
ასპირინი კარდიო 0.3გ #20ტ
გააზიარე:
ასპირინი კარდიო®
ASPIRIN CARDIO®
სავაჭრო დასახელება:ასპირინი® კარდიო.
საერთაშორისო არაპატენტირებული დასახელება:აცეტილსალიცილის მჟავა.
სამკურნალწამლო ფორმა:ნაწლავში ხსნადი გარსით დაფარული ტაბლეტები.
შემადგენლობა
ასპირინ კარდიოს® ერთი ტაბლეტი აქტიური ნივთიერების სახით შეიცავს 100მგ ან 300მგ აცეტილსალიცილის მჟავას.
დამხმარე ნივთიერებები: ცელულოზას ფხვნილი 10მგ ან 30მგ, სიმინდის სახამებელი 10მგ ან 30მგ, გარსი: მეტაკრილის მჟავასა და აკრილის მჟავას ეთილეთერის თანაპოლიმერი(1:1) 7,857 მგ ან 21,709 მგ, პოლისორბატ 80 0,186 მგ ან 0,514 მგ, ნატრიუმის ლაურილსულფატი 0,057 მგ ან 0,157 მგ, ტალკი 8,100 მგ ან 22,380 მგ, ტრიეთილციტრატი 0,800 მგ ან 2,240 მგ.
აღწერა
მრგვალი, ორმხრივამოზნექილი თეთრი ფერის ტაბლეტები, განივ განატეხზე თეთრი ერთგვაროვანი მასა, შემოსაზღვრული ამავე ფერის გარსით.
ფარმაკოთერაპიული ჯგუფი:ანტიაგრეგაციული საშუალება.
ათქ. კოდი: B01AC06.
ფარმაკოლოგიური მოქმედება
ფარმაკოდინამიკა
აცეტილსალიცილის მჟავას (ასმ) მოქმედების მექანიზმს საფუძვლად უდევს ციკლოოქსიგენაზას (ცოგ-1) შეუქცევადი ინჰიბირება, რის შედეგადაც იბლოკება თრომბოქსან A2-ის სინთეზი და ითრგუნება თრომბოციტების შეუქცევადი აგრეგაცია. ანტიაგრეგანტული ეფექტი მეტად გამოხატულია თრომბოციტებში, ვინაიდან მათ არ შესწევთ ციკლოოქსიგენაზას განმეორებითი სინთეზის უნარი. ითვლება, რომ აცეტილსალიცილის მჟავას გააჩნია თრომბოციტების აგრეგაციის დამთრგუნველი სხვა მექანიზმებიც, რაც ზრდის მისი გამოყენების სფეროს სხვადასხვა სისხლძარღვოვანი დაავადებების დროს. ასევე, აცეტილსალიცილის მჟავას ახასიათებს ანთების საწინააღმდეგო, ტკივილგამაყუჩებელი, სიცხის დამწევი ეფექტები.
ფარმაკოკინეტიკა
შეწოვა
შიგნით მიღების შემდეგ აცეტილსალიცილის მჟავა სწრაფად და მთლიანად შეიწოვება კუჭ-ნაწლავის ტრაქტიდან. ასმ ნაწილობრივ მეტაბოლიზირდება აბსორბციის დროს. შეწოვისას და შეწოვის შემდეგ ასმ გარდაიქმნება მთავარ მეტაბოლიტად - სალიცილის მჟავად.
ტაბლეტები დაფარულია მჟავაგამძლე გარსით, რის გამოც ამს გამოთავისუფლდება არა კუჭში, არამედ იხსნება თორმეტგოჯა ნაწლავის ტუტოვან არეში მოხვედრისას.
აცეტილსალიცილის მჟავას მაქსიმალური კონცენტრაცია სისხლის პლაზმაში (Cmax) მიიღწევა პრეპარატის მიღებიდან დაახლოებით 2-7 საათის შემდეგ, ამრიგად, ტაბლეტების ფორმით და ნაწლავში ხსნადი გარსით დაფარული ასმ-ის აბსორბციის სიჩქარე შემცირებულია ჩვეულებრივ ტაბლეტებთან შედარებით (რომლებიც ნაწლავში ხსნადი გარსით არ არის დაფარული). საკვებთან მიღება ოდნავ ანელებს პრეპარატის შეწოვას, თუმცა არ მოქმედებს შეწოვის ხარისხზე.
ნაწლავში ხსნადი გარსით დაფარული აცეტილსალიცილის მჟავას ტაბლეტების პრეპარატის მცირე დოზებით ხანგრძლივი თერაპიის დროს აბსორბციის რამდენადმე დაბალი სიჩქარე არ ახდენს გავლენას ასმ-ის სისხლის პლაზმაში ექსპოზიციაზე და თრომბოციტების აგრეგაციის ინჰიბირების უნარზე. მიუხედავად ამისა, ასპირინ კარდიოს® ტაბლეტების კუჭში მაქსიმალური მდგრადობის უზრუნველსაყოფად სასურველია პრეპარატი მივიღოთ საკვების მიღებამდე 30 წუთით ადრე დიდი რაოდენობის სითხის მიყოლებით (იხილეთ „მიღების წესები და დოზები“).
განაწილება
აცეტილსალიცილის მჟავა და სალიცილის მჟავა მნიშვნელოვანწილად უკავშირდება სისხლის პლაზმის ცილებს და სწრაფად ნაწილდება ორგანიზმში. სალიცილის მჟავა აღწევს პლაცენტის გავლით და გამოიყოფა დედის რძესთან ერთად.
მეტაბოლიზმი
აცეტილსალიცილის მჟავა მეტაბოლიზდება საკუთარ მთავარ აქტიურ მეტაბოლიტად - სალიცილის მჟავად. სალიცილის მჟავას მეტაბოლიზმი ხორციელდება ღვიძლში გლიცინის კონიუგატის - სალიცილურატის მჟავას, სალიცილის ფენოლგლუკორონიდის, სალიცილაცილური გლუკურონიდის და ჰენტიზური მჟავას წარმოქმნით.
გამოყოფა
სალიცილის მჟავას გამოყოფა დამოკიდებულია დოზაზე, რადგან მისი მეტაბოლიზმი შეზღუდულია ფერმენტატიული სისტემის შესაძლებლობებით. ნახევრად გამოყოფის პერიოდი შეადგენს 2-3 საათს პრეპარატის პატარა დოზებით მიღების შემთხვევაში და 15 საათამდე იზრდება ასმ-ის დიდი დოზებით მიღებისას (აცეტილსალიცილის მჟავას ჩვეულებრივი დოზები ანალგეზიური საშუალების სახით). სალიცილის მჟავა და მისი მეტაბოლიტები თირკმელების საშუალებით გამოიყოფა. ფარმაკოკინეტიკური მონაცემების თანახმად, აცეტილსალიცილის მჟავას 100მგ-დან 500მგ-მდე დოზის მიღების შემთხვევაში არ არსებობს კლინიკურად მნიშვნელოვანი გადახრები მრუდეზე „კონცენტრაცია-დოზა“.
მიღების ჩვენება
- მიოკარდიუმის მწვავე ინფარქტის პირველადი პროფილაქტიკა რისკ-ფაქტორების არსებობისას (მაგალითად, შაქრიანი დიაბეტი, ჰიპერლიპიდემია, არტერიული ჰიპერტონია, სიმსუქნე, თამბაქოს წევა, ხანდაზმული ასაკი) და მიოკარდიუმის განმეორებითი ინფარქტი;
- არასტაბილური სტენოკარდია (მათ შორის, ეჭვი მიოკარდიუმის მწვავე ინფარქტის განვითარებაზე) და სტაბილური სტენოკარდია;
- ინსულტის პროფილაქტიკა (მათ შორის თავის ტვინის სისხლის მიმოქცევის წარმავალი დარღვევის მქონე პაციენტებში);
- თავის ტვინის სისხლის მიმოქცევის გარდამავალი დარღვევის პროფილაქტიკა;
- თრომბოემბოლიის პროფილაქტიკა, ოპერაციისა და სისხლძარღვებზე ინვაზიური ჩარევის შემდეგ (მაგალითად, აორტოკორონალური შუნტირება, კორონალური არტერიის ანგიოპლასტიკა და სტენტირება, საძილე არტერიების ანგიოპლასტიკა);
- ღრმა ვენების თრომბოზისა და ფილტვის არტერიის და მისი ტოტების თრომბოემბოლიის პროფილაქტიკა (მაგალითად, ხანგრძლივი იმობილიზაციისას დიდი ქირურგიული ჩარევის შემდეგ).
უკუჩვენებები
- ჰიპერმგრძნობელობა ასმ-ს, პრეპარატის დამხმარე ნივთიერებებისა და სხვა ანთების საწინააღმდეგო არასტეროიდული საშუალებების მიმართ;
- ბრონქული ასთმა, რომელიც ინდუცირებულია სალიცილატების და ანთების საწინააღმდეგო არასტეროიდული საშუალებების მიღებით; ბრონქული ასთმის, ცხვირისა და ცხვირის დანამატი ღრუების მორეციდივე პოლიპოზისა და ასმ-ს აუტანლობის კომბინაცია;
- კუჭ-ნაწლავის ტრაქტის ეროზიულ-წყლულოვანი დაზიანებები (გამწვავების სტადიაში);
- კუჭ-ნაწლავის ტრაქტიდან სისხლდენა;
- ჰემორაგიული დიათეზი;
- მეტოტრექსატთან კომბინირებული მიღება დოზით 15მგ კვირაში და მეტი;
- ორსულობა ( I და III ტრიმესტრი) და ლაქტაციის პედიოდი;
- ბავშვთა ასაკი 18 წლამდე (უსაფრთხოებისა და ეფექტურობის მონაცემების არარსებობის გამო);
- თირკმლის უკმარისობა;
- ღვიძლის უკმარისობა;
- გულის ქრონიკული უკმარისობა III-IV ფუნქციური კლასი.
სიფრთხილით გამოიყენება
- ჰიპერმგრძნობელობა ასმ-ს, პრეპარატის დამსმარე ნივთიერებებისა და სხვა ანთების საწინააღმდეგო არასტეროიდული საშუალებების მიმართ;
- ანამნეზში კუჭ-ნაწლავის ტრაქტის ეროზიულ-წყლულოვანი დაზიანებები, მათ შორის კუჭ-ნაწლავის ტრაქტის ქრონიკული და მორეციდივე დაზიანებები ან ანამნეზში კუჭ-ნაწლავის ტრაქტიდან სისხლდენა;
- ანტიკოალუგანტებთან ერთდროული გამოყენება (იხილეთ „ურთიერთქმედება სხვა სამკურნალო საშუალებებთან“);
- პოდაგრა;
- თირკმლის უკმარისობა;
- ღვიძლის უკმარისობა;
- სისხლის მიმოქცევის დარღვევები, რომელიც ვითარდება თირკმლის არტერიის ათეროსკლეროზის შედეგად, გულის შეგუბებითი უკმარისობა, ჰიპოვოლემია, ფართო ქირურგიული ჩარევა, სეფსისი, მასიური სისხლდენების შემთხვევაში;
- ბრონქული ასთმა, სუნთქვის ორგანოების ქრონიკული დაავადებები, ჭინჭრის ციება, ცხვირის პოლიპოზი, სასუნთქი გზების ქრონიკული დაავადებები, ალერგიული რეაქციები სხვა პრეპარატებზე (მაგალითად, კანისმიერი რეაქციები, ქავილი, ჭინჭრის ციება);
- გლუკოზო-6-ფოსფატ-დეჰიდროგენაზას დეფიციტის მძიმე ფორმა;
- ორსულობის II ტრიმესტრი;
- მოსალოდნელი ქირურგიული ჩარევის შემთხვევაში (მათ შორის უმნიშვნელო, მაგალითად, კბილის ექსტრაქცია);
- შემდეგ პრეპარატებთან ერთდროული გამოყენება (იხილეთ „ურთიერთქმედება სხვა სამკურნალო საშუალებებთან“):
- მეტოტრექსატთან ერთად კვირაში 15 მგ-ზე ნაკლები დოზით;
- ანტიკოაგულანტებთან, თრომბოლიზურ ან სხვა ანტიაგრეგანტულ საშუალებებთან ერთად;
- ანთების საწინააღმდეგო არასტეროიდული საშუალებები (მათ შორის, იბუპროფენი, ნაპროქსენი);
- დიგოქსინი;
- შიგნით მისაღები ჰიპოგლიკემიური საშუალებები (სულფონილ შარდოვანას წარმოებულები) და ინსულინი;
- ვალპროის მჟავა;
- ალკოჰოლთან ერთად (კერძოდ, ალკოჰოლური სასმელები);
- სეროტონინის უკუმიტაცების სელექტიურ ინჰიბიტორებთან ერთად.
გამოყენება ორსულობის და ლაქტაციის პერიოდში
ორსულობა
პროსტაგლანდინების სინთეზის ინჰიბირებამ შეიძლება უარყოფითი გავლენა მოახდინოს ორსულობასა და ემბრიონის ან ნაყოფის განვითარებაზე.
ეპიდემიოლოგიური კვლევების მონაცემები ორსულობის ადრეულ სტადიაზე პროსტაგლანდინების სინთეზის ინჰიბიტორების გამოყენების შესახებ იწვევს შეშფოთებას ორსულობის შეწყვეტასთან და ნაყოფის დეფექტურ განვითარებასთან დაკავშირებით, რომელიც, სავარაუდოდ, იზრდება პრეპარატის დოზის და მკურნალობის ხანგრძლივობის გაზრდასთან ერთად. კავშირი აცეტილსალიცილის მჟავას მიღებასა და ორსულობის შეწყვეტასთან დაკავშირებული რისკის ზრდას შორის ხელმისაწვდომი მონაცემებით არ დასტურდება. აცეტილსალიცილის მჟავას მიღებასა და ნაყოფის დეფექტური განვითარების ურთიერთკავშირთან დაკავშირებით არსებობს ეპიდემიოლოგიური კვლევების ურთიერთსაწინააღმდეგო მონაცემები, რომლებიც არ გამორიცხავენ გასტროშიზის განვითარების გაზრდილ რისკს. ორსულობის ადრეულ სტადიაზე (ორსულობის 1-4 თვე) მყოფი 14800 ქალის მონაწილეობით ჩატარებული პროსპექტული კვლევის მონაცემებით არ არის გამოვლენილი ნაყოფის განვითარების დეფექტების ზრდა აცეტილსალიცილის მჟავას მიღებისას.
ცხოველებზე ჩატარებულმა ექსპერიმენტებმა აჩვენეს აცეტილსალიცილის მჟავას რეპროდუქტული ტოქსიკურობა. ორსულობის I ტრიმესტრში აცეტილსალიცილის მჟავას შემცველი პრეპარატების მიღება უკუნაჩვენებია.
ორსულობის II ტრიმესტრში, სალიცილატების დანიშვნისას, მკაცრად უნდა იყოს გათვალისწინებული რისკისა და სარგებლობის ბალანსი.
ქალებმა, რომლებიც ორსულობას გეგმავენ ან ორსულობის II ტრიმესტრში იმყოფებიან, აცეტილსალიცილის მჟავა უნდა მიიღონ მინიმალური ეფექტური დოზით და მკურნალობის უმოკლესი შესაძლო კურსით.
ორსულობის III ტრიმესტრში პროსტაგლანდინების სინთეზის ინჰიბიტორებმა შესაძლოა გამოიწვიონ საშვილოსნოს კუმშვადობის დათრგუნვა, რაც ამუხრუჭებს სამშობიარო მოქმედებას, ახანგრძლივებს სისხლდენას და აძლიერებს ანტიაგრეგანტულ ეფექტს (აცეტილსალიცილის მჟავას მცირე დოზების მიღების შემთხვევაშიც).
ნაყოფს შესაძლოა განუვითარდეს გულ-ფილტვის ინტოქსიკაცია არტერიული სადინარის ნაადრევი დახურვით და ფილტვისმიერი ჰიპერტენზიით, აგრეთვე, თირკმელების ფუნქციის დარღვევა, თირკმლის უკმარისობის ჩათვლით, რომელსაც თან ახლავს მცირეწყლიანობა (სანაყოფე წყლების ნაკლებობა).
ორსულობის III ტრიმესტრში აცეტილსალიცილის მჟავას დანიშვნა უკუნაჩვენებია.
ლაქტაცია
სალიცილატები და მათი მეტაბოლიტები მცირე რაოდენობით აღწევს რძეში. ლაქტაციის პერიოდში სალიცილატების მიღებას თან არ სდევს ბავშვში გვერდითი რეაქციების განვითარება და არ მოითხოვს ძუძუთი კვების შეწყვეტას. თუმცა, პრეპარატის ხანგრძლივად მიღებისას ან მისი დიდი დოზებით დანიშვნისას ძუძუთი კვება სასწრაფოდ უნდა შეწყდეს.
გამოყენების მეთოდი და დოზები
ასპირინ კარდიოსÒ ნაწლავში ხსნადი გარსით დაფარული ტაბლეტების მიღება საჭიროა ჭამამდე მინიმუმ 30 წუთით ადრე, დიდი რაოდენობის სითხის მიყოლებით. იმისათვის, რომ თორმეტგოჯა ნაწლავის ტუტოვან არეში მოხდეს ასმ-ს სრულყოფილი გამოთავისუფლება, არ არის მიზანშეწონილი ტაბლეტის გატეხვა, დაფშვნა ან ჩაღეჭვა. ასპირინ კარდიოÒ ინიშნება დღეში ერთხელ ან დღეგამოშვებით. ასპირინ კარდიოÒგანკუთვნილია ხანგრძლივი მიღებისათვის. თერაპიის ხანგრძლივობა განისაზღვრება მკურნალი ექიმის მიერ.
მიოკარდიუმის მწვავე ინფარქტის პირველადი პროფილაქტიკა რისკ-ფაქტორების არსებობისას:
100 მგ/დღე-ღამეში ან 300 მგ დღეგამოშვებით.
განმეორებითი ინფარქტის პროფილაქტიკა, სტაბილური და არასტაბილური სტენოკარდია:
100-300 მგ/დღე-ღამეში.
არასტაბილური სტენოკარდია (მიოკარდიუმის მწვავე ინფარქტზე ეჭვის შემთხვევაში):
საწყისი დოზა 100-300 მგ (აუცილებელია ტაბლეტის გატეხვა, დაფშვნა ან ჩაღეჭვა უფრო სწრაფი შეწოვის მიზნით) პაციენტმა უნდა მიიღოს რაც შეიძლება სწრაფად მას შემდეგ, რაც ეჭვი გაჩნდა მიოკარდიუმის მწვავე ინფარქტის განვითარებაზე. მიოკარდიუმის ინფარქტის განვითარებიდან მომდევნო 30 დღის განმავლობაში საჭიროა დოზის დაცვა 200-300 მგ/დღეში.
30 დღის შემდეგ საჭიროა შესაბამისი თერაპიის დანიშვნა მიოკარდიუმის განმეორებითი ინფარქტის პროფილაქტიკის მიზნით.
ინსულტის და ტრანზიტორული იშემიური შეტევის პროფილაქტიკა:
100-300 მგ/დღე-ღამეში.
თრომბოემბოლიის პროფილაქტიკა ოპერაციისა და სისხლძარღვებზე ინვაზიური ჩარევის შემდეგ:
100-300 მგ/დღე-ღამეში.
ღრმა ვენების თრომბოზისა და ფილტვის არტერიისა და მისი ტოტების თრომბოემბოლიის პროფილაქტიკა:
100-200 მგ/დღე-ღამეში ან 300 მგ/დღეგამოშვებით.
პრეპარატის დოზის გამოტოვება
მიიღეთ გამოტოვებული ტაბლეტი, როგორც კი გაგახსენდებათ და შემდგომ გააგრძელეთ პრეპარატის მიღება ჩვეული რეჟიმით. დოზის გაორმაგების თავიდან აცილების მიზნით, გამოტოვებულ ტაბლეტს ნუ მიიღებთ, თუ შემდეგი ტაბლეტის მიღება გიწევთ მალე.
ქმედების თავისებურება სამკურნალო საშუალების პირველი მიღებისას და მოხსნისას
არ არის მოცემული.
პაციენტების განსაკუთრებული ჯგუფები
ბავშვები
ბავშვებში და 18 წლამდე ასაკის მოზარდებში პრეპარატის ასპირინ კარდიოსÒ გამოყენების უსაფრთხოება და ეფექტურობა არ არის დადგენილი. პრეპარატის ასპირინ კარდიოსÒ მიღება უკუნაჩვენებია 18 წლამდე ასაკის პაციენტებისთვის.
პაციენტები ღვიძლის ფუნქციის დარღვევით
პრეპარატი ასპირინ კარდიოÒ უკუნაჩვენებია ღვიძლის ფუნქციის მძიმე დარღვევის მქონე პაციენტებისთვის. ასპირინ კარდიო სიფრთხილით გამოიყენება ღვიძლის ფუნქციის დარღვევის მქონე პაციენტებში.
პაციენტები თირკმლის ფუნქციის დარღვევით
პრეპარატი ასპირინ კარდიოÒ უკუნაჩვენებია თირკმლის ფუნქციის მძიმე დარღვევის მქონე პაციენტებისთვის. ასპირინ კარდიოÒ სიფრთხილით გამოიყენება თირკმლის ფუნქციის დარღვევის მქონე პაციენტებში, რადგანაც აცეტილსალიცილის მჟავას მიღებამ შეიძლება გაზარდოს თირკმლის უკმარისობის განვითარების და თირკმლის მწვავე უკმარისობის რისკი.
გვერდითი ეფექტები
ქვემოთ ჩამოთვლილი არასასურველი გვერდითი რეაქციები მიღებული იყო აცეტილსალიცილის მჟავას შემცველი პრეპარატების პოსტმარკეტინგული დაკვირვების მსვლელობაში სპონტანური შეტყობინებების გზით. ამ თვალსაზრისით, მათი წარმოშობის სიხშირე დადგენილი ვერ იქნება. არასასურველი რეაქციები დაჯგუფებულია ორგანოების და ორგანოთა სისტემების დაზიანების მიხედვით. კონკრეტული რეაქციის, მისი სინონიმების და მასთან დაკავშირებული მდგომარეობების კლასიფიკაციისა და აღწერილობისთვის გამოიყენება რეგულატორული საქმიანობისთვის ყველაზე უფრო შესაფერისი ტერმინი სამედიცინო ლექსიკონიდან (MedDRA).
დარღვევები სისხლის და ლიმფატური სისტემის მხრივ: |
ჰემორაგიული ანემიაა, რკინადეფიციტური ანემიაა შესატყვისი კლინიკური და ლაბორატორიული ნიშნებით და სიმპტომებით, ჰემოლიზიბ, ჰემოლიზური ანემიაბ. |
იმუნური სისტემის დარღვევები: |
ჰიპერმგრძნობელობა, წამლის აუტანლობა, ალერგიული შეშუპება და ანგიონევროზული შეშუპება („კვინკეს შეშუპება“), ანაფილაქტური რეაქციები, ანაფილაქტური შოკი შესაბამისი ლაბორატორიული და კლინიკური გამოვლინებებით. |
ნერვული სისტემის დარღვევები: |
ჰემორაგიული ინსულტი ან ქალაშიდა სისხლჩაქცევები, თავბრუსხვევა. |
დარღვევები სმენის ორგანოების მხრიდან და ლაბირინთული დარღვევები: |
ყურებში შუილი. |
დარღვევები გულის მხრიდან: |
კარდიო-რესპირატორული დისტრეს-სინდრომიგ. |
სისხლძარღვთა სისტემის დარღვევები: |
ჰემორაგია, ოპერაციული სისხლდენები, ჰემატომები, კუნთებშორისი სისხლჩაქცევები. |
დარღვევები სასუნთქი სისტემის, გულმკერდის ორგანოებისა და შუასაყარის მხრივ: |
ცხვირიდან სისხლდენა, ანალგეტიკური ასთმატური სინდრომი (ბრონქოსპაზმი), რინიტი, ცხვირის დაცობა. |
დარღვევები კუჭ-ნაწლავის ტრაქტის მხრივ: |
დისპეფსია, კუჭ-ნაწლავის ტრაქტში ტკივილი, მუცლის ტკივილი, ღრძილებიდან სისხლდენა, კუჭ-ნაწლავის ტრაქტის ანთება, კუჭ-ნაწლავის ტრაქტიდან სისხლდენა, კუჭის ლორწოვანი გარსის და თორმეტგოჯა ნაწლავის წყლულები, კუჭის ლორწოვანი გარსის და თორმეტგოჯა ნაწლავის პერფორირებული წყლულები (შესატყვისი კლინიკური სიმპტომებით და ლაბორატორიული ცვლილებებით). |
დარღვევები ღვიძლის და ნაღველგამომყოფი არხების მხრივ: |
ღვიძლის ფუნქციის დარღვევა, ღვიძლის ტრანსამინაზების აქტივობის მომატება. |
დარღვევები კანის და კანქვეშა ქსოვილის მხრივ: |
კანზე გამონაყარი, კანის ქავილი, ჭინჭრის ციება. |
დარღვევები თირკმელების და შარდის გამომყოფი სისტემის მხრივ: |
საშარდე გზებიდან სისხლდენა, თირკმლის ფუნქციის დარღვევად, თირკმლის მწვავე უკმარისობად. |
ტრავმები, ინტოქსიკაციები და მანიპულაციების გართულებები: |
იხილეთ „ჭარბი დოზირება“ |
ა - დაკავშირებულია სისხლდენასთან;
ბ - დაკავშირებულია გლუკოზა-6-ფოსფატდეჰიდროგენაზას დეფიციტის მძიმე ფორმებთან;
გ - დაკავშირებულია მძიმე ალერგიულ რეაქციებთან;
დ - პაციენტებთან თირკმლის ფუნქციის დარღვევით ან გულ-სისხლძარღვთა სისტემის დარღვევებით, რომლებიც მათ გააჩნდათ პრეპარატით ასპირინ კარდიო® მკურნალობის დაწყებამდე.
ჭარბი დოზირება
სალიცილატური ინტოქსიკაცია (ვითარდება ორ დღეზე მეტი დროის მანძილზე ასმ-ის 100 მგ/კგ/დღე-ღამეში დოზით მიღების შემთხვევაში) შეიძლება წარმოიშვას პრეპარატის ტოქსიკური დოზების ხანგრძლივად მიღების შედეგად პრეპარატის არასწორი თერაპიული გამოყენების ფარგლებში (ქრონიკული ინტოქსიკაცია); ან გამოწვეული იყოს მოზრდილების ან ბავშვის მიერ პრეპარატის გადაჭარბებული დოზის შემთხვევით ან განზრახ მიღებით (მწვავე ინტოქსიკაცია).
სალიცილის მჟავით გამოწვეული ქრონიკული ინტოქსიკაციის სიმპტომები არასპეციფიკურია და ხშირად მათი დიაგნოსტირება რთულია. მსუბუქი სიმძიმის ინტოქსიკაცია ჩვეულებრივ ვითარდება მხოლოდ პრეპარატის ჭარბი დოზების არაერთგზისი გამოყენების შემდეგ და ვლინდება თავბრუსხვევის, ვერტიგოს, ყურებში ხმაურის, სმენის დაქვეითების, ჭარბოფლიანობის, გულისრევის და ღებინების, თავის ტკივილის და გონების დაბინდვის სახით. აღნიშნული სიმპტომები ქრება პრეპარატის დოზის შემცირების შემდეგ. ყურებში ხმაური შეიძლება გაჩნდეს სისხლის პლაზმაში ასმ-ის 150-დან 300 მგკ/მლ-მდე კონცენტრაციის არსებობის შემთხვევაში. უფრო მძიმე სიმპტომები ვლინდება სისხლის პლაზმაში ასმ-ის 300 მგკ/მლ-ზე მეტი კონცენტრაციის არსებობის შემთხვევაში.
მწვავე ინტოქსიკაციის მთავარი გამოვლინებაა მჟავა-ტუტოვანი მდგომარეობის მძიმე დარღვევა, რომელიც შეიძლება განსხვავდებოდეს ავადმყოფის ასაკის და მოწამვლის სიმძიმის ხარისხის მიხედვით. ბავშვებში მოწამვლის ყველაზე უფრო ტიპიურ სიმპტომს წარმოადგენს მეტაბოლური აციდოზის განვითარება. ვინაიდან კუჭის შენელებულმა დაცლამ, კონკრემენტების წარმოქმნამ ან კუჭის წვენის მიმართ მდგრადი პრეპარატების მიღებამ შეიძლება შეამციროს ასმ-ის შეწოვის სიჩქარე, ამიტომ შეუძლებელია ინტოქსიკაციის სიმძიმის ხარისხზე მსჯელობა მხოლოდ სისხლის პლაზმაში სალიცილატების კონცენტრაციის ცვლილების მიხედვით.
ინტოქსიკაციის მკურნალობა წარმოებს მიღებული სტანდარტების შესაბამისად და დამოკიდებულია მოწამვლის სიმძიმის ხარისხსა და კლინიკურ სურათზე და უმთავრესად მიმართული უნდა იყოს ორგანიზმიდან პრეპარატის გამოყვანის დაჩქარებაზე, წყალ-ელექტროლიტური ბალანსის და მჟავა-ტუტოვანი მდგომარეობის აღდგენაზე.
ქვემოთ მოყვანილია სიმპტომები და ლაბორატორიული მონაცემები სალიცილატებით მოწამვლის შემთხვევაში და თერაპიული დახმარების ზომები.
ჭარბი დოზირების სიმპტომები |
ლაბორატორიული და ინსტრუმენტული მეთოდების მონაცემები |
თერაპიული დახმარების ზომები |
მსუბუქიდან საშუალო ხარისხის სიმძიმემდე |
|
კუჭის ლავაჟი (გამორეცხვა), აქტივირებული ნახშირის მრავალჯერადი მიღება, ფორსირებული ტუტე დიურეზი |
ტახიპნოე, ჰიპერვენტილაცია, რესპირატორული ალკალოზი |
ალკალემია, ალკალურია
|
წყალ-ელექტროლიტური ბალანსის და მჟავა ბაზის მდგომარეობის აღდგენა |
პროფუზული ოფლიანობა |
|
|
გულისრევა, ღებინება |
|
|
საშუალოდან მძიმე ხარისხისხამდე |
|
კუჭის ლავაჟი, აქტივირებული ნახშირის მრავალჯერადი მიღება, ფორსირებული ტუტე დიურეზი; მძიმე შემთხვევებში ჰემოდიალიზი |
რესპირატორული ალკალოზი კომპენსატორულ მეტაბოლურ აციდოზთან |
აციდემია, აციდურია
|
წყალ-ელექტროლიტური ბალანსის და მჟავა ბაზის მდგომარეობის აღდგენა |
ჰიპერპირექსია (სხეულის უაღრესად მაღალი ტემპერატურა) |
|
წყალ-ელექტროლიტური ბალანსის და მჟავა ბაზის მდგომარეობის აღდგენა |
სუნთქვის დარღვევა: ჰიპერვენტილაცია, ფილტვების არაკარდიოგენური შეშუპება, სუნთქვის დათრგუნვა, ასფიქსია |
|
|
დარღვევები გულ-სისხლძარღვთა სისტემის მხრიდან: გულის რიტმის დარღვევა, არტერიული ჰიპოტენზია, გულისცემის დათრგუნვა |
არტერიული წნევის, ელექტროკარდიოგრამის ცვლილება
|
|
წყალ-ელექტროლიზური ბალანსის დარღვევა: დეჰიდრატაცია, თირკმელების ფუნქციის დარღვევა ოლიგურიიდან თირკმლის უკმარისობის განვითარებამდე |
ჰიპოკალიემია, ჰიპერნატრიემია, ჰიპონატრიემია, თირკმელების ფუნქციის დარღვევა
|
წყალ-ელექტროლიტური ბალანსის და მჟავა ბაზის მდგომარეობის აღდგენა |
გლუკოზის მეტაბოლიზმის დარღვევა, კეტოზი |
ჰიპერგლიკემია, ჰიპოგლიკემია (განსაკუთრებით ბავშვებში), კეტოაციდოზი |
|
ყურებში ხმაური, სიყრუე |
|
|
კუჭ-ნაწლავის ტრაქტიდან სისხლდენა |
|
|
ჰემატოლოგიური დარღვევები: თრომბოციტების აგრეგაციის ინჰიბირებიდან კოაგულოპათიამდე |
პროთრომბინის დროის გახანგრძლივება, ჰიპოპროთრომბინემია
|
|
ნევროლოგიური დარღვევები: ტოქსიკური ენცეფალოპათია და ცენტრალური ნერვული სისტემის (ცნს) ფუნქციის დათრგუნვა (ძილიანობა, გონების დაბინდვა, კომა, კრუნჩხვები) |
|
|
ურთიერთქმედება სხვა სამკურნალო საშუალებებთან ან/და საკვებ პროდუქტებთან
ერთდროული მიღებისას ასმ აძლიერებს შემდეგი სამკურნალო პრეპარატების მოქმედებას:
- მეტოტრექსატს - თირკმლის კლირენსის დაქვეითებისა და პლაზმის ცილებთან კავშირიდან გამოთავისუფლების გამო; პრეპარატი ასპირინ კარდიო®-ს გამოყენება მეტოტრექსატთან ერთად უკუნაჩვენებია, თუ ამ უკანასკნელის დოზა კვირაში 15 მგ-ს აჭარბებს (იხილეთ „უკუჩვენება“) და სიფრთხილით მიიღება მეტოტრექსატის კვირაში 15 მგ-ზე ნაკლები დოზის დანიშვნის შემთხვევაში;
- ჰეპარინის და არაპირდაპირი ანტიკოაგულანტების - თრომბოციტების ფუნქციის დარღვევისა და არაპირდაპირი ანტიკოაგულანტების პლაზმის ცილებთან კავშირიდან გამოთავისუფლების გამო;
- ანტიკოაგულანტებთან, თრომბოლიზურ და ანტიაგრეგანტულ საშუალებებთან ერთდროული მიღების შემთხვევაში აღინიშნება სისხლდენის რისკის ზრდა გამოყენებული პრეპარატების ძირითადი თერაპიული ეფექტების სინერგიზმის შედეგად;
- ანტიკოაგულაციური, თრომბოლიზური ან ანტიაგრეგაციული მოქმედების მქონე პრეპარატებთან ერთდროული გამოყენების შემთხვევაში აღინიშნება კუჭ-ნაწლავის ტრაქტის ლორწოვანი ზედაპირის დაზიანების გაძლიერება;
- სეროტონინის უკუმიტაცების სელექტიური ინჰიბიტორების, რამაც შეიძლება გაზარდოს სისხლდენის განვითარების რისკი საჭმლის მომნელებელი სისტემის ზედა ნაწილებიდან (სინერგიზმი ასმ-თან);
- დიგოქსინის - მისი თირკმლისმიერი ექსკრეციის დაქვეითების გამო, რასაც შესაძლოა მოჰყვეს მისი ჭარბი დოზირება;
- დიაბეტის საწინააღმდეგო პრეპარატების (ინსულინისა და სულფონილშარდოვანას წარმოებულების) მაღალ დოზებში თვითონ ასმ-ს ჰიპოგლიკემიური მახასიათებლების გამო და სულფონილშარდოვანას წარმოებულების პლაზმის ცილებთან კავშირიდან გამოთავისუფლების შედეგად;
- ვალპროის მჟავას - მისი ცილებთან კავშირიდან გამოთავისუფლების გამო მატულობს მისი ტოქსიკურობა;
- ანთების საწინააღმდეგო არასტეროიდული პრეპარატების (ასაპ) (ულცეროგენული ეფექტისა და კუჭ-ნაწლავის ტრაქტიდან სისხლდენის რისკის ზრდა მოქმედების სინერგიზმის შედეგად);
- ეთანოლის (ალკოჰოლური სასმელები) (კუჭ-ნაწლავის ტრაქტის ლორწოვანი გარსის დაზიანების და სისხლდენის გახანგრძლივების მაღალი რისკი ასმ-ის და ეთანოლის ეფექტების ურთიერთგაძლიერების შედეგად).
დიდი დოზებით ასმ-ის ერთდროული მიღებისას შეიძლება შესუსტდეს შემდეგი სამკურნალო პრეპარატების მოქმედება:
- ნებისმიერი დიურეზულები (ასმ-ის დიდი დოზების ერთდროული მიღებისას აღინიშნება გორგლოვანი ფილტრაციის სიჩქარის შემცირება თირკმელებში პროსტაგლანდინების სინთეზის შემცირების შედეგად);
- ანგიოტენზინ-გარდამქმნელი ფერმენტის ინჰიბიტორები (აგფ) (აღინიშნება გორგოლოვანი ფილტრაციის სიჩქარის (გფს) დოზადამოკიდებული შემცირება სისხლძარღვთა გამაფართოებელი ეფექტის მქონე პროსტაგლანდინების სინთეზის ინჰიბირების შედეგად და შესაბამისად, ჰიპოტენზიური მოქმედების შესუსტება);
- ურიკოზურული მოქმედების პრეპარატები - ბენზბრომარონი, პრობენეციდი (ურიკოზურული ეფექტის შემცირება შარდმჟავას თირკმლისმიერი ტუბულარული ექსკრეციის კონკურენტული დათრგუნვის შედეგად).
იბუპროფენთან და ნაპროქსენთან ერთდროული გამოყენებისას (ერთი დღის მანძილზე) აღინიშნება ანტაგონიზმი ასმ-ის მოქმედებით განპირობებული თრომბოციტების ფუნქციის შეუქცევადად დათრგუნვასთან. აღნიშნული ეფექტის კლინიკური გამოცდილება ცნობილი არ არის. ასმ-ის კარდიოპროტექტორული ეფექტების შესაძლო შემცირების გამო არ არის რეკომენდებული აცეტილსალიცილის მჟავასა და იბუპროფენის ერთდროული დანიშვნა გულ-სისხლძარღვთა დაავადებების მაღალი რისკის მქონე პაციენტებისთვის.
სისტემურ გლუკოკორტიკოსტეროიდებთან (გკს) ერთდროული გამოყენებისას აღინიშნება სალიცილატების ელიმინაციის გაძლიერება და შესაბამისად, მათი მოქმედების შესუსტება (გამონაკლისია ჰიდროკორტიზონი ან სხვა გკს, რომელიც გამოიყენება ჩანაცვლებითი თერაპიისთვის ადისონის დაავადების დროს). გლუკოკორტიკოსტეროიდებისა და სალიცილატების ერთდროული მიღებისას პლაზმაში მცირდება სალიცილატების დონე, ხოლო გლუკოკორტიკოსტეროიდების მოხსნის შემდეგ შესაძლოა განვითარდეს სალიცილატების დოზის გადაჭარბება.
განსაკუთრებული მითითებები
პრეპარატი ასპირინ კარდიო® სიფრთხილით გამოიყენება შემდეგი მდგომარეობის დროს:
- გაძლიერებული მგრძნობელობა ანალგეზიურების, ანთების საწინააღმდეგო პრეპარატების, ანტირევმატული საშუალებების მიმართ, აგრეთვე, ალერგიული რეაქციები სხვა ნივთიერებებზე.
- ანამნეზში კუჭ-ნაწლავის ტრაქტის ეროზიულ-წყლულოვანი დაზიანებების არსებობა, მათ შორის, კუჭ-ნაწლავის ტრაქტის ქრონიკული და მორეციდივე დაზიანებები ან კუჭ-ნაწლავიდან სისხლდენები ანამნეზში.
- ანტიკოაგულანტებთან ერთდროული მიღება (იხილეთ „ურთიერთქმედება სხვა სამკურნალო საშუალებებთან ან/და საკვებ პროდუქტებთან“).
- თირკმელების ფუნქციის დარღვევის ან სისხლის მიმოქცევის დარღვევის დროს, რომლებიც წარმოიქმნება თირკმლის არტერიების ათეროსკლეროზის, გულის შეგუბებითი უკმარისობის, ჰიპოვოლემიის, ფართო ქირურგიული ჩარევის, სეფსისის შედეგად ან მასიური სისხლდენის შემთხვევაში, რადგანაც ყველა ზემოთჩამოთვლილ შემთხვევაში აცეტილსალიცილის მჟავა ზრდის თირკმლის მწვავე უკმარისობის განვითარებისა და თირკმელების ფუნქციის დარღვევის რისკს.
- გლუკოზო-6-ფოსფატ-დეჰიდროგენაზას დეფიციტის მძიმე ფორმების დროს აცეტილსალიცილის მჟავამ შეიძლება გამოიწვიოს ჰემოლიზი და ჰემოლიტური ანემია. ჰემოლიზის განვითარების რისკ-ფაქტორებს წარმოადგენენ ციება, მწვავე ინფექციები და პრეპარატის ჭარბი დოზები.
- ღვიძლის ფუნქციის დარღვევის დროს.
- ზოგიერთი ანთების საწინააღმდეგო არასტეროიდული პრეპარატის (აასპ) (იბუფროფენის, ნაპროქსენის) გამოყენებამ შეიძლება შეასუსტოს აცეტილსალიცილის მჟავას ინჰიბიტორული მოქმედება თრომბოციტების აგრეგაციაზე. პაციენტებმა, რომლებიც იყენებენ აცეტილსალიცილის მჟავას (ასმ) და დაგეგმილი აქვთ ანთების საწინააღმდეგო არასტეროიდული პრეპარატების მიღება (აასპ), კონსულტაციისთვის უნდა მიმართონ მკურნალ ექიმს (იხილეთ „ურთიერთქმედება სხვა სამკურნალო საშუალებებთან ან/და საკვებ პროდუქტებთან“).
- აცეტილსალიცილის მჟავას შეუძლია ბრონქოსპაზმის და ბრონქიალური ასთმის შეტევების პროვოცირება ან ჰიპერმგრძნობელობის სხვა რეაქციების გამოწვევა. რისკის ფაქტორებს წარმოადგენს ანამნეზში ბრონქიალური ასთმის, თივისმიერი ცხელების, ცხვირის პოლიპოზის, სასუნთქი სისტემის ქრონიკული დაავადებების არსებობა, და აგრეთვე, ალერგიული რეაქციები სხვა პრეპარატებზე (მაგალითად, კანის რეაქციები, ქავილი, ჭინჭრის ციება).
- აცეტილსალიცილის მჟავას ინჰიბიტორული მოქმედება თრომბოციტების აგრეგაციაზე შენარჩუნებულია პრეპარატის მიღებიდან რამდენიმე დღის განმავლობაში, რაც ზრდის სისხლდენის რისკს ოპერატიული ჩარევის დროს ან ოპერაციის შემდგომ პერიოდში (მცირე ქირურგიული ოპერაციების ჩათვლით, მაგალითად, კბილის ექსტრაქცია).
- აცეტილსალიცილის მჟავას მცირე რაოდენობაც კი ამცირებს შარდმჟავას ექსკრეციას, რაც შეიძლება გახდეს პოდაგრის შეტევის მიზეზი ამ დაავადებისაკენ მიდრეკილ პაციენტებში.
- აცეტილსალიცილის მჟავას დოზის გადაჭარბება დაკავშირებულია კუჭ-ნაწლავის ტრაქტიდან სისხლდენის რისკთან.
- ჭარბი დოზის მიღება განსაკუთრებით საშიშია ხანდაზმული ასაკის პაციენტებისთვის.
გავლენა ავტომობილის/მოძრავი მექანიზმების მართვაზე
ასპირინ კარდიო® არ ახდენს გავლენას ავტომობილის/მოძრავი მექანიზმების მართვაზე.
გამოშვების ფორმა
ნაწლავში ხსნადი გარსით დაფარული ტაბლეტები 100 მგ:
10 ან 14 ტაბლეტი ალუმინის/პვქ ბლისტერზე. 2 ბლისტერი თითოზე 10 ტაბლეტი ან 2, 4 ან 7 ბლისტერი თითოზე 14 ტაბლეტი სამედიცინო გამოყენების ინსტრუქციასთან ერთად მუყაოს კოლოფში.
ნაწლავში ხსნადი გარსით დაფარული ტაბლეტები 300 მგ:
10 ან 14 ტაბლეტი ალუმინის/პვქ ბლისტერზე. 2 ბლისტერი თითოზე 10 ტაბლეტი ან 2 ან 4 ბლისტერი თითოზე 14 ტაბლეტი სამედიცინო გამოყენების ინსტრუქციასთან ერთად მუყაოს კოლოფში.
შენახვის პირობები
ინახება არაუმეტეს 25°C ტემპერატურაზე, ბავშვებისთვის მიუწვდომელ ადგილას!
სიფრთხილის ზომები გამოუყენებელი პრეპარატის განადგურებისას
არ საჭიროებს
ვარგისობის ვადა
5 წელი. არ გამოიყენოთ ვარგისობის ვადის გასვლის შემდეგ.
გაცემის წესი
ფარმაცევტული პროდუქტის ჯგუფი III, გაიცემა რეცეპტის გარეშე.
იურიდიული პირი, ვის სახელზეც გაცემულია სარეგისტრაციო მოწმობა
ბაიერ კონსიუმერ კერ აგ, პიტერ მერიან შტრასსე 84, 4052 ბაზელი, შვეიცარია.
Bayer Consumer Care AG, Peter Merian-Strasse 84, 4052 Basel, Switzerland.
მწარმოებლები
შუალედური წამლის ფორმის მწარმოებელი
Bayer AG, Kaiser-Wilhelm-Allee, 51368 Leverkusen, Germany.
პირველადი შეფუთვა
ბაიერ ბიტერფელდ გმბჰ, ორტშტეილ გრეპპინ, სალეგასტერ შოსე 1, 06803 ბიტერფელდ-ვოლფენი, გერმანია.
Bayer Bitterfeld GmbH, Ortsteil Greppin, Salegaster Chaussee 1, 06803 Bitterfeld-Wolfen, Germany.
მეორეული/სამომხმარებლო შეფუთვა
ბაიერ ბიტერფელდ გმბჰ, ორტშტეილ გრეპპინ, სალეგასტერ შოსე 1, 06803 ბიტერფელდ-ვოლფენი, გერმანია.
Bayer Bitterfeld GmbH, Ortsteil Greppin, Salegaster Chaussee 1, 06803 Bitterfeld-Wolfen, Germany.
მწარმოებელი (პასუხისმგებელი პროდუქციის ხარისხის კონტროლზე)
ბაიერ ბიტერფელდ გმბჰ, ორტშტეილ გრეპპინ, სალეგასტერ შოსე 1, 06803 ბიტერფელდ-ვოლფენი, გერმანია.
Bayer Bitterfeld GmbH, Ortsteil Greppin, Salegaster Chaussee 1, 06803 Bitterfeld-Wolfen, Germany.
დამატებითი ინფორმაციის მისაღებად და პრეტენზიების შემთხვევაში საჭიროა შემდეგ მისამართზე დაკავშირება:
107113 მოსკოვი, რიბინსკაიას ქ.3, სახლი 18, შენობა 2
ტელ: +7 (495) 231 12 00
ფაქსი: +7 (495) 231 12 02