გლიცინი 0.1გ #50ტ

2.23 ლარი

ფარმაკოლოგიური ჯგუფი: სედატიური პრეპარატები, ნოოტროპები (ნეირომეტაბოლური სტიმულატორები)

ქვეყანა: რუსეთი

მწარმოებელი: ბიოტიკი

ჯენერიკი - შეადარეთ ანალოგები: გლიცინი

გაცემის ფორმა: III ჯგუფი ურეცეპტო

კოდი: 7138

გააზიარე:

შეუკვეთე

ანოტაცია
სად შევიძინო

გლიცინი

Glycine

სავაჭრო დასახელება: გლიცინი.

საერთაშორისო არადაპატენტებული დასახელება: გლიცინი.

სამკურნალწამლო ფორმა: ენისქვეშ მისაღები ტაბლეტები.

შემადგენლობა

ერთი ტაბლეტის შემცველობაა:

მიკროკაფსულირებული გლიცინი (მოქმედ ნივთიერება გლიცინზე – 100მგ გაანგარიშებით),

დამხმარე ნივთიერებები: მეთილცელულოზა – 1მგ, მაგნიუმის სტეარატი – 1მგ.

აღწერილობა

თეთრი ან თითქმის თეთრი ფერის, ბრტყელცილინდრული ტაბლეტები, მარმარილოსებრი ელემენტებით, წაკვეთილი კიდეებით და ნაჭდევით.

ფარმაკოთერაპიული ჯგუფი: მეტაბოლური საშუალება.

ათქ კოდი: N06BX.

ფარმაკოლოგიური თვისებები

ფარმაკოდინამიკა

გლიცინი – ამინომჟავა და თავის ტვინის ერთ-ერთი მთავარი დამამუხრუჭებელი ნეირომედიატორია. გლიცინი ახდენს ცენტრალური ნერვული სისტემის დამცველობითი დამამუხრუჭებელი პროცესების ნორმალიზაციას და აქტივაციას, ამცირებს ფსიქოემოციურ დაძაბულობას, ზრდის გონებრივ შრომისუნარიანობას.

გლიცინს გააჩნია გლიცინ- და გაემ-ერგული, ალფა1-ადრენომაბლოკირებელი მოქმედება, არეგულირებს გლუტამატური (NMDA) რეცეპტორების მოქმედებას.

პრეპარატს გააჩნია შემდეგი თვისებები:

• ამცირებს ფსიქოემოციურ დაძაბულობას, აგრესიულობას, კონფლიქტურობას, ზრდის სოციალურ ადაპტაციას;

• აუმჯობესებს განწყობას;

• აადვილებს დაძინების პროცესს და ახდენს ძილის ნორმალიზაციას;

• ზრდის გონებრივ შრომისუნარიანობას;

• ამცირებს ვეგეტო-სისხლძარღვოვან დარღვევებს (მათ შორის კლიმაქტერულ პერიოდში);

• ამცირებს ალოკოჰოლის ტოქსიკურ და ცნს-ის ფუნქციის დამთრგუნველი სხვა სამკურნალო საშუალებების მოქმედებას.

ფარმაკოკინეტიკა

ადვილად აღწევს ბიოლოგიური სითხეების და ქსოვილების უმეტესობაში, მათ შორის თავის ტვინში; მეტაბოლიზდება წყლამდე და ნახშირორჟანგამდე. ქსოვილებში მისი დაგროვება არ ხდება.

მიღების ჩვენებები

• გონებრივი შრომისუნარიანობის დაქვეითება;

• სტრესული სიტუაციები – ფსიქოემოციური დაძაბულობა (გამოცდების პერიოდში, კონფლიქტურ და სხვა მგავს სიტუაციებში);

• ბავშვების და მოზარდების ქცევის დევიანტური (ნორმიდან გადახრილი) ფორმები;

• ნერვული სისტემის სხვადასხვა ფუნქციური და ორგანული დაავადებები, რომლებსაც ახლავს აგზნებადობის მომატება, ემოციური არასტაბილურობა, გონებრივი შრომისუნარიანობის შემცირება და ძილის დარღვევა: ნევროზები, ნევროზის მსგავსი მდგომარეობები და ვეგეტო-სისხლძაღვოვანი დისტონია, სტრესული ნერვული დარღვევები, ნეიროინფექციის და ქალა-ტვინის ტრავმის შედეგები, ენცეფალოპათიის პერინატალური და სხვა ფორმები (მათ შორის ალკოჰოლური გენეზის).

უკუჩვენებები

ინდივიდუალური ჰიპერმგრძნობელობა გლიცინზე ან პრეპარატის სხვა კომპონენტებზე.

უსაფრთოების ზომები გამოყენებისას

უსაფრთხოების სპეციალურ ზომებს არ საჭიროებს.

გამოყენება ორსულობის დროს და ლაქტაციის პერიოდში

არასაკმარისი მონაცემების გამო გლიცინის დანიშნვა ორსულობის დროს და ლაქტაციის პერიოდში რეკომენდებული არ არის.

გამოყენების მეთოდი და დოზირება

გლიცინი გამოიყენება სუბლინგვალურად ან ტრანსბუკალურად, 100მგ (ტაბლეტების ან მისი დაფხვნით მიღებული ფხვნილის სახით): მოზრდილებში, მოზარდებში და სამ წელზე უფროსი ასაკის ბავშვებში 1 ტაბლეტი (100მგ), სამ წელზე უმცროსი ასაკის ბავშვებში 0.5 ტაბლეტი (50მგ).

პრაქტიკულად ჯანმრთელ ბავშვებს, მოზარდებს და მოზრდილებს ფსიქოემოციური გადაძაბვისას, მეხსიერების, ყურადღების, გონებრივი შრომისუნარიანობის დაქვეითებისას, გონებრივი განვითარების ჩამორჩენისას, ქცევის დევიანტური ფორმებისას, გლიცინი ენიშნება: დღეში 2-3-ჯერ, 14-30 დღის განმავლობაში.

ნერვული სისტემის ფუნქციური და ორგანული დაზიანებისას, რასაც თან ახლავს მომატებული აგზნებადობა, ემოციური ლაბილობა და ძილის დარღვევა:

- სამ წლამდე ასაკის ბავშვებში: დღეში 2-3-ჯერ, 7-14 დღის განმავლობაში, შემდეგში - დღეში ერთხელ, 7-10 დღის განმავლობაში, დღიური დოზა – 100-150მგ, კურსი – 2000-2600მგ;

- სამ წელზე უფროსი ასაკის ბავშვებს და მოზარდებს და მოზრდილებს ენიშნებათ დღეში 2-3-ჯერ, 7-14 დღის განმავლობაში, დღიური დოზა – 200-300მგ, კურსი – 2800-4200მგ;

ექიმის რეკომენდაციით მკურნალობის კურსი შეიძლება გაიზარდოს 30 დღემდე, აუცილებლობის შემთხვევაში შეიძლება მისი გამეორება 30 დღის შემდეგ.

ძილის დარვევებისას: დაძინებამდე 20 წუთით ადრე ან უშუალოდ ძილის წინ, 0,5-1 ტაბლეტი (ასაკიდან გამომდინარე).

ნარკოლოგიაში გლიცინი გამოიყენება გონებრივი შრომისუნარიანობის გამზრდელი და ენცეფალოპათიური მოვლენების, ცენტრალური და პერიფერიული ნერვული სისტემის ორგანული დაზიანების რემისიის პერიოდში ფსიქო-ემოციური დაძაბულობის შემამცირებელი საშუალების სახით: 1 ტაბლეტი დღეში 2-3-ჯერ 14-30 დღის განმავლობაში. აუცილებლობისას კურსებს იმეორებენ, წელიწადში 4-6-ჯერ.

ჭარბი დოზირება

ჭარბი დოზირების შემთხვევები გამოვლენილი არ არის.

განსაკუთრებული მითითებები

პაციენტებში, არტერიული ჰიპერტენზიის მიმართ მიდრეკილებით, პრეპარატი გამოიყენება არტერიული წნევის კონტროლით და აუცილებლობისას ხდება დოზის კორექცია (შემცირება). არტერიული წნევის ჩვეულ დონეზე მეტად შემცირებისას მიღება წყდება.

პრეპარატის შესაძლო გავლენა სატრანსპორტო საშუალებების და პოტენციურად სახიფათო სხვა მექანიზმების მართვაზე

გავლენას არ ახდენს.

გვერდითი მოქმედება

შესაძლებელია ალერგიული რეაქციები.

ურთიერთქმედება სხვა სამკურნალო საშუალებებთან

ამცირებს ანტიფსიქოზური (ნეიროლეფსიური), ანქსიოლიზური საშუალებების, ანტიდეპრესანტების, საძილე და კრუნჩხვის საწინააღმდეგო საშუალებების გვერდითი ეფექტების გამოხატულებას.

გამოშვების ფორმა

სუბლინგვალური ტაბლეტები 100მგ. 50 ტაბლეტი პოლივინილქლორიდის აპკის და ალუმინის ფოლგის კონტურულ-უჯრედულ შეფუთვაში. 1 კონტურულ-უჯრედული შეფუთვა გამოყენების ინსტრუქციასთან ერთად მოთავსებულია მუყაოს კოლოფში.

შენახვის პირობები

ინახება არა უმეტეს 25°C ტემპერატურაზე, ორიგინალურ შეფუთვაში.

ინახება ბავშვებისთვის მიუწვდომელ ადგილზე.

ვარგისობის ვადა: 3 წელი.

არ გამოიყენება ვარგისობის ვადის ამოწურვის შემდეგ.

გაცემის წესი

ფარმაცევტული პროდუქტის ჯგუფი III ჯგუფი, გაიცემა რეცეპტის გარეშე

მწარმოებელი

ООО «Медицинский научно-производственный комплекс «БИОТИКИ».

Россия, 115404, г. Москва, ул. 6-я Радиальная, д. 24, стр. 14.

ტელ.: +7(495)327-86-30.

საიტზე მითითებული მარაგების შესახებ ინფორმაცია ცვალებადია, რეკომენდებულია ისარგებლოთ ონლაინ აფთიაქით