ნატრიუმის ქლორ0.9% 200მლ(ლიქვ)

სამკურნალო საშუალების ზოგადი დახასიათება

(SPC)

ნატრიუმის  ქლორიდი

1. პრეპარატის კომერციული დასახელება :  ნატრიუმის ქლორიდი

      აქტიური ნივთიერებების საერთაშორისო დასახელება :  Sodium chloride

1. 2.    რაოდენობრივი და ხარისხობრივი შემადგენლობა

                     ნატრიუმის ქლორიდი                                   -9,0 გ

                     საინექციო წყალი                                           - 1 ლ-მდე

1. ფარმაცევტული ფორმა : 0,9 % ხსნარი ინტრავენური ინფუზიისათვის
2. 4.    კლინიკური მახასიათებლები

4.1.  ჩვენებები

ღებინების, დიარიის, სხვადასხვა წარმოშობის შოკის,  დიაბეტური კომის, დამწვრობების მიზეზით გამოწვეული დეჰიდრატაციის დროს;  ოპერაციის დროს და მის შემდეგ პლაზმის მოცულობის შესანარჩუნებლად; მწვავე ცირკულატორული  დარღვევების დროს, რომლებსაც თან სდევს დეჰიდრატაცია; ინტოქსიკაციების დროს; სხვადასხვა პრეპარატების გამხსნელის სახით.

4.2. დოზირების რეჟიმი

შეიყვანება ინტრავენურად ( დღე-ღამეში 3 ლ-მდე) წვეთოვანი გადასხმის სახით.

დოზირება ინდივიდუალურია  ავადმყოფის  ასაკის, სხეულის მასის მაჩვენებლისა და წყლის ელექტროლიტების  დეფიციტის დონიდან გამომდინარე.

ნატრიუმის ქლორიდის იზოტონური ხსნარის დიდი დოზებით ხანგრძლივი შეყვანა სასურველია  ჩატარდეს ლაბორატორიული კვლევების კონტროლის ქვეშ.

4.3.  უკუჩვენებები

პრეპარატის გამოყენების აბსოლუტური უკუჩვენებები არ არის.

არ არის რეკომენდებული ნატრიუმის ქლორიდის იზოტონური ხსნარის შეყვანა     ჰიპერნატრიემიისას, ცირკულატორული დარღვევების დროს, როდესაც არსებობს თავის ტვინისა და ფილტვების შეშუპების საფრთხე.

თირკმელების გამომყოფი ფუნქციის დარღვევების მქონე ავადმყოფებში ხსნარის დიდი მოცულობა უნდა იქნას გამოყენებული სიფრთხილით.

4.4.  განსაკუთრებული მითითებები

პრეპარატი გამოიყენება სიფრთხილით  ჰიპერტენზიის, გულის უკმარისობის,  თირკმელების ფუნქციის  დარღვევების, ფილტვების შეშუპების, პერიფერიული შეშუპების მქონე    პაციენტებში; ხანდაზმული ასაკის პეციენტებში და ბავშვებში; პრეეკლამპსიის და სხვა მდგომარეობების დროს,  რომლებსაც თან სდევს ორგანიზმში ნატრიუმის იონების შეკავება.

უნდა იქნას დაცული სიფრთხილე პრეპარატის დანიშვნისას იმ პაციენტებისათვის, რომლებიც ღებულობენ კორტიკოსტეროიდებს ან კორტიკოტროპინს.

ხანგრძლივი მკურნალობის შემთხვევაში უნდა კონტროლირდებოდეს პლაზმის ელექტროლიტები და წყლის ბალანსი. უნდა იქნას გამოჩენილი სიფრთხილე ჰიპოკალიემიის დროს. ნატრიუმის ქლორიდის დიდი დოზებით მოხმარების დროს შეიძლება ადგილი ჰქონდეს  მარილების მოლეკულური კონცენტრაციის დარღვევას, დეჰიდრატაციას, პერიფერიულ  შეშუპებებს, ფილტვის შეშუპებას.

ზემოქმედება მანქანების ტარებისა და მათი გამოყენების უნარზე

კვლევები სატრანსპორტო საშუალებების მართვისა ან რთულ მექანიზმებთან მუშაობის  უნარზე პრეპარატის ზემოქმედების შესახებ  არ ჩატარებულა.

4.5. მედიკამენტოზური  ურთიერთქმედება

 გამოიყენება როგორც სხვადასხვა პრეპარატების გამხსნელი.

ერთობლივმა გამოყენებამ სხვა პრეპარატებთან, რომლებიც შეიცავენ ნატრიუმს, შეიძლება

გამოიწვიოს ნატრიუმის დონის მატება სისხლის პლაზმაში.

4.6. გამოყენება ორსულობისა და ლაქტაციის პერიოდში

ორსულობისა და ძუძუთი კვების პერიოდში გამოყენებისას უნდა იქნას დაცული   სიფრთხილე.

4.7. გვერდითი მოქმედებები

დიდი რაოდენობით შეყვანამ შეიძლება გამოიწვიოს ჰიპერჰიდრატაციის, ქლორიდული აციდოზის, ჰიპერნატრიემიის (განსაკუთრებულად დიდი მოცულობით, თირკმელების ფუნქციის დარღვევის დროს), ჰიპოკალიემიის განვითარება. შესაძლებელია გულისრევის, ღებინების, დიარეის, მუცელში ტკივილის, თავის ტკივილის, სისუსტის, მოუსვენრობის, ცხელების, ოფლიანობის, ტაქიკარდიის, თავბრუსხვევის, კრუნჩხვების, პერიფერიული შეშუპების, ფილტვების შეშუპების განვითარება.

4.9. დოზის გადაჭარბება

გვერდითი მოქმედების გამოხატული სიმპტომები. აუცილებელია სიმპტომური   მკურნალობის ჩატარება.

5. ფარმაკოლოგიური მონაცემები

საშუალება, რომელიც არეგულირებს წყალ-მარილოვან წონასწორობას ორგანიზმში.

ათქ  კოდი - B05CB01

5.1. ფარმაკოდინამიკა

ნატრიუმის ქლორიდი წარმოადგენს უჯრედგარე სითხის მნიშვნელოვან არაორგანულ        კომპონენტს, რომელიც ინარჩუნებს სისხლის პლაზმისა და უჯრედგარე სითხის სათანადო        ოსმოსურ წნევას. დეჰიდრატაციის შემთხვევაში  ფიზიოლოგიური ხსნარის  გამოყენება         ავსებს ორგანიზმში სითხის დეფიციტს. ხსნარი სწრაფად გამოიყოფა სისხლძარღვოვანი        სისტემიდან,  ამიტომ სისხლის დაკარგვისა და შოკის დროს არასაკმარისად ეფექტურია;        ასეთ შემთხვევებში აუცილებელია ამავდროულად ჩატარდეს სისხლის, პლაზმის ან       პლაზმის შემცვლელი სითხეების გადასხმა.

5.2. ფარმაკოკინეტიკა

 სწრაფად გამოიყოფა სისხლძარღვოვანი სისტემიდან.   

პრეპარატი სისხლძარღვოვან კალაპოტში  ჩერდება  ხანმოკლე დროის განმავლობაში და      ძალიან სწრაფად გადადის ინტერსტიციალურ და უჯრედშიდა სექტორში. 1 საათის შემდეგ             სისხლძარღვებში რჩება  შეყვანილი ხსნარის დაახლოებით მხოლოდ  ნახევარი. ძალზე              სწრაფად იწყება მარილებისა და სითხის გამოყოფა თირკმელების მიერ, რაც აძლიერებს             დიურეზს.

5.3. მონაცემები პრეკლინიკურ უსაფრთხოებაზე

 პირველი  პრეპარატია, რომელიც იქნა გამოყენებული საინფუზიო  თერაპიისათვის.

6. ფარმაცევტული მონაცემები     

6.1. ინგრედიენტების სია: საინექციო წყალი.

6.2. პრეპარატის ვარგისობის ვადა

2 წელი. არ გამოიყენოთ ვარგისობის ვადის გასვლის შემდეგ, რომელიც აღნიშნულია             შეფუთვაზე.

6.4. შენახვის პირობები

 შეინახეთ 15-დან 30˚C ტემპერატურაზე სინათლისაგან დაცულ და ბავშვებისათვის               მიუწვდომელ ადგილზე.

6.5. მონაცემები შეფუთვის შესახებ

პირველადი შეფუთვა

100 მლ, 200 მლ, 500 მლ  და 1000 მლ  პოლივინილქლორიდის პაკეტებში.

მეორეული შეფუთვა

პრეპარატი  პვქ  პლასტიკურ პაკეტში, შეფუთულია პოლიეთილენის პაკეტში. პაკეტის  ღია მხარე დადუღებულია.

6.6. აფთიაქებიდან გაცემის  პირობები

ფარმაცევტული პროდუქტის ჯგუფი III, გაიცემა რეცეპტის გარეშე.

მწარმოებელი

დსს „ლიქვორ“-ი, სომხეთი

0089, ერევანი, კოჩინიანის 7/9

ტელ/ფაქს: 37460  37880ო

E-mail: [email protected]