სტივარგა 40მგ #84ტ

სტივარგა 40 მგ #84 ტაბლეტი

აქტიური ნივთიერება — რეგორაფენიბი / Regorafenib წარმოადგენს ონკოლოგიურ პრეპარატს, რომელიც გამოიყენება ზოგიერთი სახის ავთვისებიანი სიმსივნის (მაგალითად, კოლორექტალური კიბოს, ღვიძლის კიბოს ან გასტროინტესტინური სტრომული სიმსივნეების) სამკურნალოდ, როდესაც წინა თერაპიამ შედეგი არ გამოიღო.

პრეპარატის მიღება უნდა მოხდეს მხოლოდ ონკოლოგის მკაცრი მეთვალყურეობისა და დანიშნულების მიხედვით .

მიღების წესი და დოზირება

• სტანდარტული დოზა : მოზრდილებისთვის რეკომენდებული სადღეღამისო დოზა შეადგენს 160 მგ - ს (4 ტაბლეტი თითო 40 მგ ) , ერთჯერადად დღეში.
• მკურნალობის ციკლი : პრეპარატი მიიღება 21 დღის განმავლობაში (3 კვირა ) ყოველდღიურად , რასაც მოსდევს 7- დღიანი (1 კვირა ) შესვენება . ეს 4-კვირიანი პერიოდი შეადგენს ერთ მკურნალობის ციკლს.
• მიღების წესი : ტაბლეტები უნდა გადაიყლაპოს მთლიანად, წყალთან ერთად, მსუბუქი ( არაციხიმიანი / ნაკლებად ცხიმიანი ) კვების შემდეგ (თავიდან უნდა იქნას აცილებული გრეიპფრუტი და გრეიპფრუტის წვენი).
• გამოტოვებული დოზა : თუ გამოტოვეთ დოზა, მიიღეთ იგი იმავე დღეს, როგორც კი გახსენდებათ. არ მიიღოთ ორმაგი დოზა გამოტოვებულის სანაცვლოდ.

მნიშვნელოვანი გაფრთხილებები და გვერდითი მოვლენები

• ღვიძლის კონტროლი : პრეპარატმა შეიძლება გამოიწვიოს ღვიძლის ფუნქციის სერიოზული დარღვევა, ამიტომ მკურნალობამდე და თერაპიის პროცესში აუცილებელია სისხლის ანალიზების რეგულარული ჩატარება.
• არტერიული წნევა : მკურნალობის პერიოდში იზრდება წნევის მომატების რისკი, საჭიროა წნევის სისტემატური მონიტორინგი.
• სხვა სიმპტომები : შესაძლებელია გამოვლინდეს ხელისგულებისა და ფეხის გულების სიწითლე/შეშუპება (პალმარულ-პლანტარული ერითროდიესთეზია), დაღლილობა, დიარეა, მადის დაკარგვა ან სისხლდენის რისკის მატება.

შენახვის პირობები

• ინახება მშრალ, ბავშვებისთვის მიუწვდომელ ადგილას, ოთახის ტემპერატურაზე (15°C – 25°C).