მედროლგინი 0.5% 5მლ თვ/წვეთი

სამკურნალო პრეპარატის სამედიცინო გამოყენები სინსტრუქცია

მედროლგინი

სავაჭრო დასახელება

მედროლგინი, Medrolgin

საერთაშორისო არაპატენტირებული დასახელება

კეტოროლაკი, Ketorolac

სამკურნალო ფორმა

თვალის წვეთები 0,5%.

აღწერილობა: გამჭვირვალე ხსნარი უფეროდან ღია-ყვითელ ფერამდე.

შემადგენლობა

პრეპარატის 1 მლ შეიცავს

აქტიურინივთიერება: კეტოროლაკის ტრომეტამოლი 5 მგ.

დამხმარენივთიერებები: ოქტოქსინოლი 40, დინატრიუმის ედეტატი, ნატრიუმის ქლორიდი, ბენზალკონიუმის ქლორიდი, ნატრიუმის ჰიდროქსიდი ან ქლორწყალბადმჟავა, საინექციო წყალი.

პრეპარატის ათქ კოდი     S01BC05

ფარმაკოთერაპიულიჯგუფი

ოფთალმოლოგიაში გამოსაყენებელი საშუალებები. არასტეროიდული ანთების საწინააღმდეგო საშუალებები.

ფარმაკოლოგიურითვისებები

ფარმაკოდინამიკა

კეტოროლაკის ტრომეტამოლი წარმოადგენს არასტეროიდული ანთების საწინააღმდეგო საშუალებას (აასს), რომელსაც გააჩნია ტკივილგამაყუჩებელი და ანთების საწინააღმდეგო მოქმედება. კეტოროლაკის ტრომეტამოლი აინჰიბირებს ციკლოოქსიგენაზას, ფერმენტს, რომელიც საჭიროა პროსტაგლანდინების ბიოსინთეზისთვის.  კეტოროლაკის ტრომეტამოლის ადგილობრივი გამოყენებისას თვალის წვეთების ფორმით, აღინიშნება პროსტაგლანდინების დონის დაქვეითება თვალშიდა სითხეში.

კეტოროლაკის სისტემური გამოყენებისას ტრომეტამოლი არ იწვევს გუგის შევიწროებას. კლინიკური კვლევების შედეგები მოწმობს იმაზე, რომ თვალის წვეთების სახით გამოყენებისას კეტოროლაკის ტრომეტამოლი არ ახდენს მნიშვნელოვან გავლენას თვალშიდა წნევაზე.

ფარმაკოკინეტიკა

კეტოროლაკის ტრომეტამოლის ინსტილაცია თვალის წვეთების ფორმით (0,1% ან 0,5% ხსნარი) ან პლაცებოს სახით ჩატარდა პაციენტებში ქირურგიულ ჩარევამდე დაახლოებით 12 საათით და 1 საათით ადრე. კეტოროლაკის ტრომეტამოლის 0,1% ხსნარის გამოყენებისას, ოპერაციის დროს ნიმუშებიდან მიღებულ თვალშიდა სითხეში, კეტოროლაკის კონცენტრაცია შეესაბამებოდა ანალიზატორის მგრძნობელობის მნიშვნელობის ზღურბლს (40 ნგ/მლ) 1 პაციენტში და იყო ამ მნიშვნელობებზე დაბალი 7 პაციენტში. კეტოროლაკის ტრომეტამოლის 0,5%-იანი ხსნარის გამოყენებისას პაციენტებში კეტოროლაკის საშუალო კონცენტრაცია თვალშიდა სითხეში შეადგენდა 95 ნგ/მლ-ს. პროსტაგლანდინის E2-ის კონცენტრაცია თვალშიდა სითხეში პაციენტებში, რომლებიც იღებდნენ პლაცებოს, კეტოროლაკის ტრომეტამოლის 0,1% და 0,5% ხსნარებს, შეადგენდა 80 პგ/მლ, 40 პგ/მლ და 28 პგ/მლ, შესაბამისად.

21 დღის ხანგრძლივობით პრეპარატის ამტანობის კვლევაში მრავალჯერადი გამოყენებისას  (დღეში 3-ჯერ), 13 ჯანმრთელი მოხალისედან მხოლოდ 1-ში,  კეტოროლაკის კონცენტრაცია სისხლის პლაზმაში პრეპარატის შემდგომ გამოყენებამდე აღწევდა რაოდენობრივი განსაზღვრის დონეს (0,021 მკგ/მლ). სხვა ჯგუფში, პრეპარატის ჩაწვეთებიდან 15 წუთის შემდეგ, 13 მოხალისედან მხოლოდ 4-ს აღენიშნებოდა კეტოროლაკის ძალიან დაბალი კონცენტრაციები სისხლის პლაზმაში  (0,011-0,023 მკგ/მლ).

ამრიგად, მონაცემები, რომლებიც მიუთითებენ იმაზე, რომ ოფთალმოლოგიაში გამოყენებისას კეტოროლაკის მაღალი კონცენტრაციები აღინიშნება თვალშიდა სითხეში და პრეპარატი არ აღინიშნება ან აღინიშნება ძალიან დაბალი კონცენტრაციით სისხლის პლაზმაში, მოწმობენ მის უმნიშვნელო სისტემურ აბსორბციაზე ადგილობრივი გამოყენების შემდეგ.

გამოყენებისჩვენებები

მოზრდილებში კატარაქტის მოცილების ოპერაციის შემდეგ ანთების პროფილაქტიკა და შემცირება.

გამოყენების წესი და დოზირება

დოზირება

თვალში ჩაწვეთებული უნდა იქნას თითო წვეთი 3-ჯერ დღეში. ინსტილაციას იწყებენ ქირურგიულ ჩარევამდე 24 საათით ადრე და აგრძელებენ მის შემდეგ 3-4 კვირის განმავლობაში. 

ბავშვები

არ არსებობს სათანადო მონაცემები ბავშვებში პრეპარატის გამოყენების შესახებ.

ხანდაზმული პაციენტები

დოზის კორექცია საჭირო არ არის.

გამოყენების წესი

ოფთალმოლოგიაში ადგილობრივი გამოყენებისთვის.

ხდება ხსნარის თითო წვეთის ჩაწვეთება დაზიანებული თვალის კონიუნქტივალურ პარკში, ქვედა ქუთუთოს ოდნავ ჩამოწევით ქვემოთ და ზევით ახედვით.

მედროლგინისგამოყენება თუ საჭიროა  სხვა ადგილობრივი გამოყენების  ოფთალმოლოგიურ პრეპარატებთან კომბინაციაში, ინსტილაციებს შორის ინტერვალი უნდა შეადგენდეს მინიმუმ 5 წუთს. თვალის მალამოები ბოლოს უნდა იქნას გამოყენებული.

უკუჩვენებები

ჰიპერმგრძნობელობა აქტიური ნივთიერების ან პრეპარატის რომელიმე დამხმარე ნივთიერების მიმართ.

არსებობს აცეტილსალიცილის მჟავას და სხვა არასტეროიდული ანთების საწინააღმდეგო საშუალებების მიმართ ჰიპერმგრძნობელობის ჯვარედინი რეაქციების აღნიშვნის პოტენციური რისკი; მედროლგინის გამოყენება უკუნაჩვენებია იმ პაციენტებში, რომლებსაც ანამნეზში ჰქონდათ მითითებულ სამკურნალო საშუალებებზე ჰიპერმგრძნობელობის რეაქციები.

არასასურველირეაქციები

არასასურველი რეაქციები, რომლებიც დაფიქსირდა კლინიკურ კვლევებში და პოსტმარკეტინგულ პერიოდში, ჩამოთვლილია ქვემოთ MedDRA-ს მიხედვით ორგანულ-სისტემური კლასების შესაბამისად. არასასურველი რეაქციების სიხშირის პარამეტრები განისაზღვრება შემდეგნაირად: ძალიან ხშირად (≥ 1/10); ხშირად (≥ 1/100, მაგრამ <1/10); არახშირად (≥ 1/1000, მაგრამ <1/100); იშვიათად (≥ 1/10000, მაგრამ <1/1000); ძალიან იშვიათად (<1/10000); სიხშირე უცნობია (შეუძლებელია შეფასდეს არსებული მონაცემებით).

იმუნურისისტემისმხრივ: ხშირად - ჰიპერმგრძნობელობის რეაქციები, ადგილობრივი ალერგიული რეაქციების ჩათვლით.

ნერვულისისტემისმხრივ: ხშირად - თავის ტკივილი.

მხედველობისორგანოსმხრივ: ძალიან ხშირად - თვალის გაღიზიანება (წვის შეგრძნების ჩათვლით), თვალის ტკივილი  (ჩხვლეტის შეგრძნების ჩათვლით); ხშირად - ზედაპირული (წერტილოვანი) კერატიტი, თვალების ან/და ქუთუთოების შეშუპება, თვალების ქავილი, კონიუნქტივის ჰიპერემია, თვალების ინფექცია, თვალების ანთება, ირიტი, რქოვანაში პრეციპიტატები, ბადურაში სისხლჩაქცევები, ცისტოზური მაკულური შეშუპება, თვალის ტრავმა, გაზრდილი თვალშიდა წნევა, მხედველობის მკაფიოობის დარღვევა/მხედველობის მკაფიოობის დაქვეითება; არახშირად - რქოვანას წყლული, რქოვანას ინფილტრატები, თვალების სიმშრალე, ცრემლდენა; სიხშირე უცნობია - რქოვანას დაზიანება (მაგ., გათხელება, ეროზია, ეპითელიუმის დაზიანება და პერფორაცია)*, წყლულოვანი კერატიტი, თვალის შეშუპება, თვალის ჰიპერემია, სახის შეშუპება, სახის პასტოზურობა.

სასუნთქისისტემის, გულმკერდისდაშუასაყარისორგანოების მხრივ:სიხშირე უცნობია - ბრონქოსპაზმი ან ბრონქული ასთმის გამწვავება ^#.

* პოსტმარკეტინგულ პერიოდში იყო შეტყობინებები რქოვანას დაზიანების შემთხვევების შესახებ, გათხელების, ეროზიის, ეპითელიუმის დაზიანების და რქოვანას პერფორაციის ჩათვლით, რომლებიც ძირითადად აღინიშნებოდა პაციენტებში, რომლებიც იღებდნენ ადგილობრივი გამოყენებისათვის გლუკოკორტიკოსტეროიდებით თერაპიას და/ან გააჩნდათ განმწყობი ფაქტორები.

# პოსტმარკეტინგულ პერიოდში იყო შეტყობინებები  ბრონქოსპაზმის განვითარების ან ბრონქული ასთმის გამწვავების განვითარების შემთხვევების შესახებ პაციენტებში ანამნეზში ცნობილი ჰიპერმგრძნობელობით ასკორბინის მჟავის/არასტეროიდული ანთების საწინააღმდეგო საშუალებების მიმართ ან ბრონქიალური ასთმით ანამნეზში, რაც შეიძლება დაკავშირებული იყოს კეტოროლაკის ტრომეტამოლის გამოყენებასთან თვალის წვეთების ფორმით.

კეტოროლაკის ტრომეტამოლის თვალის წვეთების ფორმით გამოყენებისას ოფთალმოლოგიაში ადგილობრივი გამოყენებისთვის რეკომენდებულ დოზებში, არ აღნიშნულა არასასურველი რეაქციები, დამახასიათებელი არასტეროიდული ანთების საწინააღმდეგო საშუალებების სისტემური გამოყენებისათვის, კეტოროლაკის ტრომეტამოლის ჩათვლით.  

შეტყობინებები საეჭვოარასასურველირეაქციებისშესახებ

შეტყობინებები საეჭვო არასასურველი რეაქციების შესახებ  მნიშვნელოვანია პრეპარატის რეგისტრაციის შემდეგ. თუ პაციენტს გამოუვლინდა სერიოზული არასასურველი რეაქცია სამკურნალო საშუალებაზე  ან ახალი არასასურველი რეაქციის აღნიშვნის შემთხვევაში, რომელიც არ არის აღწერილი ამ ნაწილში, გთხოვთ, მოახდინოთ ინფორმირება ფარმაკოზედამხედველობის ეროვნული სისტემის შესაბამისად.

განსაკუთრებული მითითებები

რეკომენდირებულია სიფრთხილის დაცვა მედროლგინის გამოყენებისას პაციენტებში სისხლდენის განვითარებისადმი ცნობილი მიდრეკილებით ან პაციენტებში, რომლებიც იღებენ თერაპიას სხვა პრეპარატებით, რამაც შეიძლება გაზარდოს სისხლდენის დრო.

სხვა არასტეროიდული ანთების საწინააღმდეგო საშუალებების მსგავსად, მედროლგინს შეუძლია  ინფექციური დაავადებების ნიშნების შენიღბვა.

ყველა არასტეროიდული ანთების საწინააღმდეგო საშუალებას შეუძლია ჭრილობის შეხორცების პროცესის შენელება. ადგილობრივი გამოყენებისთვის არასტეროიდული ანთების საწინააღმდეგო საშუალებების და გლუკოკორტიკოსტეროიდების ერთდროული გამოყენებისას იზრდება ჭრილობის შეხორცების პროცესის დარღვევის რისკი. სიფრთხილე უნდა იქნას დაცული მედროლგინის გამოყენებისას კორტიკოსტეროიდებთან კომბინაციაში ადგილობრივი გამოყენებისთვის პაციენტებში, რომლებსაც აქვთ მიდრეკილება რქოვანას ეპითელიუმის დაზიანებისადმი.

ადგილობრივი არასტეროიდული ანთების საწინააღმდეგო საშუალებების გამოყენებას შესაძლოა ახლდეს კერატიტის განვითარება. ზოგიერთ პაციენტში ადგილობრივი გამოყენებისთვის არასტეროიდული ანთების საწინააღმდეგო საშუალებების ხანგრძლივი გამოყენებისას შეიძლება მოხდეს რქოვანას ეპითელიუმის დაზიანება, აგრეთვე რქოვანას გათხელება, ეროზია, დაწყლულება ან პერფორაცია, რამაც შეიძლება გამოიწვიოს მხედველობის დაკარგვა. თუ აღინიშნება რქოვანას ეპითელიუმის დაზიანების ნიშნები, პაციენტებმა დაუყოვნებლივ უნდა შეწყვიტონ პრეპარატის გამოყენება და ყურადღებით გააკონტროლონ რქოვანას მდგომარეობა.

ადგილობრივი გამოყენებისთვის არასტეროიდული ანთების საწინააღმდეგო საშუალებები სიფრთხილით უნდა იქნას გამოყენებული პაციენტებში რთული ოფთალმოლოგიური ქირურგიული ჩარევების შემდეგ, რქოვანას დენერვაციით, რქოვანას ეპითელიუმის დეფექტებით, შაქრიანი დიაბეტით, თვალის ზედაპირის დაავადებებით (მაგ. მშრალი თვალის სინდრომი), რევმატოიდული ართრიტით ან განმეორებითი ოფთალმოლოგიური ოპერაციების შემდეგ მოკლე პერიოდში, რადგან ამასთან შეიძლება გაიზარდოს რქოვანას მხრივ არასასურველი რეაქციების განვითარების რისკი, რამაც შეიძლება გამოიწვიოს მხედველობის დაკარგვა.

პოსტმარკეტინგულ პერიოდში მიღებული მონაცემები მიუთითებს იმაზე, რომ არასტეროიდული ანთების საწინააღმდეგო საშუალებების ადგილობრივი გამოყენებისას ოპერაციამდე 24 საათით ადრე ან ოპერაციიდან 14 დღეზე მეტი ხნის განმავლობაში, შეიძლება გაიზარდოს რქოვანას მხრივ არასასურველი რეაქციების აღნიშვნის რისკი, ასევე მათი სიმძიმის ხარისხი. ასევე იყო შეტყობინებები ბრონქოსპაზმის განვითარების ან ბრონქული ასთმის გამწვავების შემთხვევების შესახებ პაციენტებში ცნობილი ჰიპერმგრძნობელობით აცეტილსალიცილის მჟავის/არასტეროიდული ანთების საწინააღმდეგო საშუალებების მიმართ ან ბრონქული ასთმით ანამნეზში, რაც შეიძლება დაკავშირებული იყოს კეტოროლაკის ტრომეტამოლის გამოყენებასთან თვალის წვეთების ფორმით. ასეთ პაციენტებში მედროლგინის გამოყენება რეკომენდებულია სიფრთხილით.

პაციენტები ინფორმირებულნი უნდა იყვნენ, რომ თავიდან უნდა იქნას აცილებული საწვეთურის წვერის კონტაქტი თვალთან ან თვალის მიმდებარე ქსოვილებთან, ტრავმების და მიკროორგანიზმებით თვალის წვეთების  კონტამინაციის პრევენციის მიზნით.

არასასურველი რეაქციების რისკის მინიმუმამდე დაყვანა შესაძლებელია პრეპარატის გამოყენებით ყველაზე დაბალი ეფექტური დოზით უმოკლეს დროში, რომელიც აუცილებელია სიმპტომების კონტროლისთვის.

დამხმარე ნივთიერებები

მედროლგინი შეიცავს კონსერვანტს ბენზალკონიუმის ქლორიდს (1 მლ წვეთი შეიცავს 0,1 მგ ბენზალკონიუმის ქლორიდს), რამაც შეიძლება გამოიწვიოს თვალის გაღიზიანება, „მშრალი თვალის“ სინდრომის განვითარება ან დარღვევები ცრემლის აპკის და რქოვანას მხრივ.

ბენზალკონიუმის ქლორიდი შეიძლება აბსორბირებული იყოს რბილ კონტაქტურ ლინზებზე და შეცვალოს კონტაქტური ლინზების ფერი. პრეპარატის გამოყენებამდე საჭიროა  კონტაქტური ლინზების მოხსნა და ინსტილაციის შემდეგ  მინიმუმ 15 წუთი დალოდება მათ ჩასმამდე.

პაციენტებში „მშრალი თვალის“ სინდრომით  და რქოვანას შესაძლო დაზიანებებით, მედროლგინი სიფრთხილით უნდა იქნას გამოყენებული.

პრეპარატის გახანგრძლივებული გამოყენებისას საჭიროა პაციენტებში  სათანადო მონიტორინგის ჩატარება.

თუ პრეპარატის გამოყენების შემდეგ წარმოიქმნება უჩვეულო შეგრძნებები, ჩხვლეტის შეგრძნება ან ტკივილი თვალებში, პაციენტმა უნდა მიმართოს ექიმს.

გავლენაავტოტრანსპორტის ტარების და მექანიზმების მართვისუნარზე

თვალის წვეთების ჩაწვეთებისას შეიძლება მოხდეს მხედველობის მკაფიოობის დროებითი გაუარესება.

ასეთ სიტუაციებში პაციენტებმა არ უნდა ატარონ სატრანსპორტო საშუალებები ან მართონ მექანიზმები, სანამ მხედველობის მკაფიოობა სრულად არ აღდგება.

ფერტილობა, გამოყენებაორსულობისადალაქტაციისდროს

ორსულობა

არ არსებობს სათანადო მონაცემები ორსულობის დროს ქალებში კეტოროლაკის ტრომეტამოლის თვალის წვეთების ფორმით გამოყენების შესახებ. ცხოველებზე ჩატარებულ კვლევებში დადგინდა, რომ პრეპარატს გააჩნია რეპროდუქციული ტოქსიკურობა. პროსტაგლანდინების სინთეზის დათრგუნვამ შეიძლება უარყოფითი გავლენა მოახდინოს ორსულობაზე და/ან ემბრიონის/ნაყოფის განვითარებაზე და/ან პოსტნატალურ განვითარებაზე.

არასტეროიდული ანთების საწინააღმდეგო საშუალებების იშვიათად გამოყენებამ ორსულობის მე-20 კვირაში ან უფრო გვიან ვადებში შეიძლება გამოიწვიოს ნაყოფში თირკმელების მხრივ სერიოზული დარღვევები, ასევე ოლიგოამნიონის განვითარება. ორსულობის მე-20 კვირაში ან უფრო გვიან ვადებში რეკომენდებულია არასტეროიდული ანთების საწინააღმდეგო საშუალებების გამოყენებისგან თავის შეკავება.

თუ არასტეროიდული ანთების საწინააღმდეგო საშუალებების გამოყენება აუცილებელია ორსულობის მე-20-დან 30-ე კვირეებს შორის ვადებში, მაშინ თერაპია უნდა ჩატარდეს მინიმალური დოზებით უმოკლეს დროში. არასტეროიდული ანთების საწინააღმდეგო საშუალებების 48 საათზე მეტი ხნის განმავლობაში გამოყენების ფონზე უნდა ჩატარდეს სანაყოფე წყლების ულტრაბგერითი გამოკვლევა.

მიუხედავად იმისა, რომ თვალის წვეთების ფორმით გამოყენებისას მოსალოდნელია კეტოროლაკის ტრომეტამოლის უმნიშვნელო სისტემური მოქმედება, ორსულობის დროს მედროლგინის გამოყენება ქალებში არ არის რეკომენდებული.

ლაქტაცია

მედროლგინი არ უნდა იქნას გამოყენებული ქალებში ძუძუთი კვების პერიოდში. ადამიანებში კეტოროლაკის სისტემური გამოყენებისას ტრომეტამოლი გამოიყოფა დედის რძეში.

ფერტილობა

არ არსებობს სათანადო მონაცემები კეტოროლაკის ტრომეტამოლის გავლენის შესახებ ფერტილობაზე ადამიანებში.

ურთიერთქმედებასხვასამკურნალო საშუალებებთან

სხვა სამკურნალო საშუალებებთან ურთიერთქმედების კვლევები არ ჩატარებულა.

კეტოროლაკის ტრომეტამოლის გამოყენება თვალის წვეთების სახით სისტემური და ადგილობრივი გამოყენების პრეპარატებთან ერთად, როგორიცაა ანტიბიოტიკები, სედატიური საშუალებები, β-ბლოკატორები, კარბოანჰიდრაზას ინჰიბიტორები, ადგილობრივი ანესთეტიკები და მიოტური, მიდრიატული ან ციკლოპლეგიური ჯგუფის პრეპარატები, უსაფრთხოა.

 კეტოროლაკის ტრომეტამოლს შეუძლია შეანელოს ჭრილობის შეხორცების პროცესი, ისევე, როგორც გლუკოკორტიკოსტეროიდებს ადგილობრივი გამოყენებისთვის. არასტეროიდული ანთების საწინააღმდეგო საშუალებების და ადგილობრივი გამოყენებისთვის გლუკოკორტიკოსტეროიდების ერთდროული გამოყენებისას, შეიძლება გაიზარდოს ჭრილობის შეხორცების პროცესის დარღვევის რისკი.

თუ საჭიროა მედროლგინის ერთობლივი გამოყენება სხვა ოფთალმოლოგიურ პრეპარატებთან ადგილობრივი გამოყენებისთვის, ინსტილაციებს შორის ინტერვალი უნდა იყოს მინიმუმ 5 წუთი. თვალის მალამოები ბოლოს უნდა იქნას გამოყენებული.

დოზისგადაჭარბება

არ არსებობს შეტყობინებები დოზის გადაჭარბების შემთხვევების შესახებ. ნაკლებად სავარაუდოა, რომ რეკომენდაციების შესაბამისად ადგილობრივი გამოყენებისას, შეიძლება მოხდეს პრეპარატის დოზის გადაჭარბება.

პრეპარატის პერორალურად შემთხვევით მიღებისას, საჭიროა საკმარისი რაოდენობის სითხის დალევა განზავების ეფექტის მისაღწევად.

გამოშვებისფორმა

თვალის წვეთების 5 მლ პოლიეთილენის ფლაკონში საწვეთური-საცობით და ხრახნიანი დამცავი თავსახურით აღჭურვილი დამცავი რგოლით.

1 ფლაკონი  სამედიცინო გამოყენების ინსტრუქციასთან ერთად მუყაოს კოლოფში.

შენახვისპირობები

ინახება სინათლისაგან დაცულ ადგილას არა უმეტეს 25ºC ტემპერატურაზე.

ინახება ბავშვებისთვის მიუწვდომელ ადგილას!

ფლაკონის გახსნის შემდეგ გამოიყენეთ პრეპარატი 28 დღის განმავლობაში.

ვარგისიანობისვადა

4 წელი წარმოების თარიღიდან.

არ გამოიყენოთ ვარგისიანობის ვადის გასვლის შემდეგ.

გაცემის წესი:                     

ფარმაცევტული პროდუქტის ჯგუფი III, გაიცემა რეცეპტის გარეშე.

წარმოებულია

„ვორლდ მედიცინ ილაჩ სან. ვე ტიჯ. ა.შ.“-ს მიერ, თურქეთი

(15 თემუზ მახ. ჯამი იოლუ ჯად. #50 გიუნეშლი ბაგჯილარი/სტამბოლი)

„WORLD MEDICINE İLAÇ SAN. VE TİC. A.Ş.“, TURKEY

(15 Temmuz Mah. Cami Yolu Cad. No: 50 Güneşli Bağcılar / İstanbul).