ბრეტარისი ჯენუე322მკგ/დ.60დოზა

ბრეტარისი ჯენუეირ 322მკგ/დ 60 დოზა

საინჰალაციო ფხვნილი

ბრეტარისი^® ჯენუეირის^® შემადგენლობა

მოქმედი ნივთიერება: აკლიდინიუმის ბრომიდი.

ერთი გამოთავისუფლებული დოზა შეიცავს 375 მიკროგრამ აკლიდინიუმის ბრომიდს, რაც შეესაბამება 322 მიკროგრამ აკლიდინიუმს.

სხვა კომპონენტები: ლაქტოზის მონოჰიდრატი (იხ. პარაგრაფი „პრეპარატი ბრეტარისი ^® ჯენუეირი ^® შეიცავს ლაქტოზას“).

ბრეტარისი^®ჯენუეირი^®დახასიათება

ბრეტარისი ^® ჯენუეირის ^® მოქმედი ნივთიერება არის აკლიდინიუმის ბრომიდი, რომელიც მიეკუთვნება ბრონქოდილატატორების ჯგუფს. ბრონქოდილატატორების მოქმედება ადუნებს სასუნთქ გზებს და ეხმარება ბრონქიოლების გახსნილ მდგომარეობაში შენარჩუნებას. ბრეტარისი ^® ჯენუეირი ^® წარმოადგენს მშრალი ფხვნილის ინჰალატორს, რომელიც  სუნთქვის მეშვეობით ახდენს სამკურნალო საშუალების პირდაპირ მიწოდებას ფილტვებში. ეს აადვილებს სუნთქვას ფილტვების ქრონიკული ობსტრუქციული დაავადებების (ფქოდ) მქონე პაციენტებში.

გამოყენება 

პრეპარატი ბრეტარისი ^® ჯენუეირი ^® ხელს უწყობს სასუნთქი გზების გახსნას და ფილტვების ქრონიკული ობსტრუქციული დაავადებების სიმპტომების შემსუბუქებას, რომელიც წარმოადგენს ფილტვების მძიმე, ხანგრძლივად მიმდინარე დაავადებას, როდესაც ადგილი აქვს სუნთქვის გაძნელებას. პრეპარატ ბრეტარისი ^® ჯენუეირის ^® რეგულარულად გამოყენებას შეუძლია დაეხმაროს დაავადებით გამოწვეული სუნთქვის გახშირებისას, ხელი შეუწყოს ყოველდღიურ ცხოვრებაზე დაავადების გავლენის მინიმუმამდე დაქვეითებას და შეტევების შემცირებას (ფქოდ-ის სიმპტომების დამძიმება რამდენიმე დღის განმავლობაში).

უკუჩვენებები და სიფრთხილის ზომები

ბრეტარისი^®ჯენუეირის^®გამოყენება არ შეიძლება შემდეგ შემთხვევებში:

- ალერგია აკლიდინიუმის ბრომიდის ან მოცემული პრეპარატის ნებისმიერი სხვა კომპონენტის მიმართ (მითითებულია პარაგრაფში „შემადგენლობა“).

ბრეტარისი ^® ჯენუეირის ^® გამოყენებამდე კონსულტაცია გაიარეთ მკურნალ ექიმთან, ფარმაცევტთან ან მედდასთან.

- თუ ახლო წარსულში გქონდათ დარღვევები გულის მხრივ.

- თუ სინათლის წყაროს ან ფერადი გამოსახულებების გარშემო ხედავთ ჰალოს (გლაუკომა).

- თუ გაქვთ წინამდებარე ჯირკვლის გადიდება, შარდის გამოყოფის დარღვევა ან შარდის შეკავება.

ბრეტარისი ^® ჯენუეირი ^® განკუთვნილია შემანარჩუნებელი თერაპიისთვის და არ უნდა იქნას გამოყენებული ქოშინის ან მსტვინავი სუნთქვის უეცარი შეტევების სამკურნალოდ. დაუყოვნებლივ მიმართეთ მკურნალ ექიმს, თუ არ ხდება ფილტვების ქრონიკული ობსტრუქციული დაავადების სიმპტომების (ქოშინი, მსტვინავი სუნთქვა, ხველა) კუპირება ან ადგილი აქვს მათ გაღრმავებას.

პირის სიმშრალემ, რომელიც აღინიშნება ისეთი პრეპარატების მიღებისას, როგორიცაა ბრეტარისი ^® ჯენუეირი^®, შეიძლება მიგვიყვანოს კბილების კარიესამდე პრეპარატის ხანგრძლივი მიღების შემთხვევაში. ამიტომ გახსოვდეთ, რომ ყურადღება უნდა დაუთმოთ პირის ღრუს ჰიგიენას.

პრეპარატ ბრეტარისი ^® ჯენუეირის® მიღება უნდა შეწყვიტოთ და მიმართოთ სამედიცინო დახმარებისთვის:

- თუ გაქვთ გულ-მკერდის არეში მოჭერის შეგრძნება, ხველა, მსტვინავი სუნთქვა ან ქოშინი პრეპარატის მიღებისთანავე. ეს შესაძლოა იყოს ისეთი მდგომარეობის ნიშანი, რომელსაც ეწოდება ბრონქოსპაზმი.

ბავშვები და მოზარდები

ბავშვებსა და 18 წლამდე ასაკის მოზარდებში პრეპარატბრეტარისი ^® ჯენუეირის ^® 

გამოყენება არ შეიძლება.

სხვა სამკურნალო საშუალებებისა და ბრეტარისი^®ჯენუეირის^®მიღება

აცნობეთ ექიმს ან ფარმაცევტს, თუ იღებთ ან ახლო წარსულში იღებდით სხვა სამკურნალო საშუალებებს.

აცნობეთ ექიმს, თუ იღებდით ან ამჟამად იღებთ ანალოგიურ სამკურნალო საშუალებებს სუნთქვის დარღვევების სამკურნალოდ, მაგალითად, თიოტროპიუმის და იპრატროპიუმის შემცველ პრეპარატებს. ამ საკითხზე ეჭვის არსებობის შემთხვევაში, კონსულტაციისთვის მიმართეთ მკურნალ ექიმს ან ფარმაცევტს. ბრეტარისი ^® ჯენუეირის^®გამოყენება ამ სამკურნალო საშუალებებთან ერთად რეკომენდებული არ არის.

ორსულობა და ძუძუთი კვება

ორსულობის ან ძუძუთი კვების პერიოდში, ასევე, ორსულობაზე ეჭვის არსებობისას ან ორსულობის დაგეგმვის შემთხვევაში, მოცემული პრეპარატის მიღებამდე რჩევისთვის მიმართეთ ექიმს ან ფარმაცევტს. პრეპარატ ბრეტარისი ^® ჯენუეირის ^® გამოყენება ორსულობის ან ძუძუთი კვების პერიოდში მკურნალი ექიმის დანიშნულების გარეშე არ შეიძლება.

ზემოქმედება სატრანსპორტო საშუალებების მართვისა და მექანიზმებთან მუშაობის უნარზე

ბრეტარისი ^® ჯენუეირს ^® შეუძლია მოახდინოს უმნიშვნელო ზეგავლენა სატრანსპორტო საშუალებების მართვისა და მექანიზმებთან მუშაობის უნარზე. მოცემულმა სამკურნალო საშუალებამ შეიძლება გამოიწვიოს თავის ტკივილი, თავბრუსხვევა ან არამკვეთრი მხედველობა. აღნიშნულიდან რომელიმე გვერდითი მოქმედების გამოვლენის შემთხვევაში არ შეიძლება სატრანსპორტო საშუალებების მართვა და მექანიზმებთან მუშაობა მანამ, სანამ არ გაივლის თავის ტკივილი და თავბრუსხვევა, ასევე, კვლავ არ აღდგება მხედველობა.

პრეპარატი ბრეტარისი^®ჯენუეირი^®შეიცავს ლაქტოზას

შაქრის რომელიმე სახეობის მიმართ აუტანლობის შემთხვევაში, ამ პრეპარატის მიღებამდე კონსულტაციისათვის მიმართეთ თქვენს მკურნალ ექიმს.

გამოყენების წესი

მოცემული პრეპარატი ყოველთვის მიიღება მკურნალი ექიმის ან ფარმაცევტის რეკომენდაციების მკაცრად დაცვით. რაიმე საკითხზე ეჭვის არსებობის შემთხვევაში, კონსულტაციისთვის მიმართეთ მკურნალ ექიმს ან ფარმაცევტს.

რეკომენდებული დოზა შეადგენს ერთ ინჰალაციას ორჯერ დღეში – დილით და საღამოს.

პრეპარატ ბრეტარისი ^® ჯენუეირის ^® მოქმედება გრძელდება 12 საათის განმავლობაში. ამიტომ გამოიყენეთ ბრეტარისი ^® ჯენუეირის ^® ინჰალატორი ერთსა და იმავე დროს დილით და საღამოს. ეს უზრუნველყოფს სამკურნალო საშუალების მუდმივ საკმარის რაოდენობას სუნთქვის გასაადვილებლად დღე-ღამის განმავლობაში. ეს ასევე დაგეხმარებათ, არ დაგავიწყდეთ პრეპარატის მიღება.

პრეპარატის რეკომენდებული დოზის გამოყენება შეიძლება ხანდაზმულ პაციენტებში და თირკმელების ან ღვიძლის დაავადებების მქონე პაციენტებში. დოზის შერჩევას არ საჭიროებს.

ფილტვების ქრონიკული ობსტრუქციული დაავადება არის ხანგრძლივად მიმდინარე დაავადება, ამიტომ პრეპარატ ბრეტარისი ^® ჯენუეირის ^® მიღება რეკომენდებულია ყოველდღიურად ორჯერ დღე-ღამეში, და არა მხოლოდ სუნთქვის დარღვევის ან ფილტვების ქრონიკული ობსტრუქციული დაავადების სხვა სიმპტომების არსებობისას.

პრეპარატ ბრეტარისი ^® ჯენუეირის ^® გამოყენებასთან დაკავშირებით ეჭვის არსებობის შემთხვევაში მიმართეთ მკურნალ ექიმს ან ფარმაცევტს.

ბრეტარისი ^® ჯენუეირის ^® გამოყენება შეიძლება ნებისმიერ დროს ჭამის წინ ან ჭამის შემდეგ.

ბრეტარისი^®ჯენუეირის^®დოზის გადაჭარბების შემთხვევაში

თუ ფიქრობთ, რომ მიიღეთ პრეპარატ ბრეტარისი ^® ჯენუეირის ^® საჭიროზე მეტი დოზა, მიმართეთ მკურნალ ექიმს ან ფარმაცევტს.

თუ დაგავიწყდათ ბრეტარისი^®ჯენუეირის^®მიღება

თუ დაგავიწყდათ პრეპარატ ბრეტარისი ^® ჯენუეირის ^® მიღება, გახსენებისთანავე გაიკეთეთ დოზის ინჰალაცია. თუმცა, თუ მომდევნო დოზის მიღების დრო თითქმის მოსულია, გამოტოვეთ დავიწყებული დოზის მიღება.

არ მიიღოთ პრეპარატის ორმაგი დოზა გამოტოვებულის საკომპენსაციოდ.

თუ შეწყვიტეთ ბრეტარისი^®ჯენუეირის^®გამოყენება

მოცემული პრეპარატი განკუთვნილია ხანგრძლივი გამოყენებისთვის. თუ გსურთ მკურნალობის შეწყვეტა, კონსულტაციისთვის მიმართეთ მკურნალ ექიმს, რადგან სიმპტომები შესაძლოა გაღრმავდეს.

მოცემული სამკურნალო საშუალების გამოყენებასთან დაკავშირებით დამატებითი კითხვების შემთხვევაში მიმართეთ ექიმს, ფარმაცევტს ან მედდას.

შესაძლო გვერდითი მოქმედება

როგორც სხვა სამკურნალო საშუალებებს, მოცემულ პრეპარატსაც შეუძლია გამოიწვიოს გვერდითი მოქმედება, თუმცა ის არ ვლინდება ყველა პაციენტში.

ალერგიული რეაქციები ვლინდება იშვიათად (შეიძლება აღენიშნოს 1000 პაციენტიდან 1-ს). სახის, ხახის, ტუჩების ან ენის შეშუპების (სუნთქვის ან ყლაპვის გაძნელებით, ან მათ გარეშე), თავბრუსხვევის, გონების დაკარგვის, გულის შეკუმშვათა სიხშირის გაზრდის ან კანზე გამოხატული ქავილით მიმდინარე ბუშტუკების (ჭინჭრის ციება) განვითარების შემთხვევაში, შეწყვიტეთ პრეპარატის მიღება და დაუყოვნებლივ მიმართეთ ექიმს, რადგან ეს შეიძლება იყოს ალერგიული რეაქციის სიმპტომები.

ბრეტარისი ^® ჯენუეირის ^® მიღების დროს შეიძლება გამოვლინდეს შემდეგი გვერდითი მოქმედებები:

ხშირად: შეიძლება აღენიშნოს 10 პაციენტიდან 1-ს

• თავის ტკივილი
• ცხვირის წიაღების ანთება (სინუსიტი)
• ზოგადი გაციება (ნაზოფარინგიტი)
• ხველა
• ფაღარათი
• გულისრევა

ზოგჯერ: შეიძლება აღენიშნოს 100 პაციენტიდან 1-ს

• თავბრუსხვევა
• პირის სიმშრალე
• პირის ღრუს ლორწოვანი გარსის ანთება (სტომატიტი)
• ხმის ჩახლეჩვა (დისფონია)
• გულის შეკუმშვათა გახშირება (ტაქიკარდია)
• გულისცემის შეგრძნება
• შარდვის მოშლა (შარდის შეკავება)
• არამკვეთრი მხედველობა
• გამონაყარი
• კანის ქავილი.

შეტყობინება შესაძლო გვერდითი მოქმედებების შესახებ

ნებისმიერი გვერდითი მოქმედების გამოვლენის შემთხვევაში მიმართეთ ექიმს, ფარმაცევტს ან მედდას. ეს ეხება ყველა შესაძლო გვერდით მოქმედებას, მათ შორის ისეთებს, რომლებიც ზემოთ არ არის აღწერილი. გვერდითი მოქმედებების შეტყობინებით შეგიძლიათ დახმარება მოცემული სამკურნალო საშუალების უსაფრთხოების შესახებ მეტი ინფორმაციის შეგროვებაში.

ბრეტარისი^®ჯენუეირის^®შენახვის წესი

მოცემული სამკურნალო საშუალება შეინახეთ ბავშვებისათვის მიუწვდომელ ადგილას.

მოცემული პრეპარატი არ გამოიყენება ვარგისობის ვადის გასვლის შემდეგ, რომელიც მითითებულია ინჰალატორის მარკირებაზე და მუყაოს კოლოფზე წარწერა „ვარგისია“-ს შემდეგ. ვარგისობის ვადის გასვლის თარიღი გულისხმობს მითითებული თვის ბოლო დღეს.

პრეპარატის ვარგისობის ვადა: 36 თვე.

მკურნალობის დაწყებამდე ინჰალატორი შეინახეთ დახურულ შეფუთვაში.

მოცემული სამკურნალო საშუალება არ საჭიროებს შენახვის განსაკუთრებულ პირობებს.

გამოიყენეთ შეფუთვის გახსნიდან 90 დღის განმავლობაში.

არ გამოიყენოთ პრეპარატი ბრეტარისი ^® ჯენუეირი^®, თუ შენიშნავთ, რომ შეფუთვა დაზიანებულია ან აღენიშნება გახსნის ნიშნები.

პრეპარატის ბოლო დოზის მიღების შემდეგ საჭიროა ინჰალატორის უტილიზაცია. არ გადააგდოთ სამკურნალო საშუალებები კანალიზაციაში ან საყოფაცხოვრებო ნაგავთან ერთად. არასაჭირო სამკურნალო საშუალების უტილიზაციასთან დაკავშირებით კონსულტაციისთვის მიმართეთ ფარმაცევტს. ეს ზომები ხელს უწყობს გარემოს დაცვას.

ბრეტარისი^®ჯენუეირის^®აღწერა და შეფუთვის შემადგენლობა

ბრეტარისი ^® ჯენუეირი ^® წარმოადგენს თეთრ ან თითქმის თეთრი ფერის ფხვნილს.

ინჰალატორი ჯენუეირი წარმოადგენს თეთრი ფერის ხელსაწყოს ჩადგმული დოზების ინდიკატორით და დოზირების მწვანე ღილაკით. მუნდშტუკი დახურულია მწვანე ფერის მოსახსნელი დამცავი თავსახურით. ინჰალატორი გამოდის პლასტიკურ ლამინირებულ შეფუთვაში.

შეფუთვისზომები

მუყაოს კოლოფი, რომელშიც მოთავსებულია 30 დოზაზე გათვლილი 1 ინჰალატორი.

მუყაოს კოლოფი, რომელშიც მოთავსებულია 60 დოზაზე გათვლილი 1 ინჰალატორი.

მუყაოს კოლოფი, რომელშიც მოთავსებულია 3 ინჰალატორი თითოეული მათგანი 60 დოზაზე.

შესაძლოა, გაყიდვაში ყველა ზომის შეფუთვა არ იყოს წარმოდგენილი.

გაცემის წესი

ფარმაცევტული პროდუქტის ჯგუფი II, გაიცემა ფორმა №3 რეცეპტით.