ლაქტოვაგი #10კაფსულა GMP

საერთ. დასახელება:  4 lactobacillus, 2 bifidobacterium, Str. thermophilus, FOS

შეფუთვა:  10 კაფსულა

ფარმაკოლოგიური ჯგუფი:  ვაგინალური ფლორის აღმდგენი

შემადგენლობა
პრეპარატის ერთი კაფსულა შეიცავს 50x109 ცოცხალ ლიოფილიზირებულ ბაქტერიებს:
Lactobacillus acidophilus ..................... 30.0 მგ
Lactobacillus casei .............................. 6.0 მგ
lactobacillus plantarum ........................ 6.0 მგ
Lactobacillus rhamnosus ....................... 6.0 მგ
Bifidobacterium longum ........................ 6.0 მგ
Bifidobacterium bifidum....................... 3.0 მგ
Streptococcus thermophilus ..................... 3.0 მგ
დამხმარე ნივთიერებები: ფრუქტოოლიგოსაქარიდები, ბრინჯის მალტოდექსტრინი, მაგნიუმის სტეარატი.

მოქმედების მექანიზმი
ნორმალური ვაგინალური მიკროფლორის აღმდგენი და შემანარჩუნებელი საშუალება.
ლაქტოვაგის შემადგენელი ბაქტერიები ვაგინალური მიკროფლორის ძირითადი და ბუნებრივი შემადგენელი კომპონენტებია.
ლაქტოვაგის ცოცხალი ლიოფილიზირებული ბაქტერიები ვაგინალურ ეპითელიუმზე კოლონიზაციის შემდეგ გამოიმუშავებენ რძემჟავას, ქმნიან ეკოლოგიურ ბარიერს, რითაც ხელს უწყობენ საშოს ნორმალური pH-ისა და რძემჟავას ნორმალური დონის შენარჩუნებას. შედეგად, იქმნება არახელსაყრელი პირობები მჟავამგრძნობიარე პათოგენური და პირობით-პათოგენური მიკროორგანიზმების (მათ შორის სოკოების) ცხოველმყოფელობისა და გამრავლებისათვის.
პრეპარატი მნიშვნელოვან როლს ასრულებს საშოს ლორწოვანი გარსის მიკრობული წონასწორობის შენარჩუნებასა და აღდგენაში და ზრდის ლორწოვანი გარსის მდგრადობას სხვადასხვა პათოგენური გამომწვევისადმი.

ჩვენება
მწვავე, ქრონიკული და მორეციდივე ვაგინალური ინფექციების პროფილაქტიკა და მკურნალობა კომპლექსურ თერაპიაში:
- ვაგინალური დისბიოზი, მათ შორის ბაქტერიული ვაგინოზი;
- ანტიბიოტიკებით, ციტოსტატიკებით, კორტიკოსტეროიდებით, სოკოსა და ვირუსის საწინააღმდეგო პრეპარატებით მკურნალობის პერიოდი და თერაპიის შემდგომი პერიოდი;
- სასქესო ორგანოების ქვემწვავე და ქრონიკული ანთებითი პროცესები;
- უროგენიტალური ინფექციების და სქესობრივად გადამდები დაავადებების (გონორეა, ქლამიდიოზი, უროგენიტალური ჰერპესი, პაპილომავირუსული ინფექცია და ა.შ.) სპეციფიკური ანტიმიკრობული, ანტივირუსული და იმუნომოდულატორული პრეპარატებით მკურნალობის პერიოდი და თერაპიის შემდგომი პერიოდი;
- გეგმიური გინეკოლოგიური სამკურნალო და დიაგნოსტიკური ოპერაციული ჩარევის მოსამზადებელი პერიოდი, როგორც პროფილაქტიკური საშუალება პოსტოპერაციული ინფექციური გართულებების თავიდან ასაცილებლად;
- კონტრაცეპტიული საშუალებების (საშვილოსნოსშიდა სპირალი, კომბინირებული ორალური კონტრაცეპცია, სპერმიციდები) გამოყენების შემთხვევაში;
- ჰორმონ-დამოკიდებული კოლპიტები, როგორც მონო- ასევე კომპლექსური თერაპიის შემადგენლობაში სპეციფიკური ჰორმონული საშუალებებით მკურნალობის ფონზე;
- პროფილაქტიკის მიზნით მშობიარობისწინა პერიოდში, სასქესო ორგანოების ანთებითი დაავადებების რისკის ჯგუფის ორსულებში.

უკუჩვენება
პრეპარატის კომპონენტებისადმი მომატებული მგრძნობელობა.

უსაფრთხოების ზომები
ლაქტოვაგის გამოყენება არ მოითხოვს უსაფრთხოების განსაკუთრებული ზომების დაცვას.

დოზირება და მიღების წესი
პრეპარატი მიიღება პერორალურად, 1 კაფსულა ერთხელ დღეში ჭამის დროს, საკმარისი რაოდენობის წყალთან ერთად.
ანტიბიოტიკოთერაპიასთან კომბინაციაში ლაქტოვაგი ინიშნება 2 საათით ადრე ანტიბიოტიკის მიღებამდე ან ანტიბიოტიკის მიღებიდან 2 საათის შემდეგ.
მკურნალობის კურსი შეადგენს არანაკლებ 20 დღეს, შემდგომში დაავადების სიმპტომებიდან გამომდინარე დასაშვებია მკურნალობის გახანგრძლივება.
ვაგინალური მიკროფლორის გაუმჯობესება მოსალოდნელია პრეპარატის მიღებიდან 2 კვირის შემდეგ, მაგრამ არა უგვიანეს 4-6 კვირისა.

გვერდითი მოვლენები
ინდივიდუალური მგრძნობელობითი რეაქციები პრეპარატის შემადგენელი კომპონენტებისადმი.

ვარგისიანობა და შენახვის პირობები
პრეპარატის ვარგისიანობის ვადაა 2 წელი. ინახება 15-25ºC ტემპერატურაზე, მშრალ, სინათლისაგან დაცულ, ბავშვებისათვის ხელმიუწვდომელ ადგილზე!

გამოშვების ფორმა
შეფუთვაში 10 კაფსულა; მეორადი შეფუთვა - მუყაოს კოლოფში.

აფთიაქიდან გაცემის პირობები
ექიმის რეცეპტის გარეშე!