ანაურანი 25მლ ყურის წვეთები

გამოყენების ინსტრუქცია

პროდუქტის მახასიათებლების შეჯამება

1. სამკურნალო საშუალების დასახელება

ანაურანი ყურის წვეთები, ხსნარი

2. თვისობრივი და რაოდენობრივი შემადგენლობა

ხსნარის 100 მლ შეიცავს:

აქტიური ინგრედიენტები

პოლიმიქსინი B სულფატი 1000000 ს.ე.

ნეომიცინის სულფატი 0.500 გ

(საბაზო ნეომიცინის ექვივალენტი 0.375 გ)

ლიდოკაინის ჰიდროქლორიდი 4 გ

3. ფარმაცევტული ფორმა

ყურის წვეთები.

4. კლინიკური მახასიათებლები

4.1 თერაპიული ჩვენებები

მწვავე და ქრონიკული გარე ოტიტი, მწვავე შუა ოტიტი პერფორაციამდე სტადიაში, ქრონიკული სეკრეტორული შუა ოტიტი; პოსტოპერაციული სეპტიკური გართულებები რადიკალური მასტოიდექტომიის, ტიმპანოპლასტიკის, ანთროტომიის, ფენესტრაციის შემდეგ.

4.2 დოზირება და მიღების წესი

- მოზრდილები: 4-5 წვეთი, 2-4-ჯერ დღეში;

- ბავშვები: 2-3 წვეთი, 3-4-ჯერ დღეში.

წვეთების ინსტილაცია ხდება შესაბამისი საწვეთურით გარეთა სასმენ მილში თავის ერთ მხარეს გადაწევით რამდენიმე წუთის განმავლობაში.

მკურნალობის ხანგრძლივობა დამოკიდებულია თერაპიული პასუხის სისწრაფეზე, რეკომენდებული არ არის ამ პრეპარატის ზედიზედ 7 დღეზე მეტი დროის განმავლობაში გამოყენება.

4.3 უკუჩვენებები

მომატებული მგრძნობელობა პრეპარატის ერთ-ერთი კომპონენტის მიმართ.

ორსულობის და ლაქტაციის პერიოდში, აგრეთვე 1 წლამდე ასაკის ბავშვებში პრეპარატი გამოიყენება მხოლოდ აბსოლუტური აუცილებლობისას და სამედიცინო მეთვალყურეობით.

4.4 სპეციალური გაფრთხილებები და სიფრთხილის ზომები გამოყენებისას

ადგილობრივი პრეპარატების გამოყენებამ, განსაკუთრებით ხანგრძლივი დროის განმავლობაში, შეიძლება გამოიწვიოს მგრძნობელობის მოვლენები. ასეთ შემთხვევაში, აუცილებელია მკურნალობის შეწყვეტა და ექიმთან კონსულტაცია სათანადო თერაპიის შესარჩევად.

ღრმა ან რეზისტენტული ინფექციების არსებობისას შესაფერისია ადგილობრივი პრეპარატის ინტეგრირება ადეკვატურ ანტიბიოტიკურ თერაპიებთან ზოგადი გზით.

რაც შეეხება სხვა ანტიბიოტიკურ პრეპარატებს, ხანგრძლივმა გამოყენებამ შეიძლება გამოიწვიოს სუპერინფექცია რეზისტენტული მიკროორგანიზმების მიერ.

ნეომიცინმა შეიძლება გამოიწვიოს კოქლეის სენსონერვული დაზიანების შედეგად სმენის მუდმივი დაკარგვა, განსაკუთრებით კორტის ორგანოში ჰაის უჯრედების დესტრუქციით. ოტოტოქსიკურობის რისკი უფრო მაღალია ხანგრძლივი გამოყენებისას, შესაბამისად, რეკომენდებულია, რომ თერაპია შემოიფარგლოს ზედიზედ მხოლოდ 10 დღით.

შეიძლება განვითარდეს ჯვარედინი ალერგია და ჯვარედინი რეზისტენტობა სხვა ამინოგლუკოზიდურ წარმოებულებთან.

ანაურანი გამოიყენება მხოლოდ ოტოლოგიურად, სხვა სახის გამოყენება დაუშვებელია.

მნიშვნელოვანი ინფორმაცია ზოგიერთი ინგრედიენტის შესახებ

ეს პრეპარატი შეიცავს ბენზალკონიუმის ქლორიდს, გამაღიზიანებელს, რომელმაც შეიძლება გამოიწვიოს კანის რეაქციები.

4.5 ურთიერთქმედება სხვა სამკურნალო საშუალებებთან და ურთიერთქმედების სხვა ფორმები

ცნობილი არ არის კვლევები ამ სამკურნალო საშუალებაში შემავალ აქტიურ ინგრედიენტებთან ურთიერთქმედების შესახებ.

4.6 ორსულობა და ლაქტაცია

ორსულობა

არ არსებობს ადეკვატური და კარგად კონტროლირებული კვლევები ორსულ ქალებში.

პრეპარატი ორსულ ქალებში გამოიყენება მხოლოდ მკაცრი აუცილებლობისას და ყოველთვის პირდაპირი სამედიცინო მეთვალყურეობით.

ლაქტაცია

აუცილებელია სიფრთხილის გამოჩენა ამ პრეპარატის გამოყენებისას მეძუძური ქალების მიერ.

4.7 ეფექტები ავტომობილებისა და მექანიზმების მართვის უნარზე

ანაურანი გავლენას არ ახდენს ავტომობილებისა და მექანიზმების მართვის უნარზე.

4.8 არასასურველი ეფექტები

შეიძლება აღინიშნოს ადგილობრივი ალერგიული რეაქციები, როგორიცაა ჰიპერემია, ქავილი და გარეთა სასმენი მილის კანის აქერცვლა, რომლებიც გადის პრეპარატის მიღების შეწყვეტის შემდეგ. სისტემური ეფექტები მოსალოდნელი არ არის, რადგან გამოიყენება პრეპარატის დაბალი დოზები. მიუხედავად ამისა, გრძელვადიანი თერაპიისას შეიძლება განვითარდეს სისტემური ეფექტები, განსაკუთრებით ოტოტოქსიკურობა და ნეფროტოქსიკურობა ნეომიცინის შეწოვის გამო.

4.9 ჭარბი დოზა

ჭარბი დოზირების შემთხვევების შესახებ ცნობილი არ არის.

5. ფარმაკოლოგიური თვისებები

5.1 ფარმაკოდინამიკური თვისებები

ფარმაკოთერაპიული ჯგუფი: კომბინირებული ანტიბიოტიკი (ანტიბიოტიკები: ამინოგლიკოზიდი + ციკლური პოლიპეპტიდი + ადგილობრივი საანესთეზიო საშუალება).

ათქ კოდი: S02.

ანაურანი, ანესთეტიკზე დამატებით ქიმიოანტიბიოტიკური ფაქტორების საფუძველზე, არის პრეპარატი, რომელიც განსაკუთრებით შესაფერისია მრავალი ოტოლოგიური დაავადების სამკურნალოდ.

ანტიბიოტიკთან ასოციაცია ეფექტურად მოქმედებს ყველა იმ მიკროორგანიზმის წინააღმდეგ, რომლებიც პასუხისმგებელი არიან სხვადასხვა ოტოლოგიურ ინფექციებზე, ინგრედიენტებს შორის შესამჩნევი სინერგიზმის წყალობით. გარდა ამისა, პოლიმიქსინი B ახდენს ანტიმიკოზურ აქტივობას, რის გამოც ანაურანის გამოყენება სასარგებლოა ოტომიკოზის სამკურნალოდ.

ლიდოკაინი, ანესთეზიური მოქმედების წყალობით, ახდენს ტკივილის სიმპტომების კონტროლს, რაც ხშირია ოტოლოგიური დაავადებებისას.

ამგვარად, ანაურანი სწრაფად ასუსტებს და შემდეგ აქრობს ანთების ნიშნებსა და ლორწოვან-ჩირქოვან სეკრეტს და სწრაფად ხსნის სუბიექტურ ტკივილის ან ქავილის სიმპტომებს; პრეპარატი ასევე ახდენს პრევენციულ მოქმედებას არსებული პათოლოგიის შესაძლო გართულებების წინააღმდეგ (მიკოზური სუპერინფექციები, ჭრილობის ინფექციები, სხვ.).

5.2 ფარმაკოკინეტიკური თვისებები

პრეპარატის ცალკეული ინგრედიენტები აქტიური დოზებით არ შეიწოვება სისტემური გზით.

5.3 უსაფრთხოების წინაკლინიკური მონაცემები

შესაძლო ადგილობრივი ტოქსიკური და/ან სისტემური ეფექტების გამოსავლენად ჩატარებული კვლევებისას ნაჩვენები იქნა პრეპარატის კარგი ამტანობა.

6. ფარმაცევტული მონაცემები

6.1 დამხმარე საშუალებების ჩამონათვალი

ბენზალკონიუმის ქლორიდი, პროპილენგლიკოლი, გლიცერინი, გასუფთავებული წყალი.

6.2 შეუთავსებლობები

დღემდე ცნობილი არ არის.

6.3 შენახვის ვადა

3 (სამი) წელი.

ვარგისიანობის ვადა ვრცელდება პროდუქტზე ორიგინალ შეფუთვაში და სათანადოდ დახურულ მდგომარეობაში.

პირველად გახნის შემდეგ სამკურნალო საშუალება გამოიყენება 3 თვის განმავლობაში; ამ პერიოდის შემდეგ დარჩენილი პრეპარატი უნდა განადგურდეს.

6.4 სპეციალური სიფრთხილის ზომები შენახვისას

სპეციალური სირთხილის ზომები არ არის.

6.5 კონტეინერის სახეობა და შიგთავსი

მუყაოს კოლოფში ერთი შუშის ფლაკონი რეზინის ტუმბოიანი საწვეთურით, დახურული პოლიეთილენის თავსახურით + დამცავი თავსახურით, და შეფუთვის ფურცელი.

6.6 სპეციალური სიფრთხილის ზომები უტილიზაციისას

სპეციალური სიფრთხილის ზომები არ არის.

7. სავაჭრო ნებართვის მფლობელი

ZAMBON Italia s.r.l.

ვია ლილო დელ დუკა, 10 – 20091 ბრესო (მილანი)

8. სავაჭრო ნებართვის ნომერი

ს.ნ. N 014302032

9. პირველი ნებართვის/ნებართვის განახლების თარიღი

პირველი ნებართვა: 1961 წლის 3 ივლისი

განახლება: 2010 წლის 1 ივნისი

10. ტექსტის (ნაწილობრივი) შესწორების თარიღი

2016 წლის 4 ივნისი.

გაცემის წესი:

ფარმაცევტული პროდუქტის ჯგუფი III, გაიცემა რეცეპტის გარეშე.