გუტალაქსი წვეთები7.5მგ/მლ 15მლ

სამკურნალი პრეპარატის ზოგადი დახასიათება

1. სამკურნალი პრეპარატის დასახელება

გუტალაქსი (ნატრიუმის პიკოსულფატი), პერორალურად მისაღები წვეთები 7.5 მგ/მლ

2. თვისობრივი და რაოდენობრივი შემადგენლობა

1 მლ (დაახლოებით 14 წვეთი) შეიცავს 7.5 მგ აქტიურნივთიერებას ნატრიუმის პიკოსულფატს.

დამხმარე ნივთიერება ცნობილი მოქმედებით:

მოცემული სამკურნალო პრეპარატის 1 მლ შეიცავს დაახლოებით 450 მგ სორბიტოლს (იხ. პარაგრაფი 4.4).

დამხმარე ნივთიერებების სრული სია იხილეთ პარაგრაფში 6.1.

3. სამკურნალწამლო ფორმა

პერორალურად მისაღები წვეთები.

4. კლინიკური მონაცემები

4.1. გამოყენების ჩვენება

შეკრულობის, ასევე დეფეკაციის გაადვილების აუცილებლობის შემთხვევაში გამოსაყენებლად.

როგორც სხვა საფაღარათო საშუალება, გუტალაქსის პერორალური წვეთები არ უნდა მიიღოთ რეგულარულად ყოველდღიური წესით ან ხანგრძლივი დროის განმავლობაში სრული დიაგნოსტიკური გამოკვლევის გარეშე.

4.2. დოზირების რეჟიმი და გამოყენების წესი

დოზირების რეჟიმი

თუ სხვა დანიშნულება არ არის, მოზრდილებისთვის დოზა შეადგენს 10-18 წვეთს (რაც შეესაბამება 5-10 მგ ნატრიუმის პიკოსულფატს).

4 წლიდან და უფროსი ასაკის ბავშვებისთვის დოზა შეადგენს 5-9 წვეთს (რაც შეესაბამება 2.5-5 მგ ნატრიუმის პიკოსულფატს).

სამკურნალო პრეპარატის მიღების დაწყება რეკომენდებულია ყველაზე დაბალი დოზიდან- მოზრდილებისთვის 10 წვეთიდან და ბავშვებისთვის 5 წვეთიდან, ისე, რომ შეეცადოთ შეზღუდოთ მიღება მაქსიმალურად მცირე დოზებით. რეგულარული დეფეკაციის უზრუნველსაყოფად დოზის კორექტირება შეიძლება მაქსიმალურ რეკომენდებულ დოზამდე. არ შეიძლება მაქსიმალური დღიური დოზის გადაჭარბება, რომელიც შეადგენს 18 წვეთს მოზრდილებისთვის და 9 წვეთს 4 წლიდან უფროსი ასაკის ბავშვებისთვის.

გუტალაქსის პერორალური წვეთები არ უნდა მიიღოთ უწყვეტად ყოველდღიურად ან ხანგრძლივი დროის განმავლობაში შეკრულობის მიზეზის დადგენის გარეშე.

სასაქმებელი საშუალებები უნდა იქნას გამოყენებული რაც შეიძლება იშვიათად და არაუმეტეს 7 დღისა.

გამოყენების წესი

პერორალურად.

გუტალაქსის პერორალური წვეთები უკეთესია მიიღოთ საღამოს სითხის მიყოლებით ან მის გარეშე. წვეთების მიღების შემდეგ მოქმედება ჩვეულებრივ დგება მიღებიდან 6-12 საათში.

4.3. უკუჩვენება

- მომატებული მგრძნობელობა მოქმედი ნივთიერების, სხვა ტრიარილმეთანების ან პარაგრაფში 6.1 ჩამოთვლილი ნებისმიერი დამხმარე ნივთიერების მიმართ.

- ნაწლავის სტენოზი ან ნაწლავური გაუვალობა.

- ძლიერი ტკივილი მუცლის არეში, რომელსაც შეიძლება თან ახლდეს ტემპერატურის მომატება, გულისრევა და ღებინება (მაგალითად, აპენდიციტი).

- კუჭ-ნაწლავის ტრაქტის მწვავე ანთებითი დაავადებები.

- მძიმე გაუწყლოება.

- პრეპარატის რომელიმე დამხმარე ნივთიერების მემკვიდრეობითი აუტანლობა (იხ. პარაგრაფი 4.4).

- გულისრევა და ღებინება

- ნაღვლის ბუშტის კენჭები.

- ღვიძლის უკმარისობა.

მოცემული პრეპარატი არ უნდა მიიღონ პაციენტებმა ფრუქტოზის მემკვიდრეობითი აუტანლობით.

არ შეიძლება გუტალაქსის წვეთების გამოყენება 4 წლამდე ასაკის ბავშვებში.

წყალ-ელექტროლიტური დისბალანსით გამოწვეული მდგომარეობების დროს (მაგალითად, თირკმელების ფუნქციის სერიოზული დარღვევის შემთხვევაში), გუტალაქსის წვეთები გამოიყენება მხოლოდ ექიმის დაკვირვების ქვეშ.

4.4 განსაკუთრებული მითითება და სიფრთხილის ზომები გამოყენებისას

ქრონიკული შეკრულობის მქონე პაციენტებში საჭიროა სრული დიაგნოსტიკური გამოკვლევის ჩატარება. პრეპარატ გუტალაქსის ხანგრძლივი გამოყენება შეიძლება იწვევდეს წყალ-ელექტროლიტური ბალანსის დარღვევას და ჰიპოკალიემიას.

გუტალაქსის მოხსნის შემდეგ შეიძლება აღინიშნოს სიმპტომების რეციდივი. ქრონიკული შეკრულობის შემთხვევაში გუტალაქსის ხანგრძლივი გამოყენების შემდეგ შესაძლებელია სიმპტომების განახლება და შეკრულობის დამძიმება.

ცნობილია თავბრუსხვევის ან/და გულის წასვლის მდგომარეობების შესახებ, რომლებიც გამოწვეულია ნატრიუმის პიკოსულფატის მიღებით. არსებული ინფორმაციის საფუძველზე შეგვიძლია ვივარაუდოთ, რომ ეს მოვლენები შეიძლება გამოწვეულია დეფეკაციის დროს დაძაბვის შედეგად (ვალსალვის ეფექტი) ან ვაზოვაგური რეაქციით აბდომინალური ტკივილის პასუხად.

მოცემული სამკურნალო საშუალების 1 მლ წვეთი შეიცავს დაახლოებით 450 მგ სორბიტოლს (რაც შეესაბამება 600 მგ-ს მოზრდილებისთვის რეკომენდებული მაქსიმალური სადღეღამისო დოზის მიღებისას). პაციენტებმა ფრუქტოზის იშვიათი მემკვიდრეობითი აუტანლობით გუტალაქსი არ უნდა მიიღონ.

გუტალაქსის 10 მლ წვეთი შეიცავს 1 მმოლზე (23 მგ) ნაკლებ ნატრიუმს, ამიტომ შეიძლება ითქვას, რომ პრეპარატი პრაქტიკულად არ შეიცავს ნატრიუმს.

4.5. ურთიერთქმედება სხვა სამკურნალო საშუალებებთან და ურთიერთქმედების სხვა ფორმები

სასაქმებელმა საშუალებებმა შეიძლება შეამცირონ მათთან ერთდროულად სხვა პერორალურად მიღებული სამკურნალო პრეპარატების ნაწლავში დარჩენის დრო და, შესაბამისად, მათი შეწოვის ხარისხი და სიჩქარე. არ არის რეკომენდებული სასაქმებელი საშუალებების და სხვა სამკურნალო პრეპარატების ერთდროულად გამოყენება: რომელიმე სამკურნალო პრეპარატის მიღების შემდეგ სასაქმებელი საშუალების მიღებამდე საჭიროა არანაკლებ 2 საათის ინტერვალის დაცვა.

დიურეზულების ან კორტიკოსტეროიდების ერთდროულად გამოყენებისას შეიძლება გაიზარდოს ელექტროლიტური დისბალანსის განვითარების რისკი გუტალაქსის ჭარბი დოზის მიღებისას. ელექტროლიტური ბალანსის დარღვევა შეიძლება იწვევდეს საგულე გლიკოზიდების მიმართ მგრძნობელობის გაზრდას.

ანტიბიოტიკების ერთდროულად გამოყენებამ შეიძლება შეამციროს გუტალაქსის სასაქმებელი მოქმედება.

გუტალაქსის გამოყენების გაგრძელებამ შეიძლება გააძლიეროს პაციენტების რეაქცია პერორალურ ანტიკოაგულანტებზე და შეცვალოს გლუკოზისადმი ტოლერანტობა.

4.6. ფერტილობა, ორსულობა და ლაქტაცია

ორსულობა

ორსული ქალების მონაწილეობით კლინიკური კვლევები ჩატარებული არ არის. ცხოველებზე ჩატარებულმა კვლევებმა აჩვენა რეპროდუქციული ტოქსიკურობა 10 მგ/კგ და უფრო მაღალი დღიური დოზების მიღებისას.

უსაფრთხოების თვალსაზრისით გუტალაქსი არ უნდა მიიღოთ ორსულობის დროს.

ლაქტაცია

კლინიკური მონაცემები გვიჩვენებს, რომ არც ნატრიუმის პიკოსულფატის აქტიური მეტაბოლიტი არც მისი გლუკურონიდები არ გამოიყოფა დედის რძეში. შესაბამისად, გუტალაქსის გამოყენება შეიძლება ძუძუთი კვების პერიოდში.

ფერტილობა

ადამიანის ფერტილობაზე სამკურნალო საშუალების გავლენის შემსწავლელი კვლევები არ არის ჩატარებული. წინაკლინიკური კვლევებით არ არის გამოვლენილი სამკურნალო საშუალების რაიმე ზემოქმედება ფერტილობაზე.

4.7. ზემოქმედება სატრანსპორტო საშუალებების მართვისა და მექანიზმებთან მუშაობის უნარზე

ავტომობილის მართვისა და მექანიზმებთან მუშაობის უნარზე პრეპარატის გავლენის შემსწავლელი კვლევები არ არის ჩატარებული.

თუმცა, საჭიროა პაციენტების ინფორმირება, რომ პარასიმპათიკური სისხლძარღვოვანი რეაქციის დროს (მაგალითად, აბდომინალური სპაზმი) შეიძლება განვითარდეს თავბრუსხვევა ან/და გულის წასვლა. თუ პაციენტებს აღენიშნებათ აბდომინალური სპაზმები მათ თავი უნდა აარიდონ პოტენციურად საშიში საქმიანობის შესრულებას, როგორიცაა ავტომობილის მართვა და მექანიზმებთან მუშაობა.

4.8. არასასურველი რეაქციები

არასასურველი რეაქციები წარმოდგენილია ქვემოთ MedDRA სისტემებისა და ორგანოების კლასების და განვითარების სიხშირის მიხედვით პრეპარატის რეგისტრაციის შემდგომ პერიოდში გამოყენების მონაცემთა საფუძველზე.

არასასურველი მოვლენების განვითარების სიხშირე განისაზღვრა შემდეგი წესით: ძალიან ხშირად (>1/10), ხშირად (>1/100, <1/10), არც ისე ხშირად (>1/1000, <1/100), იშვიათად (>1/10000, <1/1000), ძალიან იშვიათად (<1/10000), სიხშირე უცნობია (არასაკმარისი მონაცემების გამო).

დარღვევები კანისა და კანქვეშა უჯრედისის მხრივ

უცნობია: კანის რეაქციები, მაგალითად, ანგიონევროზული შეშუპება, მედიკამენტოზური გამონაყარი, გამონაყარი, ქავილი.

დარღვევები იმუნური სისტემის მხრივ

უცნობია: ალერგიული რეაქციები.

დარღვევები ნერვული სისტემის მხრივ

არც ისე ხშირად: თავბრუსხვევა.

სიხშირე უცნობია: გულის წასვლა.

არსებული ინფორმაციის თანახმად ვარაუდობენ, რომ თავბრუსხვევა და გულის წასვლა შეიძლება გამოწვეული იყოს პარასიმპათიკური სისხლძარღვოვანი რეაქციით, მაგალითად სპაზმებით მუცლის არეში ან დეფეკაციით (ასევე, იხ. პარაგრაფი 4.4 „განსაკუთრებული მითითება და უსაფრთხოების ზომები გამოყენებისას“).

კუჭ-ნაწლავის დარღვევები

ძალიან ხშირად: დიარეა.

ხშირად: დისკომფორტი და ტკივილი მუცლის არეში, აბდომინალური სპაზმები.

არც ისე ხშირად: გულისრევა, ღებინება.

პრეპარატ გუტალაქსის ხანგრძლივი და გადაჭარბებული რაოდენობით გამოყენება შეიძლება იწვევდეს სითხის, კალიუმისა და სხვა ელექტროლიტების დაკარგვას. ეს შეიძლება იწვევდეს კუნთების სისუსტეს, გულის ფუნქციონირების დარღვევებს, განსაკუთრებით, თუ გუტალაქსი გამოიყენება დიურეზულებთან ან კორტიკოსტეროიდებთან ერთად.

შეტყობინება საეჭვო არასასურველი რეაქციების შესახებ

მნიშვნელოვანია პრეპარატის რეგისტრაციის შემდეგ საეჭვო არასასურველი რეაქციების შესახებ შეტყობინების გაგზავნა სამკურნალო საშუალების „სარგებელი/ რისკის“ თანაფარდობის უწყვეტი მონიტორინგის უზრუნველყოფის მიზნით. სამედიცინო მუშაკებისთვის რეკომენდებულია პრეპარატის საეჭვო არასასურველი რეაქციების შესახებ შეტყობინების გაგზავნა ევროპული ეკონომიკური კავშირის წევრი სახელმწიფოების არასასურველი რეაქციების შესახებ შეტყობინებათა ეროვნული სისტემების საშუალებით.

ბელარუსის რესპუბლიკა

220037, მინსკი, ტოვარიშესკის შესახვევი 2ა

უნიტარული საწარმო „ჯანდაცვაში ექსპერტიზებისა და გამოცდების ცენტრი“

ფარმაკოზედამხედველობის განყოფილების ტელეფონი: +375 (17) 242-00-29; ფაქსი: +375 (17) 242-00-29

ელექტრონული ფოსტა: [email protected], [email protected]

www.rceth.by

4.9 დოზის გადაჭარბება

დოზის გადაჭარბება შეიძლება იწვევდეს დიარეას, სპასტიური ხასიათის ტკივილს მუცლის არეში და სითხის, კალიუმისა და სხვა ელექტროლიტების კლინიკურად მნიშვნელოვან დაკარგვას.

დოზის მწვავე გადაჭარბების შემთხვევაში გუტალაქსის მოქმედების შესუსტება ან არიდება შეიძლება ღებინების გამოწვევით ან კუჭის ამორეცხვით მიღებიდან რაც შეიძლება სწრაფად. რეკომენდებულია სითხის შევსება და ელექტროლიტური ბალანსის კორექტირება. გარკვეულ შემთხვევებში შეიძლება განიხილებოდეს სპაზმოლიტიკების გამოყენების საკითხი.

შეკრულობის სამკურნალოდ რეკომენდებულზე მნიშვნელოვნად მაღალი დოზით ნატრიუმის პიკოსულფატის მიღებასთან დაკავშირებით ცნობილია მსხვილი ნაწლავის ლორწოვანი გარსის იშემიის განვითარების ერთეული შემთხვევების შესახებ.

როგორც სხვა სასაქმებელი საშუალებების შემთხვევაში, გუტალაქსის დოზის ქრონიკული გადაჭარბება შეიძლება იწვევდეს ქრონიკულ დიარეას, ტკივილს მუცლის არეში, ჰიპოკალიემიას, მეორეულ ჰიპერალდოსტერონიზმს და შარდკენჭოვან დაავადებას. სასაქმებელი საშუალების ჭარბი დოზების ხანგრძლივი გამოყენება შეიძლება იწვევდეს თირკმლის მილაკების დაზიანებას, მეტაბოლურ ალკალოზს, ჰიპოკალიემიას და კუნთების სისუსტეს.

5. ფარმაკოლოგიური თვისებები

5.1 ფარმაკოდინამიკური თვისებები

ფარმაკოთერაპიული ჯგუფი: კონტაქტური მოქმედების სასაქმებელი საშუალებები. ნატრიუმის პიკოსულფატი.

ათქ კოდი: A06AB08.

პრეპარატ გუტალაქსის მოქმედი ნივთიერება, ნატრიუმის პიკოსულფატი, მიეკუთვნება ტრიარილმეთანის ჯგუფის კონტაქტური მოქმედების სასაქმებელ საშუალებებს. მსხვილი ნაწლავის მიკროორგანიზმების გავლენით მეტაბოლიზმის შემდეგ ნატრიუმის პიკოსულფატი ასტიმულირებს პერისტალტიკას და ხელს უწყობს წყლისა და ელექტროლიტების შეკავებას მსხვილი ნაწლავის სანათურში. რის შედეგადაც ხდება ნაწლავის შიგთავსის გადაადგილების დაჩქარება და განავლის დარბილება, ანუ დეფეკაციის სტიმულაცია.

ნატრიუმის პიკოსულფატი მოქმედებს მსხვილ ნაწლავზე და ასტიმულირებს ნაწლავის შიგთავსის ევაკუაციას. შესაბამისად, ეს სამკურნალო პრეპარატი არ ახდენს გავლენას მსხვილ ნაწლავში ძირითადი საკვები ნივთიერებების აბსორბციაზე.

ქრონიკული შეკრულობის მქონე 367 პაციენტის მონაწილეობით პარალელურ ჯგუფებში ჩატარებულ რანდომიზებულ ორმაგად ბრმა შედარებით კვლევაში გუტალაქსის წვეთების ყოველდღიური გამოყენება იწვევდა კვირაში სრული დეფეკაციების რაოდენობის მნიშვნელოვნად გაზრდას, პლაცებოს ჯგუფთან შედარებით, მკურნალობის პირველი კვირიდან და შემდგომ პერიოდში. გუტალაქსის წვეთების უპირატესობა პლაცებოსთან შედარებით ნაჩვენებია მკურნალობის ყველა კვირაში (р<0.0001). სისხლის შრატში კალიუმის დონე კვლევის ბოლოს არ შეცვლილა (4.4 მმოლი/ლ) და იყო ფიზიოლოგიური დიაპაზონის ფარგლებში (3.6-5.3 მმოლი/ლ).

5.2 ფარმაკოკინეტიკური თვისებები

შეწოვა და განაწილება

პერორალურად მიღების შემდეგ ნატრიუმის პიკოსულფატი ხვდება მსხვილ ნაწლავში რაიმე მნიშვნელოვანი აბსორბციის გარეშე.

ბიოტრანსფორმაცია

ნატრიუმის პიკოსულფატის ბაქტერიული გახლეჩის შედეგად ნაწლავის დისტალურ სეგმენტში წარმოიქმნება მისი აქტიური მეტაბოლიტი – ბის-(რ-ჰიდროქსიფენილ)-პირიდილ-2-მეთანი.

გამოყოფა

მეტაბოლიზმის შემდეგ შეიწოვება აქტიური მეტაბოლიტის მხოლოდ უმნიშვნელო რაოდენობა.

10 მგ ნატრიუმის პიკოსულფატის პერორალურად მიღების შემდეგ მიღებული დოზის 10.4% გამოიყო შარდში აქტიური მეტაბოლიტის გლუკურონიდის სახით 48 საათის შემდეგ.

ურთიერთკავშირი ფარმაკოკინეტიკასა და ფარმაკოდინამიკას შორის

პრეპარატის მოქმედება იწყება 6-12 საათში, რაც დამოკიდებულია აქტიური მეტაბოლიტის გამოყოფაზე.

ურთიერთკავშირი სასაქმებელი ეფექტის და სისხლის პლაზმაში აქტიურ მეტაბოლიტს კონცენტრაციის შორის არ არსებობს.

5.3 მონაცემები წინაკლინიკური უსაფრთხოების შესახებ

ნატრიუმის პიკოსულფატმა არ აჩვენა რაიმე გენოტოქსიკური მოქმედება in vitro თუ in vivo კვლევებში.

ამ ნივთიერების კანცეროგენული პოტენციალის ექსპერიმენტული კვლევები ჩატარებული არ არის.

ვირთაგვებსა და ბოცვრებში ჩატარებული ემბრიოტოქსიკურობის კვლევებში 100 მგ-მდე/კგ/დღე-ღამეში დოზების ტერატოგენული მოქმედება გამოვლენილი არ იყო. ემბრიოტოქსიკური მოქმედება გამოვლინდა ორივე ჯიშში ამ დოზის შეყვანისას. 10 მგ/კგ და უფრო მაღალი სადღეღამისო დოზები მუცლად ყოფნის პერიოდში განვითარებასა და ლაქტაციის პერიოდში აღინიშნა წონაში მატების შემცირება და შთამომავლობის სიკვდილიანობის გაზრდა. ვირთაგვების ხვადი და ძუ ჯიშების ფერტილობის დარღვევა 100 მგ-მდე/კგ/დღე-ღამეში დოზების შემთხვევაში არ აღინიშნა.

6. ფარმაცევტული თვისებები

6.1 დამხმარე ნივთიერებების ჩამონათვალი

ნატრიუმის ბენზოატი (E 211),

თხევადი სორბიტოლი (არაკრისტალიზებადი) (E 420),

ნატრიუმის ციტრატ-დიჰიდრატი (E 331),

ლიმონმჟავას მონოჰიდრატი (E 330),

გასუფთავებული წყალი.

6.2 შეუთავსებლობა

შეუთავსებლობა ცნობილი არ არის.

6.3 ვარგისობის ვადა

3 წელი. ვარგისობის ვადა ფლაკონის პირველად გახსნის შემდეგ: 12 თვე.

6.4 შენახვისას სიფრთხილის განსაკუთრებული ზომები

ფლაკონი შეინახეთ მჭიდროდ დახურულ მდგომარეობაში 30°C-ზე დაბალ ტემპერატურაზე.

6.5 შეფუთვის სახე და შიგთავსი

პერორალურად მისაღები წვეთები 7.5 მგ/მლ თეთრი ფერის მაღალი სიმკვრივის პოლიეთილენის ფლაკონებში 15 ან 30 მლ. ფლაკონი დახურულია საცობი-საწვეთურით და ხრახნიანი თავსახურით, გამოყენების ინსტრუქციასთან ერთად მოთავსებულია მუყაოს კოლოფში.

6.6 სიფრთხილის განსაკუთრებული ზომები გამოუყენებელი სამკურნალო საშუალების ან სამკურნალო საშუალების გამოყენების შემდეგ მიღებული ნარჩენების განადგურებისას ან მასტან მიშაობისას

ნებისმიერი გამოუყენებელი სამკურნალო საშუალების ან ნარჩენის უტილიზაცია უნდა განხორციელდეს დადგენილი წესით.

6.7 სამკურნალო პრეპარატის საცალო რეალიზაციის გაცემის წესი:

ფარმაცევტული პროდუქტის ჯგუფი: III ჯგუფი, გაიცემა რეცეპტის გარეშე

7. სარეგისტრაციო მოწმობის მფლობელი

ა.ნატერმან ენდ სიე. გმბჰ, გერმანია, წარმოებულია დე ანჯელის ინსტიტუტი ს.რ.ლ., 50066 რეჯელო, პრული, 103/С, ფლორენცია, იტალია

7.1 სარეგისტრაციო მოწმობის მფლობელის წარმომადგენელი

მომხმარებელთა პრეტენზიები უნდა გაიგზავნოს მისამართზე:

ბელარუსის რესპუბლიკა:

სს „ნიჟნი ნოვგოროდის ქიმიურ-ფარმაცევტული ქარხანა“;-ს (რფ) წარმომადგენლობა

ბელარუსის რესპუბლიკაში

მისამართი: იაკუბ კოლასის ქ. სახ. 73/3, მე-4 სართული, ოთახი 6, 220113, მინსკი,

ბელარუსის რესპუბლიკა

E-mail: [email protected] , [email protected]

ტელ./ფაქსი: + 375 (17) 358 06 61

სომხეთის რესპუბლიკა:

შპს „შტადა სომხეთი“

მისამართი: 0009, სომხეთის რესპუბლიკა, ტერიანის ქ. 105/1, ბიზნეს ცენტრი ციტადელი, მე-7 სართული, ოფისი №707

E-mail: [email protected] , [email protected]

ტელ.: +374 10 514 885

ყირგიზეთის რესპუბლიკა:

შპს „შტადა ყირგიზეთი“

მისამართი: 720005, ყირგიზეთის რესპუბლიკა, ქ. ბიშკეკი, იგემბერდიევის ქ.

1ა, ბიზნეს ცენტრი „ავრორა“, ოფისი 604

E-mail: [email protected] , [email protected]

ტელ. +996 755 111448

საქართველოს რესპუბლიკა:

შპს „შტადა ჯორჯია“

მისამართი: 0193, საქართველოს რესპუბლიკა, ქ. თბილისი, მერაბ ალექსიძის ქ. 12, მე-5 სართული

E-mail: [email protected] , [email protected]

ტელ.: (+995) 571 422 299