
ჰემოდიალიზი ნაკლებეფექტურია.
გვერდითი მოვლენები
მხედველობის ორგანოების მხრივ: დისკომფორტი, რბილი ან ზომიერი ტკივილი, წვა, ჭრის შეგრძნება და ქავილი თვალის არეში, ქუთუთოს ქავილი, უვეიტი, ასთენოპია, ქუთუთოების ეგზემა, ქუთუთოს ერითემა, ჩხვლეტის შეგრძნება თვალებში, თვალის სიმშრალე, სიწითლე, ჰიპოტონია, რქოვანას მგრძნობელობის დაქვეითება, ზომიერი კერატოპათია, ზედაპირული წერტილოვანი კერატიტი, თვალის ტკივილი, ირიტი, გამოსახულების სიმკვეთრის გაუარესება, უცხო სხეულის შეგრძნება, თვალების მომატებული შუქმგრძნობელობა, რქოვანას ეროზია, კონიუნქტივიტი, ალერგიული კონიუნქტივიტი და ბლეფაროკონიუნქტივიტი, თვალის გაღიზიანების ობიექტური და სუბიექტური სიმპტომატიკა, ბლეფარიტი, ცრემლდენა, ფოტოფობია, გამონადენი თვალებიდან, ქუთუთოების კიდეებზე ქერცლის წარმოქმნა, თვალის წინა კამერის ანთება, ქუთუთოების შეშუპება, კონიუქტივის შეშუპება, ეპითელიუმის შეშუპება და რქოვანას ჰიპერემია, კონიუნქტივის მეტაპლაზია, კონიუნქტივის ჰიპერემია, დისკური ჰემორაგიები, სიმახვილის და სიმკვეთრის დაქვეითება, თვალის პემფიგოიდი, სისხლძარღვოვანი გარსის აშრევება, ქუთუთოების კონტაქტური დერმატიტი, სისხლჩაქცევები თვალის ბადურაში, კერატიტი, ბლეფაროპტოზი, მხედველობის დარღვევა, მათ შორის რეფრაქიციის (მიოტური საშუალებების მიღების შეწყვეტის გამო), დიპლოპია, პტოზი.
სმენის ორგანოებისა და ვესტიბულარული აპარატის მხრივ: ხმაური და შუილი ყურებში (ტინიტუსი).
სასუნთქი სისტემის, გულმკერდისა და მედიასტინალური ორგანოების მხრივ: ქოშინი, ხიხინი, ასთმური შეტევები, ბრონქოსპაზმი (განსაკუთრებით ფილტვის დაავადებების მქონე პაციენტებში), ბრონქიტი, ფილტვების ქრონიკული ობსტრუქციული დაავადებები, სტრიდორული სუნთქვა, სუნთქვის დარღვევა/გაჩერება, რესპირატორული დისტრეს სინდრომი (სუნთქვის უკმარისობა), ფილტვის სასიცოცხლო მოცულობის შემცირება, ძლიერი ხველა, ბრონქორეას გაძლიერება, ციანოზი, ინტერსტიციალური პნევმოპათია, დისპნოე, ცხვირის გაჭედვა.
კუჭ-ნაწლავის ტრაქტის მხრივ: გულისრევა, დიარეა, მუცლის ტკივილი, ღებინება, დისკომფორტი მუცლის არეში, დისპეფსია, დისგევზია, პირის ღრუს ლორწოვანის სიმშრალე (ქსეროსტომია).
ენდოკრინული სისტემის მხრივ: მაღალი სიმკვრივის ლიპოპროტეიდების (HDL) ან/და ქოლესტერინი/HDL თანაფარდობის მნიშვნელოვანი შემცირება, ჰიპოგლიკემიის სიმპტომების შენიღბვა ინსულინდამოკიდებული შაქრიანი დიაბეტის მქონე პაციენტებში, წონის მომატება, მძიმე ჰიპერგლიკემია.
ნერვული სისტემის მხრიდან: თავის ტკივილი, შაკიკი, თავბრუსხვევა, სისუსტე, მგრძნობელობის დარღვევა, შიში, ჰალუცინაციები, ნეიროკუნთოვანი დარღვევები, ასთენია, დაღლილობა, ლიბიდოს დაქვეითება, ცუდი გუნება-განწყობა, თავის ტვინში სისხლის მიმოქცევის უკმარისობა (მათ შორის ცერებროვასკულური დარღვევები, არტერიული წნევის მკვეთრი შემცირება), აპათია, მიასთენია გრავის, პარესთეზიის ობიექტური და სუბიექტური სიმპტომატიკის გაძლიერება.
ფსიქიკის მხრივ: დეპრესია (მათ შორის მელანქოლიური), ძილიანობა, კოშმარული სიზმრები, ფსიქიკური დარღვევები, ფსიქოზი.
გულის მხრივ: გულის უკმარისობა, ბრადიკარდია, პულსის სიხშირის მნიშვნელოვანი შემცირება, არითმია, არტერიული ჰიპოტენზია, გულის შეგუბებითი უკმარისობა, შეშუპებები, მიოკარდიუმის ინფარქტი, სტენოკარდია, არტერიული ჰიპერტენზია, ტაქიკარდია, გულის მუშაობის დარღვევა, ცერებრალური ინფარქტი (თავის ტვინში სისხლის მიმოქცევის გარდამავალი დარღვევები), სინკოპე, გულისცემა, ტკივილი გულმკერდის არეში (გულის არეში ტკივილის ჩათვლით), ასისტოლია, ატრიოვენტრიკულური ან სინოატრიალური ბლოკადა (სრული, არასრული), ბრადიარიტმია, კოლაფსი, გულის გაჩერება, ინსულტი, თავის ტვინის სისხლძარღვების იშემია.
სისხლძარღვების მხრივ: ჰიპოტენზია, ხანგამოშვებითი კოჭლობა, რინოს ფენომენი, კიდურებში სიცივის შეგრძნება, პერიფერიული შეშუპება.
იმუნური სისტემის მხრივ: ჰიპერმგრძნობელობა, ჭინჭრის ციება, ანაფილაქსიური რეაქციები, ანგიონევროტული შეშუპება, ანაფილაქსიური შოკი.
კანისა და კანქვეშა ქსოვილის მხრივ: ქავილი, ეგზემა, ლოკალიზებული და გენერალიზებული გამონაყარი, გამონაყარი კანზე, ოფლიანობა, სიწითლე, ექსფოლიაციური დერმატიტი, ჰიპოპიგმენტაცია, ალოპეცია, ფრჩხილების მდგომარეობის გაუარესება, სტომატიტი, ფსორიაზის მსგავსი გამონაყარი ან ფსორიაზის გამწვავება, სისტემური წითელი მგლურა, წითელი ბრტყელი ლიქენი, ალერგიული კონტაქტური დერმატიტი, ერითროდერმიტი, სახის შეშუპება, ლაიელის სინდრომი.
რეპროდუქციული სისტემის მხრივ: სექსუალური დისფუნქცია (იმპოტენცია), ლიბიდოს დაქვეითება.
მნიშვნელოვნად დაზიანებული რქოვანას მქონე ზოგიერთ პაციენტში ძალიან იშვიათად აღინიშნებოდა რქოვანას კალციფიკაციის შემთხვევები თვალის წვეთებში შემავალი ფოსფატის გავლენით.
გვერდითი რეაქციები, რომელთა მიზეზობრივი კავშირი თიმოლოლის გამოყენებასთან დადგენილი არ არის.
ზოგადი დარღვევები: დაღლილობა.
გულ-სისხლძარღვთა სისტემის მხრივ: არტერიული ჰიპერტენზია, ფილტვის შეშუპება, სტენოკარდია.
კუჭ-ნაწლავის ტრაქტის მხრივ: დისპეფსია, ანორექსია, პირის სიმშრალე.
ფსიქიკური დარღვევები: ქცევითი დარღვევები, მათ შორის ნერვიულობა, ჰალუცინაციები, შფოთვა, დეზორიენტაცია, აჟიტაცია, ძილიანობა და სხვა ფსიქიკური დარღვევები.
მხედველობის ორგანოების მხრივ: რქოვანას ცისტოიდური მაკულარული შეშუპება.
თირკმელებისა და საშარდე გზების მხრივ: რეტროპერიტონეალური ფიბროზი, იმპოტენცია.
გვერდითი რეაქციები,დაფიქსირებულიკლინიკურ პრაქტიკაში თიმოლოლის მალეატის პეროლალური გამოყენებისას, რომლებიც შეიძლება გამოვლინდესთიმოლოლის მალეატის ოფთალმოლოგიური გამოყენების დროს.
ზოგადი დარღვევები: ტკივილი კიდურებში, ფიზიკური დატვირთვის დონის შემცირება, სხეულის წონის დაკარგვა.
გულ-სისხლძარღვთა სისტემის მხრივ: შეშუპება, არტერიული უკმარისობის გაღრმავება, რეინოს დაავადება, ვაზოდილატაცია.
კუჭ-ნაწლავის ტრაქტის მხრივ: ტკივილი კუჭის არეში ან ნაწლავებში, ჰეპატომეგალია, ღებინება.
სისხლისა და ლიმფური სისტემის მხრივ: ჩვეულებრივი პურპურა
ენდოკრინული სისტემის მხრივ: ჰიპერგლიკემია, ჰიპოგლიკემია.
კანისა და კანქვეშა ქსოვილის მხრივ: ქავილი, კანის გაღიზიანება, კანის პიგმენტაციის მომატება, ოფლიანობის მომატება, სიცივის შეგრძნება კიდურებში.
ძვალ-კუნთოვანი სისტემის და შემაერთებელი ქსოვილის მხრივ: ართრალგია, მიალგია, ართროპათია, სიკოჭლე.
ნერვული სისტემის მხრივ: თავბრუსხვევა, სისუსტე, სექსუალური ლტოლვის დაქვეითება, ღამის კოშმარები, უძილობა, ყურადღების კონცენტრაციის დაქვეითება.
სასუნთქი სისტემის, გულმკერდისა და მედიასტინალური ორგანოების მხრივ: ხიხინი, ბრონქული ობსტრუქცია.
სმენის ორგანოების მხრივ: ტინიტუსი.
მხედველობის ორგანოების მხრივ: თვალის სიმშრალე.
თირკმელებისა და საშარდე გზების მხრივ: შარდვის გაძნელება.
გვერდითი რეაქციები, დაფიქსირებული სხვა ბეტა-ბლოკატორების გამოყენებისას, რომლებიც შეიძლება გამოვლინდესთიმოლოლის მალეატის ოფთალმოლოგიური გამოყენების დროს.
კუჭ-ნაწლავის ტრაქტის მხრივ: მეზენტერიალური არტერიული თრომბოზი, იშემიური კოლიტი.
სისხლისა და ლიმფური სისტემის მხრივ: აგრანულოციტოზი, თრომბოციტოპენიური პურპურა.
ნერვული სისტემის მხრივ: რევერსული დეპრესია, პროგრესირებადი კატატონიაში; მწვავე რევერსული სინდრომი, რომელიც ხასიათდება დეზორიენტაციით დროსა და სივრცეში; მეხსიერების მოკლევადიანი დაკარგვა, ემოციური ლაბილობა, უმნიშვნელო გონებადაბნეულობა, ნეიროფსიქომეტრიის მაჩვენებლების დაქვეითება.
იმუნური სისტემის მხრივ: ერითემატოზული გამონაყარი; ცხელება, რომელსაც ახლავს ყელის ტკივილი და ანთება; ლარინგოსპაზმი სუნთქვის უკმარისობით.
თირკმელებისა და საშარდე გზების მხრივ: პეირონის დაავადება.
მოიპოვება ინფორმაცია სინდრომის თაობაზე, რომელიც მოიცავს ფსორიაზის მსგავს გამონაყარს კანზე, მშრალ კონიუნქტივიტს, ოტიტს და სკლეროზულ სეროზიტს, დაკავშირებულს ბეტა-ბლოკატორების, პრაქტოლოლის გამოყენებასთან. თიმოლოლის მალეატის გამოყენებისას ამ სინდრომის შემთხვევა არ დაფიქსირებულა.
მკურნალობის შეწყვეტის შემდეგ სამკურნალო საშუალების ეფექტი შეიძლება გაგრძელდეს რამდენიმე დღის განმავლობაში. თუ თვალის წვეთების სახით თიმოლოლით მკურნალობა შეწყდა მისი ხანგრძლივი გამოყენების შემდეგ, მისი გავლენა თვალშიდა წნევის შემცირებაზე შეიძლება გაგრძელდეს 2-4 კვირა. მხოლოდ ერთი თვალში ჩაწვეთებისას ბეტა-ბლოკატორებს შეუძლიათ შეამციროს თვალშიდა წნევა მეორე თვალშიც.
ვარგისობის ვადა
თვალის წვეთები, ხსნარი 2,5 მგ/მლ - 2 წელი.
თვალის წვეთები, ხსნარი 5 მგ/მლ - 3 წელი.
ფლაკონის გახსნის შემდეგ პრეპარატი ინახება არაუმეტეს 28 დღის განმავლობაში.
შენახვის პირობები
ინახება ორიგინალურ შეფუთვაში არაუმეტეს 25°C ტემპერატურაზე. ინახება ბავშვებისთვის მიუწვდომელ ადგილას.
შეფუთვა
5 მლ ან 10 მლ ფლაკონში; 1 ფლაკონი ყუთში
გაცემის კატეგორია
ფარმაცევტული პროდუქტის ჯგუფი II, გაიცემა ფორმა №3 რეცეპტით
მწარმოებელი
კსს"ფარმაცევტული ფირმა «დარნიცა»".
მწარმოებლის ადგილმდებარეობა და საქმიანობისგანხორციელების ადგილისმისამართი
უკრაინა, 02093, კიევი, ბორისპოლსკაიას ქ., 13.