არტოქსანი 1% 45გ ჟელე

27.99 ლარი

ფარმაკოლოგიური ჯგუფი: არასტეროიდული ანთების საწინააღმდეგო პრეპარატები

ქვეყანა: თურქეთი

მწარმოებელი: ვოლდ მედიცინ ილაჩ სან ვე

ჯენერიკი - შეადარეთ ანალოგები: ტენოქსიკამი

გაცემის ფორმა: III ჯგუფი ურეცეპტო

კოდი: 72692

გააზიარე:

შეუკვეთე

ანოტაცია
სად შევიძინო

არტოქსანი გელი 1% 45გ

წამლისფორმა: 1% გელი.

აღწერა: გამჭვირვალე, სუსტად მოყვითალო ელფერის გელი, ერთგვაროვანი, სპირტის სუსტი სუნით.

შემადგენლობა

გელის 1 გ შეიცავს აქტიური ნივთიერებას ტენოქსიკამი 10 მგ.

დამხმარე ნივთიერებები: კარბომერი, 96% ეთანოლი, ტრიეთანოლამინი, გასუფთავებული წყალი.

პრეპარატისათქკოდი: М01АС02.

ფარმაკოთერაპიულიჯგუფი

არასტეროიდული ანთებისსაწინააღმდეგო საშუალებები გარეგანი გამოყენებისათვის.

ფარმაკოლოგიურითვისებები

ფარმაკოდინამიკა

არტოქსანი – არასტეროიდული ანთებისსაწინააღმდეგო საშუალება გარეგანი გამოყენებისათვის. ახდენს გამოხატულ და ხანგრძლივ ანთებისსაწინააღმდეგო და ანალგეზიურ მოქმედებას. მოქმედების მექანიზმი დაკავშირებულია ცოგ-1 და ცოგ-2 არასელექტიურ დათრგუნვასთან, არაქიდონის მჟავას მეტაბოლიზმის დარღვევასა და ანთების კერაში პროსტაგლანდინების ბიოსინთეზის შეფერხებასთან.

ანთებისსაწინააღმდეგო ეფექტი განპირობებულია კაპილარების განვლადობის შემცირებით (ზღუდავს ექსუდაციას), ლიზოსომური მემბრანების სტაბილიზაციით (ხელს უშლის ლიზოსომების ფერმენტების გამოსვლას, რომლებიც აზიანებენ ქსოვილებს), ანთების მედიატორების (პროსტაგლანდინების, ჰისტამინის, ბრადიკინინის, ლიმფოციტების, კომპლემენტის ფაქტორების) სინთეზის დათრგუნვით ან ინაქტივაციით. ტენოქსიკამი ანთების კერაში ამცირებს თავისუფალი რადიკალების რაოდენობას, თრგუნავს ქემოტაქსისს და ფაგოციტოზს. ამუხრუჭებს ანთების პროლიფერაციულ ფაზას, ამცირებს ქსოვილების ანთებით სკლეროზირებას; ახდენს ქონდროპროტექტორულ მოქმედებას.

პრეპარატი ამცირებს ტკივილის სინდრომის ინტენსივობას, დილის შებოჭილობას, აუმჯობესებს სახსრების ფუნქციას და ზრდის მოძრაობის დიაპაზონს. ხანგრძლივი გამოყენებისას, ახდენს მადესენსიბილიზირებელ მოქმედებას.

ფარმაკოკინეტიკა

პრეპარატს გააჩნია ხანგრძლივი ნახევარგამოყოფის პერიოდი – 60-75 საათი. ადვილად გადის ჰისტოჰემატურ ბარიერებს, კარგად აღწევს სინოვიურ სითხეში. კანით რეზორბირებული ტენოქსიკამის რაოდენობა პროპორციულია ფართობის, რომელზეც ის დაიტანება, ასევე დამოკიდებულია პრეპარატის სუმარულ დოზაზე და კანის ჰიდრატაციის ხარისხზე. მეტაბოლიზმი ხორციელდება უმთავრესად ჰიდროქსილირების გზით. მეტაბოლიტების ძირითადი ნაწილი გამოიყოფა შარდით, არააქტიური მეტაბოლიტების სახით, დანარჩენი ნაწილი – ნაღველით.

მიღებისჩვენებები

არტოქსანის გელი განკუთვნილია ტკივილის სინდრომის სამკურნალოდ, რომელიც დაკავშირებულია კუნთების და სახსრების შემდეგ დაავადებებთან:

- რევმატოიდული ართრიტი, ოსტეოართროზი, რადიკულიტი, ლუმბაგო, იშიაზი;

- რბილი ქსოვილების რევმატული დაავადებები (ტენდოვაგინიტი, ბურსიტი, პერიარტიკულური ქსოვილების დაზიანება და ა.შ.);

- რბილი ქსოვილების და სახსრების პოსტტრავმული ანთება (დაჭიმვის, გადაძაბვის და დაზიანების შედეგად).

მიღებისწესიდადოზები

არტოქსანი გელი გამოიყენება გარეგანი საშუალების სახით, 1-2 ჯერ დღე-ღამეში. დაახლოებით 2-5 სმ (1-2 გ) სიგრძის გელის ზოლი დაიტანება კანზე და მსუბუქად შეიზილება.

პრეპარატის გამოყენების შემდეგ, აუცილებელია ხელების დაბანა.

მკურნალობის ხანგრძლივობა დამოკიდებულია ჩვენებებსა და თერაპიის ეფექტურობაზე. პრეპარატის გამოყენებიდან 2 კვირის შემდეგ, საჭიროა ექიმის კონსულტაცია მკურნალობის გაგრძელების მიზანშეწონილობასთან დაკავშირებით.

პრეპარატი არ უნდა გამოიყენოთ ზედიზედ 14 დღეზე მეტი ხნის განმავლობაში რბილი ქსოვილების დაზიანებისას, ან რბილი ქსოვილების რევმატიული დაავადებებისას და 21 დღეზე მეტი ხნის განმავლობაში – ართრიტით განპირობებული ტკივილის შემთხვევაში (თუ ექიმმა არ დაგინიშნათ მკურნალობის სხვა სქემა). თუ 7 დღის განმავლობაში არ აღინიშნება დადებითი კლინიკური დინამიკა, ან მდგომარეობა უარესდება, აუცილებელია მიმართოთ ექიმს.

უკუჩვენებები

- მომატებული მგრძნობელობა პრეპარატის კომპონენტების, აცეტილსალიცილის მჟავას ან სხვა აასს მიმართ;

- კანის საფარველის მთლიანობის დარღვევა;

- ორსულობის III ტრიმესტრი;

- 12 წლამდე ბავშვთა ასაკი.

გვერდითიმოვლენები

არტოქსანის გელი იშვიათად იწვევს გვერდით რეაქციებს. ზოგჯერ გელის დატანის ადგილას ჩნდება გაწითლება, ქავილი, ან წვის შეგრძნება.

ძალიან იშვიათად აღინიშნება ჰიპერმგრძნობელობის რეაქციები (გამონაყარი, ჭინჭრის ციება, ბრონქული ასთმა, ანგიონევროზული შეშუპება).

განსაკუთრებულიმითითებები

არტოქსანი გელი უნდა დაიტანოთ მხოლოდ დაუზიანებელ კანზე, თავი უნდა აარიდოთ ღია ჭრილობებში მის მოხვედრას. წასმის შემდეგ, არ უნდა დაიდოთ ოკლუზიური ნახვევი. დაუშვებელია პრეპარატის მოხვედრა თვალებსა და ლორწოვან გარსებზე.

არტოქსანი სიფრთხილით ინიშნება ღვიძლის პორფირიისას (გამწვავების ფაზაში), კუჭ-ნაწლავის ტრაქტის ეროზიულ-წყლულოვანი დაზიანებებისას, ღვიძლის და თირკმლის ფუნქციის მძიმე დარღვევისას, გულის ქრონიკული უკმარისობის, ბრონქული ასთმისას, ხანდაზმული ასაკის პაციენტებში.

გავლენა ავტოტრანსპორტის და მექანიზმების მართვის უნარზე

არტოქსანი არ ახდენს გავლენას ავტომობილის მართვასა და ისეთი სამუშაოს შესრულებაზე, რომელიც საჭიროებს ფსიქომოტორული რეაქციების სისწრაფეს.

გამოყენებაორსულობისდალაქტაციისპერიოდში

ორსულ და მეძუძურ ქალებში არტოქსანის გელის გამოყენება რეკომენდებული არ არის, ამ კატეგორიის პირებში გამოყენების შესახებ საკმარისი მონაცემების არარსებობის გამო.

გამოყენებაპედიატრიაში

პრეპარატი არ გამოიყენება 12 წლამდე ასაკის ბავშვებში.

ურთიერთქმედებასხვასამკურნალოსაშუალებებთან

ურთიერთქმედების განვითარების ალბათობა უმნიშვნელოა, რადგან გარეგანი გამოყენებისას, ტენოქსიკამის სისტემური აბსორბცია დიდი არ არის. პრეპარატი სიფრთხილით უნდა გამოიყენოთ სხვა აასს ერთად. არტოქსანის გელი არ უნდა გამოიყენოთ ადგილობრივ კოსმეტიკურ საშუალებებთან ერთად.

დოზისგადაჭარბება

დოზის გადაჭარბება ნაკლებსავარაუდოა. შიგნით შემთხვევით გამოყენებისას, პრეპარატმა შეიძლება გამოიწვიოს გვერდითი ეფექტები, რომელიც ტენოქსიკამის პერორალური ფორმებისათვისაა დამახასიათებელი. სისტემური გვერდითი ეფექტების განვითარების შემთხვევაში, რეკომენდებულია კუჭის ამორეცხვა და ადსორბენტის მიღება. მკურნალობა სიმპტომურია.

გამოშვებისფორმა

45 გ გელი ალუმინის ტუბში.

1 ალუმინის ტუბი დანართ ფურცელთან ერთად მოთავსებულია მუყაოს კოლოფში.

შენახვისპირობები

ინახება არაუმეტეს 25°С ტემპერატურის პირობებში.

ინახება ბავშვებისთვის მიუწვდომელ ადგილას!

ვარგისობისვადა

3 წელი წარმოების თარიღიდან.

არ გამოიყენოთ ვარგისობის ვადის გასვლის შემდეგ.

აფთიაქიდანგაცემისპირობები

ფარმაცევტული პროდუქტის ჯგუფი III, გაიცემა რეცეპტის გარეშე.

საიტზე მითითებული მარაგების შესახებ ინფორმაცია ცვალებადია, რეკომენდებულია ისარგებლოთ ონლაინ აფთიაქით

თბილისი (140 აფთიაქი)

მთაწმინდა (7 აფთიაქი)

ავერსი 1