ქსილაზოლი 1მგ/მლ 10მლ სპრეი
25.81 ლარი
ფარმაკოლოგიური ჯგუფი:
სისხლძარღვთა შემავიწროვებელი პრეპარატები
ქვეყანა: თურქეთი 
მწარმოებელი: ვოლდ მედიცინ ილაჩ სან ვე
ჯენერიკი - შეადარეთ ანალოგები:
ქსილომეტაზოლინი+დექსპანთენოლი
გაცემის ფორმა: III ჯგუფი ურეცეპტო
კოდი: 73811
გააზიარე:
სამკურნალო პრეპარატის
სამედიცინო გამოყენების ინსტრუქცია
ქსილაზოლი
სავაჭრო დასახელება
ქსილაზოლი, Xylazol
საერთაშორისო არაპატენტირებული დასახელება ან ჯგუფური დასახელება
ქსილომეტაზოლინი + დექსპანთენოლი
Xylometazoline + Dexpanthenol
წამლის ფორმა
ცხვირის სპრეი.
აღწერილობა: გამჭვირვალე უფერო ხსნარი.
შემადგენლობა
ქსილაზოლი, საბავშვო ცხვირის სპრეი
პრეპარატის 1 მლ შეიცავს
აქტიური ნივთიერებები: ქსილომეტაზოლინის ჰიდროქლორიდი 0,5 მგ, დექსპანთენოლი 50 მგ.
დამხმარე ნივთიერებები: დინატრიუმის ჰიდროფოსფატის ჰეპტაჰიდრატი, ნატრიუმის დიჰიდროფოსფატის მონოჰიდრატი, ბენზალკონიუმის ქლორიდი, გასუფთავებული წყალი.
ქსილაზოლი, ცხვირის სპრეი
პრეპარატის 1 მლ შეიცავს
აქტიური ნივთიერებები: ქსილომეტაზოლინის ჰიდროქლორიდი 1 მგ, დექსპანთენოლი 50 მგ.
დამხმარე ნივთიერებები: დინატრიუმის ჰიდროფოსფატის ჰეპტაჰიდრატი, ნატრიუმის დიჰიდროფოსფატის მონოჰიდრატი, ბენზალკონიუმის ქლორიდი, გასუფთავებული წყალი.
პრეპარატის კოდი ათქ მიხედვით R01АВ06
ფარმაკოთერაპიული ჯგუფი
სასუნთქ სისტემაზე მოქმედი საშუალებები. დეკონგესტანტები და სხვა ადგილობრივი გამოყენების ცხვირის პრეპარატები. სიმპატომიმეტიკები სხვა საშუალებებთან კომბინაციაში, კორტიკოსტეროიდების გარდა.
ფარმაკოლოგიური თვისებები
ფარმაკოდინამიკა
ქსილომეტაზოლინისჰიდროქლორიდი
ქსილომეტაზოლინის ჰიდროქლორიდი, იმიდაზოლის წარმოებული, α-ადრენერგული სიმპატომიმეტიკია. იგი ახდენს სისხლძარღვების შემავიწროვებელ მოქმედებას, რის შედეგადაც ხსნის ლორწოვანი გარსის შეშუპებას. მოქმედების დაწყება, როგორც წესი, აღინიშნება გამოყენებიდან 5-10 წუთში და ვლინდება ცხვირით სუნთქვის გაადვილებაში, ცხვირის ღრუს ლორწოვანი გარსის შეშუპების მოხსნის და ლორწოვანი სეკრეტის გამოდინების გაუმჯობესების შედეგად.
დექსპანთენოლი
დექსპანთენოლი (D-(+)-პანტოტენილის სპირტი) პანტოტენის მჟავას სპირტიანი ანალოგია, შუალედური კონვერსიის (ტრანსფორმირების) წყალობით მას იგივე ბიოლოგიური აქტივობა გააჩნია, რაც პანტოტენის მჟავას. ბიოლოგიურად აქტიური არის მხოლოდ მარჯვნივბრუნვადი D-კონფიგურაცია. პანტოტენის მჟავა და მისი მარილები წყალში ხსნადი ვიტამინებია, რომლებიც კოენზიმ А-ს შემადგენლობაში მრავალ მეტაბოლურ პროცესში მონაწილეობენ, მაგალითად ცილების და კორტიკოსტეროიდების სინთეზი, ანტისხეულების გამომუშავების პროცესის სტიმულირება. კოენზიმ А ასევე მნიშვნელოვან როლს ასრულებს ლიპიდების სინთეზის პროცესში, რომლებისგანაც, კერძოდ, შედგება ცხიმოვანი ჯირკვლების სეკრეტი (დამცავი ფუნქცია). გარდა ამისა, კოენზიმ А მონაწილეობს ამინოსაქარიდების აცეტილირების პროცესში, რომლებიც აუცილებელია სხვადასხვა მუკოპოლისაქარიდების სინთეზისთვის.
დექსპანთენოლი იცავს ეპითელიუმს და ახდენს ჭრილობების შემახორცებელ მოქმედებას.
დექსპანთენოლის დეფიციტის მქონე ვირთაგვებში დექსპანთენოლის გამოყენებისას აღინიშნა ტროფიკული მოქმედება კანზე.
გარეგანი გამოყენებისას დექსპანთენოლს/პანთენოლს შეუძლია კანის ან ლორწოვანი გარსის დაზიანების დროს პანტოტენის მჟავას მომატებული საჭიროების კომპენსირება.
ფარმაკოკინეტიკა
ქსილომეტაზოლინისჰიდროქლორიდი
ინტრანაზალური გამოყენებისას ზოგიერთ შემთხვევაში შეიძლება მოხდეს, მაგალითად, ცენტრალური ნერვული სისტემის (ცნს) და გულ-სისხლძარღვთა სისტემის მხრივ სისტემური ეფექტების განვითარებისთვის საკმარისი რაოდენობით ქსილომეტაზოლინის შეწოვა.
მონაცემები ფარმაკოკინეტიკის შესახებ ადამიანისთვის არ არსებობს.
დექსპანთენოლი
დექსპანთენოლი აბსორბირდება კანში და ექვემდებარება ფერმენტაციულ ჟანგვას პანტოტენის მჟავამდე ორგანიზმში ან კანის უჯრედებში. იგი ცირკულირებს სისხლის პლაზმაში ცილებთან შეერთებული ფორმით. პანტეტონის მჟავა კოენზიმ А-ს მნიშვნელოვანი კომპონენტია, რომელიც ფართოდ არის გავრცელებული ორგანიზმში. კანსა და ლორწოვან გარსში მეტაბოლიზმის დეტალური კვლევები არ ჩატარებულა. სამკურნალო საშუალების შეყვანილი დოზის (პერორალური გამოყენება) 60-70% ორგანიზმიდან გამოიყოფა შარდით და 30-40% ორგანიზმიდან გამოიყოფა კუჭ-ნაწლავის ტრაქტიდან.
გამოყენების ჩვენებები
- · გაციების დროს ცხვირის ღრუს შეშუპების მოხსნა და როგორც შემანარჩუნებელი თერაპია ცხვირის ღრუს ლორწოვანის გარსის დაზიანების, სურდოს (ვაზომოტორული რინიტი), ცხვირის ღრუში ქირურგიული ჩარევის შემდეგ ცხვირით სუნთქვის აღდგენის დროს.
- · ცხვირის ღრუს ლორწოვანი გარსის შეშუპების შემცირება, მწვავე რესპირატორული დაავადებებისას პარანაზალური სინუსების ანთების სიმპტომებით (რინოსინუსიტი).
გამოყენების წესი და დოზები
დოზირება
ქსილაზოლი, საბავშვო ცხვირის სპრეი
პრეპარატი განკუთვნილია მხოლოდ 2-დან 6 წლამდე ასაკის ბავშვებში გამოსაყენებლად.
1 შესხურება თითოეულ ნესტოში საჭიროების მიხედვით, მაგრამ არა უმეტეს 3-ჯერ დღეში.
დოზირების რეჟიმი დამოკიდებულია პაციენტის ინდივიდუალურ მგრძნობელობაზე და კლინიკურ ეფექტზე.
ქსილაზოლი, ცხვირის სპრეი
პრეპარატი განკუთვნილია მხოლოდ მოზრდილებში და 6 წელზე უფროსი ასაკის ბავშვებში გამოსაყენებლად.
1 შესხურება თითოეულ ნესტოში საჭიროების მიხედვით, მაგრამ არა უმეტეს 3-ჯერ დღეში.
დოზირების რეჟიმი დამოკიდებულია პაციენტის ინდივიდუალურ მგრძნობელობაზე და კლინიკურ ეფექტზე.
გამოყენების წესი
პრეპარატი განკუთვნილია მხოლოდ ინტრანაზალური გამოყენებისთვის.
შესხურების დროს აუცილებელია ფლაკონის დაჭერა ვერტიკალურ მდგომარეობაში.
პრეპარატის გამოყენება არ შეიძლება 7 დღეზე მეტ ხანს, იმ შემთხვევების გარდა, როდესაც ექიმის მიერ სხვაგვარად არის რეკომენდებული.
ბავშვებში გამოყენების ხანგრძლივობა განისაზღვრება ექიმის მიერ.
პრეპარატის ხელახლა გამოყენება უნდა დაიწყოს თერაპიისგან რამდენიმედღიანი შესვენების შემდეგ.
უკუჩვენებები
- ჰიპერმგრძნობელობა პრეპარატის აქტიური ნივთიერებების ან ნებისმიერი დამხმარე ნივთიერების მიმართ;
- ცხვირის ღრუს ლორწოვანი გარსის მშრალი ანთება (მშრალი რინიტი);
- მაღალი თვალშიდა წნევა, განსაკუთრებით დახურულკუთხიანი გლაუკომის დროს (მხოლოდ ქსილაზოლი, ცხვირის სპრეისთვის );
- ტრანსფენოიდალური ჰიპოფიზექტომიის ან ტვინის მაგარი გარსის გახსნასთან დაკავშირებული სხვა ქირურგიული ჩარევების შემდგომი მდგომარეობები;
- ბავშვთა ასაკი 2 წლამდე (ქსილაზოლი, საბავშვო ცხვირის სპრეი );
- ბავშვთა ასაკი 6 წლამდე (ქსილაზოლი, ცხვირის სპრეი ).
არასასურველი რეაქციები
არასასურველი რეაქციები ჩამოთვლილია ქვევით სისტემურ-ორგანული კლასების შესაბამისად MedDRA მიხედვით. არასასურველი რეაქციების სიხშირის პარამეტრები შემდეგნაირად განისაზღვრება: ძალიან ხშირი (≥ 1/10); ხშირი (≥ 1/100, მაგრამ < 1/10); არახშირი (≥ 1/1000, მაგრამ < 1/100); იშვიათი (≥ 1/10000, მაგრამ < 1/1000); ძალიან იშვიათი (< 1/10000); სიხშირე უცნობია (არსებული მონაცემების მიხედვით შეფასება შეუძლებელია).
იმუნური სისტემის მხრივ: არახშირად - ჰიპერმგრძნობელობის რეაქციები (მაგალითად, ანგიონევროზული შეშუპება, გამონაყარი, ქავილი).
ფსიქიკური დარღვევები: ძალიან იშვიათად - შფოთვა, უძილობა, ჰალუცინაციები (ძირითადად ბავშვებში).
ნერვული სისტემის მხრივ: ძალიან იშვიათად - დაღლილობა (ძილიანობა, სედაცია), თავის ტკივილი, კრუნჩხვები (ძირითადად ბავშვებში).
გულის მხრივ: იშვიათად - პალპიტაცია, ტაქიკარდია; ძალიან იშვიათად - არითმიები.
სისხლძარღვების მხრივ: იშვიათად - არტერიული ჰიპერტენზია.
სასუნთქი სისტემის, გულმკერდის ღრუს ორგანოებისა და შუასაყარის მხრივ: არახშირად - სისხლდენა ცხვირიდან; ძალიან იშვიათად - ცხვირის ღრუს ლორწოვანი გარსის შეშუპების გაძლიერება პრეპარატის ეფექტის გაქრობისას; სიხშირე უცნობია - ცხვირის ღრუს ლორწოვანი გარსის წვის შეგრძნება და სიმშრალე, ცემინება.
შეტყობინებები საეჭვო არასასურველი რეაქციების შესახებ
სამკურნალო საშუალების რეგისტრაციის შემდეგ შეტყობინებები საეჭვო არასასურველი რეაქციების შესახებ მნიშვნელოვანია. პაციენტში სამკურნალო საშუალებაზე სერიოზული არასასურველი რეაქციის გამოვლენისას ან ახალი არასასურველი რეაქციის გამოვლენისას, რომელიც არ არის აღწერილი ამ თავში, გთხოვთ გვაცნობოთ ფარმაკოუსაფრთხოების ეროვნული სისტემის შესაბამისად.
განსაკუთრებული მითითებები
პრეპარატის გამოყენება უნდა მოხდეს მხოლოდ სარგებელი/რისკის შეფარდების შეფასების შემდეგ პაციენტებში:
- რომლებსაც ერთდროულად უტარდებათ თერაპია მონოამინოქსიდაზას ინჰიბიტორებით (მაო ინჰიბიტორები) ან სხვა სამკურნალო საშუალებებით, რომლებსაც შეუძლიათ არტერიული წნევის აწევა;
- თვალშიდა მაღალი წნევით, განსაკუთრებით დახურულკუთხიანი გლაუკომის დროს (მხოლოდ ქსილაზოლი, საბავშვო ცხვირის სპრეისთვის );
- გულ-სისხლძარღვთა სისტემის მძიმე დაავადებებით (გულის იშემიური დაავადება, არტერიული ჰიპერტენზია);
- ფეოქრომოციტომით;
- ნივთიერებათა ცვლის დარღვევებით (ჰიპერთირეოზი, შაქრიანი დიაბეტი);
- პორფირიით;
- წინამდებარე ჯირკვლის ჰიპერპლაზიით.
პაციენტებში გახანგრძლივებული QT ინტერვალით, რომლებსაც უტარდებათ თერაპია ქსილომეტაზოლინით, შეიძლება გაიზარდოს პარკუჭების მძიმე არითმიების წარმოქმნის რისკი.
გაციების ქრონიკული დაავადებებისას ცხვირის ღრუს ლორწოვანი გარსის ატროფიის რისკის გამო პრეპარატის გამოყენება უნდა მოხდეს მხოლოდ ექიმის მეთვალყურეობის ქვეშ.
ლორწოვანი გარსის შეშუპების შემამცირებელი სიმპატომიმეტურების გამოყენებისას, განსაკუთრებით ხანგრძლივი გამოყენებისას ან ჭარბი დოზის შემთხვევაში, შეიძლება წარმოქმნას ცხვირის ღრუს ლორწოვანი გარსის რეაქციული ჰიპერემია. ამ უკუეფექტს ახლავს ცხვირის გასავლების შევიწროვება, რის შედეგადაც პაციენტი ხშირად იყენებს პრეპარატს მუდმივ გამოყენებაზე გადასვლით. შემდგომში ვითარდება ცხვირის ღრუს ლორწოვანი გარსის ქრონიკული შეშუპება (მედიკამენტოზური რინიტი), მათ შორის ცხვირის ღრუს ლორწოვანი გარსის ატროფიით (ავთვისებიანი ატროფიული რინიტი).
ცხვირით თუნდაც ნაწილობრივი სუნთქვის შენარჩუნების მიზნით, შედარებით მსუბუქ შემთხვევებში შეიძლება საკმარისი იყოს სიმპატომიმეტიკის გამოყენების შეწყვეტა თავიდან ერთ ნესტოში, ხოლო შემდეგ სიმპტომების ალაგებისას მეორე ნესტოში.
დამხმარე ნივთიერებები
პრეპარატი შეიცავს ბენზალკონიუმის ქლორიდს, რომელსაც შეუძლია გამოიწვიოს ცხვირის ღრუს ლორწოვანი გარსის გაღიზიანება და შეშუპება, განსაკუთრებით ხანგრძლივი გამოყენებისას.
ზეგავლენა ავტოტრანსპორტის ტარებისა და მექანიზმების მართვის უნარზე
დანიშნულების მიხედვით გამოყენებისას მოსალოდნელი არ არის, რომ ქსილაზოლი ზეგავლენას მოახდენს ავტოტრანსპორტის ტარებისა და მექანიზმების მართვის უნარზე.
ფერტილობა, გამოყენება ორსულობისა და ლაქტაციის დროს
ორსულობა
საკმარისი რაოდენობის მონაცემები ორსულობის პერიოდში ქალებში ქსილომეტაზოლინის ჰიდროქლორიდის გამოყენების შესახებ არ არსებობს, ამის გამო ქსილაზოლის გამოყენება ქალების მიერ ორსულობის პერიოდში არ შეიძლება.
ლაქტაცია
უცნობია, გამოიყოფა თუ არა ქსილომეტაზოლინის ჰიდროქლორიდი დედის რძესთან ერთად, ამიტომ ქსილაზოლის გამოყენება ქალების მიერ ლაქტაციის პერიოდში არ შეიძლება.
ფერტილობა
მონაცემები ქსილომეტაზოლინის ჰიდროქლორიდის ფერტილობაზე უარყოფითი ზეგავლენის შესახებ არ არსებობს.
ურთიერთქმედება სხვა სამკურნალო საშუალებებთან
ქსილომეტაზოლინის ჰიდროქლორიდი
მაო ინჰიბიტორებთან (მაგალითად, ტრანილციპრომინი) ან ტრიციკლურ ანტიდეპრესანტებთან, ასევე არტერიული წნევის ასაწევ სამკურნალო საშუალებებთან ერთად გამოყენებისას შეიძლება აღინიშნოს არტერიული წნევის აწევა აღნიშნული პრეპარატების გულ-სისხლძარღვთა სისტემაზე ზემოქმედების შედეგად.
დექსპანთენოლი
მონაცემები წამლების უერთიერთქმედებების შესახებ არ არსებობს.
ჭარბი დოზა
სიმპტომები
ქსილომეტაზოლინის ჰიდროქლორიდი
იმიდაზოლის წარმოებულებით ინტოქსიკაციის კლინიკური სურათი შეიძლება გაურკვეველი იყოს, ვინაიდან სტიმულირების პერიოდები შეიძლება ენაცვლებოდეს ცნს და გულ-სისხლძარღვთა სისტემის დათრგუნვის პერიოდებს.
ჭარბ დოზას, განსაკუთრებით ბავშვებში შეიძლება ახლდეს გამოხატული მოქმედება ცნს-ზე, კრუნჩხვების, კომის, ბრადიკარდიის, აპნოეს და არტერიული ჰიპერტენზიის ჩათვლით, რომელიც შეიძლება შეიცვალოს არტერიული ჰიპოტენზიით.
ცნს-ს სტიმულირების სიმპტომებს განეკუთვნება: შფოთვა, აგზნებულობა, ჰალუცინაციები და კრუნჩხვები.
ცნს-ს დათრგუნვის სიმპტომები მოიცავს სხეულის ტემპერატურის დაწევას, მოდუნებას, ძილიანობას და კომას.
შესაძლებელია დამატებითი სიმპტომების განვითარება, როგორებიც არის მიოზი, მიდრიაზი, ჭარბი ოფლიანობა, სხეულის ტემპერატურის მომატება, კანის საფარის სიფერმკრთალე, ციანოზი, ღებინება, ტაქიკარდია, ბრადიკარდია, არითმია, გულის გაჩერება, არტერიული ჰიპერტენზია, შოკისმაგვარი არტერიული ჰიპოტენზია, ფილტვების შეშუპება, სუნთქვის დარღვევა და აპნოე.
მკურნალობა
მძიმე ჭარბი დოზის შემთხვევაში მკურნალობა უნდა ჩატარდეს სტაციონარის პირობებში. ვინაიდან ქსილომეტაზოლინის ჰიდროქლორიდი სწრაფად შეიწოვება, დაუყოვნებლივ უნდა იქნას გამოყენებული აქტივირებული ნახშირი (აბსორბენტი), ნატრიუმის სულფატი (საფაღართო საშუალება) ან ჩატარდეს კუჭის ამორეცხვა (სამკურნალო საშუალების მაღალი დოზებით გამოყენებისას). არტერიული წნევის დასაწევად შეიძლება არასელექციური α-ბლოკატორების გამოყენება. სისხლძარღვების შემავიწროვებელი პრეპარატების გამოყენება უკუნაჩვენებია. საჭიროებისას გამოიყენება სიცხის დამწევი და კრუნჩხვების საწინააღმდეგო პრეპარატები, ასევე ფილტვების ხელოვნური ვენტილაცია.
დექსპანთენოლი
პანთოტენის მჟავას და მის წარმოებულებს, როგორიც არის დექსპანთენოლი, დაბალი ტოქსიკურობა გააჩნიათ. ჭარბი დოზის შემთხვევაში მკურნალობის ჩატარება საჭირო არ არის.
გამოშვების ფორმა
10 მლ ცხვირის სპრეი ყვითელი ფერის შუშის ფლაკონში ჩამონტაჟებული შესასხურებელი მოწყობილობით და დამცავი თავსახურით.
1 ფლაკონი სამედიცინო გამოყენების ინსტრუქციასთან ერთად მუყაოს კოლოფში.
შენახვის პირობები
ინახება არა უმეტეს 250C ტემპერატურაზე.
ინახება ბავშვებისათვის მიუწვდომელ ადგილას!
ფლაკონის გახსნის შემდეგ პრეპარატი გამოიყენება 12 კვირის განმავლობაში.
ვარგისობის ვადა
3 წელი წარმოების თარიღიდან.
ვარგისიანობის ვადის გასვლის შემდეგ გამოყენება არ შეიძლება.
აფთიაქიდან გაცემის პირობები
ფარმაცევტული პროდუქტის ჯგუფი III, გაიცემა რეცეპტის გარეშე.
წარმოებულია
„ვორლდ მედიცინ ილაჩ სან. ვე ტიჯ. ა.შ.“ -ს მიერ, თურქეთი
(15 თემუზ მაჰ. ჯამი იოლუ ჯად. #50 გიუნეშლი ბაღჯილარ / სტამბული)
"World Medicine İlaç San. ve Tic. A.Ş.", Turkey
(15 Temmuz Mah. Cami Yolu Cad. No: 50 Güneşli Bağcılar / İstanbul).
