იზოპრენალინის ჰ/ქლ 0.2მგ/მლ#5ა

წამლის ანოტაცია:ინფორმაცია პაციენტისთვის
იზოპრენალინის ჰიდროქლორიდი

მონიკო
0.2 მგ/მლ საინექციო ხსნარი
ექვივალენტური სამკურნალო პრეპარატი

გთხოვთ, ყურადღებით წაიკითხოთ ეს ფურცელი მედიკამენტის გამოყენებამდე, რადგან ის თქვენთვის მნიშვნელოვან ინფორმაციასშეიცავს.

• შეინახეთ ეს ფურცელი — შესაძლოა, მომავალში დაგჭირდეთ მისი ხელახლა წაკითხვა.
• თუ გაქვთ დამატებითი კითხვები, მიმართეთ ექიმს, ფარმაცევტს ან მედდას.
• ეს მედიკამენტი გამოწერილია მხოლოდ თქვენთვის — არ გაუზიაროთ სხვებს, რადგან შესაძლოა მათთვის საზიანო აღმოჩნდეს, თუნდაც დაავადების ნიშნები თქვენთან მსგავსი იყოს.
• თუ შენიშნავთ რომელიმე გვერდით მოვლენას, აცნობეთ ექიმს ან ფარმაცევტს. ეს ეხება მათ შორის იმ გვერდით მოვლენებსაც, რომლებიც არ არის აღწერილი ამ ფურცელში. იხილეთ თავი 4.

გამოყენების ინსტრუქცია შეიცავს:

1. რა არის იზოპრენალინის ჰიდროქლორიდი მონიკო და რისთვის გამოიყენება
2. რა უნდა იცოდეთ გამოყენებამდე
3. როგორ უნდა გამოიყენოთ
4. შესაძლო გვერდითი მოვლენები
5. როგორ შეინახოთ
6. შეფუთვის შინაარსი და დამატებითი ინფორმაცია

1. რა არის იზოპრენალინის ჰიდროქლორიდი მონიკო და რისთვის გამოიყენება

იზოპრენალინის ჰიდროქლორიდი მონიკო შეიცავს აქტიურ ნივთიერებას იზოპრენალინის ჰიდროქლორიდს, რომელიც მიეკუთვნება მედიკამენტების ჯგუფს, ცნობილი როგორც ადრენერგული საშუალებები.
ის გამოიყენება შემდეგი მდგომარეობების სამკურნალოდ:

• გულის მძიმე პრობლემები, როგორიცაა სრული ატრიოვენტრიკულური ბლოკადა (მათ შორის სტოკს-ადამსის სინდრომი) და გულის გაჩერება;
• კარდიოგენური შოკის მკურნალობასთან ერთად; 
• ანესთეზიით გამოწვეული ბრონქოსპაზმი (ბრონქების შეკუმშვა).

2. რა უნდა იცოდეთ გამოყენებამდე

არ გამოიყენოთ მედიკამენტი, თუ:

• ალერგიული ხართ იზოპრენალინის ჰიდროქლორიდის ან მედიკამენტში შემავალი რომელიმე ინგრედიენტის მიმართ (იხილეთ თავი 6);
• გაქვთ რომელიმე ქვემოთ ჩამოთვლილი გულის დაავადება:
• სტენოკარდია;
• სათითურას პრეპარატებით გამოწვეული პრობლემები (გულის გაჩერება, ტაქიკარდია);
• გულის რითმის დარღვევები (ტაქიარითმიები);
• პაციენტი არის 12 წლამდე ასაკის ბავშვი;
• ხართ ორსულად ან ძუძუთი კვებავთ (იხილეთ შესაბამისი ნაწილი).

გაფრთხილებები და სიფრთხილის ზომები

იზოპრენალინის ჰიდროქლორიდის გამოყენებამდე გაესაუბრეთ მკურნალ ექიმს, ფარმაცევტს ან ექთანს.
განსაკუთრებული სიფრთხილით გამოიყენეთ მედიკამენტი, თუ გაქვთ:

• კრუნჩხვები;
• გულის კორონარული პრობლემები (კორონარული უკმარისობა);
• შაქრიანი დიაბეტი;
• ჰიპერმგრძნობელობა სიმპათომიმეტური ამინების მიმართ;
• არტერიული ჰიპერტენზია;
• ფარისებრი ჯირკვლის პრობლემები (ჰიპერთირეოზი).

სპორტსმენებისთვის:
პრეპარატის გამოყენება სამედიცინო ჩვენების გარეშე დოპინგად ითვლება და შესაძლებელია დადებითი ანტიდოპინგური შედეგი.

სხვა წამლებთან ურთიერთქმედება
მიუთითეთ ექიმს, ფარმაცევტს ან მედდას ყველა მედიკამენტი, რომელსაც ამჟამად იღებთ ან ბოლოს მიიღეთ ან შეიძლება მიიღოთ.

არ უნდა მიიღოთ იზოპრენალინი შემდეგ პრეპარატებთან ერთად:

• კარდიოაქტიური გლიკოზიდები და საანესთეზიო საშუალებები (ჰალოტანი, ციკლოპროპანი), რადგან მათ შეიძლება გულის რითმის პრობლემების პროვოცირება (არითმიები);
• ერგოტის ალკალოიდები, რომლებიც გამოიყენება სისხლძარღვების შევიწროებისთვის, იზოპრენალინი აძლიერებს მათ ეფექტს;
• დეპრესიის სამკურნალო საშუალებები, როგორიცაა ფენელზინი, სელეგილინი და ტრანილციპრომინი, რადგან ისინი იწვევენ არტერიული წნევის მატებას (ჰიპერტენზიული ეფექტი); თუ გაქვთ ჰიპერტენზიის სიმპტომები, როგორიცაა თავის ტკივილი, გულისცემის პრობლემები, ცხელება, ღებინება, შეაჩერეთ მიღება და აცნობეთ ექიმს;
• ენტაკაპონი, სამკურნალო საშუალება, რომელიც გამოიყენება პარკინსონის დაავადების დროს, რადგან შეიძლება გამოიწვიოს გულის პრობლემები და არტერიული წნევის მომატება;
• ნებივოლოლი, სამკურნალო საშუალება, რომელიც გამოიყენება არტერიული წნევის შესამცირებლად, რადგან შეიძლება გამოიწვიოს მძიმე ჰიპოტენზია;
• თეოფილინი, სამკურნალო საშუალება, რომელიც გამოიყენება რესპირატორული პრობლემების დროს, რადგან იზოპრენალინმა შეიძლება შეამციროს თეოფილინის დონე სისხლში; ამ შემთხვევაში თქვენს ექიმს დასჭირდება თეოფილინის დოზის კორექტირება;
• ტოლკაპონი, სამკურნალო საშუალება, რომელიც გამოიყენება პარკინსონის დაავადების დროს, რადგან მას შეუძლია გაზარდოს იზოპრენალინის დონე

ორსულობა და ძუძუთი კვება
თუ ხართ ორსულადმ ან მეძუძუ დედა, გაქვთ ეჭვი ორსულობაზე ან გეგმავთ ორსულობას, მედიკამენტის მიღებამდე მიმართეთ ფარმაცევტს ან ექთან კონსულტაციისათვის.

აღნიშნული სამკურნალო პრეპარატის გამოყენება ორსულობის დროს შესაძლებელია მხოლოდ აბსოლუტური აუცილებლობის შემთხვევაში, მაგალითად სიცოცხლის გადასარჩენად გადაუდებელ შემთხვევებში. იზოპრენალინმა შეიძლება გამოიწვიოს პრობლემები მშობიარობის დროს.

გამოიყენეთ სიფრთხილით აღნიშნული პრეპარატი, თუ ხართ მეძუძური დედა. არ არის ცნობილი, გამოიყოფა თუ არა ის დედის რძეში, და ახალშობილებზე მისი გავლენის შესახებ ინფორმაცია არ არის ხელმისაწვდომი.

ავტომობილის მართვა და მექანიზმებთან მუშაობა

არ გამოიყენება.

იზოპრენალინის ჰიდროქლორიდი მონიკო შეიცავს ნატრიუმს და ნატრიუმის მეტაბისულფიტს

ეს სამკურნალო პროდუქტი შეიცავს 1 მმოლზე ნაკლებს (23 მგ) ნატრიუმს თითო დოზაზე, რაც პრაქტიკულად ნიშნავს "ნატრიუმისგან თავისუფალი". ეს სამკურნალო პროდუქტი შეიცავს ნატრიუმის მეტაბისულფიტს, რომელმაც იშვიათად შეიძლება გამოიწვიოს მძიმე ჰიპერმგრძნობელობის რეაქციები და ბრონქოსპაზმი.

3. როგორ უნდა გამოიყენოთ

ყოველთვის გამოიყენეთ ეს მედიკამენტი ზუსტად ისე, როგორც ექიმმა გითხრათ. თუ არ ხართ დარწმუნებული, მიმართეთ თქვენს ექიმს, ფარმაცევტს ან მედდას.

ექიმი შეაფასებს დოზას თქვენი მდგომარეობის მიხედვით.

გულის მძიმეპრობლემების მკურნალობა (სრული ატრიოვენტრიკულური ბლოკადა, სტოკს-ადამსის სინდრომი და გულის გაჩერება)

• კუნთში ინექცია (IM): საწყისი დოზა – 0.2 მგ, შემდგომ – 0.02-დან 1 მგ-მდე, მდგომარეობის მიხედვით.
• ვენაში ინექცია (IV): 2–10 მკგ/წთ მდგომარეობის მიხედვით.
• კანქვეშა ინექცია (SC): საწყისი დოზა – 0.2 მგ, შემდგომ – 0.15–0.2 მგ მდგომარეობის მიხედვით.

ანესთეზიით პროვოცირებული ბრონქების შეკუმშვის (ბრონქოსპაზმის) მკურნალობა

− ვენაში ინექცია (ინტრავენური): საწყისი დოზა 0,01-0,02 მგ. საჭიროების შემთხვევაში განმეორდება.

კარდიოგენური შოკის მკურნალობა

− ვენაში ინექცია (ინტრავენური): 0,5–5 მკგ/წთ თქვენი მდგომარეობის მიხედვით. უფრო მაღალი დოზები (20 მკგ/წუთამდე) ზოგჯერ შეიძლება გამოყენებულ იქნას უფრო მძიმე შემთხვევებში.

გამოყენება ბავშვებში

ამ სამკურნალო პრეპეარატის გამოყენება ბავშვებში არ არის რეკომენდებული.

თუ მიიღეთიზოპრენალინის ჰიდროქლორიდ მონიკო საჭიროზე მეტს

დოზის გადაჭარბების სიმპტომები შეიძლება იყოს ტრემორი, გულის ფრიალი, გულის მხრივ პრობლემები, როგორიცაა სტენოკარდია, არითმიები და ტაქიკარდია, არტერიული წნევის მომატება ან დაქვეითება, კრუნჩხვები, აგზნება, თავის ტკივილი, ქსეროსტომია, გულისრევა, თავბრუსხვევა, დაღლილობა, სისუსტე და უძილობა.

ამ სამკურნალო პრეპარატის გადაჭარბებული რაოდენობით მიღების/მოხმარების შემთხვევაში დაუყოვნებლივ აცნობეთ ექიმს ან მიმართეთ უახლოეს საავადმყოფოს.

ამ სამკურნალო პრეპარატის გამოყენებასთან დაკავშირებით რაიმე ეჭვის შემთხვევაში მიმართეთ თქვენს ექიმს, ფარმაცევტს ან მედდას.

4. შესაძლო გვერდითი მოვლენები

ყველა მედიკამენტის მსგავსად, ამ პრეპარატსაც შეუძლია გამოიწვიოს გვერდითი მოვლენები, თუმცა ისინი ყველას არ უვითარდება.

შეიძლება განვითარდეს შემდეგი გვერდითი მოვლენები:

უცნობია (მათი განსაზღვრა შეუძლებელია არსებული მონაცემების საფუძველზე)

-                  გულის ფრიალი, არტერიული წნევის ცვალებადობა, გულის პრობლემები (ტაქიკარდია, პარკუჭოვანი არითმიები და სტოკს-ადამსის სინდრომი, გულის გაჩერება);

-                  გულისრევა, კუჭ-ნაწლავის დისტრესი;

-                  გარკვეული სისხლის უჯრედების შემცირება (თრომბოციტოპენია, ეოზინოპენია);

-                  ტრემორი, თავბრუსხვევა, აგზნება, ძილიანობა, თავის ტკივილი, ინსონნია;

-                  დაბინდული მხედველობა;

-                  შარდის შეუკავლობა;

-                  ხველა, ყელის გაღიზიანება, ბრონქების ანთება, ნახველის მომატებული გამომუშავება, ფილტვებში სითხის დაგროვება (ფილტვის შეშუპება);

-                  პარათირეოიდული ჯირკვლის შეშუპება (ხანგრძლივი გამოყენების შემდეგ), გაუფერულებული ნერწყვი;

-                  ოფლიანობა, კანის სიწითლე.

შეფუთვაში მოცემული ინსტრუქციის დაცვა ამცირებს გვერდითი მოვლენების განვითარების რისკს.

გვერდითი მოვლენების შესახებ შეტყობინება

თუ თქვენ გაქვთ რაიმე გვერდითი მოვლენა, მიმართეთ თქვენს ექიმს ან ფარმაცევტს. ეს მოიცავს ნებისმიერ შესაძლო გვერდით ეფექტს, რომელიც არ არის ჩამოთვლილი ამ ინსტრუქციაში. თქვენ ასევე შეგიძლიათ შეატყობინოთ გვერდითი ეფექტების პირდაპირ მოხსენების ეროვნული სისტემის მეშვეობით შემდეგ მისამართზე: https://www.aifa.gov.it/content/segnalazioni-reazioni-avverse. გვერდითი ეფექტების შეტყობინებით თქვენ შეგიძლიათ დაეხმაროთ ამ მედიკამენტის უსაფრთხოების შესახებ მეტი ინფორმაციის მოწოდებას.

5. როგორ შეინახოთ იზოპრენალინის ჰიდროქლორიდი მონიკო

შეინახეთ ეს მედიკამენტი ბავშვებისთვის მიუწვდომელ ადგილას.

არ გამოიყენოთ ეს წამალი ვარგისიანობის ვადის გასვლის შემდეგ, რომელიც მითითებულია შეფუთვაზე "EXP"-ის შემდეგ.

ვარგისიანობის ვადა ნიშნავს ამ თვის ბოლო დღეს.

შეინახეთ არაუმეტეს 25°C ტემპერატურაზე ორიგინალურ ჭურჭელში, პროდუქტის სინათლისგან დაცვის მიზნით.

ჰაერზე, შუქზე ან ტემპერატურის მატებისას, ხსნარს შეუძლია შეიცვალოს ფერი ვარდისფერიდან მოყავისფრო ვარდისფერამდე. ხსნარი არ უნდა იქნას გამოყენებული, თუ მან ფერი შეიცვალა ან შეიცავს ნალექს.

არ გადააგდოთ წამალი კანალიზაციაში ან საყოფაცხოვრებო ნაგავში. ჰკითხეთ თქვენს ფარმაცევტს, როგორ გადააგდოთ წამლები, რომლებსაც აღარ იყენებთ. ეს ზომები ხელს შეუწყობს გარემოს დაცვას.

6. შეფუთვა და სხვა ინფორმაცია

რას შეიცავს იზოპრენალინის ჰიდროქლორიდი მონიკო

აქტიური ნივთიერებაა იზოპრენალინის ჰიდროქლორიდი. 1 მლ ხსნარი შეიცავს 0,2 მგ იზოპრენალინის ჰიდროქლორიდს.

სხვა ინგრედიენტებია: ნატრიუმის მეტაბისულფიტი, საინექციო წყალი.

როგორ გამოიყურება იზოპრენალინის ჰიდროქლორიდი მონიკო და რა შედის შეფუთვაში

საინექციო ხსნარის 5 ამპულის შეფუთვა 1 მლ.

1მარკეტინგული ავტორიზაციის მფლობელი და მწარმოებელი

მონიკოს სპა

Via Ponte di Pietra 7, 30173 Venice Mestre - იტალია

ეს ბროშურა ბოლოს შესწორდა:

2016 წლის 3 სექტემბერი

შემდეგი ინფორმაცია განკუთვნილია მხოლოდ ჯანდაცვის პროფესიონალებისთვის

გამოყენების ინსტრუქცია

ინტრავენური ინექციისთვის

1 მლ იზოპრენალინის ჰიდროქლორიდის 0.2 მგ/მლ საინექციო ხსნარი განზავდეს 10 მლ 0.9%-ით.

ინტრავენური ინფუზიისთვის

ნატრიუმის ქლორიდი ან 5% გლუკოზა 0,02 მგ/მლ კონცენტრაციის ხსნარის მისაღებად. 10 მლ იზოპრენალინის ჰიდროქლორიდის 0,2 მგ/მლ საინექციო ხსნარი განზავდეს 500 მლ 0,9% ნატრიუმის ქლორიდით ან 5% გლუკოზათ, რათა მიიღოთ ხსნარი 0,004 მგ/მლ კონცენტრაციით.

გამოიყენეთ მიკროწვეთოვანი ან უწყვეტი ინფუზიის ტუმბო, რათა თავიდან აიცილოთ პრეპარატის გადაჭარბებული რაოდენობის უეცარი ნაკადი.

შეუთავსებლობა

იზოპრენალინი არ უნდა იყოს შერეული სამკურნალო ხსნარებთან, რომლებსაც აქვთ ტუტე pH (მაგ. ნატრიუმის ბიკარბონატი, ამინოფილინი, ტუტე ბუფერული ანტიბიოტიკები), რადგან ჟანგვის სიჩქარე მნიშვნელოვნად იზრდება 6-ზე მაღალი pH დონის მქონე პირობებში. ნებისმიერ შემთხვევაში, იზოპრენალინის ხსნარი უნდა დაინიშნოს მისი მომზადებიდან მალევე.