მაკმირორი 30გ კრემი ვაგ.

გამოყენების ინსტრუქცია

მაკმირორ კომპლექსი

პრეპარატის სავაჭრო სახელწოდება – მაკმირორ კომპლექსი
საერთაშორისო არაპატენტირებული ან მაჯგუფებელი სახელწოდება
ნიფურატელი + ნისტატინი
წამლის ფორმა: ვაგინალური კრემი

შემადგენლობა:
ვაგინალური კრემის 100 გ შეიცავს:
აქტიური ნივთიერება: ნიფურატელი 10 გ + ნისტატინი 4 000 000 ს.ე.;
არააქტიური ნივთიერებები: ქსალიფინი 15, მეთილპარაჰიდროქსიბენზოატი, პროპილპარაჰიდროქსიბენზოატი, გლიცერინი, სორბიტოლის ხსნარი არაკრისტალირებადი (Е 420), პროპილენგლიკოლი, კარბომერი, ტრიეთანოლამინი, გაწმენდილი წყალი.

აღწერა:
მუქი ყვითელი ფერის თხევადი, ჰომოგენური კრემი;

ფარმაკოლოგიური ჯგუფი: გინეკოლოგიური ანტიმიკრობული და ანტისეპტიკური საშუალებები, გარდა კორტიკოსტეროიდებთან, ანტიბიოტიკებთან კომბინაციისა. ნისტატინი ნიფურატელთან კომბინაციაში.

კოდი Aთჩ: G01AA51

ფარმაკოლოგიური თვისებები
ფარმაკოდინამიკა
ნიფურატელისა და ნისტატინის კომბინაცია იძლევა მიკრობების საწინააღმდეგო მოქმედების ფართო სპექტრს ინ ვიტრო სოკოს საწინააღმდეგო, ტრიქომონაციდური და ანტიბაქტერიული ეფექტით ისე, რომ არ გამოვიწვიოთ რაიმე სახის უარყოფითი ურთიერთქმედება მოქმედ ორ ნივთიერებას შორის.

სოკოს საწინააღმდეგო თვისებებთან მიმართებაში ნამდვილად დადასტურდა დადებითი ურთიერთქმედება მოქმედ ორ ნივთიერებას შორის.

ფარმაკოკინეტიკა
დოკუმენტურად დადასტურებულია, რომ ყოველდღიური ვაგინალური გამოყენებისას ცხოველებში (კურდღლებსა და ძაღლებში) დღიური დოზირებით, რომლებიც მეორდებოდა დროში, და უდრიდა 30-ჯერად თერაპიულ დოზას, ნივთიერებები, რომლებიც ქმნიან კომბინაციას, არ აბსორბირდება და შესაბამისად არ იწვევს სისტემურ მოქმედებას.

გამოყენების ჩვენება:
ვულვო-ვაგინალური ინფექციების კომპლექსური თერაპია, რომელიც გამოწვეულია პრეპარატის მიმართ მგრძნობიარე გამაღიზიანებლებით: ბაქტერიებით, ტრიქომონადებით, ჩანდიდა-ს სახეობის სოკოთი.

უკუჩვენებები:
ჰიპერმგრძნობელობა რომელიმე აქტიური ინგრედიენტის ან შემავსებლის მიმართ.

გამოყენების მეთოდი და დოზირების რეჟიმი:
2,5 გ კრემი დღეში ერთჯერ, ან ორჯერ, საღამოს და დილით, ექიმის რეკომენდაციის შესაბამისად 8 დღის განმავლობაში.
ვაგინალური კრემის აუცილებელი დოზა უნდა იქნას შეყვანილი გრადუირებული აპლიკატორის მეშვეობით.

გრადირებული აპლიკატორის გამოყენების ინსტრუქცია:

1. აპლიკატორი დაამაგრეთ ვაგინალური კრემის ტუბზე და მოუჭირეთ ხელი ვიდრე აპლიკატორში კრემი საჭირო რაოდენობით შეივსება (ნიშნულის მიხედვით, რომელიც მიგვითითებს რაოდენობაზე გრამებში).
2. მოხსენით ტუბიდან აპლიკატორი, მოათავსეთ ის საშოში და დგუშზე დაწოლით შეიყვანეთ კრემი საშოში.
3. საჭიროების შემთხვევაში ამოაძრეთ კანულა დგუშიდან და მიამაგრეთ ის შპრიცის საპირისპირო ბოლოს კრემის საშოში შეყვანამდე

შეფუთვაში მოთავსებულია ერთი პლასტმასის აპლიკატორი. Aპლიკატორის გამოყენების შემდეგ აუცილებელია მისი კარგად გარეცხვა, რის შემდეგაც ის მზად იქნება შემდგომი გამოყენებისათვის.

გვერდითი მოვლენები
ქვემოთმოცემული გვერდითი მოვლენები კლასიფიცირებულია MedDRA -ს კლასის მიხევით. სიხშირე დადგენილია შემდეგი სახით: ძალიან ხშირად (≥1/10), ხშირად (≥1/100-დან 

<1/10-მდე), არახშირად (≥1/1 000- დან <1/100 –მდე) იშვიათად (≥1/10 000- დან <1/1 000- მდე), ძალიან იშვიათად (<1/10 000), სიხშირე უცნობია, (სიხშირის დადგენა შეუძლებელია არსებული მონაცემების საფუძველზე)

ორგანოთა სისტემების კლასი სიხშირე არასასურველი რეაქციები
დარღვევები კანისა და კანქვეშა ქსოვილების მხრივ ძალიან იშვიათად ალერგიული რეაქციების ერთეული შემთხვევა (დერმატიტის, ჭინჭრის ციება)
ზოგადი ხასიათის გართულებები და რეაქციები შეყვანის ადგილას ძალიან იშვიათად წვის შეგრძნება საშოში, ქავილი საშოში

დოზის გადაჭარბება:
დოზის გადაჭარბების შემთხვევები არ არის დაფიქსირებული

ურთიერთმოქმედება სხვა პრეპარატებთან:
ფარმაკოლოგიური ურთიერთქმედება სხვა პრეპარატებთან არ არის დაფიქსირებული.

განსაკუთრებული მითითებები:
პრეპარატის გამოყენებამ, განსაკუთრებით ხანგრძლივი დროის განმავლობაში შესაძლოა გამოიწვიოს მომატებული მგრძნობელობითი რეაქციები.
აუცილებელია შეწყდეს პრეპარატის გამოყენება მომატებული მგრძნობელობითი რეაქციების გამოვლენის შემთხვევაში.
მკურნალობის პერიოდში თავი უნდა აარიდოთ სქესობრივ კონტაქტს.

მოცემული პრეპარატი შეიცავს ისეთ დამხმარე ნივთიერებებს, როგორიცაა მეთილპარაჰიდროქსიბენზოატი და პროპილპარაჰიდროქსიბენზოატი, რომლებმაც შესაძლოა გამოიწვიონ ალერგიულლი რეაქციები (მათ შორის შეყოვნებული).
ეს სამკურნალო პრეპარატი შეიცავს 50 მგ პროპილენგლიკოლს ყოველ გრამზე

ორსულობისა და ლაქტაციის დროს გამოყენება
ორსულობა
ორსულებში ნიფურატელის და ნისტატინის კომბინაციის გამოყენების შესახებ მონაცემები არ არსებობს, ან არსებობს მხოლოდ შეზღუდული მონაცემები.
ორსულობის დროს პრეპარატი უნდა გამოიყენოთ მხოლოდ აბსოლუტური აუცილებლობის შემთხვევაში ექიმის მკაცრი მეთვალყურეობის ქვეშ.
ძუძუთი კვება
დაუდგენელია გამოიყოფა თუ არა ნიფურატელი ან ნისტატინი/მეტტაბოლიტები ორგანიზმიდან დედის რძეში. ნებისმიერ შემთხვევაში, ძუძუთი კვების დროს აუცილებელია გამოიყენოთ მხოლოდ აბსოლუტური აუცილებლობის შემთხვევაში ქალისათვის თერაპიის აუცილებლობისა და ბავშვისათვის ძიძუთი კვების სარგებელის გათვალისწინებით
ფერტილობა
ადამიანების მონაწილეობით ფერტილობის კვლევა არ განხორციელებულა.

სატრანსპორტო საშუალებებისა და პოტენციურად საშიში მექანიზმების მართვაზე გავლება
ეს სამკურნალო პრეპარატი არ ახდენს გავლენას სატრანსპორტო საშუალებების მართვისა და მექანიზმებთან მუშაობის უნარებზე.

გამოშვების ფორმა და შეფუთვა
30 გ კრემი ალუმინის ტუბში
1 ტუბი აპლიკატორთან (გრადუირებულ შპრიცთან) და გამოყენების ინსტრუქციასთან ერთად მოთავსებულია მუყაოს კოლოფში.

ვარგისიანობის ვადა: 3 წელი
ტუბის პირველადი გახსნიდან პრეპარატი სტაბილურია 12 დღის განმავლობაში.
არ გამოიყენოთ ვარგისობის ვადის ამოწურვის შემდგომ.

შენახვის პირობები:
შეინახეთ 25˚ჩ-ზე დაბალ ტემპერატურაზე.
შეინახეთ ბავშვებისათვის მიუწვდომელ ადგილზე.

აფთიაქებიდან გაცემის წესი:
ფარმაცევტული პროდუქტის ჯგუფი III, გაიცემა რეცეპტის გარეშე.

სარეგისტრაციო მოწმობის მფლობელი: Polichem S.r.l.,  italia
მისამართი: Via Giuseppe Marcora, 11 – 20121 Milan, Italy

მწარმოებელი Doppel Farmaceutici S.r.l.,  italia
მისამართი: Via Martiri dellе Foibe, 1 –  29016  Cortemaggiore (PC), Italy