ციტრამონი #6ტ (ბორის)

სამკურნალო საშუალების სამედიცინო
გამოყენების ინსტრუქცია

ციტრამონი-ბორიმედი

სავაჭრო სახელწოდება: ციტრამონი-ბორიმედი
გამოშვების ფორმა: ტაბლეტები.
აღწერილობა: ღია ყავისფერი ტაბლეტები თეთრი წინწკლებით, კაკაოს სუნით, ბრტყელი ზედაპირით ნაზოლით და გამყოფი ხაზით.
შემადგენლობა: ერთი ტაბლეტი შეიცავს: აქტიური ნივთიერებები: აცეტილსალიცილის მჟავა – 220 მგ, პარაცეტამოლი – 200 მგ, კოფეინი – 27 მგ, დამხმარე ნივთიერებები: კაკაო-ფხვნილი, ლიმონმჟავას მონოჰიდრატი, კარტოფილის სახამებელი, ტალკი, სტეარინის მჟავა.

ფარმაკოთერაპიული ჯგუფი: სხვა ანალგეზიურები და ანტიპირეზულები. აცეტილსალიცილის მჟავა, კომბინაციები, ფსიქოლეფსიურების გარდა.
კოდი ათქ: N02BA51.

ფარმაკოლოგიური თვისებები
ფარმაკოდინამიკა
აცეტილსალიცილის მჟავა ფლობს ტკივილგამაყუჩებელ, სიცხის დამწევ და ანთების საწინააღმდეგო მოქმედებას, პირველ რიგში პროსტაგლანდინების და თრომბოქსანების არაქიდონის მჟავიდან ბიოსინთეზის ინჰიბირების გამო, ციკლოოქსიგენაზას (ცოგ) ფერმენტის შეუქცევადი აცეტილირების გზით.
პარაცეტამოლი ფლობს ტკივილგამაყუჩებელ და სიცხის დამწევ მოქმედებას, მაგრამ, აცეტილსალიცილის მჟავასგან განსხვავებით, არ აინჰიბირებს თრომბოციტების აგრეგაციას.
კოფეინის დამატება ზრდის აცეტილსალიცილის მჟავას და პარაცეტამოლის ანტინოციცეპტურ ეფექტებს.
ფარმაკოკინეტიკა
აცეტილსალიცილის მჟავა
ჩვეულებრივ, შიგნით მიღების შემდეგ, აბსორბცია ხდება სწრაფად და სრული მოცულობით. აცეტილსალიცილის მჟავა მნიშვნელოვანი ხარისხით ჰიდროლიზდება სალიცილატებამდე კუჭ-ნაწლავის ტრაქტში, ღვიძლში და სისხლში, შემდეგ დამატებით მეტაბოლიზდება, უპირველესად ღვიძლში.
პარაცეტამოლი
პარაცეტამოლი მსუბუქად აბსორბირდება კუჭ-ნაწლავის ტრაქტიდან შრატში მაქსიმალური კონცენტრაციებით. ეს ხდება შიგნით მიღებიდან 30 წუთიდან 2 საათამდე განმავლობაში. პარაცეტამოლი მეტაბოლიზდება ღვიძლში და გამოიყოფა შარდით ძირითადად გლუკურონიდის და სულფატური კონიუგატების სახით. პარაცეტამოლის 5%-ზე ნაკლები გამოიყოფა ორგანიზმიდან შეუცვლელი სახით. ნაწილობრივად გამოყოფის პერიოდი შეადგენს 1-დან 4 საათამდე. შეკავშირება შრატის ცილებთან უმნიშვნელოა ჩვეულებრივი თერაპიული კონცენტრაციების დროს, მაგრამ იზრდება კონცენტრაციის გაზრდისას.
ჰიდროქსილირებული მეტაბოლიტი, რომელიც ჩვეულებრივ წარმოიქმნება ძალიან მცირე რაოდენობით ღვიძლში შერეული ფუნქციების მქონე ოქსიდაზას მოქმედებით და რომელიც ჩვეულებრივ დეტოქსიფიცირდება ღვიძლის გლუტათიონთან კონიუგაციის გზით, შესაძლებელია დაგროვდეს პარაცეტამოლის ჭარბი დოზის შედეგად და გამოიწვიოს ღვიძლის დაზიანება.
კოფეინი
კოფეინი სრულად და სწრაფად აბსორბირდება მაქსიმალურ კონცენტრაციებში შიგნით მიღების შემდეგ. ეს ხდება დოზის უზმოზე მიღებიდან 5-90 წუთის განმავლობაში. პრესისტემური მეტაბოლიზმის მტკიცებულება არ არის.
მოზრდილებში ვლინდება გამოყოფის სიჩქარის გამოხატული ინდივიდუალური ცვალებადობა. ნაწილობრივად გამოყოფის საშუალო პერიოდი შრატიდან შეადგენს 4,9 საათს, 1,9-12,2 საათის დიაპაზონის დროს. კოფეინი ნაწილდება ორგანიზმის ყველა სითხეში. კოფეინის საშუალო შეკავშირება შრატის ცილებთან შეადგენს 35%-ს.
კოფეინი თითქმის სრულად მეტაბოლიზდება ჟანგვის, დემეთილირების და აცეტილირების გზით, გამოიყოფა შარდით. ძირითადი მეტაბოლიტებია 1-მეთილქსანტინი, 7-მეთილქსანტინი, 1,7-დიმეთილქსანტინი (პარაქსანტინი). მეორეხარისხოვანი მეტაბოლიტები მოიცავენ 1-მეთილურის მჟავას და 5-აცეტილამინო-6-ფორმილამინო-3-მეთილურაცილს (AMFU).
კომბინაცია
სამი აქტიური ინგრედიენტის კომბინაციაში თითოეული ნივთიერების რაოდენობა მცირეა. ამიტომ, არ ხდება გამოყოფის პროცესების დათრგუნვა ნაწილობრივი გამოყოფის პერიოდის და ტოქსიკურობის გაზრდის შემდგომი რისკებით.
ფარმაკოკინეტიკური მონაცემები აცეტილსალიცილის მჟავას, პარაცეტამოლის და კოფეინის ფიქსირებული კომბინაციისთვის შეესაბამება ფარმაკოკინეტიკურ პროფილებს, რომლებიც დადგენილია თითოეული ნივთიერებისთვის ცალ-ცალკე ან თითოეული ტკივილგამაყუჩებელი კომპონენტის კოფეინთან კომბინაციისთვის.
კრიტიკული სამკურნალწამლო ურთიერთზემოქმედება აცეტილსალიცილის მჟავას, პარაცეტამოლს და კოფეინს შორის ან სხვა სამკურნალო საშუალებასთან ურთიერთზემოქმედების ნებისმიერი მომატებული რისკი მათი ერთდროული გამოყენებისას უცნობია. ურთიერთზემოქმედება სამ აქტიურ ნივთიერებას შორის არ არის გამოვლენილი.

გამოყენების ჩვენება
ციტრამონი-ბორიმედი ნაჩვენებია მოზრდილებში თავის მწვავე ტკივილის სამკურნალოდ.

უკუჩვენება
-ჰიპერმგრძნობელობა აცეტილსალიცილის მჟავას (ასპირინის), პარაცეტამოლის, კოფეინის ან ნაწილში ,,შემადგენლობა" მითითებული ნებისმიერი დამხმარე ნივთიერების მიმართ.
პაციენტებში, რომლებშიც აცეტილსალიცილის მჟავამ (ასპირინი) ან არასტეროიდულმა ანთების საწინააღმდეგო საშუალებებმა, როგორიც არის დიკლოფენაკი ან იბუპროფენი, შესაძლებელია მოახდინონ ასთმის, ჭინჭრის ციების ან მწვავე რინიტის შეტევების განვითარების პროვოცირება.
-კუჭის ან ნაწლავის წყლულის გამწვავება, კუჭ-ნაწლავის სისხლდენა ან პერფორაცია, ასევე პაციენტებში, რომლებსაც აქვთ კუჭის წყლული ანამნეზში;
-ჰემოფილია ან სხვა ჰემორაგიული დაავადებები;
-ღვიძლის ან თირკმელების მძიმე უკმარისობა;
-გულის მძიმე უკმარისობა;
-მეტოტრექსატის მიღება 15 მგ-ზე მეტი დოზით კვირაში (იხ. ნაწილი ,,ურთიერთზემოქმედება სხვა სამკურნალო საშუალებებთან");
-ორსულობის ბოლო ტრიმესტრი (იხ. ნაწილი ,,სიფრთხილის ზომები").

გამოყენების წესი და დოზები
მოზრდილები
ჩვეულებრივ, რეკომენდებული დოზა არის – 1 ტაბლეტი; შესაძლებელია დამატებითი ტაბლეტის მიღება, მიღებებს შორის ინტერვალი უნდა შეადგენდეს 4-დან 6 საათამდე. ძალიან ძლიერი ტკივილის შემთხვევაში, საჭიროების მიხედვით, შესაძლებელია კიდევ 2 ტაბლეტის მიღება, დოზების მიღებებს შორის ინტერვალი უნდა შეადგენდეს 4-დან 6 საათამდე.
ციტრამონი-ბორიმედი განკუთვნილია პერიოდული გამოყენებისთვის, თავის ტკივილის დროს მიღება შესაძლებელია 4 დღემდე.
თავის ტკივილის დროს სამკურნალო საშუალების მიღება უნდა შეიზღუდოს – არაუმეტეს 6 ტაბლეტი 24 საათის განმავლობაში. სამკურნალო საშუალების გამოყენება არ შეიძლება უფრო ხანგრძლივი დროის განმავლობაში ან უფრო მაღალი დოზით ექიმთან წინასწარი კონსულტაციის გარეშე.
თითოეული დოზის მიღება უნდა მოხდეს მთელი ჭიქა წყლის დაყოლებით.
ბავშვები და მოზარდები (18 წლამდე)
ციტრამონი-ბორიმედის ეფექტურობა და უსაფრთხოება ბავშვებში და მოზარდებში არ არის შეფასებული. ამიტომ, სამკურნალო საშუალების მიღება ბავშვებში და მოზარდებში არ არის რეკომენდებული (იხ. ნაწილი ,,სიფრთხილის ზომები").
ხანდაზმული პაციენტები
საერთო სამედიცინო რეკომენდაციებზე დაყრდნობით, საჭიროა სიფრთხილის ზომების დაცვა ხანდაზმული პაციენტების მიერ სამკურნალო საშუალების მიღებისას, განსაკუთრებით, ხანდაზმულ პაციენტებში სხეულის მცირე წონით.
ღვიძლის და თირკმელების უკმარისობა
თირკმელების ან ღვიძლის უკმარისობის ზემოქმედება ციტრამონი-ბორიმედის ფარმაკოკინეტიკაზე არ არის შეფასებული. აცეტილსალიცილის მჟავას (ასპირინი) და პარაცეტამოლის მოქმედების მექანიზმის გამო შესაძლებელია გაძლიერდეს თირკმელების ან ღვიძლის უკმარისობა. შესაბამისად, ციტრამონი-ბორიმედი უკუნაჩვენებია პაციენტებში თირკმელების ან ღვიძლის მძიმე უკმარისობით (იხ. ნაწილი ,,უკუჩვენება"). სიფრთხილით გამოიყენება პაციენტებში თირკმელების ან ღვიძლის მსუბუქი ან ზომიერი უკმარისობით.

გვერდითი მოქმედება
ბევრი ჩამოთვლილი გვერდითი რეაქცია დამოკიდებულია დოზაზე და განსხვავებულია სხვადასხვა ადამიანში.
ქვემოთ ჩამოთვლილი გვერდითი რეაქციები დაყოფილია ორგანოთა სისტემების, ასევე მათი განვითარების სიხშირის შესაბამისად. გამოიყენება შემდეგი პრინციპი: ძალიან ხშირი (≥1/10); ხშირი (≥1/100-დან