რეოსორბილაქტი 400მლ ფლ

გამოყენების ინსტრუქცია

რეოსორბილაქტი

შემადგენლობა:
აქტიური ნივთიერება: ხსნარის 1 მლ შემადგენლობა - სორბიტოლი 60,0 მგ, ნატრიუმის ლაქტატი (ნივთიერების 100%-ზე გადაანგარიშებით) 19,0 მგ, ნატრიუმის ქლორიდი 6,0 მგ, კალციუმის ქლორიდის დიჰიდრატი (კალციუმის ქლორიდზე გადაანგარიშებით) 0,1 მგ, კალიუმის ქლორიდი 0,3 მგ, მაგნიუმის ქლორიდის ჰექსაჰიდრატი (მაგნიუმის ქლორიდზე გადაანგარიშებით) 0,2 მგ;
დამხმარე ნივთიერება: საინექციო წყალი.

სამკურნალო ფორმა:
საინფუზიო ხსნარი.
ძირითადი ფიზიკო-ქიმიური თვისებები: გამჭვირვალე უფერო სითხე; თეორიული ოსმოლარობა – 891 მოსმოლ/ლ; პH 6,00-7,60; იონური შემადგენლობა: პრეპარატის 1 ლ შეიცავს Nა+ - 272,20 მმოლ, K+ - 4,02 მმოლ, ჩა++ - 0,90 მმოლ, Mგ++ - 2,10 მმოლ, ჩლ- - 112,69 მმოლ, Lაც- – 169,55 მმოლ.

ფარმაკოთერაპიული ჯგუფი:
ელექტროლიზურ ბალანსზე მოქმედი ხსნარები. ელექტროლიტები სხვა პრეპარატებთან კომბინაციაში.
კოდი ათქ B05B B04.

ფარმაკოლოგიური თვისებები:
ფარმაკოდინამიკა
რეოსორბილაქტს გააჩნია რეოლოგიური, შოკის საწინააღმდეგო, მადეზინტოქსიკაციური დამტუტველი მოქმედებას და ასტიმულირებს ნაწლავთა პერისტალტიკას. პრეპარატის ძირითადი ფარმაკოლოგიურად აქტიური ნივთიერება არის სორბიტოლი და ნატრიუმის ლაქტატი. ღვიძლში სორბიტოლი თავდაპირველად გარდაიქმნება ფრუქტოზად, რომელიც შემდგომში გარდაიქმნება გლუკოზად, შემდეგ გლიკოგენად. სორბიტოლის ნაწილი გამოიყენება სასწრაფო ენერგეტიკული საჭიროებისთვის, დანარჩენი ნაწილი მარაგდება გლიკოგენის სახით. სორბიტოლის იზოტონური ხსნარი ფლობს დეზაგრეგანტულ მოქმედებას და ამ გზით აუმჯობესებს ქსოვილების პერფუზიას და მიკროცირკულაციას.
ბიკარბონატების ხსნარისგან განსხვავებით, მეტაბოლური აციდოზის კორექცია ნატრიუმის ლაქტატით ხდება უფრო ნელა, ნივთიერებათა ცვლაში მისი ჩართვის მიხედვით, მაგრამ ხდება პH მკვეთრი ცვლილება. ნატრიუმის ლაქტატის მოქმედება ვლინდება შეყვანიდან 20-30 წუთის შემდეგ.
ნატრიუმის ქლორიდს აქვს რეჰიდრატაციული მოქმედება, ავსებს ნატრიუმის და ქლორის იონების დეფიციტს სხვადასხვა პათოლოგიური მდგომარეობების დროს.
კალციუმის ქლორიდი ავსებს კალციუმის იონების დეფიციტს. კალციუმის იონები საჭიროა ნერვული იმპულსების გადაცემის განსახორციელებლად, ჩონჩხის და გლუვი კუნთების შესაკუმშად, მიოკარდის ფუნქციონირებისთვის, ძვლის ქსოვილის ფორმირებისთვის, სისხლის შედედებისთვის. ამცირებს უჯრედების და სისხლძარღვთა კედლების შეღწევადობას, ეწინააღმდეგება ანთებითი რეაქციების განვითარებას, ზრდის ორგანიზმის მდგრადობას ინფექციების მიმართ.
კალიუმის ქლორიდი აღადგენს წყალ-ელექტროლიზურ ბალანსს. ფლობს უარყოფით ქრონო-და ბატმოტროპულ მოქმედებას, მაღალ დოზებში – უარყოფით ინო-, დრომოტროპულ და ზომიერ დიურეზულ მოქმედებას. მონაწილეობს ნერვული იმპულსების გატარების პროცესში. ზრდის აცეტილქოლინის შემცველობას და იწვევს ვეგეტატური ნერვული სისტემის სიმპატიკური ნაწილის აღგზნებადობას. აუმჯობესებს ჩონჩხის კუნთების შეკუმშვას კუნთების დისტროფიის და მიასთენიის დროს.
ფარმაკოკინეტიკა
სორბიტოლი სწრაფად ერთვება საერთო მეტაბოლიზმში, მისი 80-90% უტილიზდება ღვიძლში და გროვდება გლიკოგენის სახით, 5% გროვდება ტვინის ქსოვილში, გულის კუნთში და ჩონჩხის კუნთებში, 6-12% გამოიყოფა შარდით. სისხლძარღვებში შეყვანისას ნატრიუმის ლაქტატიდან თავისუფლდება ნატრიუმი, ჩO2 და H2O, რომლებიც ქმნიან ნატრიუმის ბიკარბონატს, რაც იწვევს სისხლის ტუტოვანი რეზერვის მატებას. აქტიურად ითვლება შეყვანილი ნატრიუმის ლაქტატის მხოლოდ ნახევარი (L იზომერი), ხოლო მეორე ნახევარი (D იზომერი) არ მეტაბოლიზდება და გამოიყოფა შარდით.
ნატრიუმის ქლორიდი სწრაფად გამოიყოფა სისხლის მიმოქცევიდან, მხოლოდ დროებითად ზრდის ცირკულირებული სისხლის მოცულობას. აძლიერებს დიურეზს.

კლინიკური მახასიათებლები:
ჩვენებები
კაპილარული სისხლის მიმოქცევის გასაუმჯობესებლად ტრავმული, ოპერაციული, ჰემოლიზური, ტოქსიკური და დამწვრობის შოკის სამკურნალოდ და პროფილაქტიკისთვის, მწვავე სისხლის კარგვის, დამწვრობის დროს; ინფექციური დაავადებები, რომლებსაც თან ახლავს ინტოქსიკაცია, ქრონიკული ჰეპატიტის გამწვავების დროს; სეფსისი; წინასაოპერაციო მოსამზადებელ პერიოდში და პოსტოპერაციულ პერიოდში; არტერიული და ვენოზური სისხლის მიმოქცევის გასაუმჯობესებლად თრომბოზების, თრომბოფლებიტების, ენდარტერიიტების, რეინოს დაავადების პროფილატიკის მიზნით.

უკუჩვენებები
მომატებული ინდივიდუალური მგრძნობელობა პრეპარატის კომპონენტების მიმართ. რეოსორბილაქტი არ გამოიყენება ალკოჰოლიზმის დროს, ასევე მაშინ, როცა უკუნაჩვენებია დიდი მოცულობით სითხის შეყვანა (სისხლის ჩაქცევა ტვინში, თრომბოემბოლია, გულ-სისხლძარღვთა დეკომპენსაცია, არტერიული ჰიპერტენზია III ხარისხის, გულის დეკომპენსირებული მანკი, თირკმელების ტერმინალური უკმარისობა), გაუწყლოვნება, ოლიგურია.

ურთიერთზემოქმედება სხვა სამკურნალო საშუალებებთან და ურთიერთზემოქმედების სხვა სახეები
არ გამოიყენება სხვა სამკურნალო საშუალების გამხსნელი-მატარებლის სახით.

გამოყენების თავისებურებები
პრეპარატი გამოიყენება მჟავა-ტუტოვანი მდგომარეობის და სისხლის ელექტროლიტების, ღვიძლის ფუნქციური მდგომარეობის და არტერიული წნევის მაჩვენებლების კონტროლით. სიფრთხილით შეიყვანება პაციენტებში კალკულოზური ქოლეცისტიტით.
პრეპარატი შეიცავს სორბიტს, ამიტომ, ეს პრეპარატი არ გამოიყენება პაციენტებში ფრუქტოზას იშვიათი მემკვიდრეობითი აუტანლობით.

გამოყენება ორსულობის და ლაქტაციის პერიოდში
ორსულობის ან ლაქტაციის პერიოდში გამოყენების უკუჩვენების მონაცემები არ არის.

ზემოქმედება რეაქციის სისწრაფეზე ავტოსატრანსპორტო საშუალებების მართვის ან სხვა მექანიზმებთან მუშაობის დროს
იქიდან გამომდინარე, რომ პრეპარატი გამოიყენება სტაციონარის პირობებში, ასეთი ზემოქმედების შესახებ ინფორმაცია არ არის.

გამოყენების წესი და დოზები
რეოსორბილაქტი შეიყვანება მოზრდილებში ვენაში წვეთოვნად 40-60 წვ/წთ სიჩქარით. საჭიროებისას, დასაშვებია პრეპარატის ნაკადით შეყვანა წვეთოვნად 30 წვ/წთ სიჩქარით შეყვანის გზით სინჯის ჩატარების შემდეგ. 15 წვეთის შეყვანის შემდეგ პრეპარატის გამოყენება წყდება, ხოლო 3 წუთის შემდეგ, რეაქციის არარსებობის პირობებში, რეოსორბილაქტი შეიყვანება ნაკადით.
ტრავმული, დამწვრობითი, პოსტოპერაციული და ჰემოლიზური შოკის დროს მოზრდილებში შეიყვანება 600-1000 მლ (10-15 მლ/კგ პაციენტის სხეულის წონის) ერთჯერადად და განმეორებით 600-1000 მლ (10-15 მლ/კგ პაციენტის სხეულის წონის) თავდაპირველად ნაკადით, შემდეგ წვეთოვნად. ქრონიკული ჰეპატიტის დროს მოზრდილებში შეიყვანება 400 მლ (6-7 მლ/კგ სხეულის წონის) წვეთოვნად. მწვავე სისხლის კარგვის დროს მოზრდილებში შეიყვანება 1500-1800 მლ (25 მლ/კგ-მდე სხეულის წონის). ასეთ შემთხვევაში რეოსორბილაქტით® ინფუზია რეკომენდებულია ჩატარდეს წინაჰოსპიტალურ ეტაპზე სასწრაფო სამედიცინო დახმარების სპეციალიზირებულ მანქანაში. წინასაოპერაციო პერიოდში და სხვადასხვა ქირურგიული ჩარევის შემდეგ – 400 მლ დოზირებით (6-7 მლ/კგ სხეულის წონის) წვეთოვნად 3-5 დღის განმავლობაში. სისხლძარღვების თრომბომაობლიტირებელი დაავადებების დროს – სხეულის წონის 8-10 მლ/კგ გადაანგარიშებით წვეთოვნად, განმეორებით დღეგამოშვებით, მკურნალობის კურსზე 10 ინფუზიამდე.

ბავშვები
ბავშვებში შეყვანის გამოცდილების მონაცემები არ არის საკმარისი

ჭარბი დოზა
ვლინდება ალკალოზის მოვლენები, რომლებიც სწრაფად ქრებიან დამოუკიდებლად პრეპარატის დაუყოვნებელი შეწყვეტის პირობებში, ზოგჯერ კოლაფსი, გაუწყლოვნება (დიურეზის გაძლიერების ხარჯზე). შეყვანის სიჩქარის მომატებისას შესაძლებელია განვითარდეს ტაქიკარდია, არტერიული წნევის მომატება, ქოშინი, თავის ტკივილი, ტკივილი მკერდის არეში, მუცლის ტკივილი. მითითებული სიმპტომები სწრაფად ქრებიან ხსნარის შეყვანის შეწყვეტის ან სიჩქარის მნიშვნელოვანი შემცირების შემდეგ.

გვერდითი რეაქციები
დარღვევები იმუნური სისტემის მხრიდან: ანაფილაქსიური რეაქციები, ანგიონევროზული შეშუპება, ჰიპერთერმია.
კარდიალური დარღვევები: არტერიული წნევის მომატება ან დაწევა, ტაქიკარდია, ქოშინი, აკროციანოზი.
ნევროლოგიური დარღვევები: ტრემორი, თავის ტკივილი, თავბრუსხვევა, საერთო სისუსტე.
ცვლილებები კანის და კანქვეშა უჯრედისის მხრიდან: კანის გამონაყარი, ჭინჭრის ციება, ქავილის შეგრძნება.
კუჭ-ნაწლავის აშლილობები: გულისრევა, ღებინება.
საერთო დარღვევები: ცვლილებები შეყვანის ადგილას, ტკივილის და წვის ჩათვლით.

ვარგისიანობის ვადა
2 წელი.

შენახვის პირობები
ინახება არაუმეტეს 25°С ტემპერატურაზე. არ იყინება. ინახება ბავშვებისათვის მიუწვდომელ ადგილას.

შეუთავსებლობა
რეოსორბილაქტის შერევა არ შეიძლება ფოსფატ- და კარბონატშემცველ ხსნარებთან.

შეფუთვა
200 მლ ან 400 მლ ბოთლებში.

აფთიაქიდან გაცემის წესი:
ფარმაცევტული პროდუქტის ჯგუფი II, გაიცემა ფორმა N3 რეცეპტით.

მწარმოებელი
შპს ,,იურია-ფარმა”.
მწარმოებლის ადგილმდებარეობა და მისი საქმიანობის განხორციელების ადგილის მისამართი
უკრაინა, 18030, ჩერკასის ოლქი, ქ. ჩერკასი, კობზარსკაიას ქ. 108,
ტელ./ფაქსი +38 (044) 281-01-01.
(ბეჭედი, ხელმოწერა)

ბოლო გადახედვის თარიღი.