ალეტოსი 200მლ სიროფი

ალეტოსი 200მლ სიროფი

0.00 ლარი
ქვეყანა:
მწარმოებელი:
ჯენერიკი: Acetylcysteinum+Thymus+Drozera+Zinc
გაცემის ფორმა: III ჯგუფი ურეცეპტო
კოდი: 65055
გააზიარე:

პროდუქტი გაყიდვაში არ არის.

ალეტოსი 

სავაჭრო სახელწოდება: ალეტოსი
საერთაშორისო დასახელება (აქტიური ნივთიერება): N-აცეტილცისტეინი
კლინიკურ-ფარმაკოლოგიური ჯგუფი: ბიოლოგიურად აქტიური დანამატები. კომბინირებული მუკოლიზური და ხველის საწინააღმდეგო საშუალება.
შემადგენლობა:
ყოველი 30 მლ შეიცავს:
N-აცეტილცისტეინი 600მგ
დროზერა 500მგ
ბეგქონდარას ფოთლების ექსტ. 500მგ
თუთია 12,5მგ
ფარმაკოლოგიური თვისებები:
N-აცეტილცისტეინი ბუნებრივი ამინომჟავაა. N -აცეტილცისტეინის მოლეკულაში არსებული სულფჰიდრილური ჯგუფი იწვევს ნახველის მჟავე მუკოპოლისაქარიდების დისულფიდური ბმების გახლეჩას, რაც ხელს უწყობს წებოვანი ნახველის გათხიერებას. ასტიმულირებს რა მოციმციმე ეპითელიუმს გამოდევნის ნახველს. N -აცეტილცისტეინი ხელს უწყობს ფილტვებსა და ღვიძლის უჯრედებში გლუტათიონის სინთეზს და ეხმარება ორგანიზმს თავისუფალ რადიკალებთან ბრძოლაში. ამგვარად N -აცეტილცისტეინს შეუძლია დაიცვას უჯრედი დაზიანებისაგან და ავლენს ციტოპროტექტორულ თვისებებს. N -აცეტილცისტეინი ხელს უშლის და ამცირებს აცეტამინოფენით გამოწვეულ ჰეპატოტოქსიურობას. N -აცეტილცისტეინი აფერხებს ბრონქებისა და ხახის ლორწოვანზე ბაქტერიების ადჰეზიასა და კოლონიზაციას. ზრდის ანტიბიოტიკოთერაპიის ეფექტურობას.
დროზერა-გამოირჩევა სპაზმოლიზური, ანტისეპტიური და ანტიმიკოზური ეფექტით მშრალი და ექსუდაციური ხველის დროს. აფერხებს ბაქტერიების (სტაფილოკოკი, სტრეფტოკოკი და ა.შ) კოლონიზაციასა და გამრავლებას.
ბეგქონდარას ექსტრაქტი-მის შემადგენლობაში შედის ეთერზეთები და ფლავონოიდები (ფენოლი, თიმოლი და კარვაკროლი) . აქვს ანტისეპტიური მოქმედება, რაც ხელს უშლის ბიოფილმების წარმოქმნას. იგი ზრდის ანტიბიოტიკოთერაპიის ეფექტურობას. ათხიერებს ხახისა და ბრონქების მიერ გამომუშავებულ ლორწოს.
თუთიის მოლეკულა მანგანუმის მოლეკულასთან შედარებით პატარაა, ამიტომ იგი უფრო ადვილად უკავშირდება ბაქტერიის ცილას ,აფერხებს მანგანუმის მიერ ბაქტერიის ცილასთან კომპლექსის წარმოქმნას, რითაც იცავს ორგანიზმს პათოგენების თავდასხმისაგან. თუთია აინჰიბირებს ICAM-1-ის ექსპრესიას, აძლიერებს იმუნიტეტს და იცავს ორგანიზმს ბაქტერიებისა და ვირუსებისაგან. ამცირებს ალერგიით გამოწვეულ მშრალ ხველას.
ჩვენებები:
ალეტოსი გამოიყენება როგორც მუკოლიზური, ექსპექტორანტული და ანთებისსაწინააღმდეგო საშუალება რესპირატორული გზების ინფექციების დროს.
• ზედა და ქვედა სასუნთქი გზების ანთებითი დაავადებები (ლარინგოტრაქეიტი, ბრონქიტი, პნევმონია).
• სხვადასხვა წარმოშობის მშრალი და ექსუდაციური ხველა.
• ფილტვის აბსცესი.
• ემფიზემა.
• ფილტვების ინტერსტიციალური დაავადება.
• ბრონქიალური ასთმა, ფილტვის ატელექტაზი.
• ჩირქოვანი და კატარული ოტიტი.
• სინუსიტი.
• წებოვანი სეკრეტის შემცირება რესპირატორული გზებიდან პოსტტრავმულ და პოსტოპერაციულ პერიოდში.
• პარაცეტამოლით ინტოქსიკაცია.

მიღების წესი და დოზირების რეჟიმი:
ალეტოსის მიღება სასურველია კვების შემდეგ. ყოველი მიღების წინ შეანჯღრიეთ ფლაკონი. მკურნალობის პერიოდი განსაზღვრული უნდა იყოს ექიმის მიერ.
6 თვიდან-2 წლამდე: 1/2 ჩაის კოვზი (2,5მლ), 2-3ჯერ დღეში
2-5 წელი: 1 ჩაის კოვზი (5მლ), 2-3ჯერ დღეში
5-14 წლამდე: 1 ჩაის კოვზი (5მლ), 3-4ჯერ დღეში
მოზრდილები: 2 ჩაის კოვზი (10მლ), 2-3ჯერ დღეში

გვერდითი მოვლენები:
იშვიათ შემთხვევებში შესაძლოა განვითარდეს: თავის ტკივილი, ცხელება, ალერგიული რეაქციები: ქავილი, ჭინჭრის ციება,გამონაყარი კანზე, ქოშინი, ტაქიკარდია. ბრონქოსპაზმი. არტერიული წნევის დაცემა.
განსაკუთრებული მითითება:
ალეტოსის შემადგენლობაში შემავალი N-აცეტილცისტეინისა და სხვა ინგრედიენტების მიმართ მომატებულმა მგრძნობელობამ შესაძლოა გამოიწვიოს გართულებები კუჭ-ნაწლავის ტრაქტის მხრივ.
ორსულობა და ლაქტაციის პერიოდი:
FDA რეკომენდაციით განეკუთვნება B კატეგორიას. მიღება ხდება ექიმის რეკომენდაცით.
სიფრთხილის ზომები:
პრეპარატი სიფრთხილით ინიშნება პაციენტებში ბრონქული ასთმით, ღვიძლის, თირკმელების, თირკმელზედა ჯირკვლის დაავადებებისას. აცეტილცისტეინის გამოყენებისას პაციენტებში ბრონქული ასთმით აუცილებელია ნახველის დრენაჟი. აცეტილცისტეინთან მუშაობის დროს საჭიროა შუშის ჭურჭლის გამოყენება, დაუშვებელია კონტაქტი ლითონთან, რეზინთან, ჟანგბადთან, ადვილად დამჟანგველ ნივთიერებებთან;
პრეპარატები, როგორიცაა პენიცილინი, ტეტრაციკლინი და ცეფალოსპორინები ინიშნება აცეტილცისტეინის მიღებიდან 2 სთ-ის შემდეგ.

ჭარბი დოზირება:
ანტიდოტური მკურნალობა უნდა დაიწყოს რაც შეიძლება სწრაფად საწყისი დოზით 150 მგ/კგ. საწყისი დოზის შემდეგ შეჰყავთ შემანარჩუნებელი დოზა 50 მგ/კგ 72 საათის განმავლობაში. გამოყენებამდე უნდა გაიხსნას 0.9% NaCL ან 5% დექსტროზის ხსნარში და შეყვანილი უნდა იქნას ნელა.
საწყისი დოზა: 150 მგ/კგ წონაზე (დაახლოებით 35 ამპულა 70 კგ წონის ადამიანისთვის) გახსნილი 200 მლ 5% დექსტროზის ხსნარში ან 0.9% NaCL-ში მოზრდილთათვის და 50 მლ გახსნილი 5% დექსტროზის ხსნარში ან 0.9% NaCL-ში ბავშვებისთვის, რომლის შეყვანა ხდება 60 წუთის განმავლობაში.
შემანარჩუნებელი დოზა: საწყისი დოზა, რომელსაც მოყვება ინტრავენური შემანარჩუნებელი დოზა 50 მგ/კგ. მკურნალობა უნდა გაგრძელდეს მანამ, სანამ აცეტამინოფენის კონცენტრაცია სისხლში შემცირდება ან ღვიძლის ფუნქციის ტესტები დაუბრუნდება ნორმას
შეინახეთ ბავშვებისთვის მიუწვდომელ ადგილზე.
შენახვის ვადა და პირობები:
ალეტოსის შენახვა შესაძლებელია გახსნიდან 90 დღის განმავლობაში. შეინახეთ ოთახის ტემპერატურაზე. შეფუთვაზე მითითებული შენახვის ვადა მოქმედებს მედიკამენტზე, რომლის შეფუთვის პირობებიც არ არის დარღვეული.
აფთიაქიდან გაცემის რეჟმი:
III ჯგუფი ურეცეპტო
გამოშვების ფორმა:
200 მლ ფლაკონი დოზირებული თავსახურით.
მწარმოებელი კომპანია:
Alebehr Italy S.R.L - Milan. Italy

თბილისი (0 აფთიაქი)

რეგიონი (0 აფთიაქი)