ლ-ლიზინის ესცინატი1მგ/მლ5მლ#10
0.00 ლარი
ფარმაკოლოგიური ჯგუფი:
ანგიოპროტექტორები და მიკროცირკულაციის გამაუმჯობესებელი საშუალებები
ქვეყანა:
მწარმოებელი:
ჯენერიკი - შეადარეთ ანალოგები:
ლ-ლიზინ ესცინატი
გაცემის ფორმა: II ჯგუფი რეცეპტული
კოდი: 62183
გააზიარე:
პროდუქტი გაყიდვაში არ არის.
L - ლიზინის ესცინატი ®
(L-LYSINE AESCINAT)
შემადგენლობა:
მოქმედი ნივთიერება: ხსნარის 1 მლ შეიცავს 2,6-დიამინოჰექსანის მჟავას ესცინის მარილს 100% ნივთიერებაზე გადათვლით - 1,0 მგ;
დამხმარე ნივთიერებები: ეთანოლი 96%, პროპილენგლიკოლი, საინექციო წყალი.
სამკურნალო ფორმა. საინექციო ხსნარი.
ძირითადი ფიზიკურ-ქიმიური თვისებები: გამჭვირვალე უფერო სითხე.
ფარმაკოთერაპიული ჯგუფი. ვაზოპროტექტორები. კაპილარების მასტაბილიზებელი საშუალებები. სხვა კაპილარების მასტაბილიზირებელი საშუალებები.
ათქ კოდი C05C X03.
ფარმაკოლოგიური თვისებები.
ფარმაკოდინამიკა.
სამკურნალო საშუალება ახდენს ანთების საწინააღმდეგო, შეშუპების საწინააღმდეგო და ტკივილგამაყუჩებელ მოქმედებას. ესცინი აქვეითებს ლიზოსომალური ჰიდროლაზების აქტივობას, რაც თავიდან აცილებს მუკოპოლისაქარიდების გახლეჩას კაპილარების კედლებში და შემართებელ ქსოვილში, რომელიც გარს არტყია მათ, და ამგვარად ნორმაში მოჰყავს მომატებული სისხლძარღვოვან-ქსოვილური გამტარიანობა და ახდენს ანტიექსუდაციურ (შეშუპების საწინააღმდეგო), ანთების საწინააღმდეგო და ტკივილგამაყუჩებელ მოქმედებას. სამკურნალო საშუალება ამაღლებს სისხლძარღვების ტონუსს, ახდენს ზომიერ იმუნომაკორეგირებელბელ და ჰიპოგლიკემიურ ეფექტს.
ფარმაკოკინეტიკა.
არ არის შესწავლილი.
კლინიკური მახასიათებლები.
ჩვენებები.
- ტრავმული, არატრავმული და ოპერაციის შემდგომი გენეზის, მათ შორის ქალასშიდა სისხლჩაქცევებით, მომატებული ქალასშიდა წნევით და გასიება-შეშუპების მოვლენებით მიმდინარე თავის ტვინის შეშუპებების კომპლექსური თერაპიის ნაწილი.
- ზურგის ტვინის ტრავმული, არატრავმული, ოპერაციის შემდგომი გენეზის შეშუპებები. ლიქვორულ-ვენური დარღვევები თავის ტვინის სისხლის მიმოქცევის ქრონიკული დარღვევებისა (თტსმქდ) და ვეგეტო-სისხლძარღვოვანი დისტონიის დროს.
- რბილი ქსოვილების შეშუპებები საყრდენ-მამოძრავებელი აპარატის ჩათრევით, რომელსაც თან ახლავს მათი სისხლმომარაგების ლოკალური დარღვევები და ტკივილის სინდრომი; ხერხემლის, კიდურების შეშუპებითი-ტკივილის სინდრომები; ქვედა კიდურების ვენური სისხლის მიმოქცევის მძიმე დარღვევები მწვავე თრომბოფლებიტის დროს, რომლებსაც თან ახლავს შეშუპებით-ანთებადი სინდრომი.
უკუჩვენებები.
- მომატებული მგრძნობელობა 2,6-დიამონოჰექსანის მჟავას ესცინის მარილის მიმართ და/ან სამკურნალო საშუალების სხვა კომპონენტების მიმართ;
- სისხლდენის აქტიური გაგრძელება, რომელსაც თან ახლავს არასტაბილური ჰემოდინამიკა;
- თირკმლის ფუნქციის მძიმე დარღვევები;
- ღვიძლის ფუნქციის მძიმე დარღვევები.
ურთიერთქმედება სხვა სამკურნალო საშუალებებთან და ურთიერთქმედების სხვა სახეობები.
L-ლიზინის ესცინატით მკურნალობის დროს შესაძლებელია სხვა სამკურნალო საშუალების დანიშვნა შესაბამისი ჩვენებებისას (ანთების საწინააღმდეგოების, ანალგეტიკების, ანტიმიკრობულების). სამკურნალო საშუალება არ უნდა იქნას გამოყენებული ამინოგლიკოზიდებთან ერთდროულად მათი ნეფროტოქსიურობის მომატების გამო. ანტიკოაგულანტებით ხანგრძლივი თერაპიის შემთხვევაში, რომელიც ტარდებოდა L-ლიზინის ესცინატი®-ს დანიშვნის წინ ან L-ლიზინის ესცინატი® -სა და ანტიკოაგულანტების ერთდროული გამოყენების აუცილობლობის შემთხვევაში უნდა ჩატარდეს ამ უკანასკნელების დოზის კორექცია (დოზის შემცირება) და უნდა კონტროლირდებოდეს პროტრომბინის ინდექსი. ესცინის პლაზმის ცილებთან შეკავშირება რთულდება ცეფალოსპორინის რიგის ანტიბიოტიკების ერთდროული გამოყენებისას, რამაც შეიძლება გამოიწვიოს სისხლში თავისუფალი ესცინის კონცენტრაციის მომატება ამ უკანასკნელის გვერდითი ეფექტების განვითარების რისკით.
გამოყენების თავისებურებები.
ჰეპატოქოლეცისტიტის მქონე ცალკეულ პაციენტებს სამკურნალო საშუალების გამოყენების დროს შეიძლება აღენიშნოთ ტრანსამინაზების აქტივობისა და ბილირუბინის (პირდაპირი ფრაქციის) მოკლევადიანი ზრდა, რაც არ წარმოადგენს ავადმყოფებისათვის საშიშროებას და არ მოითხოვს პრეპარატის მოხსნას. ეს სამკურნალო საშუალება შეიცავს 0,9-დან 1,1 გ-მდე ეთანოლს (ალკოჰოლს) 1 ამპულაში, შეიძლება მავნებელი იყოს პაციენტებისათვის, რომლებიც დაავადებულები არიან ალკოჰოლიზმით. უნდა იქნას გამოჩენილი სიფრთხილე ღვიძლის დაავადებებისა და ეპილეფსიის მქონე ბავშვებში და პაციენტებში გამოყენების დროს.
გამოყენება ორსულობისა და ძუძუთი კვების პერიოდში.
სამკურნალო საშუალების გამოყენება ორსულობისა და ძუძუთი კვების პერიოდში უკუნაჩვენებია. მკურნალობის დროს ძუძუთი კვება უნდა იქნას შეწყვეტილი.
რეაქციის სისწრაფეზე გავლენის უნარი ავტოტრანსპორტის ან სხვა მექანიზმების მართვის დროს.
ამ დროისათვის შეტყობინებები არ არის, მაგრამ სამკურნალო საშუალების გამოყენებისას უნდა იქნას გათვალისწინებული ნერვული სისტემის მხრიდან სავარაუდო გვერდითი რეაქციების განვითარების შესაძლებლობა.
გამოყენების წესი და დოზები.
სამკურნალო საშუალება შეჰყავთ ინტრავენურად ან ინტრავენურად წვეთებით. დაუშვებელია სამკურნალო საშუალების ინტრაარტერიული შეყვანა! სამკურნალო საშუალების შეყვანა რეკომენდებულია ნელი ინტრავენური ინფუზიების გზით რეკომენდებული დოზის ნატრიუმის ქლორიდის 0,9 %-იანი ხსნარით 15-50 მლ-ის მოცულობამდე განზავების შემდეგ.
მკურნალობის კურსის ოპტიმალური რეკომენდებული ხანგრძლივობა შეადგენს 5 – 10 დღეს, სამკურნალო საშუალების ყოველდღიურად შეყვანით. სამკურნალო საშუალების მაქსიმალური სადღეღმისო დოზა ზრდასრულებისათვის - 25 მლ-ია ( 5 ამპულა).
რეკომენდებული სადღეღამისო დოზები:
ზრდასრულებისათვის:
სამკურნალო საშუალების რეკომენდებული სადღეღამისო დოზა შეადგენს 5 – 10 მლ ( 1 -2 ამპულა).
ისეთი მდგომარეობების დროს, რომლებიც ავადმყოფს სიცოცხლის საშიშროებას უქმნის, სადღეღამისო დოზა იზრდება 20 მლ-მდე, რაც იყოფა ორ შეყვანაზე, მკურნალობის კურსი 8 დღე-ღამემდეა.
თტსმქდ-ისას ლიქვორულ-ვენოზური დარღვევებისა და ვეგეტო-სისხლძარღვოვანი დისტონიის შემთხვევაში-10მლ დღე-ღამეში, მკურნალობის კურსი შეადგენს 10 დღე-ღამეს. ბავშვებისათვის ერთჯერადი დოზა შეადგენს:
1-5 წლის - სამკურნალო საშუალების 0,22მგ სხეულის მასის 1 კგ-ზე;
5-10 წლის - 0,18 მგ/კგ;
10 წლიდან - 0,15 მგ/კგ სხეულის მასაზე.
სამკურნალო საშუალება შეიყვანება დღე-ღამეში 2 ჯერ. მკურნალობის კურსის ხანგრძლივობა - 2-დან 8 დღემდეა, ავადმყოფის მდგომარეობიდან და თერაპიის ეფექტურობიდან გამომდინარე.
ბავშვები.
1 წლამდე ასაკის ბავშვებისათვის სამკურნალო საშუალება უკუნაჩვენებია.
დოზის გადაჭარბება.
სიმპტომები: სიცხის შეგრძნება, ტაქიკარდია, მენორაგია, გულისრევა, გულძმარვა, ტკივილი ეპიგასტრიუმში.
მკურნალობა: სიმპტომური თერაპია.
გვერდითი რეაქციები.
ესცინის მიმართ მომატებული ინდივიდუალური მგრძნობელობის დროს ცალკეულ ავადმყოფებში შესაძლებელია:
ალერგიული რეაქციები: კანისმიერი გამონაყარი (პაპულოზური, პეტექიალური, ერითემატოზული), ქავილი, კანის ჰიპერემია, ჰიპერთერმია, ჭინჭრის ციება, ცალკეულ შემთხვევებში - კვინკეს შეშუპება, ანაფილაქსიური შოკი;
ცენტრალური და პერიფერიული ნერვული სისტემის მხრივ : თავის ტკივილი, თავბრუსხვევა, ტრემორი, პარესტეზიები, ცალკეულ შემთხვევებში - გაუწონასწორებელი სიარული, წონასწორობის დარღვევა, გონების მოკლევადიანი დაკარგვა;
ღვიძლისა და ბილიარული სისტემის მხრივ: ტრანსამინაზების დონისა და ბილირუბნის დონის მატება;
კუჭ-ნაწლავის სისტემის მხრივ: გულისრევა, ცალკეულ შემთხვევებში - ღებინება , დიარეა, ტკივილი მუცელში;
გულ-სისხლძარღვთა სისტემის მხრივ : არტერიული ჰიპოტენზია, არტერიული ჰიპერტენზია, ტაქიკარდია, ტკივილი მკერდის უკან;
სასუნთქი ორგანოების მხრივ: ცალკეულ შემთხვევებში - ჰაერის უკმარისობის გრძნობა, ქოშინი, ბრონქოობსტრუქცია, მშრალი ხველა;
ადგილობრივი რეაქციები: წვა ვენის გასწვრივ შეყვანის დროს, ფლებიტი, ტკივილი და შეშუპება შეყვანის ადგილზე;
სხვა: ზოგადი სისუსტე, შემცივნება, სიცხის შეგრძნება, ტკივილი წელის არეში, ოფლიანობა.
ვარგისობის ვადა.
2 წელი.
შენახვის პირობები.
შეინახეთ ორიგინალ შეფუთვაში არაუმეტეს 25˚ C ტემპერატურაზე.
შეინახეთ ბავშვებისათვის მუწვდომელ ადგილზე.
შეუთავსებლობა.
არ შეიძლება სამკურნალო საშუალების სხვა გამხსნელებთან შერევა, იმათ გარდა, რომლებიც ნახსენებია განყოფილებაში „გამოყენების წესი და დოზები“.
შეფუთვა.
5 მლ ამპულაში; 5 ამპულა ბლისტერში, რომელიც დაფარულია აპკით; 2 ბლისტერი შეკვრაში.
გაცემის კატეგორია.
ფარმაცევტული პროდუქტის ჯგუფი II, გაიცემაფორმა №3 რეცეპტით
მწარმოებელი.
სსს„გალიჩფარმი“
მწარმოებლის ადგილსამყოფელი და მისი საქმიანობის განხორციელების ადგილის მისამართი.
უკრაინა, 79024, ქალ. ლვოვი, ოპრიშკოვსკაიას ქუჩა, 6/8.
