ტაფლოტანი 15მკგ/მლ 0.3მლ#30

შემადგენლობა:
- აქტიური ნივთიერებაა ტაფლუპროსტი. 1 მლ ხსნარი შეიცავს 15 მიკროგრამ ტაფლუპროსტს. ერთჯერადი კონტეინერი  (0,3 მლ) თვალის წვეთები შეიცავს 4,5 მიკროგრამ ტაფლუპროსტს.
- სხვა კომპონენტებია: გლიცეროლი, ნატრიუმის დიჰიდროგენფოსფატი – დიჰიდრატი, ნატრიუმის ედეტატი (Ph. Eur.), პოლისორბატი 80 და საინექციო წყალი. Ph-ის მისაღწევად ემატება მარილმჟავა და/ან ნატრიუმის ჰიდროქსიდი.
   
ფარმაკოლოგიური ჯგუფი: გლაუკომის სამკურნალო საშუალება
ათქ-კოდი: S01EE05

ფარმაკოლოგიური თვისებები:
ტაფლოტანის თვალის წვეთები შეიცავს ტაფლუპროსტს, რომელიც წარმოდგენილია PGF2α    პროსტაგლანდინის ანალოგის სახით. ტაფლოტანი ამცირებს თვალშიდა წნევას. იგი გამოიყენება, თვალშიდა წნევის ძლიერი მომატების დროს.
  
ჩვენება
ტაფლოტანი გამოიყენება ღიაკუთხოვანი გლაუკომის სამკურნალოდ, აგრეთვე თვალშიდა ჰიპერტენზიის დროს. ორივე დაავადება დაკავშირებულია თვალშიდა წნევის მომატებასთან და შეუძლია საბოლოოდ დააზიანოს მხედველობა.
 
წინააღმდეგჩვენება:
მომატებული მგრძნობელობა  ტაფლუპროსტის ან ტაფლოტანის რომელიმე სხვა კომპონენტის მიმართ.

სიფრთხილის ზომები:
ტაფლოტანმა შესაძლოა გამოიწვიოს შემდეგი სახის ზემოქმედება და ერთ-ერთი  მათგანი შესაძლოა ხანგრძლივი აღმოჩნდეს:
•    ტაფლოტანის გამოყენებით შესაძლებელია წამწამების სიგრძე, სისქე, ფერი და რაოდენობა გაიზარდოს და ქუთუთოზე თმის საფარის უჩვეულო ზრდა გამოვლინდეს.
•    ტაფლოტანმა შესაძლოა გამოიწვიოს თვალის გარშემო კანის გამუქება (ტონალობა). იმისათვის, რომ შევამციროთ თვალის გარშემო კანის გამუქების რისკი, კანიდან გაიწმინდეთ ზედმეტი სითხე.
•    ტაფლოტანმა შესაძლოა შეცვალოს თვალის ფერადი გარსის ფერი. თუ ტაფლოტანი მხოლოდ ერთ თვალზე გამოიყენება, შესაძლოა სამკურნალო თვალის ფერი მეორე თვალის ფერისგან დიდი ხნით განსხვავებული იყოს.
უნდა ეცნობოს ექიმს,
•    თუ პაციენტს გააჩნია თირკმელების ან ღვიძლის მხრივ პრობლემა
•     ასთმის შემთხვევაში
•    თვალის რაიმე სხვა დაავადების დროს.

ურთიერთქმედება სხვა სამკურნალო საშუალებებთან
იმ შემთხვევაში, თუ სხვა მედიკამენტს იღებთ ან ცოტა ხნის წინ იღებდით, აცნობეთ თქვენს ექიმს ან ფარმაცევტს, იმ შემთხვევაშიც კი თუ საქმე ეხება ისეთ პრეპარატს, რომლის მიღებაც რეცეპტის გარეშე შეიძლება.
თუ თვალში სხვა პრეპარატს იყენებთ, ტაფლოტანისა და სხვა პრეპარატის ერთდროულად გამოყენებისას დაიცავით ინტერვალი მინიმუმ 5 წუთი.

ორსულობა და ძუძუთი კვება
იმ შემთხვევაში, თუ მოსალოდნელია დაორსულება, ტაფლოტანით მკურნალობის განმავლობაში უნდა გამოიყენოთ დაორსულების საწინაღმდეგო ეფექტური მეთოდი. ორსულობის დროს ტაფლოტანის გამოყენება არ შეიძლება. ასევე ძუძუთი კვების დროს არ შეიძლება ამ პრეპარატის გამოყენება. კონსულტაციისთვის მიმართეთ თქვენს ექიმს.

ბავშვები და მოზარდები
ტაფლოტანი ბავშვებისთვის და მოზარდებისთვის რეკომენდებული არ არის, რადგან უსაფრთხოებასა და ზემოქმედებაზე საკმარისი მონაცემები არ მოიპოვება.

მანქანა-დანადგარების მართვის უნარზე ზემოქმედება
ტაფლოტანი არ აქვეითებს ავტომანქანის მართვის უნარს. ტაფლოტანის გამოყენების შემდეგ ადგილი აქვს მხედველობის ხანმოკლე დაბინდვას. მანქანის მართვა შესაძლებელია მხოლოდ მხედველობის სრულად აღდგენის შემდეგ.

გამოყენების წესი:
ტაფლოტანი გამოიყენეთ ყოველთვის ექიმის ზუსტი მითითებების მიხედვით. როდესაც რაიმე საკითხში სრულებით დარწმუნებული არ ხართ, რჩევისათვის მიმართეთ ექიმს ან ფარმაცევტს.
დოზა: ჩაიწვეთეთ დღეში ერთხელ, საღამოს, ერთი წვეთი ტაფლოტანი თვალში (ან თვალებში). არ ჩაიწვეთოთ პრეპარატი უფრო დიდი რაოდენობით და არ გამოიყენოთ იგი ექიმის მიერ გამოწერილ დოზირებაზე უფრო ხშირად. პრეპარატის Qჭარბმა დოზირებამ შესაძლოა შეამციროს ტაფლოტანის ეფექტი.
ტაფლოტანი ორივე თვალში გამოიყენეთ მხოლოდ ექიმის დანიშნულებით.
პრეპარატი წარმოდგენილია მხოლოდ თვალის წვეთების სახით და არ შეიძლება მისი დალევა.

მითითებები პრეპარატის გამოყენებისთვის: 
იმ შემთხვევაში თუ ახალ პაკეტს ხსნით:
არ გამოიყენოთ ერთჯერადი კონტეინერი, თუ კონტეინერების შეფუთვა (პაკეტი) დაზიანებულია. გახსენით პაკეტი აღნიშნული ხაზის გასწვრივ  ეტიკეტის იმ ადგილზე, რომელიც გათვალისწინებულია თარიღისთვის. აღნიშნეთ დრო, როდესაც გახსენით ფლაკონი.

ტაფლოტანის ყოველი გამოყენებისას შეასრულეთ შემდეგი პროცედურები:
1.    დაიბანეთ ხელები.
2.    პაკეტიდან ამოიღეთ ხუფიანი (ზონრიანი) კონტეინერი.
3.    მოხსენით ხუფი (ზონარი) ერთჯერადი დოზირების კონტეინერს
4.    მოხსნილი ხუფი (ზონარი) ჩადეთ კვლავ პაკეტში და პაკეტის დასახურად გადაკეცეთ ბოლო.
5.    დარწმუნდით, რომ ხსნარი ერთჯერადი კონტეინერის ქვედა ნაწილშია.
6.    გახსენით კონტეინერი
7.    გადასწიეთ თავი.
8.    დაიჭირეთ კონტეინერი წვერით თვალთან ახლოს.
9.    ჩამოსწიეთ ქვედა ქუთუთო და იყურეთ ზემოთ.
10.  კონტეინერს ხელი მოუჭირეთ ოდნავ და ჩაიწვეთეთ ერთი წვეთი ქვედა ქუთუთოსა და თვალს შორის.
11.  დახუჭეთ თვალი და დაახლოებით ერთი წუთის მანძილზე თვალის შიდა კუთხეზე თითი დააჭირეთ. ამით თავიდან აიცილებთ წვეთების მოხვედრას საცრემლე არხში.
12.  თვალის გარშემო კანიდან მოიწმინდეთ ზედმეტი სითხე.

თუ ექიმი ორივე თვალში დაგინიშნავთ წვეთებს, ზემოთ აღნიშნული პროცედურა მეორე თვალისთვის გაიმეორეთ 7-დან 12 პუნქტის ჩათვლით.
ერთჯერადი დოზირების შემცველობა საკმარისია ორივე თვალისათვის. გახსნილი ჭურწლის უტილიზაცია დარჩენილ შემცველობასთან ერთად უნდა მოხდეს გამოყენებისთანავე.
თუ თვალისთვის სხვა პრეპარატსაც იყენებთ, ტაფლოტანისა და სხვა პრეპარატის ერთდროულად გამოყენებისას დაიცავით ინტერვალი მინიმუმ 5 წუთი.
იმ შემთხვევაში, თუ ტაფლოტანი დოზაზე მეტი რაოდენობით გამოიყენეთ, სავარაუდოდ იგი არ გამოიწვევს რაიმე სერიოზულ ზიანს. შემდეგი დოზა მიიღეთ ჩვეულებრივ დროს.
პრეპარატის შემთხვევით დალევის შემთხვევაში, რჩევისთვის მიმართეთ ექიმს.
თუ ტაფლოტანის გამოყენება დაგავიწყდათ, გახსენებისთანავე მაშინვე ჩაიწვეთეთ ერთი წვეთი და გააგრძელეთ მკურნალობა ჩვეულებრივ. თუ დაგავიწყდათ პრეპარატის გამოყენება, გამოტოვებული დოზის მისაღებად არ მიმართოთ ორმაგ დოზირებას.
ექიმთან კონსულტაციის გარეშე არ შეწყვიტოთ ტაფლოტანის გამოყენება. იმ შემთხვევაში თუ შეწყვეტთ პრეპარატის გამოყენებას, თვალშიდა წნევა ხელახლა მოიმატებს. ამან შესაძლოა გამოიწვიოს თვალის მუდმივი დაზიანება.
დამატებითი კითხვების შემთხვევაში რჩევისთვის მიმართეთ ექიმს ან ფარმაცევტს.
 
გვერდითი ეფექტები
როგორც ყველა პრეპარატმა, ასევე ტაფლოტანმაც შესაძლოა გამოიწვიოს გვერდითი მოვლენები. თუმცა არა ყველა შემთხვევაში. ეს გვერდითი მოვლენები უმეტესად არ არის სახიფათო.

10-დან ერთზე მეტ პაციენტში შესაძლოა გამოწვეულ იქნას შემდეგი სახის  გვერდითი მოვლენები:
გვერდითი მოვლენები თვალზე:
•    თვალის ჰიპერემია
ხშირად გამოწვეული გვერდითი მოვლენები:
10-დან ერთზე ნაკლებ და 100-დან ერთზე მეტ პაციენტში შესაძლოა განვითარდეს შემდეგი სახის  გვერდითი მოვლენები:
გვერდითი მოვლენები თვალზე:
•    თვალის ქავილი
•    თვალის გაღიზიანება
•    თვალის ტკივილი
•    თვალის სიმშრალე
•    მგრძნობიარობა სინათლეზე
•    ბუნდოვანი მხედველობა
•    წამწამების სიგრძის, სისქისა და რაოდენობის ცვლილება
•    წამწამების ფერის შეცვლა
•    უცხო სხეულის შეგრძნება
•    ცრემლიანი თვალები
•    გამონადენი თვალიდან
•    ქუთუთოების შესიება
•    ქუთუთოების ჰიპერემია
•    თვალის გარშემო კანის ფერის შეცვლა
•    ფერადი გარსის ფერის შეცვლა (შესაძლოა ხანგრძლივი იყოს)
•    თვალის  მიერ დეტალების შეცნობის უნარიანობის შესუსტება
 
გვერდითი მოვლენები ნერვული სისტემის მხრივ:
•    თავის ტკივილი

იშვიათი  გვერდითი მოვლენები
შემდგომი სახის გვერდითი მოვლენები შესაძლებელია 100-დან ერთზე ნაკლებ, ხოლო 1000-დან ერთზე მეტ პაციენტში იქნას გამოწვეული:
გვერდითი მოვლენები თვალის მხრივ:
•    თვალების დაღლა
•    ჩივილები თვალის მხრივ
•    ანომალური შეგრძნება თვალში
•    თვალის ზედა მემბრანის შესიება
•    ქუთუთოების ანთება
•    თვალის ზედა მემბრანის ფოლიკული
•    ალერგიული ანთება ან პატარა წერტილოვანი ანთებითი ადგილები თვალების ზედაპირზე
•    თვალში რაიმე სახის ანთების გამოვლენა
•    კონიუნქტივის პიგმენტაცია (ფერის შეცვლა)
 
გვერდითი მოვლენები კანის  და კანქვეშა ქსოვილის მხრივ:
•    ქუთუთოებზე წამწამების უჩვეულო ზრდა
იმ შემთხვევაში, თუ შეამჩნევთ ისეთ გვერდით მოვლენას, რომელიც მითითებული არ არის დანართზე, შეატყობინეთ ექიმს ან ფარმაცევტს.


შენახვის პირობები:
პრეპარატი შეინახეთ ბავშვებისთვის მიუწვდომელ ადგილას.
ერთჯერადი დოზირების კონტეინერზე, პაკეტსა და შეფუთვაზე „EXP“  ან „Verw - მდე“ მითითებული ვადის გასვლის შემდეგ ტაფლოტანის გამოყენება არ შეიძლება. გამოყენების ბოლო ვადაა მითითებული თვის ბოლო დღე.
გაუხსნელი ფოლგის პაკეტი შეინახეთ მაცივარში (2ºC - 8ºC). პაკეტი არ გახსნათ იქამდე, ვიდრე ნამდვილად არ დაიწყებთ თვალის წვეთების გამოყენებას,  რადგან გახსნილ პაკეტში გამოუყენებელი კონტეინერის უტილიზაცია პაკეტის პირველადი გახსნიდან 28 დღის შემდეგ უნდა მოხდეს.

ფოლგის პაკეტის გახსნის შემდეგ:  
•    შეინახეთ ერთჯერადი კონტეინერი ორიგინალურ შეფუთვაში
•    შენახვის ტემპერატურა არ უნდა აღემატებოდეს 25ºC-ს.
•    გამოუყენებელი ერთჯერადი კონტეინერის უტილიზაცია ფოლგის პაკეტის პირველადი გახსნიდან 28 დღის შემდეგ უნდა მოხდეს.
•    გახსნილი ერთჯერადი კონტეინერის უტილიზაცია სავარაუდოდ დარჩენილ შემცველობასთან ერთად გამოყენებისთანავე უნდა მოხდეს.

პრეპარატის უტილიზაცია არ შეიძლება მოხდეს გამდინარე წყალში ან საყოფაცხოვრებო ნარჩენებთან ერთად. იმის შესახებ, თუ როგორ უნდა მოხდეს პრეპარატის უტილიზაცია, როდესაც ის აღარ გჭირდებათ, რჩევა მიიღეთ ექიმისგან ან ფარმაცევტისგან. ამ ზომების დაცვით, დაიცავთ გარემოს.

შენახვის ვადა: 2 წელი
ერთჯერადი კონტეინერები გახსნილ შალითაში შეიძლება შეინახოს 4 კვირამდე 25ºC –მდე პირობებში.

შეფუთვა:
ტაფლოტანი არის გამჭვირვალე, უფერო სითხე (ხსნარი) და მოთავსებულია პლასტმასისგან დამზადებულ ერთჯერად კონტეინერებში. თითოეული კონტეინერი შეიცავს 0,3 მლ. ხსნარს. ერთ პაკეტში მოთავსებულია ათი ერთჯერადი კონტეინერი. ტაფლოტანი ხელმისაწვდომია შეფუთვებში, რომელშიც 30  ერთჯერადი კონტეინერია. 

გაცემის წესი: რეცეპტით

ნებართვის მფლობელი და მწარმოებელი
სანტენ ოუ
ნიიტტიჰაანკატუ 20
33720 ტამპერე
ფინეთი