
ეტოდინი SR 600მგ #14ტ
გააზიარე:
ეტოდინი SR
Etodin SR
600 მგ ტაბლეტი
შემადგენლობა
თითოეული ეტოდინი SR 600 მგ ტაბლეტი შეიცავს აქტიური ნივთიერების სახით მიკრონიზებულ 600 მგ ეტოდოლაკს და დამხმარე საშუალებების სახით ლაქტოზას მონოჰიდრატს და ნატრიუმს; საღებავი ნივთიერებების სახით ტიტანის დიოქსიდს (E171), HPMC 2910 / ჰიპრომელოზა 3cP (E464), HPMC2910/ჰიპრომელოზა 6cP (E464), მაკროგოლი / PEG 400 (E1521), პოლისორბატი 80 (E433).
ფარმაკოლოგიური თვისებები
ფარმაკოდინამიკური თვისებები
ფარმაკოთერაპიული ჯგუფი: ძმარმჟავას წარმოებულები და მონათესავე სუბსტანციები
ათქ კოდი: M01AB08
ეტოდოლაკი იწვევს COX-2-ისა და შედეგად, პროსტაგლანდინების სინთეზის ინჰიბირებას. ყველა ანთების საწინააღმდეგო არასტეროიდული პრეპარატი აინჰიბირებს პროსტაგლანდინების წარმოქმნას. ეს მოქმედება საფუძვლად უდევსზ, როგორც თერაპიულ ეფექტებს, ასევე მათ ზოგიერთ გვერდით ეფექტს. ეტოდოლაკის მიღებისას გამოვლენილი პროსტაგლანდინის სინთეზის ინჰიბირება განსხვავდება ანთების საწინააღმდეგო სხვა არასტეროიდული საშუალებების მოქმედებისაგან. ცხოველთა მოდელში დადგენილი ანთების საწინააღმდეგო დოზისას PGE ციტოპროტექტული კონცენტრაცია კუჭის ლორწოში ქვეითდება უფრო ნაკლები ხარისხით და უფრო ხანმოკლე დროით, ვიდრე ანთების საწინააღმდეგო სხვა არასტეროიდული საშუალებების შემთხვევაში. ეს მონაცემი შეესაბამება შემდგომ ინ-ვიტრო კვლევებს, რომლითაც ეტოდოლაკი აღმოჩნდა სელექციური მაინჰიბირებელი ციკლო-ოქსიგენაზა 2-სთვის (COX-2, ასოცირებული ანთებასთან) COX-1-ზე მეტად (ციტოპროტექტორული).
გარდა ამისა, ადამიანის უჯრედული მოდელების კვლევები ადასტურებს, რომ ეტოდოლაკი სელექციურია COX-2 ინჰიბირებისათვის. COX-1-ზე მეტად COX-2 პრეფერენციული ინჰიბირების კლინიკური სარგებელი ჯერ კიდევ საჭიროებს დამტკიცებას.
ანთების საწინააღმდეგო ეფექტები:
ექსპერიმენტები აჩვენებს, რომ ეტოდოლაკს გააჩნია გამოხატული ანთების საწინააღმდეგო აქტივობა, არის რა უფრო ძლიერი, ვიდრე რამდენიმე კლინიკურად შესწავლილი ანთების საწინააღმდეგო არასტეროიდული საშუალება.
ფარმაკოკინეტიკური თვისებები
ეტოდოლაკი კარგად შეიწოვება პერორალური გზით მიღების შემდეგ. ეტოდოლაკი მაღალი ხარისხით უკავშირდება შრატისმიერ პროტეინებს.
ნახევარგამოყოფის პერიოდი საშუალოდ შეადგენს შვიდ საათს მამაკაცებში. ექსკრეციის ძირითადი გზა არის შარდში, უპირატესად მეტაბოლიტების სახით.
იმ სუბიექტებში, რომლებიც იღებდნენ ყოველდღიურად სტაბილურად 400 მგ ან 600 მგ-ს დოზებით სამდღიან პერიოდში, უმაღლესი პლაზმური კონცენტრაციები შეადგენდა 7.5 უგ/მლ-ს 7.9 საათში და 11.9 უგ/მლ-ს 7.8 საათში.
ჩვენებები
რევმატოიდული ართრიტის, ოსტეოართრიტის, მაანკილოზებელი სპონდილიტის, ძვალ-კუნთოვანი სისტემის მწვავე ტკივილის, პოსტოპერაციული ტკივილის, დისმენორეის სიმპტომებისას.
უკუჩვენებები
ეტოდინი SR არ გამოიყენება
- პაციენტებში, რომლებშიც ადრე გამოვლინდა მომატებული მგრძნობელობა ეტოდოლაკის ან ნებისმიერი სხვა დამხმარე საშუალების მიმართ.
- გულის მძიმე უკმარისობის მქონე პაციენტებში.
- პაციენტებში, რომლებსაც ამჟამად აქვთ ან წარსულში ჰქონდათ მორეციდივე პეპტიური წყლული ან წარსულში პეპტიური წყლულოვანი დაავადების არსებობისას (დადასტურებული წყლულის ან სისხლდენის ორი ან მეტი გამოკვეთილი ეპიზოდით).
ანთების საწინააღმდეგო არასტეროიდული საშუალებები უკუნაჩვენებია
- პაციენტებში, რომლებშიც ადრე გამოვლინდა ჰიპერმგრძნობელობის რეაქციები (მაგ. ასთმა, რინიტი, ანგიოშეშუპება ან ჭინჭრის გამონაყარი) იბუპროფენით, ასპირინით ან სხვა ანთების საწინააღმდეგო არასტეროიდული პრეპარატებით თერაპიისას.
- გულის მძიმე უკმარისობა, ღვიძლის უკმარისობა და თირკმლის უკმარისობა (იხ. პუნქტი „გაფრთხილებები/სიფრთხილის ზომები”).
- ორსულობის ბოლო ტრიმესტრში (იხ. პუნქტი „ფერტილურობა, ორსულობა და ლაქტაცია”).
- ანამნეზში კუჭ-ნაწლავის სისხლდენა ან პერფორაცია, რაც დაკავშირებულია ადრე ანთების საწინააღმდეგო არასტეროიდული საშუალებებით თერაპიასთან.
გაფრთხილებები/სიფრთხილის ზომები
არასასურველი ეფექტები შეიძლება შემცირდეს სიმპტომების საკონტროლოდ ყველაზე დაბალი ეფექტური დოზის ყველაზე მცირე პერიოდში გამოყენებით (იხ. პუნქტი „დოზირება და მიღების წესი” და კუჭ-ნაწლავის და კარდიოვასკულარული რისკები ქვემოთ).
თავიდან უნდა იქნას აცილებული ეტოდინი SR-ის გამოყენება ანთების საწინააღმდეგო არასტეროიდულ პრეპარატებთან ერთად, მათ შორის, ციკლოოქსიგენაზა-2-ის სელექციურ ინჰიბიტორებთან (იხ. „ურთიერთქმედება სამკურნალო საშუალებებთან”).
ხანდაზმულები
ხანდაზმულებში უფრო ხშირად აღინიშნება არასასურველი რეაქციებიანთების საწინააღმდეგო არასტეროიდულ საშუალებებზე, განსაკუთრებით კუჭ-ნაწლავის სისხლდენა და პერფორაცია, რაც შეიძლება ფატალური იყოს (იხ. პუნქტი „დოზირება და მიღების წესი”).
კარდიოვასკულარული და ცერებროვასკუარული ეფექტები
შესაბამისი მონიტორინგი და რეკომენდაცია არის საჭირო იმ პაციენტებისათვის, რომლებსაც ანამნეზში აქვთ ჰიპერტენზია და/ან მსუბუქი და საშუალო სიმძიმის გულის შეგუბებითი უკმარისობა, ვინაიდან აღინიშნა ანთების საწინააღმდეგო არასტეროიდული პრეპარატებით თერაპიასთან ასოცირებული სითხის შეკავება და შეშუპება.
კლინიკური ცდები და ეპიდემიოლოგიური მონაცემები აჩვენებს, რომ ზოგიერთი ანთების საწინააღმდეგო არასტეროიდული პრეპარატის გამოყენება (განსაკუთრებით მაღალი დოზებით და ხანგრძლივად გამოყენებისას) შეიძლება ასოცირებული იყოს არტერიული თრომბული მოვლენების ოდნავ მომატებულ რისკთან (მაგ. მიოკარიუმის ინფარქტი ან ინსულტი). ეტოდინი SR-ის შემთხვევაში, ამგვარი რისკის გამოსარიცხად არასაკმარისი მონაცემები არსებობს.
იმ პაციენტებში, რომლებსაც აქვთ არაკონტროლირებული ჰიპერტენზია, გულის შეგუბებითი უკმარისობა, დადგენილი გულის იშემიური დაავადება, პერიფერიული არტერიული დაავადება და/ან კარდიოვასკულარული დაავადება, ეტოდინი SR-ით მკურნალობა უნდა ჩატარდეს მხოლოდ გულდასმითი განხილვის შემდეგ. ამგვარი სიფრთხილე არის საჭირო ასევე იმ პაციენტებში გრძელვადიანი მკურნალობის დაწყებამდე, რომლებსაც აქვთ კარდიოვასკულარული დაავადების რისკ-ფაქტორები (მაგ. ჰიპერტენზია, ჰიპერლიპიდემია, შაქრიანი დიაბეტი, მოწევა).
რესპირატორული დარღვევები
სიფრთხილეა საჭირო, თუ ეტოდინი SR გამოიყენება იმ პაციენტებში, რომლებსაც აქვთ, ან წარსულში ჰქონდათ ბრონქული ასთმა, ვინაიდან ანთების საწინააღმდეგო არასტეროიდული საშუალებები ასეთ პაციენტებში იწვევს ბრონქოსპაზმს.
კარდიოვასკულარული, თირკმლის და ღვიძლის ფუნქციის დარღვევა
კარდიოვასკულარული, თირკმლის და ღვიძლის ფუნქციის დარღვევის მქონე პაციენტებში, განსაკუთრებით, როდესაც პაციენტი იღებს დიურეტიკებს ან ხანდაზმულებში, აუცილებელია თირკმლის ფუნქციის მონიტორინგი (იხ აგრეთვე პუნქტი „კუჩვენებები’). აუცილებელია სიფრთხილის გამოჩენა, ვინაიდან ანთების საწინააღმდეგო არასტეროიდული საშუალებების გამოყენებამ შეიძლება გამოიწვიოს დოზადამოკიდებული პროსტაგლანდინის წარმოქმნის შემცირება და თირკმლის უკმარისობა. გამოყენებული უნდა იყოს შეძლებისდაგვარად დაბალი დოზა. სხვა მიზეზებით გამოწვეულმა თირკმლის ან ღვიძლის უკმარისობამ შეიძლება შეცვალოს პრეპარატის მეტაბოლიზმი; აუცილებელია იმ პაციენტთა მონიტორინგი პოტენციურ გვერდით ეფექტებზე, რომლებიც იმავდროულად იმყოფებიან გრძელვადიან თერაპიაზე, განსაკუთრებით ხანდაზმულების და მათი პრეპარატის დოზები უნდა დაკორექტირდეს ან შეწყდეს პრეპარატის მიღება.
კუჭ-ნაწლავისსისხლდენა, წყლულიდა პერფორაცია
აღინიშნა ისეთი სერიოზული კუჭ-ნაწლავის არასასურველი ეფექტები, როგორიცაა სისხლდენა, წყლული და პერფორაცია, რაც შეიძლება იყოს ფატალური და განვითარდეს ნებისმიერ დროს, გამაფრთხილებელი სიმპტომებით ან მათ გარეშე, იმ პაციენტებში, რომლებიც მკურნალობენ ანთების საწინააღმდეგო არასტეროიდული საშუალებებით ან ანამნეზში აქვთ სერიოზული კუჭ-ნაწლავის მხრივ მოვლენები. კუჭ-ნაწლავის სისხლდენის ნებისმიერი ნიშნის გამოვლენისას, ეტოდინი SR-ის მიღება დაუყოვნებლივ უნდა შეწყდეს.
თრომბოციტები
მიუხედავად იმისა, რომ ანთების საწინააღმდეგო არასტეროიდულ პრეპარატებს თრომბოციტებზე არ აქვთ ისეთივე პირდაპირი ეფექტები, როგორიც ასპირინს, ყველა პრეპარატმა, რომლებიც აინჰიბირებენ პროსტაგლანდინების ბიოსინთეზს, შეიძლება, გარკვეული ხარისხით, შეაფერხოს თრომბოციტების ფუნქცია. აუცილებელია იმ პაციენტებზე გულდასმითი დაკვირვება, რომლებიც იღებენ ეტოდინი SR-ს და რომლებშიც შეიძლება უარყოფითი მოვლენები გამოიწვიოს ამგვარმა მოქმედებებმა.
პრევენციის მიზნით, აუცილებელია ეტოდინი SR-ით ხანგრძლივ თერაპიაზე მყოფ პაციენტთა რეგულარულად კონტროლი ისეთ მოვლენებზე, როგორიცაა თირკმლის ფუნქციის, ჰემატოლოგიური პარამეტრების ან ღვიძლის ფუნქციის ცვლილებები.
კუჭ-ნაწლავის სისხლდენა, დაწყლულების ან პერფორაციის რისკი უფრო მაღალია ანთების საწინააღმდეგო არასტეროიდული საშუალების დოზების მომატებისას, იმ პაციენტებში, რომლებსაც ანამნეზში აქვთ წყლული, განსაკუთრებით, თუ გართულებულია ჰემორაგიით ან პერფორაციით (იხ. პუნქტი „უკუჩვენებები”) და ხანდაზმულებში. ამ პაციენტებში მკურნალობა უნდა დაიწყოს ყველაზე დაბალი დოზით. კომბინაციური თერაპია დამცავი პრეპარატებით (მაგ. მიზოპროსტოლი ან პროტონული ტუმბოს ინჰიბიტორები) განხილული უნდა იყოს ასეთი პაციენტებისათვის, ასევე იმ პაციენტებისათვისაც, რომლებიც საჭიროებენ იმავდროულად ასპირინის დაბალ დოზას ან სხვა პრეპარატებს, რომლებიც ზრდიან კუჭ-ნაწლავის მოვლენების რისკს (იხ. ქვემოთ და პუნქტი „ურთიერთქმედება სხვა პრეპარატებთან”).
აუცილებელია ნებისმიერი აბდომინალური სიმპტომის შესახებ ინფორმაციის მიწოდება იმ პაციენტების მიერ, რომლებსაც ანამნეზში აქვთ კუჭ-ნაწლავის მხრივ ტოქსიკურობა (განსაკუთრებით, კუჭ-ნაწლავის სისხლდენა), განსაკუთრებით, ხანდაზმულებში, მკურნალობის საწყის ეტაპზე.
სასურველია სიფრთხილის გამოჩენა იმ პაციენტებში, რომლებიც იმავდროულად იღებენ ისეთ პრეპარატებს, რომლებმაც შეიძლება გაზარდოს წყლულის ან სისხლდენის რისკი, როგორიცაა პერორალური კორტიკოსტეროიდები, ანტიკოაგულანტები (მაგ., ვარფარინი), სეროტონინის უკუმიტაცების სელექციური ინჰიბიტორები ან ანტითრომბოზული საშუალებები, როგორიცაა ასპირინი (იხ. პუნქტი „ურთიერთქმედება სხვა პრეპარატებთან”).
ეტოდოლაკის მიღებისას კუჭ-ნაწლავის სისხლდენის ან წყლულის განვითარებისას, მკურნალობა უნდა მოიხსნას.
ანთების საწინააღმდეგო არასტეროიდული პრეპარატები სიფრთხილით გამოიყენება ანამნეზში კუჭ-ნაწლავის დაავადების მქონე პაციენტებში (წყლულოვანი კოლიტი, კრონის დაავადება), ვინაიდან შეიძლება აღინიშნოს ამგვარი მდგომარეობების გამწვავება (იხ. პუნქტი „გვერდითი ეფექტები/არასასურველი მოვლენები”).
სისტემური წითელი მგლურა და შემაერთებელი ქსოვილების შერეული დაავადება
სისტემური წითელი მგლურას და შემაერთებელი ქსოვილების შერეული დარღვევებისას შეიძლება მომატებული იყოს ასეპტიკური მენინგიტის რისკი (იხ. პუნქტი „გვერდითი ეფექტები/არასასურველი მოვლენები”).
დერმატოლოგიური
კანის სერიოზული რეაქციები, ზოგიერთი მათგანი ფატალური, მათ შორის, ექსფოლიაციური დერმატიტი, სტივენს-ჯონსონის სინდრომი და ტოქსიკური ეპიდერმული ნეკროლიზი, ძალიან იშვიათად აღინიშნა ანთების საწინააღმდეგო არასტეროიდული პრეპარატების გამოყენებისას (იხ. პუნქტი „გვერდითი ეფექტები/არასასურველი მოვლენები”). ამგვარი რეაქციების ყველაზე მაღალი რისკის ქვეშ პაციენტები იმყოფებიან თერაპიის ადრეულ ეტაპზე: უმრავლეს შემთხვევაში, რეაქცია იწყება მკურნალობის პირველი თვის განმავლობაში. ეტოდინი SR-ის მიღება უნდა შეწყდეს, როგორც კი გამოვლინდება კანის გამონაყარის, ლორწოვანას დაზიანებების პირველივე ნიშნები ან ჰიპერმგრძნობელობის ნებისმიერი ნიშანი.
ქალებში ფერტილურობის დარღვევა
ეტოდინი SR-ის გამოყენებამ შეიძლება დაარღვიოს ქალებში ფერტილობა, ამიტომ რეკომენდებული არ არის იმ ქალებში, რომლებსაც სურთ დაორსულება. იმ ქალებში, რომლებსაც აქვთ ჩასახვის პრობლემები ან რომლებსაც უტარდებათ გამოკვლევები უნაყოფობის გამო, განხილული უნდა იყოს ეტოდინი SR-ის მიღების შეწყვეტა.
ნატრიუმი
ეს სამკურნალო საშუალება შეიცავს 27 მგ ნატრიუმს ყოველ დოზაზე. გათვალისწინებული უნდა იყოს იმ პაციენტებში, რომლებიც იმყოფებიან ნატრიუმის კონტროლირებულ კვების რეჟიმზე.
ლაქტოზა
ეს პრეპარატი არ გამოიყენება იმ პაციენტებში, რომლებსაც აქვთ გალაქტოზას აუტანლობის, ლაპ ლაქტაზას დეფიციტის ან გლუკოზა-გალაქტოზას მალაბსორბციის მემკვიდრეობითი პრობლემები.
ფერტილობა, ორსულობა და ლაქტაცია
ორსულობა
პრეპარატებმა, რომლებიც აინჰიბირებენ პროსტაგლანდინის ბიოსინთეზს, შეიძლება გამოიწვიოს დისტოცია და მშობიარობის დაყოვნება, რაც ნაჩვენები იქნა ორსულ ცხოველებში ჩატარებული კვლევებისას.
მამაკაცებში ანთების საწინააღმდეგო არასტეროიდული საშუალებების გამოყენებისას აღინიშნა თანდაყოლილი ანომალიები; თუმცა, ეს მოვლენები დაბალი სიხშირით ვლინდება. ნაყოფის კარდიოვასკულარულ სისტემაზე ანთების საწინააღმდეგო არასტეროიდული საშუალებების ცნობილი ეფექტების გათვალისწინებით, პროსტაგლანდინის ბიოსინთეზის ზოგიერთი ინჰიბიტორი ხელს უშლის არტერიული სადინრის (ductus arteriosus) დახურვას. ამიტომორსულობის ბოლო ტრიმესტრში გამოყენება უკუნაჩვენებია. შეიძლება დაყოვნდეს მშობიარობის დაწყება და გაიზარდოს მშობიარობის ხანგრძლივობა სისხლდენის მომატებული ტენდენციით, როგორც დედაში, ისე ბავშვში (იხ. პუნქტი უკუჩვენებები”). ანთების საწინააღმდეგო არასტეროიდული საშუალებების გამოყენება არ შეიძლება ორსულობის პირველ ორ ტრიმესტრში ან მშობიარობისას, თუ პოტენციური სარგებელი დედისათვის არ აღემატება ნაყოფისათვის პოტენციურ რისკს.
ლაქტაცია
არსებული შეზღუდული კვლევები აჩვენებს, რომ ანთების საწინააღმდეგო არასტეროიდული საშუალებები ძალიან დაბალი კონცენტრაციებით გადადის დედის რძეში. ლაქტაციის დროს, შეძლებისდაგვარად, თავიდან უნდა იქნას აცილებული ანთების საწინააღმდეგო არასტეროიდული საშუალებების გამოყენება.
ქალებში ფერტილურობასთან დაკავშირებით გამოყენებისას იხ. პუნქტი „გაფრთხილებები/სიფრთხილის ზომები”.
ეფექტები ავტომობილებისა და მექანიზმების მართვის უნარზე
ეტოდინი შეიძლება გამოიწვიოს თავბრუსხვევა, ძილიანობა, დაღლილობა ან მხედველობის დარღვევა. ავტომობილების ან მექანიზმების მართვამდე, პაციენტებმა უნდა იცოდნენ, თუ როგორ რეაგირებენ ისინი ამ პრეპარატზე.
გვერდითი ეფექტები/არასასურველი მოვლენები
შეშუპება, ჰიპერტენზია და გულის უკმარისობა აღინიშნა ანთების საწინააღმდეგო არასტეროიდული საშუალებების გამოყენებისას. კლინიკური ცდები და ეპიდემიოლოგიური მონაცემები აჩვენებს, რომანთების საწინააღმდეგო არასტეროიდული საშუალებების გამოყენება (განსაკუთრებით, მაღალი დოზებით და ხანგრძლივად) შეიძლება ასოცირებული იყოს არტერიული თრომბული მოვლენების მომატებულ რისკთან (მაგ. მიოკარდიუმის ინფარქტი ან ინსულტი) (იხ. პუნქტი „გაფრთხილებები/სიფრთხილის ზომები”).
კუჭ-ნაწლავის ტრაქტის მხრივ:
გამოვლენილი გვერდით ეფექტებს შორისაა - გულისრევა, ეპიგასტრიული ტკივილი, დიარეა, მოუნელებლობა, გულძმარვა, მუცლის შებერილობა, მუცლის ტკივილი, ყაბზობა, ღებინება, წყლულოვანი სტომატიტი, დისპეფსია, ჰემატემეზი, მელენა, რექტალური სისხლდენა, კოლიტის გამწვავება, კოლიტი, ვასკულიტი, თავის ტკივილი, თავბრუსხვევა, მხედველობის დარღვევა, ძილიანობა, პირექსია, ტინიტი, გამონაყარი, ქავილი, დაღლილობა, დეპრესია, უძილობა, გონების არევა, პარესთეზია, ტრემორი, სისუსტე/შეუძლოდ ყოფნა, დისპნოე, პულსაცია, ბილირუბინურია, ღვიძლის ფუნქციის დარღვევები და სიყვითლე, შარდვის გახშირება, დიზურია, ანგიოშეშუპება, ანაფილაქსოიდური რეაქცია, ფოტომგრძნობელობა, ჭინჭრისმაგვარი გამონაყარი და სტივენს-ჯონსონის სინდრომი და კრონის დაავადება (იხ. პუნქტი „გაფრთხილებები/სიფრთხილის ზომები”), რაც აღინიშნა პრეპარატის მიღების შემდეგ. ნაკლებად ხშირად, გამოვლინდა გასტრიტი. პანკრეატიტი აღინიშნა ძალიან იშვიათად.
ჰიპერმგრძნობელობა:
ჰიპერმგრძნობელობის რეაქციები აღინიშნა ანთების საწინააღმდეგო არასტეროიდული საშუალებების მიღების შემდეგ. ეს რეაქციები მოიცავს (ა) არასპეციფიკურ ალერგიულ რეაქციებს და ანაფილაქსიას (ბ) რესპირატორული ტრაქტის რეაქტიულობა, რაც მოიცავს ასთმას, ასთმის გამწვავებას, ბრონქოსპაზმს ან დისპნოეს, ან (გ) ასორტირებული კანის დარღვევები, მათ შორის სხვადასხვა სახის გამონაყარი, ქავილი, ჭინჭრის გამონაყარი, პურპურა, ანგიოშეშუპება და უფრო იშვიათად ექსფოლიაციური და ბულოზური დერმატოზები (მათ შორის ეპიდერმული ნეკროლიზი და მრავალფორმული ერითემა).
კარდიოვასკულარული და ცერებროვასკულარული:
შეშუპება, ჰიპერტენზია და გულის უკმარისობა აღინიშნაანთების საწინააღმდეგო არასტეროიდული საშუალებებით მკურნალობასთან დაკავშირებით.
კლინიკური ცდები და ეპიდემიოლოგიური მონაცემები აჩვენებს, რომ ზოგიერთი ანთების საწინააღმდეგო არასტეროიდული საშუალების გამოყენება (განსაკუთრებით მაღალი დოზებით და ხანგრძლივად) შეიძლება ასოცირებული იყოს არტერიული თრომბული მოვლენების მომატებულ რისკთან (მაგ მიოკარდიუმის ინფარქტი ან ინსულტი) (იხ. პუნქტი „გაფრთხილებები/სიფრთხილის ზომები”).
თირკმელი:
ნეფროტოქსიკურობა სხვადასხვა ფორმის, მათ შორის ინტერსტიციალური ნეფრიტი, ნეფროზული სინდრომი და თირკმლის უკმარისობა.
ღვიძლი: ღვიძლის ფუნქციის დარღვევა, ჰეპატიტი და სიყვითლე.
ნევროლოგიური და გრძნობის ორგანოების მხრივ: მხედველობის მხრივ დარღვევები, ოპტიკური ნევრიტი, თავის ტკივილი, პარესთეზია, ასეპტიკური მენინგიტის (განსაკუთრებით აუტო-იმუნური დარღვევებისას, როგორიცაა სისტემური წითელი მგლურა, შემაერთებელი ქსოვილების შერეული დაავადება), ისეთი სიმპტომებით, როგორიცაა კისრის გაშეშება, თავის ტკივილი, გულისრევა, ღებინება, ცხელება ან დეზორიენტაცია (იხ. პუნქტი „გაფრთხილებები/სიფრთხილის ზომები”), დეპრესია, გონების არევა, ჰალუცინაციები, ტინიტი, ვერტიგო, თავბრუსხვევა, შეუძლოდ ყოფნა, დაღლილობა და ძილიანობა.
ჰემატოლოგიური:
თრომბოციტოპენია, ნეიტროპენია, აგრანულოციტოზი, აპლასტური ანემია და ჰემოლიზური ანემია.
დერმატოლოგიური:
ბულოზური რეაქციები, მათ შორის სტივენს-ჯონსონის სინდრომი და ტოქსიკური ეპიდერმული ნეკროლიზი (ძალიან იშვიათად). ფოტომგრძნობელობა.
ნებისმიერი არასასურველი ეფექტის გამოვლენისას კონსულტაციისათვის მიმართეთ ექიმს.
ურთიერთქმედება სხვა სამკურნალო საშუალებებთან
ვინაიდან ეტოდინი SR ფართოდ უკავშირდება ცილებს, შეიძლება საჭირო გახდეს სხვა ისეთი პრეპარატების დოზის შემცირება, რომლებიც ასევე მაღალი ხარისხით უკავშირდება ცილებს.
სხვა ანალგეზიური საშუალებები, მათ შორის ციკლოოქსიგენაზა-2-ის სელექციური ინჰიბიტორი: მოერიდეთ ორი ან მეტი ანთების საწინააღმდეგო არასტეროიდული საშუალების (ასპირინის ჩათვლით) ერთდროულად გამოყენებას, ვინაიდან ამან შეიძლება გაზარდოს არასასურველი ეფექტების რისკი (იხ. გაფრთხილებები/სიფრთხილის ზომები).
ანტიჰიპერტენზიული საშუალებები:
დაქვეითებული ანტიჰიპერტენზიული მოქმედება.
დიურეტიკები: დაქვეითებული დიურეზული ეფექტი. დიურეტიკებმა შეიძლება გაზარდოს ანთების საწინააღმდეგო არასტეროიდული საშუალებების ნეფროტოქსიკურობა.
საგულეგლიკოზიდები: ანთების საწინააღმდეგო არასტეროიდული საშუალებების გამოყენებამ შეიძლება გაამწვავოს გულის უკმარისობა, დააქვეითოს GFR და გაზარდოს პლაზმაში გლიკოზიდის დონე.
ლითიუმი: ლითიუმის დაქვეითებული ელიმინაცია.
მეთოტრექსატი: მეთოტრექსატის დაქვეითებული ელიმინაცია.
ციკლოსპორინი: ნეფროტოქსიკურობის მომატებული რისკი.
ანტიკოაგულანტები: ანთების საწინააღმდეგო არასტეროიდული საშუალებების გამოყენებამ შეიძლება გააძლიეროს ანტიკოაგულანტების ეფექტები, როგორიცაა ვარფარინი (იხ. „აფრთხილებები/სიფრთხილის ზომები”).
ანტითრომბოციტული საშუალებები და სეროტონინის უკუმიტაცების სელექციური ინჰიბიტორები: კუჭ-ნაწლავის სისხლდენის მომატებული რისკი (იხ. პუნქტი „გაფრთხილებები/სიფრთხილის ზომები”).
ტაკროლიმუსი: ანთების საწინააღმდეგო არასტეროიდული საშუალებების ტაკროლიმუსთან ერთად გამოყენებისას აღინიშნება ნეფროტოქსიკურობის შესაძლო მომატებული რისკი.
ზიდოვუდინი: ანთების საწინააღმდეგო არასტეროიდული საშუალებების ზიდოვუდინთან ერთად გამოყენებისას არსებობს ჰემატოლოგიური ტოქსიკურობის მომატებული რისკი. არსებობს ჰემართროზისა და ჰემატომას მომატებული რისკი აივ (+) ჰემოფილაკებში, რომლებიც იღებენ იმავდროულად ზიდოვუდინსა და იბუპროფენს.
ბილირუბინის ტესტებმა შეიძლება გამოავლინოს ცრუ დადებითი შედეგი შარდში ეტოდინი ფენოლური მეტაბოლიტების არსებობის გამო.
მიფეპრისტონი:
ანთების საწინააღმდეგო არასტეროიდული საშუალებები არ გამოიყენება მიფეპრისტონის მიღებიდან 8-12 დღის განმავლობაში, ვინაიდან ანთების საწინააღმდეგო არასტეროიდულმა საშუალებებმა შეიძლება დააქვეითოს მიფეპრისტონის ეფექტი.
კორტიკოსტეროიდები:
კუჭ-ნაწლავის წყლულის ან სისხლდენის მომატებული რისკი (იხ. პუნქტი „გაფრთხილებები/სიფრთხილის ზომები”).
ქინოლონის რიგის ანტიბაქტერიული საშუალებები: ცხოველებში არსებული მონაცემები აჩვენებს, რომ ანთების საწინააღმდეგო არასტეროიდული საშუალებების გამოყენებამ შეიძლება გაზარდოს ქინოლონურ ანტიბაქტერიულ საშუალებებთან ასოცირებული კონვულსიების რისკი. იმ პაციენტებში, რომლებიც იღებენ ანთების საწინააღმდეგო არასტეროიდულ საშუალებებს და ქინოლონებს, მომატებულია კონვულსიების განვითარების რისკი.
დოზირება და მიღების წესი
მიიღება პერორალური გზით.
სასურველია მიიღოთ საკვებთან ერთან ან ჭამის შემდეგ.
არასასურველი ეფექტების შემცირება შეიძლება სიმპტომების საკონტროლოდ ყველაზე დაბალი ეფექტური დოზის გამოყენებით (იხ. პუნქტი „გაფრთხილებები/სიფრთხილის ზომები”).
მოზრდილები:
ეტოდინი SR ტაბლეტები 600 მგ.
ერთი ტაბლეტი ყოველ დღე, უნდა გადაიყლაპოს სავსე ჭიქა წყლის მიყოლებით.
დღეში 600 მგ-ზე მაღალი დოზების უსაფრთხოება დადგენილი არ არის.
არ გამოვლენილა ტოლერანტობის ან ტაქიფილაქსიის განვითარება.
ხანდაზმულები:
ზოგადად, საჭირო არ არის ხანდაზმულებში საწყისი დოზის შეცვლა (იხ. პუნქტი „სიფრთხილის ზომები”).
ხანდაზმულები იმყოფებიან არასასურველი რეაქციებით გამოწვეული სერიოზული შედეგების მომატებული რისკის ქვეშ. თუ აუცილებელია ანთების საწინააღმდეგო არასტეროიდული საშუალების მიღება, გამოყენებული უნდა იყოს ყველაზე დაბალი ეფექტური დოზა და უმცირესი პერიოდით. ანთების საწინააღმდეგო არასტეროიდული საშუალებებით თერაპიისას აუცილებელია პაციენტების რეგულარული მონიტორინგი კუჭ-ნაწლავიდან სისხლდენაზე.
ბავშვები
რეკომენდებული არ არის.
ჭარბი დოზა
სიმპტომები
სიმპტომები მოიცავს თავის ტკივილს, გულისრევას, ღებინებას, ეპიგასტრიულ ტკივილს, კუჭ-ნაწლავურ სისხლდენას, იშვიათად, დიარეას, დეზორიენტაციას, აგზნებას, კომას, ძილიანობას, თავბრუსხვევას, ტინიტს, გონების დაკარგვას, ზოგჯერ, კონვულსიებს. სერიოზული მოწამვლისას შეიძლება აღინიშნოს თირკმლის მწვავე უკმარისობა და ღვიძლის დაზიანება.
თერაპიული ზომები
აუცილებელია პაციენტთა სიმპტომურად მკურნალობა, საჭიროების მიხედვით.
პოტენციურად ტოქსიკური რაოდენობის მიღებიდან ერთ საათში, განხილული უნდა იყოს გააქტივებული ნახშირის მიღება. ალტერნატიულად, მოზრდილებში, კუჭის გამორეცხვა უნდა ჩატარდეს პოტენციურად სიცოცხლისათვის საშიში ჭარბი დოზის მიღებიდან ერთ საათში.
უზრუნველყოფილი უნდა იყოს კარგი შარდვა.
აუცილებელია თირკმლისა და ღვიძლის ფუნქციის გულდასმითი მონიტორინგი.
აუცილებელია პაციენტებზე დაკვირვება პოტენციურად ტოქსიკური რაოდენობის მიღებიდან მინიმუმ ოთხი საათის განმავლობაში. ხშირი ან ხანგრძლივი კონვულსიების მკურნალობა უნდა მოხდეს ვენებში დიაზეპამის შეყვანით.
სხვა ზომები მიიღება პაციენტის კლინიკური მდგომარეობის მიხედვით.
სტანდარტულად, უნდა ჩატარდეს კუჭის გამორეცხვა, გააქტივებული ნახშირის მიღება და ზოგადი დამხმარე თერაპია.
შენახვის პირობები
ინახება 25°C-მდე, საკუთარ შეფუთვაში.
შეინახეთ ბავშვებისაგან მიუწვდომელ ადგილას.
შეფუთვა
ეტოდინი SR 600 მგ ტაბლეტები; ბლისტერში 14 გახანგრძლივებული გამოთავისუფლების ტაბლეტები.
შენახვის ვადა
2 წელი.
გაცემის რეჟიმი
ფარმაცევტული პროდუქტის ჯგუფი III, გაიცემა რეცეპტის გარეშე.
ლიცენზიის მფლობელი
NOBEL ILAჩ შANAYII ვ თIჩAღEთ A.შ.
სტამბული, თურქეთი
მწარმოებელი
NOBEL ILAC SANAYII v TICARET A.S.
დუზჯე/თურქეთი.