დე-ნოლი 120მგ #112ტ

~~58.30 ლარი~~ 54.80 ლარი

ფარმაკოლოგიური ჯგუფი: წყლულის საწინააღმდეგო საშუალებები

ქვეყანა: ნიდერლანდები

მწარმოებელი: ასტელას ფარმა ნიდერლანდ

ჯენერიკი: Bismuth subcitrate(tripotassium dicitrat

გაცემის ფორმა: III ჯგუფი ურეცეპტო

კოდი: 179

გააზიარე:

შეუკვეთე

დაამატე სააფთიაქო თაროზე

ანოტაცია
სად შევიძინო

დე-ნოლი
De-Nol

საერთაშორისო დასახელება (აქტიური ნივთიერება) - bismuthate tripotassium dicitrate
ათქ.კლასიფიკაციის კოდი - A02BX05

შემადგენლობა და გამოშვების ფორმა
120მგ გარსით დაფარული ტაბლეტი #112

თითოეული ტაბლეტი შეიცავს:
აქტიური ნივთიერება: ბისმუტის ტრიკალიუმ დიციტრატი – 304.6 მგ ბისმუტის ოქსიდზე Bi₂O₃ - 120 მგ გადათვლით.
დამხმარე ნივთიერებები:
სიმინდის სახამებელი, პოვიდონი K30, კალიუმის პოლიაკრილატი, მაკროგოლი 6000, მაგნიუმის სტეარატი.
გარსი:
ოპადრი OY-S-7366, შეიცავს: ჰიპრომელოზა და მაკროჰოლი 6000

აღწერილობა:
მრგვალი, ორმხრივამოზნექილი, კრემისფერ-თეთრი ფერის გარსით დაფარული ტაბლეტები, ამოტვიფრული წარწერით “gbr 152”, ერთ მხარეს, კვადრატის ფორმის ამოტვიფრული წყვეტილი გვერდებით და მომრგვალებული კუთხეებით გრაფიკული ნახატით, მეორე მხარეს, უსუნო ან ამიაკის სუსტი სუნით.

ფარმაკოლოგიური თვისებები
ფარმაკოდინამიკა
Helicobacter pylori-ს მიმართ ბაქტერიოციდული აქტივობის მქონე კუჭისა და თორმეტგოჯა ნაწლავის წყლულის საწინააღმდეგო საშუალება. გააჩნია ასევე ანთების საწინააღმდეგო და შემახორცებელი მოქმედება. კუჭის მჟავე გარემოში ილექება უხსნადი ბისმუტის ოქსიქლორიდი და ციტრატი, რომლებიც წყლულების და ეროზიების ზედაპირზე დამცავი აპკის სახით წარმოქმნიან ქელატურ ნაერთებს ცილის სუბსტრატთან. პროსტაგლანდინ E-ს სინთეზის გაძლიერება, ჰიდროკარბონატის სეკრეციის და ლორწოვანის წრამოქმნა, ასტიმულირებს ციტოპროტექტული მექანიზმების აქტივობას, ზრდის კუჭ-ნაწლავის ტრაქტის ლორწოვანი გარსის მდგრადობას პეფსინის, მარილმჟავას, ფერმენტების და ნაღვლის მჟავების მარილების მოქმედების მიმართ. დეფექტის ზონაში იწვევს ზრდის ეპიდერმული ფაქტორის დაგროვებას. ამცირებს პეფსინის და პეფსინოგენის აქტივობას

ფარმაკოკინეტიკა
ბისმუტის სუბციტრატი პრაქტიკულად არ შეიწოვება კუჭ-ნაწლავის ტრაქტიდან. გამოიყოფა უპირატესად ფეკალური მასებით. პლაზმაში მოხვედრილიBბისმუტის უმნიშვნელო რაოდენობა ორგანიზმიდან გამოიყოფა თირკმელებით.

ჩვენებები
კუჭისა და თორმეტგოჯა ნაწლავის წყლულოვანი დაავადება გამწვავების ფაზაში, მათ შორის Helicobacter pylori- თან ასოცირებული.
ქრონიკული გასტრიტი და გასტროდუოდენიტი გამწვავების ფაზაში, მათ შორის Helicobacter pylori- თან ასოცირებული.
გაღიზიანებული ნაწლავის სინდრომი, რომელიც მიმდინარეობს უპირატესად დიარეით.
ფუნქციური დისპეფსია, რომელიც არ არის დაკავშირებული კუჭ-ნაწლავის ტრაქტის დავაადებებთან.

მიღების წესები და დოზები
მოზრდილებში და 12 წელზე უფროსი ასაკის ბავშვებში ინიშნება 1 ტაბლეტი 120 მგ დღეში 4-ჯერ საკვების მიღებამდე 30 წუთით ადრე და ღამით, ან 2 ტაბლეტი 120 მგ დღეში 2-ჯერ.
4-12 წლის ასაკის ბავშვებში პრეპარატი ინიშნება 8 მგ/კგ/დღე გადათვლით. ბავშვის სხეულის მასაზე დამოკიდებულების მიხედვით ნიშნავენ 1-3 ტაბლეტს დღეში (შესაბამისად 1-3 მიღება დღეში). ამასთან სადღეღამისო დოზა მეტნაკლებად ახლოს უნდა იყოს გადათვლით დოზასთან (8 მგ/კგ/დღე).
ტაბლეტები ინიშნება ჭამამდე 30 წუთით ადრე წყლის მცირე რაოდენობასთან ერთად.
მკურნალობის კურსის ხანგრძლივობა არის 4-8 კვირა. შემდეგი 8 კვირის განმავლობაში არ შეიძლება ბისმუტის შემცველი პრეპარატების მიღება. Helicobacter pylori- ის ერადიკაციისთვის მიზანშეწონილია დე-ნოლის მიღება სხვა ანტიბაქტერიულ საშულებებთან ერთად, რომლებსაც გააჩნიათ ანტიჰელიკობაქტერიული აქტივობა

გვერდითი მოვლენები
კუჭ-ნაწლავის სისტემის მხრივ: შესაძლებელია გამოვლინდეს გულისრევა, ღებინება, კუჭის მოქმედების გახშირება, ყაბზობა. ეს გამოვლინებები არ არის ჯანმრთელობისთვის სახიფათო და ატარებს დროებით ხასიათს. ალერგიული რეაქციები: კანის გამონაყარი, ქავილი.
მაღალი დოზებით ხანგრძლივი გამოყენებისას – ენცეფალოპათია, რომელიც დაკავშირებულია ცენტრალურ ნერვულ სისტემაში ბისმუტის დაგროვებასთან.

უკუჩვენება
თირკმელების ფუნქციის გამოხატული დარღვევა, ორსულობა, ლაქტაცია, პრეპარატის ინივიდუალური აუტანლობა.

განსაკუთრებული მითითებები
არ შეიძლება პრეპარატის მიღება 8 კვირაზე ხანგრძლივად. ასევე არ არის რეკომენდებული დადგენილი სადღეღამისო დოზების გადაჭარბება მოზარდებში და ბავშვებში. დე-ნოლით მკურნალობის პერიოდში არ შეიძლება ბისმუტის შემცველი სხვა პრეპარატების მიღება. კურსის დამთავრებისას რეკომენდირებული დოზებით მკურნალობისას აქტიური მოქმედი ნივთიერების კონცენტრაცია სისხლის პლაზამში არ აჭარბებს 3-58 მკგ/ლ-ს, ხოლო ინტოქსიკაცია შეიმჩნევა მხოლოდ 100 მკგ/ლ კონცენტრაციის ზევით.
დე-ნოლის მიღებისას ბისმუტის სულფიტის წარმოქმნის შედეგად შესაძლებლია განავლის გამუქება. ხანდახან აღინიშნება ენის უმნიშვნელო გამუქებაც.

ჭარბი დოზირება
პრეპარატის დოზის გადაჭარბებამ, რომელიც გამოწვეულია პრეპარატის ხანგრძლივი მიღებით, შეიძლება გამოიწვიოს თირკმელების ფუნქციის დარღვევა. ეს სიმპტომები აბსოლუტურად შექცევადია დე-ნოლის მოხსნისას.
პრეპარატით მოწამვლის ნიშნების გამოვლენისთანავე აუცილებელია კუჭის ამორეცხვა, გააქტივებული ნახშირის და მარილოვანი საფაღარათოების მიღება. შემდგომში უნდა გაგრძელდეს სიმპტომატური მკურნალობა. თირკმელების ფუნქციის დარღვევის შემთხვევაში, რომელსაც თან ახლავს სისხლის პლაზმაში ბისმუტის დონის მომატება, შეიძლება კომპლექსწარმომქმნელების – დიმერკაპტოქარვის და დიმერკაპტოპროპანსულფონის მჟავების შეყვანა. თირკმელების ფუნქციის გამოხატული დარღვევის შემთხვევაში ნაჩვენებია ჰემოდიალიზი.

სხვა წამლებთან ურთიერთქმედება
დე-ნოლის მიღებამდე და მისი მიღებიდან ნახევარი საათის განმავლობაში არ არის რეკომენდებული სხვა სამკურნალო საშუალებების შიგნით მიღება, ასევე საკვების და სითხეების, კერძოდ კი ანტაციდების, რძის, ხილის, ასევე ხილის წვენების მიღება. ეს დაკავშირებულია იმასთან რომ მათი ერთობლივი მიღებისას ამ ნივთიერებებმა შეიძლება მოახდინონ ზეგავლენა დე-ნოლის ეფექტურობაზე.

შენახვის პირობები და ვადები
პრეპარატი ინახება არაუმეტეს 25ºC ტემპერატურაზე, ბავშვებისათვის მიუწვდომელ ადგილზე.
შენახვის ვადა 4 წელი. არ შეიძლება პრეპარატის გამოყენება შეფუთვაზე მითითებული შენახვის ვადის გასვლის შემდეგ.

აფთიაქში გაცემის წესი
რეცეპტის გარეშე.

მწარმოებელი ფირმა, ქვეყანა
ასტელას ფარმა იუროპ ბ.ვ.
ნიდერლანდები