
ბრომგექსინი 8მგ #50ტ
გააზიარე:
ბრომგექსინი 8მგ #50ტ
ზოგადიდახასიათება
საერთაშორისოქიმიურისახელწოდება: ბრომჰექსინი (N-(2-ამინო-3,5-დიბრომბენზილ)-N-მეთილციკლოჰექსილამინის ჰიდროქლორიდი).
ძირითადიფიზიკურ-ქიმიურითვისებები: თეთრი ფერის ტაბლეტები.
შემადგენლობა
თითოეული ტაბლეტი შეიცავს ბრომჰექსინს ჰიდროქლორიდს 0.008 გ;
დამხმარე ნივთიერებები: შაქარი ან შაქარი რაფინადი, კარტოფილის სახამებელი, კალციუმის სტეარატი.
გამოშვებისფორმა: ტაბლეტები.
ფარმაკოთერაპიულიჯგუფი
ხველისა და გაციების დაავადებების დროს გამოყენებადი საშუალებები.
ფარმაკოლოგიურითვისებები
პრეპარატი ავლენს მუკოლიზურ (სეკრეტოლიზურ) და ამოსახველებელ მოქმედებას. მუკოლიზური ეფექტი დაკავშირებულია მუკოპროტეინული და მუკოპოლისაქარიდული ბოჭკოების დეპოლიმერიზაციასა და გათხელებასთან. ბრომჰექსინის მოქმედების ერთ-ერთ მნიშვნელოვან თვისებას წარმოადგენს მისი სურფაქტანტის წარმოქმნის უნარი – ლიპიდო-ცილა-მუკოპოლისაქარიდული ბუნების ზედაპირულ-აქტიური ნივთიერებისა, რომელიც სინთეზირდება ალვეოლის უჯრედებში. სურფაქტანტის ბიოსინთეზი ირღვევა ბრონქებისა და ფილტვების სხვადასხვა დაავადებების დროს. უკანასკნელი იწვევს ალვეოლარული უჯრედების სტაბილურობის დარღვევას და მათი რეაქციის შესუსტებას არასასურველი ფაქტორების მიმართ. პრეპარატს ასევე გააჩნია ხველის საწინააღმდეგო უმნიშვნელო მოქმედება.
ფარმაკოკინეტიკა
პერორალური მიღების შემდეგ ბრომჰექსინი თითქმის მთლიანად აბსორბირდება კუჭ-ნაწლავის ტრაქტში და გამოიყოფა შარდთან ერთად ძირითადად უცვლელი სახით. ძირითად აქტიურ მეტაბოლიტს წარმოადგენს ამბროქსოლი. პრეპარატის ბიოშეღწევადობა – დაახლოებით 80%-ია, რაც დაკავშირებულია ღვიძლში „პირველი გავლის” ეფექტთან. სისხლის შრატში მაქსიმალური კონცენტრაცია მიიღწევა პრეპარატის მიღებიდან ერთ საათში. ნახევარდაშლის პერიოდი შეადგენს 4-5 საათს. ბრომჰექსინი აღწევს ჰემატოენცეფალურ და პლაცენტარულ ბარიერში, ვლინდება დედის რძეში. უცვლელი სახით შარდთან ერთად გამოიყოფა პრეპარატის მხოლოდ უმნიშვნელო ნაწილი.
გამოყენებისჩვენებები
მწვავე ბრონქიტი, ქრონიკული ბრონქიტი ბრონქოობსტრუქციის არსებობით ან არარსებობით, გაურთულებელი ან გართულებული ბრონქოექტაზია, ბრონქული ასთმა, სუნთქვის ორგანოების ტუბერკულოზის პირველადი ან მეორადი ფორმები, ფილტვების ქრონიკული ობსტრუქციული დაავადებები, მწვავე მტკივნეული პნევმონია, მწვავე გაურთულებელი უმტკივნეულო პნევმონია, მძიმე და გართულებული ფორმის მწვავე პნევმონია. პრეპარატის გამოყენება ასევე შეიძლება ბრონქული ხის სანაციისათვის წინასაოპერაციო პერიოდში, ასევე ოპერაციის შემდეგ ბრონქებში სქელი ბლანტი სისველის დაგროვების ასარიდებლად. ასევე ინიშნება ბრონქოგრაფიის შემდეგ კონტრასტული ნივთიერების გამოყოფის დასაჩქარებლად.
გამოყენებისწესიდადოზები
პრეპარატი მიიღება შიგნით საკვების მიღებისგან დამოუკიდებლად.
მოზრდილებში ინიშნება 0.016 გ (16 მგ = 0.008 გ 2 ტაბლეტს) 3-4-ჯერ დღეში; 3-დან 4 წლამდე ასაკის ბავშვებში – 0.002 გ (2 მგ), 5-დან 14 წლამდე – 0.004 გ (4 მგ) 3-ჯერ დღეში. მკურნალობის კურსი 4 დღიდან 4 კვირამდე.
გვერდითიმოქმედება
პრეპარატი ჩვეულებრივ კარგი ამტანობით ხასიათდება. ცალკეულ შემთხვევებში შესაძლებელია ალერგიული რეაქციები (გამონაყარი კანზე, რინიტი და სხვ.). იშვიათად აღინიშნება კუჭ-ნაწლავის დარღვევები. ზოგჯერ შესაძლოა გამოვლინდეს სისხლის შრატის ტრანსამინაზების დროებითი მომატება, მაგრამ პრეპარატის შემდგომი გამოყენებისას იგი მცირდება.
უკუჩვენებები
ორსულობის I ტრიმესტრი, ლაქტაცია, ჰიპერმგრძნობელობა ბრომჰექსინის მიმართ.
3 წლამდე ასაკის ბავშვებში პრეპარატი არ ინიშნება დოზირების სირთულის გამო.
ურთიერთქმედებასხვასამკურნალოსაშუალებებთან
ბრომჰექსინის დანიშვნა შეიძლება კომბინაციაში ბრონქოდილატატორებთან, ანტიბაქტერიულ პრეპარატებთან, კარდიოლოგიაში გამოსაყენებელ პრეპარატებთან და სხვა სამკურნალო საშუალებებთან.
ბრომჰექსინი არ გამოიყენება კოდეინის შემცველ სხვა პრეპარატებთან ერთად, ვინაიდან ეს ართულებს გათხელებული ნახველის ამოხველებას.
ბრომჰექსინი შეუთავსებელია ტუტე ხსნარებთან.
განსაკუთრებული მითითებები
კუჭის წყლულოვანი დაავადებისას, ასევე კუჭიდან სისხლდენების შესაძლებლობის შემთხვევაში ბრომჰექსინი გამოყენებული უნდა იყოს ექიმის კონტროლის ქვეშ.
ბავშვებში მკურნალობა უნდა შეუთავსდეს გულმკერდის პოსტურალურ დრენაჟსა და ვიბრაციულ მასაჟს, რომელიც აადვილებს ბრონქებიდან სეკრეტის ევაკუაციას.
ორსულობის დროს ბრომჰექსინი გამოიყენება იმ შემთხვევებში, როდესაც დედისათვის სავარაუდო სარგებელი აღემატება ნაყოფისათვის პოტენციურ რისკს.
შენახვისპირობებიდავადები
ინახება მშრალ, სინათლისაგან დაცულ და ბავშვებისათვის მიუწვდომელ ადგილას.
ვარგისობის ვადა – 3 წელი.
გაცემისპირობები
რეცეპტის გარეშე.