ომკ-1 10მლ თვ.წვეთები

50.50 ლარი

ფარმაკოლოგიური ჯგუფი: სხვადასხვა ჯგუფის პრეპარატები

ქვეყანა: იტალია

მწარმოებელი: ომიკრონ

ჯენერიკი - შეადარეთ ანალოგები: ჰიალურონატის მჟ+ციტიკოლინი

გაცემის ფორმა: III ჯგუფი ურეცეპტო

კოდი: 64995

გააზიარე:

შეუკვეთე

ანოტაცია
სად შევიძინო

ომკ-1 თვალის წვეთები 10მლ

შემადგენლობა
ციტიქოლინის ნატრიუმის მარილი 2%,
ჰიალურონის მჟავა 0.2%.

ფარმაკოლოგიური მოქმედება
ციტიქოლინი წარმოადგენს ნეირონების მემბრანების ფოსფოლიპიდების სინთეზის ძირითად და ბუნებრივ ფაქტორს. იგი უზრუნველყოფს დაზიანებული ნერვული უჯრედების მემბრანის სტრუქტურულ განახლებას. ციტიქოლინი წარმოადგენს ე.წ.ზრდის ფაქტორს მხედველობის ნერვის ნერვული ბოჭკოებისათვის დეგენერაციული ოფთალმოლოგიური პათოლოგიების დროს, როგორიცაა გლაუკომა, მხედველობის ნერვის დისკის იშემია, ასევე ჰიპერტონულ დაავადებასთან დაკავშირებული თვალის ფსკერის ცვლილებები (ანგიოპათია,ანგიოსკლეროზი და რეტინოპათია).

პრეპარატი შეიცავს მაღალმოლეკულურ ჰიალურონის მჟავას, რომელიც მიღებულია ბიოსინთეზური გზით.
ჰიალურონის მჟავას გააჩნია მუკოადჰეზიური და ვისკოელასტიური თვისებები, რომლებიც განაპირობებს საცრემლე აპკის სტაბილურობის გაუმჯობესებას, ატენიანებს და იცავს თვალის გარსს, ქმნის ხელსაყრელ გარემოს დაზიანებული რქოვანას და კონიუქტივას რეგენერაციისათვის. მუკოადჰეზიური თვისების გამო ზრდის აქტიური კომპონენტის კონტაქტის ხანგრძლივობას თვალის ქსოვილებთან.

ჩვენებები

გლაუკომა;
ოპტიკური გლაუკომატოზური ნეირორეტინოპათია;
მხედველობის ნერვის დისკის იშემია;
ჰიპერტონულ დაავადებასთან დაკავშირებული თვალის ფსკერის ცვლილებები (ანგიოპათია, ანგიოსკლეროზი და რეტინოპათია);
მაღალი ხარისხის მიოპია;
ამბლიოპია;
რეფრაქციული ოპერაციები.

გამოყენების წესი

1 წვეთი 2-3-ჯერ დღეში.

უსაფრთხოების ზომები
არ გამოიყენოთ OMK1 თუ ფლაკონი დაზიანებულია.
არ გამოიყენოთ OMK1, თუ გაქვთ მომატებული მგრძნობელობა მასში შემავალი რომელიმე კომპონენტის მიმართ.
არ გამოიყენოთ შეფუთვაზე მითითებული ვადის გასვლის შემდეგ.
არ შეეხოთ თვალს საწვეთურით.
შესაძლოა OMK1-ის ჩაწვეთების შემდეგ რამდენიმე წუთით მხედველობა გახდეს ბუნდოვანი. ამიტომ მხედველობის სრულად აღდგენამდე თავი შეიკავეთ ისეთი საქმიანობისაგან, რომელიც მოითხოვს ვიზუალურ კონტაქტს.
რეკომენდებულია 10-15 წუთიანი შუალედი სხვა თვალის წვეთების ჩაწვეთებამდე.

შენახვა და გამოყენება

ვარგისია გახსნიდან 30 დღე.
შეინახეთ ბავშვებისათვის მიუწვდომელ ადგილზე.
OMK1 განკუთვნილია მხოლოდ გარეგანი გამოყენებისათვის.
შეინახეთ არაუმეტეს 25˚C ტემპერატურის პირობებში

მწარმოებელი

Farmigea SPA, Italy.

საიტზე მითითებული მარაგების შესახებ ინფორმაცია ცვალებადია, რეკომენდებულია ისარგებლოთ ონლაინ აფთიაქით