კადე-ფენი #10პლასტირი

კა–დე ფენი პლასტირი

გამოშვების ფორმა: პლასტირი – ყვითელი წებოვანი სუბსტანცია დატანილია კანისფერ პოლიურეთანის სპეციალურ არაქსოვილოვან ფუძეზე და დაფარულია ქაღალდით, რომელიც ეცლება.
შემადგენლობა:
ყოველი პლასტირი შეიცავს 120 მგ დიკლოფენაკის დიეთილამონიუმს.
ჩვენება:
პრეპარატი გამოხატული ტკივილგამაყუჩებელი და ანთების საწინააღმდეგო
მოქმედებით გამოიყენება შემდეგი დაავადებების დროს:
1. მადეფორმირებელი ოსტეოართრიტი.
2. პერიართრიტი
3. ტენდივიტი და ტენდოსინოვიტი
4. პერიტენდოვიტი
5. ლატერალური ეპიკონდილიტი (“ჩოგბურთელის მხარი”)
6. პოსტტრავმული შეშუპება, ტკივილი (კონტუზია, დაზიანება, მყესების დაჭიმვა).
7. მიალგია
დოზირება და მიღების წესი:
დაიდეთ ერთი პლასტირი ერთხელ დღეში დაზიანებულ ადგილას.
სიფრთხილის ზომები:
1. უკუჩვენება:
1) პაციენტები რომელთაც აღენიშნებათ ჰიპერმგრძნობელობა პრეპარატის შემადგენელი ნივთიერებების მიმართ.
2) პაციენტები ანამნეზში ასთმით, ურტიკარიით ან ასპირინის და სხვა ანთების საწინააღმდეგო არასტეროიდული საშუალებების მიმართ ალერგიით და მომატებული მგრძნობელობით.
2. მედიკამენტი გამოიყენება სიფრთხილით შემდეგ პაციენტებში:
პაციენტები ბრონქული ასთმით.
3. გვერდითი ეფექტები:
1) დერმატოლოგიური: შესაძლებელია გამოიწვიოს კანის ქავილი, გამონაყარი, სიმშრალე, გაღიზიანება, მძიმე შემთხვევაში საჭიროა მკურნალობის შეწყვეტა.
2) ჰიპერმგრძნობელობა: იშვიათად ურტიკარია, დისპნოე. ამ სიმპტომების გამოვლენისას საჭიროა მკურნალობის შეწყვეტა. ასთმის შეტევის, ურტიკარიის, ქავილის, სიწითლის, გამონაყარის არსებობისას მკურნალობა უნდა შეწყდეს.

4. ძირითადი სიფრთხილის ზომები:
1) ანთების საწინააღმდეგო და ტკივილგამაყუჩებელი თერაპია არის სიმპტომური თერაპია და არა პათოგენეზური.
2) პრეპარატის გამოყენებისას შესაძლებელია შემცირდეს კანის ინფექციის სადიაგნოსტიკო სიმპტომები. კანის ანთებითი დაავადებების მკურნალობისას შესაძლებელია მისი გამოყენება შესაბამის სოკოსსაწინააღმდეგო საშუალებებთან ერთად.
3) ქრონიკული დაავადებების მკურნალობისას (მადეფორმირებელი ართრიტი), შესაძლებელია კომბინირება სხვა სამკურნალო საშუალებებთან. საჭიროა ყურადღება მიექცეს გვერდითი ეფექტებს.
5. ორსულობა:
მონაცემები პრეპარატის უსაფრთხოების შესახებ ორსულობის პერიოდში არ არის მოცემული. არ არის რეკომენდებული ორსულებში მასიურად და ფართოდ დიდი ხნის განმავლობაში პრეპარატის გამოყენება.
6. ბავშვთა ასაკი:
მონაცემები პრეპარატის უსაფრთხოების შესახებ ბავშვთა ასაკში არ არის მოცემული.
7. სიფრთხილის ზომები გამოყენებისას:
1) არ დაიდოთ პლასტირი თვალსა და ლორწოვანზე.
2) დაზიანებულ კანზე დადებისას შესაძლებელია განვითარდეს ტრანზიტული გაღიზიანება.