ლუცეტამი 1200მგ #60ტ

ლუცეტამი®

გარსით დაფარული ტაბლეტები
400 მგ, 800 მგ, 1200 მგ
(პირაცეტამი)
ამ პრეპარატის მიღების წინ ყურადღებით და სრულად წაიკითხეთ წინამდებარე ინსტრუქცია, რადგანაც ის თქვენთვის მნიშვნელოვან ინფორმაციას შეიცავს.
• შეინახეთ ეს ფურცელი. შესაძლებელია თქვენ ხელმეორედ დაგჭირდეთ მისი წაკითხვა.
• თუ თქვენ გაგიჩნდებათ დამატებითი კითხვები, მიმართეთ ექიმს ან ფარმაცევტს.
• ეს სამკურნალო საშუალება დანიშნულია პირადად თქვენთვის და ნუ გადასცემთ მას სხვა პირებს. Pპრეპარატმა შეიძლება ავნოთ მათ, თუნდაც მათ აღენიშნებოდეთ დაავადების იგივე სიმპტომები.
• თუ თქვენ აღგენიშნებათ რომელიმე გვერდითი ეფექტი ან შენიშნავთ გვერდით ეფექტებს, რომლებიც არ არის მითითებული მოცემულ ინსტრუქციაში, შეატყობინეთ ამის შესახებ თქვენს მკურნალ ექიმს ან ფარმაცევტს (იხ. ნაწილი 4).

მოცემულ ჩანართ-ფურცელში წარმოდგენილია შემდეგი ინფორმაცია:
1. რას წარმოადგენს პრეპარატი ლუცეტამი® გარსით დაფარული ტაბლეტები და რისთვის გამოიყენება.
2. რისი ცოდნაა საჭირო პრეპარატის ლუცეტამი® გარსით დაფარული ტაბლეტები გამოყენებამდე.
3. როგორ უნდა იქნას მიღებული პრეპარატი ლუცეტამი® გარსით დაფარული ტაბლეტები.
4. შესაძლო გვერდითი ეფექტები.
5. როგორ უნდა იქნას შენახული პრეპარატი ლუცეტამი® გარსით დაფარული ტაბლეტები.
6. ვარგისობის ვადა.
7. აფთიაქიდან გაცემის პირობები.
8. შეფუთვის შიგთავსი და სხვა ინფორმაცია.

1. რას წარმოადგენს პრეპარატი ლუცეტამი® გარსით დაფარული ტაბლეტები და რისთვის გამოიყენება.

პირაცეტამი - პრეპარატ ლუცეტამის აქტიური ნივთიერება - აუმჯობესებს ნივთიერებათა ცვლას ნერვულ უჯრედებში, ანორმალიზებს სტრუქტურას და აღადგენს უჯრედული მემბრანების ფუნქციას, რომლებიც გარშემო აკრავს უჯრედებს და ამგვარად აუმჯობესებს ინფორმაციის ნაკადს უჯრედებს შორის. პირაცეტამი აუმჯობესებს თავის ტვინის სისხლის მიმოქცევას და ნივთიერებათა ცვლას ტვინის ქსოვილებში. პირაცეტამი ამცირებს თრომბოციტების ადჰეზიას და მათ შეკავშირებას სისხლძარღვების კედლებთან, რაც წარმოადგენს პირველ საფეხურს თრომბის (სისხლის კოლტის) წარმოქმნის და სისხლძარღვის სანათურის დახშობის გზაზე.

გამოყენების ჩვენებები:
• თავის ტვინის ფუნქციის დარღვევის ან დაზიანების შედეგად განვითარებული მეხსიერების დარღვევის, ყურადღების და მოტივაციის დეფიციტის მკურნალობა.
• ტვინის სისხლის მიმოქცევის დარღვევების შედეგების (უპირველეს ყოვლისა, აფაზიის) მკურნალობა.
• კორტიკალური მიოკლონიის მკურნალობა (კუნთების არანორმალური კრთომა, განპირობებული დარღვევებით ცენტრალურ ნერვულ სისტემაში).
• თავბრუსხვევის და წონასწორობის შეგრძნების დარღვევის მკურნალობა (გარდა დარღვევებისა, რომლებიც დაკავშირებულია სისხლძარღვოვან მოშლილობასთან და ფსიქიკური ხასიათის დარღვევებთან).
• გამოყენება ალკოჰოლური აბსტინენტური სინდრომის კომპლექსური თერაპიის კომპონენტის სახით, ასევე კოგნიტიური დარღვევებისა, რომლებიც დაკავშირებულია ალკოჰოლის ქრონიკულად ბოროტად გამოყენებასთან.

ბავშვები და 8 წელზე უფროსი ასაკის მოზარდები
• სხვა მეთოდებთან (მათ შორის ლოგოპედიური) კომბინაციაში - 8 წელზე უფროსი ასაკის ბავშვების სამკურნალოდ დისლექსიით (კითხვის პრობლემებით).

2. რისი ცოდნაა საჭირო პრეპარატის ლუცეტამი® გარსით დაფარული ტაბლეტები გამოყენების დაწყებამდე.

არ არის რეკომენდირებული პრეპარატის ლუცეტამი® გარსით დაფარული ტაბლეტები მიღება
• თუ გაქვთ ალერგია პირაცეტამის, პიროლიდონის სხვა წარმოებულების ან პრეპარატის ნებისმიერი დამხმარე ნივთიერებების მიმართ, რომლებიც მოყვანილია მე-8 ნაწილში;
• თუ გაქვთ თირკმლის უკმარისობის ტერმინალური სტადია;
• თავის ტვინში სისხლჩაქცევის დროს (ჰემორაგიული ინსულტი);
• თუ გაწუხებთ ჰანტინგტონის ქორეა.

სიფრთხილის ზომები სამედიცინო გამოყენების დროს
აუცილებლად ჩაიტარეთ კონსულტაცია თქვენს მკურნალ ექიმთან ან ფარმაცევტთან პრეპარატის ლუცეტამი® გარსით დაფარული ტაბლეტები გამოყენების დაწყების წინ.
აუცილებლად შეატყობინეთ თქვენს მკურნალ ექიმს:
• თუ გაქვთ თირკმელების დაავადება, რადგანაც ამის დროს შეიძლება შენელდეს პრეპარატის ლუცეტამის® გამოყოფა, რამაც შეიძლება გამოიწვიოს მისი ეფექტის გაძლიერება. შესაძლებელია, გაჩნდეს დოზის ცვლილების აუცილებლობა. ხანდაზმული ასაკის პაციენტებში ექიმი რეგულარულად გააკონტროლებს თირკმელების ფუნქციას.
• თუ დარღვეული გაქვთ სისხლის შედედება, აღინიშნება მძიმე სისხლდენები ან თქვენ მიეკუთვნებით სისხლდენების განვითარების მომატებული რისკის ჯგუფს (მაგალითად, კუჭის ან ნაწლავის წყულის შედეგად).
• თუ თქვენ ადრე გქონდათ სისხლჩაქცევა ტვინში (ჰემორაგიული ინსულტი).
• თუ თქვენ ჩაგიტარდათ დიდი ოპერაცია, სტომატოლოგიურის ჩათვლით.
• თუ აღგენიშნებათ კუნთების კრუნჩხვითი კრთომა, დაკავშირებული ცვლილებებთან ცენტრალურ ნერვულ სისტემაში, რადგანაც პრეპარატ ლუცეტამის® უეცარმა მოხსნამ შეიძლება გამოიწვიოს მკვეთრი გამწვავება - კრუნჩხვითი შეტევა, განპირობებული პრეპარატის მოხსნით.

ზემოთ მოყვანილი მდგომარეობების დროს პრეპარატ ლუცეტამის® დანიშვნა საჭიროებს მომატებულ სამედიცინო კონტროლს.

ბავშვები და 8 წელზე უფროსი ასაკის ბავშვები
ლუცეტამის® დანიშვნა შეიძლება 8 წელზე უფროსი ასაკის ბავშვებში დისლექსიით (კითხვის პრობლემებით) ლოგოპედიურ მკურნალობასთან კომბინაციაში.

სხვა სამკურნალო საშუალებები და პრეპარატი ლუცეტამი® გარსით დაფარული ტაბლეტები

გთხოვთ, შეატყობინეთ თქვენს მკურნალ ექიმს ან ფარმაცევტს თუ რა პრეპარატებს იღებთ, იღებდით ბოლო დროს ან გეგმავთ მიღებას.
აუცილებლად შეატყობინეთ თქვენს მკურნალ ექიმს, თუ იღებთ:
• პრეპარატებს, რომლებიც შეიცავენ ფარისებრი ჯირკვლის ჰორმონებს
• ანტიკოაგულანტებს
• აცეტილსალიცილის მჟავას (ტკივილგამაყუჩებელი და სიცხის დამწევი სამკურნალო საშუალება, რომელიც ასევე გამოიყენება გულ-სისხლძარღვთა დაავადებების სამკურნალოდ და პროფილაქტიკისთვის).
ამასთან ერთად აუცილებელია სათანადო სამედიცინო კონტროლი, ხოლო ზოგიერთ შემთხვევებში - სამკურნალო საშუალებების დოზების ცვლილება.

პრეპარატ ლუცეტამის® ერთდროულად მიღება საკვებთან, სასმელთან და ალკოჰოლთან ერთად
ამ სამკურნალო საშუალების მიღება შეიძლება უზმოზე ან საკვებთან ერთად. ტაბლეტებს უნდა დააყოლოთ დიდი რაოდენობით სითხე.

ფერტილობა, ორსულობა და ძუძუთი კვება

თუ ხართ ორსულად, ბავშვს კვებავთ ძუძუთი, ან ვარაუდობთ, რომ ხართ ორსულად, ან გეგმავთ ორსულობას, შეატყობინეთ ამის შესახებ თქვენს მკურნალ ექიმს ან ფარმაცევტს ამ პრეპარატის მიღებამდე.

ორსულობა
ორსულობის დროს პრეპარატის კლინიკური გამოყენების გამოცდილების არარსებობის გამო, ორსულმა ქალებმა თავი უნდა აარიდონ პირაცეტამის მიღებას, განსაკუთრებული შემთხვევების გარდა, პრეპარატის რისკის და სარგებელის სათანადო შეფასების შემდეგ.
ძუძუთი კვება
აქტიური ნივთიერება პირაცეტამი აღწევს პლაცენტარულ ბარიერში და გამოიყოფა დედის რძეში, ამიტომ არ შეიძლება ლუცეტამის® გამოყენება ძუძუთი კვების პერიოდში, ან პრეპარატ ლუცეტამით® მკურნალობის დროს ძუძუთი კვება უნდა შეწყდეს.

ნებისმიერი სამკურნალო საშუალების მიღების წინ გაიარეთ კონსულტაცია თქვენს მკურნალ ექიმთან.

ზემოქმედება სატრანსპორტო საშუალებების მართვის და მექანიზმებთან მუშაობის უნარზე
პირაცეტამის შესაძლო გვერდითი ეფექტების გათვალიწინებით ზეგავლენა სატრანსპორტო საშუალებების მართვის და მექანიზმებთან მუშაობის უნარზე არ შეიძლება იქნას გამორიცხული. ამიტომ შეზღუდვის ხარისხი ან აკრძალვა ექიმმა თითოეული პაციენტისთვის ინდივიდუალურად უნდა განსაზღვროს.

3. როგორ უნდა იქნას მიღებული პრეპარატი ლუცეტამი®® გარსით დაფარული ტაბლეტები.
ეს პრეპარატი მიღებული უნდა იქნას მკაცრად ექიმის დანიშნულების შესაბამისად. თუ თქვენ გაგიჩნდებათ კითხვები, მიმართეთ ექიმს.

დოზა და მკურნალობის ხანგრძლივობა განისაზღვრება თქვენი მკურნალი ექიმის მიერ თქვენი მდგომარეობის, ასაკის და სხვა დაავადებების გათვალისწინებით.

დოზირების რეჟიმი

რეკომენდირებული დოზები სხვადასხვა ჩვენებების დროს:
• მეხსიერების დარღვევის, ყურადღების და მოტივაციის ნაკლებობის მკურნალობა, რომლებიც განვითარდა დაზიანების ან თავის ტვინის დისფუნქციის შედეგად:
რეკომენდირებული სადღეღამისო დოზა შეადგენს 2,4-4,8 გ დღეში 2-3 მიღებაზე.
• თავის ტვინის სისხლის მიმოქცევის დარღვევების შედეგების მკურნალობა:
ქვემწვავე ან ქრონიკული დაავადებების დროს (15 დღეზე მეტი ხანგრძლივობის) რეკომენდირებული დოზაა 4,8-6 გ.
• კორტიკალური მიოკლონია (კუნთების არანორმალური კრთომა, განპირობებული დარღვევებით ცენტრალურ ნერვულ სისტემაში):
რეკომენდირებული საწყისი სადღეღამისო დოზაა 7.2 გ, შემდეგ საჭიროებისამებრ შეიძლება დოზის გაზრდა 4,8 გ-ით 3-4 დღიანი ინტერვალებით მაქსიმალურ დოზამდე 24 გ დღეში 2-3 მიღებაზე.
• თავბრუსხვევა:
რეკომენდირებული სადღეღამისო დოზა შეადგენს 2,4-4,8 გ-ს 2-3 მიღებაზე.
• ალკოჰოლის მოხსნის სინდრომი:
12 გ დღეში, შემდეგ შემანარჩუნებელი თერაპია 2,4 გ დღეში.

მკურნალობის ხანგრძლივობა დამოკიდებულია პაციენტის მდგომარეობაზე. ქრონიკული დაავადებების დროს ოპტიმალური ეფექტი მიიღწევა 6-12 კვირის შემდეგ. მკურნალობის 3-თვიანი პერიოდის შემდეგ უნდა შეფასდეს თერაპიის გაგრძელების აუცილებლობა. თუ აუცილებელია უფრო ხსნგრძლივი მკურნალობა, მაშინ თერაპიის გაგრძელების აუცილებლობის გადაფასება უნდა ტარდებოდეს ყოველ 6 თვეში ერთხელ.

თირკმელების ფუნქციის დარღვევების შემთხვევაში შეიძლება საჭირო გახდეს პრეპარატის დოზის შეცვლა.

8 წელზე უფროსი ასაკის ბავშვები და მოზარდები
8 წელზე უფროსი ასაკის ბავშვებსა და მოზარდებში დისლექსიით პრეპარატი ლუცეტამი® ინიშნება ლოგოპედიურ მკურნალობასთან კომბინაციაში, მაქსიმალური რეკომენდირებული დოზა შეადგენს 3,2 გ-ს ორ მიღებაზე.

გამოიყენების წესი
გარსით დაფარული ტაბლეტები შიგნით მისაღებად.
რეკომენდებული სადღეღამისო დოზა უნდა გაიყოს 2-4 მიღებაზე. ტაბლეტების მიღება რეკომენდებულია საკვებთან ან საკვების მიღების მიუხედავად, 100-200 მლ სითხის დაყოლებით.

თუ თქვენ მიიღეთ დანიშნულზე მეტი პრეპარატ ლუცეტამის® ტაბლეტები

თუ თქვენ მიიღეთ დანიშნულზე მეტი პრეპარატ ლუცეტამის® ტაბლეტები, დაუყოვნებლივ მიმართეთ თქვენს მკურნალ ექიმს.

თუ თქვენ დაგავიწყდათ დროულად პრეპარატ ლუცეტამის® ტაბლეტების მიღება
თუ თქვენ დაგავიწყდათ ლუცეტამის® ტაბლეტის დანიშნული დოზის მიღება, მიიღეთ გამოტოვებული ტაბლეტი რაც შეიძლება მალე. თუ ახლოვდება მომდევნო ტაბლეტის მიღების დრო, ნუ მიიღებთ პრეპარატის გაორმაგებულ დოზას. თქვენ ვერ შეძლებთ გამოტოვებული ტაბლეტის კომპენსირებას, მაგრამ გაზრდით ჭარბი დოზირების რისკს. ნუ მიიღებთ გამოტოვებულ ტაბლეტს და გააგრძელეთ პრეპარატის ჩვეულ რეჟიმში მიღება.

თუ თქვენ შეწყვიტეთ პრეპარატ ლუცეტამის® ტაბლეტების მიღება
არ შეწყვიტოთ ლუცეტამის® ტაბლეტების მიღება მანამდე, სანამ თქვენი მკურნალი ექიმი არ მიიღებს გადაწყვეტილებას პრეპარატის მოხსნის შესახებ.

თუ თქვენ გაგიჩნდებათ პრეპარატის მიღებასთან დაკავშირებული დამატებითი კითხვები, მიმართეთ თქვენს მკურნალ ექიმს ან ფარმაცევტს.

4. შესაძლო გვერდითი ეფექტები სამედიცინო გამოყენებისას

სხვა სამკურნალო საშუალებების მსგავსად, ამ პრეპარატმაც შეიძლება გამოიწვიოს არასასურველი რეაქციები, თუმცა ეს გვერდითი ეფექტები არ აღენიშნება ყველა პაციენტს.

მძიმე გვერდითი რეაქციები, დაკავშირებული ალერგიულ რექციასთან, სიხშირე უცნობია:
-ტუჩების პირის ან ყელის შეშუპება, რაც აძნელებს ყლაპვას ან სუნთქვას;
-გულის წასვლა ან გულის წასვლის მსგავსი მდგომარეობა;
-ჭინჭრის ციება.
თუ თქვენ აღმოაჩენთ ნებისმიერ ზემოთ მოყვანილ სიმპტომებს, ნუ გამოიყენებთ ამ პრეპარატს და სასწრაფოდ მიმართეთ ექიმს!

შემდეგი გვერდითი რეაქციების შესახებ შეტყობინებები იყო როგორც კლინიკური კვლევების დროს, ასევე პრეპარატის რეგისტრაციის შემდგომ პერიოდში:

ხშირი (აღინიშნება 100-დან 1-10 პაციენტში):
უეცრად აღნიშნული ძალაუნებური მოძრაობები (ჰიპერკინეზია), სხეულის მასის ზრდა, ნევროზულობა.

არახშირად (აღინიშნება 1000-დან 1-10 პაციენტში):
სისუსტე, დეპრესია, ძილიანობა.

სიხშირე უცნობია (შეუძლებელია შეფასება არსებული მონაცემების საფუძველზე):
სისხლდენა, მოუსვენრობა, შფოთვა, გონების არევა, ჰალუცინაციები, ატაქსია (კოორდინაციის დარღვევა), წონასწორობის შეგრძნების დარღვევა, ეპილეფსიის მიმდინარეობის გაუარესება, თავის ტკივილი, უძილობა, თავბრუსხვევა (ვერტიგო), მუცლის ტკივილი, ტკივილი მუცლის ზედა ნაწილში, დიარეა, გულისრევა, ღებინება, კანის ანთება, ქავილი.

შეტყობინებები გვერდითი ეფექტების შესახებ

ნებისმიერი გვერდითი ეფექტის აღმოჩენის შემთხვევაში, ასევე ისეთი გვერდითი ეფექტების გამოვლენისას, რომლებიც არ არის აღნიშნული მოცემულ ინსტრუქციაში, გთხოვთ, შეატყობინეთ ამის შესახებ თქვენს მკურნალ ექიმს ან ფარმაცევტს.

გვერდითი ეფექტების შესახებ შეტყობინებების წყალობით, შეძლებთ დამატებითი ინფორმაციის მიღებას ამ პრეპარატის უსაფრთხოების შესახებ.

5. როგორ უნდა იქნას შენახული პრეპარატი ლუცეტამი® გარსით დაფარული ტაბლეტები
ინახება არაუმეტეს 30°ჩ ტემპერატურის პირობებში.
ინახება ბავშვებისათვის მიუწვდომელ ადგილას!

ნუ გამოიყენებთ პრეპარატს ლუცეტამი®გარსით დაფარული ტაბლეტები ხარისხის გაუარესების აშკარა ნიშნების შემთხვევაში (მაგალითად, ფერის შეცვლა).

6. ვარგისობის ვადა
ვარგისიანობის ვადა მითითებულია შეფუთვაზე.
ნუ გამოიყენებთ პრეპარატს შეფუთვაზე მითითებული ვარგისობის ვადის გასვლის შემდეგ.
ვარგისობის ვადის გასვლის თარიღად ითვლება მითითებული თვის ბოლო დღე.

არ არის რეკომენდებული სამკურნალო საშუალებების საყოფაცხოვრებო ნარჩენებში ან ჩამდინარე წყლებში გადაგდება. თუ საჭიროა პრეპარატის, რომელიც აღარ არის საჭირო, მოცილება ნარჩენებში, ჩაიტარეთ კონსულტაცია ფარმაცევტთან. ეს ზომები დაგვეხმარება გარემოს დაბინძურების თავიდან აცილებაში.

7. აფთიაქიდან გაცემის პირობები
ფარმაცევტული პროდუქტის ჯგუფი III, გაიცემა რეცეპტის გარეშე.
8. შეფუთვის შიგთავსი და სხვა ინფორმაცია

რა შედის პრეპარატის ლუცეტამი® გარსით დაფარული ტაბლეტები შემადგენლობაში

მოქმედი ნივთიერება: პირაცეტამი

ლუცეტამი® 400 მგ გარსით დაფარული ტაბლეტები
გარსით დაფარული თითოეული ტაბლეტი შეიცავს 400 მგ პირაცეტამს;
ლუცეტამი® 800 მგ გარსით დაფარული ტაბლეტები
გარსით დაფარული თითოეული ტაბლეტი შეიცავს 800 მგ პირაცეტამს;
ლუცეტამი® 1200 მგ გარსით დაფარული ტაბლეტები
გარსით დაფარული თითოეული ტაბლეტი შეიცავს 1200 მგ პირაცეტამს;

დამხმარე ნივთიერებები:
მაგნიუმის სტეარატი, პოვიდონ K-30, მაკროგოლი 6000, დიბუთილსებაკატი, ტიტანის დიოქსიდი, ტალკი, ეტილცელულოზა, ჰიპრომელოზა.

პრეპარატის ლუცეტამი® გარსით დაფარული ტაბლეტები აღწერილობა და შეფუთვის შიგთავსი

აღწერილობა:
ლუცეტამი® 400 მგ გარსით დაფარული ტაბლეტები
თეთრი ან თითქმის თეთრი ფერის, ორმხრივამობურცული, ოვალური ფორმის, გარსით დაფარული ტაბლეტები, ნაზოლით, ტაბლეტის ერთ მხარეზე გრავირებით E 241, სუნის გარეშე.

ლუცეტამი® 800 მგ გარსით დაფარული ტაბლეტები
თეთრი ან თითქმის თეთრი ფერის, ორმხრივამობურცული, ოვალური ფორმის, გარსით დაფარული ტაბლეტები, ნაზოლით, ნაჭდევით ორივე მხარეს, ტაბლეტის ერთ მხარეზე გრავირებით E 242, სუნის გარეშე.

ლუცეტამი® 1200 მგ გარსით დაფარული ტაბლეტები
თეთრი ან თითქმის თეთრი ფერის, ორმხრივამობურცული, ოვალური ფორმის, გარსით დაფარული ტაბლეტები, ნაზოლით, ტაბლეტის ერთ მხარეზე გრავირებით E 243, სუნის გარეშე.

შეფუთვა:
ლუცეტამი® 400 მგ გარსით დაფარული ტაბლეტები: 60 ტაბლეტი მოთავსებულია ყავისფერი შუშის ფლაკონებში.
ლუცეტამი® 800 მგ გარსით დაფარული ტაბლეტები: 30 ტაბლეტი მოთავსებულია ყავისფერი შუშის ფლაკონებში.
ლუცეტამი® 1200 მგ გარსით დაფარული ტაბლეტები: 60 ტაბლეტი მოთავსებულია ყავისფერი შუშის ფლაკონებში.
ფლაკონები თავსდება მუყაოს კოლოფში გამოყენების ინსტრუქციათან ერთად.

სავაჭრო ლიცენზიის მფლობელი და მწარმოებელი:
დსს “ფარმაცევტული ქარხანა ეგისი”
1106 ბუდაპეშტი, კერესტურის ქ., 30-38
უნგრეთი

საწარმოო მოედანი:
დსს “ფარმაცევტული ქარხანა ეგისი”
9900 კერმენდი, მატიაშ კირაის ქ., 65
უნგრეთი