პანტო-დენკი 20მგ #28ტ

პანტო-დენკ 20
გასტრორეზისტენტული ტაბლეტი – ორალურად მისაღები
პროტონული ტუმბოს ინჰიბიტორი
აქტიური ნივთიერება: პანტოპრაზოლი

გამოყენების ინსტრუქცია: ინფორმაცია პაციენტისათვის
აღნიშნული პრეპარატის მიღებამდე საჭიროა ინსტრუქციის სრულად, ყურადღებით წაკითხვა, რადგან ის შეიცავს პაციენტისთვის მნიშვნელოვან ინფორმაციას.
- საჭიროა ინსტრუქციის შენახვა. შესაძლებელია საჭირო გახდეს მისი ხელმეორედ წაკითხვა;
- დამატებითი შეკითხვების არსებობის შემთხვევაში, უნდა მიემართოს მკურნალ ექიმს ან ფარმაცევტს;
- აღნიშნული პრეპარატი განკუთვნილია მხოლოდ კონკრეტული პაციენტისთვის. არ შეიძლება მისი გადაცემა სხვისთვის. სიმპტომების მსგავსების მიუხედავად, მან შესაძლებელია ზიანი მიაყენოს სხვას.
- თუ გამოვლინდება რომელიმე გვერდითი ეფექტი, უნდა მიემართოს მკურნალ ექიმს ან ფარმაცევტს. ეს ასევე ეხება ნებისმიერ გვერდით ეფექტს, რაც არ არის მითითებული გამოყენების აღნიშნულ ინსტრუქციაში. იხ. პუნქტი 4.

რა არის გამოყენების ამ ინსტრუქციაში
1. რა არის პანტო-დენკ 20 და რისთვის გამოიყენება
2. რა არის გასათვალისწინებელი პანტო-დენკ 20-ის მიღებამდე
3. პანტო-დენკ 20-ის მიღების წესი
4. შესაძლო გვერდითი ეფექტები
5. პანტო-დენკ 20-ის შენახვის წესი
6. შეფუთვის შემადგენლობა და სხვა ინფორმაცია

1. რა არის პანტო-დენკ 20 და რისთვის გამოიყენება
პანტო-დენკ 20 შეიცავს აქტიურ ნივთიერება პანტოპრაზოლს. პანტო-დენკ 20 არის სელექციური “პროტონული ტუმბოს ინჰიბიტორი”, პრეპარატი, რომელიც ამცირებს კუჭში წარმოქმნილი მჟავას რაოდენობას. გამოიყენება კუჭის და ნაწლავის მჟავიანობასთან დაკავშირებული დაავადებების სამკურნალოდ.

პანტო-დენკ 20 გამოიყენება 12 წლის ასაკიდან მოზარდებისა და მოზრდილების სამკურნალოდ:
- გასტროეზოფაგეალური რეფლუქსის დაავადებასთან დაკავშირებული ნიშნები (მაგ: გულძმარვა; მჟავიანობის რეგურგიტაცია; ტკივილი ყლაპვის დროს), რომელიც გამოწვეულია კუჭის მჟავის რეფლუქსით
- რეფლუქსიური ეზოფაგიტის ხანგრძლივი მკურნალობა (საჭმლის მომნელებელი სისტემის ანთება, კუჭის მჟავის რეგურგაციით) და მისი განმეორების პრევენცია.

პანტო-დენკ 20 გამოიყენება მოზრდილებში შემდეგი დაავადების სამკურნალოდ
- არასტეროიდული ანთების საწინააღმდეგო საშუალებებით (NშAID-ები, მაგალითად იბუპროფენი) გამოწვეული კუჭის და თორმეტგოჯა წყლულის პრევენცია რისკის მქონე პაციენტებისათვის, რომლებიც საჭიროებენ NშAID–ით ხანგრძლივ თერაპიას.

2. რა არის გასათვალისწინებელი პანტო-დენკ 20-ის მიღებამდე
პანტო-დენკ 20 არ მიიღება
- თუ პაციენტი ალერგიულია პანტოპრაზოლის, სოიოს, მიწის თხილის ან ამ მედიკამენტის ნებისმიერი სხვა ინგრედიენტის მიმართ (ჩამოთვლილია პუნქტში 6);
- თუ პაციენტი ალერგიულია პროტონული ტუმბოს სხვა ინჰიბიტორის შემცველი მედიკამენტის მიმართ.

გაფრთხილებები და სიფრთხილის ზომები:
პანტო-დენკ 20-ის მიღებამდე უნდა მიემართოს ექიმს ან ფარმაცევტს:
- თუ პაციენტს აღენიშნება ღვიძლის მხრივ მწვავე დაავადება. უნდა ეცნობოს მკურნალ ექიმს ანამნეზში ღვიძლის მხრივ პრობლემის არსებობის შემთხვევაში. იგი გააკონტროლებს ღვიძლის ფერმენტებს უფრო ხშირად, განსაკუთრებით თუ პანტო-დენკ 20 მიიღება ხანგრძლივი თერაპიის სახით. ღვიძლის ფერმენტების დონის მატების შემთხვევაში მკურნალობა უნდა შეწყდეს.
- თუ პაციენტს ესაჭიროება NშAID-ებით ხარგრძლივი თერაპია და ღებულობს პანტო-დენკ 20-ს, ვინაიდან იზრდება კუჭის და ნაწლავის მხრივ გართულებების გამოვლენის რისკი. ნებისმიერი მომატებული რისკი შეფასდება პაციენტის პირადი რისკ-ფაქტორის შესაბამისად, როგორიც არის ასაკი (65 წლის ან უფრო მეტის), კუჭის ან თორმეტგოჯა ნაწლავის წყლულის ან კუჭის ან ნაწლავური სისხლდენის ანამნეზი
- თუ შემცირდა პაციენტის სხეულის წონა ან ვიტამინB B12-ის დონის შემცირებასთან დაკავშირებული რისკ-ფაქტორები და პაციენტი ხანგრძლივად მკურნალობს პანტოპრაზოლით. მჟავიანობის შემამცირებელი ყველა საშუალების მსგავსად, პანტოპრაზოლის მიღება შეიძლება დაკავშირებული იყოს ვიტამინი B12-ის შეწოვის შემცირებასთან.
- თუ პაციენტი აივ პროტეაზას ინჰიბიტორებს, როგორიც არის ატაზანავირი (აივ ინფექციის სამკურნალო საშუალება), იღებს პანტოპრაზოლთან ერთად, სპეციფიკური რჩევისათვის უნდა მიემართოს ექიმს.
- პანტოპრაზოლის მსგავსი პროტონული ტუმბოს ინჰიბიტორების მიღებამ, განსაკუთრებით 1 წელზე უფრო ხანგრძლივად, შესაძლებელია მცირედად გაზარდოს ბარძაყის, მაჯის ან ხერხემლის მოტეხილობის რისკი. უნდა ეცნობოს ექიმს, თუ პაციენტს აქვს ოსტეოპოროზი ან ღებულობს კორტიკოსტეროიდებს (რომელმაც შესაძლებელია გაზარდოს ოსტეოპოროზის განვითარების რისკი).
- თუ პაციენტი მკურნალობს პანტოპრაზოლით 3 თვეზე უფრო ხანგრძლივად, შეიძლება დაეცეს სისხლში მაგნიუმის დონე. მაგნიუმის დაბალი დონე თავის მხრივ იწვევს დაღლილობის შეგრძნებას, კუნთის უნებლიე სპაზმს, კონფუზიას, კრუნჩხვას, თავბრუსხვევას, გულის რითმის მომატებას. თუ გამოვლინდება რომელიმე მათგანი, დაუყოვნებლივ უნდა მიემართოს მკურნალ ექიმს. მაგნიუმის დაბალი დონე იწვევს ასევე სისხლში კალიუმის და კალციუმის დონის დაქვეითებას. მკურნალი ექიმი რეგულარულად გააკონტროლებს სისხლში მაგნიუმის დონეს.
- თუ პაციენტს პანტო-დენკ 20-ის მსგავსი მედიკამენტის მიღების შემდეგ, რომელიც ამცირებს კუჭის მჟავიანობას, ანამნეზში აღენიშნება კანის მხრივ რეაქციების გამოვლენა.
თუ გამოვლინდა გამონაყარი კანზე, განსაკუთრებით მზისგან დაუცველ ადგილას, შეძლებისდაგვარად დაუყოვნებლივ უნდა მიემართოს ექიმს, რადგან შეიძლება საჭირო გახდეს პანტო-დენკ 20-ით მკურნალობის შეწყვეტა. ასევე მნიშვნელოვანია აღინიშნოს სახსრების ტკივილის მსგავსი სხვა ნებისმიერი დაავადება.
- თუ პაციენტს აქვს სისხლის სპეციფიკური ანალიზები (ქრომაგრანინ A).
დაუყოვნებლივ უნდა მიემართოს ექიმს, ამ მედიკამენტის მიღებამდე ან მიღების შემდეგ, თუ გამოვლინდა ქვემოთ ჩამოთვლილთაგან რომელიმე სიმპტომი, რაც შეიძლება იყოს სხვა, უფრო სერიოზული დაავადების ნიშანი:
- წონის უნებლიე დაკარგვა
- ღებინება, განსაკუთრებით თუ მეორდება
- სისხლის ღებინება, შეიძლება გამოვლინდეს მუქი ყავის ნალექის სახით რეგურგიტირებულ მასაში
- განავალში სისხლი, რომელიც შეიძლება იყოს შავი ან კუპრისებრი
- ყლაპვის გართულება ან ტკივილი ყლაპვის დროს
- სიფერმკრთალე ან სისუსტის შეგრძნება (ანემია)
- მკერდის ტკივილი
- კუჭის ტკივილი
- მწვავე და/ან მუდმივი დიარეა, რადგან ეს მედიკამენტი შეიძლება დაკავშირებული იყოს ინფექციური დიარეის მცირედად გაზრდასთან.
მკურნალმა ექიმმა შეიძლება გადაწყვიტოს, რომ პაციენტს ესაჭიროება დამატებითი ანალიზები, რათა გამოირიცხოს ავთვისებიანი დაავადებები, ვინაიდან პანტოპრაზოლი ასუსტებს სიმსივნის ნიშნებს და შეიძლება შეაყოვნოს დიაგნოსტიკა. თუ მკურნალობის მიუხედავად კვლავ ვლინდება სიმპტომები, შეიძლება განხილული იქნას დამატებითი კვლევების ჩატარება.
თუ პანტო-დენკ 20 მიიღება ხანგრძლივად (1 წელზე დიდი ხნის განმავლობაში) სავარაუდოდ, პაციენტი იქნება რეგულარულად ყურადღების ქვეშ მკურნალი ექიმის მიერ. მკურნალ ექიმს უნდა ეცნობოს ნებისმიერი ახალი ან განსაკუთრებული სიმპტომების და გარემოებების შესახებ ვიზიტის დროს.

ბავშვები და მოზარდები
არ არის რეკომენდებული პანტო-დენკ 20-ის მიღება 12 წლამდე ასაკის ბავშვებში, რადგან ამჟამად ამ ასაკში არ არსებობს გამოცდილება.

სხვა პრეპარატები და პანტო-დენკ 20
უნდა ეცნობოს ექიმს ან ფარმაცევტს თუ პაციენტი მკურნალობს, უახლოესი პერიოდის განმავლობაში ღებულობდა ან შეიძლება მიიღოს ნებისმიერი სხვა პრეპარატი, ურეცეპტოდ გასაცემი პრეპარატების ჩათვლით.
ვინაიდან, პანტო-დენკ 20-მა შეიძლება გავლენა მოახდინოს სხვა პრეპარატების ეფექტიანობაზე, უნდა ეცნობოს მკურნალ ექიმს, თუ პაციენტი ღებულობს ნებისმიერ ქვემოთ ჩამოთვლილ პრეპარატს:
- მედიკამენტი, როგორიც არის კეტოკონაზოლი, იტრაკონაზოლი, ან პოზაკონაზოლი (სოკოვანი ინფექციის სამკურნალო მედიკამენტები) ან ერლოტინიბი (გამოიყენება ზოგიერთი ტიპის კიბოს სამკურნალოდ), რადგან პანტო-დენკ 20-მა შეიძლება შეაჩეროს ამ და სხვა მედიკამენტების შესაბამისად მოქმედება.
- ვარფარინი და ფენპროკუმონი, რომელიც გავლენას ახდენს სისხლის შედედებაზე ან გათხელებაზე. პაციენტს შეიძლება დასჭირდეს დამატებითი ანალიზები.
- აივ-ინფექციის სამკურნალო მედიკამენტები, როგორიც არის მაგალითად ატაზანავირი
- მეთოტრექსატი (რევმატოიდული ართრიტის, ფსორიაზის და კიბოს სამკურნალო მედიკამენტი). თუ პაციენტი ღებულობს მეთოტრექსატს, ექიმმა შესაძლებელია დროებით შეწყვიტოს პანტო-დენკ 20-ის დანიშვნა, რადგან პანტოპრაზოლმა შესაძლებელია გაზარდოს სისხლში მეთოტრექსატის დონე.
- ფლუვოქსამინი (დეპრესიის და სხვა ფსიქიატრიული დაავადებების სამკურნალო მედიკამენტი). თუ პაციენტი ღებულობს ფლუვოქსამინს, მკურნალმა ექიმმა შეიძლება შეამციროს დოზა.
- რიფამპიცინი (ინფექციების სამკურნალო მედიკამეტი)
- კრაზანა (Hყპერიცუმ პერფორატუმ) (საშუალო სიმძიმის დეპრესიის სამკურნალო საშუალება)

ორსულობა და ლაქტაციის პერიოდი
ორსულ ქალბატონებში პანტოპრაზოლის გამოყენებასთან დაკავშირებით საკმარისი მონაცემები არ არსებობს. ვლინდება ადამიანის რძეში მისი გადასვლა.
თუ პაციენტი არის ორსულად ან ლაქტაციის პერიოდში, ფიქრობს რომ არის ორსულად, ან აპირებს დაფეხმძიმებას, ამ მედიკამენტის მიღებამდე უნდა მიემართოს მკურნალ ექიმს ან ფარმაცევტს.
ეს მედიკამენტი შეიძლება დაინიშნოს მხოლოდ იმ შემთხვევაში, თუ მკურნალი ექიმი დარწმუნებულია, რომ დედისათვის მიღებული სარგებელი აჭარბებს ნაყოფის ან ახალშობილთან დაკავშირებულ მოსალოდნელ რისკს.

ავტომობილის და სხვა მექანიზმების მართვა
პანტო-დენკ 20-ს არ აქვს გავლენა ან უმნიშვნელოდ მოქმედებს მანქანის და სხვა მექანიზმების მართვის უნარზე.
თუ გამოვლინდა გვერდითი ეფექტები, მაგ: თავბრუსხვევა ან დაბინდული მხედველობა, არ შეიძლება მანქანის და სხვა მექანიზმების მართვა.

პანტო-დენკ 20 შეიცავს მალტიტოლს.
თუ პაციენტი ინფორმირებულია, რომ მას აქვს ზოგიერთი შაქრის მიმართ აუტანლობა, ამ მედიკამენტის მიღებამდე უნდა მიემართოს ექიმს.

პანტო-დენკ 20 შეიცავს ნატრიუმს
მედიკამენტის თითო ტაბლეტი შეიცავს 1 მმოლ-ზე (23 მგ) ნაკლებ ნატრიუმს, შეიძლება ითქვას რომ არის “ნატრიუმისგან თავისუფალი”.

3. პანტო-დენკ 20-ის მიღების წესი
ეს მედიკამენტი ყოველთვის მიიღება ექიმის ან ფარმაცევტის დანიშნულების ზუსტი დაცვით. რაიმე ეჭვის არსებობის შემთხვევაში, უნდა მიემართოს ექიმს ან ფარმაცევტს.

მიღების წესი
ტაბლეტი მიიღება ჭამამდე 1 საათით ადრე, დაღეჭვის ან გატეხვის გარეშე. უნდა გადაიყლაპოს მთლიანად ჭიქა წყალთან ერთად.

რეკომენდებული დოზა შემდეგია:
მოზრდილები და მოზარდები 12 წლის ასაკიდან
გასტროეზოფაგეალური რეფლუქსის დაავადებასთან დაკავშირებული სიმპტომების სამკურნალოდ (მაგ: გულძმარვა, მჟავიანობის რეგურგიტაცია; ტკივილი ყლაპვის დროს),
ჩვეულებრივი დოზა არის 1 ტაბლეტი დღეში. აღნიშნული დოზის გავლენა ვლინდება 2-4 კვირის განმავლობაში – ყველაზე ხშირად მომდევნო 4 კვირის განმავლობაში. მკურნალი ექიმი გადაწყვეტს მკურნალობის ხანგრძლივობას. ამის შემდეგ, ნებისმიერი განმეორებითი სიმპტომები შეიძლება გაკონტროლდეს დღეში ერთი ტაბლეტის მიღებით, საჭიროების შემთხვევაში.
ხანგრძლივი დროით მკურნალობა და რეფლუქს-ეზოფაგიტის განმეორების პრევენცია
ჩვეულებრივი დოზა არის ერთი ტაბლეტი დღეში. დაავადების განმეორების შემთხვევაში, მკურნალმა ექიმმა შესაძლებელია გააორმაგოს დოზა, ამ შემთხვევაში შეგიძლიათ მიიღოთ პანტოპრაზოლის 40 მგ ტაბლეტი დღეში ერთხელ. მკურნალობის შემდეგ დოზა შეიძლება შემცირდეს, ერთი 20 მგ ტაბლეტი დღეში.

მოზრდილები
თორმეტგოჯა ნაწლავისა და კუჭის წყლულის პრევენცია პაციენტებისათვის, რომელთაც ესაჭიროებათ NშAIDს-ის ხანგრძლივად მიღება
ჩვეულებრივ დოზა არის ერთი ტაბლეტი დღეში.

პაციენტები ღვიძლის მხრივ პრობლემებით
თუ პაციენტს აქვს ღვიძლის მხრივ მწვავე პრობლემები, არ შეიძლება ერთი 20 მგ ტაბლეტზე მეტი რაოდენობის მიღება ყოველდღიურად.

ბავშვები და მოზარდები
აღნიშნული ტაბლეტები არ არის რეკომენდებული 12 წლამდე ასაკის ბავშვებისათვის.

პანტო-დენკ 20-ის დოზის გადაჭარბება
უნდა მიემართოს ექიმს ან ფარმაცევტს. არ არის ცნობილი დოზის გადაჭარბების სიმპტომები.

პანტო-დენკ 20-ის დოზის გამოტოვება
არ მიიღება გაორმაგებული დოზა გამოტოვებულის სანაცვლოდ. შემდეგი დოზა მიიღება დოზირების რეჟიმის შესაბამისად.

პანტო-დენკ 20-ით მკურნალობის შეწყვეტა
არ შეწყვიტოთ ტაბლეტის მიღება ექიმთან ან ფარმაცევტთან კონსულტაციის გარეშე.
პრეპარატის გამოყენების შესახებ დამატებითი შეკითხვების არსებობის შემთხვევაში, უნდა მიემართოს ექიმს ან ფარმაცევტს.

4. შესაძლო გვერდითი ეფექტები
ყველა სხვა მედიკამენტის მსგავსად, ამ მედიკამენტმაც შესაძლებელია გამოიწვიოს გვერდითი ეფექტები, თუმცა ისინი ყველას არ უვითარდება.
თუ გამოვლინდა ქვემოთ ჩამოთვლილი გვერდითი ეფექტებიდან რომელიმე, დაუყოვნებლივ უნდა შეწყდეს ამ ტაბლეტების მიღება და მიემართოს ექიმს, ან უახლოესი საავადმყოფოს გადაუდებელ განყოფილებას:
სერიოზული ალერგიული რეაქციები (იშვიათად: შეიძლება გამოვლინდეს 1,000 პაციენტიდან 1 შემთხვევაში):
ენის ან/და ხორხის შეშუპება, ყლაპვის გართულება, ჭინჭრის ციება (ჭინჭრის გამონაყარი), სუნთქვის გართულება, სახის ალერგიული შეშუპება (კვინკეს შეშუპება/ანგიოედემა), მწვავე თავბრუსხვევა, აჩქარებული გულის რითმით და ჭარბოფლიანობით.
სერიოზული რეაქციები კანის მხრივ (უცნობი სიხშირით: არსებული მონაცემების საფუძველზე სიხშირე ვერ დადგინდა):
ბუშტუკები კანზე და ზოგადი მდგომარეობის სწრაფი გაუარესება, ეროზია (მათ შორის უმნიშვნელო სისხლდენა) თვალების, ცხვირის, პირის ღრუს/ტუჩების ან გენიტალიებიდან (სტივენს-ჯონსონის-სინდრომი, ლაილის სინდრომი, მულტიფორმული ერითემა) და სინათლის მიმართ სენსიტიურობა.
სხვა სერიოზული მდგომარეობები (უცნობი სიხშირით: არსებული მონაცემების საფუძველზე სიხშირე ვერ დადგინდა):
კანის ან თვალის თეთრი გარსის გაყვითლება (ღვიძლის უჯრედების მწვავე დაზიანება, სიყვითლე) ან ცხელება, გამონაყარი, თირკმელის გაფართოება, ზოგჯერ შარდვის დროს ტკივილთან ერთად, ზურგის ქვედა ნაწილის ტკივილი (თირკმელის სერიოზული ანთება), შეიძლება გამოვლინდეს თირკმელის უკმარისობა.

სხვა გვერდითი ეფექტები შემდეგია:
ხშირი (შეიძლება გამოვლინდეს 10-დან 1 შემთხვევაში)
კეთილთვისებიანი პოლიპები კუჭში.
არახშირი (შეიძლება გამოვლინდეს 100-დან 1 შემთხვევაში)
თავის ტკივილი, თავბრუსხვევა, დიარეა, ავადმყოფობის შეგრძნება, ღებინება, შებერილობა და მეტეორიზმი, ყაბზობა, პირის სიმშრალე, მუცლის არეში ტკივილი და დისკომფორტი, გამონაყარი კანზე, ეგზანთემა, გამონაყარი, ქავილი, სისუსტის შეგრძნება, დაღლილობა ან ზოგადად ცუდად ყოფნის შეგრძნება, ძილის მხრივ დარღვევები, ბარძაყის, მაჯის ან ხერხემლის მოტეხილობა.
იშვიათი (შეიძლება გამოვლინდეს 1,000-დან 1 შემთხვევაში)
გემოვნების შეგრძნების ცვლილება ან დაკარგვა, მხედველობის მხრივ დარღვევები, როგორიც არის დაბურული მხედველობა, ჭინჭრის ციება, სახსრების, კუნთების ტკივილი, სხეულის წონის ცვლილება, სხეულის მომატებული ტემპერატურა, მაღალი სიცხე, კიდურების შეშუპება (პერიფერიული ოედემა), ალერგიული რეაქციები, დეპრესია, მამაკაცებში მკერდის გაზრდა.
ძალიან იშვიათი (შეიძლება გამოვლინდეს 10,000-დან 1 შემთხვევაში)
დეზორიენტაცია.
ძალიან იშვიათად, სოიოს მარცვლის ლეციტინმა შეიძლება გამოიწვიოს ალერგიული რეაქციები.
უცნობი სიხშირით (არსებული მონაცემების საფუძველზე სიხშირე ვერ დადგინდა)
ჰალუცინაცია, კონფუზია (განსაკუთრებით იმ პაციენტებში, რომელთაც ანამნეზში აღენიშნება მსგავსი ნიშნები), სისხლში ნატრიუმის დონის შემცირება, სისხლში მაგნიუმის დონის შემცირება (იხ. პუნქტი 2), ჩხვლეტის შეგრძნება, წვის შეგრძნება, დაბუჟება, გამონაყარი, შესაძლებელია ტკივილი სახსრებში, მსხვილი ნაწლავის ანთება, რაც იწვევს ხანგრძლივ წყლიან დიარეას.

გვერდითი ეფექტები, რომელიც ვლინდება სისხლის ანალიზებში
არახშირად (შეიძლება გამოვლინდეს 100-დან 1 შემთხვევაში)
ღვიძლის ფერმენტების მომატება.
იშვიათად (შეიძლება გამოვლინდეს 1,000-დან 1 შემთხვევაში)
ბილირუბინის დონის მომატება, სისხლში ცხიმოვანი უჯრედების დონის მომატება, გრანულირებული ლეიკოციტების რაოდენობის მკვეთრი დაცემა, რომელიც დაკავშირებულია მაღალ ტემპერატურასთან.
ძალიან იშვიათად (შეიძლება გამოვლინდეს 10,000-დან 1 შემთხვევაში)
სისხლში თრომბოციტების რაოდენობის შემცირება, რასაც შეიძლება შედეგად მოყვეს სისხლდენა ან სილურჯეები; სისხლის თეთრი უჯრედების რაოდენობის შემცირება, რამაც შეიძლება გამოიწვიოს ხშირი ინფექციები; სისხლის თეთრი და წითელი უჯრედების, ასევე თრომბოციტების რაოდენობის პათოლოგიური შემცირება.

გვერდითი ეფექტების შეტყობინება
თუ გამოვლინდა რომელიმე გვერდითი ეფექტი, უნდა მიემართოს ექიმს ან ფარმაცევტს. აღნიშნული ასევე მოიცავს გვერდით ეფექტებს, რომელიც არ არის ჩამოთვლილი გამოყენების ამ ინსტრუქციაში.
გვერდითი ეფექტების შეტყობინებით, პაციენტი დაგვეხმარება ამ პრეპარატის უსაფრთხოებასთან დაკავშირებით მეტი ინფორმაციის შეგროვებაში.

5. პანტო-დენკ 20-ის შენახვის წესი
ეს მედიკამენტი ინახება ბავშვებისთვის მიუწვდომელ ადგილას.
არ გამოიყენება შეფუთვის ყუთსა და ბლისტერზე “Eხპ”-ის შემდეგ მითითებული ვადის გასვლის შემდეგ. ვადის გასვლა გულისხმობს მითითებული თვის ბოლო დღეს.
შენახვის ვადა: 3 წელი
ინახება 30ºჩ-ზე დაბალ ტემპერატურაზე.
არ შეიძლება მედიკამენტის გადაგდება სანაგვე ურნაში ან საკანალიზაციო წყლებში. იმ მედიკამენტის განადგურებისათვის, რომელსაც პაციენტი აღარ იყენებს, უნდა მიემართოს ფარმაცევტს. აღნიშნული ღონისძიება დაიცავს გარემოს.

6. შეფუთვის შემადგენლობა და სხვა ინფორმაცია
ფარმაკოდინამიური თვისებები
ფარმაკოთერაპიული ჯგუფი: პროტონული ტუმბოს ინჰიბიტორი, ათქ კოდი: A02Bჩ02
პანტოპრაზოლი წარმოადგენს შენაცვლებულ ბენზიმიდაზოლს, რომელიც აინჰიბირებს კუჭის წვენის სეკრეციას პარიეტალური უჯრედების პროტენულ ტუმბოზე სპეციფიკური მოქმედების გზით.
პანტოპრაზოლი გარდაიქმნება მის აქტიურ ფორმად პარიეტალური უჯრედების მჟავა ნაწილში, სადაც იგი აინჰიბირებს H+/K+-AთPასე-აზას, ანუ კუჭში მჟავას წარმოქმნის საბოლოო საფეხურს. ინჰიბირება დოზა-დამოკიდებულია და მოქმედებს როგორც ბაზალურ, ასევე სტიმულირებულ კუჭის წვენის სეკრეციაზე. უმეტესობა პაციენტებში, სიმპტომების შემსუბუქება შეინიშნება 2 კვირის განმავლობაში. სხვა პროტონული ტუმბოს ინჰიბიტორების და H2-რეცეპტორების ბლოკატორების მსგავსად, კუჭის წვენი მცირდება პანტოპრაზოლით მკურნალობის შედეგად, რაც იწვევს გასტრინის დონის მომატებას მჟავას შემცირებასთან ერთად. გასტრინის დონის მომატება შექცევადია. როდესაც პანტოპრაზოლი უერთდება ფერმენტს, რეცეპტორს დისტალურად და სხვა ნივთიერებების მიერ (აცეტილქოლინი, ჰისტამინი, გასტრინი) მათი სტიმულაციის მიუხედავად, მან შესაძლებელია ზეგავლენა მოახდინოს მჟავას სეკრეციაზე. ეფექტი ერთი და იგივეა, მიუხედავად იმისა პერორალურად მიიღება სამედიცინო პრეპარატი თუ ინტრავენურად.
უზმოზე გასტრინის დონე იმატებს პანტოპრაზოლით მკურნალობის დროს. ხანმოკლე მკურნალობის დროს, იგი ჩვეულებრივ არ აჭარბებს ზღურბლის ზედა ზღვარს. ხანგრძლივი მკურნალობის დროს, გასტრინის დონე ორმაგდება უმეტეს შემთხვევებში. თუმცა, გადაჭარბებული მომატება ხდება მხოლოდ ცალკეულ შემთხვევებში. შედეგად, კუჭში აღინიშნება სპეციფიკური ენდოკრინული უჯრედების მცირე ან ზომიერი მომატება (ადენომატოზური ჰიპერპლაზიის მსგავსი) ხანგრძლივი მკურნალობის მცირე შემთხვევებში. თუმცა, დღემდე ჩატარებული კვლევების საფუძველზე, კარცინოიდული პრეკურსორების (ატიპიური ჰიპერპლაზია) ან კუჭის კარცინოიდის განვითარება შეიძლება გამოირიცხოს ადამიანებში.
ცხოველებში ჩატარებული კვლევებიდან გამოვლინდა, რომ ფარისებრის ენდოკრინულ ფუნქციასა და ღვიძლის ფერმენტების პარამეტრებზე ზეგავლენა არ არის გამორიცხული, თუ პანტოპრაზოლის მკურნალობა გრძელდება 1 წელზე მეტ ხანს.

ფარმაკოკინეტიკური თვისებები
პანტოპრაზოლი სწრაფად შეიწოვება. აქტიური ნივთიერების მაქსიმალური დონე მიიღწევა 20 მგ პანტოპრაზოლის ერთი პერორალური მიღების შემდეგაც კი. საშუალოდ, მაქსიმალური შრატის კონცენტრაცია, დაახლოებით 1-1.5 მკგ/მლ, მიიღწევა დაახლოებით 2.0-2.5 საათში დოზის მიღების შემდეგ და რჩება ერთ დონეზე მრავალჯერადი მიღების შემდეგაც კი.
ერთი ან განმეორებითი მიღების შემდეგ ფარმაკოკინეტიკური თვისებები არ განსხვავდება. 10-80 მგ დოზის ფარგლებში, პანტოპრაზოლს გააჩნია ხაზოვანი კინეტიკა როგორც პერორალური მიღებისას, ასევე ინტრავენური შეყვანის შემდეგ.
ტაბლეტის აბსოლუტური ბიოათვისებულობა შეადგენს დაახლოებით 77%-ს. არ ახდენს გავლენას AUჩ-ზე, შრატის პიკურ კონცენტრაციაზე და შესაბამისად ბიოათვისებულობა აღინიშნება საკვების კომბინირებული მიღების დროსაც. საკვების ერთდროული მიღებით გაიზარდა მხოლოდ დროის შეფერხების ცვალებადობა.
შრატის ცილებთან პანტოპრაზოლის მიერთება შეადგენს დაახლოებით 98%-ს. განაწილების მოცულობა შეადგენს დაახლოებით 0.15 ლ/კგ-ს.
პანტოპრაზოლი თითქმის ექსკლუზიურად იშლება ღვიძლში. ძირითადი მეტაბოლური გზა არის დემეთილირება ჩYP2ჩ19-ით შემდგომი სულფატის კონიუგაციით, სხვა მეტაბოლური გზა მოიცავს დაჟანგვას ჩYP3A4-ით.
ტერმინალური ნახევარგამოყოფის პერიოდი შეადგენს დაახლოებით 1 სთ-ს და კლირენსი არის დაახლოებით 0,1 ლ/სთ/კგ. რამდენიმე შემთხვევაში, გამოვლინდა შენელებული ელიმინაციის მქონე პირები. პარიეტალურ უჯრედებში პანტოპრაზოლის სპეციფიკური აქტივაციის გამო, ნახევარგამოყოფის პერიოდი არ არის დაკავშირებული პრეპარატის მოქმედების უფრო გახანგრძლივებასთან (მჟავას სეკრეციის ინჰიბირება).
მეტაბოლიტების უმეტესობა (დაახლოებით 80%) გამოიყოფა თირკმელების გზით, ხოლო დანარჩენი ნაწილი ფეკალური მასებით. შრატშიც და შარდშიც ძირითად მეტაბოლიტებს წარმოადგენს დისმეთილის პანტოპრაზოლი, რომელიც კონიუგირდება სულფატთან. ძირითადი მეტაბოლიტების ნახევარდაშლის პერიოდი (დაახლოებით 1.5 სთ) მხოლოდ უმნიშვნელოდ ხანგრძლივია პანტოპრაზოლთან შედარებით.

პანტო-დენკ 20-ის შემადგენლობა:
• აქტიური ნივთიერება არის პანტოპრაზოლი. თითოეული გასტრორეზისტენტული ტაბლეტი შეიცავს 20 მგ პანტოპრაზოლს, რაც 22.6 მგ პანტოპრაზოლის ნატრიუმის სესკვიჰიდრატის ექვივალენტურია.
• დამხმარე ნივთიერებები არის მალტიტოლი, კროსპოვიდონი, ნატრიუმის კარმელოზა, ნატრიუმის კარბონატი, კალციუმის სტეარატი, პოლი (ვინილ-სპირტი), ტალკი, ტიტანის დიოქსიდი, მაკროგოლი 3350, სოიოს მარცვლიდან მიღებული ლეციტინი, რკინის ყვითელი ოქსიდი, მეთაკრილის მჟავა – ეთილის აკრილატის კოპოლიმერი (1:1), ტრიეთილის ციტრატი.

მიწოდების ზოგადი კლასიფიკაცია
ფარმაცევტული პროდუქტის ჯგუფი III, გაიცემა რეცეპტის გარეშე.

პანტო-დენკ 20-ის აღწერილობა და შეფუთვის შემადგენლობა:
პანტო-დენკ 20 არის ყვითელი ფერის, ოვალური ფორმის, გასტრორეზისტენტული ტაბლეტები.
პანტო-დენკი 20 ხელმისაწვდომია ალუმინის/ალუმინის ბლისტერზე.
შეფუთვის ზომა: #28 გასტრო-რეზისტენტული ტაბლეტი.

მარკეტინგული აუტორიზაციის მფლობელი:
დენკ ფარმა გმბჰ და კო.კგ
პრინცრეგენშტრასე 79,
81675 მიუნხენი,
გერმანია

ბალკის, შეფუთვის მწარმოებელი და სერიის გამშვები:
ალფამედ ფარბილ არზნეიმიტტელ გმბჰ
ჰილდებრანდსტრ. 10-12
37081 გეტინგენი
გერმანია

აღნიშნული გამოყენების ინსტრუქცია საბოლოოდ გადაიხედა 04/2021

ინფორმაცია ბოცვანასთვის
გაცემის წესი:S2       
რეგისტრაციის ნომერი: BOT1302481
გამოშვების თარიღი: 11/2013