რაპიტუსი 30მგ/5მლ 120მლ სიროფი

ლევოდროპროპიზინის სიროფი რაპიტუსი RAPITUS

შემადგენლობა 5 მლ შეიცავს: ლევოდროპროპიზინი BP 30 მგ

აღწერილობა ლევოდროპროპიზინი არის ხველის საწინააღმდეგო საშუალება უპირატესად პერიფერიული მოქმედებით, რომელიც ტრაქეობრონქული რეცეპტორების აგზნების შემცირების გზით აინჰიბირებს ხველის რეფლექსს. ის არის ხველის სუპრესანტი ბრონქების მიორელაქსაციური მოქმედებით, რომელიც ფილტვების ვენტილაციის გაუმჯობესებას იწვევს. მას არ გააჩნია ცენტრალური მოქმედების მქონე ხველის საწინააღმდეგო საშუალებების მეორადი რეაქციები, როგორიცაა სუნთქვის დათრგუნვა და რებინების ეფექტი. მას ასევე გააჩნია ლიზური მოქმედება ჰისტამინით განვითარებულ ბრონქოსპაზმზე და მაშასადამე გარკვეული მოქმედება ალერგიული წარმოშობის ხველაზე. პრეპარატი არ თრგუნავს სუნთქვის ფუნქციასა თუ მუკოცილიარულ კლირენსს.

ფარმაკოლოგია ხველის საწინააღმდეგო ეფექტი შენარჩუნებულია სულ მცირე 6 საათის განმავლობაში. თერაპიული დოზებით გამოყენებისას, პრეპარატი არ იწვევს რაიმე სედატიურ მოქმედებას ცენტრალურ ნერვულ სისტემაზე. მას არ გააჩნია არასასურველი მოქმედება სასუნთქ გზებზე.

ფარმაკოკინეტიკა ვირთხებსა და ადამიანებში ჩატარებულ ფარმაკოკინეტიკის კვლევებში, კინეტიკას და მეტაბოლურ პროფილს მსგავსი შედეგები ჰქონდათ. ლევოდროპროპიზინი სწრაფად შეიწოვება და დანაწილდება პერორალური მიღების შემდეგ. ადამიანებში განმეორებითი შეყვანა უჩვენებს, რომ 6-8 საათიანი დოზირების ინტერვალი არ ცვლის ერთი დოზის კინეტიკურ პროფილს.

ჩვენებები არაპროდუქციული, გამაღიზიანებელი და მშრალი ხველის სიმპტომური მკურნალობა, ობსტრუქციული (ბრონქიტი) და კონსტრიქციული (ლარინგიტი, ტრაქეიტი) პათოლოგიების დროს და ინფექციური წარმოშობის პროცესთან დაკავშირებული ხველის მკურნალობა.

დოზირება მოზრდილებში და 12 წელს ზემოთ ასაკის ბავშვებში: სიროფის 10 მლ (ერთი სავსე საზომი ჭიქა) დღეში სამჯერ დოზებს შორის სულ მცირე 6 საათიანი ინტერვალით. > 2 წლის ბავშვები: პედიატრიული დოზა არის 1 მგ/კგ დღეში სამჯერ, დღიური დოზით ჯამში 3 მგ/კგ. მკურნალობის დროს: მკურნალობა უნდა გაგრძელდეს ექიმის დანიშნულებისამებრ ხველის გაქრობამდე. თუმცა, იმ შემთხვევაში, თუ მკურნალობიდან 4-5 დღის შემდეგ ხველა არ გაქრა ან გამოვლინდა სხვა სიმპტომები, აუცილებელია კვლავ ექიმის კონსულტაცია. ხველა არის სიმპტომი და უნდა იქნეს შესწავლილი, რომ მოხდეს მისი მკურნალობა გამომწვევი პათოლოგიის შესაბამისად.

აი, მეორე გვერდის პირდაპირი კონვერტაციაც ქართულ დამწერლობაზე:

უკუჩვენებები ლევოდროპროპიზინი უკუნაჩვენებია პაციენტებში, რომლებსაც გააჩნიათ ჰიპერმგრძნობელობა პრეპარატის ნებისმიერი კომპონენტის მიმართ. ლევოდროპროპიზინის გამოყენება არ შეიძლება პაციენტებში ბრონქული ჰიპერსეკრეციით და დაქვეითებული მუკოცილიარული ფუნქციით (კარტაგენერის სინდრომი ან ცილიარული დისკინეზია) და ასევე პაციენტებში ღვიძლის მძიმე უკმარისობით. ლევოდროპროპიზინი არ გამოიყენება ორსულობის და ლაქტაციის დროს.

წამლებთან ურთიერთქმედება ცხოველებში ჩატარებული ფარმაკოლოგიური კვლევები უჩვენებენ, რომ ლევოდროპროპიზინი არ აძლიერებს აქტიური ნივთიერების ეფექტს ცენტრალურ ნერვულ სისტემაზე (ბენზოდიაზეპინი, ფენიტოინი, იმიპრამინი). კლინიკური ფარმაკოლოგიის კვლევებში, ბენზოდიაზეპინთან კავშირი არ ცვლის ეეგ პროფილს (ელექტროენცეფალოგრამა). და კვლავ, სიფრთხილეა საჭირო სედატიურ პრეპარატებთან ერთად გამოყენებისას, განსაკუთრებით მგრძნობიარე პაციენტებში. კლინიკური მონაცემები არ უჩვენებენ ურთიერთქმედებებს ბრონქოპულმონალური პათოლოგიების მკურნალობაში გამოყენებულ პრეპარატებთან, როგორიცაა ბეტა აგონისტები, მეთილქსანტინის წარმოებულები, კორტიკოსტეროიდები, ანტიბიოტიკები, მუკორეგულატორები და ანტიჰისტამინები.

განსაკუთრებული მითითებანი პაციენტებში თირკმლის მძიმე უკმარისობით (<35 მლ/წთ კრეატინინის კლირენსი), გამოიყენება სიფრთხილით რისკისა და სარგებლის შეფასებით.

გვერდითი მოვლენები კონტროლირებულ კლინიკურ კვლევებში, 100 პაციენტიდან 4-მა პაციენტმა უჩვენა დროებითი არასასურველი მოვლენები, რომლებიც მკურნალობის შეწყვეტისას გაქრა. შეიძლება აღინიშნებოდეს კუჭ-ნაწლავის მხრივ პრობლემები, როგორიცაა გულისრევა, პიროზი, დისპეფსია, აბდომინური დისკომფორტი, ფაღარათი და ღებინება, ცენტრალური ნერვული სისტემის დარღვევები (სისუსტე და/ან ასთენია, ადვილად დაღლილობა, ძილიანობა, გაბრუება, თავბრუ და თავის ტვინის დარღვევები) და გულსისხლძარღვოვანი დარღვევები: კარდიოპათია და გულისცემის აჩქარება, და ძალიან იშვიათ შემთხვევებში კანის ალერგიული რეაქციები.

გაფრთხილება ლევოდროპროპიზინი არ გამოიყენება ხანგრძლივი პერიოდის განმავლობაში. მკურნალობის ხანმოკლე პერიოდის შემდეგ შესამჩნევი ეფექტის არსებობის შემთხვევაში აუცილებელია ექიმთან კონსულტაცია. მიუხედავად იმისა, რომ ლევოდროპროპიზინი იშვიათად იწვევს სედაციას, პაციენტი უნდა მოერიდოს ავტომობილის მართვას ან მექანიზმებთან მუშაობას. პაციენტი ინფორმირებული უნდა იყოს იშვიათი გვერდითი მოვლენების განვითარების შესაძლებლობის შესახებ. 2 წლამდე ასაკის ბავშვებში მისი ეფექტურობა და უსაფრთხოება ჯერ კიდევ არ არის დადგენილი.

ჭარბი დოზირება 240 მგ-მდე ლევოდროპროპიზინის ერთჯერადი და 120 მგ-მდე დღეში სამჯერადი 8 დღის განმავლობაში ჭარბი დოზირების შესახებ ინფორმაცია არ მოიპოვება. ჭარბი დოზირების შემთხვევაში, შეიძლება აღინიშნებოდეს სუსტი და ტრანზიტორული ტაქიკარდია. ამ შემთხვევაში საჭიროა კუჭის გამორეცხვა და აქტივირებული ნახშირისა და პარენტერალური სითხეების დანიშვნა და სხვა ღონისძიებების გატარება.

აი, ბოლო ნაწილის პირდაპირი კონვერტაციაც:

გაცემის წესი: ფარმაცევტული პროდუქტის ჯგუფი II, გაიცემა ფორმა №3 რეცეპტით.

ყველა პრეპარატი ინახება ბავშვებისთვის მიუწვდომელ ადგილას.

შენახვა ინახება არაუმეტეს 25°C ტემპერატურის პირობებში.

შეფუთვა 120 მლ ბოთლი.

წარმოებულია ინდოეთში: მაკლეოდს ფარმაცეუტიკალს ლტდ. ატლანტა არკადე, მაროლ ჩერჩ როუდი, ანდჰერი (ა.რ.), მუმბაი – 400 059