ბეტასერკი 24მგ #60ტ(ამერ)

84.61 ლარი

ფარმაკოლოგიური ჯგუფი: ვესტიბულარული აპარატის პათოლოგიის დროს გამოყენებული პრეპარატები

ქვეყანა: საფრანგეთი

მწარმოებელი: მაილენ ლაბორატორიეს

ჯენერიკი - შეადარეთ ანალოგები: ბეტაჰისტინის დიჰიდროქლორიდი

გაცემის ფორმა: III ჯგუფი ურეცეპტო

კოდი: 38773

გააზიარე:

შეუკვეთე

დაამატე სააფთიაქო თაროზე

ანოტაცია
სად შევიძინო

ბეტასერკი 24მგ 60 ტაბლეტი

საერთაშორისო არაპეტენტირებული დასახელება: ბეტაჰისტინი.

სამკურნალწამლო ფორმა: ტაბლეტები.

ქიმიური დასახელება: 2_[2_( მეთილამინო ) ეთილ ] პირიდინ დიჰიდროქლორიდი.

შემადგენლობა

აქტიური ნივთიერება: ბეტაჰისტინის დიჰიდროქლორიდი 24 მგ.

დამხმარე ნივთიერება: მიკროკრისტალური ცელულოზა 242,0 მგ, მანიტოლი 75,0 მგ, ლიმონმჟავას მონოჰიდრატი 7,5 მგ, სილიციუმის კოლოიდური დიოქსიდი 7,5 მგ, ტალკი 19,0 მგ.

აღწერილობა

თეთრი ან თითქმის თეთრი ფერის, დაქანებული კიდეებით, მრგვალი ტაბლეტები ერთ მხარეს ჭდით და გრავირებით ,,289” ჭდის ორივე მხარეს და ნიშანი ,, S ”- ით , ნიშანი ,, ▼ ”- ის თავზე, ტაბლეტის მეორე მხარეზე.

ფარმაკოთერაპიული ჯგუფი: ჰისტამინის პრეპარატი.

ათქ კოდი: N07CA01.

ფარმაკოლოგიური თვისებები

ბეტასერკის (ბეტაჰისტინის) მოქმედების მექანიზმი ცნობილი არ არის. ცხოველებზე ჩატარებულმა ფარმაკოლოგიურმა გამოკვლევებმა გამოამჟღავნა შიგნითა ყურის სისხლძარღვთა ქსელში სისხლის მიმოქცევის გაუმჯობესება, რაც შესაძლებელია ხდება შიგნითა ყურის პრეკაპილარული სფინქტერების მიკროცირკულაციის მოდუნების ხარჯზე.

ფარმაკოლოგიური გამოკვლევების შედეგად დადგინდა, რომ ბეტაჰისტინს გააჩნია ძალიან სუსტი მასტიმულირებელი (აგონისტური ) ეფექტი H₁ რეცეპტორებთან მიმართებაში და მძლავრი მაბლოკირებელი (ანტაგონისტური) ეფექტი H₃ რეცეპტორებთან მიმართებაში ცენტრალურ და ავტონომიურ ნერვულ სისტემებში. გარდა ამისა, დადგინდა, რომ ბეტაჰისტინს გააჩნია დოზადამოკიდებული მაინჰიბირებელი მოქმედება ვესტიბულურ ბირთვებში ლატერალური დამედიალური ნეირონების ელექტრულ აქტივობაზე (კონტაქტების გენერაციაზე). თუმცა, კვლევის ამ შედეგის მნიშვნელობა მენიერის დაავადების თერაპიაში დღემდე გაურკვეველი რჩება.

ფარმაკოკინეტიკა

ბეტაჰისტინის დიჰიდროქლორიდი სრულად აბსორბირდება პერორალური მიღების შემდეგ. მისი მხოლოდ ერთი მეტაბოლიტი - 2-პირიდული ძმარმჟავა - გამოიყოფა შარდთან ერთად.

გამოყენების ჩვენება

მენიერის დაავადება/სინდრომი, რომელიც განისაზღვრება სამი ძირითადი სიმპტომებით:

- თავბრუსხვევა (რომელსაც ახლავს გულისრევა/ღებინება);

- სმენის დაქვეითება (სმენის დაკლება);

- ხმაურის შეგრძნება ყურებში.

ვესტიბულური თავბრუსხვევის სიმპტომური მკურნალობა.

უკუჩვენება

- ჰიპერმგრძნობელობა პრეპარატის შემადგენლობაში შემავალი ნებისმიერი კომპონენტის მიმართ.

ეფექტურობისა და უსაფრთხოების არასაკმარისი მონაცემების გამო:

- ორსულობისა და ლაქტაციის პერიოდი;

- 18 წლამდე ასაკი.

სიფრთხილით

სიფრთხილით გამოიყენება იმ ავადმყოფების სამკურნალოდ, რომელთაც ანამნეზში აღენიშნებათ კუჭისა და თორმეტგოჯა ნაწლავის წყლულოვანი დაავადებები. ფეოქრომოციტომისა და ბრონქული ასთმის მქონე პაციენტები მკურნალობის პერიოდში უნდა იმყოფებოდნენ ექიმის მეთვალყურეობის ქვეშ.

გამოყენების წესები და დოზები

მიიღება შიგნით, ჭამის დროს.

პრეპარატის დოზა მოზრდილთათვის შეადგენს 24-48 მგ ბეტაჰისტინს დღე-ღამის განმავლობაში.

ბეტასერკი 24 მგ მიიღება 1 ტაბლეტი 2-ჯერ დღეში.

დოზის შერჩევა ხორციელდება ინდივიდუალური მოთხოვნილებიდან და პაციენტის რეაქციიდან გამომდინარე. მდგომარეობის გაუმჯობესება ზოგჯერ აღინიშნება მკურნალობის კურსის დაწყებიდან რამდენიმე კვირის შემდეგ. საუკეთესო შედეგი არც თუ იშვიათად აღინიშნება მხოლოდ რამოდენიმე თვის შემდეგ. არსებობს მონაცემები იმის შესახებ, რომ დროულად დაწყებული მკურნალობა ხელს უშლის დაავადების პროგრესირებას.

გვერდითი ეფექტები

იმუნური სისტემის მხრივ: ჰიპერმგრძნობელობის რეაქციები, მათ შორის აღინიშნებოდა ანაფილაქსიური რეაქციები.

კუჭ-ნაწლავის ტრაქტის მხრივ: რიგ შემთხვევებში აღინიშნებოდა მსუბუქი ტკივილების წარმოქმნა ეპიგასტრალურ არეში. როგორც წესი, ამ მოვლენის თავიდან აცილება შეიძლება საკვებთან ერთად მიღებით ან დოზის შემცირებით.

კანისა და კანქვეშა ცხიმოვანი უჯრედისის მხრივ: ძალიან იშვიათ შემთხვევებში გამონაყარი, ქავილი, ჭინჭრის ციება, კვინკეს შეშუპება.

ჭარბი დოზირება

სიმპტომები

მიღებული იყო ცნობები ჭარბი დოზირების რამდენიმე შემთხვევის შესახებ. უმეტეს შემთხვევაში ჭარბი დოზირება მიმდინარეობდა უსიმპტომოდ. ზოგიერთი პაციენტი უჩიოდა სუსტად და ზომიერად გამოხატულ სიმპტომებს პრეპარატის მიღებისას 200 მგ-ზე მეტი დოზით. არის მონაცემები კრუნჩხვების გამოვლინების შესახებ 728 მგ დოზით მიღების დროს.

მკურნალობა

სიმპტომური თერაპია.

ჭარბი დოზირების ყველა შემთხვევაში მიღწეული იყო სრული გამოჯანმრთელება.

ურთიერთქმედება სხვა სამკურნალო პრეპარატებთან

ურთიერთქმედების ან შეუთავსებლობის შემთხვევები სხვა სამკურნალო პრეპარატებთან ერთდროული მიღების დროს არ არის ცნობილი.

ზემოქმედება ავტომობილისა და სხვა მექანიზმების მართვის უნარზე

ბეტასერკი არ ახდენს ზემოქმედებას ავტომობილისა ან სხვა მექანიზმების და დმექანიზმების მართვის უნარზე.

გამოშვების ფორმა

ტაბლეტები 24 მგ; 20 ტაბლეტი პვქ/პვდქ /ალ ბლისტერში, 1, 2, 3 ან 5 ბლისტერი გამოყენების ინსტრუქციასთან ერთად მოთავსებულია მუყაოს კოლოფში ან 25 ტაბლეტი პვქ/პვდქ/ალ ბლისტერში. 1, 2 ან 4 ბლისტერი გამოყენების ინსტრუქციასთან ერთად მოთავსებულია მუყაოს კოლოფში.

შენახვისპირობები

შეინახეთ მშრალ ადგილას არა უმეტეს 25°C ტემპერატურაზე.

შეინახეთ ბავშვებისათვის მიუწვდომელ ადგილას.

შენახვის ვადა

5 წელი. არ გამოიყენოთ შეფუთვაზე მითითებული შენახვის ვადის ამოწურვის შემდეგ.

აფთიაქიდან გაცემის პირობა

გაიცემა ფორმა 3 რეცეპტით.

მწარმოებელი

სოლვეი ფარმაცევტიკალზი.

რუტ დე ბელვილი, მაიარი.

01400, შატიონ სიუ შალარონი, საფრანგეთი.

საიტზე მითითებული მარაგების შესახებ ინფორმაცია ცვალებადია, რეკომენდებულია ისარგებლოთ ონლაინ აფთიაქით