გლუკოზა 5% 500მლ ფლ (ლიქვ)

2.28 ლარი

ფარმაკოლოგიური ჯგუფი: დეზინტოქსიკაციისა და რეჰიდრატაციული საშუალებები, სისხლში გლუკოზის კონცენტრაციის ასამაღლებელი საშუალებები, პარენტერალური საშუალებები რეჰიდრატაცისა და დეზინტოქსიკაციისათვის, პარენტერალური გამოყ. დეზინტოქსიკაციური და რეჰიდრატაციული საშუალებები, სისხლში გლუკოზის დონის ასამაღლებელი საშუალებები

ქვეყანა: სომხეთი

მწარმოებელი: ლიქვორი

ჯენერიკი - შეადარეთ ანალოგები: დექსტროზა

გაცემის ფორმა: II ჯგუფი რეცეპტული

კოდი: 7013

გააზიარე:

შეუკვეთე

ანოტაცია
სად შევიძინო

                                                                       გლუკოზა 5%-იანი


სავაჭრო დასახელება: გლუკოზა

სამკურნალო ფორმა: 5% საინფუზიო ხსნარი

შემადგენლობა:
100 მლ ხსნარი შეიცავს:
უწყლო გლუკოზა 5გ
ნატრიუმის ქლორიდი

აღწერილობა:
უფერო, ან მოყვითალო ფერის გამჭვირვალე სითხე.

კლინიკო-ფარმაკოლოგიური ჯგუფი:
ნახშირწყლები

ფარმაკოლოგიური თვისებები
5% გლუკოზის იზოტონური ხსნარი გამოიყენება ორგანიზმის სითხით შესავსებლად. ამის გარდა, იგი წარმოადგენს ადვილად ასათვისებელ მკვებავ ნივთიერებას. გლუკოზის მეტაბოლიზმის დროს გამონთავისუფლდება ენერგიის მნიშვნელოვანი რაოდენობა, რომელიც საჭიროა ორგანიზმის ცხოველმყოფელობისათვის.
გლუკოზის შეყვანის დროს ძლიერდება ჟანგვა-აღდგენითი პროცესები, აქტივირდება გლიკოგენის დაგროვება ღვიძლში, ძლიერდება ტოქსინების ელიმინაცია ორგანიზმიდან და მათი ინაქტივაცია ღვიძლში, ადგილი აქვს გვირგვინოვანი სისხლძარღვების გაგანიერებას და ძლიერდება ნივთიერებათა ცვლის პროცესები მიოკარდიუმში.

ჩვენებები
ნახშირწყლების დეფიციტის აღდგენა ორგანიზმში. დეჰიდრატაცია, რომელიც ვითარდება ღებინების, დიარეის შედეგად და პოსტოპერაციულ პერიოდში. გლუკოზის ხსნარი გამოიყენება ასევე როგორც სხვა პრეპარატების გამხსნელი.

დოზირება და მიღების წესი:
გლუკოზის ხსნარი შეჰყავთ ინტრავენურად წვეთოვანი სახით (150წვეთი/წუთში) 2ლ-მდე დღეღამეში.
დიდი რაოდენობით გლუკოზის იზოტონური ხსნარის შეყვანისას შესაძლებელია ორგანიზმის დეჰიდრატაციის განვითარება წყალ-მარილოვანი ჰომეოსტაზის დარღვევით.

უკუჩვენებები
გლუკოზის მეტაბოლიზმის დარღვევა.

განსაკუთრებული მითითებები
გლუკოზის ათვისების გასაუმჯობესებლად მასთან ერთდროულად ინიშნება: ინსულინი ერთი ერთეული 3-4გ მშრალ გლუკოზაზე, თიამინი, ასკორბინის მჟავა. გლუკოზის ხსნარი მეთილენის ლურჯთან ერთად ინიშნება ციანწყალბადმჟავათი მოწამვლის დროს.
ვინაიდან გლუკოზა წარმოადგენს ძლიერ დამჟანგავს, არ შეიძლება მისი შეყვანა ერთ შპრიცში ჰექსამეთილენტეტრამინთან. არ არის სასურველი მისი შერევა ალკალოიდების ხსნარებთან (ხდება მათი დაშლა), ზოგად საანესთეზიო და საძილე საშუალებებთან (მცირდება მათი აქტივობა) ერთად.
გლუკოზა ასუსტებს ანალგეზიური, ადრენომიმეტური საშუალებების მოქმედებას, იწვევს სტრეპტომიცინის ინაქტივირებას, ამცირებს ნისტატინის ეფექტურობას.

გამოშვების ფორმა
200მლ და 400მლ შუშის ფლაკონები; 250მლ, 500მლ, 1000მლ და 3000მლ პოლიეთილენის პაკეტები.

შენახვის ვადა:
2 წელი
არ შეიძლება ვადაგასული პრეპარატის გამოყენება.

შენახვის პირობები:
პრეპარატი ინახება ოთახის ტემპერატურაზე, სინათლისაგან და ბავშვებისაგან დაცულ ადგილას.

აფთიაქიდან გაცემა: ექიმის რეცეპტით

მწარმოებელი და მისი მისამართი:
ლიქვორი; სომხეთი

საიტზე მითითებული მარაგების შესახებ ინფორმაცია ცვალებადია, რეკომენდებულია ისარგებლოთ ონლაინ აფთიაქით