ექსფორჯი 5მგ/160მგ #28ტ

ექსფორჯი 5 მგ/160 მგ

შემადგენლობა

• მოქმედი ნივთიერებები: თითოეული აპკით შემოგარსული ტაბლეტი შეიცავს 5 მგ ამლოდიპინის ბაზის ეკვივალენტურ 6.94 მგ ამლოდიპინის ბესილატს და 160 მგ ვალსარტანს.
• დამხმარე ნივთიერებები: მიკროკრისტალური ცელულოზა, კროსპოვიდონი, კოლოიდური უწყლო სილიციუმი, მაგნიუმის სტეარატი, ჰიპრომელოზა, მაკროგოლ 4000, ტალკი, ტიტანის დიოქსიდი (E171), რკინის ყვითელი ოქსიდი (E172).

1. 1.  ექსფორჯი და მისი გამოყენება

ექსფორჯი - 28 ცალი ტაბლეტის შემცველი ბლისტერებით არის წარმოდგენილი შეფუთვაში.

თითოეული აპკით შემოგარსული ტაბლეტი 5 მგ ამლოდიპინს და 160 მგ ვალსარტანს შეიცავს.

ექსფორჯი შეიცავს კალციუმის არხების ბლოკერების ჯგუფში შემავალ ნივთიერებას - ამლოდიპინს და ანგიოტენზინ II  რეცეპტორების ანტაგონისტების ჯგუფში შემავალ ნივთიერებას - ვალსარტანს.  ორივე ეს ნივთიერება მაღალი არტერიული წნევის (ჰიპერტენზიის) რეგულირებისთვის გამოიყენება. ამლოდიპინი - სისხლძარღვების გლუვი კუნთების  უჯრედების კალციუმის არხებს ბლოკავს, ეს კი  ხელს უშლის სისხლძარღვების შეკუმშვას. ორგანიზმში წარმოებული ნივთიერება ანგიოტენზინ II  იწვევს სისხლძარღვების შევიწროვებას და ზრდის არტერიულ წნევას. ვალსარტანი ეფექტს ავლენს ანგიოტენზინ II-ის ბლოკირებით. ეს ორი მექანიზმი სისხლძარღვებს ადუნებს და სისხლის არტერიულ წნევას აქვეითებს.

ექსფორჯი გამოიყენება იმ პაციენტების მაღალი არტეიული წნევის (ჰიპერტენზიის) სამკურნალოდ, რომლებიც ღებულობენ მხოლოდ  ამლოდიპინს ან მხოლოდ ვალსარტანის შემცველ მედიკამენტს, მაგრამ წნევის კონტროლი საკმარისი არ არის. თუ მაღალი არტერიული  წნევა დიდი ხნის განმავლობაში შენარჩუნდება, შეიძლება გამოიწვიოს თავის ტვინის, გულის და თირკმლების სისხლძარღვების დაზიანება და ინსულტი, გულის უკმარისობა ან თირკმლების უკმარისობა. სისხლის მაღალი წნევის ნორმაზე დაყვანა აღნიშნული დარღვევების გამოვლენის რისკს შეამცირებს.

2.  ექსფორჯის  გამოყენებამდე  საყურადღებო ინფორმაცია

ექსფორჯი არ გამოიყენება ქვემოთ მოცემული მდგომარეობების დროს:

• თუ გაქვთ ალერგია ან  უჩვეულო რეაქცია ვალსარტანზე, ამლოდიპინის ბესილატზე ან ექსფორჯის შემადგენელი დამხმარე ნივთიერებებიდან რომელიმეს მიმართ (თუ ფიქრობთ, რომ შეიძლება ალერგია გქონდეთ, თქვენი ექიმისგან მიიღეთ რეკომენდაციები);
• თუ გაქვთ ალერგია ამლოდიპინზე ან კალციუმის არხების  სხვა ბლოკერზე (მაღალი არტერიული წნევის სამკურნალოდ გამოყენებული წამლის ჯგუფი), აღნიშნული მდგომარეობა შეიძლება გამოვლინდეს ქავილით, კანის შეწითლებით ან სუნთქვის გაძნელებით;
• თუ გაქვთ  ღვიძლის სერიოზული უკმარისობა, სანაღვლე გზებთან დაკავშირებული ციროზი ან ნაღვლის დაგროვების განმაპირობებელი დაავადება;
• ალისკირენის (სისხლის მაღალი წნევის დამაქვეითებელი წამალი) გამოყენებისას;
• თუ გაქვთ შაქრიანი დიაბეტი ან  თირკმლების უკმარისობა (თირკმლების ფილტრაციის ფუნქციის მაჩევენებლი ანალიზი-გლომერულური ფილტრაციის სიჩქარე-GFR<60მლ/წთ/1/73მ²);
• თუ ხართ ორსულად ან  ორსულობას გეგემავთ, ეს წამალი არ მიიღოთ;
• სისხლის არტერიული წნევა ძალიან დაბალი გაქვთ (ჰიპოტენზია);
• თუ გაქვთ გულის სარქვლების შევიწროება (აორტული სტენოზი) ან  გული  სხეულს საკმარისი რაოდენობით სისხლს ვერ აწვდის (კარდიოგენული შოკი);
• თუ გადაიტანეთ მიოკარდიუმის ინფარქტი და შედეგად  გულის უკმარისობა გაქვთ.

ექსფორჯი  გამოიყენეთ სიფრთხილით შემდეგი მდგომარეობების დროს:

• თუ გაქვთ ღებინება ან დიარეა;
• თუ გაქვთ ღვიძლის ან თირკმლების უკმარისობა;
• თუ გადაიტანეთ თირკმლების ტრანსპალნტაცია  ან  თირკმლების მკვებავი სისხლძარღვების შევიწროება გაქვთ,
• თუ გაქვთ ორგანიზმში წარმოებული ჰორმონის  - ალდოსტერონის მაღალი დონის განმაპირობებელი თირკმელზედა ჯირკვლის დაავადება (პირველადი  ჰიპერალდოსტერონიზმი);
• აგფ ინჰიბიტორით (მაღალი წნევის სამკურნალოდ გამოყენებული წამალის ჯგუფი) (განსაკუთრებით, თუ შაქრიან დიაბეტთან დაკაშირებული თირკმლის პრობლემები გაქვთ) ან  ალისკირენით (სისხლის წნევის დამაქვეითებელი წამალი) მკურნალობთ. (ამ წამლების ერთად გამოყენების აუცილებელი საჭიროებისას, მხოლოდ სპეციალისტის დაკვირვების ქვეშ შეიძლება მიღება და თირკმლების ფუნციები, ელექტროლიტები და სისხლის წნევა მკაცრად უნდა გაკონტროლდეს. თუ დიაბეტური ნეფროპათიის სახელით ცნობილი დაავადება გაქვთ, რომელიც შაქრიანი დიაბეტის დიდი ხნის (წლების) არსებობის შედეგად ვლინდება, აგფ ინჰიბიტორების და ანგიოტენზინ II რეცეპტორების ბლოკერების ერთად გამოყენება არ შეიძლება);
• აგფ ინჰიბიტორების(მაღალი წნევის სამკურნალოდ გამოყენებული წამლის ჯგუფი) წამლების სხვა ჯგუფთან ერთდ მიღების შემთხვევაში, თუ სახეზე და ხახაში შეშუპება გამოვლინდება, ექსფორჯის მიღება შეწყვიტეთ და სასწრაფოდ ექიმს დაუკავშირდით. ექსფორჯი განმეორებით აღარ მიიღოთ.
• თუ ექიმმა გულის სარქვლების შევიწროების (აორტის ან მიტრალური სტენოზი) ან  შევიწროებასთან ერთად გულის კუნთის არანორმალური გასქელების (ობსტრუქციული ჰიპერტროფიული კარდიომიოპათია) დიაგნოზი დაგისვათ;
• თუ გადატანილი გაქვთ გულის უკმარისობა  ან   მიოკარდიუმის ინფარქტი, საწყისი დოზის მისაღებად   ექიმის რეკომენდაციები გაითვალისწინეთ. ამავე დროს ექიმი თირკმლების ფუნქციასაც გადაამოწმებს. ექიმი რეგულარულად გააკონტროლებს თირკმლის ფუნქციას, სისხლის არტერიულ წნევას და სისხლში ელექტროლიტების რაოდენობას (მაგ. კალიუმი).

თუ აღნიშნული გაფრთხილებებიდან  ნებისმიერი მდგომარეობა წარსულში  ან ამჟამად თქვენთან  ვლინდება,  აცნობეთ თქვენს ექიმს.

ექსფორჯის  გამოყენება საკვებთან და სასმელთან ერთად

ექსფორჯის მიღება შეიძლება უზმოზე ან კვების შემდეგ.

პაციენტები, რომელიც ექსფორჯით მკურნალობენ, გრეიფრუტი ან გრეიფრუტის წვენი არ უნდა მიიღონ, რადგანაც გრეიფრუტმა და გრეიფრუტის წვენმა შეიძლება გამოიწვიოს ამ წამლის მოქმედი ნივთიერების - ამლოდიპინის დონის მნიშვნელოვანი მომატება სისხლში, რაც იწვევს ექსფორჯის სისხლის წნევის დამაქვეითებელ არაპროგნოზირებად ეფექტს და გვერდითი მოვლენების ზრდას.

ორსულობა

წამლის მიღებამდე მიმართეთ თქვენს ექიმს ან ფარმაცევტს.

თუ ხართ ორსულად  ან ორსულობას გეგმავთ,  მიმართეთ ექიმს. ნორმალურ მდგომარეობაში, ექიმი ორსულობამდე ან ორსულობის დადასტურების გაგებისთანავე გირჩევთ, რომ ექსფორჯის გამოყენება შეწყვიტოთ და მის ნაცვლად სხვა  წამლის გამოყენების რეკომენდაციას მოგცემთ.

ექსფორჯის ორსულობის დროს გამოყენებამ შეიძლება გამოიწვიოს ნაყოფის სერიოზული დაზიანებები. ორსულობის პერიოდში ექსფორჯი არ უნდა იქნას გამოყენებული.

თუ მკურნალობის პერიოდში ორსულობას გამოავლენთ, სასწრაფოდ მიმართეთ ექიმს ან ფარმაცევტს.

ლაქტაცია

წამლის გამოყენებამდე მიმართეთ თქვენს ექიმს ან ფარმაცევტს.

დადასტურებულია, რომ ამლოდიპინის მცირე რაოდენობა დედის რძეში გადადის.

თუ მეძუძური ხართ,აცნობეთ ექიმს. მეძუძურმა ქალებმა ექსფორჯი არ უნდა გამოიყენონ.

ავტომობილისა და მექანიზმების მართვის უნარზე ზემოქმედება

მაღალი არტერიული წნევის სამკურნალოდ (ანტიჰიპერტენზიული წამლები)  გამოყენებული სხვა წამლების მსგავსად, ექსფორჯიც იშვიათ შემთხვევებში იწვევს გაბრუებას და კონცენტრაციის უნარის დაკარგვას. ამიტომ   ავტომობილისა და მექანიზმების მართვამდე, ასევე სხვა აქტივობების დროს, რომელიც ყურადღებას მოითხოვს,    დარწმუნდით ექსფორჯის თქვენზე გამოხატულ ეფექტებში.  თუ დარწმუნებული არ ხართ,  ავტომობილი და მექანიზმები არ მართოთ.

ექსფორჯის შემადგენლობაში არსებული ზოგიერთი დამხმარე ნივთიერების შესახებ ინფორმაცია

თუ, ექსფორჯის შემადგენელი ნივთიერებებიდან რომელიმეს მიმართ მომატებული მგრძნობელობა არ გაქვთ,  ამ ნივთიერებებთან დაკავშირებული  უარყოფითი ეფექტი არ არის მოსალოდნელი.

სხვა მედიკამენტებთან ერთად გამოყენება

ექსფორჯიმ შეიძლება ზემოქმედება მოახდინოს ქვემოთ ჩამოთვლილ წამლებზე და პირიქით, ქვემოთ ჩამოთვლილმა წამლებმა შეიძლება იმოქმედოს ექსფორჯის ეფექტზე:

• რიფამპიცინი, ერითრომიცინი, კლარიტრომიცინი (ანტიბიოტიკები);
• კანის სოკოვანი ინფექციის პროფილაქტიის და სამკურნალოდ გამოყენებული წამლები (კეტოკონაზოლი, იტრაკონაზოლის მსგავსი);
• შიდსის ან აივ ინფექციების სამკურნალოდ გამოყენებული მედიკამენტები (რიტონავირი, ინდინავირის მსგავსი);
• ბაქტერიული ინფექციების სამკურნალოდ გამოყენებული წამლები (კლარიტრომიცინი, ტალიტრომიცინი, რიფამპიცინი, ერითრომიცინის მსგავსი);
• სიმვასტატინი (მომატებული ქოლესტერინის სამკურნალოდ გამოყენებული წამალი);,
• გადანერგილი ორგანოს მოცილების რეაქციის თავიდან აცილების მიზნით  გამოყენებული წამლები (ციკლოსპორინი);
•  ფსიქიატრიული დაავადებების სამკურნალოდ გამოყენებული ლითიუმი;
• დილთიაზემი (ჰიპერტენზიის, სტენოკარდიის და ზოგიერთი არითმიის) სამკურნალოდ გამოყენებული წამლები);
• ეპილეფსიური გულყრების პროფილაქტისითვის გამოყენებული წამლები (ანტიეპილეფსიური საშუალებები, მაგ. კარბამაზეპინი, ფენობარბიტალი,  ფენიტოინი, ფოსფენიტოინი, პრიმიდონი) და ზოგიერთი მცენარეული წამლები (მაგ. კრაზანა -Hypericum perforatum);
• სისხლის არტერიული წნევის დასაქვეითებლად გამოყენებული წამლები, განსაკუთრებით, შარდმდენები, აგფ ინჰიბიტორები ან ალისკირენი;
• დანტროლენთან (სხეულის ტემპერატურის სერიოზული დარღვევების დროს გამოიყენება) ერთად გამოყენებისას, სიფრთხილეა საჭირო;
• ექსფორჯის ურთიერთქმედება კალიუმის შემცველ საკვებთან უცნობია. კალიუმის შემნახველ წამლებთან, კალიუმის დანამატებთან ან  მარილის ნაცვლად გამოყენებულ კალიუმის შემცველ ნივთიერებებთან ერთად გამოყენებისას სიფრთხილეა საჭირო. ექიმმა სისხლში კალიუმის შემცველობა პერიოდულად უნდა გააკონტროლოს;
• არასტეროიდულ  ტკივილგამაყუჩებელ პრეპარატებთან ან  COX-2–ის  სელექციურ ინჰიბიტორებთან ერთად გამოყენებისას, წამლის წნევის დამაქვეითებელი ეფექტი შეიძლება შემცირდეს, ამ წამლების ერთად გამოყენებისას სიფრთხილეა  საჭირო. ექიმმა ამ დროს თირკმლის ფუნქციებიც უნდა გადაამოწმოს;
• მაღალი არტერიული წნევის სამკურნალოდ გამოყენებული სხვა წამლების (ანტიჰიპერტენზიული წამლები) და წნევის დამაქვეითებელი (ჰიპოტენზიური) გვერდითი ეფექტების გამოვლენის განმაპირობებელ სხვა წამლებთან ერთად გამოყენებამ (მაგ., დეპრესიის სამკურნალოდ გამოყენებული ტრიციკლური ანტიდეპრესანტები, პროსტატის ჯირკვლის გადიდებისას გამოყენებული ალფა ბლოკერები) შეიძლება გამოიწვიოს სისხლის წნევის მნიშვნელოვნად დამაქვეითებელი ეფექტი.

თუ რეცეპტით  ან რეცეპტის გარეშე ნებისმიერ წამალს ღებულობთ ან  ბოლო პერიოდში მიიღეთ, აცნობეთ  აღნიშნულის შესახებ თქვენს ექიმს ან ფარმაცევტს.

3.  ექსფორჯის გამოყენების წესი

სწორიგამოყენებადადოზები/გამოყენებისსიხშირედამითითებები

• ექსფორჯის რეკომენდებული დღიური დოზაა:   აპკით შემოგარსული ერთი ტაბლეტი 1-ჯერ დღეში. წამალი, ყოველდღე, ერთსა და იმავე დროს, სასურველია  დილით მიიღოთ.
• ზუსტ დოზას, ანუ დღეში რამდენი ტაბლეტი რამდენჯერ უნდა მიიღოთ, ექიმი აგიხსნით.  მკურნალობაზე მიღებული პასუხის (შედეგის) შესაბამისად, ექიმი  უფრო მაღალი ან უფრო დაბალი დონის რეკომენდაციას მოგცემთ.
• საუკეთესო შედეგის მიღებისთვის და გვერდითი ეფექტების რისკის  შემცირებისთვის, საჭიროა ექიმის რეკომენდაციის გათვალისწინება და ექსფორჯის მიღება ექიმის მითითებების შესაბამისად. ექსფორჯის გამოყენების ხანგრძლივობასთან დაკავშირებით  კითხვების არსებობისას,  მიმართეთ ექიმს.
• რეკომენდებულ დოზას არ გადააჭარბოთ.

მიღების გზა და მეთოდი

• ექსფორჯი, მხოლოდ პირის გზით (ორალურად) მიღებისთვისაა განკუთვნილი.
•  ექსფორჯის მიღება შესაძლებელია უზმოზე ან საკვებთან ერთად.  ტაბლეტი გადაყლაპეთ 1 ჭიქა წყლით. გრეიფრუტის ან გრეიფრუტის წვენთან ერთად არ მიიღოთ.

სხვადასხვა ასაკობრივი ჯგუფები

ბავშვებში  გამოყენება (18 წლამდე)

ბავშვებსა და მოზარდებში ექსფორჯის გამოყენება  არ არის რეკომენდირებული.

ხანზმულებში გამოყენება

65 წლის და მეტის ასაკის პაციენტებში დოზის განსაკუთრებული რეკომენდაცია არ არსებობს. დოზის მომატებისას სიფრთხილე გამოიჩინეთ.

გამოყენების განსაკუთრებული მდგომარეობები

თირკმლების უკმარისობა

თუ თირკმლების უკმარისობა გაქვთ, სიფრთხილით გამოიყენეთ.

თუ თირკმლების მძიმე უკმარისობა გაქვთ, არ გამოიყენოთ.

ღვიძლის უკმარისობა

თუ ღვიძლის  უკმარისობა გაქვთ, სიფრთხილით გამოიყენეთ.

თუ ღვიძლის მძიმე უკმარისობა გაქვთ, არ გამოიყენოთ.

თუ ექიმი სხვა მითითებებს არ მოგცემთ, არსებული რეკომენდაციები გაითვალისწინეთ.

წამლის დროული მიღება არ დაგავიწყდეთ.

ექსფორჯით მკურნალობის ხანგრძლივობის შესახებ ინფორმაციას ექიმი მოგაწვდით.

მკურნალობა ადრეულად არ შეწყვიტოთ, რადგანაც ექსფორჯით მკურნალობის შეწყვეტამ მდგომარეობა შეიძლება უფრო დაამძიმოს.

თუ ფიქრობთ, რომ ექსფორჯის ეფექტი ძალიან ძლიერი ან სუსტია, გაესაუბრეთ თქვენს ექიმს ან ფარმაცევტს.

თუ ექსფორჯის საჭიროზე მეტი დოზა მიიღეთ

თუ ექსფორჯის საჭირო დოზაზე მეტი დოზა  მიიღეთ, მაშინვე მიმართეთ თქვენს ექიმს ან ფარმაცევტს.

თუ ექსფორჯის მიღება დაგავიწყდათ

თუ წამლის მიღება დაგავიწყდებათ, როგორც კი გაიხსენებთ, მიიღეთ დავიწყებული დოზა  და მომდევნო დოზა ჩვეულებრივ, თავის დროზე მიიღეთ. 

თუ წამლის დოზის გამოტოვება მოგვიანებით გაგახსენდებათ – მომდევნო დოზის მიღების დროსთან ახლო პერიოდში, ამ დროს დავიწყებული დოზა გამოტოვეთ, აღარ მიიღოთ.

დავიწყებული დოზის აღდგენისთვის ორმაგი დოზა არ მიიღოთ.

ექსფორჯის მკურნალობის დასრულების შემთხვევაში შესაძლო გვერდითი ეფექტები

ექიმის მითითების გარეშე, ექსფორჯის მიღება არ შეწყვიტოთ. ექსფორჯით მკურნალობის შეწყვეტამ დაავადების დამძიმება შეიძლება გამოიწვიოს.

4.  შესაძლო გვერდითი ეფექტები

ყველა სხვა წამლის მსგავსად, ექსფორჯიში არსებული ნივთიერების მიმართაც შეიძლება გამოვლინდეს მგრძნობელობა და გვერდითი ეფექტები.

გვერდითი ეფექტები კატეგორიების მიხედვით ქვემოთაა მოცემული:

ძალიან ხშირი:10 პაციენტიდან  სულ მცირე 1 პაციენტთან ვლინდება.

ხშირი:10 პაციენტიდან  სულ მცირე 1 პაციენტთან ვლინდება, მაგრამ  100 პაციენტიდან  >1 პაციენტთან  შეიძლება გამოვლინდეს.

არახშირი: 100 პაციენტიდან 1 პაციენტთან შეიძლება გამოვლინდეს.

იშვიათი: 1.000 პაციენტიდან 1 პაციენტთან შეიძლება გამოვლინდეს.

ძალიან იშვიათი:10.000 პაციენტიდან 

უცნობი: ხელთ არსებული მონაცემებით ვარაუდი შეუძლებელია.

ექსფორჯის მიღება შეწყვიტეთ და სასწრაფოდ ექიმს აცნობეთ ან მიმართეთ უახლოესი საავადმყოფოს ემერჯენის განყოფილებას, თუ ქვემოთ ჩამოთვლილთაგან რომელიმე თქვენთან გამოვლინდება:

• გამონაყარი კანზე, ჭინჭრის ციება, მთელი სხეულის კანზე სიწითლე, ძლიერი ქავილი, ბუშტუკები, კანის აშრევება და შეშუპება, ლორწოვან გარსებზე  ჩირქოვანი ანთება (სტევენს-ჯონსოსნის სინდრომი, ტოქსიკური ეპიდერმალური ნეკროლიზი) ან სსვა ალერგიული ნიშნების  მომცველი კანის რექციები, თვალის ქუთუთოებზე, სახეზე, ტუჩებზე ან ენაზე შესივება, სუნთქვის გაძნელება ან ჩასუნთქვის გაძნელება, დაბალი არტერიული წნევა (გონების დაკარგვის შეგრძნება, გაბრუება), უეცარი ქოშინი, ტკივილი მკერდში, მუცლის და ზურგის ძლიერი ტკივილი, რომელიც პანკრეასის ჩირქოვანი  ანთებისთვისაა დამახასიათებელი, მიოკარდიუმის ინფარქტი, გულის რითმის დარღვევა.

ყველა ჩამოთვლილი სერიოზული გვერდითი ეფექტებია.

თუ ჩამოთვლილთაგან რომელიმე თქვენთან გამოვლინდება, ეს ნიშნავს, რომ ექსფორჯის მიმართ ალერგია გაქვთ. ამ დროს სასწრაფო სამედიცინო დახმარება ან საავადმყოფოში დაწოლა შეიძლება დაგჭირდეთ.

ექსფორჯის გამოყენების შედეგად შეიძლება გამოვლინდეს ქვემოთ ჩამოთვლილი გვერდითი ეფექტები:

ხშირი

• გრიპი,
• ცხვირის გაჭედვა, ყელის ტკივილი და ყლაპვისას დისკომფორტი,
• სისხლში კალიუმის დონის დაქვეითება(ჰიპოკალემია),
• თავის ტკივილი,
• ხელების, მკლავების, ფეხების, კოჭების და ტერფების შეშუპება,
• დაღლილობა, სისუტე,
• სახეზე და /ან კისრის არეში შეწითლება და შეხურება,
• შეშუპება, შეშუპება ჩაღრმავებით(თითით ზეწოლისას დროებითი ჩაღრმავების გაჩენა), სახის შეშუპება.

არახშირი

• უმადობა,
• სისხლში კალციუმის დონის დაქვეითება (ჰიპოკალცემია),
• სისხლში ლიპიდების დონის მომატება (ჰიპერლიპიდემია),
• სისხლში შარდმჟავას დონის მომატება (ჰიპერურიკემია),
• სისხლში ნატრიუმის დონის დაქვეითება (ჰიპონატრემია),
• კოორდინაციის დარღვევა,
• თავბრუსხვევა,
• ძილიანობა,
• მხედველობის დაკარგვა,
• ხახასა და ხორხს შორის მიდამოს ტკივილი,
• მუცელში დისკომფორტის შეგრძნება,
• გაბრუება,
• გულისრევა და მუცლის ტკივილი,
• პირის სიმშრალე,
• დაბუჟება, ხელებსა და ფეხებში ჩხვლეტის შეგრძნება, დაბუჟება,
• ირგვლივ  არსებული საგნების ტრიალის ან საკუთარი თავის არარეგულარული და სწრაფი ტრიალის შეგრძნება (ვერტიგო),
• გულისცემის გახშირება, გულის ფრიალი,
• ფეხზე წამოდგომისას გაბრუება,
• ხველა,
• დიარეა,
• ყაბზობა,
• კანზე გამონაყარი, შეწითლება,
• სახსრების შესივება,
• ზურგის ტკივილი,
• სახსრების ტკივილი.

იშვიათი

• შფოთვა (მღელვარება),
• ყურებში ხმაური,
• გონების დაკარგვა,
• ნორმაზე მეტი რაოდენობით შარდის გამოყოფა ან ხშირი შარდვა,
• ერექციის  პრობლემები,
• სიმძიმის შეგრძნება.
• გაბრუება, თავბრუსხვევის მსგავსი ნიშნებით გამოვლენილი დაბალი არტერიული წნევა,
• ჭარბი ოფლიანობა,
• კანზე გავრცელებული გამონაყარი,
• ქავილი,
• კუნთების სპაზმი,
• მხედველობის დარღვევები,
• მომატებული მგრძნობელობა.

სხვა გვერდითი ეფექტები

ამლოდიპინი

ამ წამლის მიღების შემდეგ ქვემოთ მოცემული ძალიან იშვიათი გვერდითი ეფექტებიდან თუ რომელიმე გამოვლინდება, სასწრაფოდ  მიმართეთ თქვენს ექიმს.

ხშირი

• თავბრუსხვევა,
• თავის ტკივილი,
• მუცელში დისკომფორტის შეგრძნება,
• დაღლილობა,
• შეშუპება,
• გაბრუება,
• ძილიანობა,
• პალპიტაცია (გულის ემის შეგრძნება, ფრიალი),
• შეხურება,
• სახსრების შეშუპება (ედემა),
• მუცლის ტკივილი,
• გულისრევა.

არახშირი

• ფსიქიკური მდგომარეობის ცვლილებები,
• შფოთვითი მდგომარეობა,
• კანზე ჭიანჭველების სიარულის შეგრძნება,
• ჩასუნთქვის გაძნელება,
• ნაწლავური მოქმედების ცვლილება,
• დიარეა,
• პირის სიმშრალე,
• კანზე სიწითლე და გამონაყარი,
• სინათლეზე მგრძნობელობა,
• სახსრების ტკივილი,
• ზურგის ტკივილი,
• დაღლილობა, სისუსტე,
• შეუძლოდ ყოფნის შეგრძნება,
• სისუსტე,
• ტკივილი მკერდში,რომელიც გულთან არ არის დაკავშირებული,
• წონის მატება ან დაკლება,
• დეპრესია,
• უძილობა,
• კანკალი,
• გემოს შეგრძნების ცვლილება,
• გონების დაკარგვა,
• ტკივილის შეგრძნების დაკარგვა,
• მხედველობის დარღვევა,
• მხედველობის დაკარგვა,
• ყურებში ხმაური,
• დაბალი არტერიული წნევა,
• ცხვირის სავალების ჩირქოვანი ანთების შედეგად ცემინება/ცხვირიდან გამონადენი (რინიტი),
• დისპეფსია,
• ღებინება (გულისრევა),
• თმის ცვენა,
• ჭარბი ოფლიანობა,
• კანის ქავილი,
• კანის ფერის შეცვლა,
• შარდვის დარღვევები,
• ღამით მოშარდვის საჭიროების მომატება,
• ხშირი შარდვა,
• ერექციის პრობლემები,
• მამაკაცებში სარძევე ჯირკვალში დისკომფორტის შეგრძნება ან სარძევე ჯირკვლის ზრდა,
• ტკივილი,
• კუნთების ტკივილი,
• კუნთების კრუნჩხვები.

იშვიათი

• გონების არევა.

ძალიან იშვიათი

• სისხლის თეთრი უჯრედების რაოდენობის შემცირება,
• სისხლის წითელი უჯრედების - თრომბოციტების დაზიანება, რაც იწვევს ადვილად სისხლჩაქცევებს და დალურჯებებს,
• სისხლში შაქრის მაღალი დონე(ჰიპერგლიკემია),
• მომატებული მგრძნობელობა,
• პანკრეასის ჩირქოვანი ანთება(პანკრეატიტი),
• ფეხებში დისკომფორტი, სიმძიმის შეგრძნება (პერიფერიული ნეიროპათია),
• გულის რითმის დარღვევა,
• ხველა,
• განსაკუთრებით სახის მიდამოში  და ხახაში შეშუპება (შესაძლო ანგიოედემის სიმპტომები),
• უეცარი და მოჭერითი ტკივილი მკერდში (შესაძლო მიოკარდიუმის ინფარქტის ნიშნები),
• გამონაყარი, კანის სიწითლე, ტუჩების, თვალების ან პირის მიდამოში ბუშტუკები, კანის აშრევება (შესაძლო მულტიფორმული ერითემის სიმპტომები),
• გამონაყარი კანზე,
• კანის სიწითლე, ტუჩებზე, თვალებსა ან პირის ღრუში ბუშტუკები, კანის აშრევება, ცხელება (შესაძლო სტივენს-ჯონსის სინდრომის სიმპტომები),
• სხეულის რომელიმე მიდამოს, განსაკუთრებით კი ტუჩების, თვალის ქუთუთოების და სასქესო მიდამოების კანქვეშა ქსოვილის შეშუპება (კვინკეს შეშუპება),
• ღრძილების შეშუპება,
• მუცლის შებერილობა (გასტრიტი),
• ღვიძლის ფუნქციების დარღვევა,
• ღვიძლის ანთება (დაჩირქება) (ჰეპატიტი),
• კანის გაყვითლება (სიყვითლე),
• ღვიძლის ფერმენტების მომატება, რომელიც ზემოქმედებას ახდენს ზოგიერთ სამედიცინო ანალიზის შედეგებზე,
• კუნთების დაჭიმულობის მომატება,
• სისხლძარღვების ანთებითი პროცესი, რომელიც ძირითადად თან ახლავს კანის გამონაყარს (კანის ჩირქოვანი ანთება),
• სინათლის მიმართ მომატებული მგრძნობელობა,
• კიდურების გამკვრივება, კანკალი და /ან მოძრაობის დარღვევები.

უცნობი

• მოძრაობის დარღვევები (ექსტრაპირამიდული სინდრომი).

ვალსარტანი

არახშირი

• ირგვლივ გარემოს და საკუთარი თავის  არარეგულარული და სწრაფი ტრიალის შეგრძნება (ვერტიგო),
• ხველა,
• მუცელში დისკომფორტის შეგრძნება და მუცლის ზემო ნაწილში ტკივილი,
• დაღლილობა.

უცნობის სიხშირის

• მომატებული მგრძნობელობა,
• ჰემატოკრიტის და ჰემოგლობინის მაჩვენებლების შემცირება,
• სისხლის წითელი უჯრედების შემცირება,
• სისხლში თრომბოციტების და თეთრი უჯრედების შემცირება,
• სისხლში კრეატინინის მომატება,
• ინფექციასთან დაკავშირებით ცხელება, ყელის ტკივილი და პირის ღრუში იარები,
• სისხლძარღვების ჩირქოვანი ანთება,
• უმიზეზოდ  გამოვლენილი  სისხლჩაქცევები ან დალურჯებები,
• სისხლში კალიუმის მაღალი დონე,
• ღვიძლის ფუნქციის დარღვევები,
• თირკმლების ფუნქციის დაქვეითება და თირკმლების ფუნქციების სერიოზული დაქვეითება,
• სახისა და ხახის შეშუპება,
• კუნთების ტკივილი,
• გამონაყარი, მოლურჯო-მოწითალო ლაქები,
• ცხელება,
• ქავილი,
• ალერგიული რეაქციები,
• კანზე ბუშტუკების (ბულოზური დერმატიტის ნიშნები).

ნებისმიერი გვერდითი ეფექტის  გამოვლინების შემთხვევაში, რომელიც არის ან არ არის ნახსენები  წამლის გამოყენების ინსტრუქციაში, მიმართეთ თქვენს ექიმს  ან ფარმაცევტს.

გვერდი ეფექტების შესახებ მოხსენება

ნებისმიერი გვერდითი ეფექტის  გამოვლინების შემთხვევაში, რომელიც არის ან არ არის ნახსენები  წამლის გამოყენების ინსტრუქციაში, მიმართეთ თქვენს ექიმს, ექთანს  ან ფარმაცევტს. 

5. ექსფორჯის  შენახვა

ექსფორჯი შეინახეთ ბავშვებისგან  შორს, მიუწვდომელ ადგილას შეფუთვაში.

ექსფორჯი  შეინახეთ <30^°C  ოთახის ტემპერატურაზე.

 ნესტისგან დაცვის მიზნით შეინახეთ ორიგინალურ შეფუთვაში.

გამოიყენეთ გამოყენების ვარგისობის ვადის შესაბამისად.

შეფუთვაზე მითითებული ვარგისობის ვადის  შემდეგ  ექსფორჯი არ გამოიყენოთ.

თუ პროდუქტზე ან შეფუთვაზე დაზიანებას  შეამჩნევთ, ექსფორჯი  არ გამოიყენოთ.

ვადა გადასული  ან გამოუყენებელი წამლები ნაგავში არ ჩააგდოთ, გარემოს დაცვისა და ურბანიზაციის სამინისტროს მიერ განსაზღვრულ შემკრებ სისტემას ჩააბარეთ.

გამოშვების ფორმა და შეფუთვა

ექსფორჯი 5მგ/160მგ აპკით შემოგარსული #14ტაბლეტი.

ექსფორჯი 5მგ/160მგ აპკით შემოგარსული #28ტ ტაბლეტი.

ლიცენზიის მფლობელი

ს.ს.  ნოვარტის საღლიქ, გიდა ვე თარიმ ურუნლერი სან ვე თიჯ.

ქავაჯიქი/ბეიქოზი/სტამბული.

წარმოების ადგილი

ს.ს.  ნოვარტის საღლიქ, გიდა ვე თარიმ ურუნლერი სან ვე თიჯ.,

ფენდიქი/სტამბული.