ნატრიუმის ბიკარბონატი8.4% 20მლ

გამოყენების ინსტრუქცია

ნატრიუმის ბიკარბონატი

SODIUM BICARBONATE

სარეგისტრაციო ნომერი:_____________________

პრეპარატის სავაჭრო დასახელება: ნატრიუმის ბიკარბონატი

საერთაშორისო არაპატენტირებული  ან სხვა დასახელება: ნატრიუმის ჰიდროკარბონატი

აღწერა: უფერო გამჭვირვალე სითხე.

შემადგენლობა:

ნატრიუმის ბიკარბონატი         -      84,0 გ

საინექციო წყალი                       -       1 ლ-მდე

ნატრიუმი                                    -       1 მეკვ/ მლ

ბიკარბონატი                              -       1 მეკვ/მლ

სამკურნალო ფორმა:  საინფუზიო ხსნარი

ფარმაკოთერაპიული ჯგუფი- სისხლის შემცვლელი და პერფუზიული ხსნარები; მარილხსნარები.

ათქ  კოდი:  B05CB04

ფარმაკოლოგიური თვისებები

პრეპარატს გააჩნია ტუტოვანი თვისებები, ზრდის სისხლის ტუტოვან რეზერვებს;  ზრდის ნატრიუმის, ქლორის  იონების გამოყოფას და ზრდის ოსმოზურ დიურეზს.

გამოყენების ჩვენებები

დაავადებები, რომლებსაც თან ახლავს მეტაბოლური აციდოზი: ცირკულატორული უკმარისობა, რომელიც განპირობებულია შოკით ან მძიმე დეჰიდრატაციით; არაკონტროლირებადი შაქრიანი დიაბეტი (კეტოაციდოზი); ინტოქსიკაციები, მათ შორის მედიკამენტოზური (ბარბიტურატებით, სალიცილატებით და სხვა), თირკმელების დაავადებების დროს.

გამოყენების წესი და დოზები

ინტრავენურად წვეთებით სუფთა სახით ან განზავებული სხვა საინფუზიო ხსნარებში. მოზრდილებში გამოხატული აციდოზის დროს 30-60 მლ, მწვავედ განვითარებადი აციდოზის დროს  8,4%  ხსნარის  50-100 მლ. ბავშვებს - ასაკისა და სხეულის მასის მიხედვით.

საშუალო დოზაა 2-დან 5 მექვ/კგ (2-5 მლ/კგ), შეჰყავთ 4-8 საათის განმავლობაში. 2 წლამდე  ასაკის ბავშვებისათვის  მაქსიმალური დოზაა 8 მე/სხეულის მასის  კგ (8 მლ/კგ)  დღეში.

აუცილებელია სისხლის მჟავა-ფუძიანი მდგომარეობის კონტროლი.

გვერდითი მოქმედება

პრეპარატის ხანგრძლივმა ყოველდღიურმა შეყვანამ შეიძლება გამოიწვიოს ალკალოზი (ზოგჯერ არაკომპენსირებული), რომელსაც თან ახლავს მადის დაკარგვა, გულისრევა, ღებინება, შფოთი,  თავის ტკივილები, ხოლო მძიმე შემთხვევებში - ტეტანიკური კრუნჩხვები. შესაძლებელია არტერიული წნევის მომატება.

ასეთი შემთხვევების დროს აუცილებელია გაკეთდეს შესვენება პრეპარატის გამოყენებისას.

უკუჩვენებები

ჰიპერმგრძნობელობა, მეტაბოლური ალკალოზი.

დოზის გადაჭარბება

პრეპარატის დოზის გადაჭარბების დროს შესაძლებელია განვითარდეს ჰიპერალკალოზი, ტეტანიკური კრუნჩხვები. ჰიპერალკალოზის განვითარებისას უნდა შეწყდეს პრეპარატის შეყვანა, აუცილებლობის შემთხვევაში უნდა ჩატარდეს სიმპტომური მკურნალობა.

გამოყენების თავისებურებები

აუცილებელია სისხლის მჟავა-ტუტოვანი მდგომარეობის კონტროლი.

გამოყენება ორსულობისა და ლაქტაციის დროს

ჩვენებების მიხედვით.

ზეგავლენა მანქანების ტარების ან გამოყენების უნარზე

პაციენტებს, რომლებსაც ინფუზიის შემდეგ დროებით ეკარგებათ მხედველობის სიმახვილეს, ჩაწვეთების შემდეგ მაშინვე  არ ეძლევათ   მანქანის ტარებისა ან მუშაობის რეკომენდაცია ისეთ რთულ ტექნიკასთან, დაზგებთან ან სხვა   დანადგარებთან, რომლებიც მოითხოვენ მხედველობის სიმახვილეს.

ურთიერთქმედება სხვა სამკურნალო საშუალებებთან

ნატრიუმის ბიკარბონატი აძლიერებს ჰიპოტენზიური სამკურნალო საშუალებების ეფექტს; სიფრთხილით უნდა იქნას გამოყენებული პაციენტებში, რომლებიც ღებულობენ კორტიკოტროპინს; თავიდან უნდა იქნას აცილებული კალციუმის შემცველი   ხსნარების დამატება, გარდა იმ შემთხვევებისა, როცა თავსებადობა დადგენილია; აქვეითებს დოქსიციკლინის შეწოვას და კონცენტრაციას სისხლის პლაზმაში. პრეპარატი შეუთავსებელია   ასკორბინის მჟავას, ცისპლატინის, კოდეინის ფოსფატის, დობუტამინის, დოპამინის, მაგნიუმის სულფატის, ნორეპინეფრინის  ბიტარტრატის, G პენიცილინის კალიუმის მარილის,  სტრეპტომიცინის სულფატის, ტეტრაციკლინის ხსნარებთან. ნატრიუმის ბიკარბონატის მიღება არ არის რეკომენდებული იმ სამკურნალო საშუალებებთან, რომლებსაც აქვთ მჟავე რეაქცია,  და ალკალოიდების მარილებთან.

შენახვის  პირობები და ვადა

+15-დან +30˚C-მდე  ტემპერატურაზე სინათლისგან დაცულ ადგილზე. ინახება ბავშვებისათვის მიუწვდომელ ადგილზე.

2 წელი. არ  გამოიყენოთ შეფუთვაზე  მითითებული ვარგისობის ვადის  გასვლის შემდეგ.

არ გამოიყენოთ პრეპარატი, თუ ის შეიცავს ნალექს.

გაცემის პირობები

ფარმაცევტული პროდუქტის ჯგუფი III, გაიცემა რეცეპტის გარეშე.

გამოშვების ფორმა

საინფუზიო 8,4 %-იანი ხსნარი 20 მლ შუშის ფლაკონებში.

20 მლ-იანი 10 ფლაკონი გამოყენების ინსტრუქციასთან ერთად მუყაოს ყუთში.

მწარმოებელი

დსს „ლიქვორი“, სომხეთი

0089, ერევანი, კოჩინიანის 7/9

ტელ: 37460  378800

E-mail: [email protected]