ბობოტიკი 66,66 მგ/მლ 30მლ

დანართი-ფურცელი: გამოყენების ინსტრუქცია პაციენტისათვის

ბობოტიკი, 66,66 მგ/მლ, შიგნით მისაღები წვეთები

სიმეთიკონი

პრეპარატის მიღების დაწყებამდე ყურადღებით უნდა წაიკითხოთ დანართი-ფურცელი, რადგან ის პაციენტისთვის მნიშვნელოვან ინფორმაციას შეიცავს.

- აღნიშნული პრეპარატი ყოველთვის უნდა მიიღოთ ექიმის ან ფარმაცევტის რეკომენდაციის შესაბამისად.

- შეინახეთ ეს დანართი-ფურცელი, რათა აუცილებლობის შემთხვევაში შესაძლებელი იყოს მისი ხელახლა წაკითხვა.

- კონსულტაციისა ან დამატებითი ინფორმაციის შემთხვევაში უნდა მიმართოთ ექიმს ან ფარმაცევტს.

- ნებისმიერი გვერდითი მოვლენის განვითარების შემთხვევაში, მათ შორის ისეთი გვერდითი მოვლენების, რომლებიც არ არის მითითებული დანართ-ფურცელში, აუცილებელია მიმართოთ ექიმს ან ფარმაცევტს. იხილეთ პუნქტი 4.

- იმ შემთხვევაში თუ არ დადგა გაუმჯობესება ან პაციენტი გრძნობს თავს უარესად, საჭიროა ექიმთან მიმართვა.

დანართი-ფურცლის შინაარსი

1. რას წარმოადგენს პრეპარატი ბობოტიკი და რა მიზნით გამოიყენება?

2. პრეპარატი ბობოტიკის მიღებამდე

3. როგორ მიიღება პრეპარატი ბობოტიკი?

4. შესაძლო გვერდითი მოქმედება

5. პრეპარატ ბობოტიკის შენახვის პირობები

6. შეფუთვის შემადგენლობა და სხვა ინფორმაცია

1. რას წარმოადგენს პრეპარატი ბობოტიკი და რა მიზნით გამოიყენება?

პრეპარატი ბობოტიკი შეიცავს მოქმედი ნივთიერების სახით სიმეთიკონს, ეს ნივთიერება არის კუჭ-ნაწლავის ტრაქტის დარღვევების სამკურნალო საშუალება, მოქმედებს როგორც ქაფის ჩამქრობი და გამოიყენება დიაგნოსტიკური კვლევების დროს.

ის შეიძლება გამოყენებულ იქნას ყველა ასაკობრივ ჯგუფში.

პრეპარატის მოქმედი ნივთიერება, სიმეთიკონი, ანადგურებს აირის ბუშტუკებს, რომლებსაც შეიცავს კუჭსა და წვრილ ნაწლავში საკვები მასები და ლორწოვანი. გამოთავისუფლებული აირები შეიძლება შთაინთქას ნაწლავის კედლებით და გამოიყოს მისი მამოძრავებელი აქტივობის ხარჯზე.

გამოყენების ჩვენებები

* აირების გადაჭარბებული წარმოქმნით გამოწვეული კუჭ-ნაწლავის ტრაქტის ფუნქციური დარღვევების სიმპტომური მკურნალობისთვის, მაგალითად, შებერვისას (მეტეორიზმი), მუცლის ღრუში სისავსის შეგრძნებისას, ასევე ახალშობილებში კოლიკის დროს (სამთვიანი კოლიკა).

* მუცლის ღრუს ორგანოების გამოკვლევისთვის მოსამზადებლად, მაგალითად, რენტგენოგრაფიის, ულტრაბგერითი გამოკვლევის და გასტროსკოპიის დროს.

* ქაფისჩამქრობი საშუალების სახით სარეცხი საშუალებებით მოწამვლის შემთხვევაში (ზედაპირულად აქტიური ნივთიერებებით).

შეატყობინეთ ექიმს, თუ არ გრძნობთ თავს უკეთესად ან უარესად გრძნობთ თავს.

2. პრეპარატი ბობოტიკის მიღებამდე

როდის არ უნდა მოხდეს პრეპარატი ბობოტიკის გამოყენება:

• • თუ პაციენტს აღენიშნება მომატებული მგრძნობელობა სიმეთიკონის ან ამ პრეპარატის ნებისმიერი სხვა ნივთიერების მიმართ (მითითებულია პუნქტში 6);

განსაკუთრებული მითითებები და სიფრთხილის ზომები

სამკურნალო პრეპარატის გამოყენებამდე უნდა მოხდეს ექიმთან ან ფარმაცევტთან კონსულტაციის გავლა.

კუჭ-ნაწლავის ტრაქტის მხრივ ჩივილების გავნითარებისას ან/და შენარჩუნებისას, საჭიროა ექიმთან კონსულტაცია. ექიმი ჩაატარებს გამოკვლევას შესაძლო დაავადებების არსებობის გამოსაკვლევად, რომლებიც იწვევენ ამ სიმპტომებს და საჭიროებენ მკურნალობას.

პრეპარატი ბობოტიკი და სხვა მედიკამენტები

საჭიროა ექიმის ან ფარმაცევტის ინფორმირება ყველა მედიკამენტის შესახებ, რომლებსაც პაციენტი იღებს ან ღებულობდა ბოლო დროს, ისევე როგორც იმ პრეპარატების შესახებ, რომლის მიღებას გეგმავს.

ურთიერთქმედების შესახებ მონაცემები არ დაფიქსირებულა.

პრეპარატი ბობოტიკის გამოყენება საკვებთან და სასმელებთან ერთად

პრეპარატი ბობოტიკის გამოყენებისას გაზიანი სითხეების მიღება არ შეიძ₾ება.

ორსულობა და ძუძუთი კვება

ორსულობის დროს და ძუძუთი კვების დროს, თუ არსებობს ეჭვი ორსულობის შესახებ ან ორსულობის დაგეგმვისას, პრეპარატის გამოყენებამდე მიმართეთ ექიმს ან ფარმაცევტს.

ორსულობისა და ლაქტაციის პერიოდში პრეპარატი ბობოტიკის მიღების შეზღუდვა არ არსებობს.

ავტომობილის მართვა და მექანიზმების მომსახურეობა

პრეპარატი ბობოტიკი გავლენას არ ახდენს სატრანსპორტო საშუალებების მართვისა და მექანიზმების მომსახურეობის უნარზე.

მნიშვნელოვანი ინფორმაცია პრეპარატის ზოგიერთი კომპონენტის შესახებ

მეთილპარაჰიდროქსიბენზოატისა და პროპილპარაჰიდროქსიბენზოატის შემცველობის გამო პრეპარატმა ბობოტიკმა შეიძლება გამოიწვიოს ალერგიული რეაქციები (შესაძლოა დაგვიანებული ტიპის რეაქციები).

3. როგორ მიიღება პრეპარატი ბობოტიკი?

პრეპარატი ყოველთვის უნდა იქნას გამოყენებული დანართი-ფურცლის შესაბამისად ან ექიმის ან აფთიაქის თანამშრომლის რეკომენდაციების შესაბამისად. რაიმე ეჭვის შემთხვევაში აუცილებელია ექიმთან ან აფთიაქის თანამშრომელთან კონსულტაცია.

დოზირება

რეკომენდებული დოზაა:

კუჭში ან ნაწლავებში აირების დაგროვებასთან დაკავშირებული სიმპტომების სამკურნალოდ, ამისთვის მაგალითად, აირების გაძლიერებული წარმოქმნა (მეტეორიზმი), კუჭში ან ნაწლავებში სისავსის შეგრძნება და ახალშობილთა კოლიკა (სამთვიანი კოლიკა):

შენიშვნა: ბობოტიკი ასევე შეიძლება გამოყენებული იქნას ოპერაციების შემდეგ.

ბობოტიკი ჩვეულებრივ გამოიყენება კვების დროს ან მის შემდეგ, საჭიროების შემთხვევაში ასევე ძილის წინ.

პრეპარატი ბობოტიკის მიღების ხანგრძლივობა განისაზღვრება ჩივილების მიხედვით.

საჭიროების შემთხვევაში, ბობოტიკი შეიძლება დიდი ხნის განმავლობაში იქნას მიღებული.

კუჭის ან ნაწლავების დიაგნოსტიკური გამოკვლევისათვის მოსამზადებლად, მაგალითად, რენტგენოლოგიური გამოკვლევა, ულტრაბგერითი გამოკვლევა ან გასტროსკოპია:

• · რენტგენოლოგიური გამოკვლევა და ულტრაბგერითი გამოკვლევა:

• · კონტრასტული ნივთიერებების სუსპენზიების დანამატების სახით:

• · კუჭ-ნაწლავის ტრაქტის ზედა ნაწილების ენდოსკოპიური გამოკვლევის მოსამზადებლად (გასტროსკოპია):

ქაფისჩამქრობი საშუალების სახით სარეცხი საშუალებებით მოწამვლის შემთხვევაში (ზედაპირულად აქტიური ნივთიერებებით)

მოწამვლის სიმძიმიდან გამომდინარე:

მითითება: სარეცხი საშუალებების კუჭ-ნაწლავის ტრაქტში მოხვედრის შემდეგ პირველი დახმარების სახით თუ იყო მიღებული ბობოტიკი, აუცილებლად დაუყოვნებლივ მიმართეთ ექიმს!

გამოყენების წესი

ერთგვაროვანი ემულსიის მიღებამდე გამოყენების წინ შეანჯღრიეთ.

პრეპარატის 1 მლ (27 წვეთი) შეიცავს 66,66 მგ სიმეთიკონს.

შენიშვნა:

პრეპარატი არ შეიცავს შაქარს და მისი დანიშვნა შესაძლებელია დიაბეტის მქონე პაციენტებისთვის.

პრეპარატი სიფრთხილით გამოიყენება 28 დღემდე ასაკის მქონე ბავშვებში, რადგან აღნიშნულ ასაკობრივ ჯგუფში არ არსებობს კლინიკური გამოყენების შესახებ გამოცდილება.

პრეპარატი ბობოტიკის რეკომენდებულზე მეტი დოზის მიღების შემთხვევაში

დოზის გადაჭარბების ან წამლით მოწამვლის შემთხვევები არ არის აღწერილი. აქტიური ნივთიერება - სიმეთიკონი - ანადგურებს ქაფს კუჭ-ნაწლავის ტრაქტში მხოლოდ ფიზიკური გზით და არააქტიურია ბიოლოგიური და ქიმიური თვალსაზრისით. წამლით მოწამვლა პრაქტიკულად გამორიცხულია, პრეპარატი ბობოტიკის მაღალი დოზები ძალიან კარგად გადაიტანება.

პრეპარატი ბობოტიკის დოზის გამოტოვების შემთხვევაში

გამოტოვებული დოზის მიღება შესაძლებელია ნებისმიერ დროს.

ბობოტიკით მკურნალობის შეწყვეტის შემთხვევაში

ამ შემთხვევაში კუჭ-ნაწლავის ტრაქტის მხრივ დარღვევები შეიძლება განახლდეს.

თუ თქვენ გაქვთ რაიმე ეჭვი ამ პრეპარატის გამოყენებასთან დაკავშირებით, უნდა მიმართოთ ექიმს ან ფარმაცევტს.

4. შესაძლო გვერდითი მოვლენები

ამ დროისათვის ბობოტიკის გამოყენების შედეგად გვერდითი მოვლენები არ დაფიქსირებულა.

არასასურველირეაქციებისშემთხვევების შეტყობინება

ნებისმიერი გვერდითი რეაქციების ან გვერდითი მოვლენის განვითარების შემთხვევაში, რომლებიც არ არის ჩამოთვლილი ამ დანართ-ფურცელში, უნდა მოხდეს ინფორმაციის მიწოდება ექიმს ან ფარმაცევტს. გვერდითი რეაქციების შესახებ ასეთი შეტყობინებების წყალობით, შესაძლებელი იქნება პრეპარატის უსაფრთხოების შესახებ ვრცელი ინფორმაციის შეგროვება.

5. პრეპარატი ბობოტიკის შენახვის პირობები

ინახება არაუმეტეს 25°C ტემპერატურაზე.

შეინახეთ ბავშვებისათვის მიუწვდომელ ადგილას.

ვარგისობის ვადა: 3 წელი.

არ გამოიყენოთ პრეპარატი ბობოტიკი შეფუთვაზე მითითებული ვარგისობის ვადის გასვლის შემდეგ. ვარგისობის ვადა ნიშნავს მითითებული თვის ბოლო დღეს.

გახსნილი ფლაკონი უნდა იქნას გამოყენებული 2 თვის განმავლობაში.

მედიკამენტები არ უნდა გადააგდოთ კანალიზაციაში ან საყოფაცხოვრებო ნარჩენების კონტეინერებში. ჰკითხეთ ფარმაცევტს, როგორ გადააგდოთ გამოუყენებელი პრეპარატი. ეს აქტივობები ხელს შეუწყობს გარემოს დაცვას.

6. შეფუთვის შემადგენლობა და სხვა ინფორმაცია

პრეპარატი ბობოტიკის შემადგენლობა

პრეპარატი ბობოტიკის მოქმედი ნივთიერებაა სიმეთიკონი (დიმეტიკონი გააქტიურებულია სილიციუმის დიოქსიდით).

1 მლ ხსნარი შეიცავს 66,66 მგ სიმეთიკონს.

დამხმარე ნივთიერებები: ნატრიუმის საქარინატი, მეთილპარაჰიდროქსიბენზოატი, პროპილპარაჰიდროქსიბენზოატი, ნატრიუმის კარმელოზა, ლიმონმჟავას მონოჰიდრატი, ჟოლოს არომატიზატორი, გასუფთავებული წყალი.

პრეპარატი ბობოტიკი ს გარეგნული სახე და შეფუთვის შიგთავსი

პრეპარატი არის თეთრი ან თითქმის თეთრი ფერის სქელი, გაუმჭვირვალე სითხე ჟოლოს სუნით.

30 მლ თითო მუქი შუშის ფლაკონებში პოლიეთილენის საცობ-საწვეთურით და პოლიეთილენის ხრახნიანი თავსახურით. თითოეულ ფლაკონს აქვს ეტიკეტი.

ფლაკონი დანართ-ფურცელთან ერთად მოთავსებულია ინდივიდუალურ მუყაოს კოლოფში.

გაცემის რეჟიმი

ფარმაცევტული პროდუქტის ჯგუფი III, გაიცემა რეცეპტის გარეშე.

რეგისტრაციის მოწმობის მფლობელი

ფარმაცევტული ქარხანა "პოლფარმა" ს.ს

ქ. პელპლინსკა 19, 83-200 სტაროგარდ გდანსკი, პოლონეთი

წარმოებულია

ფარმაცევტული ქარხანა "პოლფარმა" ს.ს

მედანას განყოფილება სერაძში

ქ. პოლსკოი ორგანიზაციი ვოისკოვოი 57, 98-200 სერაძი, პოლონეთი