პროგესტი 200მგ #15კაფს

პროგესტ 200

მიკრონიზებული პროგესტერონი

შემადგენლობა

თითოეული რბილი კაფსულა შეიცავს: 200მგ მიკრონიზებულ პროგესტერონს. დამხმარე ნივთიერებები: არაქისის ზეთი 298.00მგ; სოიოს ლეიციტინი 2მგ. გარსი: ჟელატინი 158.90მგ; გლიცერინი 64.30მგ; ტიტანიუმის დიოქსიდი 1.80მგ.

თერაპიული მოქმედება

პროგესტაგენებით ჩანაცვლებითი თერაპია. ათქ კოდი: G03DA04

ჩვენება

ჩვენება პერორალური გამოყენებისას:

პროგესტერონის უკმარისობა, კერძოდ:

• · პრემენსტრუალური სინდრომი;
• · მენსტრუალური დარღვევები, რომელიც უკავშირდება ოვულაციის დარღვევას ან ანოვულაციას;
• · სარძევე ჯირკვლის კეთილთვისებიანი დაავადება;
• · პრემენოპაუზა;
• · მენოპაუზა (როგორც ესტროგენული თერაპიის საწინააღმდეგო).

შემდეგი ჩვენებების დროს მიზანშეწონილია ვაგინალური რეჟიმი, თუმცა შესაძლებელია პერორალურად მიღებაც:

• · ჩანაცვლებითი თერაპია პროგესტერონის სრული დეფიციტის დროს ოვარიპრივულ (უსაკვერცხო) ქალებში (ოოციტების დონორობა);
• · ლუთეინური ფაზის თერაპიული ჩანაცვლება in vitro ფერტილიზაციის ციკლში;
• · ლუთეინური ფაზის თერაპიული ჩანაცვლება სპონტანური ან ინდუცირებული ციკლის დროს, ჰიპოფერტილობის ან პირველადი ან მეორადი ინფერტილობის დროს;
• · აბორტის საშიშროება ან აბორტის პრევენცია, რომელიც გამოწვეული ლუთეინური უკმარისობით, ორსულობის მე-12 კვირამდე.

პროგესტერონის გამოყენება არ შეიძლება ორსულობის დიაგნოსტირებისათვის.

ფარმაკოლოგიური მოქმედება

პროგესტ 200 არის მიკრონიზებული პროგესტერონის პერორალურად მისაღები ფორმა, რომელიც ქიმიურად არის საკვერცხეების პროგესტერონის იდენტური.

ფარმაკოლოგიური თვისებები

ფარმაკოდინამიური მოქმედება

პროგესტერონი ლიპოფილური ჰორმონია, რომელიც დიფუზირდება უჯრედებში და უკავშირდება სპეციფიკურ რეცეპტორებს. ეს პროცესი მიმდინარეობს ქალის რეპროდუქციულ ტრაქტში, სარძევე ჯირკვლებში, ცენტრალურ ნერვულ სისტემასა და ჰიპოფიზში. ციკლის ლუთეინურ ფაზაში გამონთავისუფლებული პროგესტერონი ხელს უწყობს ენდომეტრიუმის სეკრეციას. ციკლის დასასრულს ჰორმონის დონის მკვეთრი დაქვეითება განაპირობებს მენსტრუაციის დაწყებას.

პროგესტერონი იწვევს ენდოცერვიკალური ჯირკვლების მიერ წებოვანი სეკრეტის გამოყოფას. ეს ჰორმონი მნიშვნელოვანია ორსულობის შენარჩუნებისთვის, ვინაიდან აჩერებს მენსტრუაციას ან ამცირებს საშვილოსნოს კუმშვადობას.

ფარმაკოკინეტიკა

შეწოვა. პერორალურად მიღების შემდეგ, შრატში მაქსიმალური კონცენტრაცია (Cmax) მიიღწევა 3 საათის განმავლობაში.

ქვემოთ მოცემული მონაცემები გვიჩვენებს საშუალო ფარმაკოკინეტიკურ პარამეტრებს ქალებში პოსტმენოპაუზის დროს, ხუთდღიანი მკურნალობის შემდეგ: Cmax 38.1±37.8 ნგ/მლ; მაქსიმალური დრო, როდესაც მიიღწევა Cmax (Tmax) – 2.3±1.4 საათი; ფართობი მრუდის ქვეშ (AUC) – 101.2±66.0 ნგ სთ/მლ.

შრატის კონცენტრაცია არის ხაზოვანი და პროპორციული დოზა არის დღეში 100 მგ-300 მგ დიაპაზონის ფარგლებში პოსტმენოპაუზის მქონე ქალებში.

განაწილება. პროგესტერონი 96-99 %-ით უკავშირდება პლაზმურ ცილებს, განსაკუთრებით ალბუმინს (დაახლოებით 50%-ით), ასევე ტრანსკორტინს (43-48%-ით).

მეტაბოლიზმი. იგი მეტაბოლიზირდება ღვიძლში პრეგნანოდიოლამდე და პრეგნანოლოლამდე. ისინი განიცდიან შემდგომ კონიუგაციას ღვიძლში გლუკურონიდამდე და სულფატებამდე. მეტაბოლიტები გამოიყოფა ნაღველში, სადაც შემდეგ განიცდის დეკონიუგირებას და მეტაბოლიზდება ნაწლავში რედუქციის და სხვა პროცესების საშუალებით.

გამოყოფა. პრეგნანოდიოლის და პრეგნანოლოლის კონიუგატები გამოიყოფა ნაღველით; სადაც შეიძლება გაიაროს ენტეროჰეპტიკური გადამუშავების პროცესი ან გამოიყოს ფეკალიებთან ერთად.

განსაკუთრებული მითითებები. მიკრონიზებული პროგესტერონის ფარმაკოკინეტიკა არ არის შესწავლილი სიმსუქნის ან მცირე წონის შემთხვევაში.

რასა. არ მოიპოვება საკმარისი მონაცემები, რათა შედარდეს ფარმაკოკინეტიკა სხვადასხვა რასობრივ ჯგუფებში.

ღვიძლის უკმარისობა. არ ჩატარებულა კვლევები, სადაც შეფასდებოდა ღვიძლის დაავადებების გავლენა პროგესტერონის მოქმედებაზე. ვინაიდან იგი ფართოდ მეტაბოლიზირდება ღვიძლში, მისი გამოყენება ღვიძლის მწვავე დაზიანების მქონე პაციენტებში უკუნაჩვენებია. ღვიძლის მსუბუქი და ზომიერი დარღვევის მქონე პაციენტებში პრეპარატის მიღება უნდა მოხდეს სიფრთხილით, მეთვალყურეობის ქვეშ.

თირკმელების უკმარისობა. არ ჩატარებულა კვლევები, სადაც შეფასდებოდა თირკმელების დაავადებების გავლენა პროგესტერონის მოქმედებაზე. ვინაიდან მეტაბოლიტები თავდაპირველად გამოიყოფა თირკმელებით, ამიტომ პროგესტ 200-ის გამოყენება უნდა მოხდეს სიფრთხილით და იმ პაციენტების მკაცრი კონტროლით, რომელთაც აქვთ თირკმელების უკმარისობა.

მიღების წესი და დოზირება

დოზა განისაზღვრება ჩვენების მიხედვით და პროგესტ 200 გამოიყენება, როდესაც მიკრონიზებული პროგესტერონის საჭირო დოზა უდრის ან აღემატება 200მგ-ს დღეში. ერთჯერადი დოზა (პერორალური ან ვაგინალური) არ უნდა აღემატებოდეს 200მგ-ს.

- პერორალური მიღება:

მისაღები დოზაა 200-300 მგ დღეში, გაყოფილი ორ დოზად, ერთი დილით და ერთი საღამოს, ძილის წინ.

ლუთეინური ფაზის უკმარისობის დროს (პრემენსტრუალური სინდრომი, სარძევე ჯირკვლის კეთილთვისებიანი დაავადება, არარეგულარული მენსტრუაცია, პრემენოპაუზა), თერაპიული რეჟიმი შეადგენს 200-300მგ-ს დღეში: 200მგ ერთ მიღებად საღამოს, ძილის წინ ან 300მგ გაყოფილი ორ მიღებად (1 კაფსულა პროგესტ 200 და 1 კაფსულა პროგესტი). ჩვეულებრივ ციკლის მე-17 დღიდან 26-ე დღის ჩათვლით, მკურნალობის ხანგრძლივობა ერთ ციკლზე შეადგენს 10 დღეს.

მენოპაუზის პერიოდში, ესტროგენის ჩანაცვლებითი თერაპიისას საშვილოსნოს მქონე ქალებში დამატებით ინიშნება მიკრონიზებული პროგესტერონი 200 მგ დღეში, გაყოფილი ორ 100მგ-იან დოზებად, პროგესტის გამოყენების შემთხვევაში. პროგესტ 200-ის ერთჯერადი დოზა 200 მგ მიიღება საღამის ძილის წინ. ნებისმიერ შემთხვევაში, თვეში 12-14 დღის განმავლობაში, ყოველი მომდევნო თერაპიის ბოლო ორის კვირის განმავლობაში, რომელიც მოყვება ნებისმიერი ალტერნატიული ერთკვირიანი მკურნალობის შეწყვეტას, ჩვეულებრივ თავს იჩენს შეწყვეტით გამოწვეული სისხლდენა.

ზემოთ მოცემული ჩვენებისთვის შეიძლება ვაგინალური ფორმის გამოყენება პერორალური ფორმების დოზებით - ღვიძლის დაზიანებისას, პროგესტერონის გვერდითი მოვლენების გამოვლენისას (ძილიანობა პერორალურად მიღების შემდეგ).

- გამოიყენება ვაგინალურად და საბოლოოდ პერორალურად:

გასათვალისწინებელია, რომ ვაგინალური რეჟიმით გამოყნენებისას კაფსულა/კაფსულები ღრმად უნდა შევიდეს საშოში.

ჩანაცვლებითი თერაპია პროგესტერონის სრული დეფიციტის დროს ოვარიპრივულ (უსაკვერცხო) ქალებში (ოოციტების დონორობა). აღნიშნული დოზირება უნდა გაგრძელდეს ორსულობის მე-12 კვირამდე მაქსიმუმ.

სათანადო ესტროგენული თერაპიის ფონზე ინიშნება 10 მგ პროგესტერონი ციკლის მე-13-14 დღეებში, შემდეგ ციკლის მე-15 დღიდან 25-ე დღემდე 200მგ პროგესტერონი დღეში, გაყოფილი ორ დოზად ერთი დილით და ერთი საღამოს. შემდეგ 26-ე დღიდან ორსულობის გამოვლენამდე დოზა იზრდება მაქსიმუმ 600 მგ-მდე დღეში, გაყოფილი სამ მიღებად. აღნიშნული დოზირება გრძელდება 60 დღემდე და საჭიროებისამებრ, ორსულობის მე-12 კვირამდე.

- ლუთეინური ფაზის შენარჩუნება in vitro ფერტილიზაციის (IVF) დროს. რეკომენდებული დოზა არის 400-600 მგ დღეში, ორ ან სამ მიღებად, ადამიანის ქორიონული გონადოტროპინის (hCG) ინექციის დღიდან ორსულობის მე-12 კვირამდე.

- ლუთეინური ფაზის შენარჩუნება სპონტანური ან ინდუცირებული ციკლის დროს, ან ჰიპოფერტილობის, ან პირველადი ან მეორადი ინფერტილობის დროს, განსაკუთრებით დიზოვულაციისას.

რეკომენდებული დოზაა 200-300 მგ დღეში 1 ან 2 მიღებად, ციკლის მე-17 დღიდან, 10 დღის განმავლობაში. მკურნალობა უნდა განახლდეს სწრაფად და გაგრძელდეს ორსულობის მე-12 კვირამდე.

- აბორტის საშიშროება ან ადრეული აბორტის პრევენცია, რომელიც გამოწვეული ლუთეინური უკმარისობით. რეკომენდებული დოზაა 200-400 მგ დღეში, განაწილებული ორ მიღებად ორსულობის მე-12 კვირამდე მაქსიმუმ.

უკუჩვენებები

ჰიპერმგრძნობელობა პრეპარატის რომელიმე კომპონენტის მიმართ. დაუდგენელი გენეზის გენიტალური სისხლდენა, პორფირია, ოტოსკლეროზი, ღვიძლის მწვავე დაავადება, დეპრესია, გესტაციური ჰერპესი, სარძევე ჯირკვლის და სასქესო ორგანოების დაუდგენელი ან ავთვისებიანი ახალწარმონაქმნები, არასრული აბორტი, გარდაცვლილი და შენარჩუნებული ნაყოფი, თრომბოფლებიტი, ცერებრული ჰემორაგია.

გაფრთხილებები

ადრეული სპონტანური აბორტების ნახევარზე მეტი განპირობებულია გენეტიკური შემთხვევებით.

ამასთანავე, ადრეული აბორტის გამომწვევი შეიძლება იყოს ინფექციური მოვლენები და მექანიკური პრობლემები. ასეთ შემთხვევაში, პროგესტერონის მიღებას ექნება ერთადერთი მოქმედება - შეაფერხოს მკვდარი კვერცხუჯრედების გამოყოფა. იგი არ გამოიყენება კონტრაცეფციის მიზნით.

პროგესტ 200-ის ორსულ ქალებში გამოყენება შეიძლება მხოლოდ ვაგინალურად პირველ კვარტალში, აბორტის საშიშროების ან ადრეული აბორტის პრევენციის მიზნით, რომელიც გამოწვეული ლუთეინური უკმარისობით.

პროგესტ 200 არ გამოიყენება ნაადრევი მშობიარობის პრევენციისთვის, ვინაიდან მიკრონიზებული პროგესტერონის მიღებამ ორსულობის მეორე ან მესამე ტრიმესტრში შეიძლება გამოიწვიოს ქოლესტაზი ფეხმძიმობის დროს ან ჰეპატოცელულური დაავადებები.

მკურნალობის დაწყებამდე, რეკომენდებულია მენჯის გამოკვლევა, მათ შორის საშვილოსნოს ყელის ციტოლოგია (Pap). არადიაგნოზირებული ვაგინალური სისხლდენის დროს მიიღეთ შესაბამისი ზომები.

მოსალოდნელია თრომბოზული დარღვევების ადრეული გამოვლინება (თრომბოფლებიტი, ინსულტი, ფილტვის ემბოლია, ბადურის თრომბოზი).

ასეთ შემთხვევებში მკურნალობა დაუყოვნებლივ უნდა შეწყდეს. ასევე დაუყოვნებლივ უნდა შეწყდეს მკურნალობა, თუ ადგილი აქვს მხედველობის მოულოდნელ, ნაწილობრივ ან სრულ დაკარგვას, გაორებულ ხედვას ან შაკიკს. თუ გამოკვლევა გამოავლენს მხედველობის ნერვის დისკოს შეშუპებას ან ბადურის სისხლძარღვთა დაზიანებას, მაშინ პრეპარატის მიღება უნდა შეწყდეს სამუდამოდ.

გასათვალისწინებელია, რომ მეძუძურ ქალებში ნებისმიერი პრეპარატის გამოყენება უნდა მოხდეს მხოლოდ უკიდურესი საჭიროების შემთხვევაში, ვინაიდან ბევრი პრეპარატის ნივთიერება გამოიყოფა დედის რძეში. დადგენილია, რომ პროგრსტერონის მიმღები ქალების რძეში, იგი გამოიყოფა. მისი ზეგავლენა ბავშვებზე არ არის განსაზღვრული.

ავადობისა და სიკვდილიანობის რეტროსპექტულმა კვლევებმა ბრიტანეთში, და ავადობის კვლევებმა აშშ-ში აჩვენა მნიშვნელოვანი კავშირი თრომბოფლებიტს, ფილტვის ემბოლიას, ცერებრალურ თრომბოზს, ემბოლიას და პერორალური კონტრაცეფტივების გამოყენებას შორის. ამერიკულმა კვლევებმა აჩვენა, რომ რისკი არ ნარჩუნდება პრეპარატის მიღების შეწყვეტის შემდეგ და არც იზრდება დროულად მიღების შემთხვევაში.

სიფრთხილის ზომები

პერორალურად მიღებისას რეკომენდებულია მიკრონიზებული პროგესტერონის მიღება საკვების გარეშე.

ვაგინალური რეჟიმის გამოყენებისას, კაფსულა უნდა მოთავსდეს სასოში ღრმად.

ორსულობის დროს მიღება შეზღუდულია პირველი სამი თვით და ვაგინალური რეჟიმით.

მკურნალობის დაწყებამდე უნდა განხორციელდეს ფიზიკური შემოწმება, განსაკუთრებით მკერდის, სასქესო ორგანოების და საშვილოსნოს ყელის ციტოლოგია.

ვინაიდან, პროგესტერონმა შეიძლება გამოიწვიოს სითხეების შეკავება რაღაც დონით, ამიტომ განსაკუთრებული ყურადღებაა საჭირო იმ მდგომარეობებზე, რაზეც შეიძლება გავლენა მოახდინოს აღნიშნულმა. მაგალითად: ეპილეფსია, შაკიკი, ასთამა გულის ან თირკმელების უკმარისობა.

არარეგულარული ვაგინალური სისხლდენის ყველა შემთხვევაში დასადგენია მიზეზები. ასეთ პაციენტებს უნდა ჩაუტარდეთ შესაბამისი დიაგნოსტირება.

ანამნეზში დეპრესიის მქონე პაციენტები უნდა იყვნენ მონიტორინგის ქვეშ და სიმპტომების ხელახლა წარმოჩენისთანავე შეწყვიტონ მკურნალობა. ხანგრძლივი მკურნალობისას უცნობია პროგესტერონის გავლენა ჰიპოფიზის ფუნქციაზე, საკვერცხეებზე, თირკმელზედა ჯირკვალზე, ღვიძლზე ან საშვილოსნოზე. მიუხედავად იმისა, რომ ესტროგენისა და მიკრონიზებული პროგესტერონის კომბინირებული მიღება არ იწვევს ტოლერანტულობის შემცირებას გლუკოზისადმი, დიაბეტის მქონე პაციენტებზე მაინც საჭიროა საგულდაგულო დაკვირვება.

პათოლოგი უნდა ფლობდეს ინფორმაცია მკურნალობის შესახებ, როდესაც ეგზავნება ნიმუშები ტესტირებისთვის. ვინაიდან ესტროგენ-პროგესტინის კომბინაციის მიმღებ პაციენტებში არის თრომბოზული დარღვევების რისკი, ამიტომ აღნიშნულთან დაკავშირებული ნებისმიერი ადრეული გამოვლენის შემთხვევაში, უნდა მიმართოს ექიმს. ზოგიერთ პაციენტს აღენიშნება თავბრუსხვევა ან ტრანზისტორული ვერტიგო. ამიტომ სიფრთხილეა საჭირო სატრანსპორტო საშუალების მართვისა და მექანიზმებთან მუშაობის დროს. ქალების მცირე რაოდენობას შეიძლება გამოუვლინდეს ძილიანობა, თავბრუსხვევა და ძლიერი ვერტიგო. ასეთი პაციენტებისთვის რეკომენდებულია პრეპარატის მიღება ღამით, ძილის წინ.

ლაბორატორიული ტესტები

ზოგიერთი კლინიკური კვლევის შედეგზე, შესაძლოა იქონიოს ზეგავლენა ესტროგენისა და პროგესტაგენის კომბინირებულმა მიღებამ:

- სულფო-ბრომო-ფთალეინის და ღვიძლის სხვა ფუნქციების გაზრდილი შენარჩუნება;

- კოაგულაციის ტესტი: VII, VIII, IX და X ფაქტორების მომატება;

- მეტაპირონის ტესტი;

- პრეგნანდიოლის განსაზღვრა;

- ფარისებრი ჯირკვლის ფუნქცია: ცილასთან შეკავშირებული იოდის (PBI) ზრდა და ცილასთან შეკავშირებული იოდი. T3 შემცირება;

პაციენტებში, რომლებმაც მიიღეს ხსენებული მიკრონიზებული პროგესტერონი 200 მგ/დღეში დოზით 12 დღის განმავლობაში, 0.625 მგ/დღეში კონიუგირებულ ესტროგენთან კომბინაციით (თითო ციკლზე 28 დღის განმავლობაში), განვითარდა პერორალური გლუკოზის მიმართ ტოლერანტობა, რამაც გამოიწვია პლაზმაში ინსულინის საწყისი დონის შემცირება 2 საათით, მაშინ როცა გლუკოზის დონე შეიცვალა უმნიშვნელოდ. ფიბრინოგენის დონეები დარჩა უცვლელი.

კანცეროგენეზი, მუტაგენეზი, ფერტილობის დარღვევა

პროგესტერონის კანცეროგენობა არ შეფასებულა ცხოველებში პერორალური მიღებისას. იმპლანტანტებმა მდედრ ვირთხებში გამოიწვია ძუძუს კიბო, გრანულოზის უჯრედების სიმსივნე და ენდომეტრიული სარკომა. ძაღლებში გახანგრძლივებულმა ინტრამუსკულურმა ინექციამ გამოიწვია კვანძების ჰიპერპლაზია და ძუძუს ავთვისებიანი და კეთილთვისებიანი სიმსივნეები. პროგესტერონის კანქვეშ ან ინტრამუსკულურმა ინექციამ შეამცირა ლაქტაცია და გაზარდა სარძევე ჯირკვლების სიმსივნეები ვირთხებში, რომლებიც წარსულში მკურნალობდნენ ქიმიური კანცეროგენით.

in vitro პროგესტერონმა არ გამოავლინა მუტაციური გენოტოქსიკურობა ან ქრომოსომული დაზიანება. ქრომოსომული დაზიანების in vivo კვლევებმა თაგვებში აჩვენა დადებითი შედეგი 1000მგ/კგ და 2000მკ/კგ პერორალური დოზის მიღებისას.

პროგესტერონის ეგზოგენურმა მიღებამ აჩვენა ოვულაციის დათრგუნვა რამოდენიმე გზით. მოსალოდნელია, რომ მაღალი დოზების მიღებამ ხანგრძლივი დროით შეამციროს ფერტილობა, სანამ არ შეწყდება თერაპია.

ორსულობა და ლაქტაცია

მრავალრიცხოვანი ეპიდემიოლოგიური კვლევა ჩატარდა ერთ მილიონზე მეტ პაციენტში, რამაც არ გამოავლინა პროგესტერონის კავშირი ნაყოფის ანომალიებთან.

რეპროდუქციული კვლევები ჩატარდა თაგვებში, სადაც მიცემული დოზები 9-ჯერ აჭარბებდა ადამიანის პერორალურ დოზებს, ვირთხებში, სადაც დოზები 44-ჯერ აჭარბებდა პერორალურ დოზებს, კურდღლებში დოზით 10მგ/დღეში, რომელიც თავისუფლდება ადგილობრივად საშვილოსნოს შიგნით, ღორებში - ადამიანის დოზის ნახევარი და მაიმუნებში დაახლოებით იგივე დოზა, როგორიც ადამიანში (ყველა დოზა ითვალისწინებდა სხეულის ზედაპირის ფართობს).

ამ კვლევებმა გამოავლინა ფერტილობის მცირე ან უმნიშვნელო შემცირება ან საფრთხე ნაყოფისთვის.

პედიატრიული გამოყენება

მიკრონიზებული პროგესტერონის ეფექტურობა და უსაფრთხოება პედიატრიულ პაციენტებში დადგენილი არ არის.

ურთიერთქმედება

პროგესტერონის მეტაბოლიზმი ითრგუნება ღვიძლის მიკროსომული ფერმენტებით კეტოკონაზოლთან ერთად მიღებისას. იგი არის ციტოქრომ P450 3A4-ის ცნობილი ინჰიბიტორი, ამიტომ მოსალოდნელია, რომ მან ან ამ ფერმენტის სხვა ცნობილმა ინჰიბიტორმა გაზარდონ პროგესტერონის ბიოშეღწევადობა. აღნიშნული გამოვლენის მოქმედება უცნობია in vitro.

29 მენოპაუზის მქონე ქალში, 12 დღის განმავლობაში კონიუგირებული ესტროგენის მიღებამ მიკრონიზებულ პროგესტერონთან ერთად, გამოიწვია ესტრონისა და ეკვილინის საერთო კონცენტრაციის მომატება და 17-ბეტა-ესტრადიოლის კონცენტრაციის შემცირება.

კონიუგირებული ესტროგენის ნახევარგამოყოფის პერიოდი იყო ისეთივე, როგორიც მიკრონიზებულ პროგესტერონთან ერთად მიღებისას.

გვერდითი მოვლენები

პერორალური:

- ძილიანობა ან ტრანზისტორული თავბრუსხვევა (ვერტიგო) ჩვეულებრივ ვლინდება მიღებიდან 1-3 საათში. ასეთ შემთხვევაში, შეამცირეთ დოზირება ან მიღების დრო: 200 მგ ძილის წინ 10 დღის განმავლობაში თითო ციკლზე ან გამოიყენეთ ვაგინალური რეჟიმი.

- მენსტრუალური ციკლის შემოკლება და მეტრორაგია: ციკლის გადაცილებასთან დაკავშირებით, მკურნალობის დაწყების შეცვლა (მაგალითად, მკურნალობა უნდა დაიწყოს ციკლის მე-19 დღეს, ნაცვლად მე-17 დღისა).

ეს მოვლენები, ასევე მიუთითებენ დოზის გადაჭარბებაზე.

ვაგინალური:

- არ გამოვლენილა ადგილობრივი აუტანლობა (წვა, ქავილი, გამონადენი).

- რეკომენდებული დოზების გამოყენებისას, არ გამოვლენილა ზოგადი გვერდითი მოვლენები, განსაკუთრებით ძილიანობა ან თავბრუსხვევა.

დოზის გადაჭარბება

ზოგიერთ პაციენტში, ჩვეულებრივი დოზა შეიძლება იყოს ჭარბი, პროგესტერონის მუდმივი ან პერიოდული არასტაბილური ენდოგენური სეკრეციის ან პრეპარატის მიმართ მგრძნობელობის გამო.

ასეთ შემთხვევაში უნდა შემცირდეს, როგორც დოზირების რაოდენობა, ასევე ხანგრძლივობა.

თავბრუსხვევის ან ძილიანობის შემთხვევაში, დოზა უნდა შემცირდეს.

არ გამოვლენილა დოზის ისეთი გადაჭარბება, რომელიც არ ექვემდებარება მკურნალობას.

ჭარბი დოზირების შემთხვევაში, მიმართეთ ექიმს დახმარებისთვის ან დაუკავშირდით ინტოქსიკაციის ცენტრს.

შეფუთვის ტიპი

ყოველი შეფუთვა შეიცავს 15 რბილ კაფსულას.

შენახვა და კონსერვაცია

ინახება მშრალ ადგილას 8-20°C ტემპერატურაზე.

გაცემის წესი:

ფარმაცევტული პროდუქტის ჯგუფი II, გაიცემა ფორმა N3 რეცეპტით.

წინამდებარე და ყველა მედიკამენტი ინახება ბავშვებისათვის მიუწვდომელ ადგილას.

„რბილი კაფსულის ზომის და ფერის ცვლილება, არ ცვლის პრეპარატის თერაპიულ მოქმედებას.“

სპეციალობა ნებადართულია ჯანდაცვის სამინისტროს მიერ.

სერტიფიკატის ნომერი: 54.530

ფიეიჩელ ლაბორატორიო ელეა ს.ა.ც.ი.ფ ი ა., სანაბრია #2353-C1417AZE-ავტონომიური ქალაქი ბუენოს-აირესი, არგენტინის რესპუბლიკა

წარმოებულია კატალენტ ფრანს ბეინჰეიმ ს.ა-ს მიერ. პრინციპალეს ქ. 74, ბეინჰეიმი, საფრანგეთი.