ლუდოქსი 355მგ/120მგ #30ტ

ზოგადი დახასიათება:
საერთაშორისო არაპატენტირებული დასახელება: -
ძირითადი ფიზიკურ-ქიმიური თვისებები:
მუქი ყავისფერი, მოთეთრო-რუხი ჩანართებით, კაფსულისმაგვარი ფორმის, ორმხრივამოზნექილი ზედაპირის მქონე შემოუგარსავი ტაბლეტები ჭდით; 
შემადგენლობა:
1 შემოუგარსავი ტაბლეტი შეიცავს: 
ჰიდროლიზურ ლიგნინს – 355 მგ, ლაქტულოზას – 120 მგ.       
დამხმარე ნივთიერებები: კროსპოვიდონი, მაგნიუმის სტეარატი.       

გამოშვების ფორმა:
შემოუგარსავი ტაბლეტები, 355 მგ / 120 მგ.

ფარმაკოლოგიური ჯგუფი:
ენტეროსორბენტი.
ათქ-კოდი: A07BC.

ფარმაკოლოგიური თვისებები:
პრეპარატის ფარმაკოლოგიური მოქმედება განპირობებულია მასში შემავალი კომპონენტების – ლიგნინის და ლაქტულოზას თვისებებით. H
ჰიდროლიზური ლიგნინი წარმოადგენს ბუნებრივ ენტეროსორბენტს, რომელიც შედგება მერქნის კომპონენტების ჰიდროლიზის პროდუქტებისგან. გააჩნია მაღალი ადსორბციული აქტივობა და არასპეციფიკური დეზინტოქსიკაციური მოქმედება. ნაწლავში ბოჭავს ბაქტერიებს და ბაქტერიულ ტოქსინებს, სამკურნალო პრეპარატებს, მძიმე მეტალების მარილებს, ალკოჰოლს, ალერგენებს, ასევე ნივთიერებათა ცვლის ზოგიერთ პროდუქტს (ბილირუბინი, ქოლესტერინი, ჰისტამინი, სეროტონინი, შარდოვანა და სხვა ენდოგენური ტოქსიკოზის გამომწვევი მეტაბოლიტები) და ხელს უწყობს მათ გამოდევნას ორგანიზმიდან.
ლაქტულოზა წარმოადგენს სინთეზურ დისაქარიდს, რომლის მოლეკულა შედგება გალაქტოზას და ფრუქტოზას ნარჩენებისგან. მსხვილ ნაწლავში ლაქტულოზა წარმოადგენს საკვებ ნიადაგს ნორმალური მიკროფლორისთვის, რაც ხელს უწყობს ბიფიდობაქტერიების და ლაქტობაცილების ზრდის სტიმულირებას. ლაქტულოზას ჰიდროლიზის შედეგად მსხვილ ნაწლავში წარმოიქმნება ორგანული მჟავები (რძემჟავა, ძმარმჟავა და ჭიანჭველამჟავა), რომლებიც თრგუნავს პათოგენური მიკროორგანიზმების ზრდას და ამცირებს აზოტის შემცველ ტოქსიკური ნივთიერებების პროდუქციას. აღნიშნული პროცესი იწვევს მსხვილი ნაწლავის სანათურში ოსმოსური წნევის ზრდას და პერისტალტიკის სტიმულირებას.
პრეპარატის კომპლექსური მოქმედება მიმართულია მსხვილ ნაწლავში ნორმალური მიკრობიოცენოზის აღდგენასა და ენდოგენური ტოქსიკური მდგომარეობების ინტენსივობის დაქვეითებისკენ.

ფარმაკოკინეტიკა: 
ჰიდროლიზურ ლიგნინს არ გააჩნია ტოქსიკურობა, არ შეიწოვება და სრულად გამოიყოფა ნაწლავებიდან 24 სთ-ის განმავლობაში.
ლაქტულოზა არ შეიწოვება კუწ-ნაწლავის ზედა ნაწილებში და არ ჰიდროლიზდება. ლაქტულოზას ჰიდროლიზი ხდება მსხვილ ნაწლავში.

ჩვენება:
ნაწლავთა ნორმალური მიკროფლორის დარღვევა (მათ შორის ანტიბიოტიკოთერაპიით გამოწვეული); კომპლექსური თერაპიის შემადგენლობაში: გაღიზიანებული ნაწლავის სინდრომი, ჰეპატიტი და ღვიძლის ციროზი, ალერგიული დაავადებები (ატოპიური დერმატიტი, ჭინჭრის ციება).

მიღების წესი და დოზირება:
ლუდოქსი მიიღება საკვების ან სამკურნალო საშუალებების მიღებამდე 1 სთ-ით ადრე. დასაშვებია ტაბლეტის წინასწარ დაფხვნა. 
მოზრდილებსა და 12 წელზე მეტი ასაკის ბავშვებში ინიშნება 2-3 ტაბლეტი 3-ჯერ დღეში, 8 - 12 წლის ასაკის ბავშვებში ინიშნება 1-2 ტაბლეტი 3-ჯერ დღეში, 3 - 7 წლის ასაკის ბავშვებში – 1 ტაბლეტი 3-ჯერ დღეში, 1 - 3 წლის ასაკის ბავშვებში – 1/2 ტაბლეტი 3-ჯერ დღეში. მკურნალობის კურსის ხანგრძლივობა შეადგენს საშუალოდ 2-3 კვირას. პრეპარატის ხანგრძლივი გამოყენება და განმეორებითი კურსების ჩატარება შესაძლებელია მხოლოდ ექიმის რეკომენდაციით.

გვერდითი მოვლენები: 
შესაძლებელია ალერგიული რეაქციების განვითარება პრეპარატის კომპონენტების მიმართ, იშვიათად – დიარეა, მეტეორიზმი.
იმ შემთხვევაში, თუ გამოვლინდა ისეთი გვერდითი მოვლენა, რომელიც არ არის აღნიშნული გამოყენების ინსტრუქციაში, პაციენტმა უნდა მიმართოს მკურნალ ექიმს.

უკუჩვენება:
•    მომატებული მგრძნობელობა პრეპარატში შემავალი კომპონენტების მიმართ;
•    ნაწლავთა გაუვალობა;
•    სისხლდენა კუჭ-ნაწლავიდან;
•    გალაქტოზემია.
პრეპარატი სიფრთხილით გამოიყენება ნაწლავთა ატონიის და კუჭისა და 12-გოჯა ნაწლავის წყლულოვანი დაავადების გამწვავების დროს.

ურთიერთქმედება სამკურნალო საშუალებებთან და სხვა სახის ურთიერთქმედება:
ერთდროული მიღებისას შესაძლებელია სხვა პრეპარატების სამკურნალო ეფექტის დაქვეითება. 

ჭარბი დოზირება:
პრეპარატის დოზის გადაჭარბებამ შესაძლოა გამოიწვიოს ტკივილი მუცლის არეში და ყაბზობა. ამ შემთხვევაში საჭიროა პრეპარატის გამოყენების შეწყვეტა.

ორსულობა და ლაქტაცია:
მონაცემები პრეპარატის გამოყენების უსაფრთხოების შესახებ ორსულობისა და ძუძუთი კვების პერიოდში არ არსებობს. 

განსაკუთრებული მითითებები: 
კომპლექსური თერაპიის შემადგენლობაში რეკომენდებულია ლუდოქსისა და სხვა პრეპარატების მიღებებს შორის არანაკლებ 1 სთ-იანი ინტერვალის დაცვა. 
პრეპარატის ზემოქმედება ავტოტრანსპორტისა და მექანიზმების მართვის უნარზე: პრეპარატი არ მოქმედებს ავტოტრანსპორტისა და მექანიზმების მართვის უნარზე.

შეფუთვა:
15 ტაბლეტი ბლისტერში, 2 ბლისტერი მუყაოს კოლოფში.

შენახვის პირობები: 
ინახება არა უმეტეს 30ºC ტემპერატურაზე, მშრალ, სინათლისაგან დაცულ და ბავშვებისათვის მიუწვდომელ ადგილას. 
ვიზუალური დათვალიერების შედეგად აღმოჩენილი რაიმე სახის დეფექტის შემთხვევაში პრეპარატის მიღება დაუშვებელია.

ვარგისობის ვადა:
3 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

აფთიაქიდან გაცემის პირობა: 
ფარმაცევტული პროდუქტის ჯგუფი III – გამოყენება შესაძლებელია ექიმის დანიშნულების გარეშე.

მწარმოებელი:
შპს “ავერსი-რაციონალი” (საქართველო).

მისამართი:    
საქართველო 0198, თბილისი, 
ჭირნახულის ქ. 14.
www.aversi.ge