სნუპი 0.1% 15მლ ნაზ.სპრეი

სამკურნალო პრეპარატის ზოგადი დახასიათება

1. სამკურნალო პრეპარატის დასახელება

სნუპი, 45 მკგ/დოზა, სპრეი ნაზალური დოზირებული.

სნუპი, 90 მკგ/დოზა, სპრეი ნაზალური დოზირებული.

2. ხარისხობრივი და რაოდენობრივი შემადგენლობა

აქტიური ნივთიერება: ქსილომეტაზოლინი.

სნუპი, 45 მკგ/დოზა, სპრეინაზალური დოზირებული

სპრეის 1 დოზა შეიცავს 45 მკგ ქსილომეტაზოლინს (ჰიდროქლორიდის სახით). სნუპი, 90 მკგ/დოზა, სპრეინაზალური დოზირებული

სპრეის 1 დოზა შეიცავს 90 მკგ ქსილომეტაზოლინს (ჰიდროქლორიდის სახით).

დამხმარე ნივთიერებების სრული სია მოცემულია 6.1 ნაწილში.

3. სამკურნალო ფორმა

სპრეი ნაზალური დოზირებული.

უფერო გამჭვირვალე ხსნარი.

4. კლინიკური მონაცემები

4.1. გამოყენების ჩვენებები

პრეპარატი სნუპი, სპრეი ნაზალური დოზირებული, 45 მკგ/დოზა, ნაჩვენებია გამოსაყენებლად ზრდასრულებში და 2 წელზე უფროსი ასაკის ბავშვებში.

პრეპარატი სნუპი, სპრეი ნაზალური დოზირებული, 90 მკგ/დოზა, ნაჩვენებია გამოსაყენებლად მოზრდილებში და 6 წელზე უფროსი ასაკის ბავშვებში.

მწვავე რესპირატორული დაავადებები რინიტის (სურდოს) მოვლენებით, მწვავე ალერგიული რინიტი, პოლინოზი, სინუსიტი, ევსტაქიიტი, შუა ოტიტი (როგორც კომბინირებული თერაპიის ნაწილი ცხვირ-ხახის ლორწოვანი გარსის შეშუპების შესამცირებლად). პაციენტის მომზადება ცხვირის ღრუში დიაგნოსტიკური მანიპულაციებისთვის.

4.2. დოზირების რეჟიმი და გამოყენებ ის წესი

დოზირების რეჟიმი

ზრდასრულები

სნუპი, 45 მკგ/დოზა, სპრეინაზალური დოზირებული

ზრდასრულები: 1-2 შესხურება ცხვირის თითოეულ ნესტოში 2-3-ჯერ დღე-ღამეში. სნუპი, 90 მკგ/დოზა, სპრეინაზალური დოზირებული

ზრდასრულებს: 1 შესხურება ცხვირის თითოეულ ნესტოში 2-3-ჯერ დღე-ღამეში. გამოიყენეთ დღე-ღამეში მაქსიმუმ 3-ჯერ .

ბავშვები

სნუპი, 45 მკგ/დოზა, სპრეინაზალური დოზირებული

6-დან 18 წლამდე ასაკის ბავშვებში დოზირების რეჟიმი არ განსხვავდება ზრდასრულების დოზირების რეჟიმისაგან.

2-დან 6 წლამდე ასაკის ბავშვებს 1 შესხურება ცხვირის თითოეულ ნესტოში 1-3-ჯერ დღე-ღამეში. გამოიყენეთ მაქსიმუმ 3-ჯერ დღე-ღამეში.

პრეპარატ სნუპის, სპრეი ნაზალური დოზირებული, 45 მკგ/დოზა, უსაფრთხოება და ეფექტურობა, 0-დან 2 წლამდე ასაკის ბავშვებში დადგენილი არ არის. მონაცემები ხელმისაწვდომი არ არის. სნუპი, 90 მკგ/დოზა,სპრეი ნაზალური დოზირებული

6-დან 18 წლამდე ასაკის ბავშვებში დოზირების რეჟიმი არ განსხვავდება ზრდასრულების დოზირების რეჟიმისგან.

გამოიყენეთ დღე-ღამეში მაქსიმუმ 3-ჯერ.

პრეპარატი სნუპი, სპრეი ნაზალური დოზირებული, 90 მკგ/დოზა არ უნდა იქნას გამოყენებული 2-დან 6 წლამდე ასაკის ბავშვებში დოზირების რეჟიმის უზრუნველყოფის შეუძლებლობის გამო. პრეპარატ სნუპის, სპრეი ნაზალური დოზირებული, 90 მკგ/დოზა, უსაფრთხოება და ეფექტურობა, 0-დან 2 წლამდე ასაკის ბავშვებში დადგენილი არ არის. მონაცემები ხელმისაწვდომი არაა. მიღების წესი

ინტრანაზალურად.

გამოყენებამდე აუცილებელია ცხვირის ღრუს გაწმენდა.

პრეპარატი ბავშვებში უნდა იქნას გამოყენებული მოზრდილების მეთვალყურეობის ქვეშ.

ბოლო შესხურების ჩატარება რეკომენდებულია უშუალოდ ძილის წინ.

სურათი 1.

მოხსენეთ დამცავი თავსახური. პირველი გამოყენების წინ რამდენჯერმე დააჭირეთ გამფრქვევის თავის რგოლს (ნახ. 1), სანამ არ გამოჩნდება ერთგვაროვანი „ნისლის“ ღრუბელი. პრეპარატის ფლაკონი მზადაა შემდგომი გამოყენებისთვის.

სურათი 2.

გამოყენების დროს შეიყვანეთ გამფრქვევის თავი ცხვირის ღრუში და დააჭირეთ ერთხელ (ნახ. 2) რგოლზე. დაიკავეთ ფლაკონი ვერტიკალურად. არ შეასხუროთ ჰორიზონტალურად ან ქვევით. უშუალოდ შესხურების შემდეგ რეკომენდებულია მსუბუქად ჩასუნთქვა ცხვირით. გამოყენების შემდეგ ფლაკონი დახურეთ დამცავი თავსახურით.

თითოეული ფლაკონი უნდა იქნას გამოყენებული ინდივიდუალურად.

თერაპიის დასრულების შემდეგ, პრეპარატის ხელახალი დანიშვნა შესაძლებელია მხოლოდ რამოდენიმე დღის შემდეგ. არ არის რეკომენდებული სამკურნალო პრეპარატის გამოყენება 5-7 დღეზე მეტი ხნის განმავლობაში. რაც შეეხება ბავშვებში გამოყენების ხანგრძლივობას, რჩევისათვის უნდა მიმართოთ ექიმს.

4.3. უკუჩვენებები

- ჰიპერმგრძნობელობა ქსილომეტაზოლინის ან ნებისმიერი დამხმარე ნივთიერების მიმართ, რომლებიც ჩამოთვლილია 6.1 ნაწილში,

- არტერიული ჰიპერტენზია,

- ტაქიკარდია,

- გამოხატული ათეროსკლეროზი,

- გლაუკომა,

- ჰიპერთირეოზი,

- ატროფიული რინიტი,

- კანის ან ცხვირის წინკარის ლორწოვანი გარსის ანთებითი დაავადებები;

- ქირურგიული ჩარევები თავის ტვინის გარსზე (ანამნეზში),

- მდგომარეობა ტრანსსფეროიდალური ჰიპოფიზექტომიის შემდეგ,

- მონოამინოქსიდაზას ინჰიბიტორების (მაო) გამოყენება (მათი მოხსნიდან 14 დღის ჩათვლით), ტრიციკლური და ტეტრაციკლური ანტიდეპრესანტები.

4.4. განსაკუთრებული მითითებები და სიფრთხილის ზომები პრეპარატის გამოყენებისას სიფრთხილით უნდა იქნას გამოყენებული შაქრიანი დიაბეტის, გულ-სისხლძარღვთა მძიმე დაავადებების (მათ შორის გულის იშემიური დაავადების, სტენოკარდიის), წინამდებარე ჯირკვლის ჰიპერპლაზიის, ფეოქრომოციტომის, პორფირიის, ძუძუთი კვების დროს, ადრენერგული პრეპარატების მიმართ მომატებული მგრძნობელობისას, რომელსაც თან ახლავს უძილობა, თავბრუსხვევა, არითმია, ტრემორი, არტერიული წნევის მომატება; პაციენტებში ხანგრძლივებული QT ინტერვალის სინდრომით.

პრეპარატის შემადგენლობაში შემავალი ზღვის წყალი ხელს უწყობს ცხვირის ლორწოვანი გარსის ნორმალური ფიზიოლოგიური მდგომარეობის შენარჩუნებას მოციმციმე ეპითელიუმის ფუნქციის გაუმჯობესებისა და ლორწოვანი გარსის გობლეტის უჯრედებში ლორწოს გამომუშავების ნორმალიზების ხარჯზე.

არ არის რეკომენდებული უწყვეტი გამოყენება 7 დღეზე მეტი ხნის განმავლობაში.

არ გადააჭარბოთ რეკომენდებულ დოზებს, განსაკუთრებით ბავშვებში და ხანდაზმულებში. ქსილომეტაზოლინის ხანგრძლივმა (7 დღეზე მეტი) გამოყენებამ ან დოზის გადაჭარბებამ შეიძლება შეასუსტოს პრეპარატის თერაპიული ეფექტი და ასევე გაზარდოს რეაქტიული ჰიპერემიის განვითარების და ცხვირის ლორწოვანი გარსის ატროფიის რისკი. გახანგრძლივებული QT ინტერვალის სინდრომის მქონე პაციენტებში, რომლებიც იღებენ ქსილომეტაზოლინს, შეიძლება გაიზარდოს სერიოზული პარკუჭოვანი არითმიების განვითარების რისკი.

4.5. ურთიერთქმედება სხვა სამკურნალო საშუალებებთან და სხვა სახის ურთიერთქმედება

ქსილომეტაზოლინის გამოყენება შეუთავსებელია მაო-ს ინჰიბიტორებთან ერთდროულ თერაპიასთან (ასევე, მკურნალობის დასრულების შემდეგ 14 დღის განმავლობაში) არტერიული წნევის მომატების და გულის რითმის დარღვევის შესაძლებლობის გამო. ქსილომეტაზოლინის და ტრი- და ტეტრაციკლური ანტიდეპრესანტების და სიმპათომიმეტური საშუალებების ერთდროულმა გამოყენებამ შეიძლება გამოიწვიოს ქსილომეტაზოლინის სიმპათომიმეტური ეფექტის გაზრდა, ამიტომ რეკომენდებულია ამ კომბინაციის თავიდან აცილება.

4.6. ფერტილო ბა, ორსულობა და ლაქტაცია

ორსულობა

ორსულობის დროს პრეპარატის გამოყენება უკუნაჩვენებია.

ლაქტაცია

ძუძუთი კვების პერიოდში პრეპარატი უნდა იქნას გამოყენებული მხოლოდ დედისა და ბავშვისთვის რისკისა და სარგებლის თანაფარდობის გილდასმით შეფასების შემდეგ, რეკომენდებული დოზის გადაჭარბება არ შეიძლება. ძუძუთი კვების პერიოდში პრეპარატ სნუპის გამოყენების წინ უნდა აუცილებელია კონსულტაციისათვის მიმართოთ ექიმს.

4.7. გავლენა სატრანსპორტო საშუალებების მართვისა და მექანიზმებთან მუშაობის უნარზე

სისტემური გვერდითი ეფექტების განვითარების შემთხვევაში (თავის ტკივილი, გულისცემის შეგრძნება, არტერიული წნევის მომატება, მხედველობის დარღვევა), საჭიროა თავი შეიკავოთ სატრანსპორტო საშუალებების მართვისგან და სხვა პოტენციურად სახიფათო საქმიანობებისაგან, რომლებიც საჭიროებენ ყურადღების კონცენტრაციისა და ფსიქომოტორულ რეაქციების სისწრაფის მომატებას.

4.8. არასასურველ ი რეაქციები

გვერდითი რეაქციების წარმოწმნის სიხშირის კლასიფიკაცია: ძალიან ხშირად (≥1/10), ხშირად (≥1/100, მაგრამ <1/10), არახშირად (≥1/1000, მაგრამ <1/100), იშვიათად (≥ 1/10000, მაგრამ <1/1000), ძალიან იშვიათად (<1/10000), სიხშირე უცნობია (შეუძლებელია შეფასდეს არსებული მონაცემების საფუძველზე). დარღვევებიიმუნური სისტემის მხრივ:

ძალიან იშვიათად: ჰიპერმგრძნობელობის რეაქციები (ანგიონევროზული შეშუპება, გამონაყარი, ქავილი). დარღვევებინერვული სისტემის მხრივ:

ხშირად: თავის ტკივილი.

იშვიათად: უძილობა, დეპრესია (დიდი დოზებით ხანგრძლივი გამოყენებისას). ძალიან იშვიათად: მოუსვენრობა, დაღლილობა, პარესთეზიები, ჰალუცინაციები და კრუნჩხვები (უპირატესად ბავშვებში).

დარღვევები მხედველობის ორგანოს მხრივ:

ძალიან იშვიათად: მხედველობითი აღქმის სიმკვეთის დაქვეითება.

დარღვევებიგულის მხრივ;

იშვიათად: გულისცემის შეგრძნება.

ძალიან იშვიათად: ტაქიკარდია, არითმია.

დარღვევებისისხლძარღვების მხრივ:

იშვიათად: არტერიული წნევის მომატება.

დარღვევები სასუნთქი სისტემის, გულმკერდისა და შუასაყარის ორგანოების მხრივ:ხშირად: ცხვირის ლორწოვანი გარსის გაღიზიანება და/ან სიმშრალე, წვა, ჩხვლეტა, ცემინება, ცხვირ-ხახის ლორწოვანი გარსის ჰიპერსეკრეცია.

იშვიათად: პრეპარატის გამოყენების შემდეგ შეიძლება განვითარდეს ცხვირის ლორწოვანი გარსის შეშუპების გაძლიერება (რეაქტიული ჰიპერემია), ცხვირიდან სისხლდენა.

კუჭ-ნაწლავურიდარღვევები:

ხშირი: გულისრევა.

იშვიათად: ღებინება.

ზოგადი დარღვევები და რეაქციები შეყვანის ადგილზე:

ხშირი: წვა შეყვანის ადგილზე.

შეტყობინება საეჭვო არასასურველი რეაქციების შესახებ

მნიშვნელოვანია საეჭვო არასასურველი რეაქციების შესახებ შეტყობინების მიწოდება სამკურნალო პრეპარატის რეგისტრაციის შემდეგ, რათა უზრუნველყოფილი იყოს სამკურნალო პროდუქტის“ სარგებელი-რისკი“-ს თანაფარდობის მუდმივი მონიტორინგი. მედიცინის მუშაკებს ეძლევათ რეკომენდაცია შეატყობინონ სამკურნალო პრეპარატის ნებისმიერი საეჭვო არასასურველი რეაქციის შესახებ ევრაზიის ეკონომიკური კავშირის წევრ-ქვეყნების არასასურველი რეაქციების მოხსენების ეროვნული სისტემების მეშვეობით.

რუსეთის ფედერაცია

ჯანდაცვის სფეროს მეთვალყურეობის ფედერალური სამსახური (რუსჯანმეთვალყურეობა)

109012, ქალ. მოსკოვი, სლავიანსკაიას მოედანი, სახლი 4, შენობა 1

ტელეფონი: +7 800 550 99 03

e-mail: [email protected]

საიტი: https://www.roszdravnadzor.gov.ru/

სომხეთის რესპუბლიკა

„აკადემიკოს ე.გაბრიელიანის სახელობის მედიკამენტებისა და სამედიცინო ტექნოლოგიების ექსპერტიზის სამეცნიერო ცენტრი“ დტსს 0051, ქალ. ერევანი, კომიტასის გამზ. 49/5 ტელეფონები: (+374 10) 20-05-05, (+374 96) 22-05-05 e-mail: [email protected] საიტი: http://pharm.am/

ბელორუსის რესპუბლიკა რუს "ჯანდაცვის ექსპერტიზისა და ტესტირების ცენტრი" 220037, ქალ. მინსკი, ტოვარიშჩესკის შესახვევი, 2ა ფარმაკოზედახედველობის განყოფილების ტელეფონი/ფაქსი: +375 (17) 242-00-29 e-mail: [email protected], [email protected] საიტი: https://www.rceth.by

ყაზახეთის რესპუბლიკა ყაზახეთის რესპუბლიკის ჯანდაცვის სამინისტროს სამედიცინო და ფარმაცევტული კონტროლის კომიტეტის რსსმწუ (რესპუბლიკური სახელმწიფო საწარმო მეურნეობის წაყვანის უფლებით) "სამკურნალო საშუალებებისა და სამედიცინო მოწყობილობების ექსპერტიზის ეროვნული ცენტრი" 010000, ქალ. ასტანა, ბაიკონირის რაიონი, ა.იმანოვის ქუჩა, 13 ტელეფონი: +7 (7172) 235 135 e-mail: [email protected] საიტი: https://www.ndda.kz/

ყირგიზეთის რესპუბლიკა ყირგიზეთის რესპუბლიკის ჯანდაცვის სამინისტროს სამკურნალო საშუალებებისა და სამედიცინო მოწყობილობების დეპარტამენტი 720044, ქალ. ბიშკეკი, ქუჩა მე-3 ხაზი, 25 ტელეფონი: 0800 800 26 26 e-mail: [email protected] საიტი: http://www.pharm.kg/

4.9. დოზის გადაჭარბება სიმპტომები ქსილომეტაზოლინმა გადაჭარბებული დოზის ადგილობრივი შეყვანისას ან შინაგანად შემთხვევით მიღებისას შეიძლება გამოიწვიოს ძლიერი თავბრუსხვევა, მომატებული ოფლიანობა, სხეულის ტემპერატურის მკვეთრი დაქვეითება, თავის ტკივილი, ბრადიკარდია, არტერიული წნევის მომატება, სუნთქვის დათრგუნვა, კომა და კრუნჩხვები. არტერიული წნევის მატების შემდეგ შეიძლება შეინიშნოს მისი მკვეთრი შემცირება.

მკურნალობა დოზის გადაჭარბების ნებისმიერი ეჭვის არსებობის შემთხვევაში უნდა იქნას მიღებული შესაბამისი შემანარჩუნებელი ზომები, ზოგიერთ შემთხვევაში ნაჩვენებია დაუყოვნებელი სიმპტომური მკურნალობა ექიმის მეთვალყურეობის ქვეშ. ეს ზომები უნდა მოიცავდეს პაციენტზე დაკვირვებას რამდენიმე საათის განმავლობაში. მძიმე მოწამვლის შემთხვევაში გულის გაჩერებით რეანიმაციული სამუშაოები უნდა გაგრძელდეს მინიმუმ 1 საათი.

5. ფარმაკოლოგიური თვისებები

5.1. ფარმაკოდინამიკური თვისებები

ფარმაკოთერაპიული ჯგუფი: ცხვირის დაავადებების სამკურნალო პრეპარატები; დეკონგესტანტები და სხვა პრეპარატები ადგილობრივი გამოყენებისთვის; სიმპათომიმეტიკაები ათქ კოდი: R01AA07

მოქმედების მექანიზმი და ფარმაკოდინამიკური ეფექტები

ქსილომეტაზოლინი მიეკუთვნება ადგილობრივი სისხლძარღვების შემავიწროვებელ საშუალებების ჯგუფს (დეკონგესტანტების) ჯგუფს α-ადრენომიმეტური მოქმედებით; ის იწვევს ცხვირის ლორწოვანი გარსის სისხლძარღვების შევიწროვებას, აღმოფხვრის რა ცხვირ-ხახის ლორწოვანი გარსის შეშუპებას და ჰიპერემიას. ქსილომეტაზოლინი ასევე ამცირებს ლორწოს თანმხლებ ჰიპერსეკრეციას და აადვილებს სეკრეციით დაბლოკილი ცხვირის ღრუს გასასვლელების დრენაჟს და ამით აუმჯობესებს ცხვირით სუნთქვას ცხვირის ჩაკეტვის დროს.

ქსილომეტაზოლინი კარგად აიტანება ცხვირის მგრძნობიარე ლორწოვანი გარსის მქონე პაციენტების მიერ; მისი მოქედება არ უშლის ხელს ლორწოს სეკრეციას. ქსილომეტაზოლინს აქვს დაბალანსებული pH მნიშვნელობა, რომელიც დამახასიათებელია ცხვირის ღრუსათვის. თერაპიულ კონცენტრაციებში პრეპარატი არ აღიზიანებს ცხვირის ლორწოვან გარსს, არ იწვევს ჰიპერემიას. მოქმედება იწყება გამოყენებიდან 2 წუთის შემდეგ და გრძელდება 12 საათის განმავლობაში (მაგალითად, მთელი ღამის განმავლობაში).

In vitro კვლევებმა აჩვენა, რომ ქსილომეტაზოლინი თრგუნავს ადამიანის რინოვირუსის ინფექციურ აქტივობას, რომელიც იწვევს „გაციებას“.

5.2. ფარმაკოკინეტიკური თვისებები

ადგილობრივი გამოყენებისას პრეპარატი პრაქტიკულად არ შეიწოვება, ამიტომ მისი კონცენტრაცია სისხლის პლაზმაში ძალიან დაბალია (არ არის განსაზღვრული თანამედროვე ანალიტიკური მეთოდებით).

6. ფარმაცევტული თვისებები

6.1. დამხმარე ნივთიერებების სია ზღვის წყალი კალიუმის დიჰიდროფოსფატი საინექციო წყალი

6.2. შეუთავსებლობა არ გამოიყენება.

6.3. ვარგისობის ვადა (შენახვის ვადა) 5 წელი. ფლაკონის გახსნის შემდეგ პრეპარატი უნდა იქნას გამოყენებული 12 თვის განმავლობაში.

6.4. განსაკუთრებული სიფრთხილის ზომები შენახვისას შეინახეთ არაუმეტეს 25 °C ტემპერატურაზე. ინფორმაცია სამკურნალო პრეპარატის პირველი გახსნის შემდეგ შენახვის პირობების შესახებ იხილეთ ნაწილი 6.3.

6.5. პირველადი შეფუთვის მახასიათებელი და შიგთავსი 150 დოზა (15 მლ) სპრეი ნაზალური დოზირებული პოლიეთილენის ფლაკონში გამფრქვევი სისტემით

1 ფლაკონი ფურცელ-ჩანართთან ერთად მოთავსებულია მუყაოს კოლოფში.

6.6. სიფრთხილის განსაკუთრებული ზომები გამოყენებული სამკურნალო პრეპარატის ან პრეპარატის გამოყენების შემდეგ მიღებული ნარჩენების განადგურებისას და პრეპარატთან სხვა მანიპულაციების დროს განსაკუთრებული მოთხოვნები არ არსებობს.

გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.

7. რეგისტრაციის მოწმობის მფლობელი შტადა არცნაიმიტელი აგ, გერმანია შტადაშტრასე 2-18, 61118 ბად ფილბელი ტელ: +49-6101-603-0; ფაქსი: +49-6101-603-259

7.1. სარეგისტრაციო მოწმობის მფლობელის წარმომადგენელი

მომხმარებელთა პრეტენზიები უნდა გაიგზავნოს მისამართზე:

რუსეთის ფედერაცია, სომხეთის რესპუბლიკა, ბელორუსის რესპუბლიკა სს“ ნიჟფარმი“, რუსეთი 603105, ქალ. ნიჟნი ნოვგოროდი, სალგანსკაიას ქუჩა, სახლი 7 ტელ.: (831) 278-80-88 e-mail: [email protected]

ყაზახეთის რესპუბლიკა TOO „STADA Kazakhstan“ ყაზახეთის რესპუბლიკა, 050011, ქალ. ალმათი, სუიუნბაის გამზირი, სახლი 258 ბ ტელ.: (727) 2222-100 ფაქსი: (727) 398-64-95 e-mail: [email protected]

ყირგიზეთის რესპუბლიკა

შპს "შტადა ყირგისტან", ყირგიზეთის რესპუბლიკა 720005, ქალ. ბიშკეკი, ქ. იგემბერდიევის ქუჩა 1ა, ბც "ავრორა", ოფისი 604

8. სარეგისტრაციო მოწმობს ნომერი ლპ-No.(002752)-(რგ-RU)

9. პირველადი რეგისტრაციის თარიღი (რეგისტრაციის დადასტურება, ხელახალი რეგისტრაცია) პირველი რეგისტრაციის თარიღი: 2023 წლის 13 ივლისი

10. ტექსტის გადახედვის თარიღი

სამკურნალო პრეპარატ სნუპის ზოგადი დახასიათება ხელმისაწვდომია ევრაზიის ეკონომიკური კავშირის საინფორმაციო პორტალზე საინფორმაციო-საკომუნიკაციო ქსელ „ინტერნეტ“-ში http://eec.eaeunion.org