კალციუმის ფოლინატი 50მგ #1ფლ

გამოყენების ინსტრუქცია

ფურცელი-ჩანართი - ინფორმაცია მომხმარებლისათვის 

კალციუმის ფოლინატი

Calcium folinate

ინტრავენური და ინტრამუსკულარული ხსნარის მოსამზადებელი ლიოფილიზირებული ფხვნილი 50 მგ და 100 მგ მოქმედი ნივთიერება: კალციუმის ფოლინატი

პრეპარატის გამოყენების წინ სრულად გაეცანით ფურცელ-ჩანართს, ვინაიდან ის თქვენთვის მნიშვნელოვან ინფორმაციას შეიცავს.

-        შეინახეთ ფურცელი-ჩანართი. შესაძლებელია მისი კვლავ წაკითხვა დაგჭირდეთ.

-        დამატებითი შეკითხვების არსებობის შემთხვევაში მიმართეთ მკურნალ ექიმს.

-        პრეპარატი დაგინიშნეს პირადად თქვენ. არ შეიძლება მისი სხვისთვის მიცემა. სხვას შეიძლება ზიანი მიაყენოს მაშინაც კი, თუ მისი დაავადების სიმპტომები თქვენის მსგავსია.

-        ნებისმიერი გვერდითი მოვლენის განვითარების შემთხვევაში, მიმართეთ მკურნალ ექიმს. აღნიშნული რეკომენდაცია ვრცელდეს ნებისმიერ შესაძლო გვერდით მოვლენაზე, ჩათვლით მოვლენებისა, რომლებიც არ არის აღწერილი არსებული ფურცელი-ჩანართის ნაწილში 4.

ფურცელი-ჩანართის შინაარსი

1. რას წარმოადგენს პრეპარატი კალციუმის ფოლინატი და რისთვის გამოიყენება
2.  რა უნდა ვიცოდეთ პრეპარატ კალციუმის ფოლინატის გამოყენების დაწყებამდე
3. პრეპარატ კალციუმის ფოლინატის გამოყენება
4. შესაძლო გვერდითი მოვლენები
5. პრეპარატ კალციუმის ფოლინატის შენახვის პირობები
6. შეფუთვა და დამატებითი ინფორმაცია

1. 1.    რას წარმოადგენს პრეპარატი კალციუმის ფოლინატი და რისთვის გამოიყენება

კალციუმის ფოლინატი შედის სამკურნალო საშუალებების ჯგფუში, რომელიც განკუთვნილია ციტოტოქსიური თერაპიის ტოქსიურობის შესამცირებლად.

კალციუმის ფოლინატი გამოიყენება ზოგიერთი პრეპარატის (ფოლიუმის მჟავას ანტაგონისტები) გვერდითი მოვლენების შესამცირებლად ან აღნიშნული პრეპარატებით ჭარბი დოზირების დროს.

კალციუმის ფოლინატი გამოიყენება სიმსივნის საწინააღმდეგო პრეპარატის მეტოტრექსატის ტოქსიკური მოქმედების პრევენეციისათვის (კალციუმის ფოლინატის დაცვითი გამოყენების სქემა).

კალციუმის ფოლინატის შედის კომბინირებული თერაპიის შემადგენლობაში სიმსივნის საწინააღმდეგო პრეპარატ ფტორურაცილთან ერთად.

1. 2.    რა უნდა ვიცოდეთ პრეპარატ კალციუმის ფოლინატის გამოყენების დაწყებამდე

კალციუმის ფოლინატი უკუნაჩვენებია შემდეგი მდგომარეობების დროს:

-        მომატებული მგრძნობელობა კალციუმის ფოლინატის ან პრეპარატში შემავალი ნებისმიერი დამხმარე ნივთიერების მიმართ, რომელიც მოცემულია ნაწილში 6;

-        ანემია, გამოწვეული B12 ვიტამინის უკმარისობით.

თუ არ ხართ დარწმუნებული, არის თუ არა ზემოთ მოცემული თქვენთან კავშირში, პრეპარატ კალციუმის ფოლინატის მიღებამდე მიმართეთ მკურნალ ექიმს.

განსაკუთრებული მითითებანი და უსაფრთხოების ზომები

პრეპარატ კალციუმის ფოლინატის მიღების წინ აცნობეთ მკურნალ ექიმს, თუ გაქვთ:

-        ეპილეფსია;

-        თირკმლის ფუნქციის დარღვევა.

აცნობეთ მკურნალ ექიმს, თუ მკურნალობის მსვლელობისას განვითარდა რომელიმე ქვემოთ აღწერილი მოვლენა:

-        ფაღარათი;

-        წვა პირის ღრში.

კალციუმის ფოლინატისა და 5-ფტორურაცილის კომბინირებული თერაპიის დროს, მკურნალმა ექიმმა შეიძლება მოითხოვოს ანალიზების გაკეთება სისხლში კალციუმის შემადგენლობის განსაზღვრის მიზნით.

თუ არ ხართ დარწმუნებული, არის თუ არა ზემოთ მოცემული თქვენთან კავშირში, პრეპარატ კალციუმის ფოლინატის მიღებამდე მიმართეთ მკურნალ ექიმს.

სხვა პრეპარატები და კალციუმის ფოლინატი

გაიარეთ კონსულტაცია მკურნალ ექიმთან, თუ ღებულობთ, ბოლო დროს ღებულობდით ან გეგმავთ მიიღოთ ნებისმიერი სხვა პრეპარატი. ეს ეხება ნებისმიერ მცენარეულ ან ურეცეპტოდ გასაცემ პრეპარატებს.

აცნობეთ ექიმს, თუ ღებულობთ:

-        ეპილეფსიის სამკურნალო პრეპარატებს;

-        ფტორურაცილს (სიმსივნის საწინააღმდეგო პრეპარატი);

-        კო-ტრიმოქსაზოლს (ანტიბიოტიკი);

-        პირიმეტამინს (მალარიის სამკურნალო პრეპარატი).

თუ არ ხართ დარწმუნებული, არის თუ არა ზემოთ მოცემული თქვენთან კავშირში, პრეპარატ კალციუმის ფოლინატის მიღებამდე მიმართეთ მკურნალ ექიმს კონსულტაციისათვის.

ორსულობა, ძუძუთი კვება და ფერტილობა

თუ ხართ ორსულად ან მეძუძური დედა, გაქვთ ეჭვი ორსულობაზე ან გეგმავთ ორსულობას, პრეპარატით მკურნალობის დაწყებამდე მიმართეთ მკურნალ ექიმს კონსულტაციისათვის. ფოლინის მჟავას მავნე ზემოქმედება ორსულობის დროს დადასტურებული არ არის.

ძუძუთი კვების დროს კალციუმის ფოლინატის გამოყენების მიზანშეწონილობის შესახებ გადაწყვეტილებას იღებს ექიმი.

სატრანსპორტო საშუალებების მართვა და მექანიზმებთან მუშაობა

კალციუმის ფოლინატი არ ახდენს ზეგავლენას სატრანსპორტო საშუალების მართვისა და მექანიზმებთან მუშაობის უნარზე.

მნიშვნელოვანი ინფორმაცია სამკურნალო პრეპარატის დამხმარე კომპონენტების შესახებ

კალციუმის ფოლინატი შეიცავს მეთილპარაჰიდროქსიბენზოატს E218, რომელმაც შეიძლება გამოიწვიოს ალერგიული რეაქციები (დაყოვნებულის ჩათვლით), და იშვიათ შემთხვევებში, ბრონქოსპაზმი.

1. 3.    პრეპარატის გამოყენების წესი

ექიმი შეარჩევს თქვენთვის შესაფერის დოზას, მიღების წესს, სიხშირეს და მკურნალობის ხანგრძლივობას. დოზა დამოკიდებულია დიაგნოზსა და ზოგად მდგომარეობაზე.

კალციუმის ფოლინატის შეყვანა ხდება კუნთსა და ვენაში.

კალციუმის ფოლინატის ჭარბი დოზის მიღება ან დოზის გამოტოვება

პრეპარატის შეყვანა ხორციელდება სამკურნალო დაწესებულებაში, კალციუმის ფოლინატის დოზა მკაცრად კონტროლდება მკურნალი ექიმის მიერ. ამის გათვალისწინებით, ჭარბი დოზირება ან ნაკლები დოზის მიღება ნაკლებად მოსალოდნელია. მიუხედავად ამისა, პრეპარატის გამოყენებასთან დაკავშირებით ნებისმიერი კითხვის განვითარების შესახებ აცნობეთ მკურნალ ექიმს ან  ექთანს.

1. 4.    შესაძლო გვერდითი მოვლენები

ყველა სამკურნალო პრეპარატის მსგავსად კალციუმის ფოლინატმა შეიძლება გამოიწვიოს გვერდითი მოვლენები, თუმცა არა ყველა პაციენტში.

სასწრაფოდ დაუკავშირდით ექიმს, თუ იგძნობთ რომელიმე ქვემო აღწერილ გვერდით მოვლენას - შეიძლება გადაუდებელი სამედიცინო დახმარება დაგჭირდეთ:

-        ­გამონაყარი ქავილით (ჭინჭრის ციება), ხელების, ფეხების, კოჭების, სახის, ტუჩების, პირისა და ხორხის შეშეუპება (შეიძლება გამოიწვიოს ყლაპვისა და სუნთქვის გაძნელება), ცნობიერების დაკარგვა (ძალიან იშვიათი, შეიძლება გამოვლინდეს <1/10000 პაციენტში);

ეს შეიძლება იყოს მძიმე ალერგიული რეაქციის ნიშნები.

კალციუმის ფოლინატმა შეიძლება გამოიწვიოს შემდეგი გვერდითი მოვლენები:

არახშირი (<1/100 პაციენტში):

-        ცხელება

იშვიათი (< 1/1,000 პაციენტში):

-        კრუნჩხვითი შეტევების ზრდა ეპილეფსიის დროს; დეპრესია; აღგზნება; საჭმლის მომნელებელ სისტემასთან დაკავშირებული პრობლემები; უძილობა.

კალციუმის ფოლინატის გამოყენებისას კომბინაციაში ფტორურაცილის შემცველ სიმსივნის საწინააღმდეგო პრეპარატებთან ერთად, ყველაზე მეტად მოსალოდნელია აღნიშნული პრეპარატის შემდეგი გვერდითი მოვლენების განვითარება;

ძალიან ხშირი (≥1/10 პაციენტში):

-        გულისრევა; ღებინება; მძიმე ფაღარათი; გაუწყლოება ფაღარათის შედეგად;

-        პირის ღრუსა და ნაწლავის ლორწოვანი გარსის ანთებითი დაზიანებები (არსებობს ცნობები სიცოცხლისათვის საშიში მდგომარეობების შესახებ);

-        სისხლის უჯრედების რაოდენობის შემცირება (სიცოცხლისათვის საშიში მდგომარეობების ჩათვლით).

ხშირი (≤1/10 პაციენტში):

-        ხელისგულის - ფეხისგულის სინდრომი (ხელის და ფეხის გულების გაწითლება და შეშუპება, რამაც შეიძლება კანის აქერცვლა გამოიწვიოს).

სიხშირე უცნობია (არსებული მონაცემების საფუძველზე, სიხშირის დადგენა ვერ ხერხდება).

-        ჰიპერამონემია (სისხლში ამიაკის დონის მომატება).

გვერდითი მოვლენების შესახებ შეტყობინება

გვერდითი მოვლენის განვითარების შესახებ აცნობეთ მკურნალ ექიმს. ეს ეხება ნებისმიერი გვერდით მოვლენას, რომელიც არ არის აღწერილია ფურცელ-ჩანართში. გვერდითი მოვლენების შესახებ ასევე შეიძლება შეატყობინოთ გვერდითი მოვლენების შესახემ მონაცემთა საინფორმაციო ბაზას (http://www.rcerth.by ჯანდაცვაში ექსპერტიზისა და კვლევების ცენტრი). გვერდითი მოვლენების შესახებ შეტყობინებით, ხელს შეუწყობს შეგროვდეს რაც შეიძლება მეტი ინფორმაცია პრეპარატის უსაფრთხოების შესახებ.

1. 5.    კალციუმის ფოლინატის შენახვის წესი

ინახება სინათლისაგან დაცულ ადგილას არა უმეტეს 25⁰C ტემპერატურის პირობებში.

ინახება ბავშვებისათვის მიუწვდომელ ადგილას.

ვარგისიანობა - 2 წელი.

არ გამოიყენება ვარგისიანობის ვადის გასვლის შემდეგ.

1. შეფუთვა და დამატებითი ინფორმაცია

ერთი ფკლანი შეიცავს აქტიურ ნივთიერებას - კალციუმის ფოლინატს (ფოლინის მჟავაზე გადაანგარიშენით) – 50 მგ ან 100 მგ.

დამხმარე ნივთიერებები: მეთილპარაჰიდროქსიბენზოატი E218.   

პრეპარატ კალციუმის ფოლინატის აღწერილობა და შეფუთვა

ფოროვანი მასა, ღია ყვითელი ან ყვითელი ფერის არაერთგვაროვანი შეფერილობის, ჰიგროსკოპული. 10  მლ–იან შუშის ფლაკონში 50 მგ ან 20  მლ–იან შუშის ფლაკონში 100 მგ, დახურული რეზინის საცობით. ყოველ ფლაკონზე მიკრულია ქაღალდის ეტიკეტი ან თვითწებვადი ეტიკეტი. ერთ ფლაკონს გამოყენების ინსტრუქციასთან ერთად ათავსებენ მუყაოს კოლოფში.

შეფუთვა სტაციონარებისათვის: 40 ფლაკონი ფურცელ–ჩანართთან ერთად მოთავსებულია ჯგუფურ კოლოფებში.

აფთიაქიდან გაცემის პირობები: რეცეპტით.

სარეგისტრაციო მოწმობის მფლობელი და მწარმოებელი

რუპ „ბელმედპრეპარატები“

რესპუბლიკა ბელარუსი, 220007, ქალაქი მინსკი

ფაბრიციუსის ქ. 30, ტელ./ფაქსი: (+375 17) 220 37 16

ელ.ფოსტა: [email protected]

ფურცელი–ჩანართი განახლებულია:

შემდეგი ინფორმაცია განკუთვნილია მხოლოდ მედმუშაკებისათვის

კალციუმის ფოლინატი, საინიექციო და საინფუზიო ხსნარის მოსამზადებელი ლიოფილიზირებული ფხვნილი – ფოროვანი მასა, ღია–ყვითელი ან ყვითელი ფერის არაერთგვაროვანი შეფერილობის, ჰიგროსკოპული.

დოზირების რეჟიმი და გამოყენების წესი

ინტრამუსკულარული ან ინტრავენური შეყვანისათვის.

პრეპარატის შეყვანა არ შეიძლება ინტრათეკალურად!

პრეპარატში კალციუმის შემცველობის გათვალისწინებით, ინტრავენური შეყვანის სიჩქარე არ უნდა აღემატებოდეს 160 მგ/წუთს.

გამოყენების წინ პრეპარატის განზავების ინსტრუქციები წარმოადგენილია ნაწილი 6.6.–ში

კალციუმის ფოლინატის დაცვითი გამოყენების სქემა მეტოთრექსატით თერაპიის დროს

კალციუმის ფოლინატის გამოყენების სქემა დამოკიდებულია მეთოტრექსატით მაღალი და საშუალო დოზებით თერაპიის სქემაზე, ამიტომ საჭირო ინფორმაციის მიღება შეიძლება მეთოტრექსატით მკურნალობის შესაბამის პროტოკოლებში.

კალციუმის ფოლინატის გამოყენება მეთოტრექსატით მკურნალობის დროს აუცილებელია დოზით, რომელიც აღემატება 500 მგ/მ²–ს, და მიზანშეწონილია 100-500 მგ/მ² დოზით.

მაღალი დოზებით გამოყენებული მეთოტრექსატის ტოქსიკური მოქმედების პროფილაქტიკა ხორციელდება პარენტერალური შეყვანის გზით, მალაბსორბციის სინდრომის ან კუჭ–ნაწლავის ტრაქტის სხვა დარღვევების მქონე პაციენტებში, როდესაც დარღვეულია შეწოვა. 25-50 მგ–ზე მეტი დოზები მხოლოდ პარენტერალურად შეიყვანება, კუჭ–ნაწლავის ტრაქტში კალციუმის ფოლინატის შეწოვისას გაჯერების ეფექტის გათვალისწინებით.

კალციუმის ფოინატის გამოყენების დოზა და ხანგრძლივობა პირველ რიგში დამოკიდებულია მეთოტრექსატის თერაპიის დოზებსა და ტიპზე, ტოქსიკური სიმპტომების გამოვლენის და მეთოტრექსატის ექსკრეციის ინდივიდუალურ თავისებურებებზე. როგორც წესი, კალციუმის ფოლინატის პირველი დოზა შეადგენს 15 მგ–ს (6-12 მგ/მ²) და ინიშნება მეთოტრექსატის ინფუზიის დაწყებიდან 12-24 საათის შემდეგ (არა უვიგანიეს 24 საათისა). იმავე დოზა შეიყვანება 6 საათში ერთხელ 72 საათის განმავლობაში. რამდენიმე პარენტერალური დოზის შემდეგ მკურნალობა შესეძლებელია გადავიყვანოთ პერორალურ ფორმაზე.

მაღალი დოზების მეთოტრესატის ტოქსიკური მოქმედების პროფილაქტიკის დროს, კალციუმის ფოლინატის შეყვანის გარდა გამოიყენება ზომები, რომლებიც ხელს უწყობენ მეთოტრექსატის ექსკრეციის დაჩქარებას (შარდგამომყოფი ფუნქციის ადექვატურობისა და და შარდის ტუტიანობის უზრუნველყოფა). თირკმლის ფუნქცია უნდა კონტროლდებოდეს ყოველდღიურად შრატში კრეატინინის დონის განსაზღვრით.

მეთოტრექსატის ინფუზიის დაწყებიდან 48 საათის შემდეგ, რეკომენდებულია სისხლში ნარჩენი მეთოტრექსატის დონის განსაზღვრა. თუ მეთოტრექსატის ნარჩენი კონცენტრაცია შეადგენს > 0,5 მკმოლ/ლ–ს, მაშინს კალციუმის ფოლინატის დოზირების რეჟიმი უნდა ადაპტირდეს შემდეგი ცხრილის შესაბამისად:

ციტოტოქსიური თერაპია 5-ფტორურაცილთან კომბინაციაში

გამოიყენება სხვადსხვა დოზები და სქემები.

ქვემოთ აღწერილია დისემინირებული ან მეტასტაზური კოლორექტალური კიბოს მქონე მოზრდილი და ხანდაზმული პაციენტების მკურნალობის რამდენიმე სქემა.

ორთვიანი რეჟიმი: კალციუმის ფოლინატი 200 მგ/მ² ინტრავენური ინფუზიის გზით 2 საათის განმავლობაში, შემდგომი 5–ფტორურაცილის ინტრავენური ბოლუსით 400 მგ/მ² და 5 ფტორურაცილის 22 საათიანი ინტრავენური ინფუზიით (600 მგ/მ²) შეყვანა ორი მომდევნო დღის განმავლობაში, 2 კვირაში ერთხელ, 1 და 2 დღეებში.

ყოველკვირეული რეჟიმი: კალციუმის ფოლინატი 20 მგ/მ² ინტრავენურად ბოლუსურად ან 200-500 მგ/მ²  ინფუზიის წესით 2 საათის განმავლობაში და 500 მგ/მ² ფტორურაცილის ბოლუსური შეყვანა კალციუმის ფოლინატის ინფუზიის შუაში ან ბოლოში.

ყოველთვიური რეჟიმი: კალციუმის ფოლინატი დოზით 20 მგ/მ² შეიყვანება ვენაში ბოლუსურად ან 200-500 მგ/მ²  ინფუზიის წესით 2 საათის განმავლობაში, რის შემდეგადაც შეყავთ 5-ფტორურაცილის 425 ან 370 მგ/მ² ინტრავენური ბოლუსური ინიექციის სახით 5 მომდევნო დღის განმავლობაში.

ფტორურაცილთან კომბინაციაში გამოყენებისას შეიძლება საჭირო გახდეს 5–ფტორურაცილის დოზების და დოზებს შორის ინტერვალების კორექცია პაციენტის მდგომარეობის, კლინიკური პასუხისა და დოზა–შეზღუდული ტოქსიკური ეფექტების მიხედვით, რაც წარმოადგენილია პრეპარატ ფტორურაცილის შესახებ ინფორმაციაში. კალციუმის ფოლინატის დოზების შემცირება საჭირო არ არის.

ბავშვები

5–ფტორურაცილთან ერთად კალციუმის ფოლინატის კომბინაციის გამოყენების შესახებ მონაცემები არ არსებობს. კალციუმის ფოლინატის გამოყენება ფოლიუმის მჟავას ანტაგონისტების (ტრიმეტრექსატი, ტრიმეტოპრიმი, პირიმეტამინი) ანტიდოტის სახით.

ტრიმეტრექსატის ტოქსიურობა

• პროფილაქტიკა: ტრიმეტრექსატით მკურნალობის დროს კალციუმის ფოლინატი შეიყვანება ყოველდღიურად  72 საათის განმავლობაში ტრიმეტრექსატის ბოლო დოზიდან. კალციუმის ფოლინატის შეყვანა შეიძლება ვენაში 20 მგ/მ² დოზით 5-10 წუთის განმავლობაში 6 საათში ერთხელ (საერთო დღიური დოზა 80 მგ/მ²), ან პერორალურად ოთხი დოზა 20 მგ/მ² დროის თანაბარი მონაკვეთების შემდეგ. კალციუმის ფოლინატის დღიური დოზების კორექცია ხდება ტრიმეტრექსეტის ჰემატოლოგიური ტოქსიურობის მიხედვით. 
• ტრიმეტრექსატით ჭარბი დოზირება (შესაძლებელია ტრიმეტრექსატის გამოყენებისას >90 მგ/მ² დოზებით კალციუმის ფოლინატის დანიშვნის გარეშე): პრეპარატი შეყავთ ვენაში დოზით 40 მგ/მ² 6 საათში ერთხელ ტრიმეტრექსატით მკურნალობის დასრულებიდან  3 დღის განმავლობაში.

ტრიმეტოპრიმის ტოქსიურობა

ტრიმეტოპრიმის შეყვანის დასრულებისას, კალციუმის ფოლინატი შეყავთ ვენაში დოზით 3-10 მგ დღეში სისხლის მაჩვენებლების ნორმალიზაციამდე.

პირიმეთამინის ტოქსიურობა

პირიმეთამინის მაღალი დოზების გამოყენებისას ან დაბალი დოზებით ხანგრძლივი მკურნალობის დროს, ერთდროულად შეიძლება კალციუმის ფოლინატის შეყვანა დოზით 5-50 მგ დღეში, პერიფერიული სისხლში ფორმიანი ელემენტების რაოდენობის მიხედვით.

გამოყენების წინ სამკურნალო პრეპარატის მომზადების ინსტრუქციები

საინიექციო ხსნარის მოსამზადებლად ფლაკონის შიგთავსი მასით 50 მგ ან 100 მგ უნდა გაიხსნას შესაბამისად 5 ან 10 მლ სტერილურ საინიექციო წყალში, 10 მგ/მლ კონცენტრაციამდე.

ინფუზიის სახით პრეპარატის ვენაში შეყვანის წინ, მომზადებული ხსნარი უნდა განზავდეს 5%–იანი დექსტროზას ხსნარით ან 0,9%–იანი ნატრიუმის ქლორიდის საინიქციო ხსნარით.

პრეპარატის მზა ხსნარების შენახვა

მიკრობიოლოგიური თვალსაზრისით პრეპარატის ხსნარების გამოყენება რეკომენდებულია მომზადებისთანავე.

მომზადებული საინიექციო ხსნარი ვარგისია გამოსაყენებლად 12 საათის განმავლობაში ასპეტიკურ პირობებში შენახვისას არა უმეტეს 25⁰C ტემპერატურაზე.

5%–იანი დექსტროზას ხსნარითა თუ 0,9%–იანი ნატრიუმის ქლორიდის საინიქციო ხსნარით მომზადებული საინფუზიო ხსნარები ფიზიკურ და ქიმიურ სტაბილობას ინარჩუნებენ 12 საათის განმავლობა ასეპტიკურ პირობებში შენახვისას არა უმეტეს 25⁰C ტემპერატურაზე.

თუ არ მოხდა ხსნარის გამოყენება მომზადებისთანავე, მისი შენახვის ხანგრძლივობასა და პირობებს აკონტროლებს სამედიცინო პერსონალი.

შეუთავსებლობა

არსებობს ცნობები კალციუმის ფოლინატის ინექციური ფორმების დროპერიდოლის, ფტორურაცილის, მეთოტრექსატისა და ფოსკარნეტის საინიექციო ფორმებთან შეუთავსებლობის შესახებ.

უტილიზაცია

უტილიზაციის რაიმე განსაკუთრებული მოთხოვნა არ არსებობს. დარჩენილი სამკურნალო პრეპარატი და ნარჩენები უნდა განადგურდეს ეროვნული კანონმდებლობით დადგენილი მოთხოვნების შესაბამისად.

პრეპარატის გამოყენებასთან დაკავშირებით დამატებითი ინფორმაცია შეიძლება იხილოთ სამკურნალო პრეპარატის ზოგად დახასიათებაში.

სარეგისტრაციო მოწმობის მფლობელი და მწარმოებელი

რუპ „ბელმედპრეპარატები“

რესპუბლიკა ბელარუსი, 220007, ქალაქი მინსკი

ფაბრიციუსის ქ. 30, ტელ./ფაქსი: (+375 17) 220 37 16

ელ.ფოსტა: [email protected]

გაცემის წესი:

ფარმაცევტული პროდუქტის ჯგუფი II, გაიცემა ფორმა №3 რეცეპტით.